رواية قضية إنكار نسب الفصل الثالث 3 بقلم أحمد سليم
رواية قضية إنكار نسب الجزء الثالث
رواية قضية إنكار نسب البارت الثالث
رواية قضية إنكار نسب الحلقة الثالثة
انا نايم مريض في السرير فون مراتي رن عملت الفون بتعها صامت ورتبكت وانا عملت نفسي غرقان في النوم هيا خرجت بره الاوضه وطلعت بره في الريسيبشن واتكلمت في الفون وقالت انا مش قلت متتصلش تاني عليا غير لما انا اتصل انا متمالكتش أعصابي وقلتلها مين ده إلي ميتصلش عليكي ده اتكلمي هيا اتخضت والفون وقع من ايدها علي الأرض رحت مسكت الفون لقيت الشاشه اتحرقت من الوقعه علي الأرض وتهشمت خالص قالت كنت بكلم اخويا عجبك كده كسرت الفون وانت بتتجسس عليا قلتلها لا ده مش اخوكي انطقي كنتي بتكلمي مين يا خاينه قالت انا خاينه الفون بتاعك معاك وتقدر تتصل عليه وتكلمه وتعرف كنت بكلمه ولا لاء اتصلت علي كريم اخوا مراتي الو ازيك يا كريم اخبارك ايه ….تمام الحمد لله يا ابو نسب اخبارك ايه واخبار نسمه كنت بكلم نسمه دلوقتي والفون فصل … اه فعلا الفون بتعها وقع من ايدها اتكسر خد كلمها … لا خلاص بعدين بقي عشان مشغول شويه دلوقتي
وقام كريم قفل المكالمه علي طول
مراتي بقي اشتغلت ليا في الازرق انت بتخوني انت بتشك فيا بعد العشره دي بتفكر اني بكلم حد عليك انت .. انت.. انت.. لو كده طلقني انا سحبت ناعم تاني بس دماغي قلبت يمين وشمال تاني ايه إلي يخليها تقول لاخوها متتصلش غير لما اتصل بيك ايه السر إلي بنهم ومش عيزاني اعرفه انا حسيت ان مراتي دي الفتره إلي سفرتها في الخارج اتحولت وتغيرت تغيير جذري ووراها حوارات كتير ولازم اعرفها انا بقي فضيت نفسي لها ومتبعها حتي في النفس إلي بتتنفسه
بس مش قادر امسك عليها حاجه واحد صحبي اتصل عليا وقالي الحمدلله علي السلامه ايه يا عم من لقا احبابه نسي صحابه فينك يا عم جيت ولا سالت عليا ولا عبرتني حته انا عرفت انك جيت من الغريب قلتله والله تعبان شويه متيجي عندي البيت حته اشوفك ونقعد في البيت برحتنا بدل الخروج والجو الموبوء ده قال خلاص انا هتعشا معاك بكره قلتله والله انت تشرفني والله
قلت لمراتي اعملي حسابك ان في صديق ليا هيتعشا معايا بكره واعملي اكل حلو وظبطي الدنيا
قالت ليا وانت من امته ليك صحاب او في حد بيجي ليك البيت اصلا قلتلها وانتي مالك ومين قالك اني مليش أصحاب هوه
عشان انا مبجبهمش عندي البيت يبقى ماليش أصحاب جهزي عشا حلو بكره ليا وصاحبي وإيجا ميعاد العشا والسفره اتجهزت واخدت صاحبي وقمنا عشان ناكل انا وهوه واكلنا مراتي دخله علينا بالشاي بعد الاكل انا اخدت كوبايه وصاحبي بيمد ايده ولسه بيقول تسلم ايدك يا ست الكل وشاف مراتي قال..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قضية إنكار نسب)
تعليق واحد