رواية خطايا الماضي الفصل الثالث عشر 13 بقلم اية عامر
 |
| رواية خطايا الماضي الفصل الثالث عشر 13 بقلم اية عامر |
رواية خطايا الماضي الفصل الثالث عشر 13 بقلم اية عامر
رحيم: يعني احنا هنموت هنا عليها وهي بتتجوز!
ندي: دي صورة من عقد جوازها.. و مين عزيز…
رحيم: لا لا…
ندي: اي! تعرفه..
رحيم: ده بيشتغل في السلاح!! شغال مافيا.. ده اكيد بينتقم مني فيها… ريم مغصوبة علي الجوازة دي.. ريم مخطوفة فعلا.. و أكرم ده شغال معاهم… انا لازم اعرف مكانه… لازم اعرف….
ندي: انا هكلمه..
رحيم: انتي معاكي رقمه!!
ندي: ايوا معايا رقمه ومعايا رقم تاني ليه بتاع الشغل…
رحيم: وانتي بتعملي اي برقمه!
ندي: اظن من حقي اعاتبك علي نظرة الشك دي بس انا هقولك اني مسحت ارقامه بس انا اصلا كنت حفظاهم…
رحيم بهدوء: انا مشكتش فيكي ي ندي..
ندي: نأجل مواضيعنا.. اكلمه ولا لا!
رحيم: استني هشوف حاجة تانية الاول..
رحيم مسك تليفونه واتصل بسرعه علي خالد…
رحيم: رد.. بسرعة… ألوو…
خالد: ايوا ي رحيم باشا..
رحيم: خالد تعرف عنوان اكرم!
خالد: لا ي باشا حاولت كتير اوصله معرفتش..
رحيم: طب تعرف بيت عزيز!
خالد: ي باشا انا معرفتش عزيز نفسه..
رحيم بغضب: اومال انت بتعمل اااي!!!!
خالد: ي باشا المعلومات اللي انا وصلتلها دي لو انت مش مقدرها ف هي كتير عن ناس عايشه في السر تقريبا…
رحيم: طب مين يعرف عزيز!!
خالد: اكيد شريف السيوفي يعرفه..
رحيم بإدرااك: ايوا صح.. طيب اقفل…
رحيم بص لندي وبعدين قعد وحط راسه بين ايديه… اخد نفس عميق و وقف اخد مفاتيح عربيته..
ندي: رااايح فين!!!!
رحيم: ابوكي هو اللي يعرف اللي اسمه عزيز… اكيد يعرفه…
ندي: يبقي هاجي معاك…
رحيم: طيب.. يلا..
…………………………………..
نرجع لملك و خالد…
ملك: انت قولت اي!
خالد: بحبك..
ملك: حب شفقة.. لا شكرا..
خالد: شفقه!!!! انا امتي حسستك ب كده..
ملك: محستش ب كده بس هو ده اللي بيحصل دلوقتي..
خالد: هو اي ده.. واحد بيقول لمراته انه بيحبها… اي اللي بيحصل.. اي الغلط ي ملك..
ملك: انت متجوزتنيش عشان بتحبني..
خالد: وانا مقولتش كده.. انا مقولتش اني كنت بحبك وقتها…
ملك: انت اتجوزتني وقتها شفقه… وانا قبلت الشفقة دي وقتها.. بس دلوقتي مش هقدر اتقبل النوع ده من الحب…
خالد: انتي بتقولي اي ي ملك… انا بحبك زي اي واحد بيحب مراته… يمكن لو كنت قابلتك في ظروف غير دي وعرفتك من قبل م اتجوزك كنت حبيتك واتجوزتك.. كل الفرق اني عرفتك ولمستي قلبي لما قعدت معاكي الفترة دي و عرفتك واتعلقت بيكي… لو انتي محبتنيش بقي يبقي دي قصة تانيه انما متشككيش فيا…
ملك: يعني انت واثق انك مش مجرد صعبانه عليك..
خالد: ي بنتي بطلي هبل بقي.. والله بحبك.. انا مش مراهق ي ملك و واثق من شعوري…
صحيح فرق السن بينا كبير نوعا ما بس خدي وقتك..
ملك: وانا كمان…
خالد: وانتي كمان اي!!
ملك: لا بطل استعباط..
خالد بإبتسامه: لا بطلي انتي استعباط وكملي الجملة..
ملك: انت أحلي حاجة حصلتلي ي خالد.. ربنا يخليك ليااا…
خالد: قوليهاااا…
ملك: بتكسف طيب..
خالد: ي ملك..اقولك متقوليش.. خلاص انا همشي…
ملك: خلاص ي عم متتقمصش.. احبك ي قرة عيني…
خالد بفرحه: الله بقي…
…………….
في بيت شريف السيوفي..
عبير: ندي!! انتي اي اللي جايبك متأخر كده.. اتخانقتي مع جوزك!!
ندي: لا ي ماما رحيم بيركن العربية وجاي..
عبير: اي اللي حصل..
ندي: عايز يتكلم مع بابا شوية..
دلف رحيم خلفها وهو يكتم عضبه…
رحيم: عمي فين..
عبير: في المكتب ادخلوا علي م اندهله..
رحيم: لا انا هدخله…
تقدم عزيز بإتجاه مكتب عمه ودق الباب ثم دخل….
شريف: انت!! انت بتعمل اي هنا..
رحيم: تعرف واحد اسمه عزيز.. شغال في شغلك الحرام..
شريف بغضب: انت جاااي تعملي مشكله في بيتي..
رحيم: تعرف وااااحد اسمه عزيز!!
شريف: ايوا..اشتغلت معاه مره.. بس معرفش عنه حاجه غير اسمه.. معرفش غير كده…
رحيم: اومال مين اللي يعرف!!!
شريف بمكر: لا معرفش… انت عايزة ليه!
رحيم: عشااان الزفت اللي اسمه عزيز ده خطف أختي…
شريف بخبث: طب واللي يرجعلك أختك… ياخد اي!!
رحيم بغضب: اختي دي اللي هي بنت أخوك…
شريف بسخرية: اخوياااا.. اخويا اللي ضحك علي ابويا وخلاه يكتبله اكتر
من حقه في الورث…
من حقه في الورث…
رحيم: بقولك اي انت عارف كويس اوي ان شركتك دي هي الحاجه الوحيدة اللي كانت ملك لجدي.. واللي اصلا ابويا ليه ورث فيها واللي انا سيبتهولك اكراما مني… انما الشركه اللي ابويا قضي عمره كله فيهااا دي ملكه هووو.. مش ملك جدي عشان كده هي ورثي وحقي وانت ملكش فيه…
ندي ببكاء: ي بابا عشان خاطري لو تقدر تسااعدنا عشان خاطري ريم الله أعلم اي حالها دلوقتي…
…………
في بيت عزيز و ريم…
عزيز: بطلي فرك بقي.. مش عارف انام…
ريم: ولا انا.. مش مرتاحه…
عزيز بغمزة: انتي عايزة اي!
ريم: عايزه اعرف اكتر عني.. ممكن تحكيلي!! احنا اتقابلنا ازاي وحبينا بعض امتي واتجوزنا من امتي…
عزيز: تصدقي النوم جه في عنيا فجاءه..
ريم بدلع: عزيز لو سمحت..
عزيز بضحك: انا اكتر حاجه وحشني ريم اللي بتناقرني داايما مش اللي بتدلع دي..
ريم: كنت بناقرك دايما.. هو انا نكدية..
عزيز: لا ابداا انتي بس بتردي الكلمه بعشرة وبتتدخلي في اللي ملكيش فيه..
ريم: انا بتمني اقدر افتكر كل حاجه في اسرع وقت…
عزيز: طب نامي بقي عشان ورايا شغل الصبح..
ريم: مقولتليش انت بتشتغل اي لحد دلوقتي ي عزيز…
عزيز: بشتغل تااجر س*لاح…
ريم بصدمه: ااااااااااي!
عزيز: عندي شركة… شركه أحذية ي ريم… و صوتك خرم ودني..
ريم: اومال اي اللي قولته في الاول ده..
عزيز: بهزر معاكي ي ساتر..
ريم: ي لهوي كنت هموت فيها ي اخي.. تخيل ابقي نايمة جمب مجرم…
عزيز: امم ولو طلعت مجرم كنتي هتعملي اي؟
ريم: كنت ههرب واسيبك طبعا..
عزيز: طب نامي ي ريم.. نامي..
ريم: تصبح علي خير…
عزيز: وانتي من اهله…
……………
رحيم بضيق: هكتبلك ربع الشركة…
شريف: تؤ.. النص..
رحيم بغضب: الشركة دي شركه ابوياااا.. وانا تعبت عشان اكبرهااا ليه بتعمل كده…
شريف: والله ي رحيم اختار.. ي اختك.. ي شركه اخوك…
ندي ببكاء: لو سمحت متلويش دراعنا….
شريف: نص الشركة وده الطلب الأولاني.. التاني بقي انك تطلق بنتي..
ندي بصدمه: ااااااي!!
عبير: انت.. انت بتقول ااااي ي شريف…
شريف: تحليل ال DNA اثبت انها بنتي.. ومن حقي اجوزها حد علي مزااجي انا…
ندي: بس انت لما لقيتني كنت متجوزة.. رحيم رد عليه.. انت مبتتكلمش ليه…
شريف بمكر: الظاهر كده ان جوزك اختار اخته.. ولا اي ي رحيم…
رحيم بحزن: ارجع اختي وهكتبلك نص الشركة.. و.. هطلق ندي..
ندي: رحيم!
شريف: خدي بنتك طلعيها فوق ي عبير…
رحيم بغضب: لا… ندي لسة مرااتي وهتفضل معايا لحد م ريم ترجع…
أمسك بيدها وسحبها لخارج ذلك المكتب وخارج البيت كله.. بيننا التفتت وهو بالقرب من الباب..
رحيم: أختي تبقي في بيتي بكراا والا هعتبر اتفاقنا ملغي…
خرج رحيم ومعه ندي يجرها خلفه وهي تحاول سحب يديهاا حتي وصل للسيارة…
ندي: سيبني ي رحيم انا مش هرجع معااك…
رحيم: اركبي ي ندي وبطلي هبل..
ندي: يعني الاول تشك فيا وبعدين تتخلي عني بسهولة.. انت محاولتش تتناقش معاه اصلا..
رحيم: اولا ي ندي انا مشكتش فيكي… ثانيا اتخلي عن مين.. ده عند الست الوالدة اني اسيبك..
ندي: م انت وعدته…
رحيم: انا اسف بس انتي ابوكي اصلا عبيط.. وانا باخده علي قد عقله… اركبي بقي..
ندي: طيب…
دلفت ندي للسيارة وعي تفرك بيديها…
ندي: رحيم!
رحيم: نعم..
ندي: هو انت هتسجنه؟
رحيم: ندي انا عايزك تعرفي ان ابوكي واخوكي الكبير تجار س*لاح.. فاهمه يعني اااي!!
والدتك عارفه وساكته.. انما خالد ميعرفش عشان كدا من عيلتك كلها انا مبحبش الا انتي وخالد…
ندي: طب م نتكلم معاهم يمكن يرجعوا عن اللي بيعملوه…
رحيم: يرجعوا عن اي.. بقولك تجار س*لاح…
ندي: طب انت هتديله الشركة…
رحيم: لا طبعا… دي شركة أبويااا اللي تعب فيها.. صدقيني ي ندي جدي ملهوش اي علاقه بالشركة دي عشان ابوكي يورث فيها..
ندي: انا فاهمه بس انا مش عايزة انهم يتأذوا.. دول أهلي ي رحيم..
رحيم: والله متفهم ي ندي بس قوليلي انا اعمل اي!!
ندي: طيب قولي دلوقتي هنعمل اي في موضوع ريم..
رحيم: بكرا الصبح هروح القسم واقولهم عن اللي عرفته لاني مش واثق اصلا ان ابوكي هيقدر يرجعها..
ندي: طيب..
……………..
في الصبااح…
وقف أمام مبني العلاج الطبيعي منتظرها….
بدر كان يفكر فيما سيفعله بخصوص تلك الفتاة وكيف سيضع مهاب في السجن لأكبر فترة ممكنة…
وجدها تأتي من بعيد وهي مرتديه فستان باللون الزهري بعد الركبة بقليل وأكمام شفافه…
بدر بضيق: هي رايحه كبارية دي ولا اي…
ذهب بدر بإتجاها وأوقفها…
بدر: لو سمحتي…
تسنيم بإستغراب: نعم..
بدر: حابب اتكلم معاكي شوية..
تسنيم: بخصوص اي! لحظه مش حضرتك اللي ضربت مهااب وكمان انت قريب ري…
بدر: قريب ريم… انتي عارفه ان هي مختفيه من فترة…
تسنيم: لا مش عارفه لان هي اخر فترة مكنتش بتكلمني اصلا…
بدر: تمام انا عايز اكلمك في موضوع تاني يخص مهاب.. موضوع مهم جدا..
< div>تسنيم: يخص مهاب!! انا مفيش حاجه بيني وبينه…
بدر: انا اعرفه من زمان ولازم تعرفي انه مش ناويلك علي خير ولازم نتكلم واقولك علي كل حاجه…
تسنيم: اتفضل..
بدر: مش هينفع هنا ممكن نروح نشرب قهوة في اي مكان ونتكلم…
تسنيم: بس انا عندي محاضرة…
بدر: طب هتخلصي الساعة كام!
تسنيم: الساعة 11…
بدر: تمام نتقابل 11 ونص في كافية*****
تسنيم: تمام…
……………….
في بيت عزيز و ريم…
ريم بصوت عالي: اصحاااااااااااا…
عزيز بخضه: ي بنت المجنونه في ااااي!!
ريم: بقالي ساااعه بصحي فيك..
عزيز: فين الرقه ي بت.. فين الأنوثة..
حركت شعرها قليلا للخلف وابتسمت بلطف…
ريم: قصدك اي!! انا وحشة..
سحبها عزيز بإتجاهه لتسقط فوقه…
عزيز: لا ده انا اللي وحش… هو في كده..
ريم بخجل: طب وسع عشان هدي طالعه ورايا ومعاها الفطار…
عزيز: هو انا ليه حاسس اني كسبت هدي دي في كيش شيبسي… وطلعالي في كل حاجه كده…
ريم بضحك: معلشي.. سيبني بقي..
عزيز: طيب…لحظه كده!!
ريم: اي..
عزيز: هو انتي رجلك مش وجعاكي.. كنتي واقفه ازاي..
ريم: انا زهقت من القاعده ي عم والله تعبت…
عزيز: زهقتي من الراحه..
ريم: تقدر تقول كده..
عزيز: يعني انا بخلص شغل كتير عشان لم تخفي ابقي فاضي نخرج ونتفسح وانتي شكلك مش كده مش عايزة تخفي..
ريم: هتخرجني فين طيب!!
عزيز: اي مكان تحبيه…
ريم: انت عارف انا حاسة اني بقيت احسن اصلا..
عزيز: لحد م تخفي هتفضلي محبوسة هنا ومفيش خروج ف متحاوليش..
ريم: هي بقت كده..
عزيز: ايوا..
ريم: طب مفيش فطار بقي.. قوم اعمل لنفسك..
عزيز: هو انتي اللي عملتي الفطار..
ريم: حاولت..
عزيز: لا ده انتي حمستيني.. استعجلي هدي بقي..
ريم: هتاكله حتي لو مش حلو..
عزيز: بس انتي مبتعمليش حاجه مش حلوه..
ريم بضحك: ربنا يجبر بخاطرك..
………………
خرج رحيم من سيارته التي توقفت أمام شركته…
خطي القليل من الخطوات حتي.. انطلقت رصاصه من مس*دس أحدهم واستقرت في بطنه…
وضع رحيم يده علي الجرح وهو يتألم.. ثانوي وسقط علي الارض…
فاقدا للوعي…
بينما جرت السيارة اللتي انطلقت منها الرصاصة سريعاا…
عزت: خليك وراه لحد م تعرف مات ولا لا..
أكرم: تمام ي باشا..هو في موضوع كمان عايز اقولك عليه…
عزت: موضوع اي!
أكرم: عزيز.. عايز يسيب الشغل معانا…
عزت: يعني اي يسيب الشغل هو لعب عيااال…
أكرم: هتعمل معاه اي ي باشا..
عزت: استني لما اعرف منه هو بيفكر في اي.. لو كان عايز يخلع.. يبقي خلص عليه..
أكرم: تمام ي باشا..
تم