رواية يوميات المنكوب علي عينه الفصل الثالث 3 بقلم غادة عادل
رواية يوميات المنكوب علي عينه الجزء الثالث
رواية يوميات المنكوب علي عينه البارت الثالث
رواية يوميات المنكوب علي عينه الحلقة الثالثة
_في سماء مليئة بالنجوم رأيتك يام العيال..
=اقعد على جنب دلوقتي الله يكرمك ماتقرفناش…
كم ابدو ك كيس جوافة الآن…غريب طبع البؤساء..أقصد النساء…ماتفهمهش، و هنا رد عليا آدم حبيب أبوه و اتاريني قولت آخر كلمة بصوت عالي و هو جنبي و مش واخد بالي:
_آدم: و إيه الجديد! دول عالم عايزة الحرق!…
_حازم: هو في حاجة حصلت؟
_آدم : مش عارف بس من ساعة ما رجعت من المخروبة و هي متظربنة كدا و مطلعة عيني انا كمان طلبات و أوامر لحد م جاضيت!…
و هنا سمعنا مريم بتنادي بزعيق على آدم و اللي رد بصوت عالي هو كمان :
_بقولك ايه ابعدي عني عشان غشيم!
جميل آدم حبيب بابا دا…و في ظل تفكيري عن سبب حالتها الجديدة و أيضا منين بيجيب آدم مصطلحاته اللغوية و تفكيره و تصرفاته بيتعلمها منين، لقيت مريم جايه و البوز المصري الأصيل تم تحميله و استخدامه الآن…بتنضف في حواليا بعصبية و التراب جيه في عنيا…فكرت كزوج اصيل في اني اعرف مالها :
_حازم: حبيبي ممكن تقعدي شوية معايا وحشاني…
_مريم: طبعا مادا اللي يهمك طلاباتك و رغباتك!
_حازم: مالك يا مالكة القلب!
_مريم:ماليش!
_حازم:اممم…مالك!
_مريم: من أمتي بتهتم!
_حازم: امممم…مالك!
_مريم:تعبت!
_حازم:روحي اكشفي!
_مريم: شوفت!..مش هاتتغير و هاتفضل طول عمرك كدا!…بس لأ!انا مش هقبل تاني و لا استحمل تحكوماتك و سيطرتك! و مش هقبل اكون معدومة الشخصية قدامك تاني، لازم اكون ليا شخصية!
لا أعلم ما علاقة تعبانة ب مش هاتغير و روحي اكشفي! و إيه اللي دخل تحكومات و معدومة شخصية!…و في ظل تفكيري, خرج آدم و قعد جنبي و قال:
_آدم: عرفت الفولة يا بوب!
_حازم:اشجيني…
_آدم: أمها العقربة كانت هنا…
_حازم:عرفت منين!
_آدم:اكيد من يارا…
و هنا دخلت يارا و هي متضايقة:
_يارا:اووف دي بقت عيشة لا تطاق!
_حازم:في ايه!
_رد آدم: زعقت ليها هي كمان مهي طايحة في الكل…
_حازم:سيبك دلوقتي أمك مالها!
_يارا: تيتا جت و قعدت تقول كلام كتير…
_حازم: كلام ايه!
_كنتي وردة مفتحة… جوزك مش عارفة ساحرلك! ماشية في ديله على طول و انتي ملكيش شخصية…مش عارفة تحكماته و more things like this …
و هنا دخلت مريم:
_اعمل حسابك انا رايحة عند ماما كام يوم ارتاح نفسيا و خليك مع العيال!…
و انا كغضنفر البيت غلى الدم في عروقي و لسة هازعق لقيت حبيبة بابا بتقولي:
_يارا:be calm dad, don’t do this
_آدم: اهدي يا عم الحج انت كدا هتخلي الحربوئة تنفز اللي هي عايزاه
_يارا: بابي بلاش تنكد علينا
_حازم: انتو مش شايفين امكو بتعمل ايه!
_يارا: we know that she is crazy, But she is kind
_حازم:استفدت ايه انا دلوقتي!
_آدم:يا جدع اسمع!
_يارا: دلوقتي تيتا عايزة تخرب على بنتها، تقوم أنت تعمل اللي هي عايزاه!
_حازم: تستاهل عشان امكوا هبلة و دايما تسمعلها و تمشي وراها!
_آدم: غشيم يا بوب
_يارا: listen, as a good man,انت لازم انت اللي تكون عاقل و تبوظ اللي تيتا بتعمله
_آدم: و انت اللي لازم تغير مراتك و تخليها تمشي تحت طوعك
_حازم:ايه العيال دي!
_يارا: مش وقته دلوقتي و اسمع…الست بطبعها ناقصة عقل و و طيبة القلب و خاصة لو زي مامي كدا
_حازم:بعدين!
_آدم:يعني دول عالم هفق، و واحدة زي مريم هاتعرف تلين دماغها بكلمتين و في نفس الوقت تمشي اليلةّ
_حازم:لأ!هي نونوت بقا ارقعها علقة بنت أمها دي!
_يارا: Violence is not a solution لازم تتنازل شوية يا بابي و كمان A real man doesn’t hit his wife
_آدم: بص يا زميلي هو اي نعم دول صنف ما يجيش غير بالعنف بس انت كدا هاتخليها تغضب عند أمها و أمها تسخنها و تعصيها عليك فتكسب هي الجولة و مش هايفضل ليك و لينا غير وجع القلب و التشرد…
و لأول مرة يتفق آدم و يارا في شئ كما أنهم اقنعوني و لذلك، دخلت لمريم و قد تلبست روحي الهادئة في تنفيذ الخطة:
_روحي
=لو سمحت انا مصممة!
_ بحبك و مقدرش استغنى عنك…
=حازم!
_عيونه…
=لأ…
_بحبك
=يا سلام كل بعقلي حلاوة
_دانتي حلاوة حياتي…بحبك يام العيال
=بجد!
_طبعا…انا عارف ان الفترة اللي فاتت كنتي محبوسة في البيت و عشان كدا قررت نخرج انا و انتي لوحدنا زي زمان
=و الولاد!
_هواديهم عند أمك..بحبك
ابتسمت و حضنتني و كأن شئ لم يكن، و من وراها آدم و يارا بيغمزوا و قالوا بصوت واطي:
_آدم:متقلقش الحربوئة مش هاتشوف النوم النهاردة…
=يارا: Intelligence always wins…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يوميات المنكوب علي عينه)
