رواية ليل الفصل الخامس عشر 15 بقلم ياسمين خالد
 |
| رواية ليل الفصل الخامس عشر 15 بقلم ياسمين خالد |
رواية ليل الفصل الخامس عشر 15 بقلم ياسمين خالد
_هاتي اللاب توب من جوا ياليل لو سمحت
_طب فهمني
= هاتي وهتفهمي
“بتجيب اللاب توب”..وبيحط الفلاشه
” ليل ومؤمن بيبصوا نظرات صارمه وحاده وبصدمه وتلعثم ف الكلام، مؤمن بيقول ده.. ده
_ “ليل وهي ماسكه ف التيشرت بتاعهُ من الخوف” إيه ده يامؤمن.. “بتوتر” الراجل الراجل بعد م قتله ف الجنينه بيشدوا للڤيلا
“مؤمن بيحط إيدو علي وشه” إيه ده مش مصدق عيني أقسم بالله
_ اكيد دي الكاميرات اللي محطوطه برا ف الڤيلا.. وهي إللي صورت الحاجات دي بس مين الراجل ده!! طب وليه قتلوا
= انتي عارفه ده مين ياليل!!
_مين!
= ده عم علي.. عم علي إللي حكيتلك عليه انه حارس الڤيلا من بعد موت فرغلي سعيد..او إللي إستمر ف حراسه الڤيلا وهو بنفسه إللي قالي انه راجل طيب وليه هيبه.. وهو إللي قالي إن ماجد وأولاده خدوا الورث ومَ صدقوا ومدوروش مين إللي قتل أبوهم وكل واحد وزع الميراث وسافر أنا مبقتش فاهم حاجه ياليل.. بس ف لغز ف الموضوع وده إللي مجنني
_ طب ممكن بس تهدى شويه، إستناني هنا هعملك لمون عشان نعرف نتكلم وهاجي.
“أومأ رأسه بالموافقه”
“مؤمن بيعيد تشغيل الڤيديو تاني.. لأ دي مش كاميرا الڤيلا إللي مصوره ده شخص كان واقف بيصور عم علي وهو بيقتل فرغلي سعيد.. لان بيصور تحركات عم علي وهو بيشد فرغلي لحد الڤيلا.. اكيد الشخص ده عمل كده عشان لو عم علي يفضل تحت التهديد أو ينفذ حاجه من غير م يفتح بؤه..
” الفيديو كان عباره عن”
واقفين تحت شجره فـِ الجنينه ومن الواضح إن كان ف كلام بيدور بينهم بس الصوت مش باين ف الفيديو لإن اللي مصور.. مصور برا سور الڤيلا وعامل زوم وفجأه عم علي بيطلع سكينه من جيبهُ وبيطعن بيها ٥ طعنات فرغلي سعيد بيها.. بيقع علي الأرض عَم علي ف حاله من الذهول إن فرغلي فعلا مات وبعد مرور ٥ دقايق قام بسحبُه داخل الڤيلا.. جري علي السكينه وحاول يمسح بصمات السكينه بمنديل قماش وبعدها تم حرقه.. حاول يردم الدم بالتُراب دخل غرفته وبعد مرور عشر دقايق خرج منها ومن الواضح إنه غير الهدوم المُلطخه بالدماء ومن بعدها جري علي الكُرسي الخاص بيه وعمل نفسه نايم
“بيقاطع شرود مؤمن وهو سرحان ف الڤيديو صوت ليل: حبيبي اتفضل اللمون
” بيتنفض من مكانه”..
= إهدىٰ ياحبيبي متقلقش
_ “بياخد نَفس طويل” .. مش مصدق عيني إنتي لو شوفتي عم علي ده هتقولي عليه غلبان متطلعش العيبه منه..تشوفيه وتتعاملي معاه بكلامه ودعوته ليا الصبح تقولي ميعرفش يدبح فرخه مش يقتل شخص وبالاحتراف ده.. ده شخص عارف هو بيعمل إيه كويس.. اللغز هنا مين حط الفلاشه علي المكتب واشمعني ف الوقت ده بالذات اللي إبنه ماجد هينزل فِ مصر.. وكمان الجوابات المترصصه ورسايل التهديد إللي جت لفرغلي سعيد بـ إنه يتخلي عن منصبه ياإما المقابل روحهُ.. وهو كان رافض.. رافض عشان من رساله الرد باين إنه مش قادر يتخلىٰ عن مسانده أهل قريته
_ ” ليل بتبص ف عيون مؤمن بتركيز وكان من الواضح إنها بتفكر معاه فـ خيط لحل القضيه “.. مؤمن عاوزه افهم حاجه
_قولي عاوزه تفهمي ايه
= مش انت بتقول ان الفيلا دي ف التجمع! يبقي ازاي اهل القريه!
_ من الواضح كده إنه عضو مجلش شعب أو ماسك منصب بخصوص قريته وهو عايش ف التجمع بس اللي فهمته من عم علي ف مره انه بيسافر كتير فاهمه
= تمام.. يعني أولاً عَم علي وراه حد.. وحد كبير ومش بس كده لأ حد قريب جدًا من فرغلي والحد ده من القريه بتاعته سواء أخوه أو حد من عياله هو الراس الكبيره إللي أمرت عم علي بقتل فرغلي عشان هدف معين والهدف واضح ف الرسايل وهو” المنصب”.. تاني حاجه بقي والأهم.. إن الراس المجهوله الكبيره دي شافت إن عم علي كارت محروق وعاوزين يخلصوا منهُ وكمان علي علاقه قويه جدًا بـ إبنه ماجد وعارفين تحركاته عشان كده إستخدموا بـ وضع الفلاشه علي سطح المكتب لما عرفوا بوصول ماجد عشان اكيد هيفتح مكتب أبوه ويعرف الحقيقه وساعتها مهما عم علي إعترف علي الشخص إللي وجهه محدش هيصدق عم علي لإنه راجل غلبان وعلي قد حالهُ..وكمان الشخص الحيزبون ده بكل الطرق بيحاول يلطف الجو ويتعامل بكل حِرص وود ومحبه عشان ميتشكش فيه لما يكشفوا هما عم علي
_ طب وهما هيستفادوا إيه دلوقتي لما ماجد يعرف او إخواته ان عم علي القاتل وبردو هيعترف عليه
=قولتلك اول حاجه الشخص ده حريص جدا واكيد عامل خطط لـ كل ده أو بَني علاقه لطيفه فيها وِد ومحبه عشان لو عم علي إعترف ماجد وأولاده وإخواته إللي مش بعيد يكون منهم ميصدقهوش وعم علي يلبسها لوحدوا وتاني حاجه بقي لإن الشخص ده عاوز يخلص من قلق عم علي إن كل يوم هيحس بخطر إن عَم علي عايش وممكن ف يوم ضميروا يصحىٰ ويعترف عليه وهو ميكنش لسه مخطط حاجه ويتكشف علي حقيقتهُ لكن لما هو يسبق أحسن.. فـ إبتدي يدخل حد الفيلا ويحط الڤيديو إللي أكيد هو إللي مصورهولهُ عشان وقت زي كده وبكده يكون عم علي هم وإتشال من علي قلبه فهمت
_ بجد إيه الدماغ دي.. والله ممكن يكون كل كلامك صح.. إنتي حللتي الموقف بجد لمجرد إنك شوفتي الڤيديو وحكيتلك
=”بتتكلم بغرور” أقل حاجه عندي..
