رواية تميم وملك الحلقة الحادية عشر 11 والأخيرة بقلم فاطمة ابراهيم
 |
| رواية تميم وملك الحلقة الحادية عشر 11 والأخيرة بقلم فاطمة ابراهيم |
رواية تميم وملك الحلقة الحادية عشر 11 والأخيرة بقلم فاطمة ابراهيم
وتخونه عيونه ودموعه تنزل ويقوله
= ماشي ي ملك لو دا إلا هيريحك انا موافق
وبصوت ضعيف مخلوط بالبكاء = ملك أنتي ..
تغمض ملك عيونها بخوف وحزن يمكن دي اكتر مرة تطلب من تميم حاجة وتتمني انه مش يوافق عليها ولا ينطقها….
تميم بصوت ضعيف مهزوز =ملك أأنتي طالق …
نزل دموع ملك بقوة أول ما سمعت الجملة دي منه
يخرج تميم من الأوضة بسرعة وهو حاسس ان الدنياا كلها ظلمة حوليه وعيونه مليانة دموع
لين = تميم انت رايح فين ؟!
ميردش تميم ويمشي ع طول في طريقة لبرا المستشفي….
ملك بدأ صوت عياطها يعلي وهي بتقول = ليه ي تميم أنا حبيتك معقولة دي تكون نهايتنا…!! انا ليه حاسة انى بحلم أنا قلبي بيقولي انك مستحيل تعمل فيا كدا قدرت تنطقها بالسهولة دي أزاي !!!….
أنت حتى مش قولتلي انا طلبة الطلاق ليه ….
مكنتش عاوزة منك غير تبرير بس لكل إلا سمعته وكنت هصدقك صدقنى كنت هصدقك أي تبرير هريح بيه قلبي واطمن انك مش عملت فيا زي ما قالولي…
وفجأة تدخل لين عليها …
لين بعصبية = أنتى عملتى ايه فى تميم اتكلمى !!
ترفع ملك رأسها وتبصلها بعيونها الا مليانة دموع ومتردش عليها …
لين تبتسم وتقول لنفسها = خلاص انا عرفت ايه الا حصل …
لين = ألف سلامة عليكى ي ملك
معلشي شوية وهتتعودي …
ملك تمسح دموعها وتقول = قصدك ايه بأنى هتعود ..
لين = يعنى زي ما هو دخل على حياتك بالغصب اهو انهاردة طلع منها تانى شوية وهتتعودى وترجعي لحياتك من تانى زي الاول …..
ملك بصدمة = وانتي عرفتى أزاى ان تميم طلقنى !!
لين بتوتر = ها …قصدي يعنى باين عليكى من عياطك وشكل تميم لما طلع دلوقتى انكو انفصلتو….
ملك = وعرفتى برضو من شكلنا انه دخل ع حياتى غصب !!
لين = بقولك ايه ي ملك مدوريش في إلا فات فكري في حياتك إلا جاية تميم وفرلك حاجات كتيرة اوى في فترة قصيرة تقدري تعتمدي عليها في حياتك إلا جاية …
ملك = أطلعي براا ي لين …. انتى آخر واحدة اخد بكلامها أصلا برا مش عاوزة أشوف وشك تانى لابسة ماسك و عاملة نفسك ملاك وانتي في الحقيقة غير كدا
لين بإبتسامة شماتة = أنتي فعلا مش هتشوفي وشي تانى خلاص أنتي بقيتى برا حياتنا انا وتميم سلام ي سنيوريتا …
تخرج لين بفرحة كبيرة
مروان = ها عرفتى ايه الا حصل بينهم …..
لين = اه طبعا عرفت خلاص أطلقوا ي مروان انا مبسوطة اوي
مروان بفرحة = بجد !! …. طيب فرحينى بقي وقوليلي فرحنا هيبقي أمتي ؟!
لين وشها يقلب وإبتسامتها تختفي وتقول = مروان انت بتهزر !!
مروان بستغراب = هو ايه الا بهزر مش دا اتفقنا !!؟
لين = مروان انت عاوزنا نتجوز وتميم لسه طالع من صدمة دلوقتى !! …. يقول علينا ايه بدل ما نقف جمبه لعند ما يعدى الازمة دي …
مروان = عندك حق ي حببتى انا من كتر ما مستنى اليوم دا مبقتش بفكر غير فيه وبس
لين لنفسها = فكر برحتك ي موري علشان أنت مش هطول غير تفكيرك دا وبس ….
تاني يوم:-
ملك توصل مصر وتروح ع بيت أهلها …
أم ملك = أزيك ي حببتى وحشتينى اوى
ملك بوجه عابس= أنتم كمان وحشتونى اوى ي ماما
أم ملك = مالك ي حببتى شكلك زعلانة كدا وبهتانة وفين تميم مجاش معاكي ليه !!
ملك = أنا وتميم اطلقنا…
أم ملك بصدمة = أييه !! أمتي دا حصل وليه؟!
ملك بدموع = ماما انا تعبانة أووى وعاوزة انام …
أم ملك = بس ي ملك فهميني ايه الا حصل
تسيبها ملك وتدخل أوضتها وتقفل ع نفسها وتنام ع السرير وهى بتعيط ….
يعدي أسبوع واتنين وملك لسه حابسة نفسها في الأوضة مش بتتكلم مع حد قاعدة بتفكر في إلا حصلها ودايما بتعيط …..
تميم سافر دبي ومبقاش ييجي مصر خالص وكرس حياته كلها للشغل ضعف ساعات شغله مبقاش يروح غير ع النوم وبس مكنش بيدي نفسه فرصة حتى للتفكير في إلا حصل كان بيجهد نفسه علشان اول ما يوصل البيت ينام ع طول وميفكرش في ملك بس غصب عنه كانت دايماا في باله حتى اليوم إلا مكنش بيفكر فيها كان بيحلم بيها فيه
كان متابع أخبارها دايما من بعيد ….
بعد شهر :- في فرع شركة مصر
مروان = لين احنا هنتجوز أمتى !!؟
لين = مروان انت معندكش غير الموضوع دا كل يوم مش معقوله بجد أووف دى بقت حاجة تقرف …
مروان بعصبية يمسك لين من دراعها ويقول = بقالك شهر بتقوليلي كل يوم بكرا بعده وقدامى شايفك عمالة تقربي من تميم فيه ايه ي لين !!
لين = قصدك ايه بكلامك ده ي مروان مش فاهمة ؟!
مروان = لأ أنتى فاهمة كل حاجة ي لين متنسيش انى وافقت وشاركت في المؤامرة إلا حصلت دي مخصوص علشانك أنتي وعلشان وعدك ليا …
لين = من الاخر كدا ي مروان
انا اكتشفت اننا مننفعش لبعض …
مروان يضحك ويقول = عارفة ي لين إحساسي كان دايما بيقولي انك بتكدبي عليا كنت كل ما أشوفك بتقربي من تميم وكلامك معاه إلا بيتقفل أول ما بتشوفينى وهروبك مني كل حاجة كانت بدل انك بتلعبي بيا وانا كنت رافض اصدقها بس لحد هنا وكفاية
مش أنا إلا تلعبي بيا ي شاطرة فاهمة مش انا ….
انا هروح واقول لتميم على كل حاجة
لين تضحك وتقول = بقولك ايه ي مروان أنت متقدرش تعمل حاجة أصلا هتروح تقوله ايه!!
تميم انا أسف انا خونتك وكذبت عليك انت ومراتك
وكنت السبب أنكم تتطلقوا…
مروان = انا مبقاش فارق معايا حاجة هقوله والا يحصل يحصل انا اصلا مش عارف عملت كدا أزاي !!
انا عمري ما كنت كدا أنتى دمرتينى وخلتينى مجرم خلتينى شخص تانى حرام عليكي عملتى فيا كدا ليه ..
لين بنظرة غضب= كله كان بمزاجك ي مروان أنت لو كنت كويس فعلا عمرك ما كنت هتبيع صاحبك مهما حصل ….انت بس بتريح ضميرك بالكلام دا ماشي وانا موافقة ريح ضميرك زى ما تحب بس متنساش نفسك وانت بتكلمى ولا هسمحلك تطلعنى الشريرة الوحشة إلا في الموضوع فاهم !!!
يخرج مروان من المكتب و هو عيونه بطلع شرار من كتر العصبية والضيق …
تبص لين ع الارض بعد ما مشي تلاقي ساعته واقعة في الارض تمسكها لين وهي بتقول لنفسها = لازم أخلص منك ي مروان قبل ما تبوظ كل حاجة….
تانى يوم
لين = انا عاوزة الموضوع يبان حادثة عادية فاهم مش عاوزة اى غلط ….
_ متقلقيش حضرتك كله هيبقي تمام بس ابعتى صورته وباقي الفلوس علشان نبدأ في التنفيذ…
لين = الفلوس هتوصلك في حسابك والصورة هبعتهالك في رسالة اول ما اقفل معاك بس لازم يموت
تقفل لين وتبعت صورة مروان للشخص دا
وهى بتقول لنفسها =
عملت كتيرر اووى علشان اوصل لتميم ومش هسمح لأي حد مهما كان مين يرجعنى خطوة تانية لورا
وتمسك صورة تميم وهى بتقول = خلاص ي حبيبي كلها وبعدها محدش هيقدر يبعدنا عن بعض ابداا
انا انهاردة هخلص منهم الاتنين …
هخلص من محمد إلا عارف كل إلا حصل وهخلص منك انت كمان …
دلوقتى الرجالة بتخلص ع محمد وبيحطوا الساعة بتاعتك جمبه علشان يبان انك انت إلا عملت كدا وانت اساسا هتموت كمان شوية وهتبان انها حادثة وبكدا اكون خلصت منكو أنتو الاتنين …
أووف شوفت ي تيمو انا بتعب أزاي …. بس معلشي كله يهون علشان نكون مع بعض ي روحي …
وتحضن لين صورة تميم وتغمض عنيها …
وتفوق على صوت مروان …
مروان = لأ برافو …. تفكيرك عجبنى
لين تقوم مخضوضة وهى بتقول = أنت أزاى تدخل من غير ما تخبط!!
مروان = وأخبط ليه إذا كنت انا موجود هنا اصلا من بدري …
لين بصدمة = موجود هنا !! قصدك يعنى انك سمعت كلامي إلا قولته!!
مروان يضحك ويقول = أنتي تقولي إلا نفسك فيه وتعملي خطط برحتك بس في الاخر إلا هيحصل هو إلا انا شايفه وعاوزه ….
لين = قصدك ايه!!؟
مروان = قصدي انك هتخرجى معايا دلوقتى ع المأذون ونتجوز زى ما اتفقنا وإلا ….
لين = وإلا أيه !!
مروان = بلاش وإلا دي علشان مش حلوة علشانك ي قمر خلينا حلوين مع بعض أحسن ويمسك مروان دراعها ويمشي ناحية الباب….
بس لين تزقه وهى متعصبة من مسكة إيده وتقول=
انت اتجننت !! ازاى تتجرأ تمسك دراع ي كدا انا مستحيل اتجوزك اصلا…
مروان بعصبية = كنت عارف أنك هترفضي انا فعلا بقيت مجنون وانتى السبب ولو مكتوبلي أنى أموت يبقي هموت بعد ما أموتك
ويقرب مروان منها ويمسكها من رقبتها بقوة ويقول=
انتى شر لأي حد تدخلي حياته ولازم اقتلك وأريح كل الناس منك قتلتى عمر وبتقتلي محمد دلوقتى وشوية كنتى هتقتليني انا كمان بس لأ لو حد فينا لازم يموت هيبقي أنتي ….
ويبدأ مروان يضغط بإيده جامد ع رقبتها ولين تصرخ وهي بتحاول تقاومه بس مقدرتش…
وفجأة تقع لين ع الارض ميتة
وهنا يتفتح الباب ويتفاجئ مروان بكل موظفين الشركة واقفين قدامه بصدمة …
مروان بخوف= انا معملتش حاجة هي ..هي إلا وقعت لوحدها …
يسمع مروان صوت عربية الشرطة وبخوف يجري في محاولة منه للهرب بس الشرطة تمسكه في الوقت المناسب….
سالي تتصل بتميم وتقوله ع كل حاجة حصلت …
تميم ينزل بسرعة مصر …
في القسم
تميم يدخل يلاقي مروان واقف وفي إيده الحديد …
تميم = ليه !! … ليه ي مروان تعمل كدا
مروان = سامحنى ي تميم ارجوك هي السبب فى كل حاجة حصلت ….
تميم = أنت بتتكلم ع ايه !!
مروان = كل الشقلبة إلا حصلت في حياتك دي في الفترة الأخيرة انا ولين كنا السبب فيها…
تميم = قصدك ايه؟!!
مروان = ملك …. ملك مظلومة ومفيش حاجة لين قالتلك عليها حصلت ويبدأ مروان يحكيله ع كل حاجة
تميم دموعه تنزل وبوجه يقول= معقوله انت تعمل فيا كدا ي مروان !!! …. دا انا بقول عليك صاحبي
مروان يعيط ويقول = أنا أسف ي صاحبي …
يضربه تميم بالقلم ع وشه بقوة ويقول = أنت طلعت واطى وخسيس ومقدرتش العشرة إلا بينا ….
ويخرج تميم من القسم وهو قلبه مش عارف يفرح أنه عرف الحقيقة ولا يزعل ع صاحب عمره إلا راح ولا لين
يخرج تميم من القسم في طريقه لبيت ملك وهو فرحان انه هيشوفها وهيقولها ع كل حاجة بس فجأة يقف تميم ويقول لنفسه = ملك عمرها ما وثقت فيا صدقت ان ممكن اكون عملت كدا فيها … كان سهل عليها تطلب الطلاق مني بالبساطة دي ومش فكرت انى ممكن اكون مظلوم يمكن هي كانت نفسها تطلق منى من زمان اصلا ومستنيه الفرصة المناسبة….
ويمسح دموعه ويقول = يمكن جبرتك قبل كدا ادخل حياتك بس مش هغلط نفس الغلطة دي تانى …
ويلف تميم بالعربية تانى ويرجع الشركة ياخد أوراقه
سالي = تميم بيه هو احنا هنوقف الشغل في الفرع دا !!
تميم بحزن = معرفش ي سالي … لسه مش عارف بس إلا انا متاكد منه انى مش هرجع مصر تانى ولحد ما الاقي الشخص المناسب إلا يدير الفرع دا من تانى هيفضل مقفول ….
سالي = مدام ملك تقدر تعمل دا بسهولة هي …
يقاطعها تميم بحزن اول ما ذكرت اسمها ويقول =
كل حاجة انتهت ي سالي واسمعي إلا قولتلك عليه صفي كل الصفقات إلا هنا وإلغيها وانا هتابع معاكى بالتليفون ….
ويسافر تميم لدبي تانى …
بس المرة دي تفكيره كله كان مع ملك مكنش قادر يبطل تفكير فيها وخصوصا بعد ما عرف انها مكنتش هترجع لعمر دا تانى كان فرحان اووى بس في نفس الوقت زعلان انها بعيدة عنه …
بعدها بيومين :-
تميم قاعد في اجتماع مع موظفين الشركة وبيشرحلهم الفترة الجاية هيعملوا ايه
وفجأة الباب يخبط…
تميم بعصبية = انا قولت لما أبدأ في اجتماع ممنوع حد يدخل بعدي !!
يتفتح الباب وتدخل ملك وهي بتقول = أسفة ع التأخير ممكن أدخل…
تميم بصدمة = ملك !!!
ملك تقرب منه وتقول = ممكن اتكلم معاك شوية …
يخرج جميع الموظفين ويقفلوا الباب
تميم= ملك أنتي …
ملك تقاطعه = أنا بحبك
تميم يتصدم اكتر = أيييه!!
ملك تقرب منه وتمسك إيده وتقول = أنا أسفة أنى ظلمتك وأسفة لانى كذبت إحساسي وقلبي لما قالولي انك عمرك ما تعمل كدا …. وبدموع تكمل = وأسفة أنى كنت بعاند في نفسي واقول اني مش بحبك وان جوازنا كان غلطة …
تميم مكنش مستوعب كلامها وقلبه كان بيدق جامد
وتكمل ملك وتقوله = لو جوازنا كان غلطة فأنا معترفة ان دي أحسن غلطة حصلت في حياتى كلها …
تميم يبص حوليه ويقول= ملك انتى بتكلمينى انا صح!
كلامك دا ليا انا!!
ملك = وبعدين بقي في الغباء دا … يعنى لو زهايمر هعالجك انما الغباء دا مبستحملوش
يضحك تميم ويحضن ملك بقوة وعنيه بدمع من الفرحة …
ملك = لاحظ أنك أستغليت الموقف وحضنتنى ودا مش في مصلحتك …احنا لسه منفصلين
تميم يضحك ويقول = بس انتى لسه في شهور العدة بتاعتى ممكن أرجعك دلوقتى …
وينزل تميم ع نص ركبة ويقول = تقبلي تكوني في حياتى وقلبي وكل تفصيلة في يوم …
ملك تمسك إيده بفرحة = ي عم بلاش محن بقي يعنى انا جاية من مصر لدبي وسبتك تحضنى كدا عادي ولسه بتسأل أقبل ولا لأ !!
تميم = هو أنتى متكمليش حاجة برومانسية للاخر ابداا
ملك تضحك وتقول = أول ما سالي كلمتنى وقالتلي ع كل حاجة مقدرتش استنى وجيت ع طول وحشتنى اووي ي تيمو
تميم = شوفتى بقي مين فينا إلا بيتلكك علشان يتحضن …
تضحك ملك وتقول = واحدة واحدة علشان مقلش أدبي عليك يالا بينا ع مصر وهنشوف الموضوع دا هناك …
في مصر :-
تميم = خشي ي عروسة برجلك اليمين
ملك = مش تعيش في الدور كدا وشيل الأفكار إلا في دماغك دي علشان مش هيحصل
تميم يضحك ويقول = هو احنا هنعيد إلا حصل تانى ولا ايه..
تضحك ملك = مبارك علينا ي تيمو
ياله بينا ندخل جوا …
تميم = ليه صيغة الجمع دي حضرتك اسمها ادخل جوه انا لوحدي …
ملك= اه انت بتردها يعنى ماشي ي عم من حق الجميل يدلع برضو… ????????
يقرب منها تميم = أحم …
ملك = ايه عاوز حاجة ي أخ …
تميم = لأ ابداا مفيش وهب يشيلها تميم…
ملك = هندمك ع كل إلا بتعمله دا …
تميم = هاتى اخرك معايا …
يدخل تميم الأوضة يتفاجئ بأن الأوضة متزينة بطريقة جميلة أووى…
ملك بإبتسامة= المرة دي انا إلا زينتها ايه رأيك في زوقي بقي ….
تميم = مش معقولة انتي عملتى كل دا!!
ملك بإبتسامة = قدرات ي قلبي …
تميم = أنا كبهير اتبهرت ..
تمت…
