رواية يوميات المنكوب علي عينه الفصل الخامس 5 بقلم غادة عادل
رواية يوميات المنكوب علي عينه الجزء الخامس
رواية يوميات المنكوب علي عينه البارت الخامس
رواية يوميات المنكوب علي عينه الحلقة الخامسة
=مخطرتش ع بالك يوم تسأل عني!
_لأ و قومي شوفي العيال…
=قالت بدلع:زومي…
_يا حافيظ..مافيش خروج برده يا مريم!
=اوووف! إيه القمع و الاستبداد دا!
_قمع!
=ايوة و ديكتاتورية حد الهلاك!
_حازم بسخرية: ديكتاتورية إيه يام العيال انتي متعرفيش معاناها اصلا..قومي قومي اجرى على المطبخ..
=مريم بغضب لنفسها: ماشي يا حازم ماشي إما وريتك …إذن الخطة ب..
_سمعتك على فكرة و برده مفيش خروج..
مرحبا يا سادة كعادتي انا الزوج المنكوب على عينه…قاعد في أمان الله ف كل طموح الرجل بعد الزواج أنه يقعد في بيته معزز مكرم و أكلة كويسة و شوية هدوء يردوا الروح..أحلامنا بسيطة نحن الرجال…
و في عز مانت حمل وديع كدا تهوى المرأة بأن تخرب عليك هذه الخلوة. هما كدا صنف يعشق الفرك و المناهدة…
و برده مش هاخرج و لا هاتخرجي يا مريم مش بمزاجك هه منا قولتلك من شهرين يلا نخرج نكدتي و مخرجناش، اشربي…
_آدم: إيه يا بوب بتكلم نفسك!
_حازم: روح اكتب الواجب يلا!
_آدم:الاه!بقا كدا دانا حبيبك و ونيسك ضد الأعداء…
_حازم: على رأيك الرجالة ملهاش غير بعض
_آدم:ايوة يا جدع قعدة الراجل بألف ست..
و فجأة خبط الباب و إذا ب حور بنت الجيران انتيمة آدم حبيب أبوه . و فجأة آدم شبح البيت أتحول لحمل وديع و كيوت قدام حور فرولاية آدم-زي مابيناديها- و عايز يطلع معاها يلعب و هنا آدم الشبح عدو البنات و كايدهم، قد ظهر عليه اللطف المفاجئ و هو بيستأذني بكل هدوء و صوت رفيع و بأدب:
_بابا انا طالع مع حور نلعب شوية بعد إذنك…
_حازم: إيه مش قاعدة الراجل بألف ست ولا إيه!
_آدم و هو بيقرب عشان حور ماتسمعش: و لو حضرت الست يغور الراجل يا جدع…
و سابني و طلع معاها…قد ايه انا أب عظيم و أحظى ب أطفال عظماء..
عذرا فنحن الأطفال بجانبهم…
قعدت افكر في تأثير الأنثى على الراجل و قد إيه ممكن يتحول بس عشان الحلوة راضية…برده مافيش خروج يا مريم هه…
جت يارا حبيبة ابوها و قعدت جنبي…الله و هي بتبوسني في خدي بكل حنية…قد ايه نعمة وجود يارا دي يا سلام…أدب و اخلاق مش حنية بس..
يارا بعد ما قعدت و هي حاطة رجل على رجل و بكل ثقة و غرور بتقولي و هي بتحط مونيكير:
_يارا:what’s wrong!
_حازم: اشتكتلك صح!
_يارا: مش محتاجة…دي قاعدة بطبرطم لواحدها جوة وof course محدش بيخليها في الحالة دى غيرك…
_حازم:و لو برده مافيش خروج
عليك انت تعلم يا عزيزي أن الأنثى مهما اختلفت الأعمار ستظل هي الأنثى…
تحولت نبرة يارا لأخرى و قالت :
_ماتسيبنا نخرج يا أخي، هايحصل إيه يعني!
_حازم: أمشي يا بت من هنا!
زغرطلي زغرة لا أستطيع وصفها و تتميز هذه الزغرة أنها تصيبك بالريبة في نفسك فوقتها أعلم أن شئ ما سيحدث..
غابت شوية جوة و خرجت تاني و هي يا حياتي بصة في الأرض و قالت بكل رقة و هي بتبوس خدي:
_يارا:sorry dad…forgive me please..
_حازم : ماشي يا روحي محصلش حاجة..
_يارا و لازلت محافظة على الرقة: طب ممكن لو سمحت اطلع العب فوق مع آدم و حور!
_ماشي اطلعي
قالت و هي ماشية و هو ماسمعش : you deserve it
و بعد وقت لقيت أم العيال خارجة و لابسة حتة شفتشي و راحت و جات قدامي بس كان في ايديها كتاب مايهمش دلوقتي و بعدها لقيتها جاية قاعدة جنبي بكل رقة هاجرتها منذ وقت وقالت:
_إيه رأيك خرجت الولاد عشان تقعد ترتاح…
_تسلمي يام العيال…
_مريم بابتسامة:يسلملي قلبك
_حازم: الاه! هو مرضي علينا ولا حاجة!
_مريم برقة:مرضي دايما بس انت مش بتاخد بالك..
_حازم ببلاهة:أخص عليا…
_مريم: عملتلك عصير المانجا اللي بتحبه…
_حازم: تعبتك معايا…
_مريم برقة برده: تعبك راحة على قلبي يا زومي..
_حازم بوله: الله عليكي يا قلب زومي..
_مريم: بحبك…
و هذا ما أتذكره يا عزيزي ف زوجتي أم العيال حاطت منوم في العصير و قرطستني و خرجت برده و سابتلي ورقة مكتوب عليها”ما لا يؤخذ بالطرق المعتدلة يؤخذ بالحيلة…حبيبي يابو عيالي، ماتخفش مش هاتأخر ..خد بوسة، هي خناقة ولا اكتر”…
والله مانا حالك يا مريم اصبري هه..
عزيزي القارئ إن كيدهن عظيم و تأثيرهن أعظم…
إمضاء: المنكوب على عينه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يوميات المنكوب علي عينه)
