رواية وحدة شغف الحلقة الثالثة عشر 13 بقلم ندى

 رواية وحدة شغف الحلقة الثالثة عشر 13 بقلم ندى

رواية وحدة شغف الحلقة الثالثة عشر 13 بقلم ندى

رواية وحدة شغف الحلقة الثالثة عشر 13 بقلم ندى

رن فون شغف برقم عمها ..ابتسمت شغف بمكر 

-فكرت 

=تعالي علي المخرن بتاعي اكيد عارفاه 

صمتت شغف بتوتر – لا انا غيرت رأيي 

-نعم ياختي .. خلاص انتي حرة ابقي ودعي صاحبتك بقي و سل

-انا مكملتش كلامي علفكرة .. انا مش هجيلك انت اللي هاتجيلي في مخزن الحاج يحيي ومعاك شهد لو ملقتش شهد معاك ابقي ودع اهلك بقي 

قفلت شغف بسرعة خرجت تروح المخزن تستخبي عشان تراقبه لما يجي وحطت فونها علي كرسي وتحتيه ورقة واحدة .. وحطت كاميرا في مكان يوضح معظم المكان 

……..

حمدي – عصام انت ايه اللي هببته ده خطفت البت التانية 

= لا هي دي البواب قالهم ان هي دي 

-الله يخربيتك مش هي المهم هاتهالي عالمخزن بتاع الزفت يحيي خلينا نخلص 

……..

دخل راجل لشهد حاول يفوقها و رش عليها ماية  ..مثلت شهد انها بتحاول تفوق بوجع من أثر الخبطة .

-ااه دماغي انا فين 

=قومي يابت انجزي 

-انت اللي خطفتني 

=اه يا حلوة اخلصي قومي 

شهد بتمثيل بسعادة- الله بجد انت خطفتني حقيقي، يعني انا دلوقتي اخويا بيدور عليا وعمر كمان 

تعجب الراجل منها وقال بغضب  = انتي متخلفة .. قومي اخلصي بدل ما اضربك 

مثلت شهد الشجاعة و قامت مشت وراه – متقدرش علفكرة تضربني …

بصلها بغضب وعصبية 

كملت شهد –  مش قصدي علي قوتك يعني انت ماشاء الله ولا اكبرها جاموسة .. بس انا واثقة ان حبيبي هينقذني .. هو معترفليش بس انا حاسه انه بيحبني علفكرة الحب حلو اوي انت حبيت قبل كدة ؟

بصلها وشدها من ايديها وركبها العربية بعنف 

وقف يكلم واحد تاني .. شهد خرجت الفون اللي معاها بسرعة  رنت علي أخوها 

اول ما اخوها رد الراجل ركب العربية و بيسوق 

فتحت شهد الاسبيكر واتكلمت بسرعة قبل ما احمد يتكلم 

-بقولك يا جاموسة انت احنا رايحين فين ومشينا ليه 

=اخرسي بدل ما اضربك 

-طب مش انت خاطفني هتسيبوني يعني ولا هتكملوا موضوع الخطف ده 

هتوديني مكان تاني طيب احلي من المخزن ده ولا هاتروح فين 

=لاخر مرة بقولك اخرسي 

-لا مش نخسر غير لما تقولي رايحين فين 

=رايحين مخزن تاني غير ده اخرسي بقي 

قفلت شهد الفون وخبته 

……..

عمر – تفتكر كدة هم رايحين بيها فين 

احمد= مش عارف بس مكان المخزن اللي هي كانت فيه مختلف عن بتاع حمدي الزفت ده ومختلف عن مخزن الحاج يحيي .. تفتكر هياخدوها للمخزن بتاعه ولا بتاع الحاج يحيي 

سكت عمر يفكر وابتسم علي كلام شهد فهي طفلة فعلا بس ذكية جميلة مشاغبة خجولة.

احمد = انا هكلم باقي الفريق يشوفوا الدنيا عندهم ايه لو حد دخل المخزن يبقي هو اللي هتكون فيه شهد

………

وصل حمدي وعصام ورا بعض بشوية استنوا الراجل يجيب شهد اتجمعوا دخلوا كلهم المخزن 

شغف مراقبة من ورا بضاعة كتيرة مترتبة قدامها بخوف علي شهد 

شهد وبتبص ليهم وقالت بصوت عالي – واااو انا كدة مخطوفة بجد بقي مش هزار 

كل اللي حواليها يوصلها باستغراب 

شغف في مكانها ضحكت لما سمعت صوتها وهزارها في موقفها الغريب ده 

رن الفون اللي علي الكرسي رد عليه حمدي 

-حاج حمدي بيرد بنفسه .. لا مش مصدقة 

حمدي مش عارف مين صاحب الصوت = خير انا موجود في المكان و معايا البنت زي ما اتفقنا 

-منا عارفة انا شايفة كل حاجة برغم اني مش معاكوا بس اقسم بالله لهوديك في داهية علي كل حاجة زبالة طلعت من وراك هخليك تترجاني يسامحك

تعصب حمدي جدا = انتي مين 

ضحكت جدا بصوت عالي وقالت باستفزاز – فيه ورقة كانت تحت الفون اللي في ايدك ده دي قرصة ودن صغيرة ولو عايز باقي الورق هتسيب شهد تخرج حالا من المخزن .

قفلت الست جوهرة بسرعة وبلغت البوليس زي ما اتفقت معاها شغف وعلي وجهها ابتسامة انتصار 

فلاش باك # 

الست جوهرة -انتي ناوية علي ايه 

شغف =بصي هقولك كل حاجة 

-حلو اوي الخطة دي ان شاء الله هتثبت برائتك .. انا ممكن اساعدك ونغير في الخطة شوية .

=قولي بس اولا انا مش عايزة يبقي فيه اي خطر عليكي انتي غالية عندي طالما كنتي غالية اوي عن الحاج يحيي .

ابتسمت بحنان وقالت – بصي بلاش موضوع التهديد المباشر ده خلينا ندوخه واحدة واحدة عشان يعترف بكل حاجة وكدة كدة هيبقي كل حاجة متسجلة 

=ازاي يعني 

-يعن هنوريه ورقة واحدة ونجننه وبعدها هبلغ البوليس تستني شوية وبعدها توقفيه وتبداي تتكملي معاه لحد ما البوليس يوصلوا .

=اتفقنا .

باك# 

ربنا يوفقك يابنتي ويحميكي من شر عمك 

……

احمد – مش فاهم قول تفاصيل 

اح الظباط = يا فندم فيه بنت دخلت المخزن حطت كاميرا واستخبت وبعدها دخل حمدي وعصام وبنت تانية ورجالة كتير وواضح عندي ان جاله تليفون واتعصب ده اللي حصل لحد دلوقتي 

احمد بعصبية – وانت مقولتش ليه من بدري ان فيه حد دخل 

سكت الظابط وقال – اسف يا فندم 

احمد قال بعصبية  = اي حاجة تحصل اعرفها وسجلها لحد ما اجي  .

_ تمام يا فندم 

نزل عمر واحمد بعيد شوية عن المخزن 

احمد- عمر خليك هنا اي حاجة تحصل بلغني اي حد يدخل او يخرج قولي 

=انت هتعمل ايه 

-هدخل من الجانب التاني .. المهم خلي بالك 

دخل احمد لوحده لجوة المخزن بخفة من مدخل تاني 

……..عند حمدي وعصام 

عصام- مين اللي كلمك 

=واحدة كدة معرفش مين.. استني 

مسك الورقة وزعق بعصبية = يا ولاد ال**** بقي انا اتهدد من واحدة ست 

– ايه ده 

=ورق ايجار المخزن .. 

-وده يضايقك في ايه

=انت غبي يا عصام .. الورق ده بيثيت فعلا ان البضاعة دي كلها بتاعتنا مش بتاعت يحيي مش احنا اللي اجرنا المخزن بتاعه ومضينا عقد 

وقال بصوت عالي = خرجوا البت دي من هنا 

مسك الراجل ايد شهد بعنف ويتجه للباب – اوعي ايدك يا بغل انت يعني جاموسة وبفل .. ورماها برة قدام الشارع بشوية وزقها …كانت هتقع لولا ايد مسكها جامد من خصرها 

بصت بتوتر ف هي لقت ريحة محاوطاها توترها دايما لفت بقت في حضنه يعتبر بصت لقت عمر 

اندهشت شهد وبخجل وتوتر من قربه ليها –  انت .. قالت بسرحان ..انت قمر اوي ليه كدة 

فرح عمر بكلامها و انها بخير وفي خضنه وقال : بحبك 

الراجل اللي رماها برة كل ده كان واقف متعجب من اللي بيحصل وقال : يلا يا أخ من هنا انت وهي .. دي باين عليها مجنونة ولا ايه البت دي .. لف عشان يرجع المخزن 

عمر وقف شهد وراه في حركة سريعة وجري ناحيته ومسكه من قفاه وضربه وجره ناحيه العربية وكتفه= مين دي اللي مجنونة يا اقرع انت 

ضحكت شهد علي طريقة عمر و جريت ناحيته وقالت بعدم تصديق  انه اعترف بحبه – عمر 

بصلها بأبتسامته الجذابة .. كملت شهد – انت قولتلي ايه من شوية 

عمر بخبث= قولت ايه 

شهد – انك.. ااا   ولا حاجة خلاص اف… يالهوي هي فين شغف واحمد 

يتبع..

لقراءة الحلقة الرابعة عشر : اضغط هنا 

لقراءة باقي حلقات الرواية : اضغط هنا