رواية الوقوع في الحب الحلقة الثالثة عشر 13 بقلم هبوش
 |
| رواية الوقوع في الحب الحلقة الثالثة عشر 13 بقلم هبوش |
رواية الوقوع في الحب الحلقة الثالثة عشر 13 بقلم هبوش
طلعت لداري لقيت يامن ع tv قعمزت ع سرير نشوفله بحرص ونتذكر كلام حنين وقررت انفذ المخطط ونحط يامن في اختبار الرجولة ????????♀️
صبيت قلبت حوايجي بالكي نلقى لبسة ملفتة وطبعا ماعنديش ارواب وهك خذيت شورت معه الكت بتاعه كنت نلبس فيه تحت حوايجي وخذيت كريم معطر???? ومشيت من جنبه شبحتله بخبث وخشيت للحمام و يامن يشبحلي بستغراب ورجع ايتفرج
دوشت وتعطرت لبست الشورت والكت
انا/ نشبح للمرايا…وااااك هذا شنو لالا كيف نطلع قدامه بالمنضر هذا…
ورجعت تذكرت كلام حنين وقررت انتشجع ونطلع وصلت للباب خذيت نفس وفتحت الباب
طلعت متحشمة كيف نفوت قدامه بس خلاص لا رجوع✌
مشيت بخطوات ثقال ورجليا ايخبطوا في فبعضهم حسيت بالمسافة طويلة لسرير ولا مش عارفة شن اللي صار معش بتكمل الطريق ????
ويامن من طلعت وهو فاتح عيونه بيطلعوا قعد ايتبع فيا ويفصل في جسمي ????
وفي حديث نفس كل منا يحكي مع عقله
????
انا/ ياربي شن درت في روحي ياااريتني ماسمعت كلامك ياحنين حي يا نهاري الاحرف نحس فيه يشبحلي ????
يامن/ قارص عيونه…هاااا تبي تغريني ونجيك نجري ههههه عارفهم حركاتك مايمشوش عليا مش ح اتوقعيني بسهولة وتوا اتشوفي بعينك ما تاثري فيا ولا ح اتحركي مشاعري ????…
وصبى طفى الضي و خذا الرموت طفى التلفزيون وجاء ماشي لجهة السرير
وانا نحيت الورغان بنخش السرير شبحتله اينحي في تيشرته???? قعدت نرعش وقلبي ايخبط خشيت لسرير متصنعة القوة و دايرة روحي متجاهلته
جاء ع جهة الثانية وخش تسطح وفي حديث نفس
يامن/ عيونه ع جسمي… طالعة طرف هالشوكة ومغرية للنم ???????? لالا دير بالك تضعف راهو هذا اللي تبيه خليها اتموت ماني لامسها…
وحط راسه ع المخدة وتغطى
انا/ في عقلي… حي بيرقد زعما كلام حنين حق ???? لا مرات ناعس ولا حاجه????لالا حتى لو ناعس ايطير النوم بعد يشبحني ولا حتى اينابش مش حيط هو مايتحركش…
وقعدنا لحظات اصنام نفس بس ايخش ويطلع
يامن/ انقلب ع جنبه… مش قادر نرقد ونا انتخايل فيها الزززح…
قعد يشبحلي وانا حسيت بيه مش راقد من صوت وسخونة انفاسه غمضت عيوني تخيلت ايقرب مني ويضمني له ويبوسني بلهفة حسيت بشعور حلو طلعت مني تنهيدة طويلة
انا/ مزلت نحبه برغم اللي داره اااه ياربي لو فيه خير ليا قربه مني ????…
وهو حرارته ارتفعت ومعش يقدر ايشد روحه وعنده رغبة جائحة
يامن/ يلعن امه *** انهزمت من اول معركة ????????…
خلاص استسلم لرغبته و قبل مايتقرب انا كنت نحس بمغز وجع قوي في بطني جيت قعمزت ونزلت من السرير ماشية للحمام
ويامن تافف و قعمز حوس شعره كان عرقان هلبا
يامن/ وين بتهربي حقي هذا و بناخذه ياويلك مني …
و نحى الورغان بالقوة ونزل لحقني
كنت داخل انن وحالتي حالة بعد مانزلت عليا العادة الشهرية قعمزت ع المرحاض وشادة على بطني نبكي من الوجع و تذكرت ماعنديش الويز زدت تضايقت ????
يامن/ بغضب✊… هيا نبي الحمام
انا/ تاففت… بااهي اشوية اوووف …
فتحت ع المية غسلت وجهي
انا/ عليك حشمة شن بندير توا كيف نسيت موعدها الهم…
وخذيت بجامتي اللي معلقة ونحيت الكت والشورت ولبست البجامة وفتحت الباب وجهي شاحب وباين عليا المرض تعقد بعد شبحني امغيرة اللبسة
يامن/ شبحلي من تحت لفوق… قاعدة تلعبي على مشاعري انتي تبي اتذليني ولا شنووو ????…
وصكر عليا الطريق بجسمه
انا/ بوجع وصوت ضعيف… يامن تعبانة مش قادرة انتكلم وسع خليني نمشي
يامن/ لصقني ع الباب… تعبااانة من شنووو اعترفي انك تبي ????
انا/ بتعب… اوووف مش فضيالك زيييح هك…
ودفيته بنمشي شدني من الخلف ولصق فيا ايشم في شعري ويتحسس بجسمي بشهوة وقف قلبي وزاد عليا الالم بطني
يامن/بصوت ايذوب… ااارخي روحك انعيشك احلى ليلة في عمرك …
ونزل ايبوس ع رقبتي وزاد ضمني اكثر واني مش قادرة انبعده جسمي كله فاشل وانتوجع وكبدي لعيت
انا/ بضيق… يااامن وووقف اااني مررريضة بالله عليك خليني نمشي مش قاادرة نبي اانرجع…
يامن/ وخر ورخي ايديه… تكذبي شن اللي مرضك فجأة????…
ما خليته ايكمل كلمته الا واني نجري للمرحاض انتغصص و انرجع ????
يامن/ ????واقف ع الباب… شن واكلة ؟
بعد رجعت خذيت فوطة مسحت وجهي وناخذ في النفس بالقوة ماحوتك نمشي
يامن/ بقلق… نرفعك للمستشفى؟
انا/ لا …
وطلعت للسرير انجر في روحي جر تسطحت على ضهري ويدي ع بطني
يامن/ جاء وقف ع راسي… توا كنتي كويسة شن صارلك فجأة
انا/ وجهي احمر وباحراج… عادي متعودة
يامن/ باستغراب… مافيهاش تعود كنتي اترجعي وحالك انقلب 60 درجة تبي انجيبلك دواء مسكن
انا/ عضيت شفتي… ايه ياريت
يامن/ هيا توا نمشي انبدل حوايجي ع السريع…
ومشى طلع حوايجه وخش للحمام لبس وجاء ياخذ في مفتاح السيارة
انا/ بارتباك… يااااامن نبي حاجة اخرى من الصيدلية…
ووجهي قعد الوان ومنحرجة منه هلبا
يامن/ ااايي اوكي عارف… ومشى
انا/ بتمتمة… مافي حاجة اتفوت عليك ما شاءالله خبير نسواني ????
غاب نص ساعه وخش
يامن/ مدلي كيس… خوذي حبة وحدة وهذه حاجتك جبتلك نوع كويس
انا/ انحرجت… شكراااا…
خذيت منه ومشيت للحمام
يامن/ شن بيصبرني توا الزح ????????…
.
.
ثاني يوم
نضت ساعة سبعة ولعت الضي بيش ناخذ حوايجي
وعي يامن انزعج وحط يده ع عيونه…
يامن/ بغضب… طفي اام الضي الززح اتشوفي فيا راااقد
انا/ شوية ناخذ حوايجي ونطفيه اصبر
يامن/ فتح عين… علاش واعية بكري
انا/ بنمشي للمزرعة ولا انسيت
يامن/ مش مريضة!
انا/ وتوا كويسة
يامن/ حالة انتي … وحط المخدة ع وجه… بسرعة بس طفي الضي
انا/ بااهي اوووف …
خذيت حاجتي وطفيت الضي وخشيت للحمام
نص ساعه ونزلت تحت لقيتهم يفطروا
انا/ صباح الخير
ح سليمان وصفية/ صباح النور
صفية/ صبت… انسخن الشاي
انا/ لالا مانبيش نفطر
صفية/ تطلعي بدون فطور خوذي حتى حليب وشاي
انا/ ماعنديش نية توا نفطر بعدين
ح سليمان/ يامن مزال راقد
انا/ ايه
ح سليمان/ صبى…
كان تبي حاجه وعي يامن ايجيبهالك
صفية/ الضهر نمشي لغالية نسال على جوري وادم و مرات نقعد عندها اليوم كله
ح سليمان/ على راحتك… وشبحلي… هيا نمشوا
انا/ اي هيا… وشبحت لصفية…
سلميلي عليهم
صفية/ يوصل…
………….????????????????????????????????????
في المانيا
كان ادم الليل كله في المستشفى مقعمز قدام غرفة جوري وممنوع عليها حد ايخشلها بيش ثاني يوم ادير العملية
الصبح خشوا ايشوفوا فاها الدكاترة اللي هما الدكتور الماني اللي بيستلم عمليتها و دكتور هيثم ????
د الماني/ بابتسامة… Wie geht es dir heute
جوري/ I do not understand you
????…
هيثم/ ابتسم… قالك كيف حالك
جوري/ انت عربي
هيثم/ بالبسمة… وليبي اخرى ها شن اتقوليله الدكتور يسال عليك
جوري/ ابتسمت… الحمدلله قوله كويسة
هيثم/ شبح لدكتور…Ihr ging es gut
…
وقعدوا يحكوا ع العملية وجوري تشبحلهم وخلاص
د الماني/Ich wünsche dir gute Besserung… وابتسم و طلع
هيثم/ ماشاءالله معنوياتك مرتفعة ياجوري
جوري/ تبي الحق يادكتور خايفة منها
العملية ????
هيثم/ تؤتؤ لالا شفتي الدكتور اللي توا هذا اكبر دكتور في المانيا ايديرلك العملية وهو مغمض…
وضحك بصوت ????
و جوري ضحكت ويدها ع فمها بيش مايطلعش صوتها انعجب هيثم بضحكتها
هيثم/ باعجاب… ضحكتك سمحة ربي يحفظك…
و جوري خدودها توردوا
و هيثم حس روحه احرجها بيغير الجو
هيثم/ خوك اللي برا
جوري/ ايه خوي الكبير عادي انشوفه يادكتور
هيثم/ معليش توا بعد تطلعي من العملية اتشوفيه وتمشي معه ادهوري في المانيا????
جوري/ بحزن… نبي انكلم امي استحشتها
هيثم/ لالا مانبوش الزعل راه هيا توا ارقدي وماتفكري في حاجة ان شاءالله بعد العملية اديري اللي في خاطرك
جوري/بزعلة… بس اني نبي انشوف خوي
هيثم/ و دلوعة اخرى لالا واجد هكي ????
نا مانتحملش انزعل السمحة خليني نطلع خير … ???? وابتسم وطلع
وادم كان يغلي بعد طلع الدكتور الالماني ومافهمش منه وحتى هيثم معش طلع قاعد مع جوري اول ماشبحه طالع جاء وقف عليه
ادم/ شنوو يادكتور امتى موعد العملية
هيثم/ بكرة الصبح ان شاء الله
ادم/ نقدر انشوفها توا
هيثم/ لا هي حساسة و بعد اتشوف حد من عيلته اتزيد توتر وخوف ونحن مانبوهش ايصيرلها اضطرابات قبل العملية
ادم/ تنهد بوجع… ان شاءالله خير المهم تقعد جوري كويسة
هيثم/ ضرب ع كتفه… ان شاءالله وحتى انت قعدتك هنا مالهش داعي امشي ارتاح والصبح اتجي قبل العملية و هذا مفتاح شقة جنب شقتي قريبة من المستشفى ح تقعدوا فيها…
ومدله المفتاح
ادم/ صحيت توا انشوف فندق نقعدوا فيه
هيثم/ لا والله ماتصير عيب ياراجل هك بس…
وادم كان فعلا تاعب ويبي يرقد خذا المفتاح
ادم/ شكرا بارك الله فيك…
واعطاه عنوان الشارع والعمارة
خذا تاكسي ومشى بعد وصل للعنوان نزل شناطي له ولجوري وخش الاصنصير
كان فيه بنتين وامهم قعد واقف بعيد عليهم و حدة منهم امغير تشبحله
بعد وصل لدور الرابع نزل من الاصنصير ومشى وقف جنب شقة يفتح فاها
ونزلوا حتى الام وبناتها مشيوا لشقتهم
االام/بتذمر… الله يستر جار جديد ????
