رواية نبض السيف الفصل الثالث عشر 13 بقلم سارة محمد
 |
| رواية نبض السيف الفصل الثالث عشر 13 بقلم سارة محمد |
رواية نبض السيف الفصل الثالث عشر 13 بقلم سارة محمد
حازم : عاوز اكلمك ف موضوع…
سيف وهو ماسك اعصابه بالعافيه…
موضوع ايه ؟
حازم : عاوز تجى انا واهلى واطلب ايد نبض منك انت والوالد…
سيف برقله…
وفضل يهز فى الكرسى الى قاعد عليه..
وقاله انا هشوف الموضوع ده وارد عليك…
واول مخرج طلع جرى على اوضه نبض وقالها…
بكره كتب كتابنا..
نبض نطت من على السرير ووقفت قدامه..
ايه ؟! انت بتقول ايه؟
سيف : زى مسمعتى كدا علشان تبقى بتاعتى انا رسمى…
نبض : ولا رسمى ولا نظمى ولا فهمى…
وكفايا جنان لحد كدا..
انا حياتى قبلك يشيخ كانت عاديه وأعدا من العاديه كمان …دخلتها شقلبتها مش 180 درجه دا 360 …
سيف قرب منها وهمسلها فى ودنها وقالها…
بكره هتكونى مراتى…
نبض رجعت لورا ووقفت قصاده وبكل قوه قالتله مش هيحصل يسيف ..مش هيحصل…
وخرج سيف…
نبض سألت نفسها ميه سؤال…
قالت لنفسها لو كان من اقل من شهر سيف ده اتقدملك كنتى هتبقى اسعد واحده على وش الأرض ….
هو بيأذيكى بأفعاله بس انتى بتحبيه صح ؟
علشان روحه بتحبنى انا متأكده من ده…
اه يعنى انتى بتحبيه ومش عاوزه تتجوزيه ولا بقيتى بتكرهيه ولا
ايه بالظبط ؟
كل ده كلام فى دماغها…
فى بيت سيف بالليل….
دالوقتى هيتكتب كتابك يبنتى…
اميره بخوف : وسيف يبابا…
باباها : سيف ملهوش حكم عليكى طول ما انا عايش…
كان قاعد وقتها اميره وهشام وباباها …
اميره عيونها دمعت ورجعت بصيت لهشام ..بس نظرته ليها طمنتها..
بعد ربع ساعه …
بارك لكما وبارك عليكما وجمع بينكما فى خير…
باباها : الف مبروك يا ابنى خد مراتك لبيتكم …
اضحكى مفيش عروسه بتعيط يوم فرحها…
خرج هشام هو واميره كانت لابسه فستان سيمبل ابيض…ومش مبطله عياط…
ركبت العربيه وهشام بيسوق…
هشام : نطلع على بيت اهلى ولا على بيتنا الأول…
عاوزا نروح فين؟
ابتسمى طيب يا عروستى…
احنا كنت بنتمنا اليوم ده…مش هنقلبه نكد ومعزا بقا..انا مكنتش متوقع انى لما هحكى لباباكى على كل حاجه هيقولى هات المأذون وتعالى اكتب الكتاب…
اميره : بابا عارف ان سيف لسا تعبان…وعلشان بيحبنى عمل كدا..
هشام بص لأميره وقالها…
بصراحه انا شاكك فى حاجه بخصوص سيف
اميره : شاكك فى ايه ؟
ووهما فى الطريق سيف كان راجع وشافهم مع بعض فى العربيه.فى اللحظه دى..
سيف غير مساره بسرعه وجرى بالعربيه وراهم…وفضل يضرب كلاكس…
هشام : ايه ده سيف ورانا…
اميره بخوف : متوقفش…اياك تقف…
هشام : انتى مراتى دالوقتى على سنه الله ورسوله..ظ
اميره : وهو اخويا….
وميعرفش لسا الكلام ده…
لو وقفت دالوقتى مش هيحصل خير قلبى بيقولى حاجه وحشه هتحصل …
فجأه صوت ضرب نار من مسدس سيف علشان يقفوا بالعربيه…
هشام : انا هنزله….
اميره : لاء ..بالله عليك متنزل ولا توقف العربيه…
هشام بزعيق : لاء هنزل …
وفى وسط خناقهم قصاد بعض خبطت عربيتهم عربيه نقل كبيره…
غير المشهد محزن لأبعد الحدود…
سيف وقف بالعربيه بسرعه وأخد وقت لحد مقدر يفتح باب عربيته وينزل بعد مستوعب الى حصل..
العربيه بتاعتهم كانت مقلوبه…
قرب منها حاول يروح عند اخته الأول..
ووهو بيحاول يفتح الباب فتحت عينيها وقالتله…
اميره بألم : ساعده الأول…
كان وش هشام متغرق دم…وفاقد الوعى..
سيف : اسكتى خاالص متتكلميش…
حاولت ترفع ايديها ووريتله الدبله وقالتله طلع جوزى الأول..
سيف رجع لورا وفضل ساكت لثوانى….
تانى يوم …
نبض مستنيه على اعصابها…هو قالها انه هيتجوزها النهارده وهى مش عارفه تعمل ايه…
بس سيف مجاش اليوم ده…
تانى يوم نبض لقيته دخل طلعت جرى وقفت قدامه…
ايه الدم الى على هدومك ده ؟
سيف سكله متبهدل وساكت ومبيردش…
نبض : مالك ؟ انت كويس؟
دخل وقعد فى الصالون وفضل يعيط…
يعيط عياط هيستيرى وبصوت عالى…زى الأطفال..
نبض كانت مستغربه جدا…ومحتاجه انها تفهم…
بعد مخلص عياط نام مكانه جابت غطا وحطيته عليه..وفضلت قاعده على الكرسى جنبه…
ورحت عليها نومه وهى قاعده…
فتحت عينيها على صوته بيقولها…
يالا علشان المأذون وصل…
نبض بصيتله وقالتله…
انت عارف ان الجوازه دى هتبقا باطله صح ؟
علشان انا مش موافقه…
سيف : مش مهم… انا اصلا مش محتاج موافقتك..
يالاا..
بعد ربع ساعه…
بارك لكما وبارك عليكما وجمع بينكما فى خير…
سيف : الف مبروك يعروسه…
نبض : ايه الى حصل امبارح ؟
سيف سكت وملامحه رجعت اتغيرت تانى…
نبض بخوف : اميره حصلها حاجه ؟
سيف رفع عينه بسرعه وقالها : عرفتى منين..؟
نبض بعياط : حلمت ..
حلمت بيها….انا احلامى لازم تحصل …كل حاجه بحلم بيها لازم تتحقق….
سيف : اتجوزوا…استغل غيابى واتجوزها…
دى كانت خايفه عليه اكتر من نفسها…
الدم الى كان على هدومى ده كان دمه ودمها…
نبض برعب : قتلتهم ؟
سيف : لاء…انا مش مجرم ينبض وانتى عارفه كدا كويس…
انتى ليه بقيتى تكرهينى…
نبض : علشان بقيت بتأذينى يسيف…
طيب هما كويسين؟
سيف : هما لأتنين بين الحيا والموت..عملوا حادثه يومها…
وبعدين انا بحبك…
نبض بصيتله وقالتله…حبك ده بقا بيأذينى…
وبعدين حطيت ايديها على وشها وكملت عياط…
نبض : طيب الحادثه دى انتى ليك علاقه بيها ؟
سيف : اه…
نبض بلعت ريقها ومسحت دموعها وقالتله بكل عصبيه : انا بكرهك يسيف….
وفضلت تكسر فى الحاجه وقالتله خرجنى من هناااا…
سيف : مش هتخرجى…غير فى حاله واحده…
نبض بقله حيله وعصبيه : هى ايه الحاله دى؟
سيف : على جثتى…
نبض قعدت على الأرض وفضلت تعيط وتصوت بكل قله حيله…
بالليل…
سيف فتح اوضه نبض ودخل…
نبض : مخبطتش على الباب ليه ؟
سيف : علشان انتى مراتى…
نبض : سيف انت لو مفكر انك جوزى بجد …هنط من البلكونه ديه ….وبدءت ترجع لورا بضهرها ناحيه البلكونه
قصه حزينه????