رواية عندما يعشق الظابط الحلقة الخامسة عشر 15 والأخيرة بقلم حسناء السيد

رواية عندما يعشق الظابط الحلقة الخامسة عشر 15 والأخيرة بقلم حسناء السيد

رواية عندما يعشق الظابط الحلقة الخامسة عشر 15 والأخيرة بقلم حسناء السيد

رواية عندما يعشق الظابط الحلقة الخامسة عشر 15 والأخيرة بقلم حسناء السيد

بعد ما أماني دخلت غيرت هدومها وطلعت وهي لابسه فستان أوڤ وايت وعيونها مليانه دموع

أمان: انتي بتعيطي لي دلوقتي

أماني: والله ملكش دعوه بيا مش انت هتطلقني يبقي معندكش الحق انك تسألني عن أي حاجة

أمان: طيب ماشي اتفضلي اطلعي علشان نركب العربيه .. وبعدين راحوا ركبوا العربيه وفضل أمان طول الطريق يبصلها ويبتسم

وبعدين أماني قالت: ممكن اعرف اي اللي مخليك مبسوط اووي كده

أمان: النهارده أسعد يوم في حياتي ازاي مش عايزاني ابقي مبسوط

أماني: أسعد يوم في حياتك علشان هتطلقني يا أمان ،انت بتكرهني اوي كده يعني!

أمان: طيب اسكتي بقا وبعدين وقف العربيه قدام قاعة أفراح وقال: انزلي يلا

أماني: بس انت قلت رايحين نتطلق ودي قاعة أفراح مش محكمه

أمان: انتي هبلة يابنتي معقوله يعني فاكراني هطلقك ده انا ماصدقت لما اعترفتيلي بحبك ،أنا مقدرش ابعد عنك ثانيه أنا كنت بعمل فيكي مقلب بس علشان متنسيش اليوم ده طول العمر،دي القاعه اللي هنعمل فيها فرحنا النهارده

أماني: يعني انت مش هتطلقني

أمان: مقدرش أفكر أعملها أصلا

…..أماني بتعيط وبعدين أمان قال: علشان خاطري متعيطيش أنا أسف وحضنها وبعدين أماني قالت: استني بس الناس هتشوفنا

أمان: مايشوفوا هو انا عملت حاجة غلط أنا بحضن مراتي

اماني: ماشي يا حبيبي بس علشان الحسد

أمان: بتخافي من الحسد يا جميلة

أماني اتكسفت وقالت: طيب هي العيلة تعرف ان الفرح النهارده

أمان: كلهم موجودين جوه في القاعة ومريم هتيجي تاخدك دلوقتي علشان تساعدك تجهزي نفسك

أماني: ماشي يا حبيبي ..وبعدين مريم طلعت وأخدت أماني وساعدتها ولبست الفستان وجهزت نفسها بمساعدة مريم وبعدين أمان راح يجيب أماني ومسكها من ايديها ونزلوا القاعة وانتشرت الزغاريط والتصفيق والكل كان فرحان وأماني وأمان انبسطوا جدا في الفرح وبعدين أمان قال: يلا بقا عن اذنكم هاخد مراتي ونروح البيت

وبعدين عائلته والمعازيم فضلوا يضحكوا ويقولوله مستعجل لي استني بس شوية وبعدين أمان شال أماني وراح قعدها في العربيه وهو في العربيه بيقول: مبروك يا حبيبتي

أماني: الله يبارك فيكي يا حبيبي ومبروك ليك كمان

أمان: الله يبارك فيكي يا حبيبتي ،النهارده أسعد يوم في حياتي كلها أنا مش مصدق نفسي بجد

أماني: لا صدق نفسك يا حبيبي انا مبسوطه اووي بجد

أمان: ربنا يخليكي ليا يارب

أماني: ويخليك ليا يارب يا حبيبي….وبعدين وصلوا البيت وامان راح الأوضه هو وأماني

أماني: الله الزينه اللي في الأوضة جميلة اووي

أمان: شكرا شكرا زوق جوزك بقا

أماني: وانا جوزي كل حاجة بيعملها بتبقي جميله

أمان قبلها من جبهتها وقال: أوعدك اني هخلي أيامك معايا كلها سعادة وفرح وهعوضك عن كل الزعل اللي شوفتيه في حياتك وهعوضك عن كل لحظة ألم اتألمتيها في حياتك انتي اغلي حاجة في حياتي

أماني بدموع: وجودك في حياتي هو اللي ملأها بالسعاده ربنا يخليك يارب

امان: بس بقا مش عايزك تعيطي ومش عايز أشوف دموعك تاني وبعدين حضنوا بعض وقالوا: ربنا يخلينا لبعض …..

ومرت الأيام وأماني وأمان كانوا مبسوطين جدا وفي يوم

أمان: أماني اصحي بقا انتي لسه نايمه لي

أماني: مش عارفه انا جسمي بيوجعني أووي وحاسه ان هيحصلي اغماء

أمان: طيب قومي اكشفي

أماني: لأ مش عايزه أكشف مش قادرة أقوم أصلا

أمان : طيب هروح اجيبلك الفطار هنا في الأوضة

أماني: لأ مش عايزه أكل اي حاجة مليش نفس حاسه اني لو أكلت هستفرغ

أمان: لا مش هتستفرغي  ولا حاجة قومي بس

أماني: لا الله يخليك بلاش تجيب أكل هنا

أمان : لا مينفعش لازم تاكلي وخرج من الأوضة وراح المطبخ وجاب الفطار ودخل الأوضة وأول ما أماني شمت ريحة الأكل قامت تستفرغ

أمان: يا أماني ردي عليا انتي كويسه

أماني طلعت من الحمام وهي مش قادرة تقف وقالت: انا تعبانه جامد…وفجأه أغمي عليها ..

أمان: أماني قومي ،أماني ردي عليا ،يا أماني..وبعدين أخدها وراح المستشفي

أمان: دكتورة لو سمحتي شوفيها مالها من الصبح بتستفرغ وبتقول جسمها بيوجعها وبعدين لما شمت ريحة الأكل قامت تستفرغ وأغمي عليها

الدكتورة: طيب استني بره وانا هدخل أكشف عليها

أمان فضل واقف يدعي ان أماني تكون كويسه وبعدين الدكتورة طلعت من عند أماني

أمان: طمنيني يا دكتورة مراتي كويسه

الدكتورة: متقلقش دي حاجات طبيعية بتحصل في الحالات دي

أمان: حالات اي يا دكتورة

الدكتورة: ألف مبروك المدام حامل

امان: بجد يا دكتورة

الدكتورة: اه والله حامل بس عايزه عنايه كويسه بقا علشان هي جسمها ضعيف

أمان: طيب ممكن ادخل اشوفها

الدكتورة : اكيد وتقدر تاخدها البيت كمان

أمان: تمام شكرا جدا يا دكتورة

الدكتورة: العفو انا عملت واجبي …

وبعدين أمان دخل عند أماني وقال: سلامتك يا حبيبتي والف مبروك

أماني: الله يبارك فيك يا حبيبي وألف مبروك ليك انت كمان هتبقي أب

أمان: الله يبارك فيكي، يلا نرجع البيت علشان العيلة كلها قلقانه

أماني: يلا نرجع ..وبعدين أمان أخدها ورجعو البيت واول ما وصلوا ..العيلة كلها فضلت تسأل عن صحة أماني وبعدين أمان قال: متقلقوش أماني حامل

وبعدين العيلة كلها كانت مبسوطه بسبب خبر حمل أماني وقعدوا يباركولها وأمان قال: مسؤولية العناية بأكل أماني هتبقي عليكي يا مريم انتي ومي

مريم : اكيد طبعا

مي: وانا طبعا هعتني بمرات اخويا وطفلها طبعا مش مستنيه اوامر منك

أمان: ماشي يا لمضه عقبال لما نعتني بأولادك

مي: لاااا لسه بدري خالص انا قاعده علي قلبكم لما اربي أولادكم الأول

أمان: ماشي يا حبيبتي ربنا يخليكي ليا يارب ..وبعدين قال: أنا هحاول أقصر وقت شغلي علشان اقعد مع أماني أطول فترة ممكنه علشان اعتني بيها

أماني: لا يا حبيبي مريم ومي هيعتنوا بيا انت خلي بالك من شغلك

أمان: انتي وطفلنا أو طفلتنا أهم عندي من اي حاجة في العالم

أماني: ربنا يخليك لينا يارب يا حبيبي

أمان: تعالي يا حبيبتي بقا ارتاحي في اوضتنا شوية

اماني ماشي يلا..وراحت الأوضة وارتاحت وفضل أمان  طول التسع شهور يعتني بيها وبيقعد معاها اكتر الوقت واماني بتكتب كل حاجة بتحصل في دفتر مذكراتها وأمان كل يوم يتصور مع أماني علي تليفونه ويبعتلها الصور علي تليفونها ويقول: علشان لو أنا ضعت منك في يوم او الموت أخدني ومكنش تليفوني موجود يبقي معاكي الصور ذكريات لينا علي تليفونك انتي

أماني: بعيد الشر عنك يا حبيبي متقولش كده …ومرت الأيام وجاء يوم ولادة اماني

وأمان سمع صوت صريخ أماني وهي بتقول: الحقني يا أمان أنا بولد الحقني بسرعه

أمان: اهدي يا حبيبتي هنروح المستشفي دلوقتي ..وبعدين أخدها وراحوا المستشفي والعائلة كلها راحت وراهم وفضلوا واقفين منتظرين الدكتورة تطلع من عند أماني وبعد خمس ساعات الدكتورة طلعت من عند أماني

امان: طمنيني يا دكتورة هي أماني كويسه ولا لا

الدكتورة: اطمأن مراتك كويسة جدا

أمان: طيب والبيبي

الدكتورة: الف مبروك جالك بنوته قمر …أمان انبسط جدا وقال: طيب عايز اشوفهم دلوقتي

الدكتورة: استني لما المدام والطفلة يتنقلوا أوضة تانيه وساعتها تقدروا تشوفوهم

امان : ماشي شكرا يادكتورة

..وفضل واقف لحد ما أماني والطفلة اتنقلوا أوضة تانيه ودخل هو والعيلة كلها يطمأنوا علي أماني والطفلة

امان: حمد لله علي السلامة يا حبيبتي

أماني: الله يسلمك يا حبيبي شوفت بنتنا

أمان: ماشاء الله عليها قمر زي أمها

أمان: لا يا حبيبي هي قمر زيك انت

أمان: فكرتي في اسم ليها

اماني: عايزه اسمها يجمع بين اول حرفين في اسمي انا وانت

أمان: اي رأيك لو نسميها أميرة

أمان: جميل الإسم ده يا حبيبي .. وبعدين كل العيلة اطمأنت علي أماني، وأمان راح عمل كل الإجراءات في المستشفي علشان أماني تخرج هي والطفلة أميرة وأخدهم ورجعوا البيت

أماني: انا هرتاح شوية يا حبيبي خلي بالك من أميرة

أمان: ماشي يا حبيبتي هي نايمه أهي ارتاحي انتي دلوقتي

أماني: ماشي يا حبيبي  وبعدين اماني نامت .. وفضلوا كل يوم يعتنوا بأميرة وبعد مرور سنه

أمان: النهارده عيد ميلاد أميرة يا حبيبتي

أماني: أيوه يا حبيبي كل سنه وهي معانا يارب ويخليك ليا انت وهي

أمان: يارب يخليكي يا حبيبتي وتتربي في عزك

أماني: وتتربي في عزك انت كمان يا حبيبي

أمان: الله أعلم  أنا هلحق اعيش معاها لحظات حياتها الجميلة ولا لأ

اماني بدموع: بعيد الشر عنك انت لي بتقول كده يا أمان

أمان: مش عارف بس حاسس اني مش هعيش أكتر من كده

أماني: علشان خاطري متقولش كده

أمان: في مهمة حرب بعد أسبوع وأنا هكون القائد بس مليش نفس أروح

أماني: بلاش تروح علشان خاطري بلاش تخاطر بحياتك وتسيبني انا وبنتك

أمان: ما انتي عارفه انه غصب عني والله زي ما انتم ليكم حق عليا انتي وأميرة كمان البلد ليها حق عليا وانا لازم أروح الحرب

أماني: ربنا يرجعك لينا بألف سلامة يا حبيبي

أمان: لو أنا حصلي حاجة اوعي تسيبي البيت يا أماني وخلي بالك علي نفسك وعلي أميرة

اماني: ان شاء الله انت هترجع لينا بألف سلامة لي بتقول الكلام ده بس وفضلت تعيط

أمان: أرجوكي متوجعيش قلبي ومتعيطيش بقا

اماني: حاضر بس متقولش الكلام ده تاني

أمان: حاضر يلا بينا بقا نروح علشان حفلة عيد ميلاد بنتنا

اماني: يلا بينا …وقضوا أجمل الأوقات في الحفلة واتصوروا صور كتيرة مع العائلة

وآخر صورة كانت لأماني وأمان وأميرة بنتهم …وطول الاسبوع اللي بعد عيد الميلاد كان أمان في البيت ومش بينزل الشغل وفضل مقضي  وقته مع أماني واميرة وليلة الحرب جاءت وأمان قال: يا أماني أنا همشي بكره أروح الحرب

أماني بدموع: علشان خاطري خليك بلاش تروح

أمان: مش هينفع صدقيني كان نفسي افضل معاكم بس لازم أعمل واجبي تجاه بلدي

أماني: ربنا يرجعك لينا بألف سلامة يا حبيبي

أمان: ربنا يخليكي ليا انتي وأميرة يارب

أماني: ويخليك ياحبيبي يارب …وبعدين اماني نامت هي وأميرة وأمان فضل سهران وكتب رسالة لأماني ونام…وتاني يوم….

أمان: يلا يا حبيبتي أنا همشي بقا خلي بالك علي نفسك وعلي أميرة

أماني: وانت يا حبيبي خلي بالك علي نفسك

أمان: حاضر يا حبيبتي وبعدين حضنها وقبلها من جبهتها وقبل ابنته، وأماني طلعت معاه لحد باب البيت وأمان راح الحرب وأماني طول اليوم مش عايزه تدخل الأوضة علشان متقعدش فيها من غير أمان ولما جاء المساء

اماني: ياربي أنا لي خايفه اوي كده ياتري أمان عامل اي دلوقتي ياتري هو كويس ولا لأ .. وراحت الأوضة علشان تخلي أميرة تنام علي السرير وبعد ما أميرة نامت اماني كانت قايمه من علي السرير شافت ورقة وراحت فتحتها وكانت رسالة من أمان إلي أماني مكتوب فيها:””إلي زوجتي وحبيبتي ورفيقة عمري وأيامي????إلي أماني التي ستبقي أجمل الأماني في حياتي ..إليك أكتب كلماتي يا رفيقة أيامي ..لا أعلم إذا كنت سأعود من هذه الحرب أم لأ ،ربما سيأتي الغد وأنا في مكان آخر لكني أعدك بأنني سأستمر في الحفاظ علي حبك حتي وإن لم أعد علي قيد الحياة،وإذا قابلت ربي سأتمني منه أن يجمعني بك في جنته يا جنة دنيتي،وصيتي أن تحافظي علي نفسك وعلي ابنتنا ،لا تنسيني إن لم أعد،وللمرة الأخيرة أقول لك سأستمر في الحفاظ علي حبك وإن لم أعد..

أحبك يا من أضأتي قلبي الذي كان منطفيء????””…

وبعدين أماني فضلت تعيط وتقول ياربي أنا خايفه جدا انا هتصل عليه هو أكيد خلص الحرب وراح يرتاح في المخيم دلوقتي وبعدين اتصلت علي رقم أمان

أماني: الو يا أمان انت عامل اي انت كويس

أحمد: أنا مش أمان أنا أحمد يا أماني

أماني: طيب أمان فين يااحمد أرجوك خليني أكلمه

أحمد : أمان مش هيتكلم تاني بقا يا أماني????

أماني: قصدك اي يعني

أحمد: أمان مات يا اماني

اماني: علشان خاطري بلاش تعمل فيا مقلب انت وأمان ،أرجوك خليني أكلمه

أحمد: والله ما هو مقلب يا أماني ،أمان بجد مات في الحرب وهنجيب جثته بكره الصبح وهنيجي البيت عندكم

أماني: لاااااا انت كذاب حرام عليك كده امان ميقدرش يسيبني هو قالي انه بيحبني وهو اكيد مش عايز يسيبني ارجوك خليني اكلمه ارجوك ????????

أحمد: البقيه في حياتك يا أماني لازم تكوني صبورة علشان أميرة

،أماني وقعت التليفون من ايديها وفضلت تصرخ وتقول: لااااا يا امان لااا ارجوك بلاش تسيبني علشان خاطري لاااااا هعيش من غيرك ازاي انت كنت حاسس انك هتموت ياريتني ما كنت سيبتك تروح الحرب ارجوك ارجعلي .. وبعدين العيلة كلها سمعت صريخ اماني وراحوا الأوضة وسألوها في اي

أماني: أمان مات ،أحمد قال ان أمان مات????????ااااااه لااااااا يا امان ارجوك ارجعلي

وبعدين العيلة كلها كانت بتعيط واشرف مسك التليفون ورن علي أحمد

أشرف: ايوه يااحمد أمان فين

أحمد: أمان مات يااشرف والله مات

أشرف بصدمه : طيب ياريت ترجعلنا بيه في اقرب وقت

أحمد: بكره هنرجع بيه ان شاء الله

وبعدين رانيا فضلت تهدي أماني وجابوا دكتور عطاها علاج ونامت وتاني يوم الصبح أحمد وصل البيت بجثة أمان ،وأماني فاقت من النوم وافتكرت ان احمد قالها ان أمان مات وقامت تجري وشافت  أحمد واقف وجثة أمان موجوده في البيت وجريت علي الجثه وفضلت تعيط وتقول: يعني معقوله تسيبني بالسهولة دي ،معقوله تروح خطف مني كده ،انت كنت حاسس بنفسك وكل شوية توصيني علي أميرة وعلي نفسي بس كان عندي أمل انك ترجع عايش الله يرحمك يا حبيبي ،أوعدك اني هاخد بالي من بنتنا وهنفذ وصيتك وهخليك فخور بيا حتي بعد موتك وهخليك فخور ببنتك كمان ،الله يرحمك يا حبيبي… وبعدين راحوا يدفنوا أمان وبعدين أماني فضلت قاعده عن قبر أمان وبتعيط وتقول: كان نفسي تبقي معايا،كان نفسي تشوف بنتك وهي بتكبر ،الله يرحمك يا حبيبي حرقت قلبي عليك ،الله يرحمك يا أمان وبعدين أهل أمان أخدوها ورجعوا البيت واماني فضلت ساكته ومش بتتكلم

رانيا: يابنتي علشان خاطري قولي اي كلمة علشان بنتك الطفلة دي ،أميرة في أمانتك دلوقتي يا أماني ،لازم تاخدي بالك منها بقا ولازم تكوني قوية علشان بنتك ،أمان الله يرحمه كان بيحبكم اووي وكان نفسه تبقوا كويسين دايما ،لازم تبقي قويه يابنتي

أماني وهي بتعيط: وأنا هحافظ علي بنتي وهنفذ وصية أمان وقامت أخدت بنتها ودخلت الأوضة وفتحت تليفونها وقعدت تشوف صورها هي وأمان وتعيط وتقول: أنا مش مصدقة انك سيبتني ،مش عارفه هكمل من غيرك ازاي ،بس اوعدك اني هنفذ وصيتك يا حبيبي????وزي ما انت خليتني سعيدة في حياتي انا هعمل كل حاجة تسعد بنتنا وتسعدك انت كمان ،أميرة هي اللي هتفضل تفكرني بيك العمر كله ،الله يرحمك يا حبيبي وبعدين فضلت تحاول تخلي أميرة تنام لكن أميرة كانت بتعيط ومش راضية تنام

أماني: يعني انتي حاسة ان ابوكي مبقاش موجود علشان كده بتعيطي

اميره: ب..ب…بابا

أماني فضلت تعيط وتقول: اول كلمة بنتك نطقتها يا أمان هي كلمة بابا ،كان نفسي تكون معانا دلوقتي وتسمعها منها كنت هتكون اسعد انسان في العالم ،وحشتني اووي والله ..وبعدين أميرة نامت وأماني كمان نامت ..ومرت الأيام وأماني بتربي أميرة  وبتعاملها انها امها وابوها في نفس الوقت وأميرة كانت بتسأل عن ابوها لكن اماني كانت دائما تقولها انه عند ربنا في مكان جميل ..وبعد مرور عشرين سنه ..في يوم حفل تكريم أهالي الشهداء كانت أماني وأميرة موجودين

والعميد قال: النهارده مش هيكون حفل تكريم أهالي الشهداء بس النهارده هنقدملكم الظابط أميرة أمان حفني ابنة الشهيد أمان حفني

وانتشر التصفيق في حفل التكريم والعميد قال: الظابط أمان كان من أعظم الظباط اللي اتولدوا في البلد دي وقدم حياته وكل تضحياته للبلد دي وأكيد عائلته تستاهل كل شكر وتقدير وأكيد ابنته الظابط أميرة أمان حفني هتكون شجاعة زي والدها الظابط أمان حفني ،لو عندك أي حاجة عايزه تقوليها اتفضلي قوليها يا حضرة الظابط

أميرة: طبعا عايزه أشكر ماما ،ماما قامت بدور الأم والأب وساعدتني في حياتي وتعليمي لحد ما حققت حلمي وبقيت ظابط زي بابا الله يرحمه وكانت دايما بتحكيلي عن انجازات بابا وكانت بتحفزني اني اكون ظابط زي بابا ،شكرا علي كل حاجة يا امي تستاهلي التقدير والاحترام من العالم كله

اماني بدموع قالت: أمان كان رمز العطاء والتضحية، وكان عنده بلده اهم من اي حاجة ،كان زوج ومحارب وابن، وكان كل حاجة جميل  ،الله يرحمه وانتشر التصفيق مرة اخري في الحفل وتم تكريم عائلة امان وبعدين اماني رجعت البيت هي وأميرة وراحت اوضتها مسكت صورة أمان وفضلت تعيط وتقول: شفت يا حبيبي بنتك بقت ظابط زيك ازاي،نفس اخلاقك ونفس شكلك وكل حاجة فيها شبهك وبتفكرني بيك ،كان نفسي تكون معانا دلوقتي بس انت اكيد في مكان احسن دلوقتي وحضنت صورته وقعدت تعيط

وبعدين اميرة خبطت علي باب الأوضة

أماني مسحت دموعها وقالت: تعالي يا حبيبتي ادخلي وبعدين اميرة راحت قعدت جنب أماني وقالتلها: أرجوكي يا ماما متعيطيش ،بابا هيزعل منك جدا لو عيطتي ادعيله يا حبيبتي ربنا يرحمه انتي دايما كنتي بتحكيلي عن شجاعته وعن تضحياته وانا ان شاء الله هكون قد ثقتك فيا وتربيتك ليا وهكون زي بابا وحضنت امها وكملوا حياتهم بمواقفها المتنوعة سواء سعادة أو حزن  وأميرة كانت مخلصة لبلدها زي أمان بالظبط ????

تمت

لقراءة باقي حلقات الرواية : اضغط هنا