رواية بحر العطر الحلقة العاشرة 10 بقلم فاطمة خميس
 |
| رواية بحر العطر الحلقة العاشرة 10 بقلم فاطمة خميس |
رواية بحر العطر الحلقة العاشرة 10 بقلم فاطمة خميس
بحر:انتي فين
عطر :بجيب فستان
بحر :منين ومعاكي مين
عطر :هو تحقيق
بحر بغضب :اخلصي
عطر :لوحدي في مول *****
اغلق الخط لتنظر هي للهاتف بتعجب واكملت بحثها
علي وهو يقترب منها :انسه عطر انا مبسوط اني شوفتك
نظرت عطر لمصدر الصوت :استاذ علي
علي وهو يمد يده :كويس انك فكراني
نظرت ليده وابتسمت برقه :اسفه مش بسلم
سحب يده باحراج
احم ااانتي بتعملي اي هنا
عطر لنفسها:هو كله بيحقق ليه انهارده
انا بجيب شويه حاجات ليا
علي :طيب لو مش متاخره ممكن تساعديني اجيب بدله
عطر :بسسس
علي ‘المكان قريب جدا وراكي اهو
نظرت عطر خلفها وهزت رأسها بتوتر
علي وهو يشير لها لتدخل :متشكر جدا
….
ورد :انا نازله الشغل يا محمد
محمد :تمام تعالي اوصلك معايا
ورد :يلااا
بعد فتره وصلوا لمكان عمل ورد
نزلت ورد وودعت محمد
ورد :السلام عليكم انا الموظفه الجديده مفروض اقابل المدير
السكرتيره بتعالي:اقعدي هنا
ودخلت لمكتب المدير
ورد بسخريه :اقعدي هنا
قعدت عليكي حيطه يا بعيده
السكرتيرة :ادخلي
دخلت ورد بعد أن طرقت الباب برفق
كان منغمس في الأوراق التي بيده أو هكذا ظنت يعطيها ظهره
أشار لها بالجلوس ثم قال
اتكلمي عن CV بتاعك
بدأت ورد في سرد المؤهلات والمهارات التي تملكها
…:يعني خبرتك تقريبا صفر
ورد :هي فعلا صفر بس انا بس انا ممكن اتعلم بسرعه
التفت لها وهو يصيح :براااافو
ورد :اعااااااا انت بتعمل ايه هنا
فضل وهو يقترب منها :ف اي مالك
ورد :والله لو مقولتش بتعمل اي هنا للصوت واقول حرامي
فضل :يعني هكون بعمل اي
بشوف شغلي ياستي
ورد :لا يا راجل
فضل :لااا شكلك جايه تهزري يبقي الشغل ده مش ليكي
ورد :لا لا انا مش بهزر والله
جلست مكانها وقالت بهمس اسفه
التفت فضل وهو يبتسم :جدعه
هااا قوليلي بقي ليه اخترتي شركتي انا بالذات
ورد :لا ما انا مكنتش اعرف
فضل :أيوة يعني ليه عاوزة تشتغلي في شركتي انا بالذات
ورد :حضرتك والله مكنتش اعرف انها شركتك
فضل : خالص
حركت ورد رأسها بالنفي
فضل :اممم تمام ليه بقي حابه تبقي هنا في شركتي
ورد :لا اله الا الله هو حضرتك عاوز توصل لايه
فضل :ليكي
ورد :نعممم؟
فضل:ااااا لتفكيرك يعني
اقصد لتفكيرك يعني ليه عاوزة تشتغلي
ورد :اااه
عاوزه اشتغل لأسباب كتير
يعني مثلا عشان اقدر اعتمد علي نفسي
عشان انا حاسه اني ممكن اضيف للمجال ده
عشان اساعد اخويا ومش احتاج لحد
فضل :طيب جربتي الجواز
ورد :الجواز؟؟!
فضل :اااه يعني نفس الي انتي عاوزه تعمليه بالشغل هتعمليه بالجواز
جربي كده
ورد :هاا ان شاء الله
انا هبدأ شغل امته
فضل :من انهارده اتفضلي علي مكتبك ولما اعاوزك هناديكي
ورد :بس حضرتك انا شغلي في الحسابات يعني حضرتك مش هتحتاجني لان التعامل بيكون مع المسئول
فضل :لا انا هحتاجك انتي اتفضلي دلوقتي
خرجت ورد وهي تشعر بالغرابه من كلامه
فضل لنفسه:يا احلي يوم في عمري
….
عطر :اتفضل حضرتك قيس دي
وانا هشوفلك حاجه تانيه
علي وقد تعمد لمس يدها لتسحبها سريعا :شكرا جدا انا منون ليكي
حركت رأسها وفي داخلها يتصارع بين البقاء أو المغادره
واخيرا تغلب رأي علي الاخر وهمت لتغادر لولا تلك اليد التي قبضت عليها
كادت أن تصرخ لولا يده
بحر بهمس :كده لوحدك يا هانم
عطر وهي تحاول أن تحرر فمها من يده :
اوعي ايدك عشان اتكلم
بحر وهو يضغط علي يدها:بتعملي اي مع علي يا عطر
عطر :شوفته صدفه بعد ما قفلت
بحر :كذابه
عطر وهي تزيح يده:لا مش كذابه
لو عاوزة اكذب هقولك انا فين ليه
انا قابلته صدفه وطلب مني انقي معاه بدله واتحرجت ارفض بس لما لقيته ..
بحر :لقتيه اي
عطر :ولا حاجه
انا حبيت امشي بس لقيتك في وشي
بحر:مش الأولي تساعدي جوزك أنه يختار بدله لفرحكوا
عطر :والله جوزي مطلبش ومني
عن اذنك بقي عشان اخلص
ابتعد عنها بحر قليلا
علي :اي ده انت جيت امته
بحر :من بدري
يلا يا عطر
علي :عطر
البدله تحفه هاخدها عشان من ايدك
نظرت عطر لبحر بطرف عينها وحركت رأسها لعلي وهي تبتسم بتوتر
بحر :يلا يا عطر
تحرك بحر لتلحق به عطر
تتبعهم نظرات علي الخبيثه
…..
ورد:السلام عليكم
اناااا
وائل :انتي الموظفه الجديده ؟!
ورد:أيوة
وائل :اهلا بيكي
انا وائل المدير بتاعك
ورد :اهلا بحضرتك
وائل:دي منه زميلتك هنا وهتساعدك في شغلك لحد ما تتعلمي
ورد وهي تنظر لمنه:متشكره
منه :العفو يا حبيبتي
ورد :انا ممكن اعرف مواعيد الشغل
وائل :مستعجله كده علي المرواح
اي محبتناش ولا اي
ورد :لا طبعا مش قصدي
وائل :يعني حبتيني
ورد :اه ..لا اااااقصد حبيتكم
ضحكوا جميعا علي طريقتها
فضل :والله عال نقفل الشركه بقي عشان تعرفوا تتضحكوا بجد
وائل :احنا كنا بتعرف الانسه ااا
ورد :ورد اسمي ورد
وائل :ورد اسم جميل فعلا
نظرت للاسفل بخجل
فضل :اجيب اتنين لمون
اتفضلوا علي شغلكم مش عاوز تقصير مفهوم
نظر لورد بكده وكأنه يوجه كلاماته لهاوغادر سريعا.
وائل :عجبك كده اديكي جبتلنا الكلام
ورد :انا اسفه ااا
وائل :بس بس انا كنت بهزر
وعموما ياستي مجرد ما تخلصي شغلك تقدري تمشي
ورد :حاضر هخلص باقصي سرعه عندي
وائل :اي الاستعجال ده
ورد :انهارده فرح صاحبتي الوحيده وحولت مجيش الوظيفه تضيع مني
وائل :لا يا ستي متقلقيش منه هتساعدك يعني تلات ساعات او اربعه وهتروحي
ورد :شكرا جدا لحضرتك
وائل :العفو يلا بالتوفيق
…..
هنا :الو انسه لمار
لمار :أيوة معاكي
هنا :انا بكلمك عشان ابلغك ان المندوب مش هيقدر يجي انهارده ممكن بكره
لمار :لا طبعا انا عايزاه ضروري
انتي جايه تبلغني الساعه ٣
ازاي يعني ده
هنا :حصلت ظروف ممكن حضرتك تيجي تستلميه او
محمد :اي يا هنا خلصتي الي قولتلك عليه
هنا :أيوة طلبت الاكل وشويه ويوصل
عشان نتغدي
محمد :بسس انا مش …
هنا:ها يا انسه لمار قولتي اي
لمار :لا خلاص مش محتاجه انا هروح مول …. اظن انه بيتعامل معاكوا
هنا :أيوة
لمار :تمام سلام
محمد :في أي يا هنا
هنا :المندوب اعتذر وهي مش عايزه تصبر ومستعجله علي الفستان
محمد :ماشي واحد اعتذر في غيره مكلمتهوش ليه
هنا:ااوبس نسيت خالص
عموما هي هتروح مول ….الي بياخد مننا الشغل
محمد :لا الفستان ده اخر حته من الموديل ده
وهي طلبت الاوردر من امبارح اتصلي بيها
حاولت هنا الاتصال إلا أنه كان غير متاح وكذلك محمد
محمد :خلاص هاتي الفستان انا كده كده رايح المول هاتي الفستان هدهولها هناك
حركت هنا رأسها وأعطته الفستان
هنا:هاجي معاك
محمد :لا خليكي مش هينفع نسيب المكان لوحده
هنا :اممم ماشي
….
بحر :اتفضلي البسي ده
عطر :يا بحر انا جبت واحد انا جايه استلمه بس
محمد جابهولي امبارح
بحر :لا هتلبسي ده
عطر :بس التاني عاجبني
بحر :عطر بلاش تستفزني
عطر :وانت بطل تنشف دماغك
بقولك انا اخترته من امبارح
بحر:طيب يا عطر روحي البسيه بس لو معجبنيش مش هتلبسيه
تركته وذهبت لتجربه
وبعد دقائق خرجت ليصدم من شكلها
عطر :اهو هو ده الي اختاره محمد
بحر :هااا
عطر :انا حبيته
بحر :..
عطر :اي رائيك يا بحر
بحر
بحرررر
بحر :هااا أيوة مش بطال
هناخده
ابتسمت بسعاده ودخلت لتبدل ثيابها
….
ورد :يلا انا همشي
باقي البنات :متتأخريش
التفتت لتغادر واتجهت للمصعد
فضل :علي فين
ورد :اعااا
انت اي يا استاااذ انت
فضل بصرامه مصتنعه:نعممم؟؟!
ورد وقد تذكرت أنه رئيسها:احم
اقصد انا مروحه
فضل :لسه معادك عليه ساعه ونص
ورد :هاا ما انا استأذنت من استاذ وائل وهو قالي مفيش مشكله
فضل :استاذ وائل قولتيلي
نظر في ساعته انها الثالثه والنصف
اتفضلي ارجعي لشغلك الساعه اربعه تقدري تمشي
اقتربت منه ورد قليلا
ارتبك فضل وهتف :اي ده في اي
ورد :يعني بالله انت مش عارف
فضل لنفسه :معقوله تقولي بحبك
احم لا مش عارف
ورد :يعني بحر مش قالك
فضل بهمس :يا ابن الايه يا بحر نسيت تقولي حاجه زي دي
ورد :بتقول ايه
فضل :هاا بقول لا مقلش حاجه
ورد :طيب هقولك انا بس تعالي جوا عشان محدش يسمع
فضل :بجد
ورد :اه والله
فضل :اوي اوي اتفضلي
دخلت ورد ليصفق فضل بيده بدون صوت ويبتسم بسعاده
فضل :احم اتفضلي انا سامعك
نظرت ورد يمين ويسار وتأكدت من خلو المكان من الناس
اقتربت منه وهمست
انهارده فرح بحر علي عطر
فضل :نعم يا روح امك
ورد :اي ده في اي ؟؟؟
فضل بصوت مرتفع:يعني انتي جيباني هنا وشغاله تبصي يمين وشمال وبتهمسي عشان تقولي
ان انهارده فرح بحر علي ااا
سكت عندما وضعت يدها علي فمه
ورد :بس اسكت حد يسمع بحر مش عايز حد يعرف
نظر فضل ليدها لتنظر هي أيضا لها
ورد وهي تزيح يدها بسرعه:اسفه مكنتش اقصد
فضل :هيححح
ورد :ايه
فضل :اي؟؟
ورد :انت همشي الساعه بقت اربعه اهي
لسه هروح اجيب فستاني
فضل :اتفضلي هوصلك
ورد :لا
فضل :اتفضلي بقولك انا كده كده رايح عندكوا
ورد:بسس
فضل :متخافيش هنعدي الفستان الاول
حركت رأسها بنعم وخرجت معه
وائل :ورده انتي لسه هنا
ورد :ااا
فضل ؛ورد
وائل :اي
فضل :ورد اسمها ورد
وائل :اااه تمام
عن اذنكوا
ورد :ما انا ليا لسان
فضل :بجد!!سبحان الله
اتفضلي يلا
نظر لهم بعد أن خرجوا معا وصعدوا للسياره
حلو اووي كده
….
محمد :لمار
لمار :محمد
انت بتعمل اي هنا ؟؟
محمد :انا جيت اوصلك
لمار :نعممم
محمدوهو يمد لها الفستان :جيت اوصلك الفستان اقصد
لمار :شكرا
مكنش له لزوم تتعب نفسك
محمد :مفيش تعب ولا حاجه
ابتسمت لمار
محمد :انا كده كده كنت جاي لعطر
اختفت ابتسامتها:تمام
عاوز حاجه
محمد :ااا
بحر:لمار انتي بتعملي اي هنا
محمد:عطر انتي مقولتيش ليه أن بحر معاكي
بحر بصدمه :فضل
التفت محمد ليري ورد وهي تدلف برفقه فضل
محمد بحده :وررررد
فضل :محمد وبحر وعطر ولمار
ااااااازيكوا
محمد :….
يتبع..
لقراءة الحلقة الحادية عشر : اضغط هنا
لقراءة باقي حلقات الرواية : اضغط هنا
