رواية عاشقة الجحيم الفصل الأول 1 بقلم شهد مسعد

رواية عاشقة الجحيم البارت الأول

رواية عاشقة الجحيم الجزء الأول

رواية عاشقة الجحيم الحلقة الأولى

بتصحي بطلتنا على صوت مديره الملجأ
المديره بغضب وهي بتضرب نورسين:يلا قومي ي زفته عشان تنضفي الأوض
نورسين بتعب:بس انا مش هقدر انضفهم كلهم لوحدي
المديره
(سوسن) :هتقومي ولا احط السك.ينه على الن.ار واحر*قك
نورسين بدموع وتعب:لا خلاص والله هعمل اللي انتي عايزاه بس بلاش كدا انا جسمي وجعني اوي
سوسن بشر:طب يلا قومييي
قامت نورسين بتعب و صديقتها بتول حاولت تساعدها لكن نورسين رفضت عشان سوسن ممكن تعاقب بتول
نورسين عملت كل حاجه سوسن قالت عليها
بتول:يلا عشان تستريحي شويه
نورسين بدموع وتعب:انا مش عارفه هي ليه بتكرهني اوي كدا
بتول:عشان بنتها بتغير منك لأنك احلى منها
نورسين:الجمال عند كله نعمه لكن عندي نقمه انا كرهت جمالي لأنه سبب مشاكلي كلها
بتول:متزعليش دا ابتلاء من ربنا واكيد هيعوضك خير انشاء الله ويلا نامي عشان انتي تعبتي اوي.
نورسين:عارفه يابتول انا نفسي يجيلي الملك علي الحصان الابيض ويخدني من السواد اللي انا عايشه فيه
بتول بستغراب:هو مش كان الامير اللي بيجي علي حصان ابيض
نورسين بغرور مصطنع:لا م انا مش هقبل بي اقل من ملك
بتول بضحك وغرور مصطنع زي نورسين:ابقي شوفيلي صاحبه الملك عشان انا كمان لن اقبل بي اقل من ملك
نورسين:انتي عارفه ايه المشكله
بتول:ايه المشكله
نورسين:ان مافيش كلب هيعبرنا اصلا
بتول بضحك:اصلا يعني
نورسين بحزن ودموع: اصل مين اللي هيقبل يتجوز واحده من الملجأ
بتول:كتير يابنتي هو انتي مش شايفه نفسك مزه ازاي وبعدين هو انتي اعداداتك بايظه ولا ايه
نورسين باستغراب:ليه
بتول:اصل المفروض يعني ان احنا كنا بنهزر وبنضحك وفجأه لقيتك بتعيطي يبقي اعداداتك بايظه ولا لا
نورسين بضحك:بايظه
(دي مش نورسين دي انا😂)
بتول وهي بتضرب نورسين:طب يلا اتخمدي عشان ورانا شغل كتير بكرا
نورسين:ليه
بتول:هو انتي فقدتي الذاكره لا فوقي كدا ي حبيبتي دا بكرا السبت اليوم اللي بيجي فيه رجل الأعمال المشهور رسلان المحمدي بس هو انتي ليه مش بتحبي تطلعي وهو موجود
نورسين:م انتي عارفه اني مش بحب التجمعات وهو يوم م بيجي الدار كله بيكون واقف حواليه وانا بصراحه مش ناقصه خالص
بتول:بس بجد هو مز اوي عنيه زرقاء وشعره اسود وعنيه شبه عيون الصقر يبان عليه الحده بس هو حنين اوي صعبان عليا بسبب اللي حصله
نورسين:ايه اللي حصله
بتول:اصل اللي عرفته ان هو عمل حادثه من 3 سنين بس محدش يعرف السبب ومن بعدها وهو قاعد علي كرسي متحرك
نورسين بصدمه:ربنا يشفيه يارب بس هو عندو كام سنه
بتول:تقريبا 30سنه
نورسين:متجوز؟ م اكيد متجوز ايه السؤال المتخلف دا
بتول بضحك:لا مش متخلف عشان هو فعلا مش متجوز
نورسين:طب ليه يعني
بتول:اللي عرفته انو كان خاطب وفركش بعد الحادثه بس برضو معرفش ليه
نورسين:ربنا يكون في عونه اكيد شاف كتير بعد الحادثه دي
بتول:فعلا ربنا معاه
نورسين:طب يلا عشان ننام تصبحي علي خير
بتول:وانتي من اهله
نسيب أبطالنا يناموا في سلام
°°°°°°°°°°°°°°°°°°°°°°°°********°°°°°°°°°°°°°°°°°°°°
نروح عند بطلنا رسلان المحمدي
كان بطلنا ماسك صوره ليه هو ومامته
رسلان بدموع:ليه تسيبيني ي ماما انا محتاجك اوي كله سابني وبقيت لوحدي كل صحابي اللي كنت جنبهم وقت تعبهم سابوني معادا عمر هو الوحيد اللي كان بيحبني بجد مش انتي كنتي علطول بتقوليلي ابعد عن صحابك دول مش بيحبو ليك الخير وصاحب عمر بس اهو طلع كلامك صح ارجعي وانا والله هسمع كلامك علطول وفضل يبكي لغايط م دخل عليه والده “رأفت المحمدي”
