Uncategorized

رواية الساحر الفصل العاشر 10 بقلم ياسمينا

 رواية الساحر الفصل العاشر 10 بقلم ياسمينا

رواية الساحر الفصل العاشر 10 بقلم ياسمينا

رواية الساحر الفصل العاشر 10 بقلم ياسمينا

الساحر : هااا ارميها
اريان بسخرية : وكمان مبتعرفش تقلد صوتو
وسام بغضب : انت مين
سيف بحيره : اومال مين ده
عليا بخوف : اريان اتصرف
اريان بصلها وبعدين بص قدامو وعينو انقلبت للون الاحمر وفاجأه النور اتقفل
عاصم : ايه ده
سيف : معرفش
وسام بخبث : ولا انا
وفي خلال 5 دقائق النور اتفتح تاني وياسمين لقت نفسها لسا واقفه علي سور وبصت وراها لقت الساحر وبصت علي عنيه وعرفت انو اريان اريان نزلها من علي سور بهدوء وبعدين حضنها بهدوء وقالها : اهدي
ياسمين بصتلو بحزن وبعدين بصت علي الاوضه لقت الساحر المزيف واقع في الارض
اريان قومو بهدوء وقال : اقفلي الباب بسرعه علشان هما اكيد طلعين
ياسمين جريت وقفلت الباب بسرعه قبل ما سيف يوصل واريان شال القناع من علي وش الساحر المزيف وبعدين ضحك بسخرية وقال : كنت واثق بس الي يلبس لبس ده لازم يكون راجل مش ست
ياسمين بصت علي شخص ده لقتو فرعون اما فرعون مكنش قادر يرد علشان اريان ضربو بسكينه في جمبو
اريان بضعف : جاه وقت العقاااب
فرعون بتعب : طب مش هتسأل نفسك انا عرفت كل ده ازاي
اريان : ازاي بقا
فرعون : عروستك الحلوه هي الي قالتلي
ياسمين بدموع : والله مانا
فرعون بخبث : بس بقا يامزه عيب كدا قوليلو كنا متفقين علي ايه
ياسمين بدموع : والله كداب والله انا معملتش حاجه والله
اريان مسك السكينه وضربها في بطن فرعون تاني وهو صرخ أما سيف كان بيخبط علي باب
سيف : ياسمين افتحي
اريان : اوع تفكر اني هصدق الكلام ده مستحيل فاهم
اريان ضرب تاني بسكينه في بطنو وقال : الضربه دي بقا علشان قلدني
اريان ضربو تاني : ودي علشان بتكدب
اريان ضربو تاني وقال : ودي علشان لمستها بأيدك انا مش هموتك غير في معادك
فرعون اغمه عليها وياسمين مبقتش قادره تقف علي رجليها وقعدت علي كرسي وسيف كسر الباب واريان وقف قدامو وشال القناع ولون عينو اتغيرت لي احمر ونيم سيف مغناطيسي
اريان : شيل معايا يلا
سيف فعلا شال معه فرعون ووسام دخل وساعدهم وقدرو يطلعو بيه برا بيت ورموه بعيد عن بيت غفران ورجعو تاني واريان طلع بسرعه اوضه ياسمين ودخل وقفل الباب ولقه ياسمين نايمه قرب منها وحاول يصحيها
اريان : ياسمين
ياسمين فتحت عينها بهدوء واريان شاف عنيها لونها احمر من العياط ياسمين غمضت عنيها تاني وتجاهلتو وهو قرب منها وباسها في خدودها وهي فتحت عنيها جامد من صدمه
اريان بضحك : اهو فتحتي عينك
ياسمين بغضب : عايز ايه
اريان : امممم انتي واخده مكاني وانا عايز انام في مكاني
ياسمين قامت من مكانو ونامت الحنه تانيه واريان نام جمبها
اريان : الفرح كان حلو
ياسمين بضيق : اه
اريان : وانتي كنتي حلوه
ياسمين : طبعا دي مش محتاجه كلام
اريان : اممم وانا كنت حلو بردو
ياسمين بضيق : شكلك انت الي عايز تنام مغناطيسي
اريان بضحك : ليه يعني
ياسمين : بترغي كتير
اريان : ياسمين هو انتي بجد بتحبيني
ياسمين سكتت ومردتش
اريان : ياسمين
ياسمين مردتش
اريان بزعيق : يازفتتتت
ياسمين بضيق : راعي اني كنت هموت من شويه ف عايزه انام وانسه تمام
اريان بضيق : لا قومي وفوقي كدا
ياسمين قامت وبصتلو بغضب وقال : ربنا يخدك
اريان بصلها جامد وجتلو فكره شريره
اريان : طب نامي
ياسمين بصتلو بضيق ونامت وقفلت نور واريان بص عليها بخبث
_________________________________________
????عند عاصم????
عاصم كان قاعد في اوضتو وهو حاسس انو مش فاهم اي حاجه وريم كانت نفسها تقولو قصة اريان
عاصم بضيق : ميييين الساحر ده ميييين
ريم قعدت جمبو علي سرير وقالت : ممكن تهده
عاصم : ياريم انا تعبت انا خايف علي اخويا واختي وعليكي
ريم بهدوء : خايف لنموت زاي اهلك
عاصم : اه
ريم : متخفش
عاصم بضيق : اه وياسمين
ريم : مالها
عاصم : كانت هتموت
ريم : طيب انا هقولك الحقيقه بس احلف بحياة اغله حاجه عندك متقولش لحد
عاصم : وحياتك ما هقول لي حد
ريم ابتسم وبدإت تحكيلو القصه من اولها وهو كان بيسمع بصدمه
_________________________________________
????في اوضه اريان????
ياسمين قامت من علي سرير علشان تشرب بس حست ان في حاجه علي أيدها بصت علي أيدها لقت فيه دم وبصت علي اريااان لقتو غرقان في دمو
ياسمين برعب : اررررريان
ياسمين قربت منو وقالت بدموع : اريااااان قوم ايه الي حصل قوووووووم
ياسمبن شافت نبضو لقت مفيش نبض صرخت
ياسمين بدموع : لا مستحيل لا يارب مش قصدي ادعي عليه والله كان من ورا قلبي قووووم ونبي طب انا اسفه بس قووووم والله بحبك اررررررياااان
ياسمين قامت من علي سرير علشان تنده وسام بس لقت ايد زقتها ووقعتها علي سرير بصت قدامها لقت اريان
ياسمين بصدمه : ايه ده
اريان بضحك : شوفتي خايفه عليا ازاي
ياسمين بصريخ : مش هرحمك
ياسمين فضلت تضرب فيه وهو يضحك
اريان بضحك : كفااااايه
ياسمين بغضب : هقتلكككك
اريان : اممم عايزني امووووت
ياسمين بغضب : اطلع برااا حياتي
فاجأه سمعو اذان الفجر
اريان : استني بس لازم نروح المقبره دلوقتي
ياسمين بطلت ضرب في اريان وقالت : بجد
اريان : اه يلا بس بسرعه
ياسمين بحماس : انا هقوم اغير
اريان : بسرعه
اريان قام لبس وياسمين دخلت الحمام ولبست بنطلون وتشرت واريان نفس النظام
ياسمين : جهزت يلا
اريان : المفتاح معاكي
ياسمين : اه يلا
ياسمين واريان طلعو من الاوضه بهدوء وطلعو بيت كلو وركبو عربيه وتحركو
اريان : المقبره بعيده شويه عن هنا
ياسمين : مش مشكله المهم نوصل نفسي اشوفها
اريان : فيها اثار كتير ممكن تموتي اول ماتشوفيهم
ياسمين : مفكرتش تاخدهم
اريان : تؤ لأن الفلوس مش اهم حاجه عندي
فاجأه لقو الدنيا بتمطر ولسا الشمس مطلعتش ياسمين بصت قدامها لقت في عربيه مركونه علي جمب
ياسمين : وقف شوف مين ناس دي يمكن محتاجين مساعده
اريان وقف عربيتو ونزل هو ياسمين وخبطو علي ازاز العربيه
والشخص فتح ازاز العربيه
ياسمين بصدمه : اركاااااان
اريان بضيق : اه بتاع الحفله
اركان : انتو تعرفوني
فاجأه امال طلعت راسها من شباك العربيه وقالت : ايه ده انتي
ياسمين بضحك : صدفه غريبه
امال : اه والله بصو ممكن تكسبو فينا ثواب وتوصلونا لفندق بتاعنا علشان عربيتنا اتعطلت
اركان بضيق : ادخلي هتخدي برد
ياسمين بسخرية : شوفت رومانسيه
اريان بصلها بضيق وبعدين قال : اتفضلو معانا
اركان : مش عايزين نتعبك
اريان بضحك : عيب اوي كدا احنا خوات الفرق بنا بس آلياء والكاف
اركان بضحك : تصدق صح يلا بينا
اركان وامال نزلو من عربيتهم وركبو عربية اريان اركان كان عايز يركب جمب امال بس ياسمين زقتو وقالت : لا انا الي هقعد جمبها
اركان بضيق : انا ايه الي خلني اشوفك ايه القرف ده ياربي
ياسمين : اركب وانت ساكت أحسلك
اركان ركب قدام وياسمين ركبت جمب امال واريان اتحرك والدنيا كانت بتمطر جامد
اريان : جاين اسوان ليه بقا
اركان : الهانم عندها دفليه بعد اسبوعين وقرارت أنها تعمل لبس شبه البس الاسواني يعني تركب حاجات علي حاجات كدا
امال بضحك : هفهمك انا بص ياسيدي انا قرارت اني اعمل لبس زاي لبسهم بس بطريقه عصريه وكدا
ياسمين : أن شاء الله هتنجحي
امال : حبيبتي أن شاء الله وانتو ليه جتو اسوان
اريان : علشان وسام خالي اتجوز من هنا
امال : وسام مين
ياسمين : حاجه كدا جميله دمو خفيف ولسا شب يعني لما تطلقي من أركان هتلقيه موجود وصغنون مش كبير
اركان بغيظ : بتقولي ايه انتي
ياسمين : هششششش
امال بضحك : اسكتي ليموتنا
اركان : ماتلم مراتك
اريان بضيق : مانا هديها بجذمه علي وشها بعد شويه استنا بس
امال وياسمين ضحكو وفاجأه سمعو ضرب نار واريان بص وراه لقه عربيه كبيره ولونها اسود وشخص مطلع راسو من شباك العربيه وبيضرب نار
اركان بصدمه : ايه ده
اريان بغضب : نزلو راسكم تحت بسرعه
اريان طلع مسدسو وكان معه مسدس تاني واده لي اركان
اركان بص لي مسدس وقال : ياجماعه انا تزاينر ماليش في الحاجات دي
اريان : اه خيخه يعني
اركان بضيق : ماشي انا هوريك
اركان طلع من شباك العربيه وبدأ يضرب عليهم نار
امال : هماااا مين دووووووول
اريان : مين بيعرف يسوق
امال : اناااااا
اركان دخل من شباك : لا ونبي اوع تخليها تسوق بينا هنموت كدا
امال بضيق : خليك في خبتك بس وانت اطلع يلا من شباك وانا هسوق
اريان : يلا
اريان طلع. من شباك وآمال جت قعدت مكانو بسرعه وياسمين قعدت مكان اركان وداست علي رجل اركان
اركان : رجلي رجلي الله يخربيتك
ياسمين بضحك : سوري سوري
اركان : انا قولت بلاش اسوان كان يوم اسود لما اتجوزتها.
امال بدأت تسوق جامد وأركان واريان بدأو يضربو نار عليهم وأركان ضرب طلقه علي كوتش العربيه وفاجأه العربيه وقفت وتخبط في الحيطه ونفجرت
اركان بصدمه : نهااار اسووووود العربيه انفجرت
اريان بضحك : اه
اركان : يلهوي انا موت الناس الي فيها
اريان بضحك : اه
اركان بغضب : انا مني لله
اريان بضحك : اه
اركان بغضب : اخررررررس
اريان بضحك : اهو بقيت تتعلم القتل خطوه خطوه بكرا تبقا حاجه كبيره اكبر من الساحر
اركان بغضب : انت اتجننت يابني كان يوم اسود لما شوفتك ولما اتجوزت الزفته الي تحت دي
امال بضيق : انا زفته ماشي
امال بدأت تسوق بسرعه اوووي وتروح يمين وشمال
اركان : اشهد ان لا اله الا الله واشهد أن محمد رسول الله
اريان نزل من شباك شويه وقال : اهدي يابنتي كدا
ياسمين بضحك : يلا سرعي
اركان نزل من شباك بتاعو وقال بضيق : ادخلي شويه كدا علشان اعرف ادخل ولا اتزفتي ورا انا عارف ان كل بنات بتحبني بس مش لدرجه انك تلزقي فيا كدا
ياسمين بصتلو بصدمه وقالت بغضب : اناااااا ماشي
ياسمين فتحت باب العربيه الي اركان كان واقف فيها والكل أنصدم
اركان بغضب : انتي مجنونه يابت
الكل ضحك وآمال قالت : اقفلي الباب معلش ده جوزي نستحملو
ياسمين بأبتسامه : ماشي
ياسمين قفلت الباب
اركان بغضب : اخلص بس من الوضع ده وانا هوريكي
امال وقفت العربيه واريان نزل من شباك هو وأركان وياسمين وآمال رجعو ورا تاني وأركان واريان ركبو مكانهم
اركان : مين ناس دي
ياسمين : انا هحكلكم
اريان بص لي ياسمين بغضب
اركان : علفكره احنا ممكن نساعدكم
امال : بظبط
ياسمين : طب هحكلكم
ياسمين بدأت تحكلهم عن حكاية اريان
اركان : القصه صعبه
امال : انت لازم تغير مكان الآثار ده وقبل ماتمشي من اسوان ادلهم المفتاح ولما بجو يفتحو مش هيلقو حاجه
اريان : مفيش مكان امان غير في المقبره
اركان بهدوء: طب ودينا هناك يلا واحنا هنعرف نفكر هناك
اريان ساق بسرعه وبعد نص ساعه وصلو قدام المقبره كانت مقبره فرعونيه ووسط صحرا وشمس طلعت
اركان : انا اول مره اشوف مقبره فرعونيه
اريان : انا شوفتها كتير كل سنه بجي اطمن عليها
ياسمين قلعت المفتاح ودتو لي اريان واريان قرب من المقبره المفتاح كان شبه (مفتاح الحياه) وبعدين فتح المقبره وآمال ياسمين كانو خايفين الباب اتفتح بسرعه واريان دخل هو وأركان
اركان : يلا تعالو
امال : استرها يارب
امال مسكت ايد ياسمين ودخلو واول مادخلو لقو فيه سلم طويل وباين عليه انو قديم نزلو عليه بهدوء واريان فتح الكشاف بتاع تلفونو واخيرا وصلو تحت واريان نور علي الاثار الموجوده في كل مكان
امال بصدمه : ايه كل ده
اريان : اثار تكفي مصر وبلاد التانيه كمان
اركان : يااااه ازاي مكتشفوش المقبره دي
اريان : جدو لما كشفها كان مقرر انو يروح يقول للبوليس بس فرعون الكلب غدر بيه
امال شافت دهب كتير ومجوهرات كتير قربت منها وكان في تاج حطتو في راسها
امال : احممممم احممممم اطلب من الكل يسمع كلامي انا ملكه هنااات
اركان : متجوز طفله
امال بضحك : مش هما كانو بيعملو كدا زمان
ياسمين بضحك : اه وبيلبسو دهب كتير اووووي اوووي
اركان : اريان انا من رأي تشيل دهب ده من هنا
اريان : مستحيل الكميه كبيره
ياسمين : اومال ايه الساحر ده
اريان بضيق : ياحبيبتي انا ساحر اه بس مش عفريت علشان انقل كل ده من غير ما حد يحس
ياسمين بتفكير : ممكن تنقلهم في طياره خاصه ونروح بلد تانيه ونخبي كل الآثار دي فيها لغيت لما تخلص انقامك
امال : بظبط كدا واحسن بلد تقدر تخبي فيها الآثار دي كلها الصعيد
اركان : صعيد ايه بس دا هناك فيه كمية تجار اثار كبيره
امال بهدوء : علشان كدا مش هيفكرو أن في آثار عندهم اصلا بص يااريان انت كلها كام يوم يعني وتخلص انتقامك ف صعيد هي أنسب بلد
ياسمين : ليه مثلا منروحش اسكندريه أو حتي بور سعيد
اريان بتفكير : لا جدو ابو ماما كان عندو بيت في صعيد يعني احنا ممكن نخبي في كل الآثار دي تحت البيت
اركان : انت بتهرب من عدو واحد بس لو روحت الصعيد هتلقي مليون عدو هناك دي بلد مش سهله ابدا
ياسمين : بظبط
امال : لا سهله طبعا بص يااريان انت ماشي صح بس انت بقا بذكائك أمن المكان كويس
ياسمين : طيب خلاص يبقا صعيد
اريان بهدوء : شكرا انكم ساعدونا
اركان بابتسامه : شكرا علي ايه بس عادي مفيش شكرا بنا
ياسمين بأبتسامه : مبسوطه اني شوفتك
امال : وانا والله
اريان طلع تلفونو وكلم وسام
اريان : بص قول لي البنات تجهز علشان هنسافر وسبهم في بيت غفران وهات سيف وعاصم وتعال
وسام : وسيف ليه
اريان : انا محتاجكم كلكم وبعدين هو نايم نوم مغناطيسي يعني مش هيحس بحاجه وعاصم لما يجي هنيمو زاي سيف بس انجز هتلقيني في المقبره
وسام : طيب مش هتأخر
اريان : هات معاك عربيات كتير وتكون كبيره
وسام : ماشي
اريان قفل تلفون وبعدين اتصل علي شخص
اريان : جهزلي الطياره الخاصه بتعتنا في خلال ساعه تكون جهزت
اريان قفل تلفون وبصلهم
امال : حلو كدا ولما يجي بلعربيات ننقل كل ده في العربيات
ياسمين بحماس : بعشق المغامرات دي
اركان بضحك : لو اساف معانا كان خربها
امال بضحك : اه والله
اريان قعد علي سلم بهدوء وقال : انا مش عارف القصه دي هتنتهي علي ايه
اركان قعد جمبو وقال : علي خير بص انا لو مكانك كنت عملت زايك بظبط
امال : لأن مستحيل تعيش كدا مرتاح وانت مش عارف تجيب حق أهلك
ياسمين : اه هو ممكن يكون طرقتك في القتل قاسيه بس هما قتلو اهلك بطريقه وحشه اوي وحقك
اريان بهدوء : انا مش باخد رأيكم في اني الي بعملو صح ولالا انا بسألكم هو انا آخرتي عامله ازاي
الكل بص في الارض ومردش
اريان : ايه الموت
ياسمين بغضب : بعد شر
اريان : تقدري طيب تحددي آخرتي ايه
امال : انا اقدر بص يااريان اخرتك مش هتبقا وحشه تعرف ليه
اريان : ليه
امال : شايف كل الآثار دي وكل دهب ده
اريان بتركيز : اه
امال : كل دول وانت مفكرتش تاخد منهم لان عينك مليانه وكمان علشان انت ميتخدش حاجه من حقك انت غني واهلك معاهم فلوس بس الآثار الي هنا اكتر ويعيشوك ملك انت وعيالك وعيال عياالك
اريان بهدوء : وايه تاني
امال : سيدنا ادم كان زيك كان معه كل حاجه بس ربنا قالو متكلش من شجره دي بس حوا خلتو ياكول معأن معه كل حاجه بس شيطان وسوس لي حوا وحوا فضلت تقولو مش معنا شجره دي وفعلا اكل منها وخسر كل المتعه الي كان عايش فيها ونزلو الأرض
اريان : قصدك لو انا كنت خد الاثار دي كنت هخسر حياتي
امال : وتبقا اخرتك وحشه وعايزه اقولك انت هتموت في معادك مش قبلو صدقني
اركان بأبتسامه : ايه ياربي العقل ده
امال بضحك : مانا خبره بقا وقعت وقمت وقعت وقمت لغيت لما ربنا فرحني وجبرني
ياسمين : كلامك حلو اوي ويلمس القلب
اريان : عندك حق
اركان قام وحضن امال بحب وقال : حبيبتي الي بفتخر بيها دايما
اريان بص لي ياسمين وقال بهمس : تعالي
ياسمين بستغراب : ليه
اريان : تعالي بس
ياسمين قربت منو وقعدت جمبو وهو حضنها وقال : حبيبتي الي مطلعه عيني
ياسمين بصدمه : حبيبتك
اريان ابتسم ومردش عليها وهي كانت مصدومه
وبعد نص ساعه سمعو صوت عربيات قدام المقبره طلعو برا مقبره وشافو وسام سايق عربيه نص نقل ورابطها بعربيه تانبه نص نقل وراها كمان وسيف وعاصم نفس النظام وسام وعاصم نزلو من العربيه واريان بص لي عاصم وغير لون عنيه علشان ينيمو
عاصم بهدوء : لا انا مش محتاج انام مغناطيسي
اريان بصدمه : هااا
عاصم : انا عرفت كل كل حاجه
وسام : كل كل حاجه
عاصم : كل كل حاجه
اريان : عاصم انا
عاصم بابتسامه : انت انسان عظيم
اريان بصدمه : بجد
عاصم : ايوا ولو انت مكنتش عملت كدا انا كنت عملت كدا
اريان بسعاده : يعني مش مضايق
عاصم بأبتسامه : اضايق من ايه اضايق علشان بتجيب حقنا لا مستحيل
اريان : احم ولا مضايق اني جوزتك ريم
عاصم : نعم دانا نفسي ابوس راسك ياشيخ
اريان قرب من عاصم وحضنو بحب
وسام بضحك : سيف شكلو بيموتني من ضحك
اريان بضحك : هصحيه لما نوصل الصعيد
عاصم بصدمه : الصعيد ليه
اريان : علشان هننقل الدهب ولاثار يلا علشان نلحق
اركان : انا معاكم طبعا
عاصم بتركيز : مش انت اركان التزاينر المشهور
اركان بأبتسامه : ايوا انا
وسام بصدمه : انت صاحب اساف
اركان : وانت تعرفو
وسام : يااااه ذكريات دانا وهو كنا بنصيع سوا
اريان بصدمه : نعم عيب كدا ياااخال
وسام بضحك : اه والله بكلمك بجد كان بيجبلي بنات ايه عسل
امال : احممممم احممممممم احممممممم
ياسمين : نحنوو هنااااااا
وسام بضحك : اه صح
اركان بضيق : دايما فضحنا في كل مكان ابن مفضوحه ده
وسام بضحك : لا والله دا عسل
اركان بسخرية : اه عسل عسل اسووود
اريان : طب يلا بينا بقا
اريان نزل سيف وقالو يشيل معاهم وفعلا بدأو يشيلو في الآثار وقعدو 3 سعات علي ما خلصو
اريان : اركان هيسوق عربيه تمام وانا عربيه وآمال عربيه
اركان : لا ونبي بلاش امااال
امال بغضب : اركاااااااااااااان
اركان بضحك : امااااااااال
ياسمين : بس كدا مش هتفضل غير عربيتك الي جينا بيها
اريان : هنجرها ورانا وخلاص
وسام : طب يلا وانا اتصلت علي بنات علشان يستنونا في المطار
كل واحد ركب عربيه وياسمين ركبت معا امال ومشيو بهدوء وحذر
????في عربيه امال????
امال : هتوحشنيني بجد واي حاجه تحتاجيها اتصلي عليا فورا
ياسمين بابتسامه : بجد انا مبسوطه اني شوفتك وزعلانه انك هتمشي
امال بهدوء : هنشوف بعض تاني متخافيش
ياسمين : يارب اشوفك دايما مبسوطه ومحققه حلمك
امال : وانا اشوفك دايما مبسوطه وتقدرو تخرجو من مشكله دي
ياسمين : انشاء الله
امال ابتسمت وكملت سواقه وبعد ساعه بظبط وصلو المطار وطبعا قدرو ينقلو الآثار لطياره من غير ما حد يحس أو ياخد بالو واريان قرار أن هو الي هيسوق الطياره وبعد ما نقلو الآثار الكل كان واقف قدام الطياره والبنات دخلو الطياره هما وسيف وعاصم
????قدام الطياره????
اركان كان واقف وحاطت ايدو علي كتف امال
اركان : تروحو وترجعو بسلامه
اريان بأبتسامه : شكرا
امال : علي ايه بس احنا خوات
امال حضنت ياسمين بحنان وقالت : أن شاء تخلصو من كل ده
ياسمين : انشاء الله
وسام : سلملي علي اساف
أركان بضحك : عنيا وهفكرو بذكرياتكم يلا خلي حنين تطلق
امال بضحك : بعد الشر
اريان : يلا بينا
اريان ووسام مشيو ودخلو الطياره
ياسمين بابتسامه : هتوحشوني هشوفكم تاني انشاء الله
امال ابتسمتلها بحب وياسمين ركبت الطياره واريان ساقها والطياره بدأت تطير
اركان : مش قولتلك بلاش اسوان
امال باستو من خدو وقالتلو : معلش يااركونتي
اركان بحب : قلب اركووونتك …….
__________________________________________
????عند جعفر ????
جعفر وصلو ظرف وفيه مفتاح المقبره وفرعون كان عند جعفر
جعفر : غريبه ازاي بعتلنا المفتاح
فرعون كان نايم علي سرير وباين عليه تعب
فرعون بشر : مش هرحمو والله شكلو بيضحك علينا
جعفر : كلم كدا ميرا شوفهم فين
فرعون بخبث : اه صح
????نتعرف علي جعفر????
جعفر : شخصيه شريره عندو 60 سنه بيهرب اثار زاي فرعون وعندو القتل سهل جدا وغدار وملهوش عزيز
__________________________________________
????في الطياره ????
اريان نده وسام يسوق مكانو واريان طلع وقعد جمب ميرا بهدوء
اريان : تعرفي انا مبحبش الخاينين
ميرا بتوتر : ها
اريان : مبحبش الخاينين
ميرا بتوتر : اه وانا
اريان قرب منها اوي ومسك أيدها وقال : حبيتك اووي اوووي اووووي بس كرهتك اووووي اوووووي اووووووي علشان انا بكره الخاينين
فاجأه اريان مسكها من شعرها وهي صرخت وكل بص عليهم
ياسمين بصدمه : في ايه
اريان بصوت عالي : افتح باب الطياره ياوسام
وسام فتح باب الطياره بس مش فتحتو اووي واريان مسك ميرا من شعرها وقربها من الباب
ميرا بصريخ : لاااااا ونبي
عاصم : اريان ليه بتعمل كدا
اريان زق ميرا علي باب وكنت هتقع بس هو مسك أيدها وزق رجليها وخلها تقع في الهوا بس هو كان ماسك أيدها والكل كان مصدوم من منظر ده
اريان بهدوء : هتحكي ولا اوقعك
ميرا بصت تحتها وترعبت وفضلت ماسكه ايد اريان جامد
ميرا برعب : هحكي هحكي بس طلعني
اريان بشر : لا هتحكي كدا
ميرا بدموع : طيب
اريان ابتسم بخبث وووو هنعرف هنعرف بعدين????????
يتبع..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً نوفيلا ورطة قلبي للكاتبة سارة فتحي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى