رواية عندما يعشق الظابط الحلقة الثانية عشر 12 بقلم حسناء السيد
 |
| رواية عندما يعشق الظابط الحلقة الثانية عشر 12 بقلم حسناء السيد |
رواية عندما يعشق الظابط الحلقة الثانية عشر 12 بقلم حسناء السيد
بعد ما أماني اتفاهمت مع أمان ووعدته انها مش هتخرج من غير اذنه تاني، راحوا ناموا وتاني يوم الصبح..
أماني: صباح الخير يا أمان
أمان: صباح الخير يا صديقتي
أماني: والله انا خايفاك تنسي في الحفلة وتقول يا صديقتي
أمان: معلش بقا لما ال٦ شهور يخلصوا كلهم هيفهموا كل حاجة
أماني: انت من امبارح قاعد تقول ٦ شهور وهم اصلا مر منهم ٥ شهور يا أمان فاضل شهر واحد
أمان امتلأت عيونه بالدموع وقال: وانتي مستعجله اووي كده يعني يا أماني ،عموما انا هروح اشوف القاعه اللي هنعمل فيها الحفلة
أماني: استني يا أمان
أمان: نعم في اي
أماني : كأنك هتعيط!!
أمان: أنا اعيط! لا طبعا مش بعيط
أماني: طيب بصلي كده
امان: انا همشي بقا يا اماني مش وقت الحركات دي سلام
أماني: ياعم استني بس اقف
أمان: سلام بقاا
أماني بإبتسامه : خلاص روح ..وبعدين أماني مسكت مذكراتها وكتبت فيها: بعد مرور خمس شهور علي جوازنا اتعلقت بيك جدا يا أمان،مش عارفه انا حبيتك امتي بصراحه ومش عارفه حصل كده ازاي اصلا،كل حاجة عملتها كانت علشان مصلحتي انا، بس دايما انا كنت فاهماك غلط، وللأسف مش هقدر أقولك اني بحبك لأني مش عايزه أفضل أحملك مسؤولية حمايتي،انت دايما شاغل بالك بحمايتي بس انا مقدرش اتعبك في حياتك اكتر من كده أنا آسفه يا حبيبي ،عارفه انك مش هتشوف الكلام ده غير بعد شهر من دلوقتي علشان هنكون انفصلنا عن بعض،في الشهر اللي جاي ده هيكون اول عيد ميلاد ليا معاك وللأسف هيكون اخر عيد ميلاد،بس حتي لو انفصلنا انا هفضل اتمنالك الخير كل العمر،وكمان ٣ أسابيع هيكون عيد ميلادي في يوم****هيكون بتاريخ****
وبعدين قفلت مذكراتها وراحت حطتها في الدولاب وطلعت الحديقه وقعدت تشم في الورود وبعدين أمان اتصل
أماني: ايوه يا أمان في حاجة
أمان: مالك اتخضيتي كده لأ مفيش حاجة كنت عايز اقولك ان في واحد هيجي دلوقتي علشان يوصلك الفستان اللي هتلبسيه في الحفلة
أماني: شكرا جدا يا أمان مش عارفه اشكرك ازاي علي كل اللي بتعمله معايا
أمان: لو عايزه تشكريني فعلا متسيبينيش
أماني: بتقول اي
أمان: ااا لا مش بقول حاجة بقول لو عايزه تشكريني فعلا جهزي نفسك بقا علشان اجي اخدك للحفلة بالعربيه
أماني: بس الفستان لسه موصلش..طيب ثواني كده في حد بيخبط علي الباب هشوف مين..أهو يا أمان الفستان وصل ،الله ده جميل جداا جداا ولونه جميل جدا انت ازاي عرفت اني بحب اللون الأوڤ وايت
أمان: سر المهنه بقا
أماني: ماشي يا حضرة الظابط يلا سلام
أمان: سلام يا منون
أماني: اي الإسم الجديد الحلو ده
أمان: بدلع صديقتي بقا عندك مانع
أماني: لا طبعا انت تعمل اي حاجة عايزها
أمان: ايوه كده اتعدلي ههههه
أماني: انتي بتضحك بالطريقة دي علشان تغيظني يعني بس ماشي هعديها المرة دي روح بقا شوف هتعمل اي علشان متتأخرش عليا
أمان: أمرك يا مدام..وقفل
وبعدين أماني ابتسمت لما أمان قال يا مدام وقالت في نفسها: انا عارفه انك قلت مدام من غير قصد بس صدقني يا أمان فرحتني جدا بالكلمة دي ربنا يفرح قلبك ويخليك يارب….عند أمان…
أمان في نفسه: انا قلت لأماني يا مدام وهي متكلمتش بس انا قفلت علي طول معطيتهاش فرصة ترد اصلا ياريتني افضل اقولها يا مدام دايما بس انا مش هقدر اجبرها علي حاجة هي مش عايزاها ،انا عارف انها اتأذت كتير بسببي بس كل حاجة عملتها كانت علشان مصلحتها بس انا مش عارف انا حبيتها امتي وازاي اصلا لكني مقدرش اقولها علشان مش عايز اخليها تعيش ايام وحشه اكتر من كده …وبعدين قال: ياربي انا هروح اشوف اخر تحضيرات الحفلة واروح اجيب أماني علشان متأخرش عليها …وراح شاف تحضيرات الحفلة وبعدين ركب عربيته وراح يجيب أماني واول ما وصل البيت راح فتح باب الأوضة وكانت أماني بتلبس الخمار بتاعها وبعدين قالت: انت جيت ثواني بس انا خلصت اهو كنت بظبط الخمار بتاعي بس ولكن أمان فضل باصص لأماني مسحور في جمالها وقال: بسم الله ماشاء الله اي الجمال ده ،أماني اتكسفت وقالت: طيب نمشي بقا يلا
أمان: يلا بينا ..وراحوا ركبوا العربيه ووصلوا الحفلة وبعدين دخلوا وسلموا علي الضيوف والعميد قال: برحب بكل الموجودين في الحفلة،طبعا الحفلة دي اتعملت علشان احنا طلبنا نروح نبارك للظابط أمان علي جوازه ولكن هو اللي عملنا الحفلة بنشكرك يا حضرة الظابط علي كل اللي بتقدمه للبلد وعلي مجهودك
أمان: ده واجبي يا حضرة العميد
أمان: دي مراتي أماني
العميد مد ايده وقال: ازيك يا مدام أماني اتشرفت بمعرفة حضرتك
أمان: حط ايده في ايد العميد وقال: المدام مش بتسلم
العميد فضل يضحك وقال: انت غيران علي مراتك مني يا أمان جري اي يابني ده انتي قد ابني
أمان شعر بالخجل وقال: انا اسف مكنش قصدي بس هي فعلا مش بتسلم
أماني: اتشرفت بمعرفة حضرتك يا حضرة العميد
العميد: الشرف ليا انا يابنتي،لو أمان زعلك قوليلي بس وانا هعاقبه انا عارف انه شقي
أماني: ياريت كل الناس عندها أمان يا حضرة العميد،كان زمان كل الناس مبسوطه لو عندها أمان وبعدين أمان انبسط جدا بكلام العميد ولكن انقعطت تلك الفرحة علي صوت العميد قائلا: ربنا يخليكوا لبعض يا بنتي مراتك شكلها بتحبك اووي يا أمان حافظ عليها يابني وأوعي تسيبها في يوم وبعدين أمان امتلأت عيونه بالدموع لأنه افتكر ان باقي شهر وهيفترقوا وبعدين اماني هي كمان زعلت بس راحت وقفت مع مرات العميد وأمان فضل واقف مع العميد وفرقته وفضلوا شوية في الحفلة وبعدين أماني قالت: أمان يلا نرجع البيت بقا انا زهقت
أمان: طيب استني شوية لسه بدري
أماني: لا مش عايزه اقعد بقا انا زهقت
أمان: ماشي يلا نمشي .. وراحوا سلموا علي العميد وركبوا العربيه ورجعوا البيت واماني راحت غيرت هدومها وبعدين امان دخل العربيه في الجراچ ودخل الأوضة وقال: أماني انتي تعبانه ولا حاجة
أماني: لأ مش تعبانه عايزه انام بس
أمان: ماشي تصبحي علي خير …وراح فتح الدولاب علشان يغير هدومه وبعدين دفتر مذكرات أماني وقع من الدولاب وأمان فتحه وقعد يقرأ اللي فيه وشاف كل حاجة مكتوبه فيه و…..
يتبع..
لقراءة الحلقة الثالثة عشر : اضغط هنا
لقراءة باقي حلقات الرواية : اضغط هنا
