رواية وعد سليم الحلقة الرابعة عشر 14 بقلم تيسير محمد
 |
| رواية وعد سليم الحلقة الرابعة عشر 14 بقلم تيسير محمد |
رواية وعد سليم الحلقة الرابعة عشر 14 بقلم تيسير محمد
-ايه ياعم ماكنتش اعرف انك فرفور اوي كده.
قالها يوسف وهو بيناغش يحيي الي قاعد ع السرير في اوضه في المستشفي والكل حوليه.
يحيي بيرد عليه بمشاكسه :
هو انا اسمي يوسف ولا ايه.
سليم بفرحه :
حمدلله ع سلامتك ي وحش وقعت قلبنا.
وعد بقلق :
مش تخلي بالك ي يحيي ينفع كده؟
بصلها ورد بصوت حاني :
اسف ي حبيبتي خوفتكوا عليه.
سليم بيكلمه بمشاكسه :
سايبك تقولها حبيبتي عشان انت تعبان بس.
يحيي مسك ايد وعد الي قاعده جمبه :
اختي ياد وحبيبتي كمان .
وعد :
هههههههههههه
سليم بيقلدها :
هههههههههههه ماشي ي وعد ماشي.
نور :
بيعرج ههههههههههه.
سليم بصلها :
وهي لوحدها انتي كمان هينوبك من الحب جانب صبرا.
نور بمشاكسه :
قلبك كبير ي كبير(وغمزتله)
سليم :
ثبتيني كده ماشي.
يحيي بص لشروق لقاها قاعده ساكته :
مالك ي شروق مش بتتكلمي ليه؟
شروق باجهاد :
ابدا مافيش حاجه عادي.
يحيي كلمها بتعب حاول يخفيه :
تعالي جمبي.
قامت وراحت قعدت جمبه.
يحيي بحنيه :
انتي كويسه؟
شروق بتخرج الكلام بالعافيه :
انت الي كويس دلوقتي؟
يحيي بابتسامه حلوه وهو بيرجعلها شعرها بايده لوره :
بوجودك جمبي.
شروق والدموع ابتدت تتجمع في عيونها :
قتلتني ي يحيي بمنظرك ده قتلني بجد انا قلبي وقف مش متخيل انا عشت الكام دقيقه الي عدو دول ازاي .
يحيي مسك ايديها وبسها :
بعد الشر عليكي ي عمري ماتخفيش انا زي القرد اهوه.
شروق وهي بتعيط جاامد :
انا السبب والله انا السبب انا المفروض ابقي مكانك مش انت.
شدها لحضنه بسرعه :
هش ماتقوليش كده بعد الشر عليكي مافيش حاجه اسمها انتي السبب ولا مفروض مين يبقي مكان مين ،ده قدر وقدري اجي المستشفي زياره والحمد لله زي الفل ،بطلي عياط عشان خاطري.
بعدت عن حضنه ومسحت دموعها وقامت :
الحمد لله ان انت بخير انا هروح اغسل وشي.
فجأه لقوا نورهان داخله بتجري وتعيط وزقت شروق وهي بتعديها وقعدت جمب يحيي ع السرير واتشعبطت بايديها ع رقبته وبدمع :
يحيي حبيبي …سلامتك ايه الي حصلك ده ياقلبي.
الكل مصدوم ومتفاجأ ومش فاهم حاجه وشروق هي الوحيده الي فهماها وحاطه ايديها ف وسطها مش عاجبها الدلع الي بيحصل ده ،يحيي بيبص عليها وخايف من ردة فعلها ووعد لويه شفيفها كدليل علي عدم الرضي والاستنكار من الي اسمها نورهان دي.
يحيي بعدها عنه ، بس هي كل شويه تمسك وشه وهو يبعدها.
نورهان بعياط ودلع :
سلامتك ي روحي يارتني كنت انا وانت لا.
وعد وهي بتبصلها بقرف :
ياااااارييييت(قصف جبهه)
سليم ضحك في سره.
نورهان بتبصلها وتكلمها بقرف :
سوري انتي مين اصلا؟
يحيي بحده :
دي وعد اختي.
اتعدلت في كلامها :
سوري ي وعد ماكنتش اعرف.
وعد وهي بتتريق علي طريقتها :
اديكي عرفتي.
يحيي كلمها بحزم :
انتي ايه الي جابك؟
نورهان بدلع :
جيت اشوفك بعد ماروحتلك الشركه وعرفت انك هنا جيت ع طول ماقدرش اقولك موت من الخوف والقلق عليك ،ياتري مين ابن الحرام الي عمل فيك كده؟(قالت سؤالها وهي بتبص لشروق وشروق مربعه ايديها وعماله تتفرج وتضحك????????)
وعد بنفس الطريقه وهي قرفانه منها :
نعمل ايه بقي اديكي قولتي ابن حرام وان شاء الله يتشك في ايده ومعميعووووا.
نورهان ومستغربه :
معميعوو؟!
نور قامت مندفعه :
اه معميعوا مش عارفه المعاميع الي هي هنا دي(وخبطت ع جسمها واتوجعت جامد)
وعد بضحك :
خلاص ي نور اقعدي.
سمعت كلامها ونورهان كملت دلع :
ياحبيبي ي يحيي انا اكتشفت اني عشقتك مش حبيتك بس انا هفضل جمبك ومش هسيبك ابدا.
شروق اخيرا ردت بعد حاله الصمت الي كانت فيها :
ليه تفضلي جمبه بصفتك ايه؟
نورهان بتكلمها بقرف :
وانتي ايه الي دخلك اصلا هو حبيبي واقعد معاه براحتي،انتي مجرد سكرتيره وبس.
يحيي لسه هيرد شروق قطعته وبرقتله يسكت :
هو حبيبك لكن انتي مش حبيبته ،يبقي قومي بقي انا سكرتيرته واولي بيه(وشدتها من دراعها جامد نطرتها ع الكنبه الي اودام السرير).
وشروق قاعدت جمب يحيي ومسكت دراعه بتملك.
نورهان جايه تقوم راحت وعد قعدت جمبها من ناحيه ونور من ناحيه التانيه وزنقوها.
شروق ميلت ع ودان يحيي :
علي الله تنطق بكلمه لقلبهالك نكد وغم اديني حذرتك.
ماينكرش انه فرحان وجدا كمان وخصوصي من غيره حبيبته ووعد الي خايفه عليه وعرفت ان البنت دي مش لصالح اخوها وبتحاول تبعده.
نورهان شافتها وهي ماسكه ايده اتجننت :
انتي عبيطه ازاي تسمحي لنفسك تمسكي ايد راجل غريب يابنت يامتربيه؟
وعد خبطت ع صدر نورهان كده بطريقه بلدي اكتر من مره في محاوله تهدئه عنيفه شويه :
لالا والنبي لتهدي نفسك يامتربيه انتي.
نور عملت زي وعد :
ايوه ايوه وفري صوتك للي جي اصله تقيل ياحرام.
شروق بتغظها وبتبتسملها وبتلعب في شعر يحيي :
حبيبي محتاج حاجه اعملهالك قولي بس والي انت عايزه.
يحيي بيضحك علي حبيبته الماكره هو فاهمها كويس بس لازم يستغل الفرصه :
اه عايز اديتي ودنك.
ميلت عليه وهو وشوشها وهي اتصدمت من الطلب بس رجعت براسها وهي بتضحك بدلع :
بس كده عيوني ي روحي،.
مسكت وشه وطبعت بوسه علي خده برقه :
حلو كده؟
واحده كمان بقي هنا(وشورلها ع خده التاني)
-طبعا ي روحي.
-وباسته الناحيه التانيه.
يحيي ضحك جامد ونورهان كل ده بتطلع نار من عنيها.
يحيي همس لشروق :
لو فضلتي بالدلع ده كتير هتندمي.
يحيي مسك ايد شروق وباسها.
لا خلاص كده كتير قامت نورهان بسرعه وخرجت من الاوضه ووعد ونور ضربوا كفهم في بعض بضحك وتسليه وكان يحيي بيبوس ايد شروق راحت شدتها بسرعه وقامت تقف وقالت بصوت عالي :
الله الله ياسي يحيي تحضنك وتسكت.
اتفاجأ من تحولها الغريب واتخض اساسا :
سلام قول من رب الرحيم انتي قلبتي ليه مانتي كنتي ماشيه كويس.
-انت تسكت خالص وبعدين بتستغل الموقف يايحيي ماشي انا هوريك.
يحيي وهو بيصقف بايده :
يلا ياجدعان بيتك بيتك كل واحد ياخد الي معاه ويطير ورانا اكل عيش.
سليم وهو بيرفعله حاجبه :
يطير واكل عيش؟ماتقعدش معاها كتير.
يحيي بيوجه كلامه لسليم :
انت عبيط يابني دي مراتي وعد اللهي تنستري خوديه من اودامي انا لسه غاسل معده.
وعد خدته وطلعوا.
يوسف بضحكه مستفزه :
ههههههههههه غاسل معده ،طب فكرني ابقي اخليك تاخد هدومي فومين.
يحيي مسك الكوبايه الي جمبه وكان هيحدفها عليه :
يالا ي حيوان بره.
يوسف طلع وهو بيجري ويضحك بس رجع تاني براسه بس ومتشعلق في اطار الباب :
مش هرد عشان بحبك بس.
يحيي :
????????????????
يوسف :
ههههه خلاص طالع ماتزقش سلام ي شوشو.
يحيي كان هيقومله فعلا بس هو جري :
وربنا لاجيبك مسيري اطلع.
بص لقي شروق واقفه ومربعه ايديها،قال في سره :
الله الوصله هتبتدي.
—————————
سليم راح ليوسف :
يوسف تعالي عايزك في حاجه.
ومشي معاه.
وعد بخوف ولهفه :
سليم انت رايح فين ؟
لفلها بابتسامه :
ماتخافيش ياحبيبتي في شغل هخلصه وارجعلك.
وعد بخوف وقلق :
خلي بالك من نفسك.
بابتسامه :
وانتي كمان.
يوسف واقف بينهم وبيبصلهم بطريقه كوميديه :
هييييييح ،اتنين لمون وشجره وصلحه.
سليم بصله بقرف :
صلحه؟تعالي.
وشده من لبسه.
وعد ونور قعدوا يضحكوا.
وعد بصت لنور وحاجبها مرفوع :
تعالي هنا ي بت وقوليلي عملتي ايه مع سي يوسف.
نور في سرها من تحولها :
هي مش كانت قاعده تحب وتسبل دلوقتي ؟!????????
—————————–
-اااااه يابنت ال……….،انا تعملي فيا كده وتغظيني انتي وجوز الخيل الي معاكي والله لامفرجاكي ي يا جربوعه انتي.
جرس الباب رن راح فتحت لقت راجل كبير في السن بس شكله باشا.
سألت باستغراب :
افندم؟
بابتسامه خبث :
ازيك ي نورهان!
سألته باندهاش اكبر :
انت مين؟
—————————-
دخل المستشفي وسأل لحد ماعرف الاوضه واخيرا لقي هدفه اودام باب الاوضه.
لمحته فرحت وكانت عايزه تجري عليه وتحضنه بس رجعت وحست بالياس لما لقته رايح لاختها.
-وعد؟
وعد شافته كشرت واتكلمت برسميه وشويه حده :
نعم ي استاذ حمدي؟
-الله يكرم اصلك عايزك ف كلمتين ع انفراد
وافقته وراحت معاه بره المستشفي.
بتأفف اتكلمت :
افندم؟
بيحاول يستعطفها :
انا هتحبس بكمبيالات فتحي لو مارحتلوش.
ضيقت عنيها وبهجوم اتكلمت :
نعم يعني؟
-لازم تروحيله.
اتكلمت بصوت عالي شويه :
وانا مالي علي حد علمي انك واخد اد كده من سليم ادفعله.
-كلهم خلصه.
كملت بنرفزه :
طبعا ع الزفت الي بتشربه.
اتكلم برجاء :
في عرضك ي بنتي.
-ماليش فيه اتصرف.
وجات تسيبه وتمشي ،لفلها ووقف اودامها.
كمل رجاءه :
ابوس ايدك انجديني.
رفعت صوبها بتحذير :
حمدي انا بحذرك اياك تجيلي تاني ولا تروح لسليم عشان فلوس وبالذات في حاجه ليها علاقه ب البني ادم ده مفهموم ،عن اذنك.
ودخلت وسابته يفكر بطريقه تانيه
————————-
يحيي وهو بيخبط علي المكان جمبه بهدوء :
تعالي اقعدي جمبي.
شروق وهي مربعه ايديها وبنرفزه هاديه شويه :
عايز ايه ؟
بنبره بانت فيها تعبه :
اسمعي الكلام وتعالي.
حست بتعبه مارضتش تزودها … راحت وقعدت جمبه.
مسك ايدها بهدوء ،جت تسحبها هو مارضاش يسبها.
اتكلم بهدوء :
ممكن نتكلم جد شويه؟
بصتله بعصبيه وماتكلمتش.
اتنهد واتكلم بنفس هدؤه :
دلوقتي بقينا عارفين انها مجنونه ومريضه وان اي تصرف بتعمله ماليش دخل بيه وانا كل اما اتكلم لانتي او وعد تقاطعوني.
شروق بدموع في عنيها :
ماتعرفش كنت بحس بايه وهي مقربه منك كده،ده انا الي اسمي مراتك مش بعمل كده ودي اتعدت حدودها.
يحيي ببسمه وبيمسح دموعها :
بصي الي شيفاه معاها اعمليه الا حاجه واحده تخصميني ماقدرش انا ع كده.
شروق هديت شويه وبصراحه اتكلمت :
هو انت عندك حق الصراحه بس بردو ماتسبهاش تقربلك.
-حاضر(باس ايديها)ماتزعليش بقي.
-حاضر بس انت ماتستغلش المواقف بعد كده.
باس ايديها تاني :
حاضر.
شروق بضحك وهي بتضربه بخفه في كتفه :
بردو؟
يحيي بفرحه :
هههههههه بردو.
-ههههههههههههههه
يحيي وقف بعينه يتأملها كتير.
لحظه فوقفت ضحك وبابتسامه :
بتبصلي كده ليه؟
يحيي وهو لسه سرحان :
بعشق ضحكتك دي …تدوم ي روحي.
شروق بنفس السرحان :
بوجودك جمبي .
——————————————
-ها وصلت لحاجه؟
ده سؤال سليم ليوسف وهو في شركه يحيي .
-اها الكاميرات صورت بس صورت الي قدملها العصير بس.
بسرعه امره :
طب جبولي دلوقتي.
-سليم هو مش موجود.
سليم بنرفزه :
يعني ايه يعني؟
-اهدي كده انا عرفت انه كان لابس لبس راجل كان بيشتغل ف البوفيه بس مش عارف حصل عليه ازاي؟
سليم سكت شويه وبعدين لقي الحل :
يوسف هاتلي كاميرات مرقبه الشركه كلها النهارده،انا لازم اجيبه.
—————————–
كلم فتحي حمدي ع التليفون :
ها عرفت تجيبها؟
بخوف رد :
لا مارضيتش.
رد عليه بزعيق :
معرفش اتصرفلي انا مش هصبر عليك كتير.
-طب انا محتاج رجاله من عندك.
استغرب فتحي من طلبه :
في ايه؟
-هجبهالك
رد عليه بحذر :
اهم حاجه اسمي مايجيش.
حمدي بغموض :
ماتقلقش ماحدش هيدري .
————————-
خبط الباب ووعد دخلت :
انا اسفه ع المقاطعه بس ماتعرفوش نور فين؟
شروق وهي قاعده مع يحيي :
لا اخر مره طلعت معاكوا
بقلق اكتر ردت عليها :
دورت عليها ف المستشفي كلها ولا لقياها.
يحيي بيحاول يطمنها :
ممكن تلاقيها مع يوسف.
وهي بتطلع فونها :
اه صح طب انا هكلم يوسف لان الهانم مش بترد
طلعت الفون وكلمته.
—————
-هو ده تجبهولي من تحت الارض.
-اوامرك ي سليم بيه حاجه تاني؟
سليم كان بيكلم مع الحرس بتوعه :
انهارده يبقي عندي يلا.
سبوه ومشيه.
فون يوسف رن.
يوسف باستغراب :
اده دي وعد
سليم بخصه :
رد بسرعه .
رد وفتح المايك:
الو ياوعد!
بلهفه :
يوسف هي نور معاك؟
يوسف بخضه :
لا هي مش عندك؟
وعد ابتدت تعيط :
قلبت عليها الدنيا فص ملح وداب ياتري راحت فين؟
سليم كان فاتح المكبر رد عليها :
وعد ماتخافيش ي حبيبتي هندور عليها اقفلي دلوقتي.
سليم بص ليوسف بقلق :
انت مزعلها لسه من ساعه سهي؟
يوسف بلهفه :
مش وقته نلقيها بس ونتكلم
مشيوا وكل واحد اخد عربيته وراح يدور عليها.
——————————-
-وانا ايش ضمني انك مش بتضحك عليا؟
-خدي كل الضمنات الي انتي عيزاها بس انتي الي محتجاني اكتر مش انا.
-اسمي مش هيجي في الحوار.
ضحك بسخريه ومكر :
ومين اسمه هيجي اصلا.
-انا اخطط اه انفذ يبقي تبعد انت.
ببسمه رضا :
ماشي ي ستي ها اتفقنا.
-اتفقنا.
قرب منها واتكلم بمكر :
اسمعي ي ستي…….
——————————-
ماشيه تايه الدنيا بقت ليل خالص ،حاسه انها تعبانه بردانه تايهه بتعيط جامد مش عارفه هي ماشيه فين ورايحه ع فين،عماله تفكر هي مالهاش حد خلاص احلي حاجه في دنيتها ماتت وسبتها …اختها وماطلعتش اختها،ابوها الي افتكرته حنلها كان مجرد وهم طب ايه العيشه الي هي فيها دي عايشه ليه وعشان مين هي حتي مش عايشه في بيتها لا في بيت اغراب مش عارفه تعمل ايه.
وهي مش حاسه بالي حواليها عربيه جايه عليها وهي اصلا في شارع ضلمه ،كانت هتخبطها وهي غمضت عيونها جامد ،بس فرملت بسرعه وصدر صوت جااامد،فتحت عنيها.
خرج من العربيه بصتله وبعدين اغم عليها .
———————————-
يحيي نايم في الاوضه في المستشفي ،ووعد وشروق قاعدين بره.
وعد بقلق وتوتر :
انا قلبي وكلني بطريقه غير طبيعيه حاسه ان نور حصلها حاجه.
شروق بخضه :
تفي من بقك ايه الهبل ده،اهدي بقي كده الله.
وعد :
ماشي وربنا يستر.
شروق وهي بتقوم :
بصي هروح الحمام وارجع القيكي مفرفشه ها ومروقه كده عشان ماتصلش بسليم اشطا؟!
وعد بابتسامه بسيطه :
ماشي.
راحت الحمام ووعد قامت وقفت اودام الاوضه.
فجأه لقت حد حط حاجه ع مناخيرها واغم عليها.
—————————–
شروق خلصت حمامها وطلعت الفون تكلم سليم.
-الو انت فين ؟
-……..
-طب ممكن تيجي وعد متوتره اووووي.
-…………….
وصلت عند باب الاوضه.
-اده دي وعد مش هنا شكلها دخلت عند يحيي.
دخلت ولقت واحد مصوب مسدسه علي راس يحيي وهو نايم :
يحيي لا !!
