رواية الوقوع في الحب الحلقة الحادية عشر 11 بقلم هبوش
 |
| رواية الوقوع في الحب الحلقة الحادية عشر 11 بقلم هبوش |
رواية الوقوع في الحب الحلقة الحادية عشر 11 بقلم هبوش
روح يامن من النيابة وجاي يحكي للحاج
يامن/ دق الباب وخش… مساء الخير ياحاج
ح سليمان/ متسطح ع السرير… ااانت بالذات ان شاءالله ماتشوف الخير في حياتك كيف ما مسود وجهي بين الناس ????
يامن/???? توا اني شن دخلني مااافيش الا انا في الحوش تدعي عليه الحق عليا جاي نحكيلك شن صار معانا…
وجاء بيطلع زعلان
ح سليمان/ تعااال هناااا مزال ماكملت كلاااامي
يامن/ بنفخ… لا حول ولا قوه الا بالله…
خشت صفية اتعارك
صفية/ توا مش قالك سامي ماتجهدش روحك خليك في صحتك الله يهديك…
ح سليمان/ صحتي كلوها اعيالك ماخلوش هم ماضوقوه لياااا كان ربي ايحبني ياخذني ويريحني منهم ومن عارهم
يامن/ اوووف توا شن جدد عليك بس
ح سليمان/ بغضب…انت تعرف شن داااير
يامن/ بثقة… تكذب عليك انا مادرت شي تبي تتبلا عليا وخلاص بعد ماكشفتها على حقيقتها ????
ح سليمان/ هز راسه…اااهاااا صار هك مالا غدوة بعد العصر بتقراء فاتحتك انت وخوك
ادم ياخذ مرته ايسافر بيها ايعالجها وانت اتجيب مرتك للحوش
يامن/ بغضب… شنووو مستحيل نتزوجها هذه خبيثة مااتعرفهاش ????
ح سليمان/ باصرار… غصب عليك تاخذها لو ماتزوجتها لا انت ولدي ولا نعرفك وقلبي وربي غضبانين عليك ليوم الدين ????
صفية/????
يامن/ ???? مش هكي ياحاج البنت كذابة و تلعب علينا ????????….
ح سليمان/ فنص فيه وبصرار … تاخذها ولا تنسى عندك اهل؟ ونغضب عليك لين انموت ????
يامن/ بالله عليك ياحاج خليني نحكيلك بيش تعرف حقيقتها انا كنت كيفك مغشوش فاها الوا… قاطعه الحاج
ح سليمان/ مانبيش نعرررف حتى لو كان فاها مية عيب انت مش خير منها الغلط راكبك من راسك لساسك… وفنص فيه????
… هي كلمة وحدة تتزوجهااااا ولا لاااااا
صفية/ تنغز فيه… قوله باااهي تربح مش ناقصين هم فوق همنا ????
يامن/ شبحلها بزعلة… يااامي حتى انتي
صفية/ بتجداي… عشاان خاطري ساد خوك كاسر ضهري ومسهري ليلي ????
يامن/ شبحله بعتب… بااهي ياحاج دير اللي ايريحك… ورجع شبح لامه☹️ وطلع
صفية/ شن فائدته الزواج اللي بالغصب لا ح يرتاح لا هو ولا هي
ح سليمان/ خليه يتحمل مسؤولية اعماله ساد ماتسترت عليه
صفية/ تنهدت بوجع… ربي ايفرج علينا والله قلبي ماعاد يتحمل ومشغولة على معاذ مش متعود ع البهدلة ياكبدي عليه زعما شن داير ????
ح سليمان/ شفتي نتيجة الدلال والدلع لو ربيناهم كويس راه مش هذا حالهم والله اعلم شن نهايتها ????
.
.
يامن/ شاد تلفون… هياااا رررردي ????… وعاود اتصال ثالث مرة
انا/ نشبح للتلفون في يدي… لو تتصل للصبح مانرد عليك ياااتافه ????????
يامن/ عزق تلفونه بعصبية… مااااشي ماتردش و ديري اللي براسك توا اتشوفي شن مستنيك ????…
كان متخيل اني اللي حكيت للحاج و زواجنا غدوة من تحت راسي
واني مش عارفه حاجة قاعدة واجعني اللي داره يامن وكسر بخاطري وهز صورته اللي كنت شايفته فاها ???? تمنيت لو ان اللي صار كان حلم وان يامن ايحبني حتى نص حبي له ???? مش عارفه ليش حبيته و كيف بس اني حبيته وخذا قلبي معه ????
كنت طول عمري قوية ومافيش حد يكسرني و كذا شخص وعدني وطلع عيل بس مازعلتش عليه ولا اثر فيا بحاجة
الا يامن من اول لقاء شبحته فيه سيطر على تفكيري وقلبي ????????
فات الليل ع الكل بضيق وتفكير
في حوش خالتهم غالية ايخمموا على جوري وعبود وجمعوا افلوس حق المحامي وطلعت غالية ذهباتها اتساعد على عملية جوري
و صفية اللي مستندة جنب الحاج وعقلها عند معاذ ودمعتها على خدها ????
ولا الحاج اللي شايل هم وثقل كبير فوق من استطاعته بهالعمر ????
و يامن اللي كان حر نفسه وعايش الدنيا بمزاجه ح تتغير حياته بارتباط مبني ع الشك ????
اما ادم امقعمز برا في اجنان المستشفى ايدخن وحزين على جوري خايف يفقدها وفي راسه الف سؤال شن الصدمة اللي اثرت عليها وتعبلها قلبها و عارف ان هو اخر شخص كلماته قبل ماتمرض وكانت تهدرز عادي و تضحك و مافيش حاجة مضايقتها كان حاير في السبب ????????
و في داخل المستشفى كان سامي مع دكتور عمران يعطي فيه تقرير من المستشفى بيرفعهون مع جوري و نبه عليه ان ايحافظ على نفسيتها الفترة الحرجة حتى ماتنتكس حالتها وضرورة الراحة البدنية اقل شي ست اشهور ويمنعوا عليها الزواج والحمل في الفترة هذه ????
وعند حنين راقدة جنب سراج اللي معطيها بضهره وتشبحله وتسال في نفسها هل هي فرحانة ان ح تطلق منه و في نفس الحظة خايفة من ردت الاهل والمجتمع برغم ان مزالت عذراء بس انحسب عليها زواج واسمها بين قوزين ( مطلقة)
و في جنبها سراج كان واعي ويتذكر في حادث قديم اثر على ذكوريته و كان زواجه بس ك علاج وتذكر كلام دكتور في تونس اللي تابع عنده انه ايجرب حياة جنسية بدون مايكون في جماع ومع الممرسة احتمال ايصير عنده انتصاب بس سراج
كان خايف ماينجحش خاصا حتى بعد شبحها بمفاتنها ماحسش باي شهوة اتجاها
وقرر ان ماياخذش بكلام الدكتور والغى فكرة المعاشرة ودار عذر ان في حياته بنت ثانية ايحبها وفي نفس الوقت مش ح يطلقها بيش ماينفضحش لما تتزوج مرة اخرى ????
عند نجوى قاعدة مقعمزة وسط سريرها ودمعتها على خدها وتلؤم في نفسها ان ساعدت مريم تخش حياتهم وتشاركها بزوجها وعرفت ان الظلم اللي دارتهولي رجع عليها وان عمل الشر ح يولي على صاحبه حتى بعد اسنين ????♀️
اما عندي اني راقدة ونشبح لسقف الدار ونسترجع مواقف ليا مع يامن وكيف يتغير في لحظات ويتحول من شاب مغرور ومتكبر لطفل لطيف قلبه ابيض ???? خذيت نفس طويل بوجوع وتذكرت لما حاول يعتدي عليا وكلامه القاسي بحقي وجرحه ليا ????
عيون سهرانة وقلوب تتوجع طلع عليهم الفجر ومن ثم الصبح ☀ على نفس الحال ????
…………..????????????????????????????????????
ساعة ثمانيه
طلع دكتور عمران من عند جوري
د عمران/ دكتور سامي ممكن اتفضل معاي المكتب…
و ادم مقعمز جنب سامي في الانتظار ويشبحلهم
سامي/ بقلق… ان شاءالله خير يادكتور
د عمران/ لا ماتخافش موضوع شخصي
سامي/ اوكي… ومشى مع الدكتور وادم قلبه ماطاوعش لحق عليهم وقف ع الباب
د عمران/ تفضل قعمز
سامي/ قعمز وعيونه ع دكتور… جوري كويسة يادكتور؟
د عمران/ الحمدلله وضعها مستقر ان شاءالله نهاية الاسبوع تقدر اتسافر وادير العملية
سامي/ الحمدلله
د عمران/ عندي صاحبي دكتور ليبي في مستشفى برلين ح ايساعدكم ويشرف بنفسه ع الحالة هذا عنوان المستشفى وهذا رقم صاحبي دكتور هيثم
سامي/ خذا منه الكرت… بارك الله فيك
د عمران/ انا وصيته ايجهزلها سيارة اسعاف تستناكم في المطار لان انخافوا يرتفع عندها الضغط لا سمح الله
سامي/ الحق انا خايف تتعب ماتتحملش السفر
د عمران/ لا ماتخافش ح يكون في رعاية لحالتها ودكتور هيثم ح يكون معكم اول ماتوصلوا
سامي/ ان شاءالله
ادم/ باهي يا دكتور امتى انخشوا انشوفوها
د عمران/ اليوم توعى ان شاءالله وتشوفوها بس ممنوع عليها الكلام…
جت ممرضة طلبت الدكتور عنده حالة ايشوفها استاذن وطلع و سامي و ادم رجعوا قعمزوا في الانتظار جنب العناية وقعدوا يحكوا في مشكلة معاذ وعبود بعد ساعة فاقت جوري وخش شافها الدكتور وطلع عليهم ايخشوا ع السريع ايشوفوها
خش سامي الاول و ادم وراه
سامي/قرب منها وطبس عليها… جوري الحمدلله ع السلامة
جوري/ بصوت ضعيف… انااا وووين ليش دايرلي جهاز ياااسامي
سامي/ببتسامة… ماتخافش يا دلوعتنا هيا شدي روحك بيش اتروحي للحوش…
وقعد يمسحلها ع شعرها
ادم/ تقدم خطوتين… لاباس عليك ياجوري
جوري/ نفسها ارتفع… سااامي رروح بيااااا نبي الحوووش… ????
و قعدت تاخذ في النفس بصعوبة طلع ادم يجري نادا ع دكتور
وسامي حطلها الاكسجين على طول خش الدكتور يسرع وطلعهم برا وقعد معها ضربولها ابرة وبعد طلع عليهم
ادم / طمني يادكتور
د عمران/ الحمد الله استقر نبضها بس الاحسن نمنعوا عنها الزيارة الفترة ماقبل العملية
ادم/ ????????
.
.
بعد المغرب
انعقد قرأن ادم وجوري وبعدين جاء لعندنا الحاج سليمان واثنين من اقاربهم مع الشيخ و قريوا الفاتحة
خشوا عليا مرت خالي ونجوى ايباركلي ويسكتوا فيا قالبتها ابكاء بعد روحوا الشيابين
ح سليمان/ خش للحوش… يامن وين
صفية/ قاعد فوق مانزلش
ح سليمان/ اطلعي البسي وامشي معه جيبوا العروس
صفية/ بزعلة… مش وقتها ياحاج اتشوف في الوضع بروحك خليها عند هلها لين انتهنوا ع معاذ ويروحوا ادم وجوري انديرولهم حفلة وحدة وانجيبوها
ح سليمان/ بحزم… خلاص ياصفية حالف الليلة ما اتبات الا عنده
صفية/ تنهدت بوجع… الله يهديك هذا زواج يا حاج كيف بيخش عليها وهو مش طايقها
ح سليمان/ بزعلة… انا تعبت ياصفية من مشاكلهم لامتى نقعد انغطي وراهم
صفية/ ????
.
.
انا/ نبكي… ليش ياخالي اتوافق اتزوجوني له ليش ????
خ محمود/ الله غالب يابنتي هذا نصيبك هيا سلم بنتي عذبي الشيطان مايصحش المرأة قاعدة تستنى فيك تطلعي
انا/ والله حرام عليكم اهه اهه ????
عزيز/ دف الباب وخش… هياااا اطلعي قبل ما انطلعك من شعرك ????
خ محمود/ خلاص يا عزيز توا تطلع ماتحشمش بينا قدام الناس…
وعزيز شبحلي بتفنيصة???? وطلع
انا/ دمعتي نزلت… ياحشمتي اكيد توا متشمت فيا بعتوني بالرخيص ياخالي ????
خ محمود/ لا لله الا الله هذا زواج ياوردة يابنتي …
انا/ بوجع… زواااج قهههرتي ????…
قعمزت ع حافة السرير نمسح في دموعي
وخالي طلع على يامن برا ونجوي استاذنت من صفية وجت خشت عليا
طلعت حوايجي حطتهم في الشنطة وانا نشبحلها بكسرة????
نجوى/ وقفت جنبي… خوذي البسي عبايتك…
انا/ صبيت خذيتها منها… داري صكريها توا نرجعلها مش قاعدة عنده …
وقعدت نلبس
نجوي/ ????ديري بالك راهو ترجعيلنا حامل
… ????
انا/ بغضب… دمك ولا لبن حامض…
نجوي/ مشيت للباب… عمتك مستعجلة ماتعطلش…
وفتحت الباب وطلعت
خذيت وشاحي لبسته وحطيت تلفوني والشحن بشنطة اليد ومشيت لدار الضيوف سلمت على صفية بسلام بارد و طلعنا من الحوش
خذا خالي الشنطة طلعها ليامن اللي نزل من السيارة وخذها منه فتح صندوق حطها ورجع ركب في السيارة طلعت صفية قدامي
خ محمود/ واقف ع يامن… مانوصيكش
عليها وردة امانة عندك
يامن/ بهدؤء… ان شاءالله ياعمي
صفية/ وقفت شبحتلي… تعالي اقعدي لقدام
يامن/ باستعجال… لااا تعالي انتي ياام
خ محمود/ فتحلي الباب خلف يامن… ربي ايهنيك يابنتي
ركبت زعلانة وطلعنا وفي الطريق عم السكوت وكانه ماشين في ماتم
.
.
روح ادم من المستشفى وخش للحوش وكان ح سليمان مقعمز في الصالة يستنى فيهم ايروحوا
ادم/ جاء لعنده… مساء الخير
ح سليمان/ مساء الخير مبروك عليكم عقبال سلامتها ان شاءالله
ادم/ قعمز متوسد ع رجليه… ان شاءالله ربي يحفظك لنا ياحاج
ح سليمان/ كيف حالها جوري توا
ادم/ تنهد بضيق… والله مزالت تاعبة يستر الله
ح سليمان/ ربي كريم امتى موعدكم؟
ادم/ غدوة نمشي انكمل اجراءات والخميس باذن الله انسافروا…
ح سليمان/ هز رأسه… ان شاءالله على خير
ادم/ يشبح للحوش… امي وين!؟ ماشبحتهاش
ح سليمان/ ماشية مع يامن ايجيبوا في مراته
ادم/ اهااا !… وصبى… طالع اندوش تبي حاجة قبل مانمشي
ح سليمان/ لا توا امشي بعد ادوش تعال نبيك
ادم/ تمام…
و مشى لفوق فاتوا دقائق وانفتح باب الحوش خشت صفية
صفية/ السلام عليكم… وقعمزت تنحي في عبايتها
ح سليمان/ يشبحلها بتعجب… وينهم ما خشوش معك!؟
صفية/ بتمتمة… توا ايخشوا
عندنا برا????
يامن/ ماتبيش تنزلي
انا/ بغضب????… ماااانبيش
يامن/ احسن…
وفتح الباب نزل وخبطه
انا/ بنرفزة … حقووود…
مشى وصل للباب والتفت رجعلي
يامن/ فتح عليا الباب… هيااا انزلي
انا/ فنصت فيه…ماااتحلمش انكون معك في مكان واااحد مستحيل انعيش مع شخص مررريض وتاافه زيك
يامن/ بتعصب… ولا ااانا نبي انشوفك قدامي اصلا انجبرت لو هذا ماكنتي تحلمي انتزوجك حتى في احلامك????
انا/????????????
يامن/ خبط ع باب… انزلي نبي نقفل السيارة و امشي وين ماتبي مايهمنيش…
وقعد واقف يستنى ننزل
تاففت ونزلت
انا/ نشبحله بحقد… هياااا ااقفلهااااا سيارتك…
وخبطت الباب بالقوة قريب طيرته????
يامن/ عصب وعض ع سنونه…اانتي تبييي تربااااية من جديد ????
انا/ بهزوة… هه من اللي ايربيني ماااتقولش ااانت!!؟???? راهو مانسيتش شن درت ولا اتحب انذكرك ????…
ومشيت خشيت الحوش
يامن/ بغضب… باااهي ياااشوكة والله انسئيك حليب امك ????
انا/ نمشي باحراج… السلام عليكم كيف حالك ياعمي
ح سليمان/ وعليكم السلام اهلين ياوردة نورتي الحوش يابنتي
صفية/????
انا/ امنور باهله ياعمي…
خش يامن و وقف جنب الدروج
يامن/ تصبحوا على خير…وحط اول رجل بيطلع
ح سليمان/ عيطله… اااستنى وووين ماشي
يامن/ وقف معطيه بضهرة… خييييير ياحاج!!!
ح سليمان/ خووذ معك مرتك… وشبحلي
هيا يا وردة اطلعي مع زوجك
يامن/ بخبث… هيااااا ياعروسة ????…
قعدت نشبحله ورجليا تعقدوا معش قدرت ناخذ خطوة ونحس الارض تهتز تحت مني
ح سليمان/ فنص في صفية… زززغرطي ياصفية بخشت العروس
صفية/ بتمتمة… مايزغرط الا الرايق و الفرحان ياحاااج ????…
والحاج شبحلها بتفنيصة بمعنى زغرطي غصب
واني نمشي بخطوات اثقال
صفية/فوق من النفس… ???? لوووولي…
طلعت لفوق نمشي وراه وقف جنب الباب افتحه
يامن/ خشي ????…
طلع ادم من داره وجاء لعندنا
ادم/ مبروك ياعرسان زواج الدهر ان شاءالله…
واني شبحتله ماردتش عليه وخشيت
يامن/ فال الله ولا فالك…شبحله باستفهام
… شن صار عندكم
ادم/ الخميس ان شاءالله نمشوا
يامن/ تبي حاجة ناقصك حاجة قولهالي
ادم/ استند ع حيط… تبي الحق خايف نمشي معها ابروحي عشان بلال ح يمشي لتونس و سامي جوازه ماطلعش
يامن/ قوي قلبك الحمدلله العملية ناجحة ماتشيلش منها هم… وتافف…
الخوف عندي انا كيف بنتحملها الززززح
ادم/ ضحك… فعلا معك حق اتخاف باين عليها مش ساهلة.. وغمزله????
يامن/بانزعاج… والله ااني الفاضي نحكي معك… وخش لدار
وادم ضحك عليه ومشى نزل للحاج
واني كنت واقفة شبحته خش
انا/ وين الشنطة؟
يامن/ اي شنطة????
انا/ بنرفزة…شنطة الحوايج نبي انبدل حوايجي
يامن/ قعمز ع سرير… تلقيها في السيارة..
ونحى الشوز وحذفه باهمال
انا/ نشبحله… انزل جيبهالي ????
يامن/ بتعجرف… مانشتغلش عندك…
وصبى اينحي في قميصه
انا/ اوووف مالا من ايجيبهالي
يامن/ خذا شورت نص ركبة… انزلي خوذيها ابروحك اهو المفتاح…
و حذفه عليا شديته بسرعة قبل مايضرب فيا
وخش يامن للحمام مش امعبرني وقعد يتهزاء عليا صكر وراه باب الحمام و خش للدوش
انا/ انتاففف ????????… واااحد من الاثنين يا نقتله يا ننتحر ياااربي ????????…
نحيت العباية وقعمزت ع حافة السرير نستنى فيه يطلع ونهز في رجلي بانزعاج
فات تقريبا ربع ساعه وماطلعش عصبني
وصبيت خبطت عليه الباب
انا/ ✊✊✊ اااااطلع ياااستاذ..
.وزدت خبطت✊✊✊
يامن/ فتح الباب بانزعاج… خيرررر ااامك اااتخبطي مش عااارفتني ااندوووش ????
انا/ نرمش بسرعة ونتلكلك… نبي شششنطتي جيبهااالي…
وكان يامن عاري الصدر والمنشف ع جسمه من تحت
يامن/ رجع خش الحمام… تبي شنطتك انزليلها ماعنديش بيك ايوه علاقة ????
انا/ باستهزاء… مااالا علاااش اااسمك راااجلي راهو مش حلوة قدام عيلتك نجيبها وانت قاعد …????
( حتى راجلي???? ) معزوفة المتزوجات ????
يامن/ طلع من الحمام وتقرب لصق فيا… هذا فخ ولا قاصدة حاجة معينة قولي لو في حاجة في خاطرك ???? عاد مش ح نقصر معك ????…وزاد لصق
انا/ بلعت… لووووسمحت ااالزم حدددودك مااا…قاطعها
يامن/ بخبث… اللي نعرفه مااافيش احدود بيناتنا ماهو انا راجلك ????????
انا/ تراجعت خطوة… خليك بعييييد ااااحسن ????
زاد تقرب هلبا لدرجة انفاسه في وجهي غمضت عيوني بخوف وجسم يرتعش
يامن/ ???? اااحسن شنو؟
.
…………… ????????????????????????????????????
عزيز/ معصب… تي هياااا ااطلعي ماتعصبينش
مريم/ تنفخ… اووووف حرااام انعيش كيف الناس شن فاها لو اجرت حوش ليا اني بروحي ولا اخسارة فيا ????
عزيز/ حوشي كبير علاش اناجر… وتافف… استعجلي راهو ناعس نبي نرقد
مريم/ بزعلة… اااوكي…
طلعوا من الفندق ومشيوا للحوش افتح الباب وخشوا قعد اينادي
عزيز/ سيدراااا
سيدرا/ جت لعنده… نعم يابابا…
وشبحت لمريم مستغربتها مع بوها
عزيز/ وين امك
سيدرا/ خشت للحمام
عزيز/ باهي خوذي مع خالتك مريم دخلوا الشنط …وشبح لمريم… طالع مشوار قريب توا انجي
مريم/ تنفخ… تبي اتخليني معها وتمشي تبيها تقتلني مالا !!!؟
عزيز/ بملل… خشي لدارك اقفلي على روحك لين انجي… وشبح لسيدرا… خوذيها لدار وردة…
و مريم تمتمت وخذت الشنطة ولحقت سيدرا
بعد مشى عزيز قفلت الباب و فتحت دولاب طلعت حوايج ليا وحطتهم مع حوايج في دولاب جهة الثانية
وقعدت اتنظم في حوايجها
و نجوى كانت في الحمام ادوش طلعت ضامة شعرها بالمنشف
نجوى/ يااااسيدراااا ااانتي ياابنت
سيدرا/ تاففف صبت من ع الرسوم… نعمممم ياماما
نجوى/ بستفسار… من اللي جاء توااا ؟
سيدرا/ بااابااا وخالتي مريم
نجوى/ شدتها بغضب … معش اااتقوليلها خالتي فاااهمة ولالا ????
سيدرا/ هذا بابا قالهالي
نجوى/ مقطوع القول… عقدت حاجبها… وووين مشيوااا
سيدرا/ بابا طلع و و مريم قاعدة في دار عمتي وردة
نجوى/???? شن تبي جاااي لحوشي بنت ال*** ????…
ومشيت كيف الثور بتفتح عليها الباب لقاته مقفل
نجوى/ تخبط ع الباب…اااانتي ياااخطافة الرجالة يا ملعونة يا**** ااافتحي الباب ????
مريم/ واقفة ع باب من داخل… اااامشي في حاالك يانجوى مافيش داعي تغلطي اني جابني النصيب ياماما
نجوى/ هههههه لا صدقتك ✊✊✊ااافتحي ياا**** افتحي
مريم/ خذت تلفونها… الووو ياااعزيز نجوى ناوية تقتلني تعااال ديرلهااا حل المجنونة
عزيز/ ينفخ بعصبية … مااانقدرش انجي عندي شغل اااسطفلي منك ليها تقاتلوا ولا تنحرقوا مالياش علاقة ????… وصكر عليها التلفون
مريم/ تشبح للتلفون… باااهي يا عزيز اتصكر عليا اااني ????
نجوى / بضحكة خبيثة… هيااا ياشاطرة اطلعي انتفاهموا بيناتنا ☠️
مريم/ خافت… لو تكسري الباب ماني فاااتحة توا ايجي عزيززز حبيبي ايتفاهم معك
نجوى/???? باااهي يااامريم ووين بتهربي مني مصيرك تطلعي توا ينفعك حبيبك عزيز ????
.
.
عند حنين
كانت ع tv اتفرج مانتبهتش لسراج خاش الحوش لين صكر الباب خبطه نقزت مفزوعة
سراج/ صوته مرخي ومش متوازن… ززززيحي هك…
و عزق روحه ع الصالون جنبها وحنين خافت زاحت بعيد منه
سراج/ شبحلها عيونه حمر… شن درررتي عشااااء
حنين/ تلكلكت… مااادرتش ااانت قلت تبي اتعشى براااا
سراج/ شدها من يدها طاحت عليه… مااااصحليش نبي ااانتعشى هنااااا طيرررري دريلي مكرونة
حنين/ اتوجع من يدها ضاغط عليها… باااهي ااارخي ايدي خليني نمشي
سراج/ شبحلها قاعد ع صدره… ااااي هياااا وخليها حااارة…
سيبها مشيت للمطبخ
وهو نحى شوز ورقد ع الكنبة حط ايده في جيبه طلع سيجارة حشيش ولعها وقعد ايدخن
قعد يتخايل انه ايداعب في حنين وينحيلها في حوايجها ويتخايل لو ايدير كيف مافي مخيلته ايصير منه ويعاشرها
زاد دخن سجارة ثانية وصبى ماشي للمطبخ
كانت حنين ادير في سلطة ???? وسارحة ماشبحتش سراج واقف وراها و سراج يجبر في روحه يحط ايديه ع مواخرتها ويتحرش بيها لعلى وعسى
بعد تردد مد ايديه الزوز ايتلمسها عيطت حنين انفزعت وخرت منه
عصب سراج خلاه ايجي يشدها وينحي حوايجها مع ضرب وشتم وحنين اتعيط
قعد ايتحرش بجسمها بيديه بعنف يبي ايحرك شهوته و???? ومع هذا مزال ماحسش بالرغبة زاد تعنف عليها و جرها للدار
حنين/ تبكي… لااااا ياااسررراج حرااام عليك مش ه… قاطعها
سراج/ دفها ع السرير… صكرررر فمك مااانبيش نسمع صوووتك ياااا****…
و رجع صكر باب الدار ويرجعلها يسحبها من رجليها ونزل عليها ايتحرش بيديه ويبوس في رقبتها بعنف كان كيف الذئب الشرس ينهج في جسدها ايعاقب فيها بعدم قدرته ع الجماع قعد ايحاول ايثير نفسه بس مانفعش معه اللي داره وحنين تبي تموت ابكاء وتتجدا فيه بس سراج مع فشله ايكون راجل معها قعد ايشوف فاها ضعفه وعجزه حوله لوحش يضرب في ضرب مبرح بدون رحمة بيش ينتقم منها ☠️????
طلع غله و عصبيته وماخلى مكان ما تاذى
تحول الجسم الابيض لحمرار وسواد كدمات وجروح والوجه متورم وخشم واسنون ينزفوا بالدم ????????
المسكينة اتعيط بعلوا صوتها لين انبحت رقبتها والجسم فشل معش عندها قدرة تنقذ نفسها وتهرب منه????????
بعد ما تعب ودهش وقف ايشوفلها بالشر وقرر يفتحها من غير جماع نزل ع السرير وشد رجليها فتحهم قبل ما يحط ايده حست باللي يبي ايديره قعدت تضرب برجليها اتحاول ع الاقل تحمي عذريتها وفي الوقت هذا كانوا هله يسمعوا في صوت صريخ حنين طلع خوه يسكن في شقة جنبه ايخبط ع الباب
و امه وخلود حتى هما وصلهم الصوت طلعوا مفزوعين وقعدوا ايدقوا عليه الباب بالقوة واينادوا عليه يفتح قبل مايكسروا الباب
كانوا يعرفوا بعصبيته وخافوا يقتلها واتصير فضيحة ????
تبعد سراج من عليها وانفاسه متقطعة شاف للدار ولحنين خاف وخذا حوايجه لبسهم بسرعة وطلع من الدار خش للحمام غسل وجه والباب مزال ايخبط قريب يقلعوه
اما حنين منهارة ابكاء وماحوتك تحركت اتشوف لجسمها وتبي تستر روحها قبل مايخشوا عليها ايشوفوها بالحالة هذه وبرغم الالم ودوخة نزلت بصعوبة والدنيا ادور من حوليها طلعت حوايج سترت جسمها وبعدين اغمى عليها طاحت ????????
????????????????
.
.
بعد مانزل ادم ايشوف بوه جاته رسالة من رقم غريب فتح عليها وهو نازل ع الدروج
كان مكتوب فاها ????
ان شاءالله الف مبروك بيش اتوصل سلامي للعروس لو عاشت ????☠️
تحمق ???? و على طول اتصل بالرقم بس اعطاه مقفل ????
قعد واقف ع دروج ويتصل من اجديد ونفس الشي الرقم مقفل
شبحه بوه استغرب معش نزل قعد اينادي عليه
ح سليمان/ ااادم يااادم…
وادم شبحله ونزل جاء لعنده
ادم/ نعم ياحاج
ح سليمان/ لا بأس في حاجة
ادم/ سرح ونتبه شبحله… هممم لاااا مافيش
ح سليمان/ تعشيت
ادم/ لا مزال
ح سليمان/ اينادي… يااصفية هاتي العشى لادم
ادم/ لالا مانيش ماعنديش نية توا
ح سليمان/ غدوة شن عندك
ادم/ نمشي للسفارة وبعدين للمستشفى
ح سليمان/ قبل ماتمشي نبيك اتزور خوك وتشوف المحامي كلمني امبكري يبي حد منكم ايجيه
ادم/ انا والله مشنوق ياحاج شوف يامن يمشيله…
ح سليمان/ يامن غدوة ماحتى اينوض الصبح الله غالب مافيش الا انت
ادم/ بتعب… باااهي توا نمشي…
وقاطعه تلفونه جاه شعار رسالة من نفس الرقم على طول اتصل لقاه مقفل وتاففف والحاج يشبحله باستغراب
خش ع الرسائل الواردة وفتح عليها يقراء بصدمة وعيونه توسعوا من اللي شافه كان مكتوب
يتبع..
لقراءة الحلقة الثانية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.
