رواية إنها صدفة الحلقة الثانية 2 بقلم ميشو محمد
 |
| رواية إنها صدفة الحلقة الثانية 2 بقلم ميشو محمد |
رواية إنها صدفة الحلقة الثانية 2 بقلم ميشو محمد
ايمان نزلت بتهرب لكن لم نزلت شافت ف مهند قبل ماتهرب وكان مقعمز وجرحه مكشوف
مهند: ماتهربيش غابه هني رح اضيعي صدقيني انت بمسابت امي او اختي مش رح نضرك رح نرجعك
ايمان لم شافت وجه مهند اطمنت لانه شكله كويس والشخص ينعرف من شكله هكي يقولو وقفت ف مكانها وتشوفله
مهند قام عيونه يشوفلها: ياريتك ماكنتي معاي بس
ايمان قربت خطوتين: مني انت؟
مهند: اسمي احمد
ايمان: اي واحد يبي يكدب يقول اسمي احمد
مهند ابتسم: مهند
ايمان: خيرك علاش؟
مهند: ف تار
ايمان شافت الدم قربت: عندك معقم
مهند: اي ف السيارة
ايمان خدت المعقم من السيارة: نضف جرحك احسن مايصرلك شي
مهند خدي الكيسه وفتح المعقم وبزع منه ع الجرح وتوجع: اااااه
ايمان: مش هككككي لاااا..اتجهت للكرسي الخلفي خدت ميةة
ايمان: تسمحلي؟
مهند قام السورية من الجرح وكشف ع الجرح
ايمان قربت: نبي قماشه او اي شي
اتجهت لسيار خدت الروب لشراته مزقاته وكان ابيض قعمزت جنبه ونضفت الجرح بقطنه وقمشة وبعدين خدت معقم قامت عيونها فيه: بتتوجع شوية باهي
مهند شاف عيونها وركز انه عيونها رمديات وعرف انها صبيه نزل عيونه ويشوف ف ايدها الناعمات البيييض
ايمان عقمتله الجرح وتنفخ ع الجرح غطاته بضماد
مهند يشوف ف جرحه النضيف ومش قادر يقوللها شكرا ????♀️كان يبي يقولها لكن مقدررش
ايمان قامت النقاب وشربت ميةة ونزلت النقاب ع وجها وقربت منه:تشرب؟
مهند خدي منها وشرب وعطها الميةة:خوودي
ايمان خدتها: صحه
مهند ساكت وحاول يوقف ووقف ويشوف لجها التانيه: منين انتي؟
ايمان نفضل نموت ولا نرجع بصوت واطي: اني من….
مهند شاف للقماشه لنظفتله بها وعرف انها روب من تفصيلتها: لم جوزك نداك صدقني كنت نبي انزلك لكن عرفت انه رح نسببلك مشاكل
ايمان: مش متجوزه لندعليا خوي
مهند: مش مهم يلا اركبي
ايمان ركبت من الخلف
مهند ولع ومشو:المنطقه لسمتها مانعرفهاش اني انتي وريني الطريق
ايمان: اني مانعرفش المناطق هادي لكن لو خشيت لمنطقتنا نعرف نوريك هني ف المنطقه هادي مانعرفش
مهند شاف التنك متع البنزينه: معادش ف حتى بنزينه نشالله غير نقدر نوصلك بس
مهند يمشي وف كل شارع يسال ع المنطقه وفعلا وصلوو للمنطقه
مهند: وين حوشكم هيا هادي منطقتكم
ايمان:حوشنا جنب الجامع
مهند شاف منارة متع جامع اتجهلها:هني؟
ايمان:لا جامعنا صغير هني جنب الجامع الصغير امشي يمين
مهند بعصبيه ضرب الدومان: البنزينه بتممم وين امه الحوش يانمم
ايمان طلعت من فمها:معادش تسب ????????
مهند:زمرري، واتجه لجامع الصغير:هنننني هدا حوشكم؟
ايمان خافت بصوت خايفه : عندنا زحمممه ياربي ..ونزلت خشت
مهند ف السيارة: قصدي واحد ركب ف سيارة بنت يعني اكيد رح يفكرو ف البنت غلط..ونزل لم خش شاف علي شاد ايمان وضربهااا كففف لدرجه ايمان طاحت ع الارض وبدت تبكي
وجت عينه ع حمزة لشاد عصام ويبعد ف عصام عن بوه
عصام: يابوي سيبهاا
مهند: سيببب البنت اني لخديتها البنت واني لخديت التاكسي واني لرفعت بنتكم
علي بعصبيه:منييي هدا
ايمان قامت النقاب: مانعرررفش
مهند:اسمع مني البنت مدخلهاش لا نعرفها لا تعرفني ..قاطعه
علي بعصبيه:قصتها ع كل لساااان وخدها ف وسط السووق
مهند بعصبيه وصوت عالي: كنت مطرررر نخدها لكن صدقني البنت نظيفه وتفكيرك غلط اسمع منها بنتك ولا بنت خوك ولا مش عارف اسمع منها وانت احكم
ايمان وقفت: اني ف التاكسي وبعدين هو ركب ومشي
حمزة قرب ع علي: اني مش رح ناخدها لعند مانتاكد عند الطبيب الشرعي
مهند شافلهم
ايمان قامت النقاب : طلبتني وسكتت وكبير عليا وسكتت ومتزوج قبل وسكتتت لكن انك تشك فيا وتاخدني لطبيب الشرعي مستحيل فهمتتت
مهند شافها كانت صغيره وشاف البنت المتوسطه ف الطول تبكي عيونها رمديات وشاف قدامها حمزة لفهم انه خطيبها اصلع ولحيته طويله وفيه شعرات بيض وكبير ف السن شويه
علي:شاف مهند تقدر تتيسر انت
مهند بعصبيه قام صبعه: انت تفضح ف بنتك بروحك اني قتلك البنت مافيها شي مانعرفهاش ومسيتهاش ومش مهند ليكذب وصلللت
حمزة دار روحه راجل قرب من مهند: متعود ترفع ف بنات الناس هكي و…قاطعه
مهند ببوني: متربي احسن من لـ ربوك يا???????? (شاف علي) تعلا خود نسيبك خير مانخربله وجها بعدين (شاف حمزة) يبي عملية تجميل
مهند شاف عصام:تكلم ع اختك اشهد انه اني لخديتها تكلللم (شاف علي) تييي شن هلعيلة المتقربعه لحصلت فها
حمزة طلع لسيارته دخل معاه مسدس وسحبه:بنت ركبت ف تاكسي ومشت مع شخص غريب ومعاه من حوالي ساعتين مفقوده متلزمنيش
ايمان مسحت دموعها: تريحني ياحمزة لو اديرها
حمزة وجها لـ ايمان: ساقطه
ايمان قامت صبعها: لوو تملك زره من الشجاعه اضربها نرتاح وانت ترتاح
مهند ضرب ايد حمزة وطاح المسدس:المهززززله
حمزة شد ايده بوجع:ااااه
مهند: اني عندي مشاكل اكبر منكم اني لـ عليا درته..وطلع بعصبيه
حمزة وقف بعصبيه شد مرفق ايمان: انتي ليوم الفاتحه معادش تطلعي
ايمان جبدت ايدها منه وتبكي بحرقه: بعددد ياحيواااان… وخشت تجري
…
مهند ركب ف التاكسي وهو يشوف للحوش: مش ناقصني مشاكل بزياده لفيا يكفيني ..وولع وشاف التنك متع البنزينه شفها فاضيه
مهند ضرب للدومان:????????مش وقتها
مهند شاف الحوش: نعطي المفتاح لصاحب مبروك ونمشي.. ووقرب من الحوش
حمزة ع الهاتف: تي قتلك عمرها 18او19 قممررر شن تقول انت….ناخد حصتي منها ونعطيك حصتك اكيييد مايغلى عليك شي….هههه تشهي كان تشوفها انت….تي مهرها خمسمية دينار حشيتهم ف عيون بوها وقتله ع اساس نبيها تربيلي صغاري التنين وتحصل فيهم اجر و ع اساس مرتي مطلقها وجوو…المهم نتلاقو ونحكيلك سلام..وصكر الخط وتلفتت وطلع
مهند قدم: بيتزد بلبنت بياخدها وبيعطيها لصاحبه ????
مهند طلع وتمشى قدام الحوش وقعمز ف الشارع: ترضها ترضها يامهند ف اختك هكي يصير فها البنت نهايتها القتل لو يصير لسمعته يعني بيتزوجها وبيعطيها لصحابه وواضحه بعدين بيديرها عاهره….وسكت ونزل راسه
مهند: البنت ف رقبتك يامهند كللل شي صار صدفه بين سته مليون جت البنت هادي واني لسمعت شن رح يصير فها هادي جتني زي الرسالة سبحااان الله ياربي شن ندير انييي لو بنحكي لبوها مستحيله يصدقني ولو خطفتها بيحكو ع البنت والحل الوحيييد هو (وقف) موت حمزة لكن هدا عنده مراة وصغار وحرام تترمل ويتيتمو صغاره ال????????كيف الحل
خش لمحل
مهند.السلام عليكم نبي نتكلم وماعنديش هاتف وندفعلك حق المكالمه
شيباني صاحب المحل مدله هاتفه:تفضل
مهند: ايووه مصعب
مصعب: وينك يانمم وين
مهند:غير اسمع تعلا اني ف شارع… وسيارتك تلقها ف شارع…. قدام الصيداليه تلقها
مصعب:تمام…وصكر الخط
بعد مرور حوالي نص ساعه
مهند خش لحوش علي
طق طق طق
عصام فتح الباب: خير نسيت حاجه
مهند: لالا مانسيت شي اسمع تعرفه صاحب التاكسي مبروك؟
عصام:اي نعرفه
مهند: مياميا (طلع مفاتيح من جيبه)هادم ليه امانة راه
عصام خداهم:اكيد (شاف سوريته الدم) استنى شوية وجايك ..وخش وركب لدور التاني
مهند عطي بضهره
عصام نزل وف ايده سورية جديدة:غيرها
مهند:تي لالا عادي ياطيب اني جايني واحد توا بنروح نغير صحيت
عصام: باهي بتمشي مع الولد بدم هكي رح تطلع ريحه من الدم راه
مهند خدي السورية
عصام دخله للمربوعه
مهند غيرها: نشغلت مقدرتش نغير
عصام: اني مفتش ف الشرطه ياغالي ماتقدرش تضحك عليا واضح المشاكل وراك وانت صاحب مشاكل
مهند ابتسم:ياعمي المفتش المشاكل تلحق فيا شن اندير اني الله غالب
عصام ضحك:اي واااضح ????
ططططق ططططق
اسماء فكراته بوها فتحت: تفضل
مصعب تلبك: وخيتي المحل لجنبكم سالته ع شخص وقالي انه خش لحوشكم هو …لسانه ارتبط معادش عرف يتكلم
اسماء: تفضل عندنا واحد صح..اشارة ع المربوعه …خش غادي تلحقه
مصعب تلبك وخش وهو خاش عض ع شفايفه التحتيات ????
اسماء طلعت لم سمعت صوت سيارة
مصعب:السلام عليكم هيا نوض نوض
عصام:وعليكم السلام مني انت التاني
مهند: هدا صاحبي مصعب مصعب هدا عصام شبوب منظم
مصعب سلم ع عصام: معرفة خير يامنظم
مهند وقف:نستاذنوك عصومي ملا
عصام: نكسبوكم ع عشي
مهند:الله يعزك صحيت ف عرسك نشالله
مصعب:بيتك عامر وخيا مرة تانيه
وطلعوو مهند وصل للباب ورجع لـ عصام
مهند: عصام نبي رقمك نبيك ف موضوع
عصام: ع شنو
مهند: توا مستعجل عطيني رقمك نتلاقو مرة تانيه ونحكيلك
عصام طلع هاتفه: اكتب رقمك مع جو المغرب نتصل بيك اني
مهند كتب رقمه: هدا رقمي هي نشوفك ع خير
عصام:سلام…
مهند خش شقته خدي وراقه وملفه وكل شي مهم عنده
مصعب:مهند شفت بنت
مهند: انت حتى بنات خلاتك مش طايقهم ولا تسلم عليهم وماتحبش شبح البنات لعلمي
مصعب: كاره جنس حواء ياراجل لكن لشفتها غيرررهم صوت واطي عيون ف الارض لبس محتشم
مهند يدور ف دماغه صوت واطي صوت ايمان الوطي عيون ف الارض ادكر لم قامت عيونها فيه لبس محتشم لبسه نقاب ومحتشمه غير جيلها:ااهااا مصعب فوته جو العلاقات عجباتك طوول اطلبها لترضاه ف اختك ارضاه ف بنت الناس
مصعب:اكيد لكن شن اطلبهااا طووول هكي تي غير نعرف بالك مخطوبه زمري كان مخطوبه
مهند:تعرف كان تتزوج نرتاح حتى من وجهك ويبدو عندنا مصعبات صغار ????????????
مصعب:????????????
…
ايمان جهزت عشي لبوها وخوها:عصام تعشششى خيرك
عصام طلع هاتف:نسيييت..اتصل
عصام: مهند
ايمان مانتبهتش ع الاسم نضفت المطبخ
مهند:ايووه اهاا عصام
عصام: هدا رقمي
مهند:ميا ميا اسمع مصعب عنده استراحه ف شارع…..نبيك ف موضوع
عصام:شن بنقولك يامهند ماعنديش فيه السهر وخصوصا ف الاستراحات مش موضوعي
مهند:تي لا يامنظم الاستراحه نضيفه تفكيرك مشي بعيد اني وانت ومصعب بس واصلا الموضوع بيني وبينك بس حتى مصعب مش رح يسمع
عصام:اليوم شفتني ف التاكسي سيارتي وقفت وبوي سيارته بايعها المهم توا انظم اموري ونجيك
مهند:عادي يامنظم تبيني نجي ناخدك
عصام:لالا توا انظم اموري
مهند:تم كان محصلتش كلمني
عصام:تمام…وصكر الخط
ايمان:عصااام تعشى قبل
عصام: عندي موضوع خليه جنب الميكرويف تو نرجع نسخنه ونتعشى..وطلع
..
مهند:مصعب بيجي عصام ونبي نحكي معاه ع انفراد بـ تريس
مصعب: اي اكيد
مهند:مصعب اني نوتق فيك راه ميمشيش تفكيرك لبعيد لكن الموضوع يتعلق ببنت ومش حلوة نحكي ع عيلته الولد وانت معانا
مصعب: تي لالا عادي بعدين اني مش حشري ومنحبش ندخل بقصص الناس
طق طق طق
مصعب فتح: اهلا بلمفتش تفضل
عصام:اهلين مصعب وينه صاحب المشاكل
مهند:اني هني يامنظم
عصام خش: شغلتلي بالي شن في
مصعب خدي الدخان وطلع:نستاذنكم اني..وطلع
عصام: شن صاير ادووي ياراجل
مهند:قعمز
عصام قعمز ????
مهند:ماعنديش فيه اللف ودوران بندخلك ف القصه طول
عصام:تي ادووي ياراجل
مهند: اختك
عصام: ايمان؟
مهند: مانعرفش اسمها المهم لكانت معاي خطيبها اسمه حمزة هدكا الشايب صح؟
عصام:اي وين بتوصل انت؟
مهند: متفهمنيش غلط اني مانعرفكمش ولا نعرف حمزة المهم….وحكاله كل شي سمعه
عصام وقف وهو يشوف حواليه: انت شن تقول هدا ولد عمي يامهند
مهند: اني هدا لسمعته وقااال ف كلامه اني مرته مش مطلقه وقعده عنده وهو وخدها عشان….وسكت
عصام الدم وصل لراسه طلع بعصبيه بدون مقدمات
مصعب شافه طالع:شن صار معاهم خيره
مهند خدي جاكيته وطلع يجري وراه شاف مصعب: بناخد سيارتك
مهند ركب وولع
مصعب خش الاستراحه: خيرهم
مهند يلحق ف عصام بسيارة
عصام سرعته ????:تبي اختي يعني مش خايف مني اني جايك ياحمزة وادعي لـ ربي انه مرتك تكون مطلقه ????
مهند مقعمز وحس بجرحه نفتح ويتوجع: اااه مش وقته هدا بكل
بعدد السرعه لـ بين عصام ومهند والكلاكس لـ في الطريق عشان عصام يسمع الكلاكس يوقف لكن عصام كمل طريقه
ووصلو
نزل عصام ووصل لباب شده مهند
مهند:عصام اهددى متخليش روحك غبي لو طقيت ع الباب رح يشك حمزة وممكن من غضوا يبعتها لحوش اهلها وبعدين عندنا اذله تانيه غير مرته عندنا دليل انه تكلم مع صاحبه واني عندي جماعه يجيبولي اي شخص نطلبه يكون عندي
عصام عيونه نار: موضوع يخص الشرف يامهند
مهند: اسمع…قاطعه عصام فك ايده وفتح باب الجنان وخش ووصل للباب الداخيلي وقف لم سمع صوت حمزة ينادي
حمزة من داخل: هدى ياهدى
حمزة: رقدوو الصغار
عصام تلفت وطلع بدون ميطق وطلع شاف مهند: مرته قعده رسمممي
مهند: توا بنفكرو كيف نمشطو هاتف حمزة
عصام: ساهله من غضوا
مهند:عصام بللهي عليك ماتحكي لحد ولا تحسس اختك بشي خليك ع طبيعتك…قاطعه
عصام: توصي فيا ف اختي يامهند
مهند تلبك شافله ومقدرش يقوله اختك زي اختي لانه ف نبضات تجاه ايمان
يتبع..
