رواية عشق مخيف الحلقة العاشرة 10 والأخيرة الجزء 2 بقلم ندى
 |
| رواية عشق مخيف الحلقة العاشرة 10 والأخيرة الجزء 2 بقلم ندى |
رواية عشق مخيف الحلقة العاشرة 10 والأخيرة الجزء 2 بقلم ندى
عبدالله : الأفضل حضرتك تيجي
حسام بغضب : هي ولا مش هي
عبدالله : مش هي بس فيها حاجة غريبة
حسام : طيب جاي
خرج حسام ومشي شوية وبعدها وقف يفكر : ارجع اقول ل سلمي ولا لا .. هي مش واثقة في حبي ليها ليه..هستني شوية وخلاص
سلمي خرجت ووقف وراه : انا واثقة في حبك ليا بس كنت خايفة مش اكتر .. هي طلعت هي ولا الا
حسام بغضب : لو هي هتعملي ايه… هتسيبيني؟!
سلمي بدموع: لا
حسام : اومال الموضوع مقلقك ليه
سلمي : عشان خايفة انت تهتم بيها اكتر و فهد يبعد عني .. انا طول عمري حاسه بحزن اني مخلفتش بس بداري كل ده .. انت وفهد عوضتوني عن حاجات كتير .. خايفة كل ده يروح مني فاجأة.. مش هقدر اعيش من غيروا يا حسام
حسام رق قلبه : حببتي والله حتي لو هي بس انا حبيتك و عشقتك يا سلمي من اول مرة شوفتك فيها .. عمري ما هقدر اتخلي عنك صدقيني .. عموما يا ستي مش هي .. بس هاروح عشان اشوف فيه ايه .. عبدالله قالي فيه حاجات غريبة هناك
سلمي : ماشي
حسام : كفاية دموع بقي .. انتي لما بتكبري بتحلوي كدة ليه
سلمي ابتسمت : ابقي طمني عليك
حسام : ماشي وانتي كمان طمنيني عليكوا
——
ياسمينة بحزن : انا عايزة اروح اشوف فهد يا ماما
بسنت : طب لما بابا يروح ونروح كلنا .. بس هاتروحي تعملي ايه..هو لسه مفقش يا حبت عيني
ياسمينة : عشان خاطري بقي خلينا نروح النهاردة اشمعني سيلا بتروح
بسنت : عشان مراته
ياسمينة : اوووف .. انا هاروخ النهاردة يعني هاروح
بسنت : ياسمينة فيه ايه مالك .. بتزني كتير ليه .. قولتلك لما بابا يجي نشوف
كارما : اصلها بتحبه يا ماما
بسنت بدهشة : ايه اللي بتقوليه ده
كارما : انا سمعتها يا ماما
ياسمينة اتوترت
بسنت : ياسمينة ..ده صح
ياسمينة : لااا انا بحبه زي كارما كدة وكريم ..اخواتي يعني
بسنت : طيب يا حببتي ..وقعتوا قلبي..
———
ياسمينه دخلت اوضتها في حزن : يارب انا بحبه يارب .. انا عارفة انه صعب الموضوع .. بس انا مش عايزة احبه خلاص .. مش عايزاه .. انا مش بحبه لا .. ياربي ايه الجنان اللي بقوله ده .. هو اخويا وبس .. اساسا بابا دايما بيقول فهد لسيلا وسيلا لفهد
لبست هدومها عشان اول ما ابوها يجي تروح تشوف فهد .
جاد دخل البيت بعد تعب الشغل
بسنت : حبيبي اخبارك ايه
جاد : الحمدلله ..
بسنت : احضرلك الاكل
جاد : لا هنروح نشوف فهد وكدة ولما اجي نتغدي بقي
بسنت طيب ياسمينه هتيجي معانا
جاد : ماشي نروح كلنا عادي .. يلا بس اجهزوا بسرعة عشان ميفوتناش وقت الزيارة
بسنت : تمام
———-
جنة و بيجاد واحمد وسلمي و سيلا حوالين فهد
جنة : سيلا حببتي مش هتروحي البيت بقي .. عالاقل تغيري هدومك حتي
سيلا : لا يا ماما مش عايزة امشي من هنا
جنة : يا روحي مينفعش .. لازم تفوقي عشان تفضلي جانبه علطول.. افرضي صحي وفاق وانتي بتعبك ده مش هتقدري تساعديه
سيلا سكتت وفضلت باصة ل فهد بحزن
بعد وقت وصل جاد وبسنت وعيالهم
كريم : هو هيفوق امتي
بسنت : حببتي هياخد كذا يوم ويفوق
كارما : ابيه فهد وحشني جدا
سلمي : وحشنا كلنا والله
جاد بص ل بيجاد : ايه الاخبار
بيجاد : ربنا يعدي الفترة دي علي خير..
جاد : يارب .. اومال حسام فين
بيجاد : في المكتب ..زمانه جاي ..كلمته من شوية وكان بيخلص وجاي
جاد : ربنا يكون في عونه
———-
بعد شوية
دخل حسام معاه عبدالله
خرجوا كلهم من الاوضة يشوفوا حسام ولقي ايه في الست اللي مطلعتش نهي
عبدالله لفت نظره ياسمينه وشكلها الطفولي وملامحها البريئة وحركاتها : احم .. انتي اسمك ايه
ياسمينه: وانت مالك اسمي ايه .. هتحقق معايا ولا ايه
عبدالله: مش قصدي يا كتكوتة والله ..
ياسمينه: انا مش كتكوتة
عبدالله : طيب يا ستي انا غلطان
ياسمينة : خليك في حالك كدة
عبدالله: منا قولت طيب ..الاه
حسام : طلعت عاملة اكتر من عملية تجميل عشان تبقي شبه نهي الله يرحمها..
بيجاد : طب ازاي عارفة فهد
حسام : هي مريضة نفسيا .. كان ابنها متوفي وصدقت لما وليد قالها ابنك عايش وكدة .. عبدالله اتكلم معاها وهي قالت ده بنفسها
سلمي اتنهدت براحة
بسنت : متخافيش والله حسام بيحبك اوي عمره ما هيسيبك .
سلمي : مش عارفة يا بسنت قلقت اوي .
حسام بتفكير : انا بس مش عارف اوصل فهد راح المكان ده لوحده ازاي ..عرف عنوان وليد منين وهو مشافهوش غير مرة
بيجاد: ابنك مش سهل …
عبدالله: هو فعلا مش سهل .. فهد حكالي اللي حصل .. اول مرة وليد دخل بيت فهد .. فهد مكانش مصدقه خاالص وهو خارج مسكه ولزق فيه جهاز تتبع صغير .. تجنبا لاي حاجة تحصل عكس توقعاته يعرف يوصله بسهولة .
جاد : فهد حسام المصري بصحيح
حسام ابتسم علي ذكاء فهد واتمني يفوق بسرعة
بيجاد بصوت حزين : الحمدلله علي كل شئ .. بص لجنة وقال : حاولي مع سيلا تاني يا جنة . انا حقيقي مش عارف اكلمها
عبدالله قرب بسرعة : هي مدام سيلا هنا
بيجاد باستغراب : ايوة هنا جوة بقالها 3 ايام مش بتخرج
عبدالله ضرب نفسه علي دماغه : ياختاي انا مكنتش اعرفها .. طب انا فيه حاجة مهمة عايز اديهالها من فهد كان سايبها معايا
بيجاد : طيب اتفضل .. بس هو الحاجة دي لو هتأثر عليها بالسلب بلاش دلوقتي
عبدالله: لا لا متقلقش..دي هتخلي نفسيتها احسن بإذن الله
بيجاد : طب اتفضل يابني .. يارب تفوق بقي
——
دخل عبدالله ووقف قدام فهد وبص ل سيلا : فهد بيحبك جدا
سيلا بصتله بحزن : بجد
عبدالله: هتصدقي لو كان كل يوم يحكيلي حبه ليكي ازاي .. انا عارف انك صغيرة .. بس هو مكانش مستحمل مشاعره مكانش عارف يتكلم معاكي كأخوات ..متزعليش منه مهما حصل
سيلا بدموع : مش زعلانه منه بس عايزاه يفوق بس
عبدالله طلع جواب من جيبه: خدي ده من فهد سابه معايا من مدة وقالي اديهولك لو حصله حاجة
سيلا مسكت الجواب بايدين بترتعش
بعد ما كله مشي ماعدا جنة وبيجاد وحسام وسلمي واقفين برة
سيلا قعدت لوحدها مع فهد فتحت الجواب
” إلي عشقي وغرامي وحياتي كلها سيلا .. انا بحبك جدا ، لا لا بعشقك يوووه لا اكتر من كدة بكتير .. انتي اكيد هتقولي الكلام ده لما يحصلي حاجة .. بس انا مهما كانت حالتي .. انا عايز سيلا ارجع زي الاول .. المجنونة .. ترجع لحياتها .. بس اوعي تنسيني .. عايز اشوفك ناجحة في دراستك وحياتك … اوعي تزعلي اوعي تنسي نفسك في يوم من الأيام.. انتي عارفاني هزعل اوي لو لقيتك عكس اللي قولته .. بعشقك يا قلب فهد … ”
سيلا بكت بشدة : انا محتاجلك اوي يا فهد ..فوق بقي انا تعبت اوي.. الحياة وحشة من غير ..اوعدك هعمل اللي اقدر عليه يا روح وقلب سيلا
خرجت سيلا من الاوضة لقت أهلها واقفين برة بصلتهم بحزن : انا هرجع البيت معاكوا .. بس هاجي تاني بكرة
بيجاد : طبعا يا حببتي بس غيري وكُلي وظبطي كدة وارجعي هنا تاني
سيلا : ماشي
حسام وسلمي دخلوا لفهد
سلمي : وحشني اوي يا حسام
حسام : وانا اووي يا سلمي والله
سلمي : انا هقعد هنا للصبح
حسام : طب قعديني جانبك هنا ونفضل معاه سوا
بدأ كل واحد يشوف حياته وطبعا كل يوم بيجوا يشوفوا فهد..سيلا رجعت ل دراستها تاني وكل يوم تيجي تحكي لفهد كل حاجة بالتفصيل
———–
بعد مرور 5 سنين
سيلا : فهد حبيبي وروحي .. انت وحشتني اوي .. انا فاضلي كام شهر واتخرج .. نفسي تكون معايا في اليوم ده اوي ..
سلمي : حببتي مبروك .. فهد كان هيفرح اوي باليوم ده
سيلا : ايوة يا ماما طبعا… نفسي يصحي بقي
حسام : انا فخور بيكي جدا يا سيلا .. حقيقي مكنتش اعرف انك بتحبي فهد اوي كدة
سيلا خجلت بشدة وسكتت
ياسمينة : هاللو عاملين ايه
سيلا : الحمدلله
ياسمينة طبطبت علي سيلا بحب: هيفوق والله انا حاسه انه قريب هيفوق
سيلا : يارب . يارب
عبدالله دخل : سلام عليكم
حسام : تعالي يا عبدالله
عبدالله : فهد اخباره ايه
حسام : لسه مفيش جديد
عبدالله سكت بس لاحظ ياسمينه وجعلته جدا .. حاسس انه شافها قبل كدة : هو انا شوفت حضرتك قبل كدة
ياسمينه : انا
عبدالله : ايوة
ياسمينه: مفتكرش
حسام ضحك علي طريقة ياسمينة : ياسمينة بنت عم سيلا
عبدالله : اها .. طب همشي بقي عشان عندي شغل
حسام : تمام .. ياسمينه عيب اللي عملتيه دي ..احرجتيه .. اخرجي اتأسفي بسرعة
ياسمينه بتوتر : مكانش قصدي والله . يالهوي عليا
خرجت ياسمينة بسرعة : يا كابتن
عبدالله: خير
ياسمينة بتوتر وطريقة طفولية: والله مكانتش اقصد .. يعني معرفش قابلت حضرتك ولا لا بس مش قصدي ارد بالطريقة دي
عبدالله وقتها افتكرها : انا عرفت انا شوفتك فين يا كتكوتة
ياسمينه ضحكت بعد ما افتكرت : كتكوته تاني .. انا كبرت والله
عبدالله ابتسم : كتكوتة بردو
——-
بعد كام شهر
سلمي قاعدة جنب فهد ماسكة ايده بحب : وجعت قلبي اوي يا فهد .. غيبت كتير اوي علينا .. بكرة سيلا هتتخرج .. طلعت بتحبك اوي عكس توقعاتك دايما كنت خايف انها تبعد
فجأة حرك فهد ايده
سلمي اتفجعت: فهد حبيبي انت صحيت صح .. مش بتخيل المرادي صح.. يارب يفوق يارب
فهد بدأ يفتح عينه بتعب.. لحد ما الصورة ظهرت قدامه وشاف سلمي : ماما
سلمي بفرحة كبيرة وباسته كتير : قلب وروح ماما ..وحشتني اوي .. حمدلله عالسلامة يا روحي .. الحمدلله يارب ..الحمدلله
فهد ابتسم : كل ده كلام
سلمي ضحكت بشدة : مش مصدقة بجد .. فهد انت بقالك اكتر من 5 سنين في غيبوبة
فهد كشر فاجأة وفكر في سيلا : سيلا
سلمي : متقلقش دي كل يوم هنا ..كل يوم تيجي تكلمك .. بكرة هتتخرج علفكرة
فهد بحماس : متقوليلهاش اني صحيت عايز اعملها مفاجأة والنبي
سلمي : انت تؤمر يا حبيبي .. بس هقول للباقي عشان كله مستني اللحظة دي
في لحظة دخل حسام واتفاجي بفهد
حضنه بسرعة وكتييييير : وحشتني اوي يا فهد .. انا واقع من غيرك
فهد بدموع : بابا
كلهم عرفوا ان فهد فاق وفرحوا جدا واتفقوا يعملوا مفاجأة لسيلا
تاني يوم
اتعمدت ياسمينه وسلمي وجنة وبسنت يلبسوا سيلا دريس نبيتي منفوش وظبطت نقابها ونزلت للحفلة .
فهد اصر يروح بيته هو وسيلا وبدأ بمساعدة عبدالله واحمد اخو سيلا يظبطوا الشقة .. ماعدا اوضتهم فهد لوحده ظبطها بتفني
رجعت سيلا من الحفلة …
بيجاد : سيلا تعالي نروح لفهد
سيلا بقلق: ما الصبح بنروح يا بابا .. هو حصل حاجة
بيجاد : لا لا تعالي ناخد هدوم ليه من شقتكوا ونروحله عشان حسام كان محتاج هدوم ل فهد من عندك احسن
سيلا : طيب ماشي يلا بينا
وصلوا لحد شقة سيلا .. سيلا حست بتردد انها تدخل الشقة ..اول مرة هادخلها من غير فهد .. كانت عايزة تدخلها لما فهد يفوق
سيلا : بابا..مينفعش انت تطلع
بيجاد : ازاي يعني
سيلا باحراج وتوتر : اصل انا مش حابة ادخل من غير فهد
بيجاد ابتسم : اطلعي بس وخلصي واخر مرة هتيجي هنا يلا بسرعة بس
سيلا طلعت فوق واتفجات بتزين الشقة : ايه الجنان ده .. مين اللي دخل الشقة وعمل كدة
فهد : انا
سيلا بصدمة ودهشة : فهد
فهد قرب وحضنها بشدة: وحشتيني
سيلا عيطت كتير : وانت وحشتني اوي .. انت فوقت حقيقي يعني
فهد ضحك : ايوة حقيقي ..غبت عنك كتير صح
سيلا : اوي اوي
فهد : اخر مرة بإذن الله .. وحشتني اوي اوي اوي يا روح وقلب فهد
سيلا : انا بحبك اوي يا فهد والله مكنتش اقصد ازعلك ابدا
فهد بمشاكسة : اممم مكنتش اعرف انك بتحبيني اوي كدة .. ما ترفعي النقاب كدة .. شكلك اتغير ولا لا .. عيونك متغيرتش بتسحرني كالعادة
سيلا بكسوف : هو لازم يعني
فهد ضحك : كبرتي يا مجنونة .. خليني اشوفك بقي
سيلا رفعت النقاب بكسوف ..كانت خدودها وردية من الكسوف
فهد تنح وشرح في جمالها: يارتني ما قولتلك وريني وشك
سيلا : ليه
فهد : قمر ..ياختاي هعمل ايه انا دلوقتي .. مش هاروح وافضل ابصلك ليل نهار كدة
سيلا ضحكت وقربت منه حضنته : متسيبنيش تاني يا فهد
فهد : عمري ما هسيبك ابدا .
سيلا : ابدا ابدا
فهد :ابدا ابدا
تمت
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
