رواية حلمي أنت الحلقة الثانية عشر 12 والأخيرة بقلم أميرة
 |
| رواية حلمي أنت الحلقة الثانية عشر 12 والأخيرة بقلم أميرة |
رواية حلمي أنت الحلقة الثانية عشر 12 والأخيرة بقلم أميرة
فضلوا قاعدين برا في التلج لوقت كبير وقاموا دخلوا البيت تاني سليم بيفتح الباب وداخل وعشق وراه شاف أميره قاعده مكانها بس نايمه
سليم جري عليها وحضنها:اميره أميره انتي كويسه أميره
عشق:مش رجعت بيتها هاااااااه
سليم:بس مش بتصحي، اميره حبيبتي
عشق:هجبلك مايه
جابت مايه ورشوا علي وشها بس مصحيتش سليم شالها ونيمها في اوضتها
عشق:يا تري هتفضل نايمه زي المره اللي فاتت
سليم قاعد جنب السرير علي الارض وباصصلها وعيونه مليانه حزن ودموع
…جيه الليل واميره لسه نايمه وسليم قاعد جنبها وعشق رجعت بيتها بعد إصرار من سليم وتبقي تيجي تشوف أميره بكره
…عدي يومين من غير ما يحصل حاجه وأميره لسه نايمه وعشق بتيجي تقعد معاها علي ما سليم يروح الشغل وكرم عرف وبقي يروح يشوفها ويقعد معاها شويه ويمشي
اليوم ال17 بالليل قاعدين سليم وكرم وعشق في بيت سليم
كرم:قولتيلي انك هتتفرجي علي البرنامج اللي هكون فيه بس متفرجتيش قومي بقي
عشق:هتقوم وترجع تضحك معانا
سليم:نايمه شبه الأميرات أول أميره تدخل حياتي وهتفضلي أميرتي متسبنيش علشان خاطري
اميره بتفتح براحه وتغمض تاني:سليم
كلهم فرحوا اوي وكرم نط قعد علي السرير جنبها هو وعشق
سليم بفرحه:انا هنا يا قلبي انتي كويسه
اميره هزت رأسها بمعني اه
عشق:اجيبلك تاكلي
اميره:جعانه أوي
كرم:طبعا هتبقي جعانه دانتي نايمه من بقالك يومين واكتر
اميره:يومين
كرم:اه ياختي يومين ومش قومتي ولا بتتحركي
قامت أميره وقعدوا في الصاله وكلت…
سليم:انتي كويسه حاسه بتعب
اميره:لا انا كويسه متقلقش
عشق:ميقلقش دا البارد دا عيط عليكي
سليم:يلا كل واحد علي بيته يلا
كرم:خليني قاعد مع اميره شويه
سليم:كفايه اني مستحملك من بقالي يومين
عشق:وحشتيني اوي يا ميرو :وحضنتها”
كرم بيقلدها:ووحشتيني اوي انا كمان يا ميرو
ولسه هيحضنها قام سليم وقف قدامها وحضنه
سليم:مع السلامه يا حبيبي
كرم:طب هبقي اجيلك تاني يا ميرو سلام
عشق:وانا هجيلك بكره سلام
اميره:سلام
ومشيوا وسليم قام قفل الباب وراهم وراح قعد جنب أميره وفضل باصصلها ومتنح
اميره:إيه
سليم:ايه
اميره:ايه يا سليم
سليم:ايه يا اميره
اميره:يابني بعد بقي ومتبصش كدا
سليم:وحشتيني
اميره ضحكت
سليم:ووحشتني ضحكتك
اميره بكسوف:احم قوم نام
سليم:هنام هنا
اميره:خلاص خليك نايم هنا وانا هدخل اوضتي
وقامت وقفت سليم شدها قعدها
سليم:وانتي هتنامي هنا
اميره:مش عايزه انام
سليم:مش هكدب عليكي انا هموت وانام
وقام مدد رجله علي الانتريه وحط رأسه علي رجليها
سليم بصوت هادي:خليكي علشان خاطري
اميره هزت رأسها بموافقة
سليم:لما رجلك توجعك او عايزه تنامي قوليلي
اميره:ماشي
نام سليم وأميره قاعده بصاله وتلعب في شعره
اميره اتنهدت وقالت:مش خايفه من اللي هيحصلي هنا بس خايفه عليك لو مشيت وسيبتك لو بإيدي هسيب الدنيا كلها واعيش معاك “ضحكت” ونتجوز هلاقي فين واحد بعيون حلوه أوي كدا ولا ضحكتك ولا تكبرك
….اليوم ال 18 الصبح صحي سليم لاقي أميره نامت وهي قاعده
سليم:اميره اميره
اميره فتحت عينها وابتسمت:صباح الخير
سليم:صباح النور مصحتنيش ليه انا اسف رجلك وجعتك
اميره:لا عادي
سليم:طب خليكي وانا هاخد دش واعمل فطار نفطر
اميره:انا هقوم اعمله
سليم:لالا خليكي
وقام اخد دش وعمل فطار وقعدنا فطرنا واتفرجنا علي كرم علي النت واحنا قاعدين وسليم بيشرب قهوته
سليم:انا عندي شغل النهارده لازم اروح الشركه تيجي معايا
اميره:هاجي
سليم:انتي كويسه بجد حاسس انك تعبانه
اميره:لا انا كويسه اهوه
سليم:طب قومي اجهزي وانا هدخل اجهز
قاموا جهزوا ولبسوا وراحو الشركه
..في مكتب سليم..
سليم:ادخل
كرم:وانا بقول الشركه منوره ليه
اميره ضحكت
سليم:عايز ايه
كرم:بسلم ياعم، عامله ايه يا حب
سليم:يا ايه
كرم:يا صحبتي يا اختي عامله ايه
اميره:كويسه
كرم:تمام انا همشي علشان عندي تدريب كدا وهبقي اجيلك تاني نطلع نتمشي
اميره:سلام
سليم:مش هتروحي معاه
اميره:نبقي نتمشي كلنا كدا حلو
سليم:لما اخلص اللي ورايا ،انتي كويسه
اميره:دي المره الكام اللي سألتني فيها انتي كويسه
سليم:مش عارف قلقان
اميره:متقلقش انا كويسه
تليفون اميره بيرن…
اميره:الو
عشق بصوت عالي:انتوا فييييييييييين
اميره:يخرب بيتك مبقتش اسمع،،احنا في الشركه
عشق:تمام هجيلك باي
اميره:باي
بعد شويه جت عشق عند سليم وأميره
عشق:ادخل
سليم:لا
عشق:شكرا يا زوق، عامله ايه
اميره:كويسه
عشق:تعالي نطلع نشرب حاجه
اميره:يلا
عشق:باي باي يا سليم
سليم بصلها وضحك ومردش وبص للأوراق اللي قدامه
…ف كافيه الشركه..
عشق:تشربي ايه
اميره:نسكافيه
عشق:لو سمحت اتنين نسكافيه
اميره:بقولك
عشق:قولي
أميره:انا حاسه اني مش كويسه خالص مش عارفه تعبانه ولا خايفه ومتقوليش حاجه لسليم
عشق:طب نروح لدكتور
اميره:لالا مش عايزه اروح لدكتور
عشق:خوفتيني يا أميره طب عايزه حاجه اعملهالك
اميره:لا بس خلي بالك من سليم لو انا مكنتش موجوده
عشق:متقوليش كدا انتي هتفضلي معانا
اميره هزت راسها بمعني اه وشربت النسكافيه….
بعد شويه سليم جالهم
سليم:منورين في شركتي وفي كافيه شركتي
عشق:عارفين ان احنا منورين
سليم:انتي كويسه
اميره:يالهواي يا عشق الحقيني كل شويه يقولي انتي كويسه
عشق:اه ياعم كويسه اهيه وزي الفل
سليم:بطمن الله ،اميره تعالي اعرفك علي خالتي
اميره:مانا عارفاها
سليم:هعرفك عليها وانتي حبيبتي واقولها اخطبيلي القمر دي
اميره اتكسفت ومعرفتش ترد
عشق:موافقه
سليم:هو حد خد رأيك
عشق:هي مش هترد من كسوفها فرديت بدالها
سليم:طب تمام هخلص شغل ونروح سوا
مشي سليم علي مكتبه وأميره وعشق فضلوا قاعدين
بعد ما خلص سليم شغله راحو عند بيت عشق
عشق:ماماااااااااااااااااااااا
سليم:جاموسه مش بني ادمه طبيعيه دي
اميره ضحكت
ام عشق:سليم حبيبي تعال اقعد تعالي يا أميره
عشق:مفيش تعالي يا عشق
ام عشق:لا متجيش
سليم:عامله ايه يا خالتي
ام عشق:كويسه يا حبيبي انت عامل ايه
سليم:كويس انا جيت اقولك انهارده خبر هيعجبك أوي
ام عشق:خير
سليم:في بنت بحبها اوي ونفسي اخطبها واتجوزها
ام عشق:مين المحظوظه دي
سليم:أميره
ام عشق:أميره يا حبيبي انت بتحب أميره الصراحه تتحب الف مبروك ياحبايب قلبي “وقامت مزغرطه” وحضنتهم
اميره ابتسمت واتكسفت
ام عشق:طب نروح نتفق مع أهلها امتي
سليم:أهلها اه انا وأميره هنتفق مع بعض بقي ونبقي نقولك انا جيت اعرفك بس الاول
ام عشق:طب براحتكم استنوا ناكل سوا
سليم:لالا احنا هنمشي بقي
ام عشق:لا لازم تاكلوا الاول
سليم:معلشي يا خالتي مره تانيه عايزه حاجه
ام عشق:طب سلامتك خلي بالك من نفسك ومن أميره
عشق:باي يا ميرو
اميره:باي
…ف البيت ،دخلوا قعدوا في الصاله..
سليم:مع انك مش كنتي بتبطلي كلام بس ليه منطقتيش حرف واحنا عند خالتي
اميره:مش عارفه اقول ايه فسكت وكنت مكسوفه شويه
سليم:اهااا كنتي قاعده تضحكي ووشك أحمر كنتي عسل اوي
اميره:امممم ابعد
سليم:ولو مبعدتش
اميره:هعيط
سليم بعد وضحك:لالا متعيطيش
اميره:لوز فين
سليم:تلاقيه في اوضته خليه متناديش عليه
اميره:ليه
سليم:كدا اقعد معاكي لوحدي ،طلبت بيتزا واحنا جايين ع الطريق
الباب بيخبط…
سليم:ووصلت هقوم افتح
قعدوا كلوا وخلصوا..
سليم:اعمليلي قهوه بقي
اميره:مش لازم تشرب بقي يا سليم
سليم:بترفضي طلب زوجك المستقبلي من دلوقتي
اميره:مش قادره اقوم اعمل مش مهم بقي
سليم:اوكي مش مهم بس بشرط
اميره:ايه الشرط
سليم:حضن كبير لزوجك المستقبلي
اميره:هقوم اعملك القهوه
وقامت جريت تعمله القهوه..
اميره:اتفضل
سليم:ميرسي يا قلبي
اميره:انا هقوم انام
سليم:خليكي قاعده شويه نتفرج علي التلفزيون
اميره:حاضر
سليم:مش عايزه تسأليني عن حاجه بخصوص حياتي
اميره:امممم احكيلي عن مامتك
سليم:امي كانت جميله زيك كدا وحنينه اوي كنت بحبها وكنت متعلق بيها اكتر من أي حد محبتش حد قدها ولا حبيت غيرها قبل ما اشوفك يعني اتوفت الله يرحمها موتها كسر مكان في قلبي محدش قدر يصلحه وخالتي اللي وقفت جنبي بعد موتها فبحب خالتي اوي برضه
اميره:ربنا يرحمها اسفه لو خليتك تحكي غصب عنك
سليم:لاعادي احكيلك اللي انتي عايزاه وجيتي انتي حبيتك وعشقتك واتعلقت بيكي ومبقتش اقدر اعيش يوم من غيرك
اميره:يا لوووووووووووووز
سليم:تمام تمام مش هقرب منك
اميره ضحكت
…قعدوا يتكلموا شويه وقامو ناموا
اليوم ال 19 الصبح صحي سليم قبل أميره فقلق عليها خبط علي الباب
سليم:اميره
اميره:نعم
سليم:انتي كويسه
اميره:ايوه
سليم:طب قومي يلا
…قامت وفتحت الباب وسليم كان واقف لسه حضنته بسرعه حضنته اكنه حضن الوداع اكنها مش هتشوفه تاني دمعت ودموعها نزلت علي رقبته
سليم بقلق:مالك يا أميرتي انتي بتعيطي
اميره وهي لسه في حضنه وبتعيط:خايفه أوي
سليم:ليه خايفه ليه انا معاكي اهوه انتي حصلك حاجه تاني نروح المستشفى مثلا لو حاسه انك تعبانه
اميره مقدرتش ترد وفضلت حضناه وتعيط وهو يطبطب عليها براحه ويهديها
سليم:بس خلاص اهدي واتكلمي معايا متخافيش
اميره بعدت عنه وبتمسح دموعها
سليم:تعالي نقعد
خدها وقعدوا في الصاله
سليم:مالك احكيلي حلمتي بحاجه
اميره:لا بس من امبارح وانا خايفه اوي والنهارده خايفه اكتر حاسه بخوف جامد اوي حاسه ان في حاجه هتحصل
سليم:لا اهدي مفيش حاجة هتحصل اهدي انا معاكي مش هسيبك
اميره:مش هتسيبني
سليم:مش هسيبك يا قلبي
..بعد شويه أميره هديت وقامت غسلت وشها وسليم قام عملها فطار وقعدوا فطروا
سليم:انتي كويسه شويه دلوقتي
اميره هزت راسها بمعني اه
سليم:مش رايح الشغل النهارده خلينا نرتاح في البيت احسن
..وقعدوا طول النهار في البيت لحد الليل..
الباب بيخبط وسليم قام فتح …
عشق:مش وحشتني خالص
سليم:ادخلي
عشق:ميرووو عامله ايه ،ايه دا مالك
اميره:مفيش حاجه
عشق:ازاي يعني انتي باين انك كنتي بتعيطي خالص وحزينه كدا “بصت لسليم” في ايه يا سليم
سليم:مفيش حاجه هي كانت خايفه شويه
عشق:ليه حصل حاجه
سليم:لا بطلي أسئله بقي
عشق:طب قوموا نطلع برا نفرفش شويه بدل الجو الكئيب دا
سليم بص لأميره:عايزه نطلع شويه
اميره:ماشي يلا
قاموا غيروا هدومهم وركبوا عربيه سليم ومشيوا
سليم:هنروح فين
عشق:تعالو نتفرج علي اللبس
سليم:تمام
عشق:هنا يا سليم اقف المحل دا حلو
نزلوا ودخلوا المحل…
عشق:اميره بصي بصي البلوزه دي حلوه
اميره:حلوه
سليم:اميره اختاريلك طقم نشتريه
اميره:مش عايزه يا سليم مانت اشتريت كتير
سليم:علشان خاطري اعتبري دي هديه مني
اميره:طب اختار معايا
عشق:وانا مختارش
سليم:وماله ياختي اختاري اللي انتي عايزاه
عشق:اخويا اللي مليش غيره
ولفوا في المحل واختاروا لبس ويدخلوا يقيسوه ويتصوروا بيه ويطلعوا لحد ما اشتروا اللي عايزينه وطلعوا
عشق:قولنا نختار طقم واشترينا المحل وطلعنا معلشي يا سليم اعتبرني بنت خالتك واعتبر اميره مراتك
سليم:ولا يهمك علشان خاطر اميره بس
عشق:هاتولي عموووووري بسرعاااااه
سليم:هو فين صحيح
عشق:سافر في شغل
سليم:تمام،،،أميره انتي كويسه
اميره:ايوه كويسه
عشق:بصوا بصوا بلالين ملونه هناك اهيه تعالو نشتري
سليم:فين دي
عشق:الناحيه التانيه من الطريق اهيه
سليم: اهاا طب يلا نعدي
كانو بيعدوا للناحيه التانيه ولكن فيه عربيات كتير
عشق:هنعدي بعد العربيه دي تمام،،،يلااااا
سليم وعشق عدوا وأميره فضلت واقفه مكانها قلبها بيدق بسرعه وخايفه وبتتنفس ببطء
سليم من الناحيه التانيه:اميره خليكي مكانك وانا هجيلك اخدك متخافيش تمام
اميره هزت راسها بمعني ماشي،،،ولسه قلبها بيدق جامد وبقت تتنفس بصعوبه ودايخه
عدا اتوبيس كبير من قدامهم سليم بيبص بعد ما الاتوبيس عدي لاقي أميره اختفت والشنط اللي كانت ماسكها واقعه في الارض وتليفونها واقع مكان ما كانت واقفه
عشق وسليم اتصدموا
سليم وعشق عدوا جري ناحيه ما اميره كانت واقفه
سليم بزعيق:هي فين هي فين معدتش صح
عشق:لالا معدتش ملهاش اثر
سليم وعيونه مليانه دموع:عشق اختفت تاني اختفت تاني كانت حاسه ان هيحصل حاجه كانت خايفه طول الوقت
عشق:اهدي يا سليم يمكن يمكن ترجع زي المره اللي فاتت
الست العجوزه من وراهم:مش هترجع
سليم:انتي ،ايه اللي بتقوليه دا مش هترجع ليه
الست العجوزه:وقتها خلص هنا انساها يابني
سليم بصراخ يقطع القلب:لاااااااااااااااااااااااااا اميرااااااااااااااااااااااااااااااه
وقعد في الأرض وعشق قعدت جنبه حضنته وفضلوا يعيطوا
عشق للست العجوزه:وهي فين دلوقتي
الست العجوزه:هتبقي في بيتها
سليم بعياط وصوت رايح:كانت حضنتني الصبح كان حضنها معناه الوداع
الست العجوزه:بيتها هيكون الامان ليها اكتر من هنا يابني
سليم بعياط:مش هقدر اعيش من غيرها مش هقدر اااااااااااه اميرااااااااااااااااه “فضل يعيط ويصرخ باسمها ومبقاش قادر يقوم من علي الارض وعشق قاعده جنبه عماله تعيط مش عارفه تخليه يقوم ويهدي رنت علي باباها وقلتله علي المكان اللي هما فيه وان سليم تعبان اوي فييجي ياخدهم
خمس دقايق وابو عشق وصل بتاكسي سند سليم وركبه عربيته وعشق ركبت وابوها ركب وطلع بيهم علي بيت عشق
اول ما وصلوا البيت سند سليم وطلعوا علي اوضه فاضيه واتصل علي دكتور ييجي يشوفه لان سليم كان فقد اعصابه ومش قادر يبطل عياط وصراخ باسم أميره جيه الدكتور واعطاه مهدئ وطلع من الاوضه
ام عشق: ابني عامل ايه يا دكتور
الدكتور:عنده انهيار عصبي و عمال ينادي باسم اميره هي ماتت
ام عشق:يالهوي هي اميره ماتت يا عشق
عشق بعياط:لا يا ماما بس مش هترجع تاني
الدكتور:طب انا اعطيته مهدئ ونام وكتبتلكم علي الأدوية دي هتهديه برضه الف سلامه
ابو عشق:الف شكر يا دكتور اتفضل
ام عشق:احكيلي يابنتي ايه اللي وصل سليم لكدا تاني كان كدا لما امه ماتت ربنا يرحمك يا حبيبتي وبقي كويس ايه اللي حصل رجعه لكدا
عشق:تعالي يا ماما نقعد وهحكيلك
خدت عشق مامتها وحكتلها كل اللي حصل من اول ما أميره جت لحد ما مشيت وهي مش مصدقه اللي عشق بتقوله
ام عشق:هو دا كلام يتصدق يابنتي
عشق:بس هي دي الحقيقة يا ماما خلينا جنب سليم اليومين دول
….في جانب تاني خالص بعيد عن سليم وحياته..
كانت أميره نايمه في اوضة جلوس علي الركنه وتليفونها علي طرابيزه قدامها وعمال يرن والتلفزيون شغال علي مسلسل تركي فجأة صوت حد داخل عندها
الشخص:أميره،، ياحبيبتي “وبيمسح علي شعرها”
أميره فتحت عيونها براحه شافت قدامها شخص عيونه رصاصي وشبه سليم بالظبط
قامت بسرعه حضنته:سليم متسبنيش
الشخص:مش هسيبك انا اسف
اميره:اسف ليه
الشخص:علشان زعقت معاكي وطلعت برا وسيبتك
قامت بعدت عنه بسرعه ودفعته وقعته علي الأرض:انت مين
الشخص:مين ايه يابنت المجنونه
اميره:انا فين فين عشق فين سليم فين كرم
الشخص:فين سليم ازاي امال انا خياله انتي كنتي بتحلمي ولا ايه
# ايوه فعلا الشخص دا هو سليم جوز أميره و ظابط ومتجوزين من 9 شهور ابوه عايش لكن أمه ماتت لكن اهل اميره عايشين..
اميره:فين أرورا
سليم:اقولك فين ومتزعليش وانتي بتسالي علي كرم ليه
اميره:انت مين
سليم:لا بقي انتي كدا مش هتفوقي انا هعرف ازاي اصحيكي
شالها ودخلها الحمام وشغل الدش عليها
اميره:ياااااااااااااااااااح المايه تلج حرام عليك
سليم:صحيتي ولا لسه
اميره:صحيت صحيت سيبني
سليم:انا مين
اميره:سليييييم سليم جوزي انا كنت بحلم بحلم
سليم:ايوه كدا صحيتي “وطلعها من الحمام وقفل الدش”
اميره دخلت اوضه نومهم وقعدت علي السرير:هاتلي فوطه
سليم جابلها فوطه ورماها ليها:امسكي
اميره:ايه الغباء دا يا سليم حد يحط حد تحت المايه كدا
سليم:انتي اللي عصبتيني انت مين انت مين وفين كرم ممكن اعرف بتسالي علي كرم ليه جاي اتأسفلك تقوليلي انت مين وكرم فين عايزاني اعمل ايه
اميره:كنت بحلم والله حلمت اني في بلد اسمها أرورا
سليم:أرورا يخرب بيت المسلسلات اللي بتتفرجي عليها
اميره:اقعد احكيلك دا حلم طويل اوي
سليم:احكي
اميره:حلمت ان …………………………. وبس كدا
سليم:حلمتي بكل دا وانا سايبك من ٣ ساعات بس
اميره:اه والله
سليم:ودفنتي ابوكي وابويا بالحيا
اميره:كان حلم بقي ،بس انا زعلانه اوي
سليم:ليه
اميره:علشان سيبت سليم لوحده
سليم:يا صبر أيوب يابنتي مفيش سليم غيري
اميره:خلاص خلاص مش هتفهمني الحلم دا مكانش حلم عادي دا كان بيتحقق فيه أمنياتي واني اشوف التلج كدا يا سلاااام
سليم بسخريه:اه دخلتي بلد فيها تلج من دولاب اهلك
اميره:هتتريق علي دولاب اهلي هتريق علي دولاب اهلك يا سليم وخلي الليله تعدي وانا افتكرت انك زعقتلي ومشيت طلعت برا وانت عارف اني بخاف ابقي في البيت لوحدي بالليل
سليم:خلاص قولت اسف قولي انتي كمان
اميره:هتأسف ليه يا سليم انا معملتش حاجه غلط هو كرم كان بيتصل علشان يقولي ان المدرسه عامله اجتماع للمدرسين بكره وقولتلك انا وكرم بندرس موسيقي يعني ماده واحده فطبيعي نبقي مجرد اصحاب شغل
سليم:وانا وافقت انك تنزلي الشغل بعد إصرار منك تقوليلي كمان ان كرم زميلك في الشغل انا كدا اتعصب واجيب ناس تتعصب
اميره:هوف يا سليم خلاص بقي وجعتلي دماغي اطلع برا علشان اغير
سليم:هو ايه اللي اطلع برا انا جوزك يابنتي
اميره:اه نسيت
سليم:طب تعالي افكرك تاني بقي شكلك مصحتيش
اميره:لااااااا يا سليم حرام عليك المايه تلج
سليم:خلاص متعيطيش
اميره:اطلع بقي علشان اغير هدومي
سليم:برضه
اميره:يا سليم اطلع بتكسف اغير قدام حد
سليم:هو انا حد دانا جوزك والله
اميره:علشان خاطري علشان خاطري
سليم:طب بسرعه علشان اغير انا كمان
اميره:حاضر
…غيرت وطلعت..
اميره:قوم ياخويا
سليم:ماشي ياختي عشق بنت خالتي بعتالك رساله
اميره:ماشي هرد عليها اهوه
سليم:وأيتن اختها بعتالك رساله
اميره:لا دي هعملها بلوك
سليم ضحك:هنروح عندهم بكره خالتي وحشاني
اميره:اه ولما نروح ونرجع بيتنا نقعد نتخانق بسبب ان أيتن كانت قاعده جنبك ليه وبتكلمك ليه وشوفت بتدلع قدامك إزاي
سليم:انتي اللي غيوره دي بنت خالتي زي اختي يعني اشمعنا بتغيري عليا منها ومش بتغيري عليا من عشق
اميره:علشان نظرتها ليك تبين انها بتحبك مش عارفه ايه دا بتحبك وانت متجوز إزاي وهي مش بتحبني انما عشق عسل بتحبني وبتحبك كأخ
سليم:طب هدخل اغير واجي
اميره:اوكيه اوكيه
…دخل غير هدومه وراح قعد معاها قدام التلفزيون
سليم:بتتفرجي علي ايه
اميره:مسلسل تركي
سليم:يا أميره زهقت من التركي زهقت
اميره:اجبلك مسلسل كوري
سليم:كمان
اميره:كل فشار واتفرج
سليم:حاضر،قوليلي بقي كنتي حبتيني في الحلم برضه
اميره:شوفت بقي حبيتك اوي في الحلم وفي الحقيقه يا حلمي أنت يا قمر
سليم: وانا بعشقك يا أميرتي
تمت
لقراءة باقي حلقات الرواية : اضغط هنا
نرشح لك أيضاً رواية الخادمة والأمير للكاتب محمود حماد.