_ “بقله حيله” طب أعمل إيه ياليل وأتصرف إزاي بجد محتار جدًا
= أنا هقولك تعمل إيه
_ كُلي أذنٌ صاغيه قولي
_……
________________
علي الجانب الأخر..
_ أنس إنت ليه خدت الملبس بتاعي
= عائشه إنتي ليه بخيله أنا مش إديتك بانيه الصبح وجبنه رومي!
_ “بتربع ايديها” لأ ماليش دعوه انا عاوزه الملبس بتاعي
= مش هديكي حاجه، عمو مؤمن هو إللي قايلي خد حاجه حلوه ياأنس إنت ومروان ومازن ورودينا إشمعني إديتيهم كلهم وأنا لا
_ يوسف: ياشحط ياهايف بتتخانق مع طفله ٥ سنين عشان ملبس
= يابابا بنكشها يابابا
_ طب إديلها وبطل إللي بتعملوا ده وإعقل
= عائشه بـ إنتصار: أحسن.. أحسن ياأنس.. حبيبي ياعمو يوسف إنت والله
_ وإنتي روح قلبي ياعائشه.. بابا وماما فين
= فوق
_ طب روحي قوليله انزل عند جدو تحت عمو يوسف وخالتو ساره وطنط حور وخالو لؤي تحت نقعد مع بعض شويه
= حاضر ياعمو، تعالي معايا يارودينا عشان في قطه سودا وبخاف منها
_ أنس بمشاكسه: يالهوي بتخافي من القطه يالهوي ده مروان ومازن مش بيخافوا وهما أصغر منك
= وإنتَ مالك إنت يابارد
_ “أنس بيقوم وبيبصلها بحِده” أنا بارد
=”بتصعب عليها نفسها وتتشهتف بالعياط”
_ساره: إخص عليك ياأنس “بتحضنها” خلاص ياحبيبه خالتو حقك عليا بيهزر معاكي
=أنس وهو بيضحك: بتعيطي.. ليه كده بس ياعيوطه
_يوسف: والله ياآنس لو مبطلتش لهتضرب
= يابابا عيب والله ده انا بقيت أطول منك
_ طب م إنت عشان اطول مني مش راضي إمد إيدي عليك وبطل تضايق البت
=حاضر “بيوجهه كلامه لـ عائشه” خلاص متزعليش انا معملتلكيش حاجه أنا برأتلك بس
_عائشه بعصبيه”: ملكش دعوه بـ عائشه خالص انت اصلا واحد بارد وانا مش بحبك خالص
ستها بدلال:تعالي هنا ف حضن تيتا، خلاص ياقلب تيتا بطلي عياط متزعليش هو وحش وانا وجدو هنضربهولك
جدها: إنزل هاتلها رز بلبن من السوبر ماركت من عند عمك سيد يلا
_”عائشه بتمسح دموعها وتحضن جدها ” شكرا ياجدو
= يعني كمان أنزل اجيبلها رز بلبن وهي عماله تهزقني وتقولي يابارد..
_جدو: اه إنزل بقي عشان انت اصلا عمال تضايقها..”بيديلوا الفلوس” خد هاتلنا كلنا واطلع انت نادي عمك وليل عشان ينزلوا
_ “مؤمن بـ استفزاز” طيب هروح اهو وهنادي عمو مؤمن وعمتو ليل عشان عائشه الخوافه مش هتعرف تناديهم عشان القطه السودا..
“يوسف بيحدفوا بشبشب الحمام”..” انس بيجري وهو بيضحك”.. “بيرفع حاجبه بغيظ وبيضحك” باي باي ياعائشه..
_ عائشه: والله عيل عبيط
“بيضحكوا علي تلقائيتها”
“أنس بيجيب الرز بلبن وبيطلع يخبط علي مؤمن وليل”
ليل:إيه يا حبيبي عائشه عملت حاجه!
_ لأ، بس جدو عمل حسابكم ف رز بلبن انتي وعمو مؤمن وعايزكم تنزلوا..
= رز بلبن.. الحق يامؤمن عمي عازمنا ع رز بلبن وانا نقطه ضعفي الرز بلبن يلا ننزل
= لا أنا مش فايق انزلي إنتي
_طب انزل ياأنس وهاجي انا وعمو مؤمن وراك
= طب ماتجيبي بوسه وانتي قمر كده
_ ونبي انت اللي قمر.. “موااههه”
_ هنزل أغيظ عائشه انك بوستيني وهي لأ
= ياختتتاااي هتفتحلك سارينه عياط مش هتخلص منها
_ لا لا متخافيش لسه معيطها وإضربت بالشبشب
= والله أحسن تستاهل
_”أنس بيرفع حاجبيه” بقي كده ماشي ماشي كنت واخد أنا الدلع كله جَت عائشه نسيتي أنس
= “بتحضنه” انا اقدر أنسي إبني حبيبي بردو!
_ “بيغمزلها” ماشي هعمل نفسي إتثبت
“بتقرصهُ من خدو بمشاكسه” ماشي يااستاذ أنس يلا روح وانا جايه وراك ومتضايقش عائشه عشان أجوزهالك
_ “بغرور” كده كده هتجوزها ده أمر مفروغ منه
= نفس تناكه وغرور وثقه عمك وتناحته معايا
مؤمن: بتقولي حاجه ياليل
_لسه حالًا كنت بشكر فيك “بتوجهه كلامها لـ أنس” إنزل عشان كلمه كمان وهيبلعني انا وانت وهو علي أخروا
= خلصانه أنا نازل
“بتقفل الباب وتقرب علي مؤمن” الواد بيقولي خلصانه يامؤمن، إيه الجيل ده!
= إنتي مبتشوفيش لماضه عائشه
_ لأ بشوف ياخويا، المهم بقي ليه مدي الموضوع أكبر من حجمه مش انت بتثق فيا وفـِ قراراتي!
= أه
_ ييبقي ننزل عشان محدش يحس إنك زعلان وكمان أهو أنا ريحتك لا ضغط عليك وقولتلك إبعد عن الموضوع ده ولا هاجمتك بالعكس لان انا عارفه انك ممكن بعصبيتك بعد اللي شوفته ده تتصرف غلط وتبوظ الدنيا.. ف ننزل ناخد سهرتنا وننبسط وبكره كل حاجه هتتحل..
“بيترمي ف حضنها وبيقول” صعب كنت أعيش حياتي وإنتي مش فيها.. صعب كنت اشوفك مع حد تاني.. بحمد ربنا كل يوم إنك عرفت أختار صح ولو لمره واحده ف حياتي.. الإنسان بيتولد علي الفِطره بيلاقي نفسه وسط أهل سواء كويسين أو وحشين ف النهايه هو مبيختارش أهله بس بيختار شريكه حياته إللي هتكمل معاه ولازم الإختيار ده يكون صح عشان موقف زي إللي أنا فيه ده مكنتش هجري عليكي كده لو مش فهماني وبتسمعيني عارفه ياليل
_ليل بـ ابتسامه وبتمَشي إيديها علي شعروا: قول ياحبيبي سامعاك.
=ساعات كتير مبحسكيش مراتي، أه والله بحسك صاحبتي.. معظم مشاكل الحياه الزوجيه إن الزوج بيخاف يحكي لمراته أي حاجه لتفهمه غلط وتتقمص وتزعل وتروح بيت أهلها وتهجروا.. لكن أنا لأ انا ببقي واثق إني لو وقعت ف مشكله عادي إيه يعني هلاقيكي مستنياني ف البيت بِ إبتسامتك إللي هونت عليا المشكله من قبل م أحكيها وتسمعيني بكل حب ومهما كان حجم المشكله كبير بلاقيكي تلاقيلها حَل أنا عجزت عن إني أوصلهُ.. دايمًا ف علاقات الحب او الجواز والخطوبه واحد منهم بيبقي عاوز يكون ليه صاحب غير الشخص اللي ف حياته طب ليه!لإن بيبقي عارف ان صاحبه ده هيسمعوا ومش هيفهموا غلط ومش هيتقمص ولا يزعل وإنه او حكي لشريك حياته ده كل حاجه بصدق من غير خُبث هيزعل، ف الطرف الاولاني هيبتدي يخاف من المشاكل وهيبتدي يكدب ولو الطرف الاولاني سأله علي حاجه هيخاف يحكي الحقيقه لإنه جربه قبل كده وزعل ومش عارف إيه معاكي إنتي مش محتاج لا صاحب ولا أهل احتاجلهم ولا واحده تانيه ألجألها وأحكيلها إنتي قايمه بدور الزوجه والأم والأخت والصاحبه
_ معقوله إنت شايفني كل ده!
= واكتر كمان ياليل
_ لو كل زوج بعد مازوجته حليتله مشكله وقَدر وقفتها جمبه وإنها بتسمعلهُ زيك كده عُمر م هيكون ف مشاكل.. علاقات الحُب الناجحه هي المشاركه والتقدير ف كل حاجه مش شرط التقدير ف انه جابلي ورده ف اجيبله الورده لأ، التقدير ف إن الورده إللي جبهالي أحسسهُ إنه قدملي جنينه وإنها حاجه كبيره بالنسبالي..ساعتها هو هيحس إنه فعلا بحبه وإن القليل منه كتير ف عيني واني مش محتاجه قصر أعيش فيه عشان اكون مبسوطه أوضتنا إللي من اربع حيطان محسساني بقيمه القصر ده
_ أنا بحبك ماشي “بيقوم من حضنها”
= وانا بحبك اوكييييه “بصوت عائشه”
_ اوكيييه ياختي انتي وبنتك.. “بكل حماس” يلا ننزل نسهر سوا!
= ايوه كده ده مؤمن إللي عارفاه، يلا ننزل ومتشيلش هم أنا معاك..
_ عارف ياحبيبتي، يلا إلبسي الخمار ويلا
= حاضر..
“بتلبس الخمار وينزلوا”
_________________
ليل ومؤمن ف نفس واحد “السلام عليكم”
_ الكل ف نفس واحد “وعليكم السلام ورحمة الله وبركاته”
_ مامي مامي..
=ايه ياروح مامي
_ جدو جابلك رز بلبن انتي وبابي..
= عارفه انس قالي
_”بترفع حاجبيها لـ أنس بغيظ” أنس ده كل حاجه بيقولها
= ليل: عيب كده اخوكي حبيبك
_ “ب استحقار” لا مش اخويا الوحش ده اللي عندو شنب وحش بتاع بابي احسن
“الكل بيضحك علي لماضتها” ..
_ طب علي الاقل انا شنبي لايق عليا اما انتي القطتين دول مش لايقين عليكي دول عاوزين طفله وانتي مش طفله
=”بدلال” اه ياحبيبي عارفه انا كبيره وعندي ٥
_ يعني عشان عندك ٥ سنين متبقيش طفله
= يوسف قلع الشبشب من رجله وبيهددوا انه هيحدفوا بيه: إنت شكلك عاوز تترن علقه انا عارف سيب البت وخلينا قاعدين ساكتين
_ ” عائشه بتقرب علي عمها يوسف وبتبوسه” انت حبيبي ياعمو
= يوسف بيرمي الشبشب بـ إستسلام ياقلب وروح عمو من جوا.. الواد ده لو عَملك أي حاجه تفي علي وشه.
= ليل: عاوز تبوظلي البت اكتر م هي بايظه ده انا بمسك لسانها بالعافيه تسلطها علي الواد اكتر
_ لا يستاهل عشان هو إللي بيضايقها.. ياض ياشايخ لو إتجوزت بدري شويه كنت خلفت قدها
= لا وسعت منك دي يابابا
_ وسعت مني شوفي الواد وقلة ادبه!
= أنس: خد مني بوسه وانا نايمه، شوف قله ادبه!
_يوسف بيوجهه كلامه لـ ليل: اتفضلي ياستي شوفي تربيتك
= ليل وهي بتضحك: انس ياحبيبي خلاص بابي شعروا طار وبقي زلبطه زي معتز علي رأي لميس هنطيرلوا إيه تاني
_ يوسف بيوجهه كلامه لمؤمن:إتفضل ياسيدي مراتك بشتكيلها بتتريق عليا.. ياختي اختك وخداني بشعر ومسبسب والبنات حواليا كده اهو بقُدره قادر الحمامه طيرتهم.
_ ساره بتضيق عينيها وبمكر: قصدك إيه يايوسف ها، هنيمك ع السلم إنت حر..
= عضمي وجعني من نومه السلالم إرحميني
_ ساره بصدمه:ها يعني انا بنيمك علي السلالم بجد إخص عليك يايوسف..والله انت كداب
= بهزر معاكي ياحبيبتي
“بياكلوا الرز بلبن”..
_أبو مؤمن: عامل ايه يامؤمن ف الشغل!
=”مؤمن بتوتر بص لـ ليل وبعدين وجهه نظروا لـِ باباه مع إبتسامه مزيفه بيداري فيها التوتر من سؤال أبوه ف الوقت ده بالذات”: الحمدلله يابابا
_ طب قوم يابني تعالي عايزك..
= حاضر ياحَج..
“بيقوموا يدخلوا البلكونه..ليل إتوترت علي توتر مؤمن..ليل مُدركه إن مؤمن إستحاله يتراجع عن تفكيروا عشان كده قررت تساعدوا لكن بالها مشغول وخايفه،وزاد خوفها لما باباه حَس بيه ف الوقت ده بالذات غمضت عينها وقالت..اللهم إني استودعتك نَفسي وزوجي وإبنتي وأهل بيتي ف ودائعك وانت لا تضيع عندك الودائع”
“ساره بتلمس إيد ليل،ليل بتتنفض”..
_ساره بصوت خافت: فيكي إيه ياليل شكلك مجهد وقلقانه..
=ليل بـ إبتسامه وطبطبت علي إيديها..إطمني مفيش حاجه..
_ تحبي نطلع فوق وتتكلمي معايا طيب
= لا أنا كويسه متقلقيش
_ بجد!
= اه بجد
________________
علي الجانب الٱخر..
_ياغبيه قولتلك ٦ تفاحات هتشيلي منهم ٣ تفاحات او إعتبريني خدت ٣ تفاحات هتبقالك انتي كام.
= انا مش غبيه انت اللي غبي ياانس”بتقغل الكشكول بعصبيه” مش هذاكر خلاص
_”يوسف ماسك لـ أنس الشبشب كإنه سلاح بيهددوا بيـه “..لو زعقتلها تاني هتلاقيه ف وشك الجميل المسمسم ده
_عجبك كده بذاكرلك وانا تحت تهديد السلاح..”بيوطي صوته” افتحي الكشكول ومتتعصبيش بدل م أديكي ف سنانك
= “عائشه بنبره تهديد” اقول لعمو يوسف دلوقتي!
_ خلاص خلاص طب بصي براحه خالص اهو،انتي مش كنتي شاطره امبارح وحليتي صح!
طب هديكي واحده غيرها
٥ _
٤
____
هتتحل ازاي..ركزي ولو حليتي صح هديكي بوسه
_ ايه،انت قليل الادب
= وطي صوتك طيب،انا قصدي هديكي دبوسه اللي هي ف الفرخه دي عارفاها
_ “ببراءه” اه انا بحسبك بتقول بوسه معلش ياانس..
= دايمًا ظلماني..طب حلي كده
_ بص ياأنس انا هطلع ٥ تفاحات علي إيدي كده ????????
= براڤو كملي
_ وبعدين انس هيجي ياخد مني ٤ ☝..ف كده هيتبقي ١ بس
= براڤو ياعائشه شاطوره..
_ شكراً،شكراً
= طب يلا همَليكي كلمات من مُعلم القراءه..
_ بس انا مخدتش غير تدريب ١ بس
= خلاص انا همليكي منه واشوفك شاطره ولا لا
_ ماشي..
= يلا إكتبي قرأ
_ “بتكتب وهي بتشتهجىٰ” قَـرَأَ..كده صح
= ماشاء الله شاطره،طب اكتبي ياستي كتب
_ “بتكتب وهي بتشتهجىٰ”..كَتَبَ
= برافو ياعائشه،لا انتي شاطوره بجد
“بيكملها مذاكره..علي الجانب الأخر”
_________________
_ نعم يابابا ف حاجه!
= مالك ياإبني أول مره أشوفك سرحان كده ليه! عمري م شوفتك ف وسط قاعده إحنا فيها سَرحت أو إبتسمت مجرد إبتسامه عشان محدش ياخد بالهُ من حُزنك
=متقلقش ياحج انا كويس والله
_ ف مشكله ف الشغل طيب!
= لأ متقلقش لو ف حاجه أكيد هقولك
_ محتاج فلوس!
= مستوره والحمدلله..متشغلش بالك إنت ياحَج “بيبوس إيدو” ربنا يباركلنا فيك يارب
_ وفيك يابني ويسترها معاك ويوسع رزقك قادر ياكَريم
= أمين يارب أمين..
________________
_ لؤي: ليل انتي كويسه
= متقلقش ياحبيبي انا زي الفل اهو
_ محتاجه فلوس طيب!
= مستوره الحمدلله متقلقش ياحبيبي شايلاك وقت عوزه
_حور بمشاكسه: شكلك بتسرحي بتحبي ف مؤمن من اول وجديد مش كده
= اه ياأروبه عرفتي إزاي
_ ياباشا عيب عليكي باين عليكي الحب،عينك طلعت قلوب اول ماقولت إسم مؤمن..
= ليل بخجل:طب اتلمي عشان هو جاي علينا
_مؤمن بشك: ايوه ايوه قدام متجمعين كده يبقي بتنموا علي حد
= لا حاشا لله انت تعرف عن ليل حبيبتك كده!
_ لا بصراحه..بس ممكن تنمي عليا انا عارف مش علي حد تاني
= طب انت غلبان ومش بتعملي حاجه تفتكر هنِم عليك أقول ايه
_ هتخليني أتغر ف نفسي كده والله..
= أيوه بقي وهتتنك علينا لا ياعم عادي هنم عليك كل يوم بيغلبني ف الصحيان وافضل اصحي فيه ساعه وف الاخر يقولي سيبيني عشر دقايق و..
“بيحط إيدو علي بؤها” سارينه وإتفتحت ياربي
“بيضحكوا”
_ طب اتعدل وخليني ساكته ها
= حاضر ياستي
_________________
“بعد م بيقعدوا قعدتهم كل واحد بيطلع علي شقته..”
فـِ شقه ساره ويوسف..
موبايل ساره بيرن..يوسف بيسالها: مين بيتصل بيكي الساعه ١٢ يابنتي!
= دي ندى..هرد عليها أكيد فِ حاجه مهمه تخليها تتصل ف الوقت ده..
_ طب ردي
= ألو،إيه ياندى عامله إيه!
_الحمدلله كويسه،صحيتك!
= لأ ياحبيبتي أنا كنت صاحيه،فيكي حاجه!
= انتي قاعده جمب يوسف!ردي بـ أه أو لأ
_ أه
= هتعرفي تقومي..
_ أه،خليكي معايا ثواني..
“نام يامروان جمب بابا وانا ثواني وجايه..بعد اذنك يايوسف”
= إتفضلي ياحبيبتي
“بتخرج برا الاوضه”
_ انا خرجت قولي
= سهيله كلمتني
_ قبل م انتي تكلميها!
= أه،بعد م قفلت معاكي وقولتلك هروح أكلمها وهسألها علي حسام أطمن عليه من غير مَ تعرفهُ لاقيتها بتكلمني وبتقولي محتاجه تشوفني قولتلها انا كنت داخله اكلمك كده كده
= ليه ياغبيه قولتلها،كنتي خليكي تقيله وهما إللي بيدوروا وراكي
_ م هو الغباء بتاعي كنت متردده وكده كده انا كنت هبعت مسدچ ف الوقت ده أصلاً بس لاقيتها كتبت المسدج واكيد بان عندها إني قَريت المسدچ ف ساعتها ف قولت افهمها عادي
= طب ماشي إتفقتوا هتتقابلوا فين!
_ ف النادي اللي جمب المستشفي
= طب خلاص روحي شوفيها
_ المشكله متوتره أوي، تفتكري عايزاني ليه!
= ممكن يكون أخوها حكالها فـ هي بتعتذرلك بالنيابه عنهُ
_ طب هو انا ليه وافقت وليه بالي مشغول عليه وعاوزه اطمن عليه، رغم إللي عملوا وإللي زعلني مِنهُ أوي.
_ بـ إختصار إن ممكن تكوني فاكره إنك إتعودتي علي وجودهُ فـِ حياتك، بس إكتشفتي إنك متعلقه بيه أو مشدوداله لما بعد عنك ومبقاش قصاد عينك
= بس إزاي ياساره أنا حاسه إني مقفوله أوي من كل الناس بسبب إسلام وإللي عَملوا فيا
_ بصي ياندى موضوع إسلام ده مفروض أصلا تمحيه من ذاكرتك لإنه شخص ميزعلش عليه لا هو ولا صاحبتك تمام! تاني حاجه إنتي وافقتي ب إسلام من البدايه عشان زن أهلك اللي ف البيت وانك متخطبتيش وإللي قدك إتخطب وإتجوز ومعاه عيال ف أيقنتي إنه عشان قدام عينك وبيلمحلك إن ده بقي الحب وهو رسم عليكي انه شخص كويس انتي زعلانه عشان كرامتك وإحساسك بالنقص إنه بص لصاحبتك وهيّ فيها إيه مش فيّ وهكذا أما وجود حسام وخاصةً إنك جريتي عليه وقت اللي حصل وحكتيله ومحستيش بنفسك ف دليل ع إنك بالفعل متعلقه بيه.
_ طب تفتكري هي جايه تعتذر بس!
= تقصدي إيه!
_ مش عارفه،يعني تفتكري حسام هيجي معاها!
= علي ماأعتقد لأ،لان لو فعلا جايه تعتذر ف هو اللي هيكون قايلها،وهو اكيد عارف إنك مش طايقاه دلوقتي ف هيفُضل إنه يبعد عنك ف الوقت الحالي لحد م نَفسيتك ترتاح من ناحيته
= عندك حق،طب ألبس إيه..أنا طلعت الدولاب كله قدامي وبردو محتاره أوي
_ شوفتي الدريس إللي روحنا إشترينا بيه هدوم مروان بتاعت العيد
= أه..
= إلبسيه فضفاض وحلو جداً عليكي.
_ حاضر هلبسوا،يلا روحي عشان مروان معلش قلقتك
= قلقتيني إيه ياهبله إنتي أختي،وإبقي طمنيني عملتي ايه
_ حاضر،تصبحي علي خير
= وانتي من اهل الخير..
“ساره بتدخل تطمن علي رودينا وأنس ناموا ولا لسه..
بتقرب علي انس..
_مالك ياحبيبي سهران ليه!
= مش عارف انام ياطنط ساره
_ ليه بس!
= هو انا تافهه!
=”بتبصله ب استغراب” ليه بس بتقول كده!
_ عشان بحب عائشه وهي لسه طفله!
= “بتبتسم ” بص ياحبيبي،النصيب ده بتاع ربنا وسواء إنت أو هي ف لسه صغيرين..بكره تكبر وتدخل الجامعه وتشوف بنات اشكال وألوان وهي كمان كده لكن الاهم ف السن ده انك تهتم بمذاكرتك وبس
_ بس انا مش صغير انا بحبها،وهستناها تكبر ومش هخليها تحب حد من الجامعه..
= الحب ياحبيبي مش بالغصب،محدش يقدر يفرض نفسه علي شخص حتي لو كان روحه فيه..الحب خَطفه ويا تُقع ف الحب يا لأ..سيبها علي الله وزي ماقولتلك إنتو الإتنين لسه صغيرين..ممكن تنام وتبطل تفكير
_ حاضر،بس تفتكري لو فضلت أدعي كل يوم ان عائشه لما تكبر تحبني وتتجوزني ربنا هيتقبل!
= أه ياحبيبي طبعا ربنا أمرنا بالدعاء ووعدنا بالإستجابه..ف متقلقش..
_ انا بحبك اوي..شكرا انك طمنتيني
= وانا كمان بحبك،يلا بقي غمض عينك واقرا قران ونام
_ حاضر
“انس كان فرحان بعد م سمع جمله”” ربنا امرنا بالدعاء ووعدنا بالإستجابه” “ووعد الله هو الحق”..بيقرا قران وبيغمض عينه وبيروح ف النوم.
“ساره بتروح اوضتها..”
_”بصوت خافت “ايه ده مروان نام..طب كويس..انت ليه منمتش!
_ مستنيكي ياحبيبتي
= ماشي ياحبيبي،تصبح على خير
_ وانتي من اهل الخير يارب
= يوسف انت ليه مسالتنيش ندى كانت عاوزاكي ف ايه!
_ عشان لازم اديكي مساحتك الشخصيه ياحبيبتي،وان ممكن تكون دي حاجه بينك وبينك مش عاوزه تحكيهالي ف ليه أفرض عليكي سُلطتي او أتدخل ف حاجه مش هتعنيلي شئ،اكيد لو كنتي محتاره ف مشكله هتحكيلي غير كده لا صح!
= صح ياحبيبي،ربنا يباركلي فيك
_ وفيكي ياحبيبتي يارب..
_________________
ف شقه ليل ومؤمن..
_ مش هتحكولي حدوته!
= لا انا بؤي وجعني إمبارح وإنتي نمتي إنتي وبابي ياختي
_ لا انا سمعت الحدوته كلها بس عملت نفسي نايمه
= أه ياأروبه إنتي،ماشي ماشي..
_ طب حطي ايدك علي شعري واقريلي قران.
= حاضر ياستي
” بتنيم عائشه ف حضنها وبتمسك ايد مؤمن بطبطب عليه وبطمنوا..بيبتسم ” تصبحي علي خير ياحبيبتي
_ وانت من اهل الخير ياحبيبي
= فين بوسه عائشه يابابي!
_ “موااهه”
= ايوه كده شاطر
_________________
ف غرفه ندى.
كانت بتصلي قيام الليل وبتدعي ربنا يختارلها كل الخير ويبعد عنها تفكيرها اللي هيإذيها نفسيا ويبعد عنها الناس الوحشه وينور بصيرتها دايماً..
قلعت الإسدال وإبتدت تحضر ف الدريس إللي هتنزل بيه بكره..بتبص لنفسها ف المرايه..أنا ليه اتوتر! عادي مش مشكله أيًا كان إللي هيحص أنا هواجههُ
“خدت نفس طويل وقفلت نور اوضتها ونامت”
_________________
“تاني يوم”
يا صباح الرعب الساعة دلوقتي 6 وعلى المقيمين خارج مدينة الرعب المحافظة على فروق التوقيت درجة الحرارة في الضل 25 وده كويس للزواحف، واحتمال يبقى الجو هايل للكسل في السرير، أو النوم، أو اقولك الاحسن؟ عمل تمرينات للمخوفاتية.. إصحي يابابييييييي
_ ايه.. ايه ياعائشه حد يصحي حد كده!!
= يلا يابابي قوم عشان الشغل
_ “بيحاول يفوق.. ويفرك ف عينه”طب مامي فين
= مامي ف المطبخ بتحضر الفطار وقالتلي إغسلي سنانك ياعائشه وصحي بابي
_ طب هاتي بوسه
= مواههه.. يلا يابابي بقي عشان تغسل وشك وسنانك
_ حاضر ياستي
” بيقوم وبيفطر وبيلبس وبيتكلم مع ليل كالعاده زي كل يوم وبتحاول تطمنوا بكلامها وإن إللي جاي كله خير بتديلوا أمل إنك عاوز تعمل خير والمجرم ياخد عقابه ف متقلقش “
“بيبوس راسها”
_ خلي بالك من نفسك
= حاضر، لا اله الا الله
_ محمد رسول الله
________________
_مؤمن بيوصل عائشه للحضانه.. وبيمشي لڤيلا فرغلي سعيد..
_ عم علي ب ابتسامه مزيفه: ايه يابني عامل ايه
= مؤمن بيتك علي سنانه وبيحاول يداري عصبيته: الحمدلله ياعم علي، امال استاذ ماجد مجاش ولا ايه!
= عم علي بتوتر لـ لأ لأ مجاش “ب إرتباك اكتر” ليه يابني ف حاجه!
= مؤمن بيقرب عليه وبيرفع حاجبه وبيبتسم إبتسامه مزيفه بمعني إنه فاهم إنه بيكدب رد عليه بمكر وقال:مالك ياعم علي، متوتر كده ليه! بس غريبه امال عربيه مين السودا دي!
“عم علي بَص لـ مؤمن نظره حاده ضَم علي إيدو جامد عروق إيدو نَفرت والإيد التانيه تَبت بيها علي بُندقيتهُ إللي شايلها علي كِتفهُ”..
_ مؤمن كَرر سؤاله تاني: مَردتش عليا ياعم علي عربيه مين السودا
_ ضحك بمكر وقال: اه دي بتاعت استاذ ماجد وعمو فؤاد بيه
= امال ليه نكرت وجودهم!
_ لا يابني بضحك معاك، خير كنت عاوزهم ف حاجه اصلهم لسه علي وصول ومش هيرضوا يقابلهُ حد
= متاخدنيش ف دوكه ياعم علي قولهم بشمهندس مؤمن محتاج يقابلكم ضروري
_” عم علي بينه وبين نفسه” حاسس ان انت االلي هتوديني ف ستين داهيه
= يابني م انا قولتلك اكيد عاوزين يرتاحوا تعالي ف وقت تاني
“مؤمن بينه وبين نفسه” “هه عشان تلحق تعمل خطه جديده مع الشخص إللي خلاك تقتل فرغلي سعيد مش كده”!.. رد بخبث وقال: لا معلش قولهم دلوقتي..
_” عم علي بقله حيله ” تمام تعالي ورايا يابني
“عم علي بيدخل الاوضه بتاعت فرغلي سعيد.. وقتها كان قاعد معاه فؤاد” اخو فرغلي “” وإبنته أسيل مرات ماجد”..
سَمحوا ليه بالدخول “
“مؤمن كان واقف بكل وقار.. أنا اسف إني جيت من غير معاد بس الكلام إللي هقوله كان لازم يتقال ف اقرب وقت”
_ماجد بيرحب بوجوده “: اكيد طبعاً إتفضل.
” مؤمن بيشاور بعينه لماجد بمعني ان عم علي يخرج برا “.
ماجد بيفهم وبيطلب منه انه يخرج ويجيب لـ مؤمن حاجه يشربها..
” فعلاً بيخرج.. لكن القلق كان بيراود تفكير عم علي وحاول كتير يتصل بالشخص المجهول أو إللي قالوا يقتلوا لكن الموبايل كان مقفول “..
________________
_” مؤمن بيدي الفلاشه لماجد”.. اتفضل!
=ايه دي!
_ لما تفتحها هتعرف إيه هي
= قلقتني يابشمهندس
_ كل اللي عاوز افهموا هو فعلا حضرتك مدورتش علي اللي قتل باباك ونزلت بس عشان تاخد حقك من الميراث وتسافر تاني!
“ماجد بيضحك ب استهزاء انا”!!!
” بيرد مسرعا عمه فؤاد” يابني إحنا عينينا مشافتش النوم.. ولو نمنا نومنا مقطع.. يابني احنا لحد الان مش مرتاحين ولا عارفين نعيش حياتنا طبيعي.. ومش عارفين مين اللي عمل كده.. اكيد اخويا كان ليه اعداء كتير هو كان شخص خَيّر جدا واهل القريه كانوا بيحبوه بس اكيد ليه اعداء مش حابين حُب الناس ليه ومستكترين عليه المنصب.. لكن.. لكن مين قالك الكلام ده!
_ افتحوا الفلاشه واتفرجوا وهتعرفوا كل حاجه.
“بيشغلوا الفلاشه ع الاب توب ماجد وفؤاد واسيل قاموا وقفوا من كتر الصدمه والدهشه” ماجد بتلعثم ف الكلام عَم.. عم علي!!! طب ليه.. ليه.. ومين صوروا ومين جاب الفلاشه دي هفهمك..
فلاش باك
_ بص ياحبيبي اولا لازم تروح لماجد ده وتديلوا الفلاشه بكره وتروحله فجاه كده واكيد عم علي هيحاول يمنعك لانه هيشك فيك ب ان ايه اللي جابك تاني الفيلا بعد م خلصت شغلك وكمان عاوز تقابل ماجد! ف تصمم انك تدخل.. تاني حاجه هتسال الاول ماجد هل فعلا هو نزل ع ياخد الفلوس ويسافر تاني! تالت حاجه.. تفرجوا ع الفلاشه بسرعه وتقفل اللاب توب لحد م عم علي يدخل عليكم وتحاولوا تستدرجوا لحد مكان الجريمه تحت جمب الشجره اللي قتل تحتها فرغلي سعيد ولازم تحطوا تحت ضغط عصبي وتكون مسجل الكلام اللي هيقوله ده صوت وصوره.. وتحاول تفهم ماجد كل الكلام اللي فهمتهولك من شويه ان اكيد وراه شخص تاني ولازم تعملوا عليه خطه وان الراجل ده مش بعيد جدا يكون شخص ودود وطيب معاه الفتره دي
_ طب اشمعني مكان الجريمه نخليه يعترف عندها
= اولا لان من كتر التوتر والضغط اللي هيكون فيه وكمان تبعدوا التراب عن المكان ده ويشوف ٱثار دم فرغلي هيعترف بكل حاجه من غير م يكدب هيحس برهبه والمشهد هيتعاد قدامه من تاني غير اي مكان تاني ممكن يخترع كلام وخلاص
_طب معقوله الارض مش هتكون إمتصت الدم..
= معقوله يامؤمن انت متعلم ومش عارف
_ لا بصراحه
=طب بص اول حاجه هما سببين
سبب علمي وسبب ديني
السبب العلمي:
فقيل لأن جزيئات الدم أكبر من المسام الموجودة في الأرض، فيتجلط الدم، كما أنه يوجد بالدم أجسام سيتوبلازمية ولا تتكسر إلا عند ملامستها الهواء فيتجلط الدم حتى لا يحدث نزيف، ودور هذه الأجسام الأساسى هو تحويل المادة البروتينية السائلة الموجودة فى الدم – وهى الفبيرونجين – إلى مادة صلبة تسمى الفبيرين، وهى خيوط متصلبة تتجمع حول السطح الجلدي لتمنع خروج الدم من الجلد؛ إذن فالأرض من الطبيعي لا تشرب الأجسام الصلبة، بل يدفن بفعل عوامل الطقس.
________
السبب الديني:
فهو عندما قتل قابيل أخاه هابيل ودفنه، جاء سيدنا آدم وسأل على ابنه هابيل، فقالوا له إن أخاه قد قتله، فقال أين دمه، قالوا لقد شربته الأرض، فدعا قائلًا لعن الله أرضًا شربت من دم ابن آدم، ومنذ ذلك الحين ومحرم على الأرض أن تشرب أي دم
وجاء في “غريب الحديث” لابن قتيبة، و”تاريخ دمشق” عن وهب بن منبه: أن الأرض نَشِفَت دم ابن آدم المقتول، فلعن آدم الأرض، فمن أَجْل ذلك لا تنشْفَ الأرض دماً بعد دم هاَبيل إلى يومِ القيامة.
_براڤو عليكي ياحبيبتي
вacĸ
___________________
_ده كل اللي حصل..
“ماجد أنفاسه بتتسارع..ويبتلع ريقهُ..”
“فؤاد حَس ان الدنيا بتلف بيه”
اسيل مسكت بطنها وحاوطت إبنها او بنتها إللي لسه بتتكون جواها دموعها خانتها وعيطت..
_ مؤمن بحرص شديد: جماعه لازم تتعاملوا عادي هو زمانه جاي بالقهوه انا هتكلم عادي جدا حتي بعد م يدخل الاوضه تمام كاني هتكلم عند ديزاين تغيروا بيه شكل الجنينه وانتو تتكلموا عادي ولما ننزل تحت ونروح المكان تنادي عليه..ووقتها هَدي مرات حضرتك الموبايل وتصور بشرط مياخدش باله لحد م نخليه يعترف..اتفقنا..
“بيقاطع كلام مؤمن صوت الباب..
اسيل بتمسح دموعها بسرعه البرق وبتبتسم وبتحاول تشغل بالها بالموبايل بحيث ان عينها متجيش ف عينه..ماجد قال ادخل ومؤمن كمل كلامه..طبعا ده هيدي للڤيلا شكل أحسن وخصوصا إنك كمان ممكن تعمل حفلات او تنظم حفلات تبرعات..
” عم علي بياخد هدنه طويله وهو بيحط صينيه القهوه علي الترابيزه..حَس إنه ارتاح وان مؤمن جاي ف شغل ابتسم وخرج”
_مؤمن: هنستني ٥ دقايق ونخرج تمام..حاولوا تتماسكوا أعصابكم..
=ماجد: شكرا يابشمهندس انا مش عارف اشكر حضرتك ازاي انك عرضت حياتك للخطر وبذلت من جهدك ووقتك وتوتر اعصابك عشان خاطر شخص متعرفهوش
= انا معملتش حاجه وبعدين هو اكيد ف بينه وبين ربنا حاجه تخلي شخص مش بيتدخل ف حاجه ولا ف حياه حد عنده إصرار انه يجيب حقه ف ربنا بيحب والدك الله يرحمه..
“بيطلع الجوابات من جيبو”..وكمان عاوزك تقرأ الجوابات دي ورسائل التهديد وباباك رد علي الشخص ده بس ملحقش الظاهر يبعتهالهُ
_ كل حاجه بانت الحمدلله،وفعلا الشخص اللي باعت عم علي من الواضح انه عاوز يخلص منه عشان يعيش مرتاح البال
_مؤمن: طب يلا بينا نخرج
=”بينزلوا ويروحوا المكان تحت الشجره ماجد بينادي علي عم علي بيقرب عليهم بتوتر..
“بقولك ونبي ياعم علي هاتي الكوريك من هناك كده.
_ ليه يابني ف حاجه!
= لا ياعم علي هات بس
_ بيروح يجيبوا وبيجي..
“ماجد بياخدوا من إيدو..وبيشيل التراب المردوم علي أثار الدم..ماجد اول م شاف دم ابوه اللي علي الارض..الدموع اتجمعت ف عينه..وبصله نظره شر..ليه ياعم علي ليه!
“عم علي بيبعد خطوه”..مؤمن بيمسكوا جامد وفؤاد بيساعد مؤمن”..
“ماجد بيكرر السؤال تاني” رد عليا ليه ومين اللي وراك..رد ساكت ليه
“مؤمن بيشاور ل اسيل ب انها تبتدي تصور”..
“عم علي بيغمض عينه جامد ويتك علي سنانه”
” ماجد بعصبيه ” رد قولتلك فتح عينك..الدم اللي نشف ده دم ابويا ها! قولي عملك ايه وحش عشان تطعنوا بالشكل البشع ده قولي ليه..
“فضلوا يكرروا كلهم الاساله ف وقت واحد عشان يتحط تحت ضغط”..
“فلت إيدو منهم ووقع علي الأرض وشال العِمه من علي راسه وعيط عياط هستيري والله غصب عني غصب عني”
“فؤاد بيشيلوا من علي الارض وبكل غل بيضربه بالقلم” رد مين اللي وراك مين اللي قالك اقتل اخويا!!
_ ممدوح بيه سعيد.
“ماجد وفؤاد ف نفس واحد..ممدوح..عمي”:!!!!!!!
________________
_ علي الجانب الاخر.
_____________
ندى لبست وف طريقها للنادي..
سهيله نزلت وحسام وصلها بالعربيه
_ هستناكي هنا
= مش هتيجي معايا!
_ لا خايف مترضاش تسمعك بسببي،يستحسن انتي تروحيلها وتعتذرلها بالنيابه عني وخدي معاد وانا هتقدملها.
= حاضر استناني مش هتاخر.
______________
“بتدخل جوا النادي،وسهيله بتروح للترابيزه اللي ندى قالتلها انها مستنياها عليها”
= بتقرب عليها ب ابتسامه.اذيك ياندى
= الحمدلله ياسهيله،عامله ايه انتي اتفضلي
_”سهيله بتقعد “..انا كويسه ياستي..ها هتشربي ايه!
= كابتشينو وانتي
_ كابتشينو بردو
“بيطلبوا الكابتشينو”
_ بصي بقي بصراحه حسام حكالي كل حاجه..وهو واقف برا ف العربيه ع فكره
=ندى بتتوتر وبتتلفت حواليها”
_ متخافيش،هو مش هيدخل عشان عارف انك متضايقه منهُ،بس لازم اشرحلك انه والله الاسبوع ده اتغير وحاول كتير يكلمك بس كان بيتردد خايف تكسفيه..وبصراحه كمان هو بيحبك
_ بس اللي عملوا زعلني
= حقك تزعلي،بس كلنا بنغلط وهو عاوز يصلح غلطته دي
_ يصلحها ازاي!
= عاوز يتقدملك ياستي “بتغمزلها”
_” ندي بتضحك تلقائي وبتتوتر”..بس انا لسه خارجه من علاقه فاشله
= ميجراش حاجه بتتعلمي وغير كده متحكميش علي نفسك بالفشل وانك وحشه من مجرد علاقه فاشله اعتبريها درس ف حياتك بتتعلمي منه
_ بس حسام كمان مش متاكد من حبه ليا..
= لا متاكد جدا كمان،حتي البنت اللي بسببها شرب وبهدل نفسه..عمروا م جيه قالي انه هيتجوزها رغم انه بيحبها بس موعدهاش بالجواز عشان كان واثق انه مش هيكمل معاها..لكن طلب انه يتجوزك عشان عايزك انتي اللي تكملي معاه
_ تفتكري ياسهيله!
= اقولك الكبيره..ده عاوز كتب كتاب ع طول كمان
– نعم يانهار ابيض!!! لا طبعا
= والله يابنتي غيرتيه ١٨٠ درجه بصي ياستي هنخليها خطوبه شرعيه احسن وكمان تتعرفوا اكتر علي بعض وتتكلموا مع بعض واللي ف الخير يقدموا ربنا
“ندي بتضحك وبتوطي ف الارض من الكسوف”..
_ياسلام مكسوفه..اللي يشوفك دلوقتي ميشوفكيش وانتي اول مره دخلالي ب مصاصه المستشفى..
_ مكنتش بحبك بصراحه
= هاا..هقلب عليكي وهبقي حماتك واطلع عينك
_ لا خلاص خلاص..
“بيضحكوا”
_ ها اعتبر انك موافقه
= تعالي اسمعي الرد برا مع حسام.
_ “بتغمزلها” ماشي ياستي ماشي..
“بيخرجوا برا لكن خطوات ندى إبتدت تتقل لما شافت حسام واقف مع بنت ماسكه إيدو..جمب العربيه الدموع اتجمعت ف عينها وجيه المشهد قصاد عينيها بتاع إسلام وصاحبتها ف الكافيه..بتغيب عن الوعي..
سهيله بتصرخ..ندى..
“حسام بصدمه بيبص اتجاهه الصوت…
يتبع..
لقراءة الفصل السادس عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران
