رواية منقذي البارت الرابع عشر 14 بقلم ياسمينا
![]() |
رواية منقذي البارت الرابع عشر 14 بقلم ياسمينا |
رواية منقذي البارت الرابع عشر 14 بقلم ياسمينا
????في قصر العزيز ????
عند نجمه كانت مرعوبه من جبل الي كان كاتم بوقها
جبل : مش عايز اسمع صوت صحبتك دي لو صحيت صدقيني مش هرحمك ياقمر هانم هشيل ايدي تمام
جبل شال ايدو من بوقها
نجمه بخوف : انت عايز مني ايه انا مش عملت حاجه
جبل بصوت يرعب : واطي صوتك
نجمه وطت صوتها اوي: ماشي عايز مني ايه بقا
جبل : انتي قمر صح
نجمه بصت علي قمر الي نايمه علي سرير وبصت علي جبل والحبل الي كان في ايدو واتأكدت انو جاي يقتل قمر
نجمه : ايوا انا قمر عايز ايه
جبل بص علي قمر وقال : ودي اسمها ايه وعندها كام سنه
نجمه بقلق : دي نجمه عندها 23 سنه
جبل بفتكير : متلزمنيش بصي بقا كدا كدا ابوكي باعك ليا علشان اعرف اطلعو من سجن شوفتي اب بلحقاره دي
نجمه بحزن : وانت هتقتلني
جبل بأبتسامه مستفزه : طبعاااااااا
نجمه : تمام بس متقربش من اي حد في بيت ده انت بس عايزني انا وانا موافقه تمام
جبل يسخريه : هتعملي دور ضحيه بجد برافو بس متخافيش محدش فيهم عندو 24 سنه علشان اقتلو
نجمه براحه : تمام
جبل بضيق : انتي مالك كدا مش خايفه انك هتموتي
نجمه : علشان عندي قلب بحب الناس الي حواليا واتمنا اموت انا وهما لاا
جبل جاي يتكلم بس نجمه قطعتو بغضب
نجمه بزعيق: متكلمش كتير يلااااا موتني وخلصني
جبل بخبث : بس لما بقتل حد لازم اغتصبو الاول ايه موافقه
نجمه بصتلو بصدمه
نجمه بغضب : طب انا عملتلك ايه
جبل : واطي صوتك علشان لو صحبتك صحيت علي صوتك صدقيني هبدأ بيها
نجمه سكتت بخوف
جبل كانت مستمع بخوفها
جبل : تعرفي جتلي فكره حلوه اوووي هسمي الي هيحصل ده اغتصاب بتراضي يعني حضرتك مش هتقدري تكلمي علشان صحبتك متموتش وانا اقدر اعمل اي حاجه واموتك من غير صحبتك دي ماتحس حتي
نجمه بخوف : طب هتسفاد ايه فهمني هستفاد ايه دا انت كدا هتاخد ذنووووب قد كتير
جبل ضحك بسخريه : ياحبيبتي الي قدامك ده مبيعملش حاجه غير أنو بياخد ذنوب
نجمه : علفكره انت مريض
جبل بصلها بغضب وهي خافت وبدأ يقرب منها وهي حتي مش قادره تصرخ علشان صحبتها وفاجأه النور اتقفل وفاجأه اتفتح تاني وجبل بص قدامو لقه ادهم وادم وفهد واموش واقفين قدامو ومصوبين المسدس عليه
فهد بثقه : مفروض تكون عارف قبل ماتجي هنا انك هتلعب معا صياد
ادهم بسخرية : علفكره انت جسم علي مفيش مش ذكي خالص خالص
ادم : كنت مفكرنا ظباط اي كلام ولا ايه
اموش : وانا بقا الي هقبض عليك علشان يقولو الي قبض علي جبل ست
جبل بغضب : يسلام وانا هسبكم حتي تقبضو عليا هاتولي دليل ضدي علشان تعرفو تقبضو عليا
ادهم بضحك : هو انا مقولتلكش يقطعني انا ركبت كاميرات في الاوضه دي يعني كل كلمه قولتها اتحفظت يعني القضيه لبساك لبساك
جبل بغضب : مش هتقدرو
فهد بسخرية : قدرنا
جبل بغضب مسك مسدسو وصوبو نحية قمر الي نايمه علي سرير
جبل بغضب : مش دي اختكككك انا هقتلهالك
نجمه بخوف : لاااااا
جبل : انا موافق تقتلني رصاصه هتخرح من مسدسي في راس اختك وانتو اربعه يبقا اربع رصاصات وانا موافق اموت بس هاخد اختك معايا
ادم بلهفه : سبها مش هنأذيك بس سبها
فهد بغضب : سبهااااا خلاص هنزل السلاح بس انت كمان نزلو
جبل : اكيد مهيب باشا تحت صح ومعه قوه خليهم يمشو وانا هنزل السلاح اظن انكم شوفتو انا قتلت البنات ازاي يعني سهل عليا اوي اقتل اختك
ادم مسك تلفونو بغضب ورن علي مهيب
أما ادهم وفهد بقو يفهمو بعض اوي كانو بيبصو لبعض وبيتكلمو يعنيهم اموش كانت متابعهم وفهمت خطتهم اموش اتحركت وراحت علي مكان الي نجمه واقفه فيه
اموش بهدوء : الا قولي صحيح ياجبل هي اسما خانتك ازاااااي شكلها خانتك خيانه كبيره اوي لدرجه انك عمال تقتل الناس الي شبها
جبل بصلها بغضب ومبقاش مركز معا قمر أو معا فهد وادهم لما بيسمع اسمها بيتجن ادهم استغل الفرصه وقرب من جبل وضربو وخد منو مسدس وفهد جاب الحبل الي كان معا جبل وقدر يخنق بيه جبل
فهد بغضب : علشان تعرف تمد ايدك علي الي يخصني
جبل مكنش قادر يتحرك بس طبعا علشان فرق الجسم الي بنهم قدر يفلت من الحبل ادم اول ماشافو كدا ضرب عليه رصاص وجت في رجلوو ووقع في الارض وبوليس جاه ومله الاوضه
جبل ابتسملهم بخبث : مفكرين نفسكم نجحتو هق متعرفوش مين جبل اصلا
ادم : يلا بقا بلاش كلام كتير انت وقعت
ادهم: وبلاش معافره علشان مش هتقدر تهرب
جبل بأبتسامه خبيثه وبدأ يعد علي ايدو : 123
فاجأه نور اتقفل وتفتح في نفس دقيقه وملقوش جبل الكل بص لي فهد
فهد بصدمه : مالكم مهو انا مش المحقق كونان علشان اقولكم راح فين
ادم بغضب : انا هتجن راح فييييين ده كان قدامنا
ادهم للعساكر : انزلو الجنينه ودورو فيه كويس واحنا هندور هنا في الاوضه يمكن فيه مخرج العساكر نزلو الجنينه وهما دورو في الاوضه بغضب
قمر صحيت من نوم لقت الاوضه كلها متبهدله
قمر بنوم : هو ايه الي حصل
كلهم بصو لبعض وضحكو غصب عنهم
قمر بضيق : ايه مالكم
ادم بسخريه : لا ابدا كان فيه هنا مجرم كنا بنلعب معه
قمر بصدمه: بجد
اموش : اه ياحبيبتي دا حتي ضربنا عليه نار
قمر وهي بتقوم من علي سرير : لا انا محستش خالص الصراحه
ادهم بضيق : عايز اعرف راح فين ازاي خرج
فهد بابتسامه : فكك انتو طبعا هنمنعوه من سفر وكدا مش هيقدر ولا يسافر يعني هنلقيه زمان كان بيعمل الي هو عايزو وهو مخفي أما دلوقتي خلاص الكل بقا عارف هو مين
قمر بضيق : ياجماعه فهموني
نجمه بغضب : انتو كنتو عارفين انو جاي صح
ادهم : احم اه
نجمه : وخليت حياتي في خطر صح
ادهم : لا اسمعيني
نجمه بغضب : مهو لو كنت نور مكنتش هتستحمل أن زفت ده يلمسها حتي إنما أنت معندكش رحتة دم نجمه هي بس الي تدفع تمن اغلاطكم صح انت واخويا الي حطني في الخطر علشان ايه هو انتو سمعتو قالي ايه دا انا كنت بموت من رعب مش عليا علي صحبتي الي كان ممكن يقتلها بسهوله
ادهم بحزن : اسمعيني
نجمه بغضب : مش عايزه اسمع منك حاجه
فهد : يانجمه اقسم بالله احنا لما عملنا الخطوه دي اتأكدنا مليون في ميه انك مش هتتأذي
نجمه بضيق : افرض كان خفاني معه زاي مااختفا كدا كنت هتجبوني منين
ادهم بسخرية : مش ساحر هو علفكره
نجمه بغيظ : بردو ماليش دعوه
ادهم بغضب : علفكره انتي غلطتي فيا كتير وانا سكتلك
نجمه بحزن : علشان انت مبتخافش عليا وحياتي عندك رخيصه
ادهم بسرعه : لا والله كنت خايف عليكي اوووي
نجمه بضيق : ماشي
فهد : اوووف البنات دول نكدين اوي
قمر : هو في ايه ????
ادم بضحك: يخربيتك اسكتي
قمر بضيق : بجد هو في ايه
فهد : مفيش ياحبيبتي كان فيه واحد شبه التور كان جاي يقتلك
قمر بخوف : يلهووووي يلهوووووي يقتلني انا
ادهم بضحك : بس نجمه انقذتك
قمر بحب : حبيبتي يانجمه طب مش صحتني ليه كنت قومت خلصت عليه
الكل ضحك علي قمر
قمر بضيق : مالكم
ادم : ارجعي نامي ارجعي نامي
ادهم قرب من نجمه
ادهم بهمس : لسا زعلانه
نجمه بضيق : مالكش دعوه بيا
ادهم بخبث : كلها 5 ايام وتجوز اموش
نجمه بغضب : ربنا يخدك قبل ماتجوز ياشيخ
أدهم بضحك : ماشي هسيبك علي نار
فهد من بعيد : هنقعد نحبحب كدا ونسيب الراجل الي هرب
ادم : استوووب بقا انا فرحي قرب عايز اخد اجازه ارحموني
ادهم وهو بغمز لي نجمه : يعني هو انا الي فرحي مقربش
فهد بهمس : اللهي ياشيخ متحضرو
ادهم : في حاجه يافهودي
فهد : ها لا بقول الف مبروك
ادم وهو بينام علي سرير
ادم : والله ماقدر خدلنا اجازه الهي يسترك
فهد : اه كدا كدا اصلا مش هيقدر يهرب واهو علي اقل عرفنا هو مين وسامر مش هيقدر يطلع
ادهم : عندك حق
فهد راح نام جمب ادم
فهد : ادخل بس كدا شويه تعبتوني معاكم من صبح الحمدالله مطلعتش ظابط دانا وانا مجرم متعبتش كدا
فهد أول ما حط راسو علي مخده نام ونجمه قربت منهم وغطتهم وهي مبتسمه
ادم بنوم : الهي يسترك اقفلي نور
نجمه بأبتسامه: ماشي
فهد بنوم : وبوسة قبل نوم لوسمحتي
نجمه قربت من فهد وبستو
ادهم بضيق : انا لو موت هموت بسببك ايه يختي الحنيه دي مشوفتهاش يعني
نجمه بضيق: غور اتخمد جمبهم وانا اغطيك
ادهم بتعب : فعلا انا تعبان
ادهم نام جمبهم ونجمه غطتو
ادهم بسخرية : مفيش بوسه قبل نوم
نجمه : لا في قلم قبل نوم تحب نخدو
أدهم : لا اطيب احسن
ادهم نام وبعد 5 دقايق البنات وقفو قدام سرير
قمر : شوفتو ادم احلا واحد فيهم
اموش بضيق : لا طبعا فهودي احلااااااا بكتير
نجمه: لا طبعا ادهم كفايه عينو الزرقه
اموش : لا طبعا كفايه أن فهد بيدخل اي مكان والكل بيخرس مستر كونان بتاعي ده
قمر : لا علفكره ادم طفل كدا في نفسو وكيوته اووي بتحب بسرعه
نجمه بضحك : والله التلاته زفت
ادم وهو مغمض عينو : مرسي يامرات اخويا
فهد : شكراااا يامحترمه
ادهم بسخرية : لا دي بتكلم علينا وهي شبه السحليه اصلا
البنات بصلهم بصدمه
قمر : يلهوي دول لسا صاحين
نجمه : اوووووبااااا اهرررررررررب
البنات جريووو برا الاوضه
فهد : الي يعجبني في اموش أنها جدعه وطفله في نفس الوقت
ادم بضحك: أما قمر بقا بيعجبني فيها خفة دم امها
ادهم : امممم وانا بيعجبني في نجمه ضحكتها وعصبيتها وقلبها طيب
فهد : طيب نااااامو
ادهم : تصبح علي خير يافيفي
فهد بضيق : وانت من اهلو يادودي
ادم ابتسم وفرح أنهم بقو صحاب
____________________________
عده اسبوع نور عملت العمليه وقمر واموش جهزو الفساتين ونجمه وفهد كانو بيتفقو علي خطه أما ادهم طول الاسبوع كان بغيظ نجمه وماجي بدأت تكلم شويه شويه أما جبل قدر يهرب طول الاسبوع ده وللاسف محدش لقه ولا لقه اي تفسير لي اختفائو
_____________________________
يوم الفرح الصبح في قصر العزيز
فهد ركب دي جي وشغل اغااااني وصوتها كان عالي اوووي وصحه كل الي في القصر
عزيز : ايه ده
فهد بأبتسامه : هنبدأ الفرح من بدري بقا
ادهم واموش بصو لبعض بصدمه
نجمه جت وهي بتضحك وبتقول : الف الف الف الف مبرووووووووووك للعرساااان
فهد : انهارده بقا هنرقصلكم
نجمه وهي بتشيل طبله : وهنطبلكم
ادهم بصدمه : يعني انتي مش زعلانه
اموش : ولا انت
نجمه بتمثيل : نعم انا ازعل ليه يلا يافهودي
فهد : يلا ياجوجتي
نجمه وفهد بصوت واحد ونجمه كانت بطبل:اه لقيت الطبطبه واقوه لو منتاش بعيد ضحكتك في كهرابه ببقا زاي واحد جديد
فهد قرب من ادم وقمر وخلهم يرقصو أما فيروز وعزيز بصو لي ادهم
فيروز بضحك : سوري ياحبيبي بس لازم اشاركم الفرحه
فيروز راحت عند نجمه
عزيز : احم معلش بقا الاغنيه دي بحبها لازم اروح
عزيز قرب منهم وفضلو يرقصو ويضحكو ونجمه مسكت كرسي متحرك بتاع ماماتها وفضلت تحركو وترقص معاها وماجي كانت مبسوطه
اموش بضيق : ادهم احنا شكلنا اتصرعنا شكلهم مش بيحبونا
ادهم بضيق : لا بيحبونا
اموش : هنعمل ايه
ادهم : بفكر
نجمه قربت من ادهم ومسكت ايدو وكانت عايزه يخليه يرقص معاها
ادهم : انتي مبسوطه
نجمه بابتسامه: جداااااا
ادهم بخبث : متاكده
نجمه : طبعاا
ادهم بخبث : انا واثق انك بتكدبي قدامك 5 سعات اعترفي بحبك وانا هلغي فرح ده فورا
نجمه بضيق : يعني انت مستني ده مفروض انت راجل وتقول الاول
ادهم بأبتسامه: صح بس مش دلوقتي يلا شاااووو
ادهم مشي من قدامها
نجمه : امممم ماشي هنشوف بليل هيحصل ايه
فهد قفل الاغاني
فهد : يلا علي الاتويل عملكم تجهيزات تجنن
اموش بغيظ : انسان مستفز
فهد بصوت عالي : ولي بيشتم يلم نفسو
فيروز : عزيز هيخدني انا وماجي ونروح الاول وانتو بقا ابقو هاتو البنات
ادم : ماشي ياماما ونهارده فرحي ياجدعااااان عايز كلو يبقااا تمام
نجمه بأبتسامه: مبرووككك
قمر بضيق : انا مش عارفه انتو كروتوني ليه انا محتاجه شهر علي اقل
ادم بصلها بغضب وهي خافت
قمر : لا انا بهزر مش اكتر
ادم بابتسامه : ايوا كدا
فهد : يلاااااا الكل يجهز
الكل طلع علشان يجهز …
____________________________
????في مستشفي????
نور كانت قاعده قدام دكتور وبيشلها شااش بعد العمليه وكان معاها زياد واول ماشاف شكلها قلبو دق وفتكر مراتو
الدكتور : الحمدالله العمليه نجحت
نور خدت مرايا وشافت نفسها لقت نفسها شكلها حلو اوووي وهادي ووشها منور
الدكتور خرج وزياد قعد جمبها
زياد : ايه ندمانه
نور : ابدا حاسه اني اتولدت من جديد
زياد : انا مكنتش هوافق انك تبقي شبه مراتي بس علشان ابني بجد محتاجها وانتي مكنتيش هتعملي وشك الحقيقي
نور : انا هساعدك زاي مانت ساعدتني انا كنت محتاجه ده اتولد من جديد بشكل تاني وكمان علشان ادهم ينساني ويعتبرني موت
زياد بحزن : سبحان الله اكنها قدامي
نور : هي كانت محجبه
زياد : اه
نور : تمام هلبس الحجاب
زياد : لالا هتلبسيه لما تحسي انك عايزه تلبسيه وتكوني مقتنعه بيه
نور بابتسامه: شكرااااااا اوووووي يازياد بجد بس ممكن طلب
زياد : اتفضلي
نور : انهارده فرح ادهم ممكن نحضرو وأشوفو من بعيد
زياد : تمام
نور بصت علي نفسها في مرايا وابتسمت بحزن
____________________________________
????في الاوتيل????
فهد كان في القاعه بيظبط كل حاجه هو وفيروز أما البنات كانو بيجهزو
في اوضه البنات اموش لبست فستانها وكان باين علي الحزن
قمر : مش هتعملي ميك اب
اموش بحزن : مش هتفرق كدا كدا الفرح مش هيتم
قمر بخبث : طب قووومي بس
اموش قامت بحزن وبدأو يعملوها شعرها وميك اب أما قمر دخلت الحمام وكلمت فهد
قمر : حرام عليك والله اموش زعلانه اوي
فهد بأبتسامه : هتفرح متخافيش
قمر بسعاده : مبروك يافهوووودي
فهد : مبرووووك ياا ايه ده صحيح هو انا مفروض ادلعك ايه
قمر بضحك : قموووورتي
فهد بضحك : طيب اقفلي يلا علشان الحق اجهز
قمر : اوك بااااي
قمر طلعت من الحمام وبدأت تجهز
_____________________________
????في اوضة ادم وادهم????
ادم بسعاده : اخيراااا هتجوز
ادهم بضحك : اه واخلص منك بقا
ادم : هو انت هتسيب نجمه كدا
ادهم : اسيب مين دانا علي قلبها مش هسبها
ادم : طب انت ناوي علي ايه
ادهم بخبث : هتفهم اجهز بس وانا هدخل اجهز
______________________________
في اوضه تانيه في الاوتيل كانت نجمه قاعده علي سرير وجمبها فستان الفرح
نجمه بضيق : اول فرح ليا كان زفت تاني فرح ليا هيحصل فيه ايه
فهد دخل عليها
فهد : بتفكري فيه
نجمه : افتكرت فرحي الاولني
فهد بضحك: لا متخافيش مفيش صياد علشان يبوظو
نجمه بضحك : عندك حق
فهد : يلا قومي اجهزي
نجمه : هلبس جوا وانت البس يلا هنتأخر
نجمه دخلت علشان تلبس
فهد : اوعدك أن انهارده هيبقا يوم مميز
____________________________
جاء المساااء والكل جهز فهد راح اوضه اموش أما ادهم راح لي نجمه
????في اوضة نجمه ????
ادهم خبطت علي باب ونجمه فتحتلو وشافتو ببدلتو السوده وشكلو كان وسيم اووووي
ادهم : اممم شكلي كدا اتلخبطت انا كنت جاي لي اموش
نجمه بصتلو بغضب وقفلت باب في وشو
ادهم بضحك : افتحي والله بهزر
نجمه فتحتلو الباب
نجمه : هاااا
ادهم : طيب تعالي ندخل جوا
نجمه كانت بتحاول تمشي بفستانها كان تقيل اوي
ادهم : ياستي لمي فستانك
نجمه بغيظ : انا مش فاهمه فيها ايه لو العروسه لبست فستان رقيق كدا
ادهم بصلها من فوقها لتحتها كانت شكلها شبه الاميرات
ادهم بحب : انا مش هقولك غير كلمه واحد
نجمه بضيق : ايوا عارفه هتقول بومه
ادهم : لا انتي اجمل بنت شافتها عيني
نجمه بصتلو بصدمه
ادهم بضحك : مالك
نجمه: انت قولت ايه
ادهم بحب: انتي اجمل واحد شافتها عيني
نجمه سقفت زاي الاطفال وقالت: معنه كدا انك وقعت في حبي
ادهم : اممم اه انا واقع من زمان اصلا
نجمه بسعاده : يعني هتجوزني
ادهم بخبث : مانا متجوزك لتكونييي قصدك
نجمه قطعتو بغضب : انت قليل الادب علفكره انا قصدي هنعمل فرح وكدا
ادهم بأبتسامه : بصي يانجمه انتي دخلتي حياتي صدفه وكانت اجمل صدفه حبيبت فيكي كل حاجه قلبك النضيف وروحك الحلوه انا وانتي حصلنا مشاكل كتير وكنا بنقوي بعض مش هنسه مواقفك معايا تعرفي انا امتا حسيت اني بحبك واوي كمان لما جبل ده كان بيقرب منك كنت شايف كل ده وكنت نفسي ادخل اكسر ايدو الي اتمدت عليكي خوفت خوف كبير اول مره اخاف اوي كدا وغيرت كمان وتعرفي كل ماافتكر انك كنتي مخطوبه لي سليم بموت من الغيره مش عارف انا اتجننت ولا ايه بس الي عايزو دلوقتي اني اكمل معاكي باقي حياتي نجمه انا بحبك اوي
نجمه كانت بتسمع كل ده ومش مصدقه
ادهم : نجمه انتي معايا
نجمه جريت عليه وحضنتو جامد
نجمه بسعاده : اخيرا ابو هول اتكلم
ادهم بضحك : لا هتكلم كتير بس متزهقيش بقا
نجمه طلعت من حضنو ومسكت أيديه وقالت
نجمه: اوعدني انك تثق فيا دايما وانك تفضل مخلص ليا وانا اوعدك اني عمري ماهعيشك في الجو الي نور كانت معيشاك فيه
ادهم بابتسامه: لا متخافيش انا حبيتك مستحيل ابص لي غيرك
نجمه بسعاده : اووووووك
ادهم : يلا انكجني يازوجتي العزيزه
نجمه بضحك : انكجيني
ادهم : ايوا بس بصي يانجمه متزعليش مني انتي نحس عمري ماهنسه يوم فرحك الاولني
نجمه بضيق : خلاص غور مش عايزه اتجوزك
ادهم بضحك: انتي قفوشه كدا ليه بقولك انا عايز اخلف مزرعة ارانب كل سنه ارنب اوك
نجمه بصدمه: ليه كنت الارنبه الي جبتها امك
ادهم : امك انتي الفاظك بقت بيئه كدا ليه
نجمه : بص علشان نبقا متفقين انا مش هخلف غير أتنين وبس
ادهم : اتنين اتنين
ادهم قرب منها اول بخبث : المهم بس نجبهم
نجمه زقتو وقالت بغيظ : انا قولت انك سافل وقليل الادب ومحدش صدقني
نجمه طلعت برا الأوضه وادهم انفجر من ضحك
ادهم بضحك : استني بس ياعروستي
__________________________________
????في اوضة اموش ????
اموش قعدت علي سرير وكانت جابت آخرها كانت هتعيط بس سمعت صوت الباب بيخبط قمر راحت تفتحو لقت فهد وادم
ادم بصدمه: هي قمر فين
قمر : انا قمر ياخفيف
ادم بضحك: انتي امتا بقتي اونثي
قمر بغضب : والله مانا متجوزه
فهد دخل الاوضه وسبهم ولقه اموش قاعده علي سرير وحاطه وشها في الارض وكانت لبسه فستانها وشعرها مفروض علي ضهرها
فهد : اموش
اموش بصتلو بصدمه
اموش : جاي ليه
فهد قرب منها ونزل لمستوها
فهد : جاي اخد مراتي
اموش بصدمه: بجد
فهد بضحك : بيقولو ادهم هرب قولت بدل ماتفضحي اجي اتجوزك واكسب فيكي ثواب
اموش بغيظ : برااااا
فهد : خلاص خلاص هقول الحقيقه
اموش بسرعه : هتعترفلي بحبك
فهد بابتسامه: اه
اموش قامت بسرعه وجابت الكاميرااا وخلت ادم يصورهم
اموش : يلا اعترف
فهد بحب : طيب انا بحبك بحبك من ساعت ماقولتي جمله دي دخلت قلبي فورا قولتي مش عيب اني اروح للي بحبو واعترفلو بحبو بدل ما يضيع مني وده الي انا عملتو لو انا كنت الصياد مكنتش هتجوزك علشان هكون خايف عليكي طول الوقت هيبقا طريقي اسود مش هحب تمشي معايا فيه أما دلوقتي حابب تبقي مراتي وام عيالي انا كنت بقول حتي لو اتجوزت مش هخلف بس لما قابلتك لا كل حاجه اتغيرت وكمان انتي قدرتي تغيريني
اموش اول ماسمعت كدا عينيها دمعت
اموش: وانا بحبك من اول مافتحتلي باب بيتك
فهد بمرح : اه مانا خدت بالي
ادم :انجوز بقا ونبي
نجمه وادهم دخل عليهم
فهد : تمااام اوي ادهم هياخد قمر وادم هياخد اموش وانا هاخد نجمه وانا مش هسلم حاجه غير لما استلم
ادم بضيق : ياعم ايه سلم وستلم دي هو احنا تجار مخدرات هنا
اموش : انجززززو بقااا عايزه انزل الفرح عايزين نفرح
ادهم مسك أيد قمر وقال : طب يلا يامزتي
وفهد مسك ايد نجمه ونجمه ابتسمتلو بسعاده
اموش مسكت ايد ادم وقالت : يلا ياصحبيي
كل واحد منهم مسك أختو والبنات كانو مبسوطين علشان حسو فعلا أن ربنا عوضهم بسند وأمان دنيا كلها نزلو القاعه وكان شكلم شبه الاميرات وكل اميره ماسكه الفراس بتاعها كل الي في قاعه فضلو يسقفلهم
فهد : يلا سلم استلم
ادم بضحك : اتفضل
فهد خد اموش ووقفها في نص القاعه وجاب الميكروفون وبعدين بدأت الموسيقي تشتغل وهو
فهد : سبني جوا حضنك ده الي وخدني ده انت قلبك ده مطمني نفسي اعيش وياااه خدني ده البعاد عنك غلبني وانت ليه ياحبيبي سيبني نفسي اكون وياااااااك
ادهم قرب من نجمه ومسك أيدها وبدأو يرقصو ونجمه كانت طايره من الفرحه
ادهم وهو بيغني: عمرررري يلي بيك احلو عمري ولعنيك سلمت امررري مش هسيبك يووووم
ادم مسك ايد قمر ورقص معاهااا طبعااا وغنه وقال
ادم : دوبنااا لما قولنا الي في قلوبنا من كلام الي في عيونااا دأبت الاحزاااااان
قمر بصتلو بسعاده وحضنتو جامد وشاورت لي دي جي يغير الاغنيه
قمر وهي بتغني : ده الي كان نفسي فيه لو تجي صدفه تجمعني بيه فرصة عمري اضيعها ليه مش معقول عيني قدام عنيه ده اكتر من الي حلمت بيه جاه الي يوم الي مستنيه علشان اقووول
نجمه : وياااااااااك الحياه هتحله وانا معاك هو ده الي انا بتمناه ولي عيني شايفه احساس انو احلا واغله ناس خله قلبي يقولي خلااص اهده بقااا لقينه
اموش وهي حضنه فهد : ايواااا بقا هقول وعيد مهو بقا جمبي ومش بعيد فرحت قلبي كأنو عيد مستنيه يلااا اهو جاه الأوان مش هستنه ليوم كمان لازم اقولو انا من زمان عيني عليك
الكل بصوت واحد : وياااااااااك الحياه هتحله وانا معاك هو ده الي انا يتمناه ولي عيني شايفه إحساس انو احلا وأغله ناس خله قلبي يقولي خلااااااص اهده بقا لقينه
فضلو يرقصو معا بعض بسعاده وفيروز وعزيز وماجي كان طايرين من الفرحه بس ياتره الفرحه هتكمل ؟!
وبعد نص ساعه كتبو الكتاب واموش بقت مدام يوسف حكيم وقمر بقت مدام ادم عزيز وبعدين فهد خد البنات وفضل يرقص معاهم علشان بغيظ ادم وادم والبنات كانو طايرين من الفرحه
أما نور كانت واقفه من بعيد هي وزياد كانت فرحانه بأدهم وفي نفس الوقت زعلت أنها خسرتو
أما عند ادهم وادم
ادم بضيق : يارتني سجنتو
ادهم : اه والله أو قتلنه وخلصنا
ادم بضحك : داحنا هنشوف ايام سوده معه قمر بتحبو موت
ادهم : نفس الخيبه الي عندي
ادم قرب من ادهم وحضنووو جامد
ادهم باستغراب : ايه يابني هو انت اتلخبط بيني وبين مراتك ولا ايه
ادم بضحك: لا بعبر عن حبي انا بحبك اووووي ياادهم
ادهم بمرح : متخلنيش اشك فيك
ادم بضحك : ايه يالوزه
ادهم ضحك جامد وبص علي نجمه لقها بترقص بسعاده بس لفت نظرو علامه صغيره علي رأسها لونها احمر من حكم شغل فهم ده ايه وبص بسرعه نحيه تانيه لقه قناص واقف بعيد محدش تقريبا ملحظو
ادهم بصوت عالي : نحممممممممممممه
نجمه بصتلو بأبتسااامه: اييييييييه
ادهم جري عليها وحضنها جامد وفاجأه سمعو ضرب نااااار …………..
يتبع..
لقراءة البارت الخامس عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية ابن الجيران للكاتبة سهيلة سعيد