روايات

رواية مهمة عاشق الفصل السابع عشر 17 بقلم خلود وائل

 رواية مهمة عاشق الفصل السابع عشر 17 بقلم خلود وائل
رواية مهمة عاشق الفصل السابع عشر 17 بقلم خلود وائل

رواية مهمة عاشق الفصل السابع عشر 17 بقلم خلود وائل

ليلي:هو حضرتك ماشي ورايا ليه
علي:انا يابنتي ????
ليلي:امال أنا
علي:انا رايح للمكرونه الباشميل ال هناك دي اصل بحبها اوووي وغمز لليلي
ليلي :هو انت عينك فيها حاجه كل اما تشوفني بتغمزلي ليه
علي:معلش مش هغمزلك تاني عديني يلا عشان المكرونه هتخلص
ليلي:بتحبها اوي كدة
علي:بحبها بس مش اكتر منك وابتسم بحب
ليلي:افندم
علي:قصدي انك كمان راحه ليها شكلك بتحبيها اووي صح
ليلي:اه بعد اذنك
ليلي عملت طبق ليها وطبق ل الاء ويوسف وراحتلهم وقعدت معاهم شويه
ليلي:هي دي المفاجئه ال هتشقلب كياني
الاء:بس ايه رايك مفاجئه قمر صراحه
ليلي:عزمتيه امتي واذاي
الاء:دة طلع ابن عم يوسف شفتي الصدف
ليلي:قلبي مش مرتاحلك انا هقوم اسلم علي مامته عشان شكلي وحش كدة
الاء:اه طبعا امااااال حماتك المستقبليه
ليلي:اتلمي بدل ماالبسك الطبق في وشك
الاء:اممممم ابقي بصي علي نفسك كدة وعلي ابتسامتك ال فضحاكي من ساعه ماشوفتيه دااحنا هنبقي سلفات يا لي لي
ليلي:كلي وانتي ساكته
راحت ليلي لطرابيزة علي وسلمت علي مامته ونهي وكل الموجودين
الحاجه منال:ايه الصدف الحلوة دي ياليلي انا فرحانه اني شفتك اووي
ليلي:انا اكتر ياطنط اذيك عامله ايه
الحاجه منال:بخير ياحبيبتي عقبالك ياليلي
ليلي:انشاء الله ياطنط
نهي:ايه القمر دة بس كل مرة بفستان احلي من ال قبله
ليلي:انتي ال قمر وعنيكي حلوة ياجميل
نهي:انا زعلانه منك بقي
ليلي:هو انا اققدر طب زعلانه ليه واصالحك اذاي طيب
نهي:ببعتلك علي الواتس ومش بتردي عليا ينفع كدة
ليلي:انا اسفه والله بس رقمك مش معايا والرسايل عندي كتير فهتلاقيني مش واخدة بالي
نهي:ولا يهمك هاتي تليفونك اسجل رقمي
ليلي:اتفضلي
شويه وبدأت الفوتجرافر تصور الاء ويوسف مع العيله واخر صورة كان فيها علي جمب يوسف وليلي جمب الاء
داليا:الله الصورة دي حلوة اووي تصدقو انتو كابلز يجنن
الاء:منا عارفه يابنتي انا ويوسف لايقين علي بعض
داليا: مش قصدي عليكي يا الاء انا قصدي ليلي وخطيبها
ليلي:انا مش مخطوبه
علي: علي اعتبار ماسيكون
ليلي:نفسي افهم الثقه دي جايبها منين
علي بثقه:انا جامد ولا مش واخدة بالك
ليلي اتحرجت وسابتهم ومشت وعلي ابتسم علي خجلها وعدي وقت السهرة بسرعه وجه ماهر ينادي ليلي عشان يروحو فخبط في علي وهو ماشي
علي:مش براحه ياكابتن
ماهر:معلش مخدتش بالي
علي:اممممم انتو تؤام
ماهر:تقصد انا وليلي اختي
علي:اه
ماهر:لا ليلي اكبر مني ب٣سنين بس احنا شبه بعض جدا
(ماهر شاب طويل بشرته بيضا وعيونه خضرا ذي ليلي ونفس ملامحها لكن بوسامه رجوليه طاغيه وجسمه رياضي )
بينما علي وماهر بيتكلمو دخل عليهم حسام
حسام:ايه ياماهر اتاخرت ليه
ماهر:لسه بدور علي ليلي
علي:دكتورة ليلي واقفه هناك اهيه روح ناديلها
حسام:حضرتك مين
علي:انا علي محمود الناهي
حسام بدهشه وعفويه:علي بيه اسم الله عليه
علي بعصبيه مكتومه:افندم
حسام:انا اسف والله مش قصدي بس ليلي كانت قالت عليك كدة مرة قدامي ف الاسم علق معايا
علي:طب ابقي فكه متسييوش معلق وسابه ومشي وهو مضايق من ليلي ال طلعت عليه الاسم
شويه وكل الموجودين روحو بيوتهم وليلي غيرت هدومها واخدت شاور ولبست بيجامه ودخلت السرير علشان تنام سمعت صوت رساله واتس في التليفون فتحتها لقتها من رقم مجهول
-كنتي حلوة اوووي النهاردة
اول ماشافتها قلبها دق جامد ومجاش في بالها غير علي شافت الرساله ومردتش وشويه وجالها رساله تانيه
-مكنتش قادر اشيل عيني من عليكي
ليلي كانت محتارة ترد تقول ايه بس قلبها كان مأكدلها انه علي ف طلعت صورتين كانت مصوراهم لعلي في الخطوبه من غير ماياخد باله وبعتتهمله
بعتلها علي
-????????
وشويه وبعتلها اكتر من ٢٠صورة كلهم تغفيلات ليها فتحتهم ليلي وانذهلت من حرفيه علي في تصويرها من غير ماتاخد بالها كل صورة كانت في يوم مختلف عن التانيه من اول ماكان في المستشفي منهم صور ليها وهي قاعدة مع الحاجه منال وصور تانيه واقفه بتكتب ملاحظات وكام واحدة تانيه وهي نايمه بفستان فرح حسام الليله ال باتت فيها معاه وكام صورة تانيه وهي في الخطوبه منهم ال بتضحك فيهم ومنهم ال بترقص مع ماهر وعجبتها اخر صورة كانت لعلي واخد فيها سيلفي لنفسه وهي واقفه وراه من غير ماتاخد بالها
ليلي:مطلعتش لوحدي ال بعرف اغفل
علي:سجلي رقمي
ليلي:واضمن منين انك علي
علي:اممممم سؤال غبي بصراحه
ليلي:احترم نفسك
علي:حقك عليا ياستي …
ليلي:انت جبت رقمي منين
علي:احم مخابرات بقي وكدة
ليلي:????
علي:سجلتي رقمي
ليلي:اه حلوة الصورة الشخصيه بتاعتك
علي:دي اققل حاجه عندي واغلي حاجه في السوق????
ليلي:تبا لتواضعك
علي:مبحبش احكي عن نفسي كتير ها هنقضيها كلام عليا ولا ايه
ليلي:عادي انت ال مكلمني شكلك عاوز تقول حاجه
علي:امممم هو بصراحه انا عاوز اققول حجات بس بخاف منك
ليلي:مني انا داانا كيوت خالص☺️
علي:لا ماانا متأكد انك ارق بنت شافتها عيني امال انا بحبك من قليل
ليلي:نعم
علي:بصي انا بحبك♥️
-I Love youفهمتي كدة ولا اققلهالك بلغه تانيه
ليلي كانت مش مصدقه وفضلت تبص للتليفون كتير ومردتش علي علي
علي:ها هتفضلي متنحه للتليفون كتير
ليلي:انا اهوة
علي:منا عارف انك اهوة انا عاوز ردك عليا
ليلي:رد ايه
علي:تتجوزيني????
ليلي:ايه اتجوزك اذاي يعني
علي:ذي السكر في الشاي
ليلي:انت تعرفني ولا تعرف عني حاجه عشان تتجوزني
علي:الخطوبه اتعملت ليه مش عشان نعرف بعض
بصي ياليلي انا حبيتك من اول مافتحت عيني ولقيتك قدامي وحابب انك تكوني حلالي وتشيلي اسمي انا مش بتاع لف ودوران انا بس بشوف ردك عشان اجي اتقدملك واطلب ايدك من عمي مصطفي وقلبي جامد لو موافقه هكتفي بأيموشن كرد منك انا عارف انك بتتكثفي اما لو رافضه ف اعتبريني مظهرتش في حياتك خالص وانسي كل ال قلته
ليلي فضلت اكتر من خمس دقايق مش عارفه ترد ب ايه وقلبها بيدق جامد وبيقلها وافقي بلاش تضيعيه دة بيحبك وفجأه لقت علي قفل الواتس
عند علي ،،،،
علي حس برفض من ناحيه ليلي فمحبش يضغط عليها لكن من جواه حاسس انها بتحبه لكن مستغرب انها مردتش فقفل تليفونه وحطه جمبه وبعد شويه سمع صوت رساله ففرح جدا واتمني تكون من ليلي ومسك التلفون وفتحها ولقاها ليلي
-????????
فرح جدا وبعتلها
-اوعدك انك هتكوني معايا اسعد انسانه في الدنيا ولاخر نفس فيا هخليكي ملكه جوة قلبي
ليلي:☺️
علي:امممم اخطبك الاول وبعدين اشوف الكسوف دة هسيبك تنامي الوقتي وبكرة انشاء الله هاجي اطلب ايدك
ليلي:بسرعه كدة
علي:وهستني ايه
ليلي:تصبح علي خير
علي:وانتي من اهلي ياليلتي????
قفل علي تلفونه وشويه ونام باله مرتاح وقلبه فرحان علي عكس ليلي ال مش مصدقه ال حصل وفضلت تقراء الشات من اوله لاخرة اكتر من عشر مرات ومن فرحتها خافت لتكون بتحلم وعشان تتأكد كلمت الاء
…بعد فترة من رن ليلي
الاء بنعاس:اممممم عاوزة ايه
ليلي:لا مش وقت نوم قومي وفوقي انا مش مصدقه نفسي
الاء:ليلي احنا الساعه واحدة بليل مش وقت هزار الله يخليكي عندي شغل الصبح
ليلي:كلمني ياالاء كلمني وبكرة هيجي يخطبني انا حاسه اني في حلم
قامت الاء وانتفضت من علي السرير:بجد بجد ياليلي طب احلفي والنبي
ليلي:والله لسه مكلمني من شويه انا هموت من الفرحه ياالاء دانا بكلمك وانا واقفه علي السرير
بصت الاء لنفسها لقت انها هي كمان واقفه علي السرير
الاء:تصدقي وانا كمان????????ياربي نفس ليڤل الهبل
ليلي:انا حاسه اني بحلم طلع بيحبني من اول ماشافني ياالاء انا عاوزة حد يقرصني يفوقني جايز يكون حلم
الاء:عنيا حاضر اول مااشوفك بكرة الصبح هرزعك قلم من عنيا
ليلي:اناغلطانه اني بحكيلك واشاركك فرحتي روحي نامي
الاء:ماشي ياعروسه حقك تدلعي
ليلي:غدا القاكي بقي سلام
الاء :طيرتي النوم من عيني وتقوليلي سلام طيب سلاموز
قفلت ليلي مع الاء وفضلت تقراء الشات من تاني لحد ماغلبها النوم ونعست وصحت الصبح علي صوت المنبه الساعه ٦الصبح قامت من السرير بفزع انها فاتها الفجر ومصلتهوش ودخلت الحمام واتوضت وصلت الصبح وطلعت لمامتها في الصاله
ليلي: ماما ماما ياماما
الحاجه كوثر:صباح الخير يا حبيبتي في ايه
ليلي: صباح النور كدة ياماما تسيبي الفجر يروح مني
الحاجه كوثر:والله ياحبيبتي دخلت اصحيكي لقيتك مش قادرة تقومي خالص فسبتك تنامي وترتاحي
ليلي:لا ياستي متسيبنيش افوت الصلاة تاني عشان ربنا ميزعلش مني
الحاجه كوثر:حاضر ياحبيبتي يلا علشان متتأخريش علي شغلك
ليلي جهزت نفسها ونزلت راحت شغلها وهناك قابلت الاء
ليلي:صباح الفل والورد والياسمين علي احلي عروسه في الدنيا
الاء:صباح الروقان ايه الحلاوة دي وشك منور ولا انا بيتهيقلي
ليلي:نقي بقي قوليلي هتلبسي ايه في قرايه فتحتي النهاردة
الاء:لااااا احكي وبالتفصيل
ليلي: بصي ياستي….. حكت ليلي ل الاء كل ال حصل بينها وبين علي وانه قالها انه هيطلب ايدها النهاردة
الاء:طب كويس جدا كلم بباكي طيب وقاله انه هيزوركو النهاردة
ليلي:لا
الاء:امال هيطلب ايدك اذاي هيجي البيت من غير معاد كدة
ليلي:اه صح عندك حق طب اعمل ايه طيب
الاء:مش عارفه احنا نستني دااحنا لسه الصبح
ليلي:طب هو هيجيب رقم بابا منين انا معطهوش رقمه
الاء:ليلي بلاش الفرحه تأثر علي دماغك ياحبيبتي دة ظابط مخابرات ذي ماجاب رقمك هيجيب رقم ابوكي ورقم عيلتك كلها
ضحكت ليلي:احنا والحكومه بقينا نسايب
الاء:ايوة ياعم مين قدك اوعا النسر اوعا
يتبع ……
لقراءة الفصل الثامن عشر : اضغط هنا
لقراءة الرواية كاملة اضغط على : (رواية مهمة عاشق)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى