رواية عشقت معاق الفصل الحادي عشر 11 بقلم نادين محمد

ماسه دخلت جوا وقعدت عالكنبه

ماسه:انا عايزه اشوف صحبتي لو سمحتم 

ادم:مين دي ياماسه..

ماسه ببراءه:دي صحبتي رنا.. كنت عايزه اشوفها اطمنها عليا بس مش اكتر 

ادم:اه طبعا…اديلي عنوانها وانا هجيبها

ماسه بفرحه قامت حضنته ورجعت مكانها تاني..

ماسه:شكرااا شكراااا ياقمر انت…عنوانها*****

ادم:ماشي..استنيني ها

ماسه بابتسامه:ماشيي

ادم مشي وماسه طلعت قعدت فالاوضه مع علياء ونادين

(عند سليم)

سليم بزعيق: ازاي ملهاش اثر لحد دلوقتي ازاي..

كريم:يابيه دورنا عليها فكل مكان ملهاش اثر..سيبك منها وشوفلك اي بت تانيه 

سليم مسكه من ياقته:انت دلوقتي لعبت فعداد عمرك انت فاهم ولا لا وضربه بوكس

سليم بيحاول يهدي:ياغبي ياغبي هي اكيد هتعترف علينا..يعني لازم تتمسك انت فاهم ولا لا 

كريم:ه..هه…هحاول الاقيها..

(عند ماسه)

ماسه كانت قاعده ماسكه دبدوب وقاعده مع علياء ونادين

علياء: ماسه…انتي بجد مش زعلانه علي وفاه مامتك..

نادين ضربتها بكتفها جامد

علياء فسرها:ياكلبه..

ماسه بابتسامه:اكيد زعلانه…مين قال اني مش زعلانه..وبصت للدبدوب وكملت بدموع..انا شبه الدبدوب ده..حلو وجميل وكيوت..قامت شدت منه شويه فتل صغيرين..ودول ماما…اعتبري ان الحته دي عيني ماشي..والحته دي وشاورت علي حته تانيه..دي انا…ماشي..الفتل دول ماما..واتشالو من عيني صح… وده قلبي…متشالش منه حاجه صح…يبقي ماما هتفضل فقلبي مش شرط عيني… يعني اني اظهر اني زعلانه د…دي حاجه مش لازم اظهرها فاهماني..يعني..ملهاش لازمه..انا زعلانه اوي بس جوا قلبي مش لازم ابين.. وحياتي مش هتنتهي علي زعلي ياعلياء ومسحت دموعها وكملت..انا بحاول اتأقلم علي حياتي الجديده..ادوني فرصه بقا ها.

علياء ضحكت بدموع وحضنتها هي ونادين..وكده.بقو الثلاثي المرح ????❤️

(عند ادم)

ادم نزل.قدام البيت والبيت كان فحاره شعبيه نوعاً ما يعني

طلع البيت وخبط علي الباب…اللي فتح الباب كاان.ولد

احمد باستغراب:مين حضرتك (فاكرينه ده اخو رنا)

ادم:اا..احم…كنت عايز الاستاذه رنا عش…

من قبل ما يكمل احمد ضربه بوكس فوشه

رنا طلعت: نهاري اي ده

احمد:شوفي الاستاذ ده بيسأل عليكي…مين ده ياهانم..

رنا:ايش عرفني انا..وقعدت.جمب ادم.عالارض

رنا باستغراب:مين انت..

ادم بصصلها ومركز فعيونها.اوي وسرحان

رنا:احم…مين انت وكملت.بهمس انجز عشان اخويا مش هيرحمك..

ادم:ها…ااااهه

رنا: يخربيتك كنت هتجيبلنا مصيبه

احمد: عايزاني اشوفه.بيسأل عليكي واسكت

رنا: ايوه مش.تعرف هو بيسأل ليه الاول..بتسال ليه.انجز بقا انت كمان

ادم:ماسه سألت عليكي وطلبت اني اجيلك لحد هنا عشان عايزه.تشوفك

رنا: هي ماسه معاكم..طب الحمدلله..شوفت يا احمد..اياك تقربله تاني بقا ها اياك 

احمد اتحرج ودخل جوا

رنا:ييي معلش اسفه جدا بجد هو اخ بقا معلش..تعالي

سندته براحه ودخلته جوا وقعدته عالكنبه..

رنا بضحك: انت وشك متخرشم خالص

ادم:ااااه…اضحكي ياختي اضحكي 

رنا بضحك:معلش هخش اجيبلك تلج وجايه.. 

رنا دخلت جوا تجيبله تلج وجابتله وطلعت

رنا: التلج.اها…

ادم:هتعملي بيه ايي

رنا:مالك خايف كده لي.. مقولتليش اسمك اي

ادم:اسمي ادم

رنا:وانا رنا وبدأت تحطله التلج براحه 

ادم:اااه

رنا:اوبس..معلش عارفه بيحرق استني هحطلك.مرهم بيخفف..يالهوي انت وشك متخرشم خالص بجد يخربيتك يااحمد

رنا جابت المرهم وحطت بيه علي أيدها وبدات تدهنله وشه.برقه

ادم سرحان فيها خاالص وفلامستها لوشه

رنا:مقولتليش.بقا فكليه اي انت بتدرس اصلا..؟

سرحان فيها برضو ومش بيرد

رنا:في اي م…

قاطعها ادم اللي باسها من شفايفها و…. 

(عند ماسه)

ماسه:هما اتخأرو كده لييه

نادين بزعل: ايوه يعني انا مش مكفاياكي..؟

علياء:قصدك “احنا” ياماما

ماسه:يابنتي مش قصدي..انا قلقانه يعني

نادين:لا متخافيش انشالله خير… ده اخويا وانا عارفاه اسكتي انتي بس..

ماسه:سكتنا اها..

(عند رنا وادم)

رنا اتصدمت جدا لدرجه انها متحركتش خالص فضلت متنحه

ادم بعد ثواني استوعب اللي عمله وبعد عنها علطول

ادم باحراج:ا…احم…ان…انا اسف جدا..مش عارف عملت كده ازاي بس..

رنا بمقاطعه:بسسسسس… بسس اسكت…خ.. خلاص مش مشكله..ب… بس حاول تتحكم فنفسك بعد كده

(ملاحظه بس هي بتتكلم وخدودها شبه الطماطم اساسا????????)

ادم:احم.. حاضر واسف مره تانيه

رنا بكسوف:خ…خلاص.. انزل انت تحت و…وانا هلبس واجي

ادم:ماشي ومتتأخريش

ادم نزل تحت وهي جريت قفلت الباب بالترباس وفضلت اقفه متنحه شويه وحاطه ايدها علي شفايفها…بعدين فاقت لنفسها ودخلت جوا الاوضه

احمد:كان عايز اي الزفت ده

رنا:م…مش عايز حاجه هيكون عايز اي يعني…ه… هلبس انا وانزل..

احمد:هتركبي مع ده…لوحدك!!!

رنا:وحياه امك ليه هعمل اي يعني… ولا انت شمال يلا جتك القرف ودخلت تلبس 

لبست تيشرت قصير شويه لونه ابيض بكرانيش ولبست بنطلون بينك واسع شويه و لبست شوز اسود ونزلت تحت 

ادم: اتأخرتي

رنا مردتش عليه ودخلت ركبت العربيه ورزعت الباب

ادم لاحظ انها زعلانه من اللي حصل فوق ف محبش يفتح مواضيع وساق علطول 

“بعد شويه”

وصل البيت وهي نزلت من غير ما تكلمه اصلا ودخلت جوا 

ادم:ايه ايه ايه حيلك حيلك في اي

رنا؛ملكش دعوه بيا…

ادم:منا قولتلك اسف وخلاص يارنا

رنا:ايوه واحمد لو كان شافنا كان عمل مننا بوفتيك…اوعي بقا.ودخلت جوا القصر

ادم نفخ بحيره ودخل جوا

ماسه:رنا

نزلت تحت وحضنتها جامد

رنا:وحشتيني اوي

ماسه:انتي اكتر ياروحي والله…تعالي يلا

رنا:اجي فين

ماسه:تعالي اقعدي معايا انا والبنات

رنا:في اي يابنتي مش انا جايه هنا عشان اجي اخدك

ماسه بحزن:لا…ماما ماتت…هعيش هنا..

رنا بصدمه:بتهزري صح…ياروحييي اسفه والله.ما.كنت اعرف ان…

ماسه بابتسامه:مفيش حاجه يارنا خلاص..تعالي

رنا بصت لادم وراحت مع ماسه(محدش يسألني لي هي جت فدماغي كده)

ادم مسح شفايفه بايده ومشي 

وعمر فالشركه وهو راحله الشركه يعني فهمتو؟؟

(عند ماسه)

نادين:دي صحبتك؟؟

ماسه:اه…رنا

نادين:قمر اوييي…تعالي ابت وخدتها فحضنها

ماسه:مشالله عليكي بجد بتحبي الناس من اول نظره 

رنا بابتسامه:مش تعرفيني بقا

ماسه:دي نادين…اخت ادم اللي جالك ده

رنا بصدمه:دي اخته…وقالت فسرها..اخت المنحرف ده

نادين بضحك:ايوه في اي

رنا مسحت شفايفها هي برضو وقالت لا مفيش حاجه 

نادين بتخميين:اممممم.. حطيتي ايدك علي شفايفك لي..

رنا بتوتر:ها…لا مفيش حاجه

نادين بضحك:بصي متحاوليش تخبي ادم ده اخويا وانا عارفاه..باسك صح؟؟

رنا بصت لماسه بصه ان هي البت دي بتقول اي؟؟!!

ماسه:باسك بتهزري صح

رنا بصت قدامها تاني وبدات تعيط(منظرها شبه ادا اللي فمسلسل لعبه الحظ????????)

نادين:بتعيطي لي يانكد… انجزي بس

رنا لسه بتعيط وهزت راسها بمعني اه

نادين:ياامنحرف يا ادم 

رنا:لو…لو  احمد كان شافنا كان عمل مني بوفتييك..

نادين: احمد مين

ماسه:اخوها 

نادين:سبيهولي سيبوهولي احمد ده

رنا:نادين انتي اتجننتي…لا طبعا…اياكي تجيبليه سيره.ها.اياكي

نادين:خلاص خلاص اهدي..لا طبعا متخافيش متخافيش 

علياء:خلاص ياجماعه مش هنقضي الليله كلها عياط….خدي ده

ماسه:اي ده

علياء:ماسه حبيبتي غبائك وصل للمريخ..شايفاه اي يعني فشار..

ماسه:ايوه لي يعني

علياء:رنا خدي البسي البجامه دي…كلنا هنلبس بيجامات وهنتفرج علي افلام ماشي

رنا:تمام ماشي

رنا قامت لبست بيجامه وهما قعدو كلهم عالسرير واتغطو بالبطانيه وشغلو فيلم وسهرو سوا.. 

“تاني يوم الصبح”

رنا صحيت من النوم لاقتهم كلهم نايمين.. نزلت تحت اتسحبت ودخلت المطبخ عشان كانت جعانه..دخلت وقفت قدام التلاجه وفتحت الباب ووقفت تاكل 

فالوقت ده ادم دخل المطبخ وافتكرها نادين وراح حضنها من ورا

رنا بخضه:يماما ميين ميين ولفت لقت ادم ف وشها

فضلو متنحين شويه كده بصو تخيلو مسلسل تركي هي اقرب شويه يعني????

رنا:ا…ابعد..عن…عني 

ادم:اه…اسف وبعد عنها

رنا:اسفه بس كنت جعانه…اا.. هطلع البس انا واروح ماشي عشان زمان احمد قلقان عليا دلوقتي 

ادم:طب استني اوصلك

رنا بسرعه:لا بلاش.. وهمست جمب ودنه عشان احمدد

ادم:اهاا..طيب ماشي هوديكي مع الشوفير

رنا:مش مهم والله هركب ميكروباص مش مهم خالص

ادم:لا هتركبي شوفير اما انا هوصلك

رنا: ماشي خلاص..انت ع…عشان انا مش بأمن للشوفير دول

ادم:تمام ماشي… اطلعي البسي علي ما البس انا كمان…

رنا:ماشي

طلع ادم يلبس ورنا لبست برضو وراحو هما الاتنين.. 

رنا:شكرا ليك..عن اذنك

ونزلت طلعت فوق وهو مشي برضو

“بعد ساعتين”

ماسه صحيت من النوم لقت نفسها فاوضه ضلمه…حواليها دم كتير…اتخضت وجت تقوم تقف لقت نفسها ايدها مربوطه بسلسله حديد فالحيط..قعدت تعيط وتصرخ بكل قوتها

ماسه بصريخ:مين هناااااا…وكملت بعيط..حرام عليكم لي كل اما اخلص من مصيبه تطلعلي حاجه تانيه ليييه 

شخص من بعيد: رجعتي ليا تاني يابطتي…

يتبع….