رواية عشقي الجزء الثاني الفصل العاشر 10 بقلم ياسمين مصطفى

في فيلا قاسم…..

بعد مرور 10 سنوات……..

كان قاسم نايم ف الاوضه…وكانت عشق ف المطبخ…..

دخل يزن اتسحب براحه جدا واستخبي ورا الستاره….لانه عارف ان اخوه ميقدرش يدخل الاوضه من غير اذن…….

قاسم:رجلك باينه علي فكرا…..

خرج يزن راسه من الستاره:بجد…

قاسم بضحكه:تعالي ياحبيبي…..مالك…

جاسر بيخبط علي الباب….

جاسر:بابا ممكن ادخل…

يزن برعب:بابا….هيموتني….

قاسم بحده خفيفه:ادخل يا جاسر…

دخل جاسر…

قاسم:في ايه…

جاسر وهو بيفتح اللاب:ينفع كدا يابابا…..

قاسم بص للاب:اي دا…رد يايزن اي دا..انت هكرته…ازاي يابني…

يزن:اسف يابابا….بس هو مكنش راضي يلعب معايا وانت عارف ان ادم صغير وميعرفش يلعب كوره…..

جاسر:انت لو كنت قولتلي كنت هلعب معاك يايزن انت اخويا وهعمل كل اللي انت حابه ياحبيبي….

قاسم كان ساكت بيشوف ولاده بيقولوا ايه…..

يزن حضنه وقال:وانا كمان بحبك….والله…

جاسر:يالا نروح نلعب….عن اذنك يابابا……

ابتسم قاسم علي حب ولاده لبعض…وقام راح لاوضه الاطفال….ودخل…بس ملقاش ولاده علي السرير……

عرف هما فين….وصحك لما لقي رجل بنته ع باينه من تحت السرير…..

قاسم:نور انتي هنا….

نور:انا مش هنا يابابي….

قاسم:هههه تعالي ياقرده…

نور:بس انا نور مش قرده….

قاسم:طيب يانوري….فين توأمك…..

نور بهمس:هقولك بس متقولش ان انا قولتلك….ادم تحت السرير….و

قاسم:ههه ماشي….وكمل بصوت عالي انا كنت جايبله هديا بس خلاص بقا حظه وحش….انا ماشي….

خرج ادم بسرعه…

ادم:انا هنا يابابا….

قاسم:خرجتزدلوقتي…..ع العموم…..هديتك ف الاوضه عليها بس من غير ما تبوظ الاوضه ماما تعبانه…..

الطفل:حاضر يابابا…..

خرج قاسم ونزل عند عشق….

قاسم:الحلو واقف لوحده ليه….

عشق بخضه:قاسم…

قاسم:بقالنا اكتر من 9 سنين متجوزين ولسه بتتخضي….ها بتعملي اي….

عشق:بيتزا….وهناكل ف الجنينه….

قاسم:الله….خلاص انا كدا كدا مش رايح الشركه…هروح اظبط المكان….

وراح قاسم للجنينه وطلب من الحرس انهم يبقوا برا الجنينه…عشان ياخدوا راحتهم وكدا يعني…..

قاسم بصوت:يااالاا يااولاد الاكل جهز….

طلعوا كلهم يجروا لان بيتزا…محدش يقاوم…وهما بيجروا نور وقعت…..

نوره ببكاء:اااه بابي…..

وقبل ما قاسم يوصلها لقي ولاده التلاته بيجروا عليها….

جاسر:انتي كويسه ياحبيبتي….

يزن بيمسح علي رجلها:معلش ياروحي….

ادم:بعد كدا خدي بالك ياتوأمي….

دخلت عشق لقت قاسم بيدمع….

عشق:مالك ياقاسم….

قاسم:احسن حاجه عملتها اني قدرت اجمع بينهم وزي ما قدرت اجمع بينهم ف صغرهم هجمع بينهم ف كبرهم….وهيبقوا ايد واحده…محدش هييبق التاني…لما اختهم وقعت الاربعه كانوا بيتسابقوا علي اللي يلحقها الاول….

عشق:ربنا يديمك لينا ياقاسم….وراحت تشوف بنتها…..

قاسم:ويديمكوا ليا ياحبيبتي….

____________________♕

بعد مرور زمن طويييل……

وفي اكبر الغرف….غرفه عشق وقاسم…صحت عشق علي صوت المنبه….

عشق:قاسم….قاسم حبيبي…الشركه…

قاسم وهو مغمص عنيه:انا صاحي ياعشقي…بس مصدع شويه…..روحي شوفي نور وانا هشوف الشباب….

عشق:لا ارتاح وانا هشوفهم كلهم….

وخرجت عشق من الاوصه وراحت لاكبر اولادها…..خبطت ع الباب….

عشق:جاسر…حبيبي…انت صاحي….

فتح جاسر الباب:بلاش حبيبي….لاحسن قاسم بيه يعلقني….اتفضلي ياا أمي….

عشق:انت صحيت ياحبيبي…..

جاسر:اه يا امي من زمان…..ورايح دلوقتي للجهاز….اللوا عدي مش سايبني ف حالي….

عشق:هههه…هو عمك عدي كدا زي ابوك بيحب الشغل اد عنيه….يالا ياحبيبي…سويه وانزل عشان تفطر….

جاسر:حاضر يا امي….اتفضلي….

وخرجت عشق من الاوصه ومنها لاوضه تاني الاولاد….يزن بيه….

دخلت عشق الاوضه….وفتحت الستاير…..

عشق:هااا يزن…

يزن:خمصايه ياماما….

عشق:خمصايه…قوم ياحبيبي….ابوك صحي…

يزن بخضه:اي صحي اكيد هيمشي….لاا انا لتزم اثبت نفسي واروح قبله…..وقام باس عشق صباح الخير ياماما وطلع يجري ع الحمام….

ضحكت عشق عليه ومنها لاوضه التوأم…..

دخلت عشق الاوضه….لكنها لقيته صاحي…

عشق:صبااح الخير

ادم بمرح:صباح الفل يبشه….

عشق بضحكه:حبيب امه انت….

ادم:حبيب امه اي بس يا امي…روحي صحي نور عشان منتأخرش ع الكليه….النهارده اول يوم مش عايوين نتطرد…..

عشق:حاضر ياحبيبي….

وسابته وراحت لتوأمه نور….

عشق:قومي يالا ياحبيبتي ادم صحي وبيستناكي….

نور قامت بسرعه:ايه ادم قام….دا انا اتراهنت معاه امبارح علي اني اصحي قبله…..

عشق:قومي بسرعه ياروحي البسي….

نور باستها ف خدها:صباح الفل ياست ماما….

عشق:صباح النور ياروحي….يالا بقا اسيبك واروح ل مراد افندي….

وسابتها ومن عندها راحت لاخر العنقود……

عشق:مراد مراد حبيبي….اصحي يالا عشان متتأخرش علي مدرستك…..

مراد:ماما انا مش رايح….

عشق:قوم يافاشل…

مراد:الفاشل مش خارج…

عشق وهي بتقوم:حيث كدا بقا انادي علي باباك….

مراد نط من ع السرير:لا لا وحيات عيالك معندكيش عيال….

عشق:قوم يالمض….

وسابته وخرجت ونزلت المطبخ….تحضر الفطار للعيله….ونزل قاسم بعد ما غير هدومه لهدوم الشغل……

قاسم:صباح الخير ياعشقي….

عشق:صباح النور ياحبيبي….

قاسم:ادم….انت ونوري….النهارده اول يوم ليكو ف الكليه….مش عايز غرور….من تواضع لله رفعه….وتاني حاجه الاحترام ولسانك ميطولش…وتالت حاجه واهم حاجه تخلي بالك من اختك…اختك تحطها ف عنيك…..فاااهم…..

ادم وهو بيبص لنور:انت بتوصيني علي توأمي يابابا دي ف قلبي مش ف عنيا….ابتسمت له نور بحب…وابتسم قاسم وعشق علي حبهم الشديد لبعض….

قاسم:الاستاذ جاسر….طبعا انت دخلت مخابرات….ودا بناءا علي طلبك…اهم حاجه ف شغلك العدل ياجاسر ولو كان التمن حياتك….

جاسر بجديه:انت بتوصيني يا حج…انا دخلت المخابرات دي لسبب واحد وهو اني انضف البلد…وهبكون كل شغلي عدل وعمري ما هظلم حد….

قاسم:ودا العشم بردوو..استاذ يزن…

يزن:ها خير يابابا….

قاسم:لا ما هو مش خير الصراحه…اوعي تفكر تهكر حد تاني…انا مش ناقص مشاكل….بتخش علي موقع الوزاره ليه يا استاذ…..

يزن بتوتر:هااا…

قاسم بحده خفيفه:من امتي وولادي بيظوروا ف حاجه…يزن خلي بالك من افعالك لاني بحوشلك…..وانت عارف انت ممكن اعمل اي…….وبص لمراد….اللي كان بيشرب…

قاسم:استاذ مراد….

مراد بخضه:ها…احم نعم يابابا…

قاسم بهدوء:امبارح ملحقتش اقعد معاك كنت جاي متأخر وانت نمت….عملت مصيبه امبارح….

مراد:لا طبعا يا بوب…هو انا اي حد ولا اي….

نور بهمس ل ادم:ابوك لو عرف هينفخه

قاسم:اممم ماشي…بس هعرف في اي يا ابن الجوهري….

مراد:كل خير ان شاء الله يابابا….

قاسم:انا شايف انكوا خلصتوا اكلكوا….

الجميع:الحمد لله يابابا….

قاسم:ادم انت ونور ورقه المحاضرات بتاعتكوا ع الترابيزه…..تم محمد هيوصلكوا….وهياخد معاكوا مراد بيه يوصله للمدرسه….اكلكوا ف معادكوا….محدش يطنش الاكل….كل واحد يخلي باله من نفسه لو حصل اي حاجه كلموني….استاذ،مراد لينا قاعده مع بعض بليل….

قاسم:جاسر انت الكبير واكيد عارف هتعمل اي….يزن بيه…هتيجيي معايا الشركه…

يزن:حاضر يابابا….

قاسم:كل واحد يتأكد انه معاه الفلوس الكافيه لليوم بتاعه….

الجميع:كله تمام يابابا…..

قاسم:توكلوا علي الله….

ادم ونور ومراد:عن اذنك يابابا….باي يا ماما

قاسم:اتفضلوا وتليفوناتكوا مفتوحه…

جاسر:عن اذنك….وباس راس عشق ومشي

قاسم:اتفضل.. استاذ يزن يالا….

يزن:اتفضل…بس ياعشقي….

قاسم:امشي ياحبيبي…امشي….باي ياعشقي…

عشق:باي ياحبيبي……

___________________

اما في فيلا عدي..

فرح ض:صباح الخير….

عدي:صباح النور يافروحتي….

رسيل:صباح الخير ياقلبي….

عدي.:عندك محاضرات النهارده…

فرح:ااه عندي…بابا…احم كنت عايزه منك طلب….

عدي وهو بيسيب الشوكه:خبر يافرح…

فرح:عايزه اسافر اكمل تعليمي ف امريكا…..والله يابابا هاخد بالي من نفسي…متخافش عليا….والله مهم جدا ب النسبالي….

رسيل:لا انا مستحيل اوافق ع الكلام دا…..

عدي:ولا انا…انتي ازاي عايزه تخرجي وتسبينا…..

فرح:والله يابابا هاخد بالي من نفسي هي اول مره…..

عدي:لو كدا هنسافر كلنا…..واكنل شغلي ف الفرع اللي ف امريكا….

فرح بفرحه:ياااريت يابابا….عن اذنك بقا اتأخرت…..

عدي:اتفضلي باحبيبتي…..

ومشت فرح وقالت رسيل….

رسيل:انت هتوافق علي كدا….

عدي:طالما هنروح معاها عادي….

رسيل:طيب انت موافق لكن جاسر مش هيوافق…

عدي بغيره:والله هي بنتي انا مش بنته هو….واعمل اللي انا عايزه….

رسيل:ربنا يهديكوا….

_______________♕

جاسر قاسم الجوهري:الابن الاكبر لقاسم الجوهري بيحب فرح بنت عدي من وهما صغيرين وبيخاف عليها جدا لكن مش بيبسن…طيب القلب…لكن شغله مخليه عصبي وجادي….شغال ك ضابط مخابرات….

يزن قاسم الجوهري:الابن التاني…لقاسم الجوهري…يزن مشاغب جدا….وبيعرف الهكر باين انها وراثه….بيشتغل مع ابوه ف الشركه..وشاطر جدا ومتميز ف شغله….حتي ان ابوه احيانا بتعجب منه………

ادم قاسم الجوهري:الابن الثالث لقاسم الجوهري…ف كليه الهندسه….طيب جدا…لكن عصبي وعاقل..بيحب اخواته جدا وميسمح لحد يتكلم عليهم ب كلمه غلط….واكتر حد بيحبه ف العيله توأمه واخته نور……

نور قاسم الجوهري:الابنه الثالثه…لقاسم الجوهري….توأم ادم الغير متشابهه…طيبه جدا…بتحب ادم اخوها جدا….وبتحب ابوها جدا جدا…حسااسه جدا جدا….

مراد قاسم الجوهري:الابن الاخير لقاسم الجوهري….ف الثانوي….مشاغب….بيحب المقالب والتحديات والهزار والحجات دي…وبيحب يعصب قاسم جدا….ونفسه يكون زي جاسر وعمه عدي…..

________

ودا كان اول بارت من حياه اولادهم…

هيحصل مشاكل ف كليه نور وادم..لانهم توأم غير متشابهه..ف الناس هيطلعوا اشاعات وكدا….