رواية يوم عرافات الفصل الخامس 5 بقلم Hikaro Shani
رواية يوم عرافات البارت الخامس
رواية يوم عرافات الجزء الخامس
رواية يوم عرافات الحلقة الخامسة
بيرن تيلفون عمر وبيرد بعد وقت طويل
عمر/ايوا مين؟
نسمة/انا نسمة اخت مريم ارجوك تعالا بسرعة مريم في المستشفي
عمر/ايه انا جي بسرعة ابعتيلي اللوكشين
قفل الخط وقام من نص الاجتماع وتامر بيبصله بغرابة
تامر/فيه ايه يبني حصل ايه؟؟
عمر/معرفش بيقولو انها في المستشفى
تامر وهو بيقوم /استنى انا جي معاك
بيروحو وبيطلعو برا الاجتماع واسراء قاعدة ومتغاظة من اللي بتشوفه
اسراء/ان شالله ربنا يا خدها اموت واعرف مين البنت دي
بتمشي اسراء هى كمان من الاجتماع بعد مقالت للحاضرين انه هيتغلى انهاردة وهنخليه بكرا
عند عمر اللي وصل بعربيته ونزل هو وتامر ودخلو المستشفى والممرضات بتبصلهم وبيتوشوشو في ودن بعض وبيضحكو ومسحورين في وسامته وبيلاقي نسمة عند الاستقبال وبيروحلها بسرعة وبتبص نسمة لتامر ومبتعرفش مين هو وبعديها بتبص لعمر
عمر بقلق/هي فين؟
مبتردش عليه نسمة وبتروح عند اوضتها وبيروحو وراها فبيدخل عمر لوحده وبيشوها رجليها الشمال واديها اليمين مكسورة وفيه شوية خدوش على وشها
عمر/حصل ايه؟؟
مريم بهدوء/وقعت من على السلم كانو بيسيقوا سلم الجامعة ومخدتش بالي ان فيه ماية وانا بكلم نسمة قمت اخدت السلم من اوله لأخره على وشي وزي منت شايف كده
عمر/متاكدة انك اتزحلقتي من على السلم؟ والله دا ولا عربية نقل خبطك
مريم/ايه يعم انت مش تقول جت على خير طيب اي حاجة مش كفاية التكتيفة اللي انا فيها لا هعرف امشي ولا احرك ايدي ايه النحس ده يارب مكنت تاخدني احسن
عمر/بعد الشر عليكي هروح اشوف اجرائات المستشفى واجيلك
مردتش عليه مريم واتنهد اوي وطلع برا الاوضة فـ بيلاقي تامر مش شايل عينه عن نسمة وهي بتبص للأرض بإحراج فبيبص لتامر بغضب
عمر/مجبلكو اتنين لمون بالمرة؟
نسمة/ايه اللي بتقوله ده عيب علفكرة كده!
تامر/ايوة بالظبط كده عيب يا استاذ عمر
عمر/انتو هتجنوني معاكو انا رايح
بيمشي عمر وبرضو تامر بيفضل باصص لنسمة فبتتحرج اوي
نسمة/ممكن لو سمحت تبص بعيد؟
تامر/انا مش قصدي حاجة والله بس مستغرب من لوك طرحتك بصراحة
نسمة/مالها طرحتي يعني؟
بتحسس على دماغها وبتشوف الطرحة بس مبتلاقيها والباندانة بس اللي على شعرها
نسمة بصدمة/نهار ابيض هي فين الطرحة!!
بيضحك تامر اوي على ردة فعلها فبتضربه على كتفه وبتجري تخش اوضة مريم وهي بتزعق
نسمة/بقا كده يا مريم تشوفيني من غير الطرحة وتسبيني! وتخلي اللي مسيوا واللي ميسواش يضحك عليا وربنا ماشي
مريم/استهدي بالله هو انا في ايه ولا في ايه هركز معاكي وبطرحتك وانتي مش حاسة يختي ان فيه طراوة؟
نسمة/حسيت اه واستغربت بصراحة لما الدكاترة والممرضين بيبصولي وبيضحكو يلهوي عليا بقيت ارجوز بين الناس
مريم/معلش معلش عادي بتحصل يا سماسم
بتروح تجيب الطرحة من على الكنبة وتلبسها فبيدخل عمر
عمر/يلا هنطلع دلوقتي
بتبص مريم لنفسها بحزن اوي
مريم/طب وانا هتحرك ازاي دلوقتي انا بقيت شبه مشلولة
عمر وهو بيشلها / هتتحركي كده
مريم/يخربيتك نزلني الناس هتقول علينا ايه
عمر/افندم؟ انتي مراتي!
مريم/ما هو يعني..
عمر/ممكن تسكتي لحد منروح البيت؟
بتسكت مريم فعلا وبتنام على كتفه فبيبتسم عمر لا ارادياً وبتشوفه نسمة وبتستم هي كمان وبيطلعو يركبو العربية وبيوصلو البيت وبيقعدها عمر على السرير في اوضتها ونسمة وتامر واقفين
عمر بعفوية/نسمة تقدري تروحي انا هعتني بيها ومتقلقيش
نسمة/بس..
عمر/يستي متقلقيش وخلي والدك ميقلقش هو كمان
تامر/تعالي هوصلك على طريقي
بيمشوا فعلا وبيتروح نسمة وبيكون والدها واقف في البلكونة مستنيها عشان اتأخرت وميعرفش بموضوع كسر مريم فبيشوفها وهي نازلة من عربية واحد وبيتعصب اوي وبتطلع نسمة الشقة وبتفتح الباب بالمفتاح بتلاقي والدها واقف
جمال بغضب/كنتي فين يا استاذة؟؟؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يوم عرافات)
