رواية اللطيم الفصل الخامس عشر 15 بقلم هنا سلامة

سيلين كانت بصاله بصدمه ، كل شيء انتها بالسرعة دي ؟؟

سيلين بعياط : انت .. انت قولت ايه ؟؟

ليل بعصبيه : بتقرنيني بعاصم و بتقولي لي هتجوزه لما نطلق عاوزه اقولك ايه ؟؟

سيلين بانهيار و هي بتضربه : انت اتجننت !! انا اتجوز عاصم و اسيبك !! قولتها لحظت غضبي يا ليل المفروض تحتويني مش تختار الطلاق يا ليل !

كانت بتضرب فيه و هو واقف بجمود، قربت منه و قالت بعصبيه : مش انت عاوز تطلقني ؟؟ طيب يا ليل طيبببببب

مسكت ايده و عضته و هو بيضحك ببرود و هي بتعضه اكتر ، فقال بسخرية : ده الي عندك يعني ؟؟

سابت دراعه و قالت بعصبيه : طلقني و دلوقتي

ليل بعصبيه : و المصحف ما هطلقك و لا هسيب الشغل و أعلى ما في خيلك اركبيه !

رفعت حاجبها و ربعت ايديها و قالت : ده تهديد ؟؟

ليل ببرود : إلى تشوفيه ، لمي هدومك عشان عندي مأمورية و مش هينفع اسيبك هنا لوحدك، هتقعدي مع تيته

سيلين بعصبيه : اقولك تسيب الشغل تقولي مأمورية ؟؟ انت هتجنني يا ليل ؟؟

ليل بعصبيه : سيلين انت عاوزه ايه دلوقتي ؟؟

قعدت على الكرسي و قالت بخفوت : عوزاك انت ..

ابتسم ببلاهه و قرب و قعد على ركبتيه قصادها و مسك ايديها و باس معصمها ، و قال بحب : و انا كمان مش عاوز غيرك ، كانت لاحظه غضب و معرفتش اتحكم في انفعالي يا روح ليل، اسف و الله

باس رأسها فقالت : و النبي سيب الشغل، ليل عمو فاروق الله يرحمه من كلام جدتك كان عنده شركة وارثها من جده اللطيم ، شغلها يا ليل و سيب الخدمة و النبي ..

ابتسم بخبث : حاضر

سيلين بفرحه : بجد ؟؟ هتسيب الخدمه ؟؟

ليل بثقة : ايوه يا ستي هسيبها بدام ده الي يريحك ، و الشركة هفتحها كمان شهر كمان و حسام يساعدني

حضنته بقوه و هي بتقول بسعاده : انا مبسوطه مبسوطه أوي يا ليل ، ربنا يخليك ليا يا حبيبي

بعدها عنه و مسك وشها بين ايديه بلطف و قال بحب :  شوفتي شكلك احلو ازاي لما بطلتي عياط ؟

ابتسمت : انت الي قادر تخليني اعيط و انت الي قادر تخليني مبسوطه يا حبيبي

ليل بحب : و انا اوعدك مش هخليكي تعيطي أبداً يا قلب ليل ..

ميل عليها و هو بيشيل شعرها على جنب، قبل أحد وجنتيها و لسه هيقبل شفتيها، غمضت عينيها و هو محاوطها

حمزه بسخرية : يا ليل يا جاااااااامد

زقت سيلين ليل بسرعه و وشها ضرب ألوان و قالت بكسوف : ص .. صباح الخير يا حمزه

ليل مسح على وشه بغضب و قال بعصبيه : انت يالا طالعلي في البخت انت و امك و ابوك ؟؟

حمزه ببرود : اه يا لول ، الكلب كان عامل صوت جامد في البلكونه بليل و مكنتش عارف انام

سيلين بضحك : انا بخاف منه اصلاا و بتخيل كل شويه انه هيعضني

ليل بحب : و انا موجود يا ست البنات ؟ المهم مش هتروحي الجامعه

سيلين : تؤ مش عاوزه اروح النهارده

ليل : شدي حيلك يا روحي و متكسليش

سيلين : مش مكسله و الله بذاكر ليل و نهار و امبارح سهرت اذاكر و زهقت بجد

ليل بضحك : دي اول سنه في إعلام يا حبيبتي، لسه بدري على الزهق و ..

قاطعهم صوت رن الباب و التخبيط و صوت هاله من بره : الليله ليله هنااااااااااا و سروووووور ايوااااااا ايواااااااا

فتح ليل الباب لقى هاله بترقص زي الهبله و منشكحه و بتغني : حسام هيسيب الخدمة و هيصحى من النجمه يتفرج معايا على الكرتوووووون الليله ليله هنا و سروووووووور

جريت سيلين عليها و بدأت ترقص جمبها و هي بتغني : ليل اقتنع على طوووول و انا سعيده طول اليوووووم ايواااا ايواااا

حمزه راح وقف جمبهم و سقف : ايواااا يا سيلين يا موووووزهههه

سيلين كانت بترقص زي الهبله من فرحتها و هالة كذلك و حمزه بيغازلهم ، فجأه سيلين اتمسكت من فستانها من قفاها و رجلها معدتش لمسه الأرض  و قال بخبث : سرور مين يا بت ؟

سيلين بضحك : اخو هنا يا ليلي

ليل بعصبيه : خشي يا بت يا هاله خشي ليلتكم سوده ، حسام ساب الخدمه هو كمان ؟

هالة بفرحة : اهاااا يا ليل ، هات ابني بقى عشان نمشي

ليل بفرحه : خديه ده عيل مشفش ربايه عاوز اقعد مع مراتي شوية يا شيخه  * بعصبيه * و حلوا مشاكلكم بعيد عني لأن حوارتكم كترت

هاله بفرحه : ماشي أن شاء الله في الجنه

ليل : هات بوسه يا حمزه قبل ما تمشي

نزل ليل و وصل لطوله فباسه حمزه و اخدته هاله و نزلوا و شال ليل سيلين و دخلوا شقتهم

بليل في شقه جده ليل

جدته : بس يا حبيبتي هي دي الحكايه

سيلين بخوف : تفتكري ليل لو عرف ان امي السبب فإنه ميعش مع باباه هيعمل ايه ؟؟ ممكن يسيبني ؟

جدته بحب : هياخد على خطره شويه بس هيرجع لحضنك تاني ، ليل بيحبك يا حبيبتي و انت بالنسبه له حاجه كبيرة اوي ، لو كان متجوزك عشان يحميكي من ابن خالتك فعلا مكنش هيبقى عاوز يجيب منك عيال، لأن ليل من زمان و هو نفسه يجيب عيال و يستقر مع واحده بيحبها، و انت الي قلبه اختارك يا حبيبتي

سيلين بحب : و انا كمان اختارته ، هو بالنسبالي حاجه كبيره اوي و الله ، ربنا يخليه ليا ليل قلبي ده * ابتسمت ببلاهه *

جدته بضحك : الحب ولع في الدرة يا جماعه ، هقوم اعملك حاجه ساقعه ترطب على قلبك

سيلين بحب : ماشي يا زوزو .. ليل !

التفتت لصوت ليل و هو داخل بينهج و عرقان و فيه على شيميزه دم، جريت عليه و قالت بخوف : ليل !! في ايه ؟؟