رواية يوسف وشهد الفصل الثالث 3 بقلم شهد محمد جادالله
رواية يوسف وشهد الجزء الثالث
رواية يوسف وشهد البارت الثالث
رواية يوسف وشهد الحلقة الثالثة
بفتح الشنط اللي عبدالرحمن جابها وبلاقي اسكتش رسم وعلب الوان وشوكولاتات وكيكات وبُن وسايب وسطهم ورقه مكتوب فيها
“لزوم السهره يا جميل”
عارفين لما الأهتمام يجي من الشخص الغلط ده اللي كنت بعيشه
حاولت اتجاهل مشاعري واتجاهل وجودها عندنا في البيت ودخلت المطبخ عملت فنجان قهوة وخرجت قعدت في اوضتي عشان احاول ارسم
في دماغي كذا فكره وبعرف انفذهم
برسم كتير وبستغربني لما بكون نفسيتي مش احسن مبعرفش امسك القلم ولو مسكته مش بعمل حاجة غير شوية شخبطه المره دي عرفت اطلع حاجات حلوه كتير
بيقطع تركيزي صوت رن موبايلي بتوقع إنه عبدالرحمن وفعلآ بيكون عبدالرحمن
_الفنانة عملت حاجه
_الفنانة عملت حاجات
_واثق فيكي ، انا قولت اشوفك لو محتاجه مساعده ولا حاجه
_لحد دلوقتي رسمت خمس رسومات مختلفه إيه رأيك في الحيطه بتاعت المكتبه ارسم كتاب مفتوح خارج منه فراشات
_حلوه الفكرة والبلكونه الكبيره عارفه نرسم فيها إيه
_إيه ياترى
_شفتي الورده بتاعت الكارتون البنت ام شعر طويل
_روبانزل
_هو ده الورده دي لو نرسمها في البلكونه مع الزرع والورود هتبقى تحفه
_برافو عليك يا عبدالرحمن
_اعملي حسابك نفطر سوا إنهارده
_تمام هخلص اخر رسمتين والحق انام ساعتين ونتقابل الصبح
_اتفقنا يا حلوه تصبحي على خير
بقفل معاه وبدخل المطبخ اعمل اي حاجه اشربها عشان ارجع اكمل
ووانا راجعه بلاقي البلكونة فاضيه بدخل اوضتي باخد حاجاتي وبخرج اقعد فيها وبكمل بقيت الرسومات فيها لحد بسمع صوته وهو بيقول:
_لسه صاحيه
_اه بخلص الشغل اللي هعمله تبع عبدالرحمن
_ووصلتي لـ إيه
_قربت اخلص
_شاطره يا حبيبتي
_وانت عملت إيه في شغلك
_قضية جديده والله يا شهد شغال عليها انا وزميلتي
_اه ظريفه مريم
_بنت شاطره
_ربنا معاكم
_يارب ، صحيح عملتي إيه في موضوع العريس اللي كان عايز يتقدملك
_عيدت نظر في الموضوع ولقيتني عايزه اتجوز عن حب
_وفيه حد حاليآ في حياتك؟
_لأ مفيش والله يا يوسف
_مصدقك المهم تحكيلي اول بأول انا مش هأذيكي انا اكتر حد يخاف عليكي ويهمه امرك
_ربنا يخليك ليا يا يوسف
_ويخليكي يا حبيبتي
بيقولها وبيخرج وبكمل انا لحد ما بيغلبني النوم وبصحى على رنة موبايلي من عبدالرحمن
_صباح الخير
_صباح النور
_لسه نايمه؟
_لأ خلاص صحيت
_طيب مستنيكي تحت البيت
_مش هتأخر
وبقفل معاه وبدخل البس وبحط ميكب بسيط وباخد شنطتي وكراسة الاسكتش وبنزل
_إيه النشاط ده كله
_مش هفطر معاكي لازم يبقى فيه نشاط
_طيب هنروح فين
_المكان اللي يعجبك
_هوديك مكان بحبه اوي وبرتاح فيه
_يلا بينا
ببتسم ليه وبنروح نجيب الفطار سوا الأول بنجيب طعمية وبطاطس وفول وعيش ومخلل وشيبسي وبنروح كرافتيد هوم
بنقعد نفطر سوا وبنطلب اتنين شاي بنعناع وبكمل رسم وهو قاعد قدامي بيراقبني
بيني وبينكم حسيت بنظرات الإعجاب من ناحية عبدالرحمن ليا بس مش عارفه احدد
يوسف ولا عبدالرحمن!
يمكن يوسف مش شايفني بس ممكن احاول ولو محاولة واحده بس !
وفي نفس الوقت عبدالرحمن مش وحش لذيذ ودمه خفيف جنتل مان شعره كيرلي واطول مني ومثقف
خايفه من نفسي وخايفه من اختياراتي خايفة من قلبي ..
_بتفكري في إيه؟
_أبدآ ولا حاجه ، عجبك المكان؟
_هتصدقيني لو قولتلك المكان شبهك
_شبهي !
_اه هادي ومريح حاسس إني في بيتي
_انا مش اي مكان يعجبني خلي بالك
_من انهارده هعتمد المكان ده خلاص مكاني المفضل
ببتسم ليه وبخلص رسم وبنحاسب وبنمشي سوا بنروح للمبنى عشان المفروض هنفذ كل الرسومات اللي رسمتها انهارده
بغير هدومي وبجهز الألوان والفرش وببدأ ارسم
المكان بيكون فاضي مفيش غيري انا وهو بس
_لو دمجتي الون ده مع ده هيطلع لون حلو اوي
_هيطلع لون عسلي
_اه لون عينيكي
ببتسم ليه ، بيساعدني لو احتاجت حاجه وبيعملي القهوة ، وبيشغل مزيكا هاديه
وبنفضل نرغي وانا شغاله لحد ما بخلص
_كنتي اشطر كتكوته إنهارده
_وانت ساعدتني كتير متشكره اوي
_مفيش بينا شكر بقى
_تاكلي شاورما؟
_الوقت اتأخر يا عبدالرحمن
_يوسف عارف إنك معايا
_خلاص خليها كبده وسجق
_ونشرب قصب وناكل تين شوكي
_اص
بنضحك سوا وبنروح ناكل عند ملك الكبده وبنجيب القصب وبنتشمي سوا
لحد ما بيوصلني للبيت وبشكره وبسلم عليه وبطلع للبيت
_كل ده يا شهد
_معلش يا عمتو كان عندي شغل كتير إنهارده
_طب تعالي إيه رأيك في مريم ليوسف؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يوسف وشهد)