غلا/ شن قصدك ياماما
الام/فتحت الباب… ماقصديش ادخلوا بقى…
وخشوا داخل وغلا هي اللي بتصكر الباب وقعدت اتشوف لادم ايدخل في شنطة وخش صكر الباب
الام/ مااتقفلي الباب ولا عجبك الواقفة هناك
غلا/ اوووه ياماما خنقتيني اارحميني…
ومشيت لدارها
منال اختها/ مزودتها حبيتين ياماما ماتفوكي عليها اشوية
الام/ عايزة اخليها تعمل اللي براسها ولا ايه انا مارتحش الا لما اوديها لابوها خلاص بقى تعبت
منال/ هو اصلا ح يعمل ايه لو كان فارق معه كان سال علينا
الام/ ماليش دعوة بكرة اكلموا ايجي ياخذها تعيش عنده و ارتح من همها
غلا/ طلعت وقفت ع الباب… انتوا ليه مش عايزين تفهموا ان ديه حياتي ماتسيبوني اعيشها براحتي انا مش اصغيرة واعارف اعمل ايه ????…
ورجعت خشت وخبطت الباب
الام/ الله ايصبرني عليك قبل ماتجيبلي جلطة واطوب ساكتة
منال/ بعيد الشر ياماما…
الام/ تنهدت… بوصيلي هنا اختك وين ماتروح رجلك على رجلها ماتخليهاش اتغيب عليك ادقيقة واحدة فااهمة
منال/ بملل… خاضر ياماما
الام/ صبت… اروح انام وراي شغل الصبح تصبحي على خير…
ومشيت للباب قفلاته وخذت معها المفتاح وخشت دارها…
نحكوا ع العيلة المصرية شوية كدا ع السريع ????
بوهم كان مع النظام السابق و سيب مصر بعد الثورة وهاجر لالمانيا
بعد خمس اسنين طلق مرته وعنده منها بنتين منال 26 سنة و غلا 18 سنة
هو تزوج من امراة اخرى وانتقل لمدينة هابورغ و فتح شركة خاصة و خذاته الدنيا قعد معش ايجي ولا يسال على بناته الا نادر جدا والام والبنات قعدوا في سكنهم في برلين و اشتغلت الام مدرسة في مدرسة عربية و منال كملت جامعة و غلا كملت الثانوية ومزالت ماخشت الجامعة
ومن شهور تعرفت على شاب عربي سكن في العمارة و طلعت رحلة لجبال سويسرا اسبوع من غير مايعرفوا عيلتها وامها عرفت بعد ماسافرت وقريب هبلت وتعاركت مع اهل الشاب وصار فاها بلاغ لان كانت تحت ال18 سنة وشكيت في الشاب انه ضحك عليها وخطفها وووو بعد فترة زادت المشاكل بيناتهم اضطروا اهل الشاب ينقلوا من العمارة
و غلا تبي تاخذ حريتها وتستقر بروحها هذا اللي زاد جنن امها وقعدت لحقتها ع دقة ????
نرجعوا للواقع عندنا في ليبيا
روحت من المزرعة تعبانة قريب انطيح على وجهي اول ماخشيت الدار
انا/ مساء الخير… وجيت قعمزت
يامن/ عيط عليا… هيييي نووضي للحمام دوشيى قبل الزززح
انا/ بالشك شميت حوايجي … مافيش ريحة شوية ناخذ نفس ونخش اندوش اااوف ????
يامن/ بيده… لالا نوووضي هيااا مانحبش داري اتوسخ شن عارفني مايكون في حشرات من المزرعة علقوا فيك
انا/ بصدمة… يييي طيح سعدك شن اتشوف فيا والله انك انسان مريض ومكرة فيك مش امدوشة هاااا…
وصبيت ماشية انخش للسرير لحقني يامن شدني من مرفق يدي
يامن/ هكي هيا تبي اتعاندي توا انوريك…
وشدني بيطلعني برا الدار
انا/ ضربته ع كتفة ويده… ياااقهرتي ااارخي ااايدك وين ماشي بيا
يامن/ فتح الباب وحذفني برا… دوري وين تقعدي هنا مانك خاشة…
وصكر الباب قفله
انا/ ???? خززززي عقل مفرخ ????حششششم بيك… وخبطت ع الباب… ااافتح الباب
وزدت خبطت ✊✊✊✊✊
انا/ اااوف مبردك والله انك اهبل يا اااااهبل
…
ويامن ولا رد ايتفرج ومعلي الصوت
قعدت انشوف وين نمشي قبل مايطلع الحاج كان ايدوش في حمام داره معش في حل الا انخش دار واحد من الشباب جيت لدار ادم فتحت الباب انفتح معاي خشيت وصكرته
انا/ ااايوه توا الواحد يرقد مرتاح للصبح…
وتذكرت حوايجي ونبي شنطتي فاها تلفون و اولويز اضطريت نمشي نتجداه
انا/✊✊ ياامن ااافتح نبي ناخذ حوايج هياااا قبل مايطلع بوك
يامن/ جاء فتحلي… خشي للحمام قبل وبعدين خشي خوذي حوايجك
انا/ لا اطمن مش جاية نقعد في دارك اللي حتى الملايكة مايخشوا فاها نبي ناخذ شن نلبس وشنطتي وطالعة ????
يامن/ نحى يده من ع الباب… خشي خمس دقائق لو ماطلعتي انطلعك من اللسانك ????…
????شبحتله من تحت لفوق وهو شبحلي متقزز????
خشيت خذيت غيار كامل وشنطة اليد ومشيت للحمام خذيت منشفي و فورشة الاسنان وطلعت
يامن/ لحقني يشوف وين نمشي… هيييي تعالي وووين ماشية
انا/ وقفت ع الباب… شن دخلك…
وخشيت وصكرت في وجه????
يامن/ بغضب… توااا اااتشوفي ????…
خشيت للحمام بدلت حوايجي و طلعت حذفت جثتي ع السرير و خذيت وضع الانبطاح ورقدت????
يامن/ يتكلم بالتلفون.. اووكي انتلاقو غادي سلام
ح سليمان/ ✊✊… ياامن يااامن
يامن/ ايوووه… وصبى فتحله
ح سليمان/ امشي روح باامك عند خالتك
يامن/ توا ايروح بيها سامي نا طالع
ح سليمان/ امك كلمتني توا تبي من ايروحوا بيها و سامي مزال عنده شغل في العيادة
يامن/ بتذمر… باااااهي
ح سليمان/ مدله تلفونه… افتحلي نت انكلم المحامي و بلال شن صار عندهم…
خذا منه التلفون افتحله نت واتصل بالمحامي فيديو
يامن/ اهو اتصلت بيه صوت وصورة…
اعطه التلفون وخش بدل حوايجه وخذا تلفونه وامشى
و في الطريق رن عليه صاحبه
صاحبه/ وينك قاعد نستنى فيك
يامن/ انا توا ماشي انروح باامي للحوش نص ساعة وجايك
صاحبه/ اوكي هيا الشباب يستنوا …
صكر منه بيحط تلفون طاح منه جنب رجليه نزل يامن ع السريع ياخذ فيه و ايجي قدامه شاب كان قاص الطريق و كل السيارات كانوا واقفة الا يامن مانتبهلاش وهو نازل ياخذ في تلفونه ويضربه ????
انصدم وخذا رعشة كبيرة وقف السيارة و نزل يجري ايشوف في الشاب اللي طايح ع الطريق والاول اول يلتموا عليه ????
صار هرج وهول من الحادث وسعفوا الشاب للمستشفى خذه يامن بسيارته ومعه صاحب وخو الشاب كانوا معه
اول ماوصلوا طول سعفوه للطواري و منها للعناية وضعه كان جدا حرج ???? و اول مرة يامن ايحس بالكارثة ويخاف
جوه اهل الشاب مفزوعين على ولدهم والمستشفى بلغت ع الحادث جت الشرطة خذت اقوالهم
الشرطي/ لوسمحت اتفضل معانا
يامن/ بقلق… باهي اشوية ناخذ تلفوني من السيارة انكلم عيلتي انبلغهم
الشرطي/ في المركز اتبلغهم…
يامن/ بتنهيدة… لا حول ولاقوة الابالله…
ومشى معهم والسيارة احتفظت بيها الشرطة
قعد تلفون يامن ايرن اكثر من 12 اتصال
صفية/ نزلت التلفون… خيره ماايردش ااوف… واتصلت بالحاج
صفية/ الووو يا حاج وينكم تبوا اتجوا ولا نستنى سامي
ح سليمان/ بتعجب… بعثتلك يامن من بكري طالع!
صفية/ نتصل بيه مايردش
ح سليمان/ اشوي نتصل عليه صكري…
وصكر منها غضبان و اتصل بيامن
قعد بالاول يضرب لين فصل وفي ثاني رنة رد عليه
ح سليمان/ معصب… علااااش مامشيت لااااامك قاعدة تستنى ف…قاطعه الصوت
الشرطي/ السلام عليكم
ح سليمان/ استغرب من الصوت…وعليكم السلام وين صاحب التلفون
الشرطي/ موقوف عندنا في مركز الشرطة ولدك ضارب شاب بالسيارة
ح سليمان/ بخوف… شنووو والشاب شن صار فيه
الشرطي/ في العناية حالته خطيرة
ح سليمان/ بضيق… لا حول ولا قوة الابالله
…
خذا اسم المركز والمستشفى واسم الشاب واتصل على صفية خبرها وقاللها ايجيبها سامي وهي ياناري قلبتها ابكاء وعياط
مشى الحاج ايدق على باب دار يامن
وقعد اينادي ياوردة ياوردة واني في سابع نومة في دار ادم بعد مافتحتش اتصل بخالي ومشى للمستشفى ايزور الشاب وايطمن على وضعه وقت وصل لقسم العناية شاف اهل الشاب في حالة بعد ماطلع عليهم الدكتور وقاللهم الشاب توفى ????????
مرض الحاج وطاح على خالي
نضت على صوت تلفوني مديت يدي بنحطه ع الصامت لقيت خالي اللي يتصل استغربت ورديت
انا/ بنعاس… ايووووه يا خالي
خ محمود/ وينك ياوردة ليا نهار نتصل عليك
انا/ بصوت ناعس… راااقدة ياخالي خير تبي حاجه
خ محمود/ انتي ماتعرفش شن صاير ولا شنو !؟
انا/ بملل… شن صاير
خ محمود/ الشاب اللي ضربه يامن توفى وعمك سليمان رقي عليه الضغط وقاعد في المستشفى
انا/ نقزت مفزوعة????… ااااستنى ياااخاالي فهمني بشوية شاب شنو ومن ضربه!؟
خ محمود/ يامن ضرب شاب بسيارة توا توفى
انا/ بخوف… لا اله إلا الله محمد رسول الله???? و يامن وين ؟
خ محمود/ موقوف بالحبس
انا/ بوجع… محبووس!???????? وانتم في اما مستشفى
خ محمود/ خليك في الحوش شوية اخرى وانروح بالحاج…
صبيت مشيت داري وقلبي مقبوض وخايف شفت حوايج يامن ع السرير قعمزت شديت تيشرته ضميته و انشم فيه ????
بعد ربع ساعة وصلت صفية ومعها غالية وساجدة وسامي
سمعتهم نزلت عليهم كانت صفية منهارة ابكاء جيت حضنتها وقعدت نبكي معها
كانت ليلة كئيبة حزينة
اما يامن بعد سمع بالشاب مات ضاقت بيه ونزلوا دموعه ماكنش متوقع انه ايموت وحس بالذنب وبوجع اهله عليه
قعد الليل كله امقعمز و عيونه حمر متورمات وقلبه موجوع مضايق مش عارف شن اللي ايهون عليه و يبرد نار قلبه
استرجع حياته وكيف كان عايشها بستهتار وضياع وهو بعيد عن ربي يشرب ويزني و مايصلش حس ان هذا عقاب من ربي على اعماله ????
الصبح كانوا الحاج وسامي في مركز الشرطة شافوا يامن و قعدوا معه قبل مايخذوه النيابة
و ساعة عشرة خذا تريس العيلة ومشيوا لاهل الشاب ايعزوا
وعندنا في الحوش امفعمزين كل حد شايل هم ويخمم صفية دمعتها ماوقفتش تخمم على يامن وعبود
و غالية حتى هي نار شاعلة فاها قاعدة على جمر تستنى في تلفون من ادم ايطمنها
وكذالك ساجدة
اما اني عقلي مع يامن انفكر فيه شن داير ???? ومتمنية انشوفه ونهون عليه ????
.
……………. ????????????????????????????????
في المانيا
دخلوا جوري للعمليات وبعد اربع ساعات طلع دكتور هيثم
وادم كان خايف ومتوتر قعد ماشي وجاي جنب الباب ونار في قلبه مابتش تهدا
اول ماشاف الدكتور طالع جري عليه
ادم/ بخوف… شنووو ياكتور طمني????
د هيثم/ ابتسم… الحمدلله على سلامتها العملية نجحت وامورها كلها تمام
ادم/ بفرحة… الله ايسلمك يادكتور…
وعيونه تجمعوا فيهم الدموع
ادم/ امتى نقدر انشوفها
د هيثم/ ضروري بعد العملية تقعد في العزل ثلاث ايام بيش ماتنقلش بكتيريا و يرجعوا وظائف القلب يشتغلوا مع الصمام الجديد
ادم/ بخوف… المهم مافيش عليها اي خطورة
د هيثم/ ان شاءالله لا…وطبطب ع كتفه… اتصل طمن الوالادة اكيد قاعدة على اعصابها هيا الحمد لله على سلامتها …
وابتسم ومشى
وادم خذا تلفونه واتصل بسامي بلغه بسلامة جوري ونجاح العملية
وسامي اتصل بساجدة خبرها واختلطوا شعور الفرح والحزن ????
وادم مايعرفش شن اللي صاير مع يامن
مايبوش ينشغل وهو في الغربة ومشغول بجوري وبعمليتها
فاتوا ثلاث ايام على نفس الحال يامن محبوس ومزال مافيش زيارات
و جوري في العناية تحت العزل مايخش عليها الا دكتور و ممرضة خاصة بيها
اما قضية عبود ومعاذ ارتفعت اول جلسة للمحكمة وقف المحامي بالدفاع عليهم واحضار شهود ودلائل تثبت ان صديق المغدورة هو من قام بقتلها ورميها من الدور الثالث وان القاتل هو من قتل صديقتها لاخفاء جريمته وبعد تحريات استدعوه للتحقيق و اتضح ان القاتل كان في مشاكل مستمرة وضربها اكثر من مرة في المكان اللي تشتغل فيه
وحدد القاضي موعد اصدار الحكم بعد اسبوعين
اما اني كنت مضطرة نمشي للمزرعة و نوقف ع الشغل بين المزرعة والمصنع بحكم الحاج مريض ومافيش حد غيري
كنت منهكة جسديا ونفسيا ????????
رابع يوم سمحولنا انزورو يامن ومشيوا الحاج وصفية لزيارته الاول
وبعد طلعوا خشيت اني وماكنش متوقع يامن انجي انزوره اول ماشبحني خشيت
يامن/ بفرحة… ورردة
انا/ جيت تقربت منه سلمت بيدي… شدة وتزول????????
يامن/ ان شاءالله… وعيونه في عيوني… كيف حالك ياوردة
انا/ بغصة… الحمدلله…
وعضيت شفتي بنشد روحي بيش مانبكش بس ماقدرتش خشيت في حضنه ونهرت ابكاء
يامن/ عيونه دموعوا… اوووص خلاص ماتبكش
انا/ بدموع… استحشتك اهه اهه????
يامن/ ضمني بالقوة وباس راسي… يامجنونة وربي انحبك
انا/ رفعت وجهي نشبحله… حقة اتحبني ????
يامن/ نزل جبينه ع جبيني… اي حقة وماتسالينش امتى وكيف لان مانعرفش… حط يده ع خدي… استحشتك واستحشت اللسانك الطويل واللي نعرفه انا وقعت في الحب و دخلتي لقلبي ملكتيه…
ونزل ع فمي باسني بخفة???? بعد وجه وشد وجهي بين ايديه
يامن/ ابتسم… ليش ساكتة
انا/ متجمدة وقلبي يضرب… شن انقول
يامن/ اوووص ماتقولش حاجة تعالي في حضني بس…
وضمني بالقوة ❤????
.
.
في المانيا
طلعت جوري من العزل وحطوها في غرفة بروحها بالقسم و سمحوا لادم ايخش عليها بعد مايعقم روحه
د هيثم/ حمدلله علي سلامتك يادلوعتنا
جوري/ دوب تحكي… الله ايسلمك… ورمشت عيونها بوجع… نبي خوي
د هيثم/ توا ايخش بس ممنوع الكلام باهي ياجوري
جوري/ غمضت عيونها… بااااهي
هيثم/ ابتسملها… ان شاءالله الف سلامة عليك…
وطلع لادم قاله ايخش بس ممنوع عليها الكلام وتجهد نفسها
وكان ادم خايف من ردت فعلها لما اتشوفه خذا نفس عميق وخش عليها يمشي بثقل وقلبه معصور تقدم منها وهي تشبحله بصدمة
ادم/ الف الحمدلله على السلامة حبيبتي…
جوري/ ااادم وووين سااامي و بلال
ادم/ اوووص الدكتور مانع عليك الكلام…
وقرب شد يدها ايبوسها نتشتها
جوري/ ااادم لوسمحت اااطلع مانبيش انشوفك????????
ادم/ غمض عيونه بوجع… عارف انك زعلانة مني بس توا بالله عليك مش وقت الزعل عشان صحتك
جوري/ عيونها دمعوا… ااانا نكره… حط يده ع فمها
ادم/ خلاص جوري ارتاحي ماتفكري في شي…
وشبحلها بوجع???? وخيبة وطلع
وجوري نزلوا دموعها ماتوقعتش اول شخص اتشوفه هو ادم وبرغم الزعل والوجع بس كانت مستاحشته????????
استنت حد من خوتها ايخشوا عليها و فات الوقت ورقدت من اثر المنوم
قعد ادم في المستشفى لساعة عشرة في الليل وبعدين روح للشقة
وهو واقف قدام الشقة يبي يفتح الباب
غلا/ مساء الخير
ادم/ شبحلها… مساء النور
غلا/ عربي
ادم/ بملل… ايه اي خدمة
غلا / لا شكرا انا اسمي غلا وهذا حوشنا لو احتجت حاجة
ادم/ بهدؤ… شكرا…
ولف فتح الباب وخش
غلا/ تشبحله بتركيز… تصبح على خير
ادم/ بمجاملة… وانتي من اهله…
وصكر الباب كان عقله وقلبه عند جوري وخذا كل تفكيره ????
جاء تسطح بتعب ع الكنبة وغمض عيونه للاسترخاء
ومن التعب والارق خذاه النوم وماوعيش الا على صوت الباب ايخبط بالقوة
نط قفز مش عارف روحه وين قاعد وقعد يشبح للشقة وتذكر انه في المانيا والباب مزال ايخبط صبي باهمال ماشي يفتح الباب اول ما فتحه خشت غلا بسرعة وصكرت الباب وقفت عليه و ادم قريب منها شبه لاصقة فيه
كانت غلا هاربة من عيلتها ولابسة سروال ضيق و تيشرت قصير فوق سرة البطن
ادم/ بنزعاج… لوسمحتي اطلع…
قطعاته حطت يدها على فمه ويد ع صدره
غلا/ حابة ابقى الليلة عندك ونتعرفوا على بعض بما انك عايش وحداني… وعضت ع شفتها ????
يتبع..
لقراءة الحلقة الرابعة عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
