رواية فرح ولكن الحلقة العاشرة 10 بقلم مروان فرج
 |
| رواية فرح ولكن الحلقة العاشرة 10 بقلم مروان فرج |
رواية فرح ولكن الحلقة العاشرة 10 بقلم مروان فرج
خشيت وكان الجو متغير لقيت عمتي سليمه جايتها نسوانين ومشغوله ولقيت ساجده جيت سلمت عليها والغريب انها كانت فرحانه وسلمت علي عكس قبل
انا….شن في ياساجده ليش الحو متغير
ساجده…وهيا فرحانه عشان اليوم خطوبه امين????
انا….كيفف مافهمتش????
ساجده….زي ماسمعتي واخيراا امين قرر يخطب قديش ليا كنت نستني ف اللحظه هادي امتي يخطب امين عشان نحصل عرس ونغير فيه جوي????
انا .. اها قصدك اليوم بتمشو تخطبوله والل كيف
ساجده…تي اي بس هوا يعني مكمل فيها امي بتمشي وبتكمل معاهم وهكي يعني مش قصه انا بتشوفها ولو ماعجبتهاش رح تفوتها امي بتمشي تكمل بس يعني كل الامور كامله
انا…حسيت بضيق ف صدري مش عارفه كيف انا اها ربي يكمل ع خير????❤️
ساجده.. انشاء الله حقا شن حالك انتي معا راجلك محمد انشاء الله تعودي معاه وكويس هوا
انا… اها تمام كويسه انتي شن حالك وشن قاعده زعلانه مني ولالا
ساجده…تي لالا مش زعلانه ولا شي ونبيك انك تسامحيني عارفه كلامي يومها كان مش حلو معاك بكل بس بجد وجعني امين لما طلع وكان مصعب
انا… الدنيا نصيبات وإنشاء الله يحصل وحده تسعده وتفرح قلبه????
ساجده …ههههه من الجهه هادي هوا فرحان ومستعجل ع الزواج اكثر واكثر تعالي خشي نوريك شن جاب عشان تعرف امي معاها
انا…استغربت وكنت مش مستوعبه الكلام يلي كانت تقولي فيه ساجده معقوله امين خطب بالسرعه هادي مش كان يحبني كيف انقلب بالسرعه هادي ويخطب
ساجده….اوي نكلم فيك يافرح وين رحتي والل واخد تفكيرك محمد ????
انا….ههههههه لا معاك هي وريني
ساجده…تعالي خشي الدار وشوفي فتحت ساجده الباب وخشت قدامي وبعدها خشيت وراها وانصدمت لما شفت الحاجات يلي كان امين جايبهم لخطيبته????????
كان جايب هلبااا حاجات بكل يعني تقولي عرس مش خطوبه هياا حلويات مسكرات عصاير بدلاات طاقم صغير فيه دهب وحاجات تانيه
قعدت ساجده توريلي فيهم لين حسيت نفسي ضاقت وقوتلي نحس في روحي تعبت شوي نبي نطلع عشان نشم هواء برا
ساجده…اممممم تمام تلقيني ف الدار عشان بعدين ف العشبه بنشمي معا امي وقولي شن نلبس
انا… باهي شوي بنطلع برا ونجيك مش رح نطول عليك تمام
ساجده….تمام فرح
انا…طلعت وكنت مضايقه بكل كنت متوقعه اني رح نحصل من يساعدني ويوقف معاه بس لما عرفت انا امين خطب معاش قدرت نكلمه بكل حتي ولو بنتصل بيه شن بنقوله يعني وكيف بنقدر نحكي معاه ونا كسرت قلبه من قبل ياربي ساعدني????????
ونا طالعه تلاقيت معا عمتي سليمه في الممر جت سلمتي علياا وحضتني كانت بجد فرحانه بجيتي ????
سليمه…. اهلا فروحه شن امتي جيتي مالا
انا…اهلين بيك ياعمتي قبل شوي وصلت وخشيت لقيتك مقعمزه معا نساوين برا قولت مانبيش نزعجك لما يروحو توا نجيبك ونهدرز عليك وخسيت لقيت ساجده قعمزت لحداها شوي وتوا حسيت روحي نفسي ضايق قولت نطلع نشم هواء براا
سليمه…اي والله اليومين هادم مشغوله هلباا تعرفي خطوبه امين اكيد قاتلك ساجده عليها
انا….اي قاتلي
سليمه….قوتلي نفس ضايقك بالك حامل واحني مانعرفوش ههههههه
انا… تحشمت وفي نفس الوقت تضايقت هههه ضحكه من غير نيه بكل لالا مش حامل ياعمتي هكي بس طلعت عشان نشم هواء براا☺️
سليمه… باهي بعدين احني بنمشو بنديرو بيان وخطوبه ف الوقت لامين شن رايك تمشي معانا
انا….ياريت والله بس محمد قالي مش رح نطول ورح يجي يروح بيا معا المغرب
سليمه…عرفتني انا مانبيش نمشي بس مابتش تضغظ عليااا خليتني ع راحتي وقاتلي توا مشغول والخوش حوشك
انا…تمام نطلع براا نشم هواء ونخش عشان نشوف ساجده ونساعدها
سليمه…تمام بكل
انا طعت برا قدام الحوش وقعمزت ع الدروج وكنت مضايقه هلباا لدرجه انا عيوني دمعو مش عارفه كيف ماكنتش متوقعه انا يصير معاي هكي بكللل قعدت مقعمز ف مكاني ونبكي لين حسيت بشخص حط يده ع كتفي انا تلفت لقيت????
تلفت لقيت????ساجده تشوفلي وهيا مستغربه فيا علاش نبكي هكي
ساجده… خيرك بافرح فيك شي عليش تبكي
انا..لالا مافيا شي مغير عيوني بس وجعوني وعليش بنبكي اصلا مافياا شي
ساجده….كانت تشوفلي ومستغربه عشان عرفت اني نبكي ع شي هيا مش قوتلي رح تجي وقت راهو خليني نختار عشان نبدا نوتي روحي????
انا…هيا امشي للدار ونا نغسل وجهي ونجيك تمام
ساجده…. تمام كانت الساعه12الظهر خشيت وغسلت وجهي ومشيت خشيت لقيت ساجده مطلعه دبشها وتفكر شن بتلبس
قعدت نختارلها شن بتلبس وشن يلي يمشي معاها وهكي لعند ماحت الساعه 2الظهر
وقعدو كل مره حد يجي من العبله عشان الكل كانو يعلمو الا انا جت عماتي ونسوانين عمامي وكانو فرحانين هلبا ونا كنت كل مره نطلع نبي نشوف امين جي ولالا عشان كل يلي معاش شفتاا من وقت المشكله هديكا مرر الوقت بس امين قاعد مجاش وطعباا كانو الكل يوتو ف روحهم عشان يمشو بس نا كنت غيرهم
المهم لعند العشيه سمعت سياره جت تببب قولت مايكونش الا امين خشيت للمبطبخ وقعدت نحاول نشوف من الروشن من يلي جاي وفعلا طلع امين بس كان متغير هلبل بروحي ماعرفتاش كان لابسه بدله رسميه وهكي طالع حلو ????????
المهم خشت عمتي للحوش وقاتلي يلي بيمشي هيا يطلع كانو 3سياراات
ساحده…قاتلي امشي معانا بس قولها لا عشان محمد شوي وبيجيني مهم مشت ومشوو شوي من عماتي وقعدو الباقي وقعدت انا ف الحوش وكان الجو ممل بكل????☹️
قعدت نلف ف الحوش ومش عارفه شن ندير بكل قولت ياريتني ماجيت اليوم ولاعلمت بالخطوبه تي انا حتي كانهدا سن بنقولا تعال تزوجني مثلا ونا يلي فتا وقت تقدملي الحق عليااا انا الحماره يلي مانعرفش نتصرف خليني احسن شي نروح وخلاص
مشيت للدار عشان ناخد تلفوني ونرن ع محمد يجي يروح بيا ونا خاشه للدار لقيت تلفون عمتي سليمه قاعد مارفعتاش معاها
خديت التلفون وكنت متررده اني ناخد رقم امين ولالا بس قولت حتي لو خديتا شن بندير بيه قعدت شوي ونفكر قولت ناخد وخلاص
مهم فتحت الارقام ونزلت لين لقيت رقم امين فتحت تلفوني وخديتا وكتبتا باسم ساجده عشان حتي ولو لقاه محمد مايشك ف شي
مهم وتيت روحي ورنيت ع محمد عشان يروح بيااا مباش يرد قعدت نرد وبس عشان كنت هك نبيه يرد مانبيش نقعد لين يروحو ونتلاقا معا امين بعد ثالت مكالمه رد محمد وكان راقيله بكل????☹️
محمد….ايوا تي خيرك ماتفهميش انتي مفروض تعرفيني لما ماتردش معانها مش فاضي خيرك انتي
انا ….اها مش ماكتتش نعلم اسفه مهم انتا وين توا فاضي ولالا
محمد….شن تبي فيا عندي شوي شغل نكمل ونجيك
انا…لالا تعال توا نبي نروح عشان بنقولك شن صار ف موضوع الحوش
محمد…يعني كلمتيهم وشن قالولك
انا…اي كلمتهم مغير تعال روح بيا وبعدين نحكو ف الحوش عشان مانقدرش نحكي هنا
محمد….هي وتي روحك مسافه الطريق ونكون بحداك
انا…واتيه
بعد 10دقائق جي محمد وكان يحاسب اني كلمتني عمتي وانها وافقت واول ماركبت معاه ع طول سالتني ع الحوش ☹️
انا…تي اطلع توا مش وقت كلامك نحكو لما نوصلو
محمدد….وووك وطلع وهوا طايرتله ونا كنت خايفه ويدي ع قلبي عشان عرفت انا اليوم مش رح يمشي ع خير????
وصلنا لحوشنا وقالي هيا احكي شن صار معاك
انا…تبي الصراحه يامحمد
محمد…اي مالا بتكدبي عليااااا????
انا…لالا مش رح نكدب مهم كلمت عمتي وقالتي الحوش طلع مش لبوك كلا وانهم هما عندهم نصه درت هكي عشان معاس نبيه يحكيلي ع قصه الحوش مره تانيه وقولت يلي بصير يصير
محمد….تكدبي عليا انا ياكدابه وبدا يضرب فياا ف كل مكان وقالي مش رح نخليك تلطلعي من الحوش
كنت بجد مش مصدقه يلي قاعده نعيشيه فيه ويلي نشوفه فيه من محمد حياه كانت بكلللل????☹️
مشوو يومين وكنت مش قادره نحكي لحد يلي نعيش فيه بكل معا انا خاطري نحكي لحد وطبعا محمد قاعد ف الحوش معاي هكي وخلاص معاش في حد يكلم ف التاني عايشين معا بعض هكي وخلاص
محمد ….كان يفكر ف موضوع في راسه وديما نشوف فيه شاد التلفون بس كنت مش قادره نعرف شن هوااا
#عند امين
امين….كان فرحان لانا خطب صح هوا كان يبي فرح بس امه قدرت تقعنه وانا الدنيا نصيبات وهكي وفعلا بعد جهد اقتنع وخطب وكان جوه كويس وشبه انسي فرح بكل
والعيله كانو فرحانين لانا امين خطب وداروو جوه حلو هلبا ف الخطوبه ????????????
خصوصا لما روحو للحوش وبدا الجو لل2في اليل وهكي كان احلي ايام عند امين وطبعا نسيت نقولكم حدوو موعد العرس رح يكون بعد5شهور❤️ وخطيبته اسمها ايناس❤️
__________________________
المهم مشي علياا اسبوع وكنت مش قادره لاناكل ولانشرب حتي بنت الوكال راحت مني معاش خاطري ف شي بكل ايام يمشو علياا ولا كاني موجوده بكل ????
كنت كل يوم يوم نشوف في رقم امين ونبي نتصل بيه بس ماكنتش قادره نجي بنتصل ولاكن في شي يمنعني مش عارفه ليش كان املي الوحيد ف امين ممكن يقدر يساعدني
طبعا..محمد يطلع من الصبح يروح اليل ومايدورش فيا بكل لانا حسيتا يكلم ف حد تاني هكي وممكن تقولو تزوجني عشان كان طامع ف فلوس بوي وحوشه ????
لعند…ماكسرت الحاجر يلي كان بيني وبين نفسي وقولت رح نرن ع رقم امين ويلي بيصير يصير كان الوقت عشيه مهم كنت متررده حطيت ع رقمه واتصلت قعد يرن بس مافيش حد رد ☹️
قولت خيره هدأ مايردش عليا عاودت وقعد نرن شوي وفتح الخط قعدت ساكته ومابتيش نقول شي
امين…..الووو من معاي
انا… نبي نتكلم بس مش قادره
امين…..ردي يا…????????
يتبع..
لقراءة الحلقة الحادية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاك أوقع شيطان للكاتبة ريم محمد.
