رواية يوميات مجانين الفصل الثاني 2 بقلم سارة محمد
رواية يوميات مجانين الجزء الثاني
رواية يوميات مجانين البارت الثاني
رواية يوميات مجانين الحلقة الثانية
عمر :يا لهوووووووووي البطاطس اتحر*قت
اتجه عمر الي المطبخ وجد احدهم يقف يوليه ظهره
عمر انت مين
بمجرد أن التفت هذا الشخص صر*خ عمر قائلا: انصرف انصرف يا لههههههوى عفريت الحقوني الحقووووني
عمرو :عفريت ايه استني يا عمر انا عمرو هو ليه عمل كده اول ما شافني وما إن انهي جملته حتي نظر في المرأه لحظه وص*رخ هو الآخر عااااااااااااااا مين دا
رائد :في ايه يا عمر
عمر وهو مازال يصر*خ: عفريت لقيت عفريت في المطبخ
رائد :احييييييييه عفريت طب سلامو عليكم أنا بقي
عمر وهو يمسكه من ثيابه: انت رايح فين وسايبني رجلي علي رجلك
لحظه ودخل عليكم عمرو وهو يبكي 😭😭قائلا: وشي باااااظ
عمر :عاااااااااااا دا جه تاااااااااني
رائد: استني الصوت دا انا عارفه
عمر :دا عفريت
عمرو: يا شيخ اتنيل دا انا البطاطس ولعت جيت اطلعها من الفرن حصلي كده يا جدعان وشي باااااظ وسامتي ضاعت عااااااااااا😭😭😭😭😭
دخل حسام وأمسك عمر من ثيابه قائلا: فين الغدا انا جعان
عمر :عاااا خضت*ني يا عم البطاطس اتح*رقت
حسام :مين اللي ح*رق البطاطس
عمر بخ*وف: الواد اللي هناك دا قالها وهو يشاور علي عمرو
عمرو بخ*وف وهو يجرى وحسام خلفه :والله ما عملت حاجه
حسام: خد هنا يلا انا مش هض*ربك انا هعرفك غلط*ك بس خد
عمر ورائد ينظرون لبعض وهم يضحكون وفجاه نظر كل منهم للآخر وكانهم تذكر شئيا ما
عمر بغض*ب: تعالي هنا والتقط الشبشب من الأرض انا بقي هربيك من اول وجديد
رائد بخ*وف: الشبشب دا انا لسه رميه من الشباك دلوقتي جه ازاى
يوميات مجانين
بقلم sara mohamed
عمر: لا ما انا عندي استبن
علي بغ*ضب :ايه يا جدعان سابين البيت كله وجايين تتخانقوا في اوضتي الواحد ميعرفش يهرب من الشغل ولا ينام كمان ايه العيشه دى
عمر بصد*مه: انت هنا من امته
علي بنوم :من بدري ليه
عمر باستغراب: هو مش انت خارج من البيت النهارده قدامي وقولت انك عندك شغل كتير النهارده
علي :اه ما انا لقيت نفسي مليش مزاج اروح الشغل رجعت تاني من الشباك
عمر :ثانيه واحده انت نايم بالجزمه
علي: اه كسلت إقلعها ليه
عمر وقد ترك رائد وجلس بجوار علي قائلا :تعرف يا علي ايه اكتر حاجه بتعجبني فيك
علي: ايه
عمر: انك بتعترف من غير ولا قلم
وفي لحظه كان الشبشب في ايد عمر وبدأ يجرى ورا الاتنين في البيت
عمر: تعالوا هنا يا كلا*ب والله ما هسيبكم يا جز*م بتضحكوا عليا انا بقي هربيكم من اول وجديد
علي ورائد وهما بيجروا
علي :طب انا عارف هو عايز يضر*بني ليه انت عملت ايه تاني يا منيل
رائد :زورت شهاده الثانويه
علي بص*دمه: وعملتها ازاى دي
رائد بفخر: عيب عليك
علي :طب هو قفشك ازاى
رائد: غلط*ت يا عم بدل التاريخ كتبت الفيزياء عرف علطول
علي :يا خيبتك الواد حسين كان ظبطهالك
رائد: احلف
يوميات مجانين
بقلم sara mohamed
عمر بعد استمع للحوار بينهم
عمر بص*دمه: انتو ايه انتو ايه الله يكون في عونك يا امي كنتي عايشه معاهم ازاى دول
عمر: بصراحه كده يا رائد قولى عملت ايه في النتيجه
رائد: بصراحه انا نجحت
عمر بفرحه: طيب كويس جبت كام
رائد بصوت واطي: ٥٠٪
عمر :ايه سمعني
رائد :٥٠٪
عمر بص*دمه: ٥٠٪ يا مفت*ري خمس سنين خدمه في ثانوي وفي الاخر خمسين في المئه ودول هيدخلوك ايه كليه صرف صحي قسم بلعات
رائد: اهو اللي قدرت عليه اعمالكم ايه يعني
جلس حسام بجوارهم قائلا: اوعي ياض انت وهو معاد المسلسل
عمر باستغراب: عمرو فين انت عملت ايه في الواد
حسام: بيجهز الغدا جوه
عمر :حبيبي وربنا اهو هو دا اللي هيعلمكم الادب من اول وجديد
حسام: روح هاتلي كبايه ميه
عمر: احم احم وانا أولكم عيوني يا كبير بس شوف العيال دى وربيهم الاستاذ جايب ٥٠٪في الثانويه والتاني هربان من الشغل
حسام بلا مباله: جدع ياض انت وهو تربيتي
عمر :وحياه امك ده اللي قدرت عليه
حسام بغض*ب: اظبط احسنلك
عمر: احم احم حاضر
ولسه هيمشي يسمع صوت شئ ين*كسر
خرج عمرو من المطبخ
عمر: ايه اللي ات*كسر
عمرو بخو*ف: طقم الاطباق
عمر :اي واحد
عمرو بخ*وف: اللي عليه عروسه وعريس دول
عمر بص*دمه: ده اثار يا بني من جده جده جده جده جده جده جدتك دا لو امك عرفت مش هنام في البيت احنا السبعه
عمرو: المشكله مش هنا
عمر :اومال
عمرو :الحله التيفال
عمر: مالها
عمرو: كنت بقلب الاكل عادي لقيتها اتجر*حت مش عارف ليه
عمر لا لا كله الا دي ثم التقط الشبشب وبدأ يجري وراه
رائد موجه كلامه لعلي قائلا: امو*ت واعرف الشبشب ده انا رمته يجي عشر مرات لحد دلوقتي عمر وماما بيجبوه منين
علي: يمكن هو اللي بيرجع تاني لوحده
رائد: يمكن
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يوميات مجانين)
2 تعليقات