Uncategorized

رواية وحدة شغف الحلقة السادسة عشر 16 بقلم ندى

 رواية وحدة شغف الحلقة السادسة عشر 16 بقلم ندى

رواية وحدة شغف الحلقة السادسة عشر 16 بقلم ندى

رواية وحدة شغف الحلقة السادسة عشر 16 بقلم ندى

خرج احمد وعمر من عند شغف و فضلت شهد قاعدة معاها 

-شغف حببتي هي مين الست جوهرة دي

=دي صديقة للحاج يحيي الله يرحمه وجت هنا فترة لما سمعت اللي حصل وساعدتني في اني ارجع حق الحاج يحيي و اثبت برائتي 

-اها طب ليه كلمتيها طيب اوعي تكوني هتفضلي هنا ومش هترجعي معايا 

=معلش يا شهد فعلا محتاجة ارتب اموري هنا وكفاية انا تقلت عليكوا اوي الفترة اللي فاتت 

-انتي غبية يا شغف ..احنا اخوات متقوليش كدة طب يعني هتقدري تبعدي عني ..وبغمز .. هتقدري تبعدي عن احمد بردو 

شغف بشبه انفعال = مش كل شوية اقولك مفيش اي مشاعر بيني وبينه .. وبعدين تعالي هنا انتي كنتي عارفة ان اخوكي ظابط وقريب للحاج يحيي وخبيتي عليا

شهد- بصراحة كنت بنفذ أوامر احمد حاولت اقولك بس خوفت يحصل مشكلة او تمشي 

شغف = كذبتوا عليا كتير اوي .. انا وثقت فيكوا و حسيت معاكوا بآمان لكن احمد حب انه يعمل فيها محامي طول الوقت لكن لو فعلا طلعت مجرمة كان هيقبض عليا .. 

حست شغف بتعب مكنتش قادرة تاخد نفس 

شهد بخوف – شغف انتي كويسة .انا اسفة بجد. هنادي الدكتور 

خرجت بسرعة لقت اخوها في وشها – احمد  نادي الدكتور بسرعة شغف تعبت اوي

دخل الدكتور والممرضة وبعد شوية شغف نامت 

الدكتور – يا جماعة قولت اي انفعال يحصل او عصبية خطر عليها .. لو سمحتوا اخرجوا محدش يضايقها لان حالتها هتسوء اكتر 

احمد بص لشهد – هو ايه اللي حصل 

شهد بتوتر = محصلش حاجة بس كنا بنتكلم وفجأة حصل كدة .

احمد بعدم تصديق شهد – تمام يا شهد بس لو خبيتي حاجة عني مش هيحصل كويس .

…….

دخلت الست جوهرة المستشفي بقلق فهي حست ان شغف زي بنتها وحبيتها جدا 

لقت الست جوهرة احمد واقف في الممر 

-احمد عامل ايه  انت بتعمل ايه هنا 

=الحمدلله حضرتك عاملة ايه… من زمان متقابلناش 

-كويسه بس انت بتعمل ايه هنا ده اوضه شغف 

=منا اللي كنت ماسك القضية وللاسف شغف جت فيها رصاصة وهي كويسه حاليا يعني 

-طب انا هدخل اشوفها ولسه محتاج اعرف تفاصيل منك عشان معرفتش حاجة منها 

=استني بس فيه حاجة لازم تعرفيها 

-اتفضل يابني 

احمد بقلق من فكرته =شغف جالها شلل في الاطراف واي كلام يضايقها حالتها هتسوء وانا عارف انها كلمتك عشان تقعدي معاها  او تاخديها بس انا عايز اتجوزها وياريت تقنعيها 

الست جوهرة  بصدمة و بتفكير واستغراب  – يا حببتي يا يابنتي …. وبعدين انت حبيتها امتي عشان تتجوزها 

احمد= ما انا عارف شغف من فترة هي كانت عايشة عندي مع اختي بس مكانتش تعرف اني ظابط 

-بس انت عملت كدة ازاي وليه 

احمد= انا كنت مراقب الدنيا من البداية ف خليت شهد تاخدها عندنا لما شغف هربت يعني.

