رواية الوقوع في الحب الحلقة السابعة عشر 17 بقلم هبوش
 |
| رواية الوقوع في الحب الحلقة السابعة عشر 17 بقلم هبوش |
رواية الوقوع في الحب الحلقة السابعة عشر 17 بقلم هبوش
في المانيا
كان ادم نازل ماشي ياخذ في حاجات من محل تحت
والباب قعد ايخبط صبت جوري تفتح
هيثم/ مساء الخير يا جوري
جوري/ اهلين يادكتور
هيثم/ بلع ارياقه… نعرف ان مش مكان مناسب لسؤالي بس معش شفتك وانا محتاج نصارحك قبل ما امي اتجي لعندكم وياريت اتجاوبيني بصراحة
جوري/ بستغراب… على شنووو
هيثم/ شبحلها بحب… ااانا يااا جووري معجب بيك و يشهد عليا ربي ماعنديش في جو البنات والعلاقات ومن اول ما شفتك خشيتي قلبي وحبيتك
جوري/ ????
هيثم/ طالب منك حاجة وحدة لو كنتي مش مقتنعة بيا ك زوج ارجوك فكري كويس قبل ماتردي عليا ونوعدك لو صار نصيب ناا… قاطعه ادم واقف وراه
ادم/ ايشده بعصبية????… يااااابن*****
جوري/ ????
هيثم/ اااامغير بشواش انا قصدي شريف والله وجاي من الباب
ادم/ زاد عصب ويضربه بوكس ????… وووتعاود فاااهااا يااافااسد و الله نقتلك…
وعيط على جوري…صكري ااام الباب…
خافت جوري وصكرت الباب
ويدعس عليه كيف الثور و هيثم قعد ايبرر في وقفته المسكين مش عارف شن سبب عصبية ادم يحسابه عشان واقف على اخته وياناري كل شوية ايعاودله انه نيته نظيفة وناوي الحلال وادم العداد وصل للصفر ويبدا فيه ضرب???? وسب???? وشتم ????
هيثم/ ايتفادا فيه… تي وسع بااالك يااا راجل شن الغلط اللي درته
ادم/ اااتنابش في مررررتي يااا**** يا **** ????????…
و هيثم طاح من البوكس وحط يده ع خشمه ينزف دم
هيثم/بصدمة… مرررتك جوووري مررررتك!؟؟…
طلعوا امه واخته بعد سمعوا اصواتهم
شافوا هيثم وجه دم طاروا عليه مفزوعين
امه/ تشبحلهم الزوز… شن صاااير كنكم متعاركين…
وهيثم في حالة حزن وقلب مكسور يشبح لادم ايتكلم بعصبية
ادم/ اااسالي االدكتوور المحترم شن اايدير واااقف مع مرررتي
ام هيثم و نجاة/ مررتك????????
هيثم/ صبى وجاء لعنده… كنت فاااهم غلط انا اسف ????????
ام هيثم/ شنو يا هيثم
هيثم/ بحزن… خلاص ياامي خشواا توا نحكيلكم…
وادم شبحله بحمقة فتح باب الشقة وخش خبطه
نجاة/ هذااا كنه و من مرته اللي يحكي عليهااااا
هيثم/تنهد بضيق وخش قدامهم… جوووري ????
نجاة وامه/ ????
نجاة/ جوووري مراته مش ااخته؟!!!
هيثم/ ااوف مووقف زفت انحطيت فيه
…
خذا كلانكس يمسح في خشمه
ام هيثم/ جت قعمزت جنبه… وكيف ماتعرفش هي مرته!!
هيثم/ بضيق… يااامي من وين نعرف عمران قالي مريضة بيجيبها خوها ادير عملية شن… وبتنهيدة… استغر الله العظيم
ام هيثم/ خلاص ماتزعلش روحك تاخذ سؤك
نجاة/ حتى هما غلطانين ليش ماقالت هذا راجلي لما هدرزت معها
هيثم/ معش بنحكوا فيه خطا صار وانتهى الموضوع…
وصبى خش الحمام
ام هيثم/ عليك بخت قبل قلنا اطرب ويبي يتزوج
نجاة/ يانعلي وجعني يبيها و خشت خاطره ????
.
.
بعد خش ادم كانت جوري واقفة متوترة من الموقف
ادم/ بتفنيصة… ااالفرررخ هذا نلقاك فتحتله الباب ولا ايشوفك حتى من بعيد نكسرلك رقبتك…????
