رواية يومياتي الفصل الحادي عشر 11 بقلم ألاء عاطف
رواية يومياتي الجزء الحادي عشر
رواية يومياتي البارت الحادي عشر
رواية يومياتي الحلقة الحادية عشر
معادش وقت كتير يا ياسمين خلاص وهنتجوز وكده هضمن ان سرى عمره ما هينكشف وف نفس الوقت ابقى جبت روح كارم تحت رجلى …. ملحوظة كارم = اللورد
وبكده ابقى كسبت كل حاجة وعملت اللى انا عاوزه وكل الناس وخصوصا منظمة الرائد حسام هيعرفو مين هو قاسم قاسم صاحب منظمة ألفا (alfa) المنظمة دى انا اللى عملتها وانتى يا ياسمين اللى اخترتى تدورى ورايا وتحاولى تكشفينى تستاهلى فتحتى على نفسك طاقة جهنم …اختك سلمى بتدور على الدليل التانى وهى بصراحة زي ما انا كنت متوقع هتعرف تحل اللغز وتفتح الخزنة ولما ده يحصل انا كده اكون كسبت كسبت كل حاجة وف نفس الوقت ابقى ضمنت ان مفيش مخلوق ف الدنيا هيقدر انه يكشفنى او يهددنى ويقف قصادى.
فلاش باك flash back
فى وقت الهجوم اللى اتعرضله المقر وتحديدا فى شهر سبتمبر …
حسام: يلا بسرعة كله يجهز سلاحه
إيكسايل: الهجوم ده مكوناش متوقعينه أبدا مش هنقدر نتغلب عليهم وخصوصا بعد مو.ت القائد علي
حسام: مفيش وقت اننا نضيعه ف الكلام هننجح ان شاء الله بس كله يجهز يلا يا ياسمين حاولى تخرجى من هنا انتى معاكى معلومات مهمة ولازم تحميها
ياسمين: حاضر انا هخرج من الطريق التاني اكيد مش متوقعينه
حسام:ايوا وياريت بسرعة يلااا كله يضرب نا.ر أمنو ياسمين يلااا
إيكسايل : يلا يا ياسمين واحنا هنأمنك
ياسمين : تمام
ياسمين وهى بتجرى : واخيرا قربت اوصل واخيرا هبقى ف امان وهيخلص كل ده يارب ينجحو ومحدش يحصله حاجة وفجأة اعترضت ياسمين عربية سوداء وياسمين ساعتها فكرت ان العربية هتخبطها لانها كانت ماشية ناحيتها وبسرعة كبيرة بس العربية وقفت ف اخر لحظة ونزل منها شخص ايوا نزل منها سليم
سليم: على فين بس يا ياسو لسة بدرى
ياسمين: اه يا كلب يا حقير
سليم:طب ليه بس مش انا وعدتك انى همو.تك بس بالبطيء
وراح ضارب طل.قة على ياسمين ف دراعها ياسمين وقعت على الارض
سليم بسخرية :مش هتقولى فين الاوراق اللى معاكى يا ياسو
ياسمين: لأ وعمرى ما هستسلم ولا هقولك ولو على ق.طع رقبتى
سليم: لأ مهى هتتق.طع فعلا وراح ضارب ياسمين بعصاية خشب كانت على الارض على دمغها لحد ما دمغها نز.فت
سليم : برده مش هتتكلمى
ياسمين: لأ ولو عاوز تمو.تنى مو.تنى
سليم بزعيق:انتى ليه عنيدة كده انتى ليه مش عاوزة تستسلمى وخلاص هيعملولك ايه الناس انطقى
ياسمين: انا مش مستنية حاجة من حد انا بعمل اللى عليا ولا مفكر كل الناس زيك ميهمهومش غير نفسهم
سليم: ما كفاية شعرات فاضية ملهاش اي لازمة ولا هتحصلى اي حاجة وهتفضلى غبية طول عمرك
ياسمين: لو بتعتبر ده غباء ف انا افضل اموت غبية ولا اعيش خاينى زيك
مجهول من العربية : سليم كفاية لحد كده هي مش هتتكلم
سليم : بس يا قاسم ..
قاسم: قولت خلاص كفاية هاتها على العربية هى شكلها اصلا اغمى عليها
سليم:تمام
وبيظهر هنا ان سليم فعلا شالها ودخلها العربية ..
فى قصر قاسم
قاسم : اي يا دكتورة هي كويسة
الدكتورة:مخبيش عليك استاذ قاسم هى لحد فترة معينة كانت الحالة ميؤوس منها بس الحمد لله انك مجهز الاوضة دى كانها غرفة عناية مركزة بكل لوازمها والحمد لله الحالة دلوقتي مستقرة بس هى دخلت ف غيبوبة وبرده انا لاحظت حاجة غريبة ف البنت دى …عندها اصرار على الحياة رهيب وطول الوقت عمالة بتنادى سلمى سلمى مين سلمى دى؟
قاسم:تقدرى تتفضلى دلوقتي وحسابك هيوصلك كالعادة
الدكتورة:حاضر يا قاسم بيه
قاسم : يا ترى مخبية الاوراق فين يا ياسمين واي سر انك مصرة على الحياة اوى كده
بعد شوية..
سليم: اي يا قاسم عجبتك ولا اي ليه مسبتنيش اقت.لها وخلاص متنساش ان كارم بيحبها من زمان وعشانها هو باعنا وساب الشغل معانا بالنسبة لي هي ملهاش قيمة
قاسم : بصراحة لو كانت استسلمت لخوفها وقالت على كل حاجة كنت هقول عليها انسانة جبانة وحياتها ملهاش قيمة ساعتها بس عجبنى عنادها و انها مستسلمتش ولا خافت تم.وت حتى
سليم: لأ كده كتير ف الاول كارم وبعدين انت لا حقيقى كده كتير
قاسم : بكل هبل هو انا قولتلك بحبها وبموت فيها وهتجوزها زي الاستاذ كارم كده لا فوق دنا قاسم يعنى مفيش بنت تقدر تخلينى اجرى وراها او حتى ابصلها بعينى كلهم بالنسبالى ملهمش لازمة مش شايفهم اصلا
وهنا سأسكت قليلا🧐 والله يا استاذ قاسم واحنا ك بنات مش طايقينك من اول الرواية اصلا ده اي ده قال ملهمش لازمة نينينينيني 🙄🙄🙄 احمم ونرجع تانى للرواية 😂😁😄
سليم: تمام انا همشى دلوقتي ورايا شغل
قاسم : تمام
وعدت الايام وكانت ياسمين لسة ف الغيبوبة وقاسم كان بيشرف على علاجها بنفسه تقريبا كده بدا يحب ياسمين وقرر انه هيتجوزها …
بعد مدة فاقت ياسمين من الغيبوبة…
ياسمين: اه يا راسي ااه
قاسم: اخيرا فوقتى قلقتينا عليكى
ياسمين: انت مين وانا فين
قاسم اعرفك بنفسي انا اللى كنتى بتدورى وراه انا مدير المنظمة دى كلها
ياسمين:اه و عاوز منى اي كان ممكن تق.تلنى وتخلص
قاسم :لا مهو الصراحة عجبتنى جرأتك وعنادك ودى عمرها ما حصلت ان بنت تعجبنى
ياسمين : اه وبعدين
قاسم : وبس ياستى ف قررت اتجوزك وانتى طبعا عارفة ان احمد جوزك بيشتغل معانا من زمان وانه عمل كل جهده عشان يبوظ سمعتك وانا عارف انه طلقك من زمان وانتى مخبية
ياسمين: يا سلام تتجوز مين يا بابا فوق لنفسك انا عمرى ما انجوز واحد زيك وبعدين ملكش دعوة بمشاكلى
قاسم : هنشوف كلام مين اللى هيمشي ف الاخر وكده مقوداميش غير حل واحد
ياسمين:قصدك اي
قاسم:انا مفيش معايا ةقت اقعد اتناقش معاكى وصفق ب ايده يا دكتورة تقدرى تشوفى شغلك
الدكتورة دخلت ومعاها حوالى خمس ممرضات وجهاز غريب
الدكتورة: حاضر يا قاسم بيه
ياسمين: اي ده انتو عاوزين منى اي
الدكتورة ضحكت ضحكه عالية :متخافيش يا ياسمين هانم مش هتتوجعى اوى دى مجرد شوية صدمات كهرباء بسيطة 😈
قاسم: اه ده جهاز صعق كهربائي قولتى اي هتوافقي
ياسمين: لا مستحيل مو .تونى اعملو اللى انتو عاوزينه مش هوافق
قاسم : مش قولتلك بيعجبنى فيكى يا ياسمين عنادك يلا يا دكتورة زي ما اتفقنا
الدكتورة : حاضر يا استاذ قاسم .. يلا يا بنات ثبتوها
وياسمين كانت بتحاول تقاوم ثبتوها بسلاسل حديد ووصلو جهاز الكهرباء بدماغها وبداو يشغلوه وياسمين كانت بتصرخ وقاسم واقف بيتفرج عليها وهو مش ندمان على اللى هي فيه
قاسم : كفاية كده النهاردة وقفو الجهاز ده
الدكتورة: يا استاذ قاسم هى كده خلاص اغمى عليها وده كان هدفنا من البداية وهنفضل شغالين على الجلسات دى لحد ما نضعف الخلايا المسؤولة عن تخزين المعلومات لحد ما تفقد الذاكره تماما زي ما اتفقنا
قاسم :تمام
ونرجع للحاضر….
عند سلمى….
سلمى:ياااه انا نمت من غير ما احس كده كده مفيش شغل النهاردة اجازة
بصيت ف رقبتى ولقيت السلسلة اللى كنت لابسة السلسلة بتاعة ياسمين وابتسمت من غير ما احس..
اتفاجئت بتلفون من الرائد حسام بيقولى فيه ان المفروض احضر النهاردة على الساعة 9 مساءاً وطبعا السواق هييجى ياخدنى من عند البيت لان المفروض ان المكان سرى
مااااماااا الحقينييي
ايمان: اي يا بنتى انا والله ما عدت حمل صدمات
الرائد حسام اتصل بيا وقال ان المفروض اجى على الساعة 9 بليل
ايمان: بت اسكتى يعنى انتى بتصوتى عشان كده ااه ياربي صبرنى على الهبلة دى قال على راي المثل جتها نيلة اللى عاوزة خلف
سلمى بطفولة : في اي يا ماما وبعدين انا ناديت عليكى لانى متعصبة حتى ف يوم التجازة هروح والله مش بعيد اتخطف يرضيكى يا ماما اتخطف 🥺
ايمان بضحك : تبقى رحمتينا من هبلك والله
سلمى: ماشي يا ماما للدرجادى بتحبينى
ايمان: خلاص خلاص يلا عشان ورانا تجديد البيت النهاردة
سلمى: نعممم
ايمان بنبرة حادة: بتقولى حاجة
سلمى: لا بقول حاضر يا ست الكل ثوانى وهتلاقينى عندك
ايمان بضحك : ماشي متتاخريش انا هنزل
سلمى: تمام
بعدها بشوية ….
طبعا دلوقتي معاد انى افتح بقيت الرسايل وانا كنت مقررة انى هقراء الرسالة التالتة يمكن افهم حاجة واللى كانت اغرب من الرسالة التانية … اي ده ورقة فاضية ؟؟ لا انتى كده بتهزرى يا ياسمين انا مش المحقق كونان يعنى
وفتحت الرسالة الرابعة برده لقيتها فاضية والخامسة كانت المفاجأة… يا ااه اي ده
وعِندهَا سَتكونْ وَصَلت اِلى نِهايَةِ الطَّريقِ
الجملة دى نهاية جملة قبلها اكيد ، وصلت الى نهاية الطريق يعنى حليت اللغز بس اكيد الرسايل اللى قبلها فيها حاجة انا مش شايفاها طب اعمل اي بس يا رب انا هنزل اخلص شغلى وهروح المقر يمكن الاقى دليل ف اوضة ياسمين اعرف احل بيه اللغز …
وفى مكان آخر وتحديدا فى قصر قاسم
قاسم : انا مش قولتلك تراقبها علطول
مجهول : المرة اللى فاتت انا حطيت لها الصندوق وراقبتها لحد ما لقته انت ناسي ولا اي وبعدين انت عارف ان سلمى مش سهلة وممكن تكشفنى ف اي وقت
قاسم: طب وانا اي شغلى وبعدين قولتلك انى كنت عارف انها هتوصل للصندوق وبعدين عمرها ما هتشك فيك انت ب الذات يا… إيكسايل!!
إيكسايل : سلمى ذكية وممكن تشك وانا عن نفسي مش عاوز ائذيها وانت عارف كده واتفقنا على كده
قاسم : ايوا وانا وعدتك ومش هخلف وعدى اتجوز انا بس ياسمين بعد ما تفوق من الصدمات وبعدين هنفذ اتفاقنا بالكامل وتبقى تعمل اللى انت عاوزه
إيكسايل : تمام همشي دلوقتي
قاسم: تمام ….
واحد من الحراس: قاسم بيه قاسم بيه الحق ياسمين هانم ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية يومياتي)
