رواية تميم وملك الحلقة العاشرة 10 بقلم فاطمة ابراهيم
 |
| رواية تميم وملك الحلقة العاشرة 10 بقلم فاطمة ابراهيم |
رواية تميم وملك الحلقة العاشرة 10 بقلم فاطمة ابراهيم
تميم = ملك.. ملك ردي عليا أرجوكي
تفتح ملك عنيها ببطئ
وأول ما تشوف تميم .. وبصوت ضعيف متقطع
طلق.. ني ويغمي عليها تاني
تميم من كتر التوتر والخوف مقدرش يسمعها كويس ومفهمش هي قالت ايه ….
وبخوف = ملك… ملك ردي عليا ي حببتى بالله عليكي
ويسمع تميم صوت الجهاز بيصفر بطريقة مش منتظمة
وبخوف أكتر وعيونه تبدأ تدمع وصوته يعلي=
ملك ردي عليا فوقي انا جمبك معنتش هسيبك تاني ابداا علشان خاطري فوقي …
ويبدأ تميم ينادي ع الدكتور بصوت مخلوط بالبكاء
ويدخل ع صوته الممرضة و معاها الدكتور بسرعه
لين بفرحة = معقولة نجحت خطتي بالسرعة دي …
مروان = قصدك ايه؟!
لين تبتسم وتقول= بجد انا المفروض يعملولي تمثال تقديرا لذكائي دا …
مروان = لين انجزي وقولي في ايه انا مش فاهم حاجة…!!
لين = لسه بدري ي روحي لما دماغك توصل لليفل دماغي اصلا …عاوزة اقولك ان إلا بيحصل حالا دا بسبب تفكيري أنا
مروان = يعنى ايه ؟!
لين = يعنى انا إلا دفعت للممرضة علشان تسمح لتميم يدخل لملك فتشوفه وهي تعبانة وتتعب أكتر وان شاء الله تكون ماتت بقي علشان نخلص منها للأبد…
مروان = ايه ي نهار اسود دي تبقي مصيبة !!
علشان كدا الممرضة كانت بتشاورلك وهي طالعة !!
لين تضحك وتقوم = بدأت تفهم ي موري
مروان بعصبية = موري ايه وزفت ايه احنا كدا ممكن نروح في داهية لو حصلها حاجة دي مصيبة
لين = مصيبة ايه بس دا هيكون أسعد يوم في حياتى احتمال اعمل بارتي كمان واحتفل …
مروان = ششش وطي صوتك واخفي ابتسامتك دي هنتفضح وتعالي نشوف ايه إلا بيحصل
يدخل مروان ووراه لين وهما راسمين الحزن المزيف ع وشهم….
تميم = هي مالها ي دكتور… دي كانت فايقة دلوقتي
الدكتور بعصبية = ضغطها ارتفع تاني وضربات قلبها مش منتظمة انا قولت محدش يدخلها مين إلا دخلك هنا !!
مروان ولين يبصوا لبعض بخوف شديد…
تميم بعصبية = مش وقته الكلام دا ملك لازم تكون كويسة فاهم !! …خدوا كل إلا انتو عايزينه المهم انها تفوق وتبقي كويسة
الدكتور = متعليش صوتك واطلع برا انت في مستشفي محترمة….
مروان يقرب من تميم ويحط إيده ع كتفه = تميم احنا لازم نخرج ونسيب الدكتور يشوف شغله علشان ملك تبقي كويسة
يبص تميم ع ملك وعيونه مليانة دموع ويغمض عنيه بوجع من منظرها ويخرج مع مروان…
لين تبص بإبتسامة انتصار ع ملك وتقول لنفسها =
خليكي جدعة بقي وارتاحي وريحينا كلنا بموتك
وتخرج لين تلاقي تميم قاعد في الطرقة حاطط إيده ع وشه وجمبه مروان عامل نفسه بيواسيه
لين تقرب من تميم وبصوت حزين = ان شاء الله هتكون كويسة ي تيمو متزعلش نفسك كدا
بعد شوية يخرج الدكتور :-
تميم يجري عليه بخوف = دكتور طمني ع ملك هي بقت بخير واقدر أشوفها صح
الدكتور = الحمد لله ضربات القلب انتظمت تاني وضغطها بيرجع طبيعي شويه بشوية بس لازم تبعد عن أي توتر وزعل علشان ميحصلهاش انتكاسة تاني
تميم = طيب ممكن أشوفها ….
