رواية يوم زفافي الفصل الثالث والعشرون 23 بقلم مريم الشهاوي

رواية يوم زفافي الجزء الثالث والعشرون

رواية يوم زفافي البارت الثالث والعشرون

رواية يوم زفافي الحلقة الثالثة والعشرون

امير بغيظ قام وقف/انا مش موافق
فرح ضحكت جامد/ليه طيب
امير~اشوفه الاول…. الي اتلسع م الشوربة ينفخ في الزبادي بعد الي حصلك مع عماد مش هأمن لاي راجل والسلام يجي ياخدك تاني بيشتغل اي وعيلته واصله وفصله
فرح قامت وحضنته وهي بتضحك/وهو هيجي يعرفك اصله وفصله متقلقش معملتش الحركتين دول في عماد ليه
امير بحزن/هو ابوكي كان مستني حد يقول رأيه و….
فرح/خلاص خلاص… متفكرنيش…. كله هيعدي
قضت اليوم مع اخواتها وامها وبتحاول تخرجها من المود شوية وفرح مسكت موبايلها اخيرا وسجلت رقم يامن ورنت عليه
فرح/الو
يامن بابتسامه/وصلتي
فرح/اه وصلت الحمد لله…. يامن… هو ممكن تأجل الموضوع شوية
يامن/عشان ابوكي صح
فرح/… الخبر مش سهل على ماما… وبعدين انا خايفه من الحكم يحصل فيها حاجه فنديها مهلة شوية ترتاح من الي حصل
يامن/براحتك يا فرح الوقت المناسب كلميني هتأجلي قد اي مثلا
فرح/يعني خلينا ناجل موضوع الجواز دا شوية شهر كده عشان ماما ….
كوثر/جواز اي يا فرح
فرح اتفاجئت بدخول مامتها/طب هقفل معاك يا يامن دلوقتي…سلام…. اي يا ماما
كوثر قعدت جمبها/جواز اي
فرح بتوتر/خليها بعدين يا ماما انت تعبانه لوقتي
كوثر بحب مسكت ايديها/اتكلمي يا يا حبيبتي قولي…
فرح بخجل/الظابط الي حكيتلك عنه…. اعجب بيا في الفترة دي واعترفلي بحبه…. وكان عاوز يجي يتقدم… بس… بس انا رفضت قولتله لما الامور تتظبط شو…..
كوثر /وانت بتحبيه… حاسه ان هو دا الانسان الي هيحسسك بالامان بعد عماد… مش هتكوني خايفة منه او بتواجهي شئ نفسي جواكي من الي واجهتيه
فرح ابتسمت/لا خالص… بالعكس هو الي دايما كان بيحميني من بابا ومن عماد حسسني اني مش لوحدي وانه معايا في كل خطوة واثبتلي في مواقف كتيرة انه عمرة ما هيتخلى عني مهما كان……
كوثر ابتسمت/خليه يجي
فرح باستغراب/ايوة يا ماما بس بابا
كوثر/ملكيش دعوة ببابا… بابا خلاص هياخد جزاءه…. انا عمري ما هوقف الطريق الي يسعدك ويعوضك عن الكام يوم الي عيشتيهم….. خليه يجي هو واهله وانا هبعت اعمامك يجوا ويحضروا القاعدة ونقرا فاتحه ونلبس دبل لفترة…. طالاما موافقة عليه…. انت بعد الي حصلك دا انا مش مسامحه نفسي ابدا…. ومش عاوزة اكون السبب في فرحتك الاولى ايوة الاولى لان تعتبر دي مكنتش فرحة ليكي دا كان عذاب
فرح حضنتها جامد/يا حبيبتي يا ماما ربنا يخليكي ليا…
كوثر حاولت تبتسم/يلا بقا احكيلي شكله عامل ازاي وطريقة كلامه
فرح ربعت رجليها وابتدت تحكي عن حبيبها يامن وهي مبتسمه /شعرة طويل لحد نص رقبته كده وناعم ولونه بني كتفه عريض وعضلاته بارزة عينيه عسلي واسمراني وعنده دقن خفيفة مخليه شكله جميل اوي
كوثر ضحكت/عيب يا بت اختشي
فضلوا يضحكوا ويهزروا سوا
عدى يومين
يامن اتصل بفرح/عامله اي… وطنط عامله اي دلوقتي
فرح/الحمد لله احسن من الاول
يامن~انا نقلت ملف عاصي لنيابة بورسعيد والحكم يتنفذ هنالك
فرح بوجع/اتحكم عليه بإيه
يامن اخد نفسه واتكلم/إع دام
فرح وقع الموبايل من ايديها وباقت بتعيط وصوت شهقاتها بان في الموبايل ويامن زعل جدا على عياطها /فرح… فرح كلميني… انا عارف انه صعب عليكي
فرح مسكت الموبايل وحطيته على ودنها/اي يا يامن
يامن/متعيطيش ارجوكي…
فرح بعياط/مش قادرة اتخيل….. مش عارفة اتقبل دا… مهما كان الي عمله… دا برضو ابويا
يامن/عارف دا ومقدر والله
فرح/انا مش متخيلة ان كل دا حصل…. مش قادرة اصدق ان ابويا يعمل كل دا….. تعبانه اوي يا يامن
يامن فضل يواسيها ويخفف عنها شويه واما طلعت وقالت الحكم لامها وقعت من طولها وحاولوا يفوقوها بالعافية لحد ما فاقت
امير بخوف/مالك يا ماما….
كوثر/انا كويسة يا حبيبي متخافوش
فرح كانت منهارة عليها/حقك عليا…
كوثر عينيها دمعت/حقكوا انتو عليا عشان معرفتش اختار لكم الاب الصحيح الي تفتخروا بيه دلوقتي هتخافوا تنطقوا اساميكوا وهو موجود فيها… منك لله… مش مسامحاك على كل حاجه عملتها
عاصي طلب انه يشوفهم والكل رفض حتى امير والي راحله فرح واياد معاها
اياد اول ما شاف ابوه جري عليه يحضنوا /هي اي السلاسل دي يا بابا
عاصي بدموع/دي لعبه يا حبيبي… عاوزك تخلي بالك من نفسك…. انت اشطر ابن في الدنيا وتطلع دكتور زي ما اتفقنا بقلم مريم الشهاوي
اياد حضنه/انا بحبك اوي يا بابا مش هترجع معانا البيت اي المكان الي انت قاعد فيه دا… المفروض لما تنزل من السفر تيجي تقعد معانا
عاصي عيط ومعرفش يتكلم
فرح/يلا يا اياد… استناني بره… عاوزة بابا في موضوع
اياد ببراءة ~بس انا عايزة اقعد معاه شوية كمان… هو واحشني برضو اشمعنى انت… عارف يا بابا… امير مرضيش يشوفك… وقالي انه مبقاش بيحبك… انا مش عارف هو بيقول كدا ليه…. بس انا بحبك
عاصي حضن ابنه وقلبه وجعه اوي هو مش قادر يسيب ابنه ويمشي من الدنيا وندم على كل حاجه عملها واتمنى لو كل دا محصلش وانه عاش مع بنته وعياله بسلام
اياد~ماما تعبانه اوي
عاصي بخوف بص لفرح /ليه مالها
فرح بدموع/ضغطها عالي من كل الي سمعته واخرته قرار حكمك
عاصي بوجع/مجتش معاكوا ليه انا كنت عايز اشوفها لأخر مره
فرح بوجع/هي مش قادرة تشوفك بعد الي سمعته
اياد خرج برة ومرة واحدة عاصي وطي على رجل بنته يبوسها وبقا بيعيط وفرح شالت رجليها بسرعة ودموعها نزلت ونزلتله علأرض
عاصي بقهرة/سامحيني يا بنتي… ونبي تسامحيني… انا غلطت… عارف اني غلطت… بس ندمان…. ندمان على كل لحظة حرمتك فيها من حضني ومن حنيتي… ندمان اني سلمتك لاي حد وكان ممكن يمو تك… ندمان انك مهونتيش عليا ساعت ما شوفتك اول مرة بعد جوازك مضرو بة ومأخدكيش ومشيت ازاي كان قلبي اسود وجاحد لدرجة انك متصعبيش عليا وانت في الحالة دي ازاي قدرت اعمل كدا انا قرفان من نفسي قرفان من كوني كأب ومعرفتش اادي المهمة الي ربنا وصاني عليها انا مستاهلش اللقب دا
فرح باقت بتعيط ومسحتله دموعه/بس كفاية عياط…. انا مسمحاك يا بابا…. مسمحاك لاني مقدرش ازعل منك انت ابويا وفكرالك حلو كتير معايا…. انا مش متخيلة اني هعيش لوحدي ومش هشوفك تاني…. مهما عملت فيا… انا هفضل احبك وادعيلك طول عمري… انت ابويا الفترة الي حصلت فيها كل المصايب دي هشيلها من حياتي وابدأ من جديد وهفتكرك دايما بالحلو….
حضنوا بعض هما الاتنين واصوات بكائهم عالية
وواحد من الظباط الي واقفين/الي يسمعه ميقولش انه وراه كل البلاوي دي كلها
/بس طلع ذرية صالحة… بنته اهي بعد كل دا لسه بتحبه وهتشتاقله دا مهما كان ابوها
رجعت فرح البيت وحاولت متتكلمش مع مامتها كتير واتصلت بيامن تبلغه بلي حصل وقالتله انهم يستنوا مش اقل من تلت شهور عشان تقدر ماما تطلع من الحالة الي فيها وفرح كمان تقدر تتخطى موت ابوها ويامن معترضتش بل بالعكس دا كان داعمها وقايلها انه مقدر وضعهم لانه اتحط فيه قبل كده العيشة منغير اب صعبه بتحس ان الحيطة الي بتسند عليها وقعت وانت وقعت معاها وحياتك باقت ضلمة
هشام فاق من الغيبوبه ونورا كانت جمبه وبتعيط
هشام بألم/اي يا روحي ليه بتعيطي
نورا بعياط/عشان لو مكنتش شيلت حزامك كان زمانك كويس دلوقتي
هشام/لو كنت مشيلتش حزامي مكنتش هبقى كويس وانت في حالتي دي ومكنتش هسامح نفسي ابدا
نورا بعياط/ولا انا كمان… انت مش متخيل عملت فيا اي انا كنت بموت… وحالتك كانت حرجه وقعدت اربع ايام منغيرك….
هشام فتح ايده الاتنين/تعالي في حضني انت وحشاني اوي بقلم مريم الشهاوي
نورا/بلاش عشان جروحك… مش عاوزة اوجعك
هشام ابتسم بحب/متعرفيش ان قربك مني بيشفي جروحي مش بيوجعها انا عاوز اتعالج ودي الطريقة الي بتعالجني
نورا ضحكت وحضنته براحة وبعدين بصتله /كلامك دا معارض للطب البشري خالص لو اي دكتور سمعك هتجبله جل طة
هشام ضحك جامد/بس انا مبكدبش انا بقول الحقيقة انت دوائي يا نورا ويكفي انك بخير انت والطفل الي في بطنك طول مانتم كويسين فانا كويس
نورا بصت لبطنها/هيطلع حنين زي ابوه كده
هشام/او قمر وطيبه زي امها
فضلوا يتكلموا كتير م كتر اشتياقهم لبعض ونورا بلغته بلي حصل مع فرح كله في اليومين الي فاتوا وقالتله ان يامن طلب ايدها للجواز ووافقت وهشام فرحلهم جدا
تاني يوم حد من الظباط دخل على عاصي عشان ينقلوه لاوضة الاعد ام وتنفيذ حكمه بس كانوا بيصحوه مش بيرد
/يالهوي دا مبيصحاش
/دا ميت
جابوا دكتور يكشف عليه بسرعة والدكتور قال بحزن/مات بسكته قلبيه…
عاصي مقدرش يستحمل وجع مراته وكره ابنه والي عمله في بنته هو فاق بس فاق متأخر اوي… كتير مننا بيبقى محتاج انه يفوق للي هو بيعمله وربنا بيفضل يديله فرصة واتنين وتلاته عشان يفوق لكن هو بيثبت وبيكتر من افعاله لحد ما رصيد ستره بيخلص ففوقوا لنفسكوا كلنا بنغلط بس الاشطر هو الي يفوق من الغفلة بسرعة وميستحلاش ستر ربنا عليه المدة دي كلها
الخبر وصل لاهل بيته واتم العزا والدفنه والبيت اتملى حزن وكآبه
وبعد شهر البيت نور بفرحة نتيجة امير في الثانوية وجاب 92 علمي واخيرا قدرت الفرحة تدخل قلوبهم من تاني
ونتيجة منى طلعت وجابت88واخيرا بعد عناء كبير قدرت تجيب مجموع يفرحها ويهون عليها الايام الي فاتوا ومنعم وسعاد الفرحة مبقتش سايعاهم وبقوا فخورين ببنتهم والغريبة انها اعلى درجة جايباها في الانجلش غير العادة لانها كانت عقدت حياتها ودايما تنقص فيها كتير وكانت اكتر مادة خايفة منها بس دي المادة الي شرحالها حبيبها عماد وبسطهالها بطريقته الجميله
منى طلبت انها تنزل تتمشي شوية لوحدها هيا محتاجه تطلع الطاقة السلبيه في بحر بلدها
نزلت وباقت بتتمشى على البحر وشعرها بيطير وحاطه السماعات وبتسمع صوت عماد عايزاه يبقى موجود معاها دايما ومرة واحدة شافته واقف بعيد وبيبصلها وهو مبتسم منى مكنتش مصدقة نفسها وجريت عليها بفرحة وحضنته~عماد… انت هنا…. انت واحشني اوي يا عماد… انا حياتي كانت وحشه الفترة الي فاتت انت عارف النهاردة بس قدرت احقق حلمي وجبت مجموع كبير وتعرف ان اكتر مادة جبت فيها درجة عالية هي الانجليزي متخيل…. انت… وحشتني اوي
حضنته جامد وابتدت دموعها تنزل وعماد بادلها نفس الحضن واتكلم بحب/انت تعبتي وربنا ادالك حق تعبك…. وهتدخلي الجامعة الي بتحلمي بيها وتبدأي حياتك
منى بعدت عنه وعيطت/انا حياتي وقفت من ساعت ما انت موت…. بقيت بتمنى اليوم يخلص بسرعة
عماد مسحلها دموعها وابتسم~الحياة مبتقفش على حد…. انا سعيد وانا هنا…. روحت عند اكتر حد هيبقى رحيم بيا احسن من البشر….
منى بعياط/انت هتفضل في قلبي وعمري ما هنساك… هفضل احبك طول عمري لحد ما اموت…
عماد حط ايده على بوقها وابتسم/متقوليش كده…. انت لسه صغيرة ومن حقك تعيشي حياتك…. صدقيني انا هبقى مبسوط لما اشوفك سعيدة مع شخص تاني يختارو قلبك
منى بعياط /قلبي بيصرخ باسمك دايما… قلبي ملكك انت وبس
قربت منه وبا سته ودموعها بتنزل با سته بشوق جواها هو واحشها ونفسها تشبع منه
عماد بعد عنها وسند راسه على راسها/امنيتي هي انك تكملي حياتك…. مستقبلك لسه بيبتدى وهتقابلي ناس كتيرة وهتتعرفي عليهم لازم حياتك تمشي… وصدقيني انا هبقى مبسوط اكتر لما اشوفك بخير ومبسوطة لكن طول ما انا شايفك زعلانه وموقفة حياتك عليا…. ببقى ندمان… وزعلان من حالتك وبلوم نفسي اني دخلت حياتك…. انا مكنش ينفع ابقى ليكي يا منى….. وربنا جمعني بيكي عشان حاجه واحدة بس
بصلها في عينها وقال بحب/هو اني احب حقيقي واجرب احساس ان حد فعلا حبني بعد ما كنت فقدت الامل ان كل الناس ابتدت تكرهني انت الوحيدة الي قدرتي تحبيني حتى بعد ما شوفتي مني الوحش قدر قلبك يتغلب عليا ويوقعني في حبك بسرعةرسالتي ليكي يا منى… انك تكملي حياتك وانت مبسوطة ان حبيبك قدر واخيرا يرتاح
اختفى من قدامها وكإنه مكانش موجود ومنى عينيها دمعت/عماد….. بقلم مريم الشهاوي
طلعت صورته من جيبها وحضنتها جامد/ااوعدك اني هقدر اتخطى موتك لكن عمري ما هتخطى حبك في قلبي ابدا♡
بعد شهرين كمان هشام قدر يبقى في صحة كويسة والكسور الي في جسمه التأمت ووقف على رجليه من تاني وبطن نورا ابتدت تظهر وباقوا بيزينوا اوضة البيبي سوا ويجيبولها الالعاب اه صح… نسيت اقولكوا طلعت بنوته جابولها اللبس ونقوا اسم ليان وكانت شهور الحمل اجمل فترات حياتهم
ابتسمام اتغيرت خالص واتنقبت وبقا تعاملها مع كل الناس قليل وابوها واخوها ابتدوا يحسنوا علاقتهم معاها لما شافوا تغيرها وامها قدرت تحتويها من تاني لما حست ان بنتها ندمت على غلطتها واستسمحت خالتها وطلبت السماح من الكل ونورا عشان طيبه قالتها طالاما حسيتي بغلطك واعترفتي بيه وطلبتي التوبة من ربنا يبقى انا مسمحاكي والي حصلي انا وهشام كان قضاء وقدر وهفضل معتبراه كدا ومش هسوء الظن بيكي
فرح حددت معاد مع يامن يجي يطلب ايديها وكان جايب معاه عمتو واعمامه الاتنين ونورا وهشام
طه(عم فرح)/مجبتش معاك باباك ومامتك ليه
يامن/ابويا ميت من وانا عندي عشر سنين وامي مسافرة برا مصر ومتعرفش اي حاجه عني
عصام (عم فرح التاني)/معقوله كل المدة دي ومتعرفش حاجه عنك
ناهد ابتسمت/انا عمت يامن ومربياه من صغره يعتبر زي مامته
فريد(عم يامن)/احنا جايين نطلب ايد الانسه فرح لابننا يامن
طه اتكلم بغيظ/فرح مش آنسة… فرح كانت متجوزة وجوزها مات وتعتبر ارملة في حق القانون
فريد وحمدي اعمام يامن ضحكوا/احنا بتوع القانون اصلا…. حمدي اخويا لواء وانا قاضي في محكمة وفرح يعتبر مكانتش متجوزة لان جوازها باطل وهي بنت بنوت لسه يلا بقا…. كلاكيت من تاني
حمدي ابتسم/احنا جاييت نطلب ايد الانسة فرح لابننا يامن
فرح دخلت بالشربات تحت انظار يامن الي كانت مخلياه مش متوازنة وحاسه انها متوترة للي بيحصل وقربت منهم تقدملهم الكوبايات امير وقف بغيط ومسك من ايدها الصينيه وزغرلها تروح تقعد وفرح احترمته و قعدت علكرسي بخجل وعصام اتكلم/بتشتغل اي ودخلك يقدر يفتح بيت
يامن/انا ظابط مباحث والحمد لله داخلي عالي ويقدر يفتح بيت
طه بص لفرح وضحك/انت موافقة تدخلي العيلة الي كلها قلق دي مفيش غير اخته الي دكتورة وقدرت تهرب من الكمين دا
كلهم ضحكوا
حمدي/احنا ان شاء الله جاهزين من كل حاجه… وطالبين جواز علطول من غير فترة خطوبة
كوثر باستغراب/معاك مهر وشبكة وشقة بتاعتك
يامن ابتسم/الحمد لله انا ليا حساب في البنك ومحوش فيه مبلغ حلو وشقتي موجودة وهي في مكان كويس والعروسة لو عايزة تغير حاجه فيها تشقلب فيها براحتها… انا عاوزها بشنطة هدومها
امير كان قاعد ومكشر وناهد حاولت تضحك معاه/يظهر ان فيه حد معترض
هشام ضحك/ايوة ومش موافق كمان… قولنا يا امير متطلباتك… دي اختك برضو وليك الرأي
امير بص لفرح ورجع بصلهم/انا مش عايز اختي تعيش بعيد عني….
كوثر~مينفعش يامن حياته وشغله كلها في اسكندرية
امير/يبقى نروح نعيش في اسكندرية
كوثر/ازاي بقا هنسيب بلدنا واهلنا
امير ربع ايده وكشر/انا مش عايزها تبعد عني…. انت هتعمل زي ما عماد عمل جيه واخدها بشنطة هدومها برضو وعمل فيها الي هو عايزه واحنا كنا قاعدين هنا منعرفش حاجه عنها… انا مش هقبل بدا تاني… اختي تتجوز في نفس المحافظة الي انا ابقى قاعد فيها مش انا محافظة وهي محافظة ويا عالم هتقدر تسعدها فعلا ولا هتبهدلها واحنا هنا قاعدين منعرفش حاجه ونايمين على ودانا وانت تعمل ما بدالك وتستغل ان اهلها مش حواليها
الكل استعجب من كلام امير الي بين انه عاقل ونضج كفاية وكونه انه يفكر بالطريقة دي اثبتلهم انه راجل بجد واخ وسند لاخته فعلا
يامن ابتسم/اانا متضايقتش منك بالعكس…. انت كبرت في نظري اكتر
حمدي/فعلا… بين انه راجل وسند لاخته لحد ما تكبر
فرح ابتسمت لاخوها ومسكت ايده بحب تطمنه
عصام/انا موافق ان كوثر تعيش في اسكندرية اهي تبقى وسط بنتها واياد تنقل مدرسته وامير يكتب في التنسيق كلية اسكندرية وفرح تكمل اخر سنه في كلية علوم وهي متجوزة وتكملوا حياتكم
كوثر اتحرجت /بس هنعيش فين… احنا ملناش غير البيت دا
طه/تعالي نعمل شراكة حلوة انا عندي شقة مأجرها في اسكندرية خوديها وهي نفس وسع دي وانا اخد شقت اخويا وكدا صافي احنا الاتنين خد وهات ونبقى حققنا رغبت امير ومزعلناهوش
عصام/هتغير حياتها بالكامل عشان جوازة بنتها
كوثر ابتسمت/عادي انا موافقة برضو عشان ابقى جنب بنتي وهي متحسش انها لوحدها في بلد غريبة
عصام/وجهاز فرح كله علينا انا وطه اعتقد ان دي اقل حاجه ممكن نقدمهالها وتقدر انها تسامحنا على الغلطة الي عملناها وشهدنا على جوازتها من عماد
فرح ابتسمت/انا نسيت اصلا كل حاجه فاتت زمان… ولا يهمك يا عمو متتعبش نفسك
طه/انت وصية عاصي لينا وزي بناتنا…..
قرأوا الفاتحة واتمت الشبكة وكوثر نقلت عفشها لاسكندرية واستقروا في الشقة كانت في منطقة هاديه بجنينه وبعد فترة اتم موعد الجواز وكانت الفرحة عامه علكل وجيه يوم الفرح الي استناه ناس كتير
امير دخل الاوضة لاخته وهو مبتسم/شكلك حلو اوي النهاردة لدرجة اني مش عايزك تطلعي بره ما تيجي نروح
فرح ضحكت وحضنت اخوها/خايفة ومتوترة شوية
امير بهزار/حلو اوي… يلا بينا نهرب انا وانتي ونسيب عم الحبيب الي مستني تحت دا
فرح ضحكت جامد ومسكت ايديه/ربنا يخليك ليا يا اجمل امير في الدنيا
فرح كانت زي القمر في فستان الفرح وشكلها بالميكب قمرين وتسحر العيون من كتر جمالها اخد امير اخته ونزل بيها ليامن تحت كان مستنيها في الجنينه واول ما اتدور وشافها جري عليها وشالها وفضل يلف بيها بسعادة وفرحته مش سايعاه كان بيبصلها طول الفرح وكإنها اهم انجازاته واهم مهمه نجح فيها في حياته مهمة الحب وفرح قدرت تفرح ويوم زفافها بدل ما كان اسوأ يوم ليها اتحول وبقا اسعد ايام حياتها♡
تدابير ربنا للقائهم كان جميل وربنا كتبلها انها يحصلها دا عشان في خير قدام هي مش شايفاه ودا الي نفسي كل البنات تآمن بيه مش معني ان ربنا حطك في مشقة وتعب هو كده بيعذبك تؤ تؤ اطلاقا دا كده بيحبك ان الله اذا احب عبدا ابتلاه وساعات البلاء دا بيكون اختبار ليك ولصبرك وساعات بيكون صعوبات ربنا حطاهالك عشان تبقى قوي مهما كان تدابير ربنا ليك بتبقى لصالحك حتى لو انت شايف عكس كدا قصة فرح عبرة لكل بنت حاسه انها خلاص هلكت وربنا قضى عليها لا هو شايلك خير كبير اوي قدام انت مش شايفاه فاصبر لحكم ربنك فانك باعيننا متخيلين انه ممكن يتخلى عنكم هو جمبكم وشايف طاقتكم الي بتنفذ وبكائكم كل ليلة بس عاوز يشوف منك انك راضي وصابر عشان يفتحلك ايديه ويوريك العجب والله العجب ومش ببالغ الله لطيف بعبادة يرزق من يشاء وهو القوي العزيز♡♡بقلم مريم الشهاوي
قضى فرح ويامن اجمل ايام حياتهم في شهر العسل واكتشفوا انهم بيحبوا بعض لدرجة عالية وصلت للعشق وحبهم دائم وعمره ما هيقل
وبعد مرور كام شهر نورا ولدت ليان اجمل بنوته في الدنيا وكانت فرحة للكل وعملولها سبوع تحفة في النادي حضروه كل الناس
هود نزل من سفره وبارك لفرح ويامن على جوزاهم ولاحظ حد منتقب في السبوع بس مهتمش راح على الحمام وهو طالع خبط فواحدة ست منتقبه /انا آسف… انا اسف
بص للست الي كانت مبرقة ومصدومة انها شايفاه ركز في عيونها وعرفها منهم ايوا هو لا يمكن ينسى عيونها ابدا ممكن تكون مخبيه وشها لكن هو قادر يكشفها من عيونها لان حافظ كل تفصيلة فيها قال بصدمة/ابتسام
ابتسام/ازيك يا هود عامل اي اخبارك حمد لله على سلامتك
هود ابتسم/الله يسلمك… عامله اي
ابتسام ضحكت/اديك شايف
هود/بسم الله ماشاء الله شكلك قمر بالنقاب… اتغيرتي اوي يا ابتسام
ابتسام /سمعت لكلامك وعملت بلي قولتهولي طلع معاك حق فعلا لما انا اتغيرت حياتي اتغيرت واما قربت من ربنا وقدر انه يتقبلني الكل تقبلني….. رجعت تاني لحفظ القرآن والدروس الفقهية وحاولت بقدر الامكان اتغير
هود ابتسم بحب/انت اتغيرتي عشان نفسك ودا شئ جميل
ابتسام/لا انا اتغيرت ليك برضو
هود قلبه دق من جملتها وبص لعينيها بحب وهي كملت/انت الانسان الوحيد الي كنت متعاطف معايا حتى بعد الي عملته مفكرتش تهني او تتعصب عليا بالعكس كنت بتتكلم معايا زي انك بتنصحي وزعلان اني بقيت كدا وبتتمنى اني اتغير وانا فعلا اتغيرت اتغيرت عشان البقلك وتقدر انك تفكر فيا من تاني…. ولا انت قفلت صفحتي من بعد الي عملته وطلعتني من قلبك… او انا الي فاهمه غلط.. او اني…
اتلجلجت في الكلام وحست انها بتعك الدنيا وهشام اتكلم بسرعة/انا بحبك يا ابتسام… وعمري ما قفلت صفحتك حتى وانا شايفك بتحبي اخويا كنت في قلبي برضو ومش قادر انساكي اه الي عملتيه كان وحش بس حتى بعد كل الي سمعته عنك انت هنا وهتفضلي هنا (شاور على قلبه)
ابتسام عينيها دمعت من الفرحة وحست ان ربنا اخيرا بيجبرها /اانا مكنتش بحب هشام…. وواثقة انك لو مكنتش بتسافر كتير وانك كنت ظهرت قدامي انا كنت صرفت النظر عن هشام من ساعت ما شوفتك
هود ابتسم/تدابير ربنا كانت كده عشان نجتمع انا وانت يمكن كان اختبار ليكي انك ترجعيله تاني وكان اختبار ليا اني فعلا بحبك ومش مجرد اني قضيت طفولتي معاكي وانا الي حسبته حب لكن لما قلبي يفضل يحبك حتى بعد كل دا… يبقى انا بحبك بجد ومقدرش انساكي ابدا♡
هود طلب ايد ابتسام واتخطبوا والكل كان فرحان وجات المدارس وفرح نزلت جامعتها وامير دخل كلية صيدلة في جامعة اسكندرية وهناك قابل…
/بعد كدا تشيلي الكتاب دا من على عينك وانت ماشيه عشان متوقعيش حاجات الناس وتخبطي فيهم وانت مش شايفة
منى بعصبيه/انت مش شايف ان قهوتك بهدلت كتابي…. وكمان زعلان….
امير/كتابك وهينشف لكن انا مين يجيبلي حق القهوة ولسه هرجع الكافتيريا تاني وهتأخر علمحاضرة وكله عشان واحدة عميا زيك
منى اتعصبت/انت الي اعمى طب انا ومركزة في الكتاب انت ماشي سرحان في السما
وطت اخدت كتابها/انسان معندوش ذوق… ياربي كل الي كتبته باش
امير وطالها وبصلها وحاول يلطف/انا امير كلية صيدلة
… انت في كلية اي
منى ابتسمت بسماجه/سياسه وعلوم اقتصادية….
امير/واسمك
قامت وقفت وادتله فلوس/ادي حق القهوة اهي اتفضل عشان متزعلش اوي عليها
امير اتغاظ من تصرفها/انت فعلا الواحد ميعرفش يتعامل معاكي
منى بصوت عالي/احسن برضو
ومشي من قدامها /عيلة مستفزة
منى مشيت في اتجاه تاني/عيل مستفز
بعد كام شهر فرح حملت من يامن وسموه يزن وسنة الجامعة عدت وفرح اتخرجت وولدت ابنها وفرحتهم اكتملت
يامن بفرحة/شبهك
فرح ابتسمت بحب/شبهي شبهك المهم ان فيه شئ صغير بقا بيجمعنا احنا الاتنين سوا….. بتمنى منفترقش ابدا ونجيب عيال كتيرة يتنططوا حوالينا انا وانت… انا بحبك اوي يا يامن
يامن با سها بحب/وانا بعشقك يا فرحة قلبي
وعدي سنتين ويزن ابتدى يمشي وهو وليان بقوا متعلقين ببعض جدا ودايما بيلعبوا سوا وهود وابتسام اتجوزوا وابتدوا حياتهم بفرحة وهود قدر يعوض ابتسام عن حاجات كتير وباقت بتشكر ربنا انه كان بيدبرلها حاجه جميله اوي في المستقبل وحياتها كلها اتملت فرحة مع الانسان الي حبته بجد وفي السنتين دول في علاقة حب نشإت بين قط وفار وخناق دايما منى وامير ويمكن ربنا مدبرلهم حاجه قدام احنا منعرفهاش وتعيش منى قصة حب تانيه اجمل من الي قبليها وربنا شايلها الاحسن في حتة تانيه وطبعا مش هحكيلكم عن فرحة نورا وهشام هما حياتهم بامبي دايما وهتفضل بامبي وفريدة باقت معتبرة نورا بنتها وعاشوا كل ابطال القصة في سعادة ♡
تمت بحمد الله🥹❤