رواية عشقي الجزء الثاني الفصل الثالث عشر 13 بقلم ياسمين مصطفى

في البلكونه عند جاسر وفرح….

جاسر بهدوء: مقولتليش ليه….

فرح: مقولتلكش اي…

جاسر: انك عايزه تشتغلي…

فرح بتوتر: انا… انا كنت هقولك بعد م بابا يوافق…

جاسر:طيب انا لو مكنتش وافقت كنتي هتشتغلي…

فرح:ارجووك ياجاسر…متقفش قدام مستقبلي…

جاسر و هو بيقربها ليه..:مستقبلك…ولا عشان تبقي قدامه 24 ساعه…

فرح بعدم تصديق:انت تقصد ايه…تقصد اني عايزه اشتغل عشان ابقي قدامه…لاا انت مش طبيعي….

جاسر بعصبيه:ليه ياهانم شيفاني بشد ف شعري…وماشي بقطع ف هدومي…ما تظبطي كلامك كدا….

فرح بشراسه:والله اللي علي راسه بطحه بقا…واتفضل سيب دراعي عشان اروح اساعد طنط وماما….

وشدت اديها جااامد…ومشت…لكن هو ابتسم…

جاسر:ااه يافرح…هتجننيني معاكي والله…بس اعمل اي بحبك اووي…وكمل بغيره بس بردو مش هسيبك تشتغلي والحيوان دا يفضل قدامك اربعه وعشرين ساعه..

***************

اما فوق عند ادم ونور….

نور بمحايله وتعب:خلااص بقا يامراد…الحقني يا ادم جالي تلوث سمعي شوف بيقولي اي…

مراد:هاعيدها تااني…انا عارف انها حلوه…بيقولك مره طمطمايه عطست قالت كاتششششب….

ادم:يخربيت سألتك يامعفن….واد يامراد…انا متبري منك…

مراد:حبيبي الله يباركلك…

نور:لا انا هتشل خلاص…مراد مش انا اختك سيبني بقا اروح اراجع علي محضراتي…..

مراد:عشان خاطرك بس يابت يانور…هقولك اخر واحده وامشي،….بيقولك مره واحد ضحك بين اسنانه…

ادم لقه بالمخده ومشي….

نور:لا استني يا ادم عايزه افهم فاهمني….

مراد:هو انا لو فاهم كنت قعدت ف البلد دي…

نور:صح عندك حق…دا انت ابو الغباء كله…ومشت وسابته….

مراد وهو بيبص ع الباب اللي اخ اته خرجوا منه:هي نكتي بايخه للدرجه دي…امال لو كنت قولتلهم مره واحد اقرع جاتله فكره اتزحلقت كانوا عملوا اي…هما بس غيرانين مني…يالا معلش اخواتي…

***************

عند قاسم ف المكتب….

قاسم:هااايل…شغلك جميل جدا يابشمهندس حسام…

عدي:فعلا شغله جميل جدا…احنا مبسوطين انك من اهم مهندسين شركتنا….

حسام:الله يباركلكوا…دا بس من زوقكوا….

قاسم:فيه واحد مصر انه يوقعنا بس داخل ب اسم غير اسمه…لو لاحظتوا هتلاقوا ان كل مره بيدخل حد بس الاسم اللي بيدخل به ملوش تاريخ ف مجالنا….ف انا شاكك انه نفس الشخص…اللي بيعمل كل دا عشان يوقعنا…

عدي وهو بيبص لحسام بنظرات ذات مغزي:دا يبقي امه داعيه عليه…

حسام:بالعقل كدا هيوقعكوا ازاي وانتوا عندكوا شركات كتير…

عدي:والله شركه ورا شركه تخسر كل الشركات بما فيهم الشركه الام يا استاذ حسام

خبط الباب وكان مراد…

مراد:بابا…يالا عشان القهوه جاهزه….

قاسم:حاضر يامراد روح انت….

ومشي مراد وقال قاسم…

قاسم:اتفضلوا نشرب القهوه ف الجنينه…

عدي:روح ياقاسم انت…وانا هكمل الورق دا مع استاذ حسام واجي وراك…

****************

يزن بجديه:فارس هسأل سؤال وياريت تجاوبني الحقيقه…

فارس:اسأل يا يزن….وكمل بمرح بس متكونش زي اسئله الكميا….

يزن:لا بجد…هو انت كنت معجب بفرح مرات اخويا جاسر…

فارس بجديه:انت غبي يايزن….احنا اخوات وانا عمري ما افكر اني ابص لمرات اخويا….وان كان ع اللي حصل ف دا كان طلب من عشق هانم….عشان هي عارفه ان جاسر وفرح بيكابروا وهما بيعشوا بعض…ومقليتش غير الطريقه دي وجمعتهم بيها…وانا عمري ابدا ما فكرت فيها غير ك اخت…انت اززااي تقولي كدا….انا كنت بعمل كدا عشان طلب من عشق هاانم مش اكتر فااهم….

قاسم بصوت عالي وجديه:ايه اللي انت بتقوله دا يا فاارس…وقرب منه بسرعه وقال…بجديه كبيره…

قاسم:عشق هي اللي طلبت منك دا….

فارس بتوتر:امم احمم…

قاسم:تمام اووي كدا….ومشي وسابهم واتجه لمكان الجلوس اللي ف الجنينه….

فارس:هو ايه اللي هيحصل…

يزن:مش عارف بس اللي متأكد منه انه عمره ما هيزعلها ابدا…

فارس:هو انا عكيت…بس علي فكره مش شايف ان عشق هانم مش غلطانه…

يزن:دا بالنسبالك…اما ب النسبه لقاسم الجوهري…ف هو بيكره ان حد يدخل ف العلاقات الخصوصيه….

فارس:بس دا مش خصوصيه دا ابنها….

يزن:بس ابنها كبير…مينفعش تاخد اي قرار ليه…هو بقا مسئول عن نفسه خلاص….بس قولي انت حقيقي مفيش مشاعر كدا ولا كدا….

فارس:وربنا هضربك يايزن…بقولك زي اختي هل كدا يبقي فيه مشاعر…وكمل بعشق…وبعدين فيه واحده كدا ف بالي ياارب توافق….

يزن:انت طيب وجدع يافارس هي تطول….

فارس بص ف حته معين ف حته معينه ف الكمباوند وقال…

فارس:انا بحبها اووي والله بس هي ممكن تعتبرني زي اخوها….!….

*ياتري هي مين….

يزن:مفيش حاجه اسمها زي اخوها….انت يا اما اخوها يا اما لا…مفيش حاجه اسمها زي…زي دي مش موجوده عندنا ف الاسلام…الاخ اخ…والغريب غريب….ياريتك تكون فاهمني…!

فارس ببسمه:فااهم….تعالي نقعد مع بابا….

وراحوا هناك وكان هناك حسام وعدي….

*****************

اما ف المطبخ….

عشق بحب:انا مبسوطه جدا بلمتنا دي….حاجه حميله خاالص..

رسيل:عندك حق ربنا يديم لمتنا…

فرح دخلت وهي بتقول بغني:ياارب بارك لمتنا اااه…يارب بارك فرحتنا…ولا اقولكوا رمصان في مصر حاجه تانيه والسر ف التفاصيل…رمضان في مصر حاجه تانيه معمول بطعم الخير….

دخل جاسر وهو بيقول:معمول…

فرح:اممم معمول…انا سمعتها كدا….

جاسر:يبقي عندك مشاكل سمعيه بقا…

فرح:فشر…دا انا كدا قمر وبسمع كمان دبه النمله…

جاسر بسخريه:ياشيخه…بتسمعيها ازاي بقا…

فرح:معرفش بس بسمعها وخلاص…علفكره انت اخد بالك مني اووي….

جاسر قرب منها وقال بهمس:مش مراتي…

فرح بتوهان:هااا….

جاسر:هههه…

رسيل:بت يا فرح الواد دا بيقولك اي…

عشق:بس بقا متكسفيهاش…خدي يافرح ودي الحاجات دي الجنينه….

رسيل:وخد الصنيه دي ياجاسر….

عشق:واحنا هناخد دول ونيجي وراكوا….

فرح:حاضر يامامي…

جاسر بسخريه وهو بياخد الصنيه:مامي…الله يرحم ايام ما كنتي بتشربي الشوربه بخرطوم الغساله….

ضحكوا م عدا فرح….

فرح بغيظ:ليه شايفني هدوم…ومشت وسابته….

وخرج جاسر وراها بسرعه….

جاسر:انت يابت…استني….علي فكره بقا بحبك ❤

وقفت فرح وحست ان الدنيا وقفت حوليها….

نور:يخربيتك ياجاسر…لا دا وقته ولا اوانه…دا جاي يقولها كدا ف الصاله…هو اخوك دا اهبل….

ادم:انا عارف…مش المفروض يعمل جو رومانسي كدا ويجبلها ورده وجو…

نور:ههه مين اخوك….دا انت تحمد ربنا انه قالها بحبك….

فرح مشت بسرعه وودت الحجات برا وهي بتقول….

فرح:احم اتفضلوا…ومشت بسرعه لفيلتهم….

جاسر خرج وهو بيضحك….وحط التسالي ع الحلويات ع الترابيزه وهو بيقول…

جاسر:اتفضلوا….

عدي:هو انت قولت اي لبنتي خليتها تحمر كدا…

جاسر:ابقي اسألها….وسابه ومشي..وراح بسرعه ل اوضته…وطلع وراه يزن…

يزن:بقولك اي ياجسوره…..

جاسر:هممممم انجز…

يزن:قول ل بابا يديني مفتاح العربيه…

جاسر:ماتقوله انت ولا لسانك اكلته القطه…

يزن:ياتم انت ابنه الكبير وبيسمع كلامك….

خبطت نور ودخل وراها توأمها….

نور:ينفع كدا ياجاسر….

جاسر:هو ايه اللي ينفع يا نوري….

ادم بغيره:متقولهاش ينوري يا جاسر….بص هو ينفع تقول لفرح بحبك كدا ف نص الصاله….يعني مثلا اعملها جو رومانسي…شمعتين علي وردتين علي بدله حلوه منك وفستان حلو ليها….وكدا يعني….وتقولها كلمتين حلوين يرفعوا معنويتها…ل احسن تبص برا….

جاسر:اييه تبص برا…دا انا اموتها….

يزن وهو بيغمز للتؤام :او ممكن تبص ل فارس وانت عارف ان فارس رومانسي وطيب وحنين اد ايه وهي هتتعلق بيه بسرعه….

جاسر بغيره:ازاااي يجدع…هي دلوقتي واحده متجوزه تنسي بقا كل دا….

يزن:متبقاش رخم بقي…

جاسر برقله….

ادم:يقصد بلاش برود يعني…

جاسر برقله اكتر….

نور:الله يخربيتكوا…هتموتنا النهارده…يقصدوا يعني انك لازم تكون رومانسي لان الحجات دي البنات بتحبها الا انا هههههه

جاسر:ياحبيبتي….يعتبر احنا لسه مخطوبين…خلاص هفكر ف البي بتقولوه بعد رمضان….او بعد العيد…..

مراد من الدولاب:بعد العيد اي بس يا استاذ احمد حلمي….البت تطون باارت انت تاخدها تعشيها عشوه حلوه…..اقصد تفطرها…او تصحرها  اوو…اي حاجه…..

فتح ادم الباب ووقع مراد من الدولاب هو بينهج وبيقول….

مراد:يبني لسه،30 يوم علي رمضان بكرا اول يوم رمضان….يعني لسه شهر…لا انت تخدها بكرا او يوم الجمعه.

ادم:والله الواد دا مش بيفهم….رمضان بكرا…خلاص خلاص خليها اول يوم تاني يوم العيد….

جاسر:لما نيجي ساعتها يحلها حلال…واطعوا برا بقا….عايز انام

نور بحزن:انت هتنام ياجاسر…

جاسر:ااه ياحبيبتي في حاجه..لو في حاجه افوقلك،يانوري…

ادم:يوووه….

جاسر:بس يا حبيبي….

نور:بكرا رمضان يعني النهارده اول يوم ف السحور…وبابا نسي يجبلنا الزينه…وانا مش بحس برمصان غير لما تكون الزينه متعلقه…..

مراد برخامه:بما انك جبتي سيره الزينه….بيقولك مره واحده اسمها زينه دخلت القاعه علقوها….هههههههههههه…اسف…اسف والله…مش هتكلم تاني….

نور:عايز زينه يا ابيه جاسر والنبي….

جاسر:حاصر بغض النظر عن ابيه دي…اللي مره بتقوليها ومليون لأ….هجيبلك اللي انتي عوزاه يانوري…..

ادم:لاا لحد هنا وكفايه…انا ماشي….

جاسر:خد تعالي بس….اومال لما هي تتجوز انت هتعمل ايه…

ادم:تتجوز…لا احنا كدا حلوين اووي…مش هفصل معاها العمر ظا كله وف الاخر يجي واحد وياخدها…لا اختي مش هتتجوز ولا انا حتي هتجوز احنا كدا حلوين اووي…

جاسر:امشي يا ادم…مش كنت هتممشي امشي…وخد اخواتك معاك….عااايز انام منتش بقالي كتير….

يزن:يالا يا حبيبي انت وهي برا عشان اخوكوا الكبير عايز ينام…..

خرجوا كلهم….ف قال يزن….

يزن:نور حبيبتي….بابا منساش الزينه ياروحي….وكمل بحزن…دا هيخليني اروح اجيبها النهارده…

نور بفرحه:بجد….خدني معااك والنبي والنبي…

يزن:حاضر يانور ىوحي البسي…

يزن:اي يا ادم بتبصلي كدا ليه…انا عارف انكزا زفت توأم…متبصليش كدا…روح البس…

ابتسم.. ادم بثقه ومشي عشان يروح معاهم….

مراد:طب ايه….

يزن:ايه…

مراد:طيب ايه يعني…

يزن:ايييييه ايييه عااايز اييه…

مراد.:عاايز اجي معاكوا…

يزن:انة عارف ان خراب بيتي علي ايدك انت واخواتك….

مراد:الة قولي هو بابا اداك المفتاح…

يزن:لا يا تخويا عم محمد هو اللي هيسوق….

مراد:امممم حيث كدا بقا اطير انا….غ مينت هكون عندك….

يزن بسخريه:قصدك سااعه…يووم…مش دقيقه لاا….

********************

حسام وهو بيقوم:نيتأذن احنا بقا با استاذ،قاسم….

قاسم:ما لسه بدري يا حسام…وقولتلك 100 مره بلاش استاذ،دي احنا اخوات….

حسام:حاضر…بس لازم وروح انت عارف الوقت اتأخر وعندنا شغل كتير بكرا…دا غير ان فارس عنده شغل بردو….عن اذنك….

قاسم:اتفصلوا…

عشق وهي بتكلم ميار:ابقي تعالوا تاني…قعدتك حلوه اووي ياميار والله….

ميار:حبيبتي دا بس من زوقك…يالا مت السلامه سلام يارسيل….

رسيل: سلام ياحبيبي……

ومشي حسام واسرته وقال عدي….

عدي:نروح احنا بقا ياقاسم…ومتنساش….بكرا اول يوم رمضان…..

قاسم:لا لا مش ناسي….

عدي:ماشي مع السلامه….

ومشي عدي ورسيل…ف…قالت رسيل لعدي…

رسيل:هو انت بتقوله ان بكرا اول يوم رمضان…يعني هو مش عاارف…..

عدي:ههه انتي اللي عندك زهاايمر….اول يوم رمضان بنقضيه فين….

رسيل:هااااااااااه فهمت….

عدي وهو بيشاور علي مخها:مركبه هنا ايه….ههههه وحضنها…ومسوا اتجاه فلتهم….

****************

عشق:قاسم…ممكن اعرف مالك….في اي….

قااسم مبيرودش عليها ومشي وسابها وطلع ل اوصتهم وهي وراه….

عشق:قاسم…انت مش سامعني…انا بثالي ساعه بنادي عليك..

قاسم مبيرودش…

عشق بدموع:قااسم والنبي رد عليا…انا عايزه افهم في ايه…..

قاسم كان بيلبس التيشرت….لبسه بسرعه….وراح ناحيه البلكونه لكن قبل ما يدخل…مسكت عشق ايده وقالتله….

عشق:قااسم….فهمني في ايه…طيب انا عملت اي غلط….من بعد العشا وانت بتعاملني وكأنك مش عايز تكلمني ممكن افهم في ايه..  .

قاسم بغضب وحده خفيفه:فيه انك ادخلتي ما بين فرح وجاسر…وانتي عارفه اني قايل لك اني مش بحب الشغل دا…ومع كدا انتي عملت اللي انا طلبته….

عشق:قاسم…دا ابني…انا عايزه مصلحته….

قاسم بحده:اللي متعرفهوش ياهانم او مستوعبتيهوش…انك ابنك كبر وبقي راجل وهيقفل التلاتين بعد فتره…..ابنك مش صغير عشان تقرري نيابه عنه…انا عارف انه بيحب فرح جدا…وبشوف النظره دي ف عنيه….لكن انتي لما دخلتي فارس ف الموضوع…بقا فارس هو اللي بيبص نظره الحب دي لفرح…انتي لفتي انتباهه ليها…ودا غلط…انا عارف وفاهم ان دا مكنش قصدك بس بعد كدا لازم تفهمي انك قبل ما تعملي اي حاجه لازم تعملي حساب للنتايج…..تعرفي اي اللي هيحصل…ان فارس هيتجذب لفرح مع انه مبيحبهاش بس انتي عملتي جذب بينهم بعد اللي طلبتيه منه….وتاني حاجه ان فرح  بتحب جاسر ف عشان كدا هي وافقت عشان ميضعش منها….بس هل تفتكري انها مبسوطه…لاا مش مبسوطه…لان كتب الكتاب دا بيبقاله فرحته…لكن فرح كان كل همها انها تبقي مراته وخلاص لا انتبهت لفرحتها ولا اي حاجه…انا كان نفسي التطور دا يبقي بينهم هما بدون تدخل اي حد من الطرفين….عشان لما يتجوزوا ميعيروش بعض….مثلا تقوله…امك هي اللي طلبت مني اتجوزك….وهو يقولها انا اتجوزتك عشان كذاااا…..

عشق بدموع:قااسم….دا مكنش قصدي….انا مكنش قصدي اني اعمل كداةحقيقي….

قااسم:ودي المشكله اني عارف انه مكنش دا قصدك……

عشق:قاااسم….

قاسم:عشق خلاص….سيبي ايدي…

عشق عيطت وسابت ايده وخرجت تجري برا الاوضه….ل الجنينه….وفضلت تعيط…انه دا مكنش قصدها…مكنش قصدها كل دا…هي حست ان فرح مش مبسوطه ب كتب الكتاب دا….وان فعلا فارس كان بيبص لفرح نظرات اعجاب…..وان فعلا دا هيعمل مشاكل لما يتجوزا…..بس دا مكنش همها كان كل همها انها تربطبين ابنها والبنت اللي بيحبها بس مش اكتر…..

قاسم كان واقف فوق وسايفها وهي بتعيط تحت ف الجنينه صعبت عليه…ما هو مش معقول يجيلوا نووم من غير ما تكون جنبه…نزل تحت للجنيه وقعد جنبها وقال….

قاسم:كان لازم تعرفي غلطك وتتعلمي انك متتدخليش ف امور حد من ولادك الشخصيه خصوصا لو هو كبير….

عشق:والله ما كان قصدي يا قااسم….مكنش قصدي…انا كان قصدي انهم يتجمعوا…..

قاسم حضنها:ياحبيبت قلب قااسم انا عارف ان قصدك مان كله خير…بس مينفعش تقصري علي قرارته الا ف حاجتين….لو هو بيعمل حاجه غلط وممكن تنصحيه….والحاجه التانيه هي انك لو شايفه ان القرار دا هوديه ف داهيه ممكن تنهيه عنه….غير كدا لا سبيه يتعلم من غلطه المره الاولي عشان ميقعش فيه المره التانيه…..وبطلي عيااك بقا…احنا كبرنا ع العياط دا…..

عشق بتذمر:لاااا انا مكبرتش علي فكرا انت اللي كبرت….

قاسم:هههه هو دا اللي لفت انتباهك ف اللي قولته…..

قطع كلامهم نزول يزن واخواته…..

يزن:خلاص يابابا….احنا هنروح اهو مع عم محمد….

قاسم:تمام…بس انتوا كلكوا رايحين معاه ليه….

ادم ونور ومراد:عشان نحس  برمضان…..

قاسم:والخروجه دي اللي هتخليكوا تحسوا…..

يزن:ب النسبه لهم اه…..

كان جاسر واقف ف البلكونه لان من عادته انه يقف ف البلكونه يفكر ف يومه ان كان ظلم حد ولا عمل حاجه غلط…في بعض الناس بتعمل كدا…ف شااف اخوااته وباباه ومامته تحت….

جااسر بصوت عالي:ياايزن….يزن…

يزن:نعم…

جاسر:انتوا رايحن فين….

يزن:هنروح نشتري زينه رمضان….

جاسر:انا كنت هطلبها اون لاين….ولا اقولك…استنوني هلبس وانزل….

يزن:مااشي بسرعه….

ودخل جاسر وجاب موبايله ورن علي فرح وقال….

جاسر:5 دقايق والاقيكي لابسه لبس طويل ووااسع وشعرك ميبنش سلام…..

فرح بعد ما قفل:اي دا…مبيفهمش ف الذوق ابدا مفيش حاجه عدت علي دماغه اسمها ذوق….

***********

لبس جاسر واتشبك ونزل…وكذلك فرح لبست وراحت لفيلا قاسم….

فرح:مساء الخير ياعمي….

قاسم:اي ياحبيتي…

جاسر:يالا انتوا جاهزين….

فرح:احنا هنروح فين….

حاسر مسك اديها وقال:داوقتي هتعرفي…يلا يا اخواتي…

مسك ادم ايد توأمه وبص مراد ليزن وضحك وقاله…

مراد وهو بيهز حواجبه:مفيش غيري انا وانت يا جميل انكچ…

يزن:عوض عليا عوض الصابرين يااارب….عن اذنكوا….

قاسم بص لولاده بحب كبير ودعا ف باله ان ربنا يحفظهم ويبارك ف طريقهم ويبعد عنهم عيون الحاقدين…..

عشق:قااسم عايزه اسألك سؤال…..

قاسم:همممم…

عشق:انت بتعرف الحاجات دي كلها ازاي….

قاسم:لو معرفتش الحاجات دي عن عيلتي هعرفها عن مين بس ياعشقي…..

*****************

اما في بيت الدكتور جماال….

جمالل:يوووه لاا كدا كتير…ما تروحي عن بالي بقا…..كل شويه افكر فيكي….لا وكمان من اول مره…اومال لو شوفتك كتير بقا اي اللي هيحصل….لا البت دي خطر عليا…

زينه….مامته.:اي باجمال بتكلم نفسك ولا اي…..

جمال:احمم…لا ياحبيبتي بس توتر الشغل بس….

زينه:همممم…توتر الشغل…يعني مفيش لا حاجه كدا ولا كدا…

جمال:في اي بس ياماما….في كل خير ان شاء الله..حصرتك عايزه حاجه….

زينه:لا ياحبيبي سلامتك…

وخرجت وسابته……

جمال:انا اتجننت ولا اي….بكلم نفسي…كله بسببها….

************************

في بيت مي….

مي ببسمه:والله ياخالو من غيرك مكنتش اعرف هعمل ايه…

خالها واسمه رضوان:ياحبيبتي….مفيش حاجه لكل دا وبعدين كل اما تشوفيني تقولي الكلمتين دول…

مي ببسمه:ما انت السبب ف اني ادخل الجامعه هنا انت اللي اصىريت علي ماما وبابا اني ادرس هنا وانت عارف ان الحجات دي صعبه ف عليتنا…..

رضوان:اه بمناسبه امك….امك كلمتني وكانت عايزه تكلمك بس موبايلك كان مقفول….

مي بخوف:يلهووي…دي هتموتني عشان مرديتش…وفتحت تليفونها بسرعه ورنت علي مامتها وهي بتقول….

مي:والله العظيم والله والله مسمعتش ياماما….

……..:بس انا مش امك يا روحها انا ابوكي….

مي:بابا…

ابوها ويدعي فاروق:بصي بقا يابت انتي انا لولا عامل حساب لخالك ما كنت خليتك تدرسي هناك ف الجامعه دي…بس عشان خاطر خاالك بس عملت كل دا ..دا مهما كان اخو مراتي…..عاايزك تخلصي بسرعه لان هشام ولد اخويا بيستناكي ع النار….

مي بحذر:ويستناني ليه يابابا…..

فاااروق:لانه ناوي يكتب عليكي……

مي بفزع:ايييييييييييه…..

***********************

اما بقا ولاد قاسم كانوا راكبين ازاي…..

كان يزن ومراد مع عم محمد….وجاسر وفرح وادم ونور ف عربيه جاسر….

جاسر بصوت عالي عشان يزن يسمعه:يزن…انا عندي فكره…عايز اجيب الزينه من وسط البلد…..

نور وادم:يسسس…..

يزن:تمااام….

***********

وفعلا وثلوا للمكان المطلوب..

نور:انا عايزه فااانوس كبييير اووي…..

ادم:بس كدا…معلش ياعم لو سمحت…عااايز اكبر فاانوس هنا…واحلي واحد طبعا…..

الراجل:تمام اهوو بس هيتكلف شويه….

ادم بص لنور وقال:ما هو الغالي ميجيش غير للغالي…..

فرح:جااسر…جااسر…جاسر…جااسر…

جاسر بعصبيه بس بصوت واطي:عايزه اي…

فرح بضحكه طفوليه:عايزه من دي….

جاسر مسك ايديها:تعالي يختي….خليكوا هنا انا جاي اهوو….

مراد:ايوا ياعم محدش قدك….

يزن:حد يقتل الواد دا…..

مراد:حبيبي….اخواتي بيموتوا فيا والله….

اما عند فرح….فجاب ليها جاسر من اللي كانت بتشاور عليه وهو غزل البنات….وقضوا يوم حلو ووممتع وروحوا مش قادرين لان كان وسط البلد زحمه والناس كتير جدا…..واتفقوا انهم يعلقو الزينه بكرا…..

يتبع …..