رواية يوم زفافي الفصل الحادي والعشرون 21 بقلم مريم الشهاوي

رواية يوم زفافي الفصل الحادي والعشرون

رواية يوم زفافي البارت الحادي والعشرون

رواية يوم زفافي الحلقة الحادية والعشرون

ناهد دخلت عليه الاوضة ويامن مكانش في حالته الطبيعيه كان متعصب ورايح جاي في الاوضة
ناهد/يامن مالك
يامن فاق من شروده وبصلها /عمتو انا لازم اطلع من المستشفى
ناهد/لا انت لسه تعبان
يامن /يا عمتو دول غرزتين واتخيطوا انا اتصابت كتير قبل كده ودي طبيعة شغلي لازم اخرج
ناهد/عشان فرح مش كده
يامن/معرفش هيعملوا فيها اي… معرفش يمكن يإذوها….. المهم اني لازم اروح ادور عليها
ناهد~مش قولت ان اللواء سامح هيتولى الامر
يامن/مش قادر استني مش قادر ابقى قاعد ومستني فرح تتجاب لوحدها انا اصلا مش متقبل فكرة انها اتخطفت وبعدت عني…..
ناهد ربعت ايديها/وهي تهمك في اي؟
يامن بعصبيه/اكيد تهمني انت عارفة ان فرح في خطر ولازم احميها ممكن رجاله عماد يعملوا فيها حاجه عشان يطلعوا عماد منها انت مش مستوعبه انا خايف عليها قد اي
ناهد/ الخوف دا نابع من انهي جهة بالظبط
يامن/جهة اي!
ناهد/اقصد خوفك الزيادة عليها مش حاسس انه مش طبيعي… كل التصرفات الي انت عملتها امبارح ساعة الحفلة وحاليا بيثبتلي شئ واحد بس
يامن/انت عارفة انها في حمايتي ومينفعش….
ناهد/اي دخل الحماية في تصرفاتك امبارح اما هود قرب منها
يامن سكت ومعرفش يتكلم وناهد كملت/نرفزتك وغضبك اما رقص معاها غيرتك كانت مجنونة يوميها
يامن/غيرة اي بس دي مش غيرة….
ناهد/مش غيرة!…. تقدر تثبت عكس كدا انا يوميها مكنتش شايفة راجل عنده 30 سنه ناضج انا كنت شايفة مراهق عنده18 سنه شايط عشان حبيبته سلمت على راجل تاني ممكن تشرحلي ليه تصرفاتك مع فرح تشبه المراهقين
يامن/عمتو انت كنت هناك وشوفتي تصرفاتها مع هود وتساهلها معاه لما طلب يرقص معاها كانت ببساطه ممكن ترفض وبعدين انت شوفتي هود كان بيعمل اي وبيتكلم ازاي
ناهد/انا شايفة ان هود كان مذوق جدا معاها وهيه محبتش تكون سخيفة وتبوظ الجو وقامت رقصت معاه فين المشكله
يامن بغيظ/عمتو انت مع مين…. انا ولا هي
ناهد/انا مع الي شايفاه بعيني ليه اتصرفت بالطريقة الصبيانيه دي يامن انا امبارح كنت شايفة الجنون في عيونك وانت باصصلهم انت كان ممكن تمد ايدك على هود لان بس لمسها!
يامن/انت عارفاني كويس وعارفة اني….
ناهد~ما المشكله اني عارفاك… عشان كده استغربت من تصرفاتك اي المشاعر الي مخبيها جواك عن الكل وبسببها فورت امبارح زي البركان وبتحاول تخبيها لكنها للأسف باينه عليك منغير ما تحكي
يامن بتوتر حاول يهرب/بقا عندك خبرة يا عمتو في علم النفس ماشاء الله
مشي من قدامها بس ناهد وقفت قدامه /يامن متغيرش الموضوع… اول حاجه قولي سبب غيرتك وخوفك وجنونك الزيادة على فرح بالشكل دا
يامن /انا لازم امشي …
ناهد/مش هتمشي الا لما اخلص كلامي معاك وافهم… دلوقتي خوفك في الاول عليها اما هربت واما انت حرت كان ممكن نقول انه طبيعي لكن غيرتك عليها امبارح دي الي مش طبيعيه ومش تصرفات ظباط والسلام.. امبارح في حد قرب من فرح وحاول يرقص معاها انت مستحملتش وحاولت تبعدها عنه بأي طريقة في تفسيرين للموضوع دا.. الاول انك انت شخص ملتزم ومقدرتش تشوف حد غريب بيحاول يقرب من بنت والتاني انك اتضايقت جدا لان حد حاول انه يقرب من فرح الي بتخصك ويلمسها
يامن بصلها بصدمه وحاول يتهرب /خلاص يا عمتو… انا تعبان دلوقتي.. ارجوكي سيبيني امشي
ناهد/طيب… هوقف بس ممكن تقولي اي علاقتك بفرح بتسمي علاقتك بيها اي…. مجرد بنت بتدافع عنها وتحت حمايتك…. ودي معتقدش… او انها البنت الوحيدة الي قدرت تمتلك قلبك وتفكيرك
يامن بعصبيه/عمتو عايزة تسمعي اي؟ انت عايزة تعرفي اذا انا كنت بحب فرح ولا لا….. اه…. انا بحب فرح وكتير كمان… والحقيقة اني بخاف عليها من كل شئ لانها تخصني والحقيقة يوميها لو كنت اتهورت كنت مسكت هود مخلتش فيه حته سليمه والحقيقة انها امتلكتني كليا و بكائها وزعلها بيوجعني من جوا ومش هسمح لاي حد انه يقرب منها او يإذيها طول مانا موجود… لو هو دا الحب فانا بحب فرح حب ملوش حد
يامن اتصدم من الي قاله ورجع لورا رفع شعره وبياخد نفسه بالعافيه
ناهد ابتسمت/كويس…. واخيرا انت قدرت تعترف بمشاعرك
يامن مكنش مصدق الي هو قاله عمته قدرت تستفزه وتجره في الكلام عشان يعترف… هي عرفت تدخله ازاي عشان تقدر تخليه يتكلم…..
ناهد بفرحة/تقدر تمشي يا باشا افراج
يامن اخد الجاكيت بتاعه لبسه وراح عند اوضة نورا
يامن/انا ماشي محتاجه حاجه مني
نورا/سلامتك… دعواتك لهشام اتنقل للعناية المركزة… درجة حرارته عليت وضربات القلب مش منتظمة اوي… انا خايفة عليه بقلم مريم الشهاوي
يامن راح باسها من دماغها وطبطب عليها/هيكون بخير ان شاء الله الدكاترة هنا عاملين الي عليهم وزيادة… وان شاء الله هيقوم منها بالسلامه
ناهد دخلت وحمحمت وبصت ليامن وهي بتضحك/طب يلا بقا يا يامن باشا روح شوف شغلك وانقذ المساكين والمظلومين من الاشرار
يامن عض في شفايفة بغيظ وبص لعمته وابتسملها /حاضر يا عمتو
نزل يامن بعد ما مضى خروج وركب عربيته وراح للقسم
سامح/انت هنا ليه…
يامن/هود جاب النمرة
سامح/لسه جايبها بنتابع العربية فين
يامن/طيب عماد فين
سامح/في الزنزانه
يامن دخل لجوا واول ما دخل بصله بعصبيه/مش هتبطل بقا يا عماد شغل العيال دا….
عماد قام وقف وقرب منه/يامن باشا… عاش من شافك والله
يامن بعصبيه/فرح فين يا عماد
عماد بسخرية/اخر مره سايبها معاك احسن تكون ضيعتها… اخص عليك
يامن مد ايديه جوا الزنزانه جابه من التيشرت بتاعه وقاله بعصبيه/اقسم بالله لو جرالها حاجه لمو تك يا عماد… انا اقسمت
عماد اتخض من حركته وبصله بتوتر/هو انا الي خطفتها… انت ليه مصدق اني انا الي هخطفها هخطفها ازاي وانا جوا السج ن
يامن سابه وبصله بنرفزة/مهو دا الي جايلك عشانه…. ليك رجالة برا مبلغهم لو اتمسكت يهددوا بفرح عشان تطلع منها
عماد ابتسم/تعجبني دماغك….
يامن جمد على ايده بغضب/وديت فرح فين
عماد/فرح في الحفظ والصون يا باشا…. مش هيجرالها حاجه….الي خاطفها مش غريب
يامن/مين
عماد ضحك/الحج عاصي المحترم والد فرح هانم
يامن اتفاجئ /ابوها ازاي يعني يخطفها!
عماد بقا بيتمشى في الزنزانه وهو بيتكلم/انت مش غريب… وانا ارتحتلك اوي…. اصل انت مش فاهم… عاصي يبقى هو الراس الكبيرة.. هو الي بيخطط وانا الي بدفع هو يجيب البنات ومعلوماتهم وانا ادفع واتبسط…. وجيت في مره قولتله ان بنته عجباني… رفض في الاول ولكن لما عرضت عليه المبلغ الجدع وافق بكل بساطه وكانت مشكلته ان فرح غبية وقوية ومش هتقبل غير بالعافيه لو رمينا قدامها ملايين عمرها ما هتيجي بالذوق فقررنا نجيبها بالعافية واتجوزها… والي بيأكل عاصي وعياله ومدارسهم هو انا…. وعاصي كلب تحت رجليا ميعرفش ياخد خطوة منغير ما يبلغني بيها
يامن/اه يا واط يين يا ولاد ال….
عماد/عيب يا باشا… عيب كده
يامن/وعرفت عاصي منين
زعق/اتكلم
عماد ضحك/هو انت متعرفش انه كان بيبيع بو درة على اساس انها بود رة اطفال
يامن/بس فرح قالتلي انه كان بيوصل ومكنش يعرف واتاخد هو في الرجلين واتحب س لمدة
عماد ضحك جامد/ما دا الي هو قايلهم عليه…. طب اسمع بقا عشان عاصي دا انا جبت اخري منه عاصي دا من كبار المخد رات وهو الي كان عامل الشركة دي وعملها صاحب ومكنش معرف حد نهائي وكان مبين للكل انه حتت عامل واما اتمسك طبعا اكتشفوا انه هو الزعيم والحكم كان مؤبد…. وهنا بقا انا عرفته لاني كنت بشتري منه كتير واتعاملنا سوا في بضاعة قبل كده واما ضاع الي وراه والي قدامه قولت اعمله كلب ليا وبقا بيشتغل معايا وانا بكافؤه بالطريقة الي بتعجبه دايما….
يامن اتفاجئ من كلامه ومبقاش مصدق ان الشخص الي بيتكلم عنه دا يبقى ابو فرح /وهو اي الي يخليه يخطف فرح
عماد/اانا الي اتفقت معاه على كده من الاول من ساعت ما انت اخدت كل الي الاوضة السرية قولتله لو اتمسكت ياخد فرح رهينه عشان انا اطلع
يامن/وانت اي الي جابرك تحكيلي كل دا
عماد بوجع /اولا…. لاني مبقتش باقي على حاجه…. ولو عاوزين تعد موني انا موافق… مبقاليش حاجه في الدنيا اعيش علشانها…. ثانيا لاني عمري ما هخرج ودا الي انا متأكد منه بعد كل الدلائل الي انت اخدتها من اوضتي السرية… ثالثا والاهم….. اني مش عاوز البس لوحدي… وعاوز عاصي كمان يلبسها معايا
يامن راح جاب موبايله من ظباط برا ودخله تاني /خد
عماد/ااي دا
يامن/اتصل بعاصي وقوله انك قدرت تهرب بسبب تهديدهم بفرح وخليه يقولك على مكانه فين وعرفه انك محضر كل حاجه للسفر وهتاخدوا فرح معاكوا وهتهجوا لبعيد
عماد فضل باصصله كتير لحد ما يامن صرخ/اانجز
عماد اخد الموبايل واتصل فعلا بعاصي
عاصي بفرحة/اانت بتتصل… يعني انت قدرت تطلع
عماد/ايوة انا عرفت اهرب فرح معاك
عاصي/معايا
عماد/حلو… انا هجيلك ومجهز كل حاجة السفر وهنسافر برا وهناخد فرح معانا ونمشي من البلد دي
عاصي/طب وعيالي
عماد/مش مهمين دلوقتي يا عاصي… المهم اننا نقدر نهرب الاول وقصة عيالك دي نبقى نحلها بعدين عشان شكلهم قفشونا
عاصي/تمام انا مستنيك المكان ف……………
عماد/خلاص… مسافة السكة وجايلك
قفل معاه ويامن بصله /حس بحاجه
عماد~معتقدش…
يامن/طب يلا عشان هنتحرك دلوقتي
يامن جاب حارس يفتح الزنزانه وهما طلعوا لبرا سامح بص لعماد ورجع بص ليامن/تتبعوا العربية فين ولاقوا انها راكنه في مكان صحرا ومفيهوش حاجه والعربية فاضية بقلم مريم الشهاوي
عماد اتكلم/انا انا الي منبه عليه ان يركن العربيات في حته بعيدة ويتمشوا الباقي… عشان ميقعش في نفس الحركة الي وقعت فيها ساعت ما خطفت منى
ذكر اسمها بس وقلبه نبض نبضة غريبه حاسس انها قريبة منه وفعلا منى كانت قريبة ومتابعة الي بيحصل من الشباك
سامح/وواخدوا على فين
يامن/هنتحرك بيه تواصلنا مع عاصي وخليته هو الي يكلمه وقال علمكان الي هو فيه عاوز معايا عربيات عساكر عشان عاصي مش سهل
سامح بصدمه~هو الي خاطفها….
يامن /ايوة ابوها الي خاطفها…. مش عاوزه يهرب المرة دي
عاصي وصل لمكان فرح ودخل للرجاله/عماد قدر يطلع وهيجي نتحرك كلنا ونهرب
فرح كانت سامعه صوته بس بتكدب نفسها لحد ما عاصي دخل عليها/حبيبت بابا
فرح ضحكت وفرحت اوي افتكرت انه جاي ينقذها/بابا…. وحشتني اوي…. انت جيت عشان تنقذني
الرجالة الي معاه كلهم ضحكوا جامد وعاصي ضحك معاهم وقرب من فرح/ياروحي انا الي خاطفك اصلا
فرح بصدمة/خاطفني!! طب ليه
عاصي/عشان خايف عليكي… دلوقتي عماد يجي ونهرب كلنا سوا ونبعد عن الي اسمه يامن والظباط والقرف دا كله
فرح بعياط/يا بابا عماد لا… انت متعرفش هو عامل فيا اي
عاصي/وانت متعرفيش هو صارف قد اي عشان اسمحله بكده…اتطمني يا حبيبتي هنسافر كلنا ونعمل بيت كبير اوي نعيش كلنا مبسوطين وهتعيشي اجمل ايام حياتك
فرح بذهول/بابا….انت بتقول اي
عاصي/يلا يا حبيبتي اكيد جعانه طلعوا الاكل يا رجالة بالهنا والشفا
عند يامن
اتحركوا كلهم ويامن فتح شنطة العربية يجيب حاجه وقفلها بس متقفلتش اوي ومنى كانت عاوزة تعرف هما رايحين على فين ولاحظت ان شنطة العربية متقفلتش استغلت الفرصة جريت على شنطة العربية استخبت فيها و كان يامن واخد عماد جمبه وعربيات عساكر ماشيه حوالين عربيته محاوطاهم عشان لو حصلت اي حاجه
وصلوا للمكان الي مره واحدة هجموا عليه وباقوا بيضربوا نار في كل حته
عاصي اتخض وفرح باقت بتصوت بخوف العساكر دخلوا قبضوا على كل الموجودين ويامن دخل لجوا واول ما شاف فرح جري عليها بلهفه/فرح… انت كويسه
فرح بعياط/انا كويسة…. انا كويسه
يامن فكها واخدها في حضنه يهديها/خلاص يا حبيبتي…. كل حاجه هتتحل…. مش هيبقى فيه ناس تإذيكي في حياتك ابدا… اهدي ها
طلع مع فرح برا وقدروا يسيطروا علمكان
عاصي/كده يا عماد الكلب… اتفو عليك وس خ
عماد بصله ومردتش
عاصي بزعيق/ورحمة ابويا ما هرحمك… على الحركة الواط يه دي
يامن حط فرح في العربية /خليكي هنا…
منى طلعت من شنطة العربية وباقت مستخبيه وراها وبتتابع الي بيحصل
يامن/اعتقد كده نهايتكوا خلصت…. ولعبتكوا اتكشفت…. وخلصنا الناس من شركوا
يامن/انقلوهم علبوكس
عاصي/لا مش هتخلص كده
مد ايده في جيبه وجاب قنبلة ورماها
يامن برق وصرخ/اجروووو
كلهم جريوا من مكان القنبلة الي انفجرت بشدة مو تت عساكر كتيرة واتبقى منهم قليلين الي فضلوا علأرض وكلهم اتصابوا ويامن قدر ينفد منها وفرح نزلت من العربية بسرعة وجريت ومنى كذلك وعماد وعاصي كانوا علأرض وشافوا بعض وعماد حس ان عاصي مخطط لحاجة وبص علمس دس الي قدامهم ولسه عماد هيجري ياخده لكن عاصي كان اقرب منه للمسد س واخده ورفعه عليه
عاصي ضحك/جاتلي الفرصة اخيرا….
عماد بلع ريقه وبقا بيرجع لورا وقال بخوف/عاصي… نزل المسد س انت كده كده مقبوض عليك الي هتعمله دا هيزيد الموضوع اكتر
عاصي/خلاص معدش فارقلي انا مش هخسر حاجه لو مو تك دلوقتي مانا كده كده داخل الس جن… خليني ادخله وانا مرتاح بقلم مريم الشهاوي
يامن دور على فرح ولقاها مرمية علأض جري عليها بسرعة يسندها
منى او ما شافت المسد س اترفع على عماد صرخت بأعلى صوتها وهي بتجري عليه/عماااد
عماد استعجب من وجودها وصرخ~متقربيش….منى متقربيش
منى بعياط وهي بتجري/مش هسمح لحد ياخدك مني تاني….
عماد بزعيق/متقربيش بقولك
منى بعياط ومكمله جري/انا هعمل اي منغيرك هعيش ازاي بعد ما تروح وتسيبني
عماد/منى متقر…..
اترمت في حضنه واتعلقت في رقبته وهي بتعيط/مش هسمحلك انك تسيبني تاني انت حبيبي وروحي انا بحبك وعمري ما هحب غيرك
عماد ضمها ليه بشده قد اي كان محتاج لحضنها دا واخد نفسه براحة اخيرا فتح عينه ولقى عاصي واقف وبيضحك/عصافير كناريا… اجبلكوا اتنين لمون
جهز المسد س انه يضرب وعماد خاف منى الي تيجي فيها الرصا صة اداله ضهره وبعد منى عنه وحط ايديه الاتنين على خدها/عاوزك تعرفي اني بحبك…. ومفيش حاجه هتفرقنا عن بعض إلا المو ت…..
كمل اخر كلمة ومرة واخدة عاصي ضر ب طل قة في ضهر عماد وعماد اتنفض مره واحده وبص لمنى وهو مبرق
منى بصدمة صرخت~عماااد
عماد وقع علأرض بين ايدين منى
عربيات شرطة جات تاني ونزلوا اخدوا عاصي وبعتوا الاسعاف للمصابين
منى بصويت/عماااد قوم يا عماد
عماد بصلها وابتسم وحط ايده على خدها بألم /انا بحبك يا منى
منى مسكت ايده الي على خدها بعياط/انت قولت انك مش هتسيبني… انت قولتلي اننا هنعيش سوا ونبدأ سوا من الاول… انت وعدتني
عماد غمض عينه و ايده نزلت من على خدها
منى بصريخ/عمااااد قووووم…. قوووم
العساكر حاولوا يشيلوها وهي مرديتش تقوم وبتصرخ بوجع وعياط/عمااااد… انت قولت انك مش هتسيبني… قوم يا عماد…ااااااه….ياااارب ليه كده…عمااااد
كان في قلبان وصوت الاسعاف والشرطة والعساكر في كل حتة
تحت صريخ منى الي كان يقطع القلوب
“اعطاها وعدا ان لا يأتي يوما ويفترقا، فتدخل الموت واخلف هذا الوعد” 💔
ونكمل بكرة
عارفة ان بارت النهاردة صعب شوية وخصوصا على الناس الي كانت بتحب عماد حقكوا عليا متزعلوش