رأفت بحنيه وهو بيحضن رسلان:ادعلها بالرحمه يابني
رسلان:انا مخنوق اوي ي بابا
رأفت وهو بيحضنو اكتر:عيط ي رسلان عيط وطلع كل اللي جواك
رسلان بغضب وهو بيمسح دموعه بعنف:لازم اجيب حق امي وهخليها ترتاح في قبرها
رأفت:هات حقها بس متجبهوش بطريقه توديك انت في داهيه
رسلان:متقلقش ي بابا انا مش صغير عشان تخاف عليا
رأفت:مش صغير بس انت ابني ومهما كبرت هتفضل ابني اللي بخاف عليه
رسلان وهو بيبوس ايد رأفت:ربنا يباركلي فيك ي حج
رأفت بي ابتسامه:ويباركلي فيك ي حبيبي هسيبك انا عشان تجهز نفسك و تروح الشركه
رسلان:تمام
خرج رأفت و رسلان لبس البدله السوده
ذهب رسلان الي مقر عمله و برغم انه قاعد علي كرسي متحرك لكن كل المواظفين كانوا مرعوبين منه
دخل رسلان مكتبه ودخلت وراه السكرتيره
السكرتيره بخوف:تؤمر بحاجه رسلان بيه
رسلان بجمود:هاتي ملف صفقه تركيا
السكرتيره:حاضر ي فندم شويه والملف هيكون عند حضرتك
وفعلا شويه والسكرتيره جابت الملف و رسلان فضل يشتغل كتير جدا لغايط م صحبه عمر جه
عمر بهزار:ساموو عليكوو
رسلان ببرود:اولا اسمها السلام عليكم ثانيا وعليكم السلام ي استاذ عمر جاي متأخر ليه
عمر:كيفي كدا
رسلان:وانا برضو كيفي بيقولي اطردك من الشركه
عمر بخوف مصطنع:خلاص ي عم بهزر معاك ايه مبتهزرش ي رمضان
رسلان:لا مش بهزر خير كنت جاي عايز ايه
عمر:مش عايز حاجه كنت بصبح عليك بس مش اكتر
رسلان:طب اتفضل اطلع برا وشوف شغلك وسيبني عشان اشتغل علي صفقه تركيا
عمر:تمام هروح اشوف شغلي عشان وحشني اوووي
رسلان بسخريه:الشغل ولا السكرتيره
عمر:طبعا السكرتيره
رسلان بعصبيه:اطلع برا ي عمر ولو شوفتك تاني انهارده هقتلك انت فاهم
عمر بخوف:خلاص متعصبش نفسك انا خارج
خرج عمر بس دخل راسه من الباب وقال:علفكرا انت مس هتعرف قيمتي غير لما اموت هتيجي علي قبري وتفضل تعيط وانا مش هسامحك
فجأه عمر لقي المسدس اترفع عليه ف طلع يجري
رسلان بعد م عمر مشي فضل يضحك علي صحبو المجنون اللي مستحيل يعقل
خلص رسلان شغله وبعد كدا روح ونام
°°°°°°°°°°°°°°°°°°°°°°§§§§§°°°°°°°°°°°°°°°°°°°°°°°°
في يوم جديد مليئ بالمفجأت عند بطلتنا
كالعاده بتدخل سوسن الحربؤه قاصدي المديره عشان تصحي نورسين
سوسن:يلا ي هانم عشان تنضفي الملجأ انا عايزاه بيبرق مش عايزه رسلان بيه يقول علينا مش بنهتم بيكم وبنضافتكم
نورسين بسخريه:طب م دا حقيقه ولا انتي هتنكري وعلفكرا بقا انا هقولو علي اللي انتي بتعمليه فينا ومش هسكت وهقولو ان انتي اللي بتاخدي الفلوس مش احنا
سوسن بعصبيه:انتي هتردي عليا اما انتي بت قليله الادب بصحيح ومحدش عرف يربيكي قومي يلا ي زباله عشان تنضفي الملجأ وعقاب ليكي مافيش اكل طول اليوم وكمان مش هتخرجي طول م هو موجود وابقي وريني بقا هتقوليلوا ازاي (وطبعا ضربت نور قبل م تخرج)
نور فضلت تعيط علي حظها بس مسحت دموعها حمدت ربنا وبعد كدا قامت عشان تتوضي وتصلي هي وبتول
وبعد م خلصوا صلي نضفو الملجأ وخلوه بيلمع
شويه و المديره حباستهم عشان رسلان وصل
رسلان وصل وكان جايب هدايه كتير للأطفال
بس اتفاجئ بعدم وجود بتول(بتول كانت اقرب واحده ليه من الاطفال اللي في الملجأ)
رسلان سأل سوسن عن بتول بس هي قالت انها تعبانه شويه ف هو اصر انو يشوفها وهي كانت رافضه لغايط م وافقت علي مضض عشان لو دخل هيعرف كل حاجه وهي هتتكشف
دخل رسلان عند بتول ولكنه اتفاجئ بي……..