رواية يوم زفافي الفصل الثاني والعشرون 22 بقلم مريم الشهاوي

رواية يوم زفافي الفصل الثاني والعشرون 22 بقلم مريم الشهاوي

رواية يوم زفافي الجزء الثاني والعشرون

رواية يوم زفافي البارت الثاني والعشرون

رواية يوم زفافي الحلقة الثانية والعشرون

يامن اتصاب وفرح كان مغمى عليها من هولة الانفجار ومنى كانت حاضنة عماد ومش راضيه تسيبه لحد ما كذا واحد من العساكر قوموها بالعافيه عشان ياخدوا عماد وهي كمان لانها اتصابت من القنبلة اصابة بسيطة
نقلوا كل الي في المكان للمستشفى
منى كانت نايمه في السرير وبتصوت جامد/عماد… طمنوني على عماد… هو كويس….. عماد كويس صح…..
دخل اوضتها يامن وهي اول ما شافته صرخت فيه/عماد كان هيتغير…. محدش فيكو قدر انه يلحقوا… محدش فيكو قدر انه يحس بيه
يامن بص للممرضين/سيبونا شوية
شد كرسي وقعد قدامها/منى….. عماد عمل اخطاء كتيرة ودا كان الطف حل ليه…. هو كان مستسلم للمو ت
منى بعياط/لا… هو مكنش لاقي سبب يعيشله… لاني انا كمان كسرته هو كان محتاج فرصة تانيه يقدر يصلح غلطته
يامن/عماد يا منى كان وراه بلاوي كتيرة دا غير كم القضايا الي اترفعت عليه من ابهات وامهات لما شافوه في التلفزيون اما كان هربان….. اعتقد ان الي حصله دا من كتر دعا الاهالي وقهرتهم على بناتهم…. الي نقدر نعمله دلوقتي هو اننا ندعيله بالرحمة
منى بعياط/عماد مماتش… هيعيش… صدقني هو مش هيموت بقلم مريم الشهاوي
يامن بحزن على حالتها/البقاء لله يا منى… عماد ما ت واتنقل للمشرحة
منى باقت بتعيط بصريخ ويامن حاول يهديها/انت كنت بتحبيه.!
منى بعياط/ايوة انا بحبه وهفضل احبه طول عمري
يامن/طب ازاي!… دا خطفك وكان هيإذيكي حبيتيه امتى ازاي حبيتي شخص مؤذي للدرجة دي
منى بعياط/حبيته لاني شوفت الجانب الي كلكوا مكنتوش شايفينه شوفت قلب عماد من جوا عامل ازاي…. هو كان عنده اضطراب نفسي بسبب ماضيه…..
منى حاكتله ماضي عماد بالكامل ويامن اتأثر جدا وجيه في باله كلام عماد ليه لما قاله انه مبقاش ليه حاجه عشان يعيش عشانها وانه فقد الامل في حياته
يامن بحزن/ممكن يكون مشافش رحمة من حد بس هو دلوقتي عند ارحم حد عليه مننا كلنا ربنا رحيم بيه…. ادعيله بالرحمة يا منى هو على الاقل شاف حد بيحبه وخايف عليه قبل ما يموت دي كانت امنيته الوحيدة ان حد يحبه بجد واهي اتحققت قدرتي تسعدي قلبه لمدة بسيطة لكن قدرت انها ترجعه للحياة من تاني جزاكي كل خير وربنا يقويكي…. عم منعم رنيت عليه وهو هيجي ياخدك… بنصحك تتخطي بسرعة عشان متوصلش لإكتئاب.
خرج يامن من الاوضة وراح عند فرح الي كانت ابتدت تفوق /ييامن
يامن بلهفه/انت كويسة…. حاسه بألم ولا حاجه
فرح/انا كويسة متقلقش عليا…. عماد وبابا…..
يامن بأسف/عاصي ضرب عماد بالنار مو ته
فرح عينيها رغرغت بالدموع/مش متخيلة ان بابا ممكن يعمل كل دا
يامن اخدها في حضنه وطبطب عليها/خلاص يا روحي انتهي الكابوس دا… كله هيبقى تمام
فرح~مش عارفة اسامح عماد ولا اسامح ابويا على الي عمله فيا اسامح مين فيهم وهما الاتنين كانوا بيتنافسوا مين يدمرني الاول
يامن افتكر حاجه وطلع ورقة من جيبه/عماد ادهاني وقالي انه كتبها ليكي عشان لو مش هيعرف يشوفك تاني
فرح فتحت الورقة وابتدت تقراها
“فرح عامله اي….. عارف اني اذيتك كتير وبهدلت حياتك وخليت ليلتك جحيم بس بتمنى انك تسامحيني انا توبت وندمان على كل الي عملته وحاسس اني ظلمتك اوي معايا انت تستحقي اكتر من كدا بتمنالك حياة سعيدة مع الشخص الي قلبك يختاره انا هطلقك وكتبتلك الجواب دا لاني مش هعرف ابص في وشك تاني بعد الي عملته ياريت عقابي يبرد نارك شوية لاني زعلان من نفسي على الي عملته فيكي وعلى كل الي عملته في البنات بتمنى تسامحيني تاني
عماد.
فرح عينيها دمعت وقفلت الورقة وهي مبتسمه /على الاقل راحله وهو تائب وشهيد وربنا غفور رحيم الله يرحمه
عم منعم جيه واخد منى من المستشفى وروحوا علبيت
عم منعم بعصبيه/روحتي هناك عشان تموتي… افردي كان جرالك حاجه
سعاد/بس يا منعم مش شايف منظرها
عم منعم/انا عايز اعرف انت امتى هتعقلي
سعاد/خلاص يا منعم بقا… تعالي يا منى تعالي يا حبيبتي
اخدتها لاوضتها وغيرتلها هدومها وسرحتلها شعرها ومنى مش بتدي اي رد فعل ومستسلمه لكل الي حواليها
سعاد/حاولي تنامي يا منى… حاولي تريحي اعصابك شوية….. انا هسيبك لوحدك شوية
طلعت سعاد برا ومنعم بصلها بغضب/شوفتي عملت اي
سعاد/كفاية يا منعم… البنت متدمرة عشان عماد ما ت…. متبقاش انت كمان عليها…. ادخل حاول تواسيها شوية
عم منعم/هي كانت متخيلة اني هوافق بيه اصلا دا لو كان حصل اي عمر ما كنت هأمن عليها وهي معاه
سعاد/لا… وانا عرفتها دا المهم دلوقتي انك تدخل تديها كلمتين تطيب بيهم خاطرها ويريحوها شوية
منعم دخل ومعاه كيس في شوكلاتات/انا اسف اني زعقتلك….بس صدقيني كنت خايف عليكي خوفت ليكون جرالك حاجه….انت بنتي يا منى وبنتي الوحيدة كمان يعني ممكن امو ت لو حصلك حاجه
منى اترمت في حضنه زي العيل الصغير وعيطت
عم منعم/ليه…. ليه يابنتي كل العياط دا… اهدي يا حبيبتي… اهدي محصلش حاجه كان كابوس وراح لحاله
منى بعياط/بالنسبالي كان حلم… وحلم جميل كمان… انا زعلانه على مو ت عماد اوي يا بابا حاسة ان قلبي اتكسر
عم منعم /سلامت قلبك يا نور عيني…. ان شاء الله هتتخطي بسرعة وصلي وادعي بالصبر من عند ربنا… طب بوصي… بوصي جبتلك اي
فضى كيس الشوكلاته قدامها وبقا مبتسم/دخلت وقولتله هاتلي التلاجه كلها عشان بنتي بتحب الشوكلاته وانا عارف دا كويس
منى ابتسم بحب/شكرا يا بابا… ربنا يخليك ليا واسفة اني خضيتك عليا كتير واتصرفت تصرفات مش كويسة كتير
عم منعم/محصلش حاجه يا حبيبتي…. يلا هسيبك تستريحي شوية
باسها من دماغها ومشي من الاوضة ومنى اخدت نفسها وراحت اخدت موبايلهل من علمكتب وفتحت فديو… كان الفديو بتاعها هي وعماد لما كلمها ليلة امتحان الانجليزي ايوة هي سجلته وحفظته عندها عشان يبقى ذكرى ليها تفتكره كل ما يوحشها
نامت علسرير وعادت الفديو اكتر من مره وكل مرة بتعيط اكتر وبتتأمله وهو بيتكلم وبتدعيله بالرحمة
نورا خرجت من المستشفى مع ناهد وباقت بتدعي لجوزها يقوم من الغيبوبه بالسلامه وابتسام رجعت البيت وطول الوقت حابسه نفسها في اوضتها ومحدش بيكلمها نهائي يدوبك بيدخلولها الاكل ومحدش بيتعامل معاها وهي انفردت في اوضتها بمصحفها وسجادة الصلاة وبتطلب المغفرة والرحمة من ربنا
يامن اخد فرح وراحوا لبيت ناهد
فرح/بتمنى مكونش تقلت عليكو الكام يوم الي فاتو وبجد شكرا ليكو كلكوا انتو قدرتوا تحتووني وحسستوني انكم اهلي
ناهد بابتسامه/متقوليش كده يا حبيبتي انت كنت هنا منورانا وقضينا يومين حلويت معاكي وكان وشك حلو على نورا
نورا ابتسمت بحب/انت حسستيني بالاخت يا فروحة وعمري ما هنساكي ابدا
يامن /احم…. طب اي بقا مش نقوم نتغدا
كلهم ضحكوا واتغدوا سوا واصوات ضحكهم ملت المكان بهجه
فرح قامت من علسفرة /النهاردة اخر ليلة هقديها معاكو هنا بكرة الصبح هسافر بورسعيد لاهلي
نورا بحزن/يعني النهاردة اخر يوم هنشوفك فيه
فرح ابتسمت/هبقى اجي اسكندرية تاني ومعايا اخواتي واعرفكوا عليهم
يامن قام وقف وكشر/تمشي… تمشي ليه؟
ناهد ابتسمت /ههه معلش يا حبيبتي يامن بيحب يهزر….. اي يا يامن هي مش ليها اهل بيسألوا عليها هترجع بلدها دا شئ طبيعي
فرح ابتسمت ودخلت اوضتها وناهد رمت الشوكة على يامن/هتطير البت منك لله يخربيتك
يامن /هو انا لحقت
ناهد/اتفضل روح قولها
نورا/يقولها اي
ناهد بصوت واطي/اخوكي بيحبها بس لسه مقلهاش ومش عارفة هو مستني اي
نورا ابتسمت/بجد… طب الحمد لله… انت الي كسبتي يا عمتو طلع بيحبها فعلا
كلهم ضحكوا ويامن/طيب طيب هقولها
ناهد/النهاردة
يامن/النهاردة متقلقيش بس محتاج اعمل شوية حاجات كدا قبل ما اقولها
نورا/رايح فين….
يامن/مشوار سريع كدا وراجع تاني
بعد كام ساعة رجع يامن
ناهد/هي فين
ناهد~جوا مريحة شوية…. عملت اي واي الشنطة الي معاك دي بقلم مريم الشهاوي
يامن/هتشوفي
قرب من اوضتها وخبط خبطتين/فرح انت صاحيه
فرح فتحت الباب /اه يا يامن صاحيه
يامن ابتسم واداها الشنطة
فرح/اي دا….
يامن ابتسمت/عايز اشوفه عليكي… يلا بسرعة البسيه واطلعي
قفل الباب وفرح مكنتش فاهمه حاجه فتحت الشنطة ولاقت فستان احمر شكله جميل اوي فرحت اوي بيه لانه لونها المفضل لبسته وكانت تسحر من كتر جمالها سيبت شعرها وطلعت لبرا ويامن اول ما شافها وقف واتجمد مكانه
ناهد ضحكت/اهااا… عرفت كان في الشنطة اي
يامن /شكلك تحفة
فرح ابتسمت بخجل
ناهد/اللون دا جميل اوي عليها
يامن مد ايده/يلا بينا
فرح/ايوة بس احنا رايحين على فين
يامن/دا اخر يوم ليكي في اسكندرية مش عايزة تنزلي وتودعيها
فرح بصت لناهد/انا حابه انكو تيجوا معانا و…
ناهد/لا لا انا داخله اريح مع نورا شويتين زيها لاني مكنتش بنام كويس في المستشفى… انزلوا انتو
فرح نزلت مع يامن ركبوا العربية وفرح كانت بتشم ريحة البحر والهوا بيطير شعرها ويامن متابعها في المراية وكان شكلها يجنن
ركن العربية ويامن فتحلها الباب ونزلت منها وهي بتبص يمين وشمال/انت موديني على فين
يامن جاب منديل قماش وحطه على عينيه
فرح /اي دا….
يامن/تعالي بس متقلقيش
فرح/خايفة اتكعبل
يامن/انا معاكي متخافيش
مسك ايديها وبقا ممشيها لحد ما وصلوا للبحر يامن فك المنديل وفرح فتحت عينيها واندهشت من المكان
الارض كانت مليانه شموع وفي ممر مليان ورد احمر وهناك شموع على شكل قلب وتندا بترابيزة متزينه بالورد الاحمر المكان كان شكله يجنن
فرح بصت ليامن بسعادة/يامن… انت عملت كل دا
يامن ابتسم بحب ومسك ايديها وباقوا بيمشوا على الورد لحد ما وصلوا عند القلب الاحمر يامن وقف قدامها ومسك ايديها الاتنين/انت طبعا مستغربة من الي شايفاه…. بس الصراحة انا ملقتش طريقة غير دي اقدر اعترفلك بيها بمشاعري….انا مشاعري اتلغبطت من اول ما شوفتك على باب شقتي…. بجد والله مش بهزر حسيت بشعور غريب اول ما شوفتك كنت بخاف عليكي زي المجنون وكنت بعتبره طبيعي لكن لما اكتشفت الحقيقة عرفت انه مكانش نابع من شفقة ابدا دا كان نابع من حب بيتبني جوايا واحدة واحدة….. انا بحبك يا فرح♡….. بحبك اوي ومقدرش استغنى عنك مهما كان انت امتلكتيني بقيت مشتت من ساعت ما شوفتك الي انا بقولهولك دا يا فرح اول مرة يحصل في حياتي انا عمري ما حسيت الاحساس دا تجاه اي بنت عرفتها طول عمري ووالي انا عملته في ليلة الحفلة مسمياه جنون ومكنش حب فايوة انا بعترف اني بحبك بجنون… فرح لو انا الي بحس بيه دا هو الحب فمعناه ان انا محبتش اي حد قبلك ولا عمري حبيت
فرح عينيها دمعت وكانت مبتسمه بفرحة ويامن كمل/وانا عشانك مستعد اسيب العالم كله واحاربه عشان بس احميكي وعاوز اجيبلك كل السعادة الي في العالم واحطها بين ايديكي واجبلك النجوم من السما واعملك بيها سلسلة والبسهالك في رقبتك عمرنا ما هنفترق هنتفضل سوا دايما ومفيش حاجه هتفرقنا عن بعض الا الموت
فرح باقت بصاله مبتسمه مش قادرة تتخيل ان اخيرا هتسعد في حياتها /يامن انا…. انا كمان مشاعري تجاهك اتحركت وحسيت تجاهك اني….
يامن /اايوة قوليها
فرح حطت ايديها الاتنين على ايديها بكسوف
يامن/طب خلاص يعني انت كمان جواكي نفس المشاعر…. قوليها بعدين عاوز اعرف دلوقتي انا اي بالنسبالك؟
فرح ابتسمت وسرحت/انت حاجات كتيرة اوي يا يامن…. انت الضهر الي انا استخبيت فيه من ابويا وجوزي وانت الكتف الي احتوتني في اوقاتي الصعبه وانقذتني من المو ت وحامتني من كل الناس حسستني بالأمان وحاولت تخليني مبسوطة… انا عرفت اني بحبك من ساعت محسيت انك ممكن تروح مني ووقعت بين ايديا ساعت الشباب كنت خايفة اخسرك ساعتها
يامن ضحك/عرفتي اي
فرح استوعبت انها قالتها واتكسفت جدا وبان على ملامحها وخدوها احمروا
يامن طلع خاتم من جيبه ونزل علأرض ومد ايده بالخاتم وابتسم/انا الظابط يامن حسن عبد العال وبحبك وحابب اني اقضي بقيت حياتي معاك….. بتوافقي تتجوزيني؟
فرح ابتسمت بكل سعادة جواها وهزت بدماغها باه ومدت ايديها ليه
يامن لبسها الخاتم وقام وقف وقرب منها انفاسهم باقت واحدة وضربات قلبهم تسارعت يامن فضل باصصلها كتير بهيام بيتأملها بيتأمل كل حتة فيها وبص لشفايفها وبلع ريقه وابتدى يقرب منها فرح غمضت عينيها ويامن قرب منها لحد ما لمس شفايفها وباسها بكل رقة وحب♡
تاني يوم منى فضلت في اوضتها وشغلت نفسها بالمذاكرة وباقت بتصلي لربنا وتدعي يصبرها وتقول دايما اللهم لا تعلق قلبي باحد غيرك منى كانت بتعرف ترسم وموهوبة ورسمت عماد على ورقة واخدت ملامحه من الفديو الي كانت مسجلاه وباقت محتفظة بصورته تحت مخدتها كل ما تزعل تطلعها وتقعد تتكلم مع عمادها♡بقلم مريم الشهاوي
فرح علفطار معاهم
يامن/مش هتباركولنا
ناهد بفرحة/في اي
يامن ابتسم ومسك ايد فرح/طلبت ايد فرح للجواز
ناهد زغرطت من الفرحة والفرحة عمت علمكان اخر النهار فرح ودعت الكل ويامن وصل فرح للقطر /اما توصلي ابقي طمنيني دا رقمي
فرح/اشوفك تاني
يامن باسها من دماغها /ان شاء الله يا حبيبتي
وركبها القطر
فرح رجعت بيتها بالسلامه والكل رحب بيها والكل سأل على عاصي؟
فرح اما انفردت مع مامتها قررت تحكيلها اتنهدت وقالت/ماما…. بابا طلع عامل حاجات كتيرة اوي من ورانا… انت تعرفي انه خطفني… وقتل عماد وكان بيتاجر في المخ درات وكل دا واحنا منعرفش هو اتعرض علنيابه وحكمه هيتنفذ في اقرب وقت انا قلبي واجعني اوي متخيلتش انه يكون بيعمل كل دا
كوثر عيطت /يعني كل الفترة دي بنأكل عيالنا من حرام… روح اللهي منك لله يا عاصي…وانت يا قلب امك كل دا يحصل فيكي وانا معرفش
اخدتها في حضنها وقعدوا يعيطوا
امير دخل الاوضة/بابا فين يا ماما
كوثر/ابوك سابنا ومش هيرجع تاني
اياد بطفولة/هو وحشني مجبتيهوش معاكي ليه يا فرح
فرح اخدت اخوها الصغير في حضنها
كوثر بوجع/مفيش بابا تاني يا اياد…. وانت يا امير ابوك مشي وانت راجل البيت من بعديه
فرح/دي مش اول مرة بابا يبعد عننا قعد سنين في السجن قبل كدا وكنا عايشين منغيره وقدرنا نعيش
امير/ايوة بس حصل اي لكل دا
كوثر بعصبيه/ابوك قت ل يا امير… واقل حكم هياخده اعدا م
فرح سدت ودن اياد بسرعة قبل ما يسمع وبصت لمامتها~اي يا ماما الي بتقوليه دا ناسيه ان اياد موجود
كوثر بعياط/خليهم يعرفوا ان ابوهم بقا قا تل كان زمان تاجر دلوقتي اتطور
فرح اخدت اخواتها الصبيان الاوضة /ماما تعبانه… ولازم نسيبها لوحدها شوية…. بص يا اياد يا حبيبي…. بابا مسافر لمدة طويلة شوية
اياد/يعني هيرجع
فرح بحزن/اه يا حبيبي يلا روح على اوضتك والعب باللعب بتاعتك واتفرج على كرتون زمان غامبول شغال دلوقتي
اياد راح لاوضته وامير وقف قصادها/انا عاوز افهم يا فرح… انا مبقتش صغير عشان تخبوا عليا
فرح بتنهيدة/فعلا مبقتش صغير… تعالي يا امير تعالى اقعد وانا هحكيلك على كل حاجه
حكتله كل الي حصلها لحد النهاردة وامير حضنها بشدة وعيط/يعني انت يحصلك كل دا وانا هنا….. معرفش عنك حاجه خالص… تتعرضي للمو ت مرتين ومبقاش عارف….. انت ازاي استحملتي كل دا… الله يسامحك يا عماد علي عملته فاختي
فرح بعدت عنه ومسحت دموعه بحب/اديني كويسة قدامك اهو…. متعيطش….
امير بعياط/وازاي بابا يعمل فيكي كده
فرح/محصليش حاجه ويامن انقذني منه
امير بغيرة/مين يامن بقا دا ان شاء الله واتكلمتي عنه كتير اوي كده ليه
فرح ابتسمت /انت بتغير ولا اي
امير/طبعا… مش اختي وبعدين انا متضايق ان هو الي كان بينقذك مش انا كدا هتعتبري انه هو ضهرك بس وانا روحت فين
فرح ~يا روحي انت اخويا وحبيبي من قبله
امير بغيظ/هو بقا حبيبك!
فرح ضحكت جامد/هو اعترفلي بحبه وطلب انه يتجوزني
امير قام وقف وقال بغيظ/انا مش موافق
ونكمل بكرة
آسفة علتأخير بس النت كان معلق
اوعدكوا ان بكرة هتفضلكوا مبتسمين طول البارت وههون عليكوا نكد الايام الي فاتت زعلانه ان الرواية خلاص هتخلص ومش هشوفكوا تاني🥺❤
سبحانك اللهم وبحمدك استغفرك واتوب اليك

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية يوم زفافي)