-يعني كذبت عليها

=هي عرفت امبارح وللاسف كمان اخدت الرصاصة مكاني 

-احمد اكيد هيكون صعب عليها تتجوز مشاعرها اكيد متلغبطة ومتنساش انك كذبت عليها طول الفترة دي 

=انتي بس حاولي تقنعيها 

-انا شايفة انك مستعجل جدا والموضوع بدا يقلقني وبعدين متنساش اللي حصل قبل كدة 

احمد بقلق وانفعال= ده كان ليه اسبابه وماضي واتقفل … وبعدين انا عملت كل ده بدل ما كانت هتتبهدل في الشارع وخبيت لاني مش عايز اخوفها عالفاضي وانها بريئة 

الست جوهرة بحنية – احمد انت زي ابني انت عارف انا بحبك ازاي .. يحيي الله يرحمه كان معتبرك ابنه كمان بلاش تأذيها عشان خاطره عالاقل ولو فعلا بتحبها حابة اسمع اسبابك اللي تخليك تقول هتتجوزها دلوقتي. 

احمد=  هي اخدت الرصاصة دي مكاني فلازم انا اشيل مسئوليتها بنفسي ..غير كدة انا حابب اعوضها علي اللي حصل معاها في حياتها .. ولو مش مصدقاني خليها تطلب اي حاجة هنفذها او تقول شروطها ، بس حاولي تقنعيها … احمد لهجة عنيفة …ست جوهرة انتي غالية عندي عشان كدة قولتلك تقنعيها لكن لو حصل حاجة عكس ده انا هتصرف بطريقتي واللي يحصل يحصل .

مشي احمد وسابها بغضب وحيرة وقلق من رد شغف 

…..

ابتسمت الست جوهرة علي طريقة احمد.. احمد بيعترف بحبه ليها بسهولة كدة ازاي … قالت في سرها .. لو كان يحيي عايش كان جوزهالك في ساعتها ، كان هيفرح جدا بأنك حابب تتجوز ،ربنا يستر 

دخلت الست جوهرة لقت شغف نايمة .. قعدت جانبها تفكر في طريقة تقنعها بأحمد 

بعد فترة قليلة صحت شغف ودموعها في عيونها متجمعة 

الست جوهرة قربت منها = حمدلله عالسلامة يا قمر قلقت عليكي اوي ومكنتش عارفة اوصلك 

شغف بدموع وحزن – الله يسلمك .. انا تعبت اوي يا .. هو انا ممكن اقولك ماما جوهرة 

الست جوهرة بطبطب عليها بحنية = طبعا ياروحي انتي زي بنتي بالظبط 

شغف بدموع وتعب = ماما انا عايزة اخرج من هنا خلي احمد يمشي من هنا 

-حببتي ليه بس ده خايف عليكي وهيموت من القلق برة … بلاش تقسي عليه 

=انتي عارفاه صح هو ده اللي الحاج يحيي بيحكيلي عنه دايما 

– هو اه يا قمر ..انا اتفاجات بيه برة وعرفت ان هو اللي كنتي حكيتي عنه 

=كدب عليا كل ده حسيت نفسي مغفلة اوي وكنت مصدقاه في اي حاجة 

-هو عمل ده لمصلحتك 

=خليه يمشي انا مش هرجع معاهم انا هعيش هنا في بيت بابا يحيي 

-بس ده حتي لو مشي متنسيش ان ليه نص الورث ف اكيد هتشوفيه تاني فمينفعش الهروب ده 

=خلاص هفضل قاعدة هنا في المستشفي  لحد ما اشوف مكان انا مش عايزة اشوفه تاني 

-حببتي براحة بلاش انفعال انا وانتي بنتكلم بهدوء لحد ما نلاقي حل … فيه حاجة عايزة اقولهالك

=ايه 

– احمد طلب ايدك مني .. 

شغف بانفعال = لا بالله عليكي لا انا مش عايزاه 

-بس اهدي انا موفقتش اساسا 

=طب ليه بتقوليلي 

الست جوهرة بابتسامة -عشان ممكن نوافق بس بشروط ونطلع عينه شوية 

=بس مش عايزاه بجد .. انا مش بحبه 

الست جوهرة بغمز – عليا انا الكلام ده ،انتي بتحبيه يا شغف وده باين عليكي اوي قدامي خصوصا انك اول حاجة قولتيها انك مش عايزة تشوفيه برغم ان اخته هي كمان كذبت 

شغف خدودها بقت طماطم = تمام انا بحبه بس مش هينفع يا ماما مستحيل انا مش قادرة اتحرك حتي ايد واحدة بس اللي بتتحرك دي هعمله بيها ايه .. ولا حتي هعرف اعمل اكل 

-ماهو ده في صالحك احنا هنفكر في شروط نفرضها عليه.. مش هو عايز يتجوزك يشرب بقي عشان يحرم بكدب او يزعلك تاني ، انا كان نفسي اقعد معاكي بس لازم امشي بس اكيد هجيلك كل فترة مش هسيبك لوحدك مع الكائن ده 

شغف ابتسمت علي كلامها وقالت بحزن = بس هو عايز يتجوزني شفقة وحاسس بالذنب مش بيحبني اساسا 

– بس هو باين عليه بيحبك اوي اصبري عليه .. ها قولي اول شرط بقي 

=مش عارفة بجد انا موافقتش لا 

-متأكدة 

=اه مش عايزة أتجوز بالطريقة دي 

-علفكرة احمد غضبه وحش وممكن يتجوزك عافية او يضايقك وانا مش هقدر امشي وأسيبك من غير ما اطمن عليكي 

اتوترت شغف = اف ده رخم.. خلاص موافقة، موافقة بس بجد لو موافقش علي شروطي ساعتها تساعديني امشي و مشوفهوش تاني اتفقنا 

الست جوهرة بحنية – اتفقنا طبعا 

…………

شهد بانبهار- انت هتتجوزها  بجد

احمد بابتسامة = اها الست جوهرة زمانها بلغتها دلوقتي وهتوافق

-وانت واثق في نفسك ليه كدة 

=لان لو موافقتش هتجوزها غصب 

– احمد انت اتجننت 

=لا بس مش هقدر اشوفها كدة ومحدش معاها كمان وكل ده بسببي دي اخدت رصاصة مكاني يعني كان ممكن بعد الشر تموت 

-طب براحة ان شاء الله توافق 

عمر بغمز لشهد : مالك بتحبطي ف اخوكي ليه 

خجلت شهد – مش قصدي كدة 

عمر بص لاحمد: بلاش تضغط علي نفسك و متنساش ان غلط الزعل عليها ف براحة وكل حاجة هتبقي تمام .

احمد = ان شاء الله 

شهد- انا هدخل لشغف 

…….

دخل احمد وعمر بعد ما شهد دخلت بشوية 

احمد بص لشغف بحب وقال – انتي كويسه دلوقتي ولا حاسه بتعب لسه

شغف بتبعد نظراتها عنه = اه الحمدلله كويسه 

صمت رهيب في اوضه شغف 

عمر – احمد بعد اذنك هاخد شهد وهننزل نجيب اكل 

احمد بابتسامة =تمام 

خرج عمر وشهد 

شهد- انت بتقوله عادي كدة انزل معاك 

عمر= اه عادي انا استأذنت عشان عيب لو مقولتلهوش مثلا 

شهد-بس اكل ايه اللي هنجيبه دلوقتي لسه بدري 

عمر = انتي غبية يا بت … اكيد هيبقوا عايزين يتكلموا براحتهم مينفعش انا افضل قاعد وسطيهم… قولت بدل ما انزل لوحدي اخدك معايا.. ولا يكونش خروجك معايا مش عاجب سيادتك 

ضحكت شهد وقالت بغرور – انت تحمد ربنا اني نزلت معاك ،انت تطول اصلا تخرج معايا 

عمر بغرور واستفزاز = طب اطلعي تاني انا هاخد الممرضة القمر اللي فوق معايا واعزمها 

ضربت شهد عمر في كتفه بغيظ – طااايب ماااشي خليك فاكر كلامك ده .. مش هطلع تاني انا بعد ما نزلت 

عمر بضحك = يعني مش عشان غيرانة 

شهد – اغير عليك انت ليه 

عمر = امشي ياختي امشي خلينا نشوف هانروح فين .

………..

الست جوهرة =احمد انت طلبت طلب وبرغم اني مش موافقة عليك اساسا لبنتي بس هوافق بس تسمع شروطها

احمد بتسرع- اي حاجة تقولها موافق عليها صدقيني 

الست جوهرة = اسمع الاول بس لو موافقش ساعتها متجيش تطلب ايدها تاني 

احمد- تمام موافق … ايه الشروط 

شغف بصت لاحمد بخجل و تتظاهر بالشجاعة : متأكد انك هتوافق؟

احمد بحيرة من نظراتها – طبعا اللي انتي عايزاه هيحصل 

شغف :…

يتبع..

لقراءة الحلقة السابعة عشر : اضغط هنا 

لقراءة باقي حلقات الرواية : اضغط هنا

نرشح لك أيضاً رواية مكانك في قلبي للكاتبة زينب علي. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى