Uncategorized

رواية بنتين من الصعيد الفصل الثالث عشر 13 بقلم إسراء القاضي

 رواية بنتين من الصعيد الفصل الثالث عشر 13 بقلم إسراء القاضي

رواية بنتين من الصعيد الفصل الثالث عشر 13 بقلم إسراء القاضي

رواية بنتين من الصعيد الفصل الثالث عشر 13 بقلم إسراء القاضي

كنا متجمعين في جو اسري عظيم لزمان معشتهوش القعده كانت جميله واللي كنت مستغرباه تغير صفيه معايا 180درجه معقول لمسه بسيطه تغيرها كده كنت انا وهي وحسان وزينب وحسن و بلال ومرات عمي وعمي وفارس اللي بقي اغلب وقته عايشه مع ليلي بقت تلهيه عن حزن الدنيا او هي اللي بتتلهي بيه قطع شرودي وتفكير بلال وهو بيمسك ايدي وبيقولي
_ حرمي المصون سرحان في ايه اوعي تكوني سرحانه فيا أتغر 
الكل ضحك علي طريقته 
_ماتبعتي للبشمهندسه يا بتي تيجي تقعد معانا بدل مهي لوحدها اكده 
_ياريت والله يا مرات عمي  بس اخوها جه النهارده  وهتقضي معاه معظم وقتها فمش عارفه هتيجي ول لا
حسن بعصبية _هي سامحته بالسهوله دي ازاي تسامحه ازاي
بصتله بنص عين كده 
_وانت عرفت ازاي يا بشمهندس
_ها ها لا اصل ده شي بديهي هي كانت بتعيط الصبح ودلوقتي انتي بتقولي اخوها  رجع. 
محبتش اكتر في الكلام معاه لان واضح الست نور هتعيش مغامره وقصه لذيذه وانا فرحانه فيها الصراحه
لاقيت بلال بيهمسله وبيقولو
_ لا وقعت يا بن عمتي ضحكت علي بلال وقومت لعبت مع ليلي وفارس
_رووح قلبي يختي يناااس قمر يا لوله 
بتحبيني انا ول بتحبي فارس 
_بحب فااااس(فارس)ياااا لهوووي علي اللدغه السكر دي طب شوفي جبت ايه ليلي القمر _ها بتحبي مييين بقي
انا بحب ميييم (مريم)
_حبيبتي
_يا جزززمه طب وانا مش انا فارس حبيبيك بعتيني بمصاصاه يا لوله اخس عليكي الكل ضحك عليهم وعلي ضحكت ليلي معاهم 
_بعد اذنك يا عمي 
_اتفضل يا حسان يا ولدي
_بعد اذن الدكتوره مريم طبعا وبلال 
انا كنت عايز اعجل بالفرح بتاعي انا وصفيه 
=لا طبعا يا ولدي مينفعش ميبقاش عمها ميت ونعملو فرح 
_يا عمي بعد اذنك بابا مكنش هيوافق ده يحصل لو عايش وبعدين احنا اصحاب الموته واحنا اصحاب الفرح ومفيش حاجه هترجع اللي راح بلاش نوقف حياه شخصين عشان حاجه  مش هتحصل 
_يبتي مينفعش الناس تاكل وشنا عاد 
_لا يا عمي بعد اذنك مالناش دعوه بالناس اهم حاجه رأي صفيه 
صفيه _انا بقول نستني شويه يا حسان علي ايه السربعه عاددد 
_سربعه يا صفيه عشان عايز نتلم في بيت واحد يبقي متسربع  انتي عتتهربي مني ليه عااااد لو مبقتيش رايداني يا بت عمي بلاها  بعد اذنك يا عمي انا مروح بيتنا
_استني يا ولدي عااااد 
معلش يا عمي 
_قومي يبتي قومي طيبي خاطر جوزك قومي قاعده ليه
_يا اما 
_بلا اما بلا مش اما قومي
حسان حسان
_نعم يا بت عمي
_مبتقولش بت عمي دي يا حسان غير وانت شايل مني مال فين صفصف حبيبت قلبك عاد
_انتي اللي بتضطريني لكده افهم ايه واصل من تاخيرك ده كله 
_يا حسان مديك شايف اللي بيحصل وانا لسه متوتره ومش حمل مسؤليه 
وحياتي عندك وغلاوه صفصف عندك   
_بتكسبي يا صفيه دايما  بدلعك ده
_وه  مش جوزي عاد يلا يلا بينا نرجع مكانا مفيش مشي غير لما نتعشا 
(عند العمده)
_بعد اذنك يا عمي 
_اتكلمي يبتي 
_انا من بكره هبتدي هعلم صفيه وساره وزينب ونور هيساعدوني 
_لسه يا مريم هتفكري في الموضوع ده احنا قفلناه وسكينا عليه عاد
_لا يا عمي بعد اذنك احنا سبناه لوقت يناسبه لكن انا منستوش خالص
_وانا مش موافق يبت اخوي هتفتح الموال اللي اتقفل زمان ول ايه
_موال ايه يا عمي كل مكلم حضرتك تقولي كده ايه اللي حصل زمان 
_ها محصلش حاجه محصلش حاجه 
_لا يا خال حصل 
_اسكت يا حسن 
_يا خال حرام عليك  اللي بيحصل ده برغم اني كنت طفل عنده 12سنه الا اني فاكر اللي حصل ساعه ما امي اتوفت وكنت انا ومرات خالي سالم معاها في الاوضه
_اسكت يا حسن عاااااد
_ بعد اذنك  يا خالي انا ومريم محتاجين نفهم ونعرف 
_ايوه يا عمي 
_عجبك اكده يا ابن صفيه عجبك هتفتح دفاتر كانت اتقفلت ليه عااااد 
_انا قايم وسيبهالكو 
(عند فاطمه والاولاد)
_صممي يا مريم صممي يا بتي زي مفهمتك 
_ماديكي شايفه يا مرات عمي مش موافق ازاي 
_مفيش حاجه بتيجي من اول مره عاد يبتي انتي موقفك حلو معاكي زينب وحسن ونور وبلال واخو نور
وكله بالاقتناع يبتي 
_ربنا يقوينا علي اللي جاي يا مرات عمي 
_ يارب يابتي 
=بلال بعد اذنك ممكن توصلني عند نور اطمن عليها ونرجع  علي طووول 
حسن بإندفاع _طب منروح انا وزينب معاكو يعني قصدي علشان نشوف البلد ونتمشي وكده
ضحكت انا وبلال وبصينا لبعض وقولنا ماشي موافقين 
 روحنا واللي استغربناه اول ما سامح فتح كان هو وحسن بيسلمو علي بعض جامد
_ايه ده ابووو علي
_سامح 
_ايه بتعمل ايه هنا 
_انت اللي بتعمل ايه
_انا جاي زياره لبيت خالي العمده 
_وانا نزلت اقعد مع نور اختي 
فجأه ملامح حسن اتغيرت وبان عليه العصبيه وبعدها لانت واكنه افتكر حاجه 
بلال_مش تعرفونا عاد يا جماعه تعرفو بعد منين 
_انا والبشمهندس حسن بنشتغل مع بعض في شركه واحده في السعوديه 
_ازيك يا دكتوره زينب
زينب وشها قلب الوان 
_الحمدلله يا بشمهندس ازيك
بلال همسلي ده واضح هتحلو وهتيجي في صف حسن 
ضحكت وسلمت علي نور وحكتلي اللي حصل بينهم وعرفتها بزينب وحسن 
_وانتي دخلتي هندسه ليه يا بشمهندسه نور هوايه ول ايه
=الحقيقه انا نفسي اطلع زي سامح في كل حاجه هو قدوتي 
مريم بتهمسلها
_اللي يشوف الصبح لسه فاكر ليه اخت لسه فاكر مش عارفه ايه انا بكرهو انا بكرهو
_اخويا ومحبش قده اطلعي منها 
_ماشي يا كلب البحر بس اللي ميجيش يشتكيلي بعد كده
_بصو يا جماعه 
اتفضلي يا مريم
_بما اننا متجمعين فانا حابه اننا نتفق عشان نحاول نقنع عمي ونمحي فكره عدم تعليم البنات من دماغه والكُتره تغلب الشجاعه ول ايه 
الكل_ معاكي حق 
_طب ايه رائيكو نبدء من بكره تاني 
نور_ انا اساسا الفتره اللي فاتت كنت مع ساره وتقريبا خلصنا الحروف وهيا ماشاء الله بتتعلم بسرعه 
_ ساره بالنسبالها عادي علشان هيا بتتعلم لوحدها ف محدش ملاحظ بس انتي مش هينفع تبدأي يا مريم 
_ليه يا حسن ليه مش هينفع بس 
_لازم القديم يتفتح يا مريم الاول لو القديم اتفتح خالي هيلين وهو من جواه مش معترض بس بيكابر 
_وايه القديم يا حسن 
_للاسف كل حاجه ليه وقتها يا مريم مش هينفع انا اللي اتكلم لازم خالي اللي يتكلم 
بس مبدئياً كلنا هنغير عادات بلد بحالها نقرأ الفاتحه علي كده
يتبع…..
لقراءة الفصل الرابع عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببته بعد زواجنا للكاتبة هند الحجار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى