رواية نبض السيف الفصل الخامس عشر 15 بقلم سارة محمد
 |
| رواية نبض السيف الفصل الخامس عشر 15 بقلم سارة محمد |
رواية نبض السيف الفصل الخامس عشر 15 بقلم سارة محمد
نبض : تمام يا دكتور اتفضل ونزلت معاه تنزله…
حسام : انتى عارفه انى طلبت ايدك من اخوكى؟
نبض بصدمه : ايه ؟ اخويا مين ؟ انت بتقول ايه ؟
حسام : اخوكى سيف…يعنى هيكون اخوكى مين!
نبض بعد مبلعت ريقها : اه سيف …
حسام : هو اخد رأيك ؟
نبض : لا والله اصلا احنا كان عندنا شويا مشاكل فى البيت اكيد مسمحتش فرصه…
حسام : اتمنى من كل قلبى انك توافقى بجد..
نبض بصيت فى الأرض ومكانتش عارفه تقوله ايه …
حسام : طيب انا همشى دالوقتى واول ميتحسن كلمينى…
وخرج حسام من البيت بس كانت المفاجأه انه اول مخرج سمع حد بينده عليه بيبص لقاه هشام..
هشام : ايه اخبارك يا دكتور عاش مين شافك..
واخده بالحضن…
هشام : كنت بتعمل ايه جوا عند سيف ؟
حسام : والله ده اخته اتصلت بيا علشان تعب وحرارته ارتفعت مره واحده…
انت جاى تشوفه…
هشام : اه اه انا جاى اشوفه ..
هى اميره اتصلت بيك ؟
حسام : اميره مين لاء اخته نبض…
هشام رجع لورا وسكت ثوانى وبلع ريقه وبعدين قاله : نن بض…انت قولت نبض؟
حسام : اه اخته نبض…
هشام : ثوانى ثوانى عينيها سمرا ولا ملونه ؟
حسام : هو فى حد عينه سمرا ؟
هشام بعصبيه : مش وقت هزار دالوقت…
حسام : فى ايه يهشام مالك ؟
عينيها عاديه ومش ملونه يعم…وعن اذنك علشان متأخر..
والف سلامه عليك…شكلك عاكل حادثه جامده..
سلام..
هشام سند على التاكس…ومكنش عارف يعمل ايه…
هو مش فاهم حاجه…
ركب التاكس وطلع على المستشفى …
دخل اوصه اميره وقعد جنبها…
ومسك ايديها وقالها انا لقيت نبض…
بس مش عارف اخوكى الى خطفها ولا هى الى راحت معاه بأرادتها… بس المهم انى لقيتها…زى موعدتك..
بس مش عارف اتصرف ازاى…انا مش عارف…
فى البيت …
نبض بعد ممشت حسام…
وقفت لدقايق وفضلت تعيط…تعيط عياط هيستيرى وتصوت بعد معقلها جه قدامه الأسئله ديه…
انتى ازاى محاولتيش تهربى ؟ انتى ازاى حبستى نفسك؟
انتى ازاى اتعاملتى زيه ؟
ليه مقولتيش لحسام وخليتيه يبلغ البوليس…
ليه ممسكتيش تليفونه واتصلتى بالبوليس قبل متتصلى بحسام حتى ؟
قعدت على الأرض فى الصالون وفضلت تعيط لحد منامت على الأرض…وبعدها صحيت على صوت سيف بيقولها…
ايه الى منيمك كدا ينبض؟
قامت من على الأرض وعيطت تانى…
سيف بتعب : بتعيطى ليه ؟
نبض : علشاان…علشاان…وبعدين قررت انها تسكت ..
سيف : علشان ايه ؟
نبض : انت كويس ؟ وراحت حاطه ايديها على وشه شيفاه لسا سخن ولا لاء…
نبض : لا الحمدلله بقيت كويس
سيف : انا جعان…
نبض : طيب اقعد على السفره وأنا هصلى واجبلك تاكل ..
سيف : هتصلى ؟
نبض : متيجى تصلى بيا…
سيف : نصلى ؟
نبض : فى ايه يسيف هو مش احنا مسلمين برضو واول حاجه هنتحاسب عليها هى الصلاه…
من صلحت صلاته صلحت حياته …
هتفضل حياتك بايظه ومتكعبله وهتفصل تلف وتجرى من غير اى فايده طول ما انت مبتصليش…
بس لما تصلى هتلاقى ربنا جنبك هتوكله أمرك ويبقا هو وكيلك حياتك هتبداء تتظبط مع كل دعوه هتدعيها هتبقا واثق ان ربنا هيجبر بخاطرك بخصوص الدعوه دى يا اما هيحققهالك يا اما مش هيحققهالك بس هيحققلك حاجه بدالها احلى منها يا اما هيأخرها شويا علشان يختبر صبرك وإيمانك بيه …
عارف بقالى فتره كبيره بدعى بدعوه ومش بتتحقق لدرجه انى وانا نايمه حسيت انى كنت بطلع لفوق وبعدى طبقه سما ورا طبقه وعاوزه اوصل لربنا واقوله ياااااا رب الدعوه دى يا رب الطلب ده يا رب….
سيف : ايه هى الدعوه ديه ؟
نبض : مش هقولك…هاااا هتصلى بيا ولا اروح اصلى لوحدى..
سيف بأبتسامه : هصلى بيكى…
وصلى سيف بيها ….
كان احساس لطيف جدا وبيطمن لأبعد الحدود…
نبض عيطت فى الصلاه لإنها اكتشفت صوته حلو جدا فى التجويد…
حطت الأكل وأكلوا…
نبض : فى فيلم شغال…شكله حلو اووى تتفرج ؟
سيف : اتفرج…
اتفرجوا على الفيلم وبعدين طلعوا ناموا
…
تانى يوم : تليفون لسيف…
سيف : الو…
هشام : اختك فاقت مش هتيجى تشوفها ؟
سيف : انا جاى حالا…
وبأبتسامه عريضه وفرحه كبيره قال لنبض…
اميره فاقت…
وباس على راسها وطلع يجرى…
خرج من البيت وكان فى ناس محاوطين البيت…
وطلع جرى على المستشفى….
سيف : الف سلامه عليكى…وجاى ياخدها بالحضن…
اميره رجعت لورا…وقالتله
انت خطفت نبض ؟
سيف بصيلها وسكت…
اميره بعياط : ليه عملت كدا يسيف….ليه ؟
طيب هى ايه ذنبها؟
دمرتلها حياتها..ودمرت كمان حياتك…
ليه عملت فيها وفى نفسك كدا…؟
انا لما قولتلك اخطفها كنت بهزررر…انا كنت بهزر يسيف وانت عارف كدا كويس …
سيف ادالها ضهرها وجاى يمشى…
اميره : لو رايح عندها فهى دالوقتى مش هناك ….هى دالوقتى مع البوليس ..
سيف بص لأميره بصدمه…وخرج…
نبض لقيت ضرب نار بره والباب اتكسر ودخل هشام…
وقف قدامها وقالها ….
انتى كويسه ؟
نبض بصيتله وعيطت….
هشام : خلاص متخافيش انتى ف امان دالوقتى…
واخدها فى العربيه يس مطلعش على القسم وطلع على بيت باباها…
فتحت الباب الشغاله ودخل هشام ومعاه نبض…
باباها بيكلم الشغاله : مين الى جه…
بص لقا نبض ومكنش مصدق الى هو شايفه…
نن بض…
نبض الدموع غرقت وشها …
طلع جرى وأخدها بالحضن….
وفضل يكلم فيها بس هى مكننش بترد طلعها اوضتها
..
ونزل لهشام …
بابا نبض : لقيتها فين يا ابنى…لقيتها فين ؟
هشام بلع ريقه وبعدين قاله…
للأسف هى كان فى حد خاطفها..
باباها بصدمه وعصبيه شديده جدا : مين ؟…مين..
هشام : سيف…
باباها : ازاى اتجرأ يعمل كدا….
دا انا همحيه من على وش الأرض …
هشام : حاول تهدا… احنا بندور عليه…وبعدين انت لازم تعرف ان سيف مستحيل يكون اذاها…
باباها بزعيق : مش شغلى…جريمه خطف..وانا بنتى مش مش بتنطق بحرف واحد كمان…
وكل ده كان واهمنا انه بيدور عليها وهو اصلا خاطفها…
لو متعدمش فيها انا مش هسكت…
هشام : حاول يا يفندم…
باباها قام وقف وقاله : الكلام انتهى اطلع بره…
البوليس قبض على سيف تانى يوم ونبض متكلمتش مع اى حد ..
تانى يوم
اميره بعياط…
انا لازم اشوف نبض…دول هيحبسوا اخويا ويدمروله مستقبله ويترفد من شغله….واحتمال كمان يدخلون مستشفى المجانين
..
هشام : اميره انتى عارفه ان اخوكى غلطان..
اميره مسكت شنطتها…وقالت لهشام انا رايحه جاى معايا ولا لاء…
قبل ميوصلوا نبض نزلت من اوضتها…
لقيت واحده قاعده جنب باباها…
باباها : جه جنبك ينبض ؟
نبض مبتردش…
بصبتلها الست وقالتلها…
ازيك ينبض… انا مرات باباكى…
باباها بص لنبض وسكت….
نبض كانت واقفه هتموت من الصدمه بس قبل متنطف بحرف واحد دخلت اميره وهى بتعيط…
اميره : نبض سيف مأذاكيش صح ؟
انتى بخير صح ؟
نبض ميتردش ..بتعيط بس….
اميره بتكلم بابا نبض : لو سمحت يفندم انت ممكن تسحب المحاضر ونحل كل حاجه…
بابا نبض بعصبيه شديده : نحل ايه ؟ احنا نحل ايه ؟ انا سمعت بنتى بقيت فى الأرض بسبب اخوكى…
اميره :ممكن نكتب كتابهم..وتبقا مراته…
بابا نبض :وانتى متخيله انى هخلى بنتى تتجوز اخوكى ده ؟
انا لنتى هيتكتب كتابها الأسبوع ده على الدكتور عمر الى بسبب اخوكى الخطوبه متمتش..
اما اخوكى بقا ف انا مش هسكت غير لما اشوفه معدوم قدامى…
نبض اخيرا نطقت : بس انا سيف يبقا جوزى …
اميره بصيتلها وابتسمت …
باباها بعصبيه وصدمه :جوزك ازاى يعنى انتى بتقولى ايه…
ومسكها من شعرها…
نبض بصريخ وعياط : هو اجبرنى …
باباها بص لأميره وقالها : دا انتى اخوكى ايامه الجايه سواد بأذن الله…
هيطلقك غصبن عنه وتتجوزى عمر…
نبض : بس انا حامل
(ابليتنى بالعشق ثم قتلتنى..وجعلت منى قلبا يهوى هجر احبتى..
وما هم بأحبتى ..ووهبت لى قلباً يفيض حنيناً إليك يا مُعذباً بالحب كيف قتلتنى!)
تم
حلوه اوووي
يا ريت تكملي