الدكتور = في دلوقتى نايمة ومش هتفوق غير بعد ساعة ع الاقل …
تقدروا تبقوا تشوفوها لما تفوق أن شاء الله
ويمشي الدكتور وتميم واقف حاسس ان قلبه واجعه اووى ويمسح دموعه وبصوت حزين يبص لمروان=
ايه الا حصل ي مروان ملك جالها صدمة عصبية من ايه!!
مروان بتوتر= معرفش ي تميم انا زيي زيك بالظبط …
لين تقرب منهم وبسرعة تقول = بس انا أعرف
مروان يبلع ريقه وبخوف يبصلها …
تميم بإستغراب= تعرفي !! … وساكتة ليه ما تتكلمي !!؟
مروان = لين انتي هتقولي ايه
لين = خلاص ي مروان تميم لازم يعرف كل حاجة…
مروان يبصلها بقوة وميقدرش يتكلم
تميم = اتكلمي ي لين ملك حصلها كدا أزاي !!
لين = الصراحة ي تميم ملك قابلت امبارح شخص تقريبا كانت تعرفه من زمان … وحصل بينهم خناقة كبيرة اووى في الشركة وصوت ملك كان عالي اووي
تميم = شخص تعرفه !! … مين دا ملك ملهاش قرايب في دبي أصلا
لين = انا سمعتها بتعيط بتقوله انا بحبك وانت سبتنى وخليت واحد غيرك يتجوزني وانا لسه لحد دلوقتي بحبك ومقدرش أعيش من غيرك …
تميم بصدمة = معقولة قابلت الشخص إلا سابها يوم ما اتجوزتها !!!
أنتي كدابة ملك عمرها ما ترضي ترجع للشخص دا تاني …
لين = انا مقدرة انك زوجها والكلام دا صعب عليك بس ملك في المستشفي دلوقتى بسبب انها طلبت ترجعله وهو مش وافق وقالها مينفعش نكون مع بعض وانتي اخترتي حد تاني يكون مكانى ….
تميم ينزل الكلام زي الصاعقة ع قلبه ودموعه تغلبه وتنزل من غير من ما يحس ….
لين تبص لمروان بإبتسامة من غير ما تميم يشوفها وتكمل بصوت حزين = وقتها قعدت تترجاه يفضل معاها وأنها اول ما ترجع مصر هتطلب منك الطلاق علشان تكون حرة وترجعله بس هو اختفي علشان كدا تعبت ودخلت المستشفي …
تميم من الصدمة يقعد مكانه وميقدرش يتكلم بس دموعه كانت نازلة زي الشلال بتعبر عن حاجات كتير اووى جواه ومش قادر يقولها
لين = متقلقش ي تميم احنا كلنا معاك انا و مروان وعمرنا ما هنتخلي عندك ابداا ….
مروان يبصلها بعصبية وبصوت هادئ = أنا هروح أجيبلك حاجة تشربها ي تميم وان شاء الله كل حاجة هتتحل ي صاحبي…. لين تعالي معايا ثانية عاوزك …
يمسك مروان إيد لين بقوة وياخدها في أوضة فاضية ويقولها بعصبية = ايه الا انتي هببتيه دا !!!
لين = فيه ايه بس ي مروان انا عملت ايه؟!
مروان = لين انا عملت كل دا علشانك …. علشان بحبك وافقت على المؤمرة دي وكذبت ع تميم وانا عارف أني ممكن اخسر كل حاجة بسبب إلا انا عملته كدا علشان نبقي مع بعض
لين تبصله بحبك وتقرب منه = ما انا كمان بحبك ي موري وعملت كل دا علشان نخلص من ملك دي كانت عاوزة تحرض تميم علينا علشان تاخد كل حاجة ليها بس بالا عملناه دا هنبعدهم عن بعض وتميم يتقفل تانى من الجواز وتضمن مكانتك في الشركة ي روحى ونتجوز انا وانت….
مروان = انا لحد دلوقتي معاكى ومصدق كلامك ي لين بس لحد هنا وكفاية …. انتي بكل بساطة كنتي هتكشفينا قدام تميم برا
لين بنظرة مكر = مش قولتلك أنك لسه بدري عليك لما توصل لليفل تفكيري ي بيبي ….
هي ملك دلوقتى مش مصدومة وجالها الصدمة العصبية دي بسبب انها فاكرة ان تميم هو الوحش والشرير وان عمر هو إلا مظلوم …
مروان = ايوة حصل …
لين = وانت جيت أكدتلها شكها دا بعد ما قولتلها الكلام إلا اتفقنا عليه يبقي دلوقتى المفروض اول حاجة هتطلبها من تميم ايه اول ما تفوق …
مروان = اكيد هتطلب الطلاق …
لين بإبتسامة = برافوو عليك وهي لما تطلب الطلاق كدا تميم هيتأكد ان الكلام إلا قولتوله من شوية دا صح وأنها عاوزة تطلق علشان ترجع لحبيبها القديم وطبعا تميم مش هيستحمل ع رجولته حاجة زي كدا وهيطلقها في وقتها ع طول
مروان = يخربيتك دا انتي تفكيرك شيطاني…!!
لين = تؤتؤ متقولش كدا ي بيبي دا انا طيبة أووي علشان كدا ربنا بيسهلي كل حاجة …
مروان = وبكدا يسيبوا بعض وتميم يرجع زى الاول واحنا نتجوز صح
لين = طبعا ي موري …علشان تعرف انا بحبك قد ايه وخايفة ع مصلحتك ومكانتك في البيزنس…
مروان = ي روحي وانا كمان بحبك اووى بس في حاجة مش فهمتها….
لين لنفسها= أممم احنا مش هنخلص بقي من كتلة الغباء دي …
وترد لين = قول ي روحي مش فاهم ايه؟!
مروان = أنتي عرفتى كل إلا قولتيه لتميم دا أزاي !!
عرفتى حكايه عمر وملك أزاي …
لين بإبتسامة = انت السبب ي حبيبي
انا مكنتش جايه دبي أصلا بس لما انت طلبت ملف ضروري أضطريت أجي ولما وصلت روحت ع مكتب ملك علشان أوصلها الملف سمعتها بتتكلم مع شخص وهى بتعيط
وبيقولها= أنا بحبك وانتى بتحبينى وغضب عنى سبتك فقدرت استنتج ان دا حبيبها السابق وبس فضلت مراقبة الموقف لحد ما خلصوا وعرفت الشخص دا وقابلته وتفقت معاه هو وواحد كمان اسمه محمد وعملو التمثيلية إلا حصلت دي …
مروان = وعمر دا وافق عادى كدا !!
تضحك لين وتلف حولين مروان وتقول= بالفلوس ي بيبي بنعمل كل حاجة….
عمر دا كان عامل قدامي في الأول انه بيحبها بس أول ما شاف قدامه ٥٠ ألف دولار كان عامل زي الكلب وكان مستعد يعمل اى حاجة تطلبها منه كمان …
تصدق الرخيص لما دورت وراه لقيته كان مصاحب اتنين هنا من ساعة ما جه وكان بيمثل عليا انه لسه مخلص لملك أووي…. هو لما جه هنا وشاف بنات أحلي منها قال وماله البحر يحب الزيادة بنات حلوة وفلوس كتير وفلسع ملك ولما لقاها قدامه في المكتب
حب يعيش دور الضحية والحب تانى بس لما صدته حب يدمر علاقتها بتميم قبل ما هي تدمره وترجعله مصر تاني بعلاقات تميم هنا …
فأنا بقي لقيت سكتنا واحدة قولت كويس وبدأت استغل موضوع اخت تميم إلا ملك عرفته وارسم الخطة
مروان = طيب افرضي تميم قدر يوصل لعمر دا وجبره
انه يعترف بالحقيقة أو حتى عمر طمع في فلوس تاني
لين = عمر ايه بس دا زمانه دلوقتى بيتحاسب يبيبي…
مروان بصدمة = أييه !!!
لين = اه طبعا أمال انت فاكر ايه هسيب كدا تكون رقبتنا في إيديه ولا ايه؟!
مروان بعصبية يمسك لين من دراعها بقوة
= لأ ي لين قتل لأ انا مش مجرم علشان اكون شريك في جريمة زي دي …
لين = يعنى انك تخون صاحبك حاجة عادية انما تشارك فى قتل دا مش تقدر تستحمله!!
مروان بحزن= أنتي بتعيرينى اني بحبك ي لين !!
انا عملت كل دا لما قولتيلي اننا هنتجوز بعدها …
كنت دايماا حاسس انك بتقربي من تميم قصدا وكأنه فيه مشاعر جواكى ليه بس انا بحبك ووثقت فيكى وفرحت لما قولتيلي انك كمان بتحبينى وهنتجوز ووافقت على كل دا …
لين بصوت دافئ وحنية = ايوا طبعا ي حبيبي هنتجوز وهنعيش مع بعض ع طول بس علشان دا يحصل كان لازم اعمل كدا علشان اضمن اننا مش ننكشف وكل إلا عملناه دا ميروحش بلاش …
مروان = ماشي ي لين انا وراكي لحد ما نشوف اخرتها ايه …
لين = أخرتها كل حاجة حلوة ي حياتي ياله انت بس اطلع علشان تميم ميخدش باله من حاجة وانا هجبله ماية وهاجى وراك …
مروان = ماشي ي روحى ويحضنها مروان ويطلع
لين = أووف انا مش عارفه هفضل مستحملاك لحد أمتي انت وغبائك دا …. بس هانت اخرتك انت كمان قربت وهنتجوز انا وتيمو حبيبي
وتخرج لين وتجيب مايه وتروح عن أوضة ملك تلاقي تميم و مروان قاعدين في الاستراحة …
لين = تميم خد اشرب مايه …
تميم ميردش عليها وقاعد حاطط إيده ع راسه وسرحان وهو بيعيط وبيفتكر كل الوقت إلا قضاه معاها وحبه ليها وأزاي كان بيفكر يعترفلها بحبه …
لين تبص لمروان بستغراب ان تميم مبيردش عليها وتميم بيهز راسه بالنفي …
لين = تميم كل حاجة بالتفاهم ممكن تتحل بس انت…
ولسه هتكمل يقوم تميم من مكانه وعيونه حمرا أووي من كتر العياط ويمسح دموعه ويقول = أنا كويس هخرج شوية أشم هوا وهرجع لما تفوق …
مروان = استنى ي تميم انا هاجى معاك
تميم = لأ خليك انا عاوز اكون لوحدي لو سمحت …
مروان = بس أنت ااا
لين تقاطعه = سيبه ي مروان خليه ع راحته …
يخرج تميم من المستشفي وهو شايف كل حاجة قدامه مهزوزة والدموع ملية عنيه يمشي وهو بيفكر في كل الكلام إلا سمعه من لين …
معقولة تكون ملك فعلا عملت كدا !!
لسه لحد دلوقتي بتحبه وأول ما شافته ضعفت قدامه بالسهولة دي….
انا كنت فاكر انها نسيته وبتحبنى انا زي ما بحبها
ليه عملتى فيا كدا ي ملك دا انا مفتحتش قلبي لحد غيرك بعد وعد الله يرحمها انتي الوحيدة إلا حبيتك واتمنيت ان لو هيكون عندي أولاد يكونوا منك أنتي
ويرد تميم ع نفسه وهو بيمسح دموعه ويقول = أنت عبيط ي تميم !! … انت دا كله تخيلته في دماغك اصلا هي عمرها ما قالتلك انها بتحبك انت بالنسبة ليها واحد متجوزها بالغصب وفرض نفسه في حياتها بس
ويرجع تميم يقول لنفسه ودموعه نازلة بوجع =
بس حتى لو مش بتحبينى معقولة ترجعي للعمل فيكى كل دا !! …. موافق انك مش بتحبينى ومعترف انى خبيت عنك أكبر حقيقة في حياتي وهي انى كنت متجوز قبل كدا ومعترف انى لما اتجوزتك مكنتش بحبك واتجوزتك بس علشان كنت خايف عليكى وكمان علشان اخلص من زن أهلي عليا في موضوع الجواز ….
بس انك ترجعي للشخص دا ليييه وبصراخ وعياط =لييه ي ملك دا انا قلبي كان بيتوجع علشانك وانتي بتتعذبي بسببه لييه تعملي فيا كدا ….
وينزل تميم ع ركبته وهو بيصرخ وحاطط إيده ع قلبه وبعياط هستيري = ااااه لييه ي ملك ليه دا انا حبيتك من قلبي لييه تعملي فيا كدا
للدرجة دي أنتي ملقتيش اى حاجة حلوة مني ممكن تخليكى متمسكة بيا حتى لو لفترة !!
يعنى انتي شايفاه أحسن مني في نظرك ي ملك وأنه يستاهلك ويستاهل انك تكملي معاه حياتك …
بعد ساعتين
لين واقفة في طرقة المستشفي كل شوية تبص في الساعة بتوتر …
مروان = مالك ي لين راحة جاية كدا ليه ومش ع بعضك !!
لين = تميم اتأخر أووي ومش بيرد على تليفونه…
مروان = وانتي قلقانة ليه ما هو قال هيتمشي شوية وهييجي…
لين = دا كله ي مروان انا خايفة لي….
ولسه بتكمل كلامها تلاقي تميم جاي قدامها…
لين بفرحة = تميم اخيرا جيت اتأخرت كدا ليه !!؟
تميم = هي فاقت ؟
لين = أحم اه فاقت من شوية والدكتور طمنا انها بقت كويسة دلوقتى …
تميم يقرب من أوضة ملك ولين ماشية معاه …
تميم = لو سمحتي عاوز اتكلم معاها لوحدنا ممكن
لين بإحراج = اه طبعا انا أسفة اتفضل
يدخل تميم الأوضة ويقفل الباب …
اول ما ملك تشوفه = أنت !! …. أنت ليك عين تيجى هنا بعد كل دا … أنت السبب في دمار حياتى كلها
انا بكرهك ي تميم بكرهك طلقنى ….
تميم يقعد قدامها وهو بيحاول يتمالك نفسه ومحافظ ع هدوءه ويقول = أنا عارف أني غلطت قبل كدا بس صدقيني إلا بتعمليه دلوقتي هو غلط أكبر بكتير
ملك بستهزاء= بالعكس انا بصلح الغلطة إلا عملتها انا مستحيل أعيش معاك بدايتنا كانت غلط من الاول وجه الوقت إلا ننهيها مكنتش مصدقة إلا حصل ولا قادرة استوعب بس ساعات الحقيقة مهما كانت صعبة بتفضل واقع ولازم نواجهه طلقنى ي تميم طلقاااني
تميم لنفسه = يعنى طلقالك مني علشان ترجعيله دا تصليح الغلط من وجهت نظرك!!!
ملك لنفسها وهي بتعيط = أزاي قدرت اتخدع فيك كل دا انا حبيتك بجد وحست انك عوض ربنا ليا بعد ما عمر دمرنى وقويت بسببك وقدرت اكسره زي ما كسرنى بس فجأة حسيت انى انا الوحيدة إلا اتكسرت بينكوا…. كنت مجرد وسيلة ي تميم بالنسبة لك علشان تنتقم لأختك!!! …
يرد تميم = يعنى دا إلا هيريحك ي ملك …!!
ملك تمسح دموعها = أيوا طلقنى لو سمحت خلاص الشهرين إلا كنت طلبتهم مني خلصوا …
وتخونه عينه ودموعه تنزل ويقولها = ماشي ي ملك لو دا إلا هيريحك انا موافق
وبصوت ضعيف مخلوط بالبكاء = ملك أنتي ..
