رواية عشقت ملتزمة الفصل الحادي عشر 11 بقلم ندى أنور
 |
| رواية عشقت ملتزمة الفصل الحادي عشر 11 بقلم ندى أنور |
رواية عشقت ملتزمة الفصل الحادي عشر 11 بقلم ندى أنور
فى المشفى
كانت حور جالسه جوار سميه وتتحدث معها
حور . طنط قومى عشانهم لأنهم تعبانين من غيرك قومى عشانهم ……..وقامت حور بامساك يد سميه فوجدت اصابع سميه تتحرك حركه بسيطه
حور باستغراب. هى صوابع أيدها اتحركت ……ثم شعرت بحركه اصابع يدها مره اخرى
خرجت حور بسرعه من الغرفه
حور . دكتووووور
أدهم بخضه . فى ايه ياحور ماما فيها حاجه
حور بفرحه . مامتك حركت أيديها
أدهم بفرحه . بجد ياحور بجد
حور بتأكيد. اه والله
هنا أتى الدكتور ودخل فحص سميه
بالخارج
مريم وريم . الحمد لله يارب
ريم. طالما حركت أيديها يبقى ده مؤشر كويس
مريم . إن شاء الله خير
كان مالك يتطلع إلى ريم إلا أن أتى صوت هامس من جانبه
أسر بهمس. عينك ياعم البت اتكسفت
مالك بإحراج.احم مكنش قصدى وبعدين عرفت منين إنها اتكسفت
أسر بغمز. بصت عليك بالغلط ولما لقتك بصتلها نزلت عيونها فى الارض ووشها احمر وكلمت البنات عشان تدارى كسوفها
مالك بهمس . تصدق صح أنا خدت بالى بس ماشوفتش لما بصتلى
أسر بغمزه. طب كفايه بص على البت لحسن تنصهر من كتر الكسوف
مالك . طيب يابارد
بعد قليل خرج الطبيب من الغرفه
أدهم بلهفه. خير يادكتور أمى عامله ايه
الدكتور بابتسامه. الحمد لله بخير فاقت وبقت كويسه جدا……. بس هى عماله تسأل إذا كان فى حد كان معاها فى الاوضه قبل ماتفوق ولا لأ
أدهم . اه كان فى كان معاها الانسه حور …..بس ليه
الدكتور . هى عايزها
أدهم . تمام هخليها تدخل ليها
الدكتور .تمام
أدهم موجه حديثه لحور. ممكن تدخلى لامى
هزت حور رأسها بتأكيد ثم دلفت إلى الداخل
فى الغرفه
دلفت حور ونظرت إلى سميه وهنا نظرت سميه لها
سميه بابتسامه. تعالى اقعدى جنبى….
ذهبت حور وجلست بجوارها
سميه بحب. تعرفى إنك جميله اووووى وشبه أدهم
حور بخجل . شكرا
سميه بابتسامه. انا سمعت كل حاجه قولتيها تعرفى إنك شبه الملاك
حور بحنان. تسلمى وحمد الله على سلامه حضرتك
سميه بابتسامه وحب. الله يسلمك يا غاليه ……
ثم قبلت سميه رأس حور وكذلك فعلت حور
حور . انا همشى دلوقتى وإن شاء الله مره تانيه هاجى ازور حضرتك
سميه بحب. ماشى ياحبيبتى هستناكى
حور. سلام عليكم
سميه . وعليكم السلام ورحمه الله وبركاته يابنتى
خرجت حور
حور . احنا هنمشى
أدهم . طب استنى ياانسه حد يوصلكم
حور . مفيش داعى احنا …
قطع حديثها صوت مالك
مالك. ماينفعش تمشوا لوحدكم اتفضلوا
ذهبت الفتيات واوصلهم مالك إلى البيت ثم غادر
************
فى منزل حور
دلفت حور ومريم وريم إلى الداخل
الثلاث فتيات. السلام عليكم ورحمه الله وبركاته
الجميع .وعليكم السلام ورحمه الله وبركاته
جنه بلهفه. طمنونى ماما عامله ايه
حور بابتسامه. مامتك فاقت
جنه بفرحه . اللهم لك الحمد
ثم دلفت إلى المرحاض كى تتوضا وتصلى ركعتين شكر لله
ظلت جنه تحمد لله فى كل سجده أن أمها أصبحت بخير وظلت تدعى الله أن يحميهم من كل شر انتهت من صلاتها ثم أمسكت المصحف كى تقرأ منه ؛فى ذلك الوقت كانت حور قد تبدلت ملابسها وتوضات لأجل صلاه الظهر
وذهبت كلا من مريم وريم إلى من لهم(بنات مريم وريم وحور قاعدين فى عماره بتاعت ابهاتهم بس كل واحد لى شقه لوحده )ثم جهزوا أنفسهم لصلاه الظهر
********
فى المشفى
دلف أدهم ومازن وأسر إلى غرفه سميه
ركض أدهم نحو والدته وظل يقبل رأسها ويديها
أدهم بحب. حمد الله على سلامتك ياامى
سميه بحنان. الله يسلمك ياحبيبى
أدهم . ينفع الغيبه دى كلها
سميه . لو كنت عرفتنى على البنت اللى غيرتك كده كنت فوقت من بدرى
أدهم بحنان. حقك عليا لو ربنا أراد تكون من نصيبى هعرفك عليها أكيد
سميه بحب وبصوت هامس. عرفتها وشوفتها
صدم أدهم وفضل السكوت الأن تحدث مازن
مازن. حمد الله على سلامتك ياحبيبتى
سميه بابتسامه. الله يسلمك ياحبيب قلبى
أدهم بغيظ. نعم يااخويا حبيبتك
مازن بمرح. طبعا حبيبتى وقلبى وروحى ووو
صمت مازن عندما وجد أدهم يتجه نحوه
مازن بتصنع الخوف . خلاص الله يكرمك مش هتتكرر
أدهم بابتسامه نصر. ايوه كده ناس ماتجيش إلا بالعين الحمرا
مازن بصوت منخفض. ربنا على الظالم
أدهم وهو يرفع حاجبه. بتقول حاجه يامازن
مازن . حبيبى ياابو الصحاب لا طبعا ماقولتش
أدهم . طيب يااخويا
أسر . حمد الله على سلامتك ياماما
سميه . الله يسلمك ياقلب امك
هنا دلف مالك ثم قال. حمد الله على سلامتك ياست الكل
سميه . الله يسلمك ياحبيبى
أدهم بحب. احلى حاجه إن ربنا رزقنى بااخين زيكم صح مش من الاب والام بس اخواتى فى الرضاعه
مازن . اه يااخويا عندك حقك ……ثم وجه حديثه لسميه.بقى ياخالتى مش عارفه ترضعينى على أدهم
أدهم بمزاح.مهو يااهبل اخواتك لو كانت رضعتك عليا مكنتش هتتجوز جنه لأنها هتكون كده اختك هى كمان فى الرضاعه
مازن وهو يحك رأسه .تصدق صح لا كده احسن
ضحك الجميع على مازن ولم يخلوا الجو من الضحك والمزاح
ثم أذن المؤذن وذهب الشباب كى يصلوا فى المسجد
أما عند حور صلت هى والفتيات جماعه
**************
مر اليوم سريعا وحل الليل
فى مكان ما
المجهول وهو يحدث أحد ما. ايوه أمه فاقت …….لا انا هروح انفذ بنفسى……..لا ماتخافش عليا انا ليا اسلوبى هى حقنه سكر تتحط لامه واخته ونسمع الصبح احلى خبر …..طيب تمام هخلى بالى ….سلام
ثم استعد هذا المجهول لكى ينفذ خطته وذهب إلى المشفى خفيه وتسلل اولا إلى غرفه جنه
اقترب هذا المجهول من سريرها
المجهول. اخيرا هحرق قلب اخوكى عليكى زى ماحرق قلبى زمان وجاء أن يغرز الحقنه فى المحلول إلا أن نور الغرفه ضاء مره واحده
المجهول بصدمه . أدهم
يتبع…..
لقراءة الفصل الثاني عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عنيد غير حياتي للكاتبة لبنى عبدالعزيز