ومشى خش داره خبط الباب
و جوري ارتبط اللسانه والتزمت الصمت
قعمزت زعلانة واجعها هيثم و تذكرت شن قاللها وكيف كان الحب في عيونه ????
و في نفس الوقت زعلت من ادم كيف عيط عليها اول مرة اتشوفه عصبي هكي ????
بعد ساعة طلع ادم ماشي للمطبخ شبحها راقدة ع كنبة قرب منها ايتاملها كانت راقدة ضامة رجليها وشعرها مغطي وجها واكتافها جاء قعمز ع الارض ونحي بيده شعرها من على وجهها ونزل باسها بخفة
????❤
ادم/ بصوت ضعيف… سااامحيني وجعتك وكسرت قلبك انتي تستاهلي اللي خير مني بس اني والله ااانحبك و خايف نخسرك ???????? مش متخيل حياتي بدونك…
ونزل راسه بتعب ع حافة الكنبة ويشوف للسقف
و جوري كانت واعية وسمعت كل كلامه قلبها حن عليه وكرامتها منعتها اتنازل وتسامحه عاللي داره في الماضي واللي صار مع غلا جارتهم قعدوا على هالحال
لدقائق بعدها صبى ادم طبس رفعها وخش بيها دارها نزلها ع السرير ونزل باسها وغطاها وطفى الضي وطلع
فتحت جوري عيونها ودمعتها نزلت حارة وتمنت لو ايكون جنبها وترقد في حضنه لولا الحاجز والشرخ اللي بينهم ????
.
…………..????????????????????????????????????
اما اني قعدت نتصل بيامن ونبيه بس يسمعني ويفهم اللي صار حاولت معه بس يامن رفض ايرد عليا واخر شي قفل تلفونه
صكرت الدنيا بوجهي وقعمزت نبكي بقهر لين انبح صوتي خلاص يامن حكم عليا بطلاق وقطع حبل الوصل بينا ????????
حاسبت نفسي تماطلت ماقلتله من الاول وكان الاجدر لو حكيتله كل شي صار????
بعد وقت رجع معاذ دق الباب
انا/ فتحتله… نعمممم
معاذ/ ليش مزلتي قاااعدة هيااا اطلعي براااا
انا/ وين نطلع في هالليل … قاطعني
معاذ/ انخليك للصبح لو ماطلعتي بكرامتك انطلعك من شعرك وحدة كيفك ماتشرفناش ????…
وعاد زاد على ماوصاه معش تحملت اتهامه ليا و اللساني انطلق بروحها ????
انا/ شوووفوااا من يحكي ع ااالشرررف هههههههه لاااا يابابا لو نسيت اانذكرك وين كنت قبل اايااام والعالم كله شهد على فضااايحك
لا اااتكون تحسااب روحك حاجة واوووو لا اصحى اللي كيفك ايتحشم ينطق الشرف باللسانه …
وخبطت الباب في وجه وقفلت على روحي خفت يهجم عليا????
ومعاذ واقف فاتح فمه???? مش متوقع يسمع اللي سمعه و كانه جاه كف على وجه
طلعوا الحاج و صفية بعد سمعوا صوتي عالي والباب خبط
ح سليمان/ بفزع… خيرررر شن فيه كنها وردة
معاذ/ وجه احمر محموق… االكلبة هذه توااا تطلع من االحووش
ح سليمان/ بغضب…اااحترم مرت خوك عيب الكلام هذا
صفية/ شن دااارت ليش اصواتكم طالعة
ح سليمان/ دق ع باب…يااوردة يابنتي اافتحي
معاذ/ ياااحاج البنت مش نظيفة و ياامن توااا طلقهااا بعد عرف حقيقتهاااا
صفية/???? غبااارتي
ح سليمان/ التفتله…شن ااالكلام اللي ااتقول فيه تحشم على وووجهك…
ورجع ايدق ✊✊✊
واني جيت فتحت وعيوني حمر من البكاء
ح سليمان/ خير يااوردة شن صااير
انا/ ببكاء… والله مظلومة يااعمي وقسم بالله مادرت حاجة????????
معاذ/بيتعس عليا شده الحاج…مزززالت تكذب الحية ااانااا…قاطعه
ح سليمان/ دفه…تي صكرررر فمك خلي االبنت تحكي
معاذ/ بعياط…شن بتحكي ااانااا شفتهااا بعيني اتلاقى معه في الكافيات
صفية/ واااك عليااا واااك مع منو
معاذ/ مع صااحبها ااتواعد فيه و زوجها محبوس ماايندري على حاجة … وفنص فيا… تقدري تنكرري ياااخاينة ????
صفية/????????
ح سليمان/ اااستغفر الله العظيم
انا/ بدموع… ياااعمي سكته خليني ااانفهمك ????????
معاذ/ مااتصدقهش يااحا… قاطعه
ح سليمان/ بعياط…خلاااص اااسكت…
وشبحلي… تعالي معاي
معاذ/ ????…
ومشى الحاج خش دار ادم لحقت عليه قعدت مصبية ودموعي خط
ح سليمان/ قعمزي و احكيلي شن قصتكم
انا/ مسحت دموعي وقعمزت… اني نحكيلك من الاول بيش نحطك في الصورة بس والله يا عمي اني بريئة و مادرت حاجة غلط وقسم بالله ظلموني ????????
ح سليمان/ باهي اهدي وحكي بشويش…
انا/ ال… وووووووو….
وقعدت نحكيله و طلعت تلفوني اعطيته ايشوف المسجات والمكالمات من خالد
ح سليمان/ ليش ماجيتي قلتي ايهدد فيك
قبل ماتمشيله
انا/ نزلت راسي…خفت متصدقوش
ح سليمان/ حتى لو احسن ما اتصرفي وحدك واديري حاجة من راسك و كان ماعرفت باللي صار كنتي تعطيه افلوس بيش يسكت صح ولا لا
انا/ ايي ماكنش عندي حل الا هكي????
ح سليمان/ لا هذا مش حل بالعكس هكي تثبتي عليك التهمة
انا/ تنهدت بوجع… مش عارفه شن صارلي اول مرة نكون ضعيفة هك خفت من يامن ????????
ح سليمان/ ان شاءالله كل شي يتصلح ماتخافش
انا/كيف يا عمي ويامن خلاص طلقني ????????
ح سليمان/ اصبري وتحملي توا بعد يعرف الحقيقة ايجي يعتذر منك
انا/ مانبيش يعتذر نبي بس ايصدقني و يعرف اني ماخنتاش????????
ح سليمان/ ايصير خير … وصبى…
معاذ توا اني انفهمه حتى بعد اتشوفيه ماترديش عليه.
انا/ اصلا بنمشي لحوشنا مانقدرش نقعد بعد اللي صار ????????
ح سليمان/ لالا مش ح تمشي لمكان هذا هو حوشك
انا/ بس ياعمي اني طلقت…قاطعني
ح سليمان/ طلاق ماينزلش لو هو معصب
انا/ لا ما كان معصب قالها واثق من روحه يبي ايطلق ????????
ح سليمان/ خليك توا في حوشك ماعليك فيه هيا سلم بنتي امشي دارك و ديري بالك اتردي على حد
انا/ اي باهي…
وصبيت طلعت مع الحاج وكانت صفية مع معاذ يحكيلها باللي شافه
اني خشيت داري و الحاج كلمهم ايجوا لعنده يفهموا القصة كويس
و حتى بعد حكالهم ماقتنعوش و مزال عندهم شك…
قعدت الليل كله واعية مارقدتش واني انفكر في يامن اكيد مضايق و خاطره مكسور ???? وفعلا كان في حالة قعد في سريره حتى بعد نادوا عليه ع العشاء ماباش ولا حتى مشى صلى معهم ???? كملها دخان وخلاص ????
ثاني يوم ماتغير شي تلفونه مقفل واني ماطلعتش من داري و خالد العشية قعد يتصل ويبعث في مسجات فتت مارديتش عليه و اخر رسالة بعثها قال فاها
اليوم الصور توصل لزوجك قبل خفت بس تذكرت كلام الحاج قررت اندير الحولة و مانعدلش
و فعلا بعد مارديتش عليه بعث الصور ليامن و يامن تلفونه مقفل ماوصلوش عنده
فات يومين و جاء يوم الزيارات كان الحاج يبي يمشي ليامن ويوضحله اللي صار وهو طالع جاه تلفون قالوله البقار اللي في المزرعة في منهم خمسة ماتوا فجأة
اضطر يمشي ايشوف المشكلة و دز عليا نلحقه
لبست بسرعة وطلعت ركبت سيارتي و انطلقت للمزرعة
التهينا طول اليوم في الشغل و قصة الابقار كيف ماتوا واتضح في تسمم من عشبة جاية مع الاعلاف…
المهم في الليل روحنا الحوش تعبانين خشيت دوشت ورقدت طول
والحاج حتى هو دوش وجابتله صفية عشاه تعشى ورقد
اما يامن قعد الليل يتقلب على نار و طلع تلفون من تحت مخدته خذاه ولعه وبعد لحظات وصلوا شعارات الصور ????????
اول مافتح عليهم ظلمت عنده و عصب من اللي شافه ويضرب التلفون ع الارض كسره طرف طرف ولشاشة تكسرت
ياناري لا عاد تحمل يقعد في مكانه لو يلقى ايطير من حرقة قلبه ????????
الشباب اللي معه يشبحوله ناض واحد منهم قاله كلام استفزه جاه هجم عليه ويبدا فيه ضرب طلع غله فيه خشوا حراس السجن شدوه بالقوة ورفعوه لسجن انفرادي ايعاقبوا فيه ومنعوا عليه الزيارة اسبوع
فاتوا ايام مافيش جديد ادم و جوري دوب يتكلموا مع بعض كل حد شايل ع الثاني
وهيثم معش تلاقى معهم وقعد يتجنب اي احتكاك مع ادم
و معاذ شادها في جرتي كان طلعت ولا خشيت ايراقب في تحركاتي ويستفز فيا بالكلام
و الحاج مشى مرتين يبي ايزور يامن وادارة السجن منعوا الزيارة بسبب العقوبة
اما يامن فاتوا عليه اصعب ايام في حياته
قعد سجين تخيلاته الشيطانية و في قلبه نار ????معش طفيت
وبعد اسبوع طلع و ثاني يوم كان موعد زيارته
ح سليمان/ تمشي معاي
انا/ بوجع… ياريت بس خايفة نسمع منه كلام يجرحني ????
ح سليمان/ خلاص خليك توا نهدرز معه و الزيارة الجاية اتشوفيه وتفاهموا في مابينكم
انا/ اايي بااهي…
طلع الحاج ماشي ليامن واني خذيت مفتاحي وطلعت ماشية للمزرعة
في الطريق انشوف في سيارة لحقتني وين مانمشي نلقاها قاعدة خلفي
بالاول مادورتش بس بعدين خفت زدت السرعة و كملتها للمزرعة لما نزلت شبحت لقيت السيارة واقفة بعيد عرفت انها قصدتني خشيت من بوابة وقلت للحراس مايخلوش حد ايخش و يشددوا الحراسة
اما عند يامن طلع ع الحاج وسلم عليه بكسرة كان باين عليه الهم والحية طويلة هلبا ????
ح سليمان/ شن داير لين امعقبينك و منعوا عليك الزيارة
يامن/ بصوت مهموم … مافيش حاجة
ح سليمان/ لا حول ولاقوة الابالله عاجبك الحالة اللي وصلتلها
يامن/ بضيق… معش تفرق معايا ????
ح سليمان/ تنهد بضيق… اسمعني كويس دير بالك اتخون الناس بدون دليل وخاصا لما ايكون الشخص قريب ليك يا يامن مش ساهل الطعن في الشرف
و انت تعرف وردة من اول ماجت للمزرعة ولا يوم شدينا عليها حاجة الله يسمحلها وقفت معاي وقفت راجل
يامن/ بزعل… بس اااني شبحت صور ااتشيب… وسكت مضايق
ح سليمان/بحكمة… وااتصدق صور وتكذب مرتك
يامن/ شن تبي دليل بعد صور ليها معه
خلاص كل شي واااضح مانبيش من ايقولي ????????
ح سليمان/ لالا مش تصكير راس وخلاص راهو انت ظالمها
يامن/ ضحك بهزوة… ههه طلعت انا اللي ظالم
ح سليمان/ انا نحكيلك اللي صار معها كيف ماحكتلي وبعدين احكم…
وقعد يحكيله كيف خالد يستفز فيا بصورة مفبركة ولان خفت ماتصدقوش مشيتله للكافي نسمع في شروطه و كيف دار كل الملعوب بيش ايوقعني و ايزيد ايهددني
وياخذ مبلغ كبير حكاله بتفصيل كيف ماحكيتله بالزبط
ح سليمان/ المسكينة خافت عليك مش ناقصك هم هذا اللي خلاها اتصرف من راسها
يامن/ اني لحظت في حاجة صايرة معها وانا سااالتها اكثر من مرة ليش ماحكيتلي ????????
ح سليمان/ خافت ماتصدقهش
يامن/ بغضب… وابن الحرام هذاك مزال ايضايق فاها؟
ح سليمان/ لا معش كلمها
يامن/ بحمقة????… بس نطلع و ربي انسيه اسمه ابن الكلب ????????
ح سليمان/ مانبيش مشاكل توا انوصي ضابط في الاداب ايتصرف معه
يامن/ و وردة ليش ماجت معك
ح سليمان/ ان شاءالله اتزورك الاسبوع الجاي المهم توا فكنى من المشاكل خليك في حالك لين ماتطلع
يامن/ برضى… باهي ان شاءالله
ح سليمان/ ناقصك شي
يامن/ اايه نبي تلفون جديد تلفوني انكسر
ح سليمان/ باهي توا نبعثهولك… وصبى بيمشي
يامن/ سلم على امي
ح سليمان/ بالبسمة… على امك بس؟
يامن/ حك لحيته… و وردة
ح سليمان/ يوصل… جاء بيطلع
يامن/ استنى يا حاج انسيت انقولك طلقتها???? زعما شن ايصير
ح سليمان/ رجعله… بعد تطلع خوذ هدية صالحها ورجعها
يامن/ بس هك مافيش شيخ اخرى
ح سليمان/ لالا مايستهلش لشيخ…
وحكيوا ع السريع وطلع
ويامن رجعت الفرحه لقلبه وندم ماعطنيش فرصة يسمعني وتمنى ايفوتوا الايام بسرعة ايجي موعد زيارة و ايشوفني
واني كنت داخل المزرعة انتابع في حالة الابقار
بعد انتهى الدوام خذيت شنطتي ومفتاحي وطلعت جيت نركب السيارة تذكرت السيارة اللي تلحق فيا دورت عليها مالقيتهاش اطمنت و مشيت بعد مافتت طريق المزرعة شبحتها جاية بسرعة جنونية فاتت من قدامي لين خفت اندير حادث قعدت نرعش واني انسوق و السيارة هذيك تهدي في سرعة لين نوصلها و تقعد اتضايق فيا حاولت نتفدها بس هو ضيق عليا الطريق لين سيارتي طلعت ع المعكس وضربت في سيارة نقل ????
وفقدت الوعي ????
ساعة ثمانية ونص
ح سليمان بعد وصل للحوش ودوش خش على صفية المطبخ
ح سليمان/ وردة روحت؟
صفية/ لا مزالت… وقعدت اتسقي
ح سليمان/ فتح تلفونه… غريبة! وين مشيت…
وضرب على رقمي يضرب مايردش
ح سليمان/ تلفونها يضرب
صفية/ لوت وجهها… اااي هذه اللي واثق فاها الله اعلم وين قاعدة! ومع من! ????
ح سليمان/ استغفري ربك يا مرأة عيب الكلام اللي تقولي فيه
صفية/ بغضب… علاااش ماااترد بااهي شن ااادير وتلفون يضرب بروحه
ح سليمان/ ايعاود في الاتصال… الله يهديك اسكتي خير…
وطلع وتلفون على وذنه وبرضوا يضرب ومافيش رد
زاد قلق واتصل على خالي
ح سليمان/ خير يا حاج محمود
خ محمود/ خيرات يا حاج لا بأس
ح سليمان/ نسالك على وردة ماتعرفش وين مشيت
خ محمود/ لا هي طلعت المغرب قالت انروح للحوش
ح سليمان/ يستر الله تلفونها يضرب ماتردش
خ محمود/ بقلق… توا نسال عزيز بالكي جت لعنهم
ح سليمان / شوفه ورد عليا…
اتصل خالي بعزيز وقاله ماشبحنيش وبعدين تذكر حنين خذا رقمها من بنته واتصل عليها وحتى هي قالت ماكلمتهاش اليوم
خ محمود/ بضيق… ايوة يا حاج مافيش حد شافها اليوم
ح سليمان/ لا حول ولاقوة الا بالله ها ياحاج محمود انبلغوا الشرطة ولا نستنوا؟
خ محمود/ نستنوا ساعة اخرى لو ماروحت انبلغوا الشرطة وندوروا عليها المستشفيات
ح سليمان/ خشت عليه مكالمة…اااهي يا حاج قاعدة تتصل… ورد بسرعة
ح سليمان/ وووينك ياوردة بالله عليك…
قاطعه صوت راجل
راجل/ صاحبة التلفون رفعوها للمستشفى دايرة حادث
ح سليمان/ صبى مفزوع… شنووو ااامااا مستشفى…
طلعت صفية من المطبخ تسرع لعنده وقاله الراجل وين قاعدة و طول عاود لخالي و مشيوا للمستشفى
في المستشفى????
خ محمود/ في شابة دايرة حادث جابوها عندكم
الاستعلامات/ اسمها لوسمحت
خ محمود/ وردة محمد
الاستعلامات/ اها هذه دخلوها العمليات
خ محمود/ بخوف… وين مكانه ولا نسال من
الاستعلامات/ امشي للدور التاني على يدك اليمين اسال عليها غادي…
طلع يسرع وايكلم في الحاج مزال ماوصل اعطه الوصف
خ محمود/ وصل للقسم…ياا بنتي نسالك على وردة محمد دخلوها للعمليات
ممرضة/ مزالت تحت العملية تعال استناها هنا لين يطلع الدكتور…
خذاته للانتظار قعد ماشي جاي وصلوا الحاج وصفية وبعديها وصل عزيز
واني قعدت تحت العملية اربع ساعات
كان عندي كسور و نزيف في الراس بعد طلع الدكتور طاروا عليه
ح سليمان/ بخوف… ان شاءالله خير يا دكتور
دكتور/ الحمدلله على سلامتها نجت باعجوبة
الكل/استحمدوا… الحمدلله
خ محمود/ توا هي كويسة نقدروا انشوفوها
دكتور/ يا حاج مزال ممنوع حد يدخل عليها بتقعد في العناية ثلاث ايام و ان شاءالله لما تطلع اتزوروها
ح سليمان/باهي شن عندها
دكتور/ درنالها عمليتين الاولى وقفنا النزيف و عملية الثانية زرع بلاتين في رجلها اليمين…
.
…………. ????????????????????????????????????
في المانيا
كانت جوري جعانة ناضت خشت للمطبخ ادير في حاجة تاكلها وادم كان واعي ويسمع في صوت حركة نزل من سريره ومشى للمطبخ
ادم/ شن اديري
جوري/ فاتحة الثلاجة… جعانة بندير حاجة ناكلها
ادم/ جاء لعندها… خليكي توا انديرهولك…
وخذا من يدها الطماطم
جوري/ بملل… ماتعبش روحك قاعدة كويسة نقدر انديره ابروحي…
وخذت منه الطماطم مشيت تغسل فيه ع الحوض
ادم/ وقف خلفها… مزلتي ماصحيتي امشي ارتاحي في سريرك بلاش اعناد…
وحط ايده ع يديها من الخلف وقعد محاوطها
جوري/ جسمها نفض…ماانبيش مليت من السرريررر…
و ادم طبس ايشم في شعرها ونفسه عالي
ادم/ بصوت ايذوب… يا عنيدة تعبتيني …
وزاد لصق فاها وايديه لفهم عليها
جوري/ قلبها يضرب… ااادم لوووسمحت وووخررر…
قاطعها لفها ليه وقعد ايبوس فاها بشهوة معش قدر ايسيطر على روحه كان بيهبل عليها ???? و جوري حاولت اتبعده بس فشلت قدام شغفه ولهفته عليها استسلمت و ادم نزل رفعها ومشى بيها لداره نزلها ع السرير وجاء فوقيها ????
قعمزها هو ايبوس فاها وقعد اينحي في حوايجها وياناري هي ترعش مع بعضها قدام اعصاره ????
نزلها ونزل ايبوس في رقبتها و????
وجوري نفسها ضاق و قلبها زادت نبضاته بالقوة و جسمها ايصب عرق
اما ادم مش واعي كان يتلذذ بمداعبة جسمها و بعد لحظات طويلة من المداعبة وصل يبي ???? انتبه لجوري جسمها ارتخى
جوري/ بصوت دوب طالع… وووقف ااادم تعببببت… وفقدت الوعي
ادم/ وقف مداعبة وجاء شد وجها… جوررري رردي عليااا جورري…
وقعد ايحرك فاها بس جوري كانت مش واعي بكل والنبض ضعيف نزل يلبس كيف المجنون وطلع يجري ايدق على شقة هيثم
هيثم/ كان راقد ناض مفزوع يفتح… اادم خيررر جورري صاارلها حااجة
ادم/ بصوت متقطع… تعااال شوفهااا مااتبيش ااترد عليااا…
ومشى يسرع قدامه خشوا للشقة
ادم/ تذكر جوري… اااستنى ياادكتور…
وخش بروحه قعد ايدور في حوايجها لبسها ع سريع بالمقلوب وطلع على هيثم خشه عليها
قعد هيثم يفحص في نبضها و شاف عيونها
ادم/ هااا شنووو
هيثم/ شبحله بحقد… كنت بتقتلها ???? ضروري نرفعوها المستشفى نبضها ضعيف…
وبسرعة رفعها ادم و دموعه على خده ومشيوا بيها المستشفى
قعد ادم واقف برا يستنى على نار ????
بعد دقائق طلع الدكتور وهيثم
ادم/ بخوف… طمني عليهاااا
هيثم/ الحمدلله رجع نبضها طبيعي بس بتقعد في المستشفى لين تكمل علاجها
ادم/ بخوف… علاش في المستشفى مزال في خطورة عليها
هيثم/ بحدة… انت تعرف شن السبب
ونحن حذرنا ماديرش اي مجهود ايتعب قلبها ????
ادم/ باحراج… و الوضع هذا لامتى
هيثم/ البنت مالهاش شهر دايرة العملية و اقل شي تقعد ثلاث شهور بعد العملية محافظة على صحتها و ماتبذلش اي مجهود و ممنوع اتخش الفراش و هذا اكثر شي اتباعد عليه فاهم عليا ولالا …
ادم/ اوكي مش ح يتكرر ????
هيثم/ تقدر اتروح مافيش داعي تقعد في المستشفى
ادم/ بوجع… لا بنقعد نستنى هنا مش امروح…
و مشى قعمز ع كراسي الانتظار و ضميره ايانب فيه كيف سبب في تدهور حالتها وكان ح يقتلها لو عاشرها ????????
الصبح طلع وادم مستند راسه ع كرسي راقد
جت ممرضة اتوعي فيه وبعدين صبى طلع برا المستشفى شاف للشمس دوبها طالعة وقعد برا في جنان المستشفى
.
.
عندي طلعوني من الليل حطوني في العناية والكل من الليل روحوا بامر من الدكتور منعوا اي مرافق
ويامن مزال مش عارف حاجة قعد هذاك الليل مضايق و قلقان و استغرب من بوه قاله يبعثله تلفون ومعش وصله شي
اول ماطلع الصبح خذا تلفون الشاب اللي معه واتصل برقمي لقاه مقفل و بعدين اتصل ع الحاج ضرب مرتين والحاج كان يلبس بيش ايجي للمستشفى شاف رقم غريب يتصل انفزع ورد عليه
ح سليمان/ بقلق… الووو
يامن/ صباح الخير ياحاج
ح سليمان/ بعدم استعواب… مممن يااامن؟
يامن/ ايه يا بوي انا يامن
ح سليمان/ كيف حالك اليوم…
و صفية اتاشرله يسكت مايقولش وردة دايرة حادث
يامن/ الحمد الله كويس انتم شن اخباركم
ح سليمان/ بربكة… الحمدلله
يامن/ ليش مابعثت لي التلفون يا حاج
ح سليمان/ اااااا اه نسيت والله توااا نطلع ناخذه ونبعثهولك
يامن/ بقلق… خيرررك ياحاج شن في
ح سليمان/ مااتنشغلش مافيش حاجة
يامن/ وردة وينها تلفونها مقفل
ح سليمان/ بارتباك… بالكي عاطل
يامن/ اها باهي قوللها تفتح تلفونها
ما تنساش يا حاج ابعثلي تلفون بسرعة
ح سليمان/ ان شاءالله ان شاءالله…
وصكروا الخط
صفية/ الحمد الله ماقلتله مش ناقصه هم فوق همه
ح سليمان/ توا يسمعها مافيش حاجة اتخبى
صفية/ وانت توا ماشي للمستشفى ولا المصنع
ح سليمان/ لا نمشي للمستشفى بيش اتنوضي معاذ يمشي يشري تلفون لخوه ويعطيه له
صفية/ باهي ان شاءالله…
ح سليمان/ شوفيلها غيرات نرفعهم معاي
صفية/ هيا باهي …
ومشيت خشت داري طلعت كم غيار و فوطة وحطتهم في شنطة صغيرة واعطتها للحاج
ساعة 1 الضهر
يامن قعد يستنى يوصله التلفون و قلبه مش امريحه حاس في حاجة صايرة و قعد مقعمز برا في الساحة ويدخن دخان وراء دخان ????
افندي/ واقف من بعيد… يااامن سليماااان
يامن/ شبحله… نعم يا افندي
افندي/ تعااال الرائد طلال يبيك
يامن/ اااوكي جاي…
وطفى دخانه ع الارض وصبى ماشيله
يامن/ شنو زيارة؟
الافندي/ الله اعلم هيا معاي…
و خذاه لمكتب دق ع الباب وخش
الافندي/ ضرب تحية… سيدي المدعو يامن برا
الرائد طلال/ دخله
الافندي/ تمام سيدي… وطلع دخل يامن
يامن/ السلام عليكم يا افندي
افندي طلال/ تعال قعمز
يامن/ جاء قعمز ع كرسي… خير يا افندي
افندي طلال/ انبشرك عندك اعفاء والد الشاب تنازل ع القضية
يامن/ بفرحة… االحمدلله
افندي طلال/ امشي خوذ حاجتك و روح لحوشك بس قبل وقع هنا…
ومدله ورقة وقع عليه
يامن/ مبتسم… شكرااا يا افندي بارك الله فيك ع البشارة والله جت في وقتها
افندي طلال/ العفو مبروك الافراج…
يامن / الله ايبارك فيك…
سلم عليه و طلع خش ودع رفقاته و خذا حوايجه وطلع
برا المركز وقف ايدور على تاكسي وقعد يستنى لين درسله واحد مشى معه
وصل حوشهم فرحان حط ايده على جرس الباب لين نزلت صفية من فوق ترعش خايفة ايكون جايبيلها خبارة سؤ
صفية/ جاي تسرع وتضرب على صدرها … ياااااالربي ياااسااتر…
وفتحت الباب بخوف
يامن/ مبتسم… صفصف اااستحشتك…
صفية/ بفزع فرحة على توتر… يااامن!!!
و يامن حضنها ايبوس في ايديها
يامن/بفرحة… الحمد لله افرجوا عليا
صفية/ الحمدلله يااربي الف الحمدلله على سلامة…
وقعدت اتبوس فيه على خده
يامن/ بضحكة… مفاجأة صح…
وصكر الباب
صفية/ ااي والله مش متوقعتها
يامن/ هههههه سامحيني رعشتك قاعد وجهك مخطوف
صفية/ بربكة… ااايه كنت فوق انظف في دار خوك
يامن/ خش لصالون… وردة وين؟
صفية/ اختفيت الابتسامة… ااااهه ووردة !!
يامن/ ايه قاعدة في الحوش ولا المزرعة…
صفية/ بلعت ارياقها… لالااا مش قااعدة ????
يامن/ عقد حاحبه… خيرررك يااا امي من خشيت وانتي صافنة مش معاي بكل!!!؟
صفية/ بربكة… ماافيش حاجة داهشة من الخدمة ???? خش تريح في دارك نمشي نتصل على بوك انخبره…
يامن/ لا طالع نبي نمشي للمزرعة توا انجي…
نزل شنطته وجاء بيمشي
صفية/ ووررردة مش في االمزرااعة
يامن/ التفت… ووين مالا فوق؟
صفية/ بوجع… في المستشفى ????
يامن/ بفزع…شنوووو مستشفى علاااش ????
صفية/ امس دارت حادث ???? درولها عملية وبوك من الصبح في المستشفى
يامن/????????… اماااا مستشفى
صفية/ مستشفى ****** …
طلع شاد دمعته وقلبه مقسوم اثنين ???? مشى للمستشفى سال الاستعلامات وجاء للقسم فوق شاف الحاج واقف مع الدكتور و كان حاط ايده على كتف الحاج والحاج يمسح في عيونه بالكلانكس
ويامن ???? يشبحلهم بخوف ???? و قلبه قريب يطلع ????????
يتبع..
لقراءة الحلقة الثامنة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
