رواية يمنى والياس الفصل الثاني والعشرون 22 بقلم زهرة الربيع
رواية يمنى والياس الجزء الثاني والعشرون
رواية يمنى والياس البارت الثاني والعشرون
رواية يمنى والياس الحلقة الثانية والعشرون
الياس برق بزهول وصدمه شديده وقال بتهتهه..انت..انت بتقول ايه مروان..اسمو..مروان الدالي
منير بصلو باستغراب وقال..ايوه..مالك هو انت تعرفو
الياس شد شعرو بخوف وتوتر وقال..مش عارف..مش عارف..هو شاب طويل كده وشعرو طويل شويه و
بس منير قاطعو وقال..انا هوريلك صورتو من على صفحتو وطلع صوره لمروان وقال…هو ده مروان الدالي الي انا اقصودو انت تعرفو
الياس اتسعت عنيه بشده وبقى مش قادر يتكلم وقال..هو ..هو ..يمنى شافتو ..شافتو لما كانت عندي يلا بينا نلحققها بسرعه ..
الياس جري برعب وطلع من العياده بسرعه ومنير كان بيجري وراه بقلق وبيناديه ويقول..يا الياس.الياس استني فهمني فيه ايه طيب
الياس وقف عند عربية منير وقال مش وقتو مش وقتو هقولك على الطريق هات المفاتيح
واخد المفاتيح وطلعو بالعربيه والياس كان سايق بسرعه شديده وبيقول بخوف وعصبيه .غبي غبي كان بيهددها بيه كانت خايفه عليا واضحه كان هيخبطني بالعربيه وانا بغبائي افتكرتو حادث
منير مش فاهم اي حاجه بس من منظر الياس كان قلقان جدا قال..طب قلي حاجه انت خوفتني قوي.
الياس ولا كانو سامعو وبيسوق باقصى سرعه وقال..هو.. هو الي شافتو في السينما قالتلي رجع وشفتو هو انا متأكد كده وضحت بس متأخر.. متأخر
منير قال …هو فيه ايه طيب هو.. هو انت شوفت مروان تعرفو يعني طب احنا رايحين فين
الياس بصلو بغضب وقال بعصبيه..رايحين لاخوك لو مدلنيش عليه هموتو والله لاقتلو لو حصلها حاجه مش هيكفيني عمره
منير بصلو وكان عايز يطلعو من حالة الهستريا الغريبه الي بيتكلم بيها قال بزعيق..اهدى يا الياس اهدى علشان نلحقها فيه ايه وايه دخل معتز
الياس قال بعصبيه وخوف..مروان ده قابل يمنى عند السينما وتقريبا هددها انو هيقتلني ويمنى من وقتها اتغيرت وكانت ديما خايفه ومرعوبه بعدين وهيه عندي طلعت عربيه في وشي فجاه وعمل نفسو انو انقذني واخدتو معايا شقتي وتقريبا هددها تاني لانها تاني يوم عملت الي عملتو مع تسنيم
منير قال باستغراب..يا خبر يعني شافتو قبل كده طب ليه ما قلتش ليه بس
الياس قال بزعيق..علشان غبيه ..غبيه ..او انا الي غبي ومقدرتش اخليها تثق فيا
منير قال اهدى بس وقلي ايه دخل معتز بالي انت قولتو ده
الياس قال..معتز جالو يوم ما كان هيخبطني بالعربيه لما شوفتهم كانو مرعوبين وواضح انهم مخبيين حاجه مع انهم قالولي قال ايه صحاب وشافو بعض بالصدفه لاكن كنت شاكك ان فيه حاجه غلط لو كان له دخل بالي بيحصل يا منير والله لاصفي دمو
منير قال… انت بتقول ايه هو قلك ان مروان صاحبو ازاي ده احنا كنا فاكرين انو قطع علاقتو بيه من ساعت الي عملو مع يمنى
الياس قال… ليه هو مروان يعرف معتز قبل حكايه يمنى
منيرقال ايوه كانو صحاب بس قطع علاقتو بيه بعد الي عملو
الياس قال بغضب..كانو صحاب قولتلي على العموم هنعرف كل حاجه قربنا خلاص
منير ..كان مصدوم وخايف جدا لانو متأكد ان معتز يعملها ويعمل اكتر كمان قال..ربنا يستر
بعد شويه وصلو القصر ومنير والياس نزلو جري ودخلو على القصر ولقو حامد في وشهم
حامد اول ما شافهم وقف بفرحه وقال..الياس ..اذيك يا ابني وحشتنا ياراجل
الياس كان في عالم تاني قال بقلق شديد… وانت كمان يا جدي ..هو… هو معتز فين
حامد قال..معتز في شقتو تلاقيه معاه سهره من سهراتو ربنا يهديه بس انت عايزه ليه هو فيه حاجه
الياس قال وهو بيجري بسرعه… مفيش يا جدي هجيلك تاني
حامد قلق جدا مسك منير وقال فيه ايه يا منير الياس بيجري كده ليه وفين يمنى مش قولت هتجيبها معاك
منير قال بقلق..بعدن يا جدي هحكيلك كل حاجه تمام وجري ورا الياس وحامد فضل باصص عليهم بخوف وقلق وقال..جيب العواقب سليمه يارب
الياس ومنير طلعو على شقة معتز
اما معتز كان بيكلم مروان في التليفون بمنتهى العصبيه وبيقول…ودتها فين …انطق يا مروان..هو ده اتفاقنا ياواطي
مروان قال ببرود …اهدي على نفسك يا معتز اظن انك مش في موقف تزعق وتشتم فيه
معتز قال بغضب ..بقولك ايه والله لو ما رجعتها لبلغ عنك وافضحك يا مروان الكلب
مروان ضحك وقال…وهتروح تبلغ تقول ايه كنت متفق معاه نقسم التورته بالنص طمع فيها لوحده وكمل بغضب وشر وقال…انا الي ممكن افضحك يا ميزو لو بعت مكالماتنا الجميله لجدك حبيبك تخيل هيعمل فيك ايه اققل ما فيها هيطردك طرة كلاب ويحرمك حتى من حقك وهتشحت في الشوارع فتهدