روايات

رواية ذات الوجهين الفصل الاول 1 بقلم منة محمد

رواية ذات الوجهين الفصل الاول 1 بقلم منة محمد

رواية ذات الوجهين البارت الاول

رواية ذات الوجهين الجزء الاول

رواية ذات الوجهين
رواية ذات الوجهين

رواية ذات الوجهين الحلقة الاولى

قصص منه محمد كاتب
الساعه اربعه الفجر بنتين نايمين بعمق سمعوا صوت بيصرخ بأسم ابوهم
ضحي: ياسمين
ياسمين فاقت بكسل: في ايه يا ضحي
ضحي بتوتر: قومي يظهر بابا اغما عليه تاني
الاختين نزلوا جري ع تحت لقوا ابوهم واقع ع الارض وامهم بتعيط وبتطلب منهم يتصلوا ع الاسعاف
في ممر المستشفي
دخلت راحت تجري عليها ببكاء: شوفتي يا ذات الي حصل لبابا
ذات ضمتها ومسحت على شعرها متوسلة : اهدي يا ياسمين (بصت لزبيده) ازيك يا طنط
زبيده صوت كله قهره : زي ما انتي شايفه يا بنتي حالنا لايسر عدو ولا حتي حبيب
ذات: شده وهتزول بأذن الله
زبيده: يارب يا بنتي يارب لانها شده تقيله اوي اوي
ذات سحبت ياسمين ع جنب: طمنيني الدكاتره قالولكم ايه
ياسمين اترمت جوه حضنها وعيطت بنهيار: ذات انا خلاص مش هكمل في الكليه
ذات خرجتها وبلهفه: ليه متروحيش الكليه
ياسمين: بابا محتاج عمليه غاليه اوي وهتحتاج فلوس كتير وكل الي حيليتنا ميكملش فأنا قررت اشتغل واساعدهم
ذات: مستحيل انتي لو مروحتيش الكليه انا هحس بملل ( بتحكم) وبعدين انا مش هسمحلك تعملي كدا
ياسمين: امال اقف اتفرج وبابا بيروح مننا
ذات: يعني تفتكري هتطلعي الصبح تدوي ع شغل هتلاقي وحتي لو لاقيتي اي مرتب ده الي هيغطي مصاريف العمليه وبعدها
ياسمين بكت بحرقه: اعمل ايه يارب اعمل ايه
ذات طبطبت ع كتفها بحنان: متعمليش حاجه انتي بس روحي كليتك وبالنسبه لموضوع الفلوس مش عايزاكي تقلقي انا هخلص الموضوع ده
ياسمين بصتلها بحيره: ناويه تعملي ايه؟
ذات غيرت الموضوع: بقولك ايه قومي نروح الكافتيريا نشرب اي حاجه وسيبي الحمل كله عليا
………قصص منه محمد كاتب………..
في بيت ذات الكل قاعد ع السفره
ذات: بابا جهزلي نص مليون جنيه لعمليه بابا ياسمين
ابوها رفع عيونه وبصلها بتعجب: نعم اجهزلك ايه
ذات: اظن سمعتني نص مليون لبابا ياسمين
ابوها : مقدرش اجهز لحضرتك المبلغ الكبير ده حاليا عشان اساعدهم
ذات رمت الشوكه بعصبيه: يعني ايه متقدرش تساعدهم
ابوها بصلها : انتي عارفه العمليه دي هتتكلف كام هتعدي المليون
ذات: مهما يكن انا وعدتها اساعدها
ابوها: وليه تتورطي معاهم سبيهم يهتموا بنفسهم
ذات: لكن ياسمين صديقتي وانت اجباري تساعدهم
ابوها نفخ بانزعاج وهو بيقلب العيش في ايده: ليه اجباري دي مجرد صديقه لاهي قريتنا ولا من باقي اهلنا
ذات وقفت: اعتبره عمل انساني لصديقه طفولتي وانا لو مسعدتهاش مش هتروح الكليه وهتشتغل عشان تساعد ابوها
ابوها رفع حاجب بغيظ: ممتاز سبيها تعمل كدا حتي ترد جميل ابوها فيها
ذات قامت وقفت وطوحت الكرسي بنفعال ونبره كلها تهديد: لو مساعدتهاش انا كمان هسيب الكليه
امها بهدوء: ذات اهدي مش كدا
ابوها بحده :ذات اياك تقفي تهدديني كدا تاني سامعه
ذات وشها اتغير واخدت الاطباق من ع السفره وبدئت تكسر كل حاجه تطولها ايدها
ابوها بغضب اسود :ذااات
جيهان امها : يا بنتي اهدي مش كدا
ذات :انا مش بهدد سامع مش بهدد انا بتكلم جد لو مش هتساعدهم ههرب من البيت ومش هتشوف وشي تاني ابدا
ابوها ضغط ع كف ايده وحاول يحافظ ع هدوئه وقال: بطلي تهديديني بطلي
ذات بصريخ وانفعال: انا مش بهدد مش بهدد بس هتشوف انا هعمل ايه
ابوها بزهق من اسلوبها: وريني هتعملي ايه يله مستني
ذات: هموت نفسي وهتشوف
جيهان: خلاص يا مهدي ساعدهم وخلصنا
مهدي ضرب السفره بأيده من وقاحتها الي اتعود عليها وللاسف دلع امها فيها خلاها بني ادمه مستبده متعجرفه انانيه
جيهان اخدت ذات في حضنها: تعالي يا حبيبتي اغسلي وشك واهدي
ذات لفت وبصتله نظرات قاتله وابوها رجع حدف جسمه ع الكرسي ومشعارف يعمل ايه في تحكماتها الي هتوديهم وري الشمس
………….
في المتشفي
جيهان: ده شيك بنقدمهولك انا وجوزي عشان مصاريف المستشفي
ام ياسمين: لاء منقدرش ناخد المبلغ ده كبير اوي
جيهان برجاء: ارجوكي خديه انا سألت المستشفي وانتم محتاجين المبلغ ده تقريبا
ام ياسمين بحرج: بس
ذات: طنط بلاش ترفضيه لانك لو مأخدتهوش ياسمين مش هتكمل الكليه وهتروح تشتغل وانا لو ياسمين مرحتش مش هروح فأرجوكي خديه عشان نروح انا وياسمبن الكليه سوي
مهدي ع مضض: ذات وياسمين طول عمرهم اخوات واحنا مطمنين انهم مع بعض طول الوقت وياستي اعتبريه دعم صغير مننا
ام ياسمين: مش عارفه اقول ايه غير متشكرين بجد ( لفت وبصتلها بحب) وشكرا يا ذات الف شكر يا بنتي
ذات مسك ايد ياسمين: ع ايه يا طنط ياسمين مش بس صاحبتي دي اختي الي مستحيل اتخالاه عنها
ياسمين اتكت ع ايدها: انتي كمان اكتر من اختي ربنا ما يحرمني منك
ذات بفرحه: ولا منك يا روحي
ياسمين بهمس: ذات انا هرجعلك المبلغ حتي لو بالتقسيط
ذات: ياسمين بلاش كلامك ده ممكن انا مش عيزاه حتي لو عملتي كدا انا مش هاخده منك
ياسمين: بجد مستحيل القي صديقه زيك تاني في الدنيا
ذات مدت ايدها ومسحت دموعها: المهم كل حاجه رجعت ولسه هنروح الكليه سوي ونتشارك في اي مشروع يطلبوه مننا الدكاتره مع بعض تمام
ياسمين :تمام انا مش عارفه هردك جميلك ده ازاي
ذات كشرت :وبعدين ميش داعي المطلوب منك تكوني ملكي وتسمعي كلامي ومتزعلنيش منك ابدا وده كفايه
ياسمين نزلت دموعها لانها عارفه انها بتستغل ضعفها وقله حيلتها ولان ذات فاشله فبتاخد مجهودها وتنجح ع اساسه
ذات بستغلال خفي: المهم تذكري وتديني الخلاصه عشان ننجح سوي بس لو جبت مجموع اكبر منك متزعليش وانا قصاد ده كله هديكي كل حاجه املكها
ياسمين بضعف وقله حيله قالت :موافقه هنتشارك في كل حاجه سوي
………………
الساعه 12بالليل طالعه ترمي الزباله لمحت حاجه بتنط من فوق سور الجنينه واختفت بصت من بعيد لقته هيئه شخص قام وقف ولابس طاقيه بالاكلافا دققت اكتر لقته حاطط شنطه فوق ظهره وجاي يقرب عليها ببطئ
ياسمين بتحذير وخوف: اياك تقرب لصوت والم الدنيا عليك
هو رفع ايده لفوق بستسلام:استني هو ايه الي بيحصل
ياسمين بترجف من الخوف: انت حرامي صح
هو لف حواليه بتعجب: حرامي هي دي الكاميرا الخافيه (وشاور ع نفسه ) مين الي حرامي انا
ياسمين بسرعه مسكت كيس الزباله وفضلت تضربه وتحذره: اياك تقرب اياك
هو: ما تهدي بقي
ياسمين صرخت: الحقوووني فين الناس
هو كمم شفافها: اسكتي انا مش حرامي
ياسمين بتزق ايده بعنف وقعت علارض وفضلت تسحف ع وري وتصرخ
هو نخ عليها بلهفه: انتي كويسه
ياسمين بتسحف وتصرخ: ماما بابا الحقوووووني
هو بهدوء: انا مش حرامي وبطلي تصرخي وافهمي
ابوها وامها واختها سمعوا الاستغاثه وكلهم طلعوا ع مصدر الصوت وابوها ماسك شومه وجري عليه :سيب بنتي
وضربه بالشومه وجات امها ضربته بالمكنسه واختها كملت بالمساحه
ابوها بنرفزه: بتعمل ايه فيها يا مجرم
نور خلع بالاكلافا أو Balaclava: كفايه لان انا مش حرامي
ابوها: امال انت مين
نوربتعب مهلك من الضرب: انا ابويا جاركم وجيت اشوفه دي كل الحكايه
ابوها زعق: كداب انت حرامي
نور : لو مش مصدقني اتفضل اتصل بوالدي اسمه رفعت المرشدي
ابوها: انت ابن الاستاذ رفعت
نور ابتسم بقرف: ايوه وربنا ابنه
اختها: بابا انت تعرف والده
ابوها بحرج: ايوه واخد منهم الادوات الي ضربوه بيها ورماها بخجل وكسوف
نور بص لياسمين: انا مش حرامي ولا مجرم انا جارك الجديد
امها: وليه داخل من جنينتنا
نور: لان ابويا ميعرفش اني جاي وقفل الباب وانا كمان مش معايا مفتاح فقلت انط من الجنينه بتاعتكم ومنها ادخل جنينتنا دي كل الحكايه
ابوها: استني _ وهندمله هدومه_ احنا اسفين يا بني اتفضل معانا
نور: لاء ملوش لزوم يا عمي
ابوها: لاء ازاي نضف نفسك واغسل وشك وظبط شكلك
نور استسلم ودخل معاهم وبعد ما عدل نفسه شويه وام ياسمين جابتلو عصير
نور: انا اسمي نور و كنت مسافر بكمل دراسه الهندسه في الخارج ولسه راجع من يومين قلت اجي ابات مع والدي عشان تعبان بس نسيت المفتاح قلت انط من جنينتكم وطبعا عارفين الباقي افتكرتوني حرامي
ياسمين بخجل: انا اسفه والله شوفتك لابس طاقيه وع ضهرك شنطه كبيره فاعذرني شكلك حرامي ع انك صاحب بيت
امها: وانا اسفه لاني ضربتك جامد ع دماغك
نور مسح ع شعره: مفيش مشكله حصل خير
ابوها: وانا يابني بعتذرلك بس اعذرني بنتي بتصرخ فطلعت وضربت الا قولي انا ضربتك فين
نور ابتسم: بصراحه الضرب اخدته في كل مكان بس عادي عدت وطلعت صاغ سليم
الكل ضحك وياسمين بصتلو بأعجاب خفي
نور قام وقف: ع العموم حصل خير واتعرفت ع اصدقاء جداد وهنعتبر الحرب دي بدايه تعارف حتي لو كانت عنيفه شويه بس مش هتتنسي
الاب ضحك: لوقت طويل
واصروا ع نور يتعشا معاهم لكن هو اعتذر ووعدهم هيكرر الزياره تاني
……………………..
ياسمين كانت رايحه السوبر ماركت ع بسكلته لكن الكواتش فرقع منها فوقفت في نص الشارع بلبخه
نور كان خارج ع الموتسكل الي بيعشق ركوبه راح ووقفلها وسألها: ياسمين واقفه ليه كدا
ياسمين: ابدا الكاوتش نام
نور ركن ع جنب ونزل وقرب وبص للعجله وبمزح: فعلا نام وبيشخر
ياسمين ضحكت اوي ع خفه دمه
نور بجديه: بصي فيه راجل بيصلح كاوتش هناك
ياسمين: هناك هناك فين؟
نور: هنا يا بنتي ع بعد خطوتين يله نروحله
ياسمين: طب ازاي
نور: هعشق العجله في الموتسكل وانتي اقعدي ورايا ها موافقه
ياسمين بكسوف اتنهدت :امري لله موافقه
نور طلع الموتسكل وياسمين أأعدت وراه وهو اخد ايدها الاتنين لفهم حوالين وسطه لانها محروجه تمد ايدها ووقفوا قدام الراجل وياسمين بنتط كانت هتقع نور لحقها ومسك ايدها الاتنين وغابت النظرات ما بينهم في نفس الحظه ماشيه بالعربيه شافتهم فضلت تزمر بصوت مزعج جدا لحد ما الاتنين لفوا وبصولها
ذات نزلت من العربيه بنفعال غير مبرر :سيب صاحبتي حالا
نور لسه ماسك ايد ياسمين لانه مش فاهم حاجه ودي مين وبأي حق تقف تزعقله كدا!!!!
ذات قربت بعصبيه اشد و اندفعت ناحيته بشراسة: بقولك سبيها_زعقتله) انت ايه مش بتسمع
ياسمين بأحراج: ذات اهدي
ذات زقته في صدره: ابعد كدا
ياسمين :ذات نور يبقي جارنا
ذات: جاركم
ياسمين :ايوه وكنت هقع وهو بيساعدني
ذات فضلت تبصله من فوق لتحت بنبهار وهو سابهم واخد العجله للدكان
ذات عيونها ملاحقاه: لما شوفته فجأه مسك ايدك مقدرتش اسمحله يعمل كدا في صاحبتي لان انتي ملكي لوحدي ومحدش يقدر يهوب ناحيتك
ياسمين بهدوء :هو بس كان بيساعدني
ذات بحده :وليه تسمحيلوا يمسك ايدك
ياسمين: عادي يعني يا ذات ده موقف
ذات بعصبيه: لاء مش عادي لان انتي اصلا مش بتسمحي لـ اي راجل يقرب منك
ياسمين بهدوء: احنا مجرد جيران وهو حاول يساعدني لما لقاني واقفه في الشارع
ذات :بس شكله بلطجي لازم تفضلي بعيده عنه
ياسمين بتعجب: ذات نور مش بلطجي ده مهندس معماري ووالده كمان مهندس وعندهم شركه للمقاولات
ذات بحماس:كدا اديني اسم عيلته
ياسمين بطلاقائيه: والده رفعت المرشدي
ذات طلعت الفون وعملت سرش عنه وشافت صوره في الخارج وابتسمتله وهو لف وابتسملها
ياسمين اضايقت: ذات الشمس جامده ادخلي انتي اقعدي في العربيه لحد ما نخلص
ذات هزت دماغها برفض: لاء انا مرتاحه هنا
نور قرب منهم: يا سمين ساعه واحده والعجله هتصحا من النوم
ياسمين ببتسامه: مفيش مشكله نستناها
ذات زاحت ياسمين وراحت وقفت قدامه وقالت :نور انا اسفه لاني اتكلمت معاك بشكل وحش وعشان اسأت الظن وفكرت انك بتتحرش بياسمين
نور ابتسم بحلاوه: مفيش مشكله انا متعود ع كدا
ذات عقدت حواجبها : مش فاهمه
نور ضحك: اصل اول مره قابلت فيها ياسمين فهمتني غلط برضو فكرتني حرامي وانا يظهر هقتنع
ذات ابتسمت: كدا يبقي انت مش زعلان
نور: لاء مش زعلان بس قوليلي اسمك ايه
ذات بدلع :ذات
نور :اممم اسم جذاب
ذات: ياتري يناسب وشي
نور :بصراحه لاء
ذات وشها اتاخد وكشرت
نور: لان وشك اجمل بكتير
ذات ابتسمت وياسمين مستغربه تفاعلهم السريع!!
نور :انا بقي حنطي شويه
ذات :بصراحه مش شويه كتير
نور :جميل انك صريحه جدا
ذات ربعت ايدها قدا صدرهاومطت شفايفها :مش بحب المجاملات وصريحه جدا
نور: وده بيعجبني جدا
ذات :قريب هتكتشف ده بنفسك وهنشوف وقتها لو كان لسه هيعجبك
نور بنظرات اعجاب: بجد عندي فضول اعرفك اكتر ويظهر لازم احاول
ذات لفت لياسمين: ايه رايك اسيبه يحاول
ياسمين لسه هترد ذات طنشتها وبصتله هو وقالت: تحب المحاوله تكون امتي
نور: الامر راجعلك انتي انا فاضي دايما
ذات ضحكت وهو كمان وياسمين ابتسمتلهم الاتنين بالعافيه
………………….ذات قصص منه محمد كاتب…………….
في فيلا ياسمين قاعده قدامه بيرسمها كالوحه لمعرض الرسم الي هيشارك فيه
نور بصلها : مش لازم تكوني جامده تقدري تتنفسي
ياسمين بفرحه: بجد
نور ضحك: بجد
ياسمين بذوق: شكرا ده انا كنت قربت اتجمد
نور: برضو هتطلعي جميله وضامن انها اكتر لوحه هتبقي ملفته في صف المعروضين
ذات دخلت سمعت كلامهم وشافت نظراته عليها الغيره بدئت تاكلها راحت حطت الشنطه ع التربيزه وسالتهم بفضول: بتعملوا ايه؟
ياسمين لفت وبصتلها: ذات نورتي
ذات مردتش عليها وربعت ايدها قدام صدرها واتمعنت في اللوحه
نور: ياسمين ممكن تستريحي دقيقه
ياسمين قامت تفك جسمها: طيب ممكن ادخل الحمام
نور هز رأسه في صمت وبص لذات الي مضيقه عيونها في اللوحه!!!!
نور بصلها وابتسم: ذات بتعملي ايه
ذات بغيره: بتفرج ( بصتله) وشكلك راسم لوح لياسمين كتير بس ليه بترسمها كتير في ايه
نور ببساطه: ابدا انا بحب الرسم ومحتاج اشارك في معرض بالوحه فقلت ارسم ياسمين وطلبت منها وهي قبلت
ذات: واو ممتع للاسف انا بقي مش جميله زيها عشان اترسم
نور عقد حواجبه: ليه بتقولي كدا لو عاوزني ارسمك انا مستعد
ذات بدلع: انت عايز ترسمني
نور: ليه لاء ايه رايك بعد ما انهي لوحه ياسمين ارسمك بعدها
ذات: انت واثق انك عاوزني
نور: اكيد عاوز
ذات ابتسمت بسعاده: طيب امتي هتنتهي من ياسمين ولا اقولك وانت بترسمها هقعد جنبك واتعلم ممكن تعلمني الرسم يانور
نور بترحاب: تمام اتفضلي هاتي كرسي وأأعدي
ذات جريت جابت كرسي وقعدت جنبه لحد ما لزقت فيه تحت انظار ياسمين الي راجعلهم !!!!!!
نور بدء يشرح: في الاول بتبصي ع الشخص الي هترسميه
ذات بخبث: ياسمين معلش ممكن تجبي لي كوبايه ميه
ياسمين: حاضر
نور مسكك ايدها يعلمها وهي ضربته ع ايده
ذات: انت لمست ايدي تاني فاخد بالك
نور كتم ضحكته: طيب خلاص هعلمك ع الهواء
ذات قامت وراحت اعدت مكان ياسمين: لاء كفايه تعليم انت ارسمني زي ياسمين
نور هز لها دماغه: تمام بس اقعدي ثابته زيها هتطلعي حلوه
ذات ضحكت بمياصه وقعدت كأنها تمثال وهو ابتسم وبدء يرسمها وفي نص اللوحه
ذات بصتله بدلع: انا جعت حتي شوف شكلي بقي مجهد وتعبان موت
نور ضحك وسرع ايده بسرعه ع اللوحه: حاضر دقيقه هي دقيقه وافنش
ذات : تمام دقيقه
نور وقف واتنهد: خلاص خلصتها
ذات وقفت بسعاده: بجد خلصتها وريني
نورمد لها ايده : تعالي شوفيها بنفسك
ذات جريت عليه بلهفه: بجد هي فين
نور بمزح: تؤ تؤ مش هورهالك
ذات شدته من ياقه التي شيرت بهزار: متبقش بايخ
نور زاح ظهره من قدام اللوحه: ها ايه رايك ياتري جميله
ذات: جميله وبس دي اجمل من جمالي الحقيقي
نور بنظرات أعجاب حقيقي: لاء مش مظبوط اظن الاصل هو الاجمل بمراحل
ذات مثلت الخجل ببراعه: ليه دايما بتكسفني
نور: انا بوفيقي حقك وع فكره كل ما بتتكسفي بتحلوي اكتر
ذات ضحكت وهو ميل عليها يعاكسها وهي ضربت خده بهزار كل ده تحت انظار صديقتها وزوجه ابوه الغضبانه جدا من المنظر
ذات بمداعبه: انت بقيت مشاكس وهتتعاقب
نور ابتسم بحلاوه: موافق
ذات: كدا يبقي لازم تعلمني والا مش هخليك ترسمني تاني
نور ضحك: امرك بس لازم تديني وقت من وقتك
ذات: موافقه
نور: بس الاول لازم تتمكني من الرسم وعشان ده يحصل لازم الاول تحبيه من اعماق قلبك
ذات: طيب ممكن ادخل اشرب اي حاجه ريقي نشف
نور : بسرعه
دخلت لقتها واقفه ومكشره قدام باب المطبخ الامريكاني
ذات: ممكن اخد عصير
نورهان بجديه: انتي اسمك ذات
ذات : ايوه انتي قريبه نور
نورهان ربعت ايدها: لاء انا زوجه ابوه
ذات ببتسامه: اهلا وسهلا اتشرفت بحضرتك
نورهان كشرت: شوفي يا بنتي انا شوفت الي حصل بره من شويه واظن انك تقربي منه بالشكل ده ميصحش لازم تراعي اصاحب البيت الي انتي فيه
ذات رفعت حاجب: كل ده عشان بطلب منه يعلمني الرسم
نورهان بنبره حازمه: لو حابه فعلا تتعلمي الرسم تعالي البيت عندنا وانا بنفسي هبقي معاكم
ذات بغضب شديد: شكرا عشان نصحتك بس انا مش متفاجئه ازاي قدرتي توقعي ابو نور انه يتجوزك خاصه بعد ما كنتي مديره البيت بقيتي ست البيت
نورهان كتفت ايدها حوالين صدرها : انا مش بستخدم الجرئه زي ناس
ذات بغرور وعجرفه: بس انا مش جريئه عشان اعاكس صاحب البيت كدا انا هنا في بيت صاحبتي لكن لقيت عندها ضيوف تفكيرهم شمال بس ع العموم شكرا ع نصحتك الي مش قبلاها انا فري اه بس للاسف مش بقبل النصيحه لدرجه مش بقبلها من امي وابويا نفسهم فاريت تحتفظي بنصايحك لنفسك وخصوصا لو متعلقه براجل لاني مش هقبل ولاني مش محتاجه نصيحه من حد
نورهان برقتلها وكتمت غيظها قبل ما ترفع وتمد ايديها ع وقحتها
ذات طلعت عليهم وشدت الشنطه بندفاع: انا ماشيه
نور: ليه ماشيه
ياسمين صديقتها: ذات مالك ايه الي حصل
ذات لفت وسابتهم ومدت بخطواتها السريعه!!!
نور مد وراها: ذات استني (لف لياسمين) معلش كملي انتي اللوحه وانا هشوفها
جاله الرد الناعم الرقيق من ياسمين: تمام
نور شد ذات من ايدها واخدها برا في الشارع في جنينه: في ايه فهميني؟؟!!
ذات لئلئت عيونها دموع الكدب: اسأل امك سمعتني ايه
نور اتنهد: محتاج اسمع منك لو سمحتي
ذات حكتله كل الي حصل وزودت عليه عشان الامر يسخن اكتر!!
نور اتنرفز جدا: ازاي تقول كدا ازاي لاء بجد زودتها
ذات مسكت ايده: نور بلاش ترمي اللوم عليها هي نيتها النصيحه ودي غلطتي لاني هزرت معاك زياده عن اللزوم
نور: ذات سيبك من كلامها
ذات مسكت ايده بمسكنه: ازاي دي مهما كان في مقام امك ولو ههتم بيك لازم اهتم بيها
نور طبطب ع ايدها بهدوء: انا بتأسف بالنيابه عنها وانا هتكلم معاها
ذات: لاء بلاش متقولهاش حاجه هي قصدها النصيحه
نور: تمام مش هشد عليها بس لازم اوقفها عند حدها واعرفها انها ملهاش الحق تدخل في حياتي
ذات اترمت جوه حضنه: لاء يا نور عشان خاطري انا مش عايزكم تزعلو من بعض
نور اتاخد انها دخلت جوه حضنه لكن احتواها ومسح ع شعرها بحنان: خلاص متعيطيش انا هحل الامر بهدوء
…….قصص منه محمد كاتب……..
نور رجع البيت يواجهه زوجه ابوه الي انفعلت جدا عليه
نورهان: عارفه اني ماليش الحق اقول كلمه بس انا كنت بحسس ع كلامي معاها وحذرتها بمنتهي الشياكه والادب
نوربضيق: ولزومه ايه كل الكلام الي قولتهولها
نورهان بحده: بنصحها انه ميصحش تستغل بيت صاحبتها انها تضحك وتهزر باسلوب مش كويس هي حورت الكلام اني بتهمها
نور بعصبيه شديده: هي عندها حق ومن هنا ورايح متدخليش في حياتي اطلاقا وصاحبتها هي صاحبه البيت ومقلتش كلمه
نورهان: لانها طيبه زياده عن اللزوم
نور رد عليها وهو مكشر بستياء: اسمعي طالما صاحبتها مقلتش كلمه انتي كمان مش من حقك تتكلمي بس لسه مصممه تتكلمي ده اسميه ايه؟!
ابوه : تطفل
نورهان زعقت: رفعت
رفعت ساب الجورنال وبصلها: هممم هاه انا قولت ايه نسيت؟؟!
نورهان: انا مقدره اني اتدخلت لكن انا بعتبرك ابني لكن اسفه ومش هتدخل ومش هحذر ولا هنصح ومش هقول حاجه خالص والي قولته سببه قلقي وخوفي عليك
نور: اهتمي بأبويا اوكيه وده كفايه ممكن اظن انا كبرت ومبقتش عيل صغير اقدر افهم الي قدامي كويس
رماه كلامه وسابهم ومشي تحت انظار نورهان الغاضبه ونظرات الاب المتعجبه لزعله وغضبه
رفعت بعد دقيقه قال: هو الواد ده يقصد ايه اني عيل فتاخدي بالك مني
نورهان بغيظ: اظن كده وعمري ما توقعت ان البنت دي هتحكي لنور بكلامي معاها واظاهر ذودت العيار وضافت فوق كلامي كلام نفسي افهم ليه مشدود بالبنت دي
رفعت: نور مبقاش صغير عشان نقوله كدا كوخ وعيب
نورهان: ايوه مش صغير بس انت ابوه ولازم تحذره منها!
رفعت رفع حاجبه بتساؤل : هو ايه ده الي احذره منه شوفي الموضوع لما يجي لحد هنا هو الي يحدد مع نفسه ويشوف بعينه ويميز عشان يختار الصح وقفلي ع الموضوع ده بقي ممكن
نورهان بصتله بغيظ وقامت تدعي ربنا انه يخلصه منها لانها فهمت انها انسانه خبيثه بغيضه

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية ذات الوجهين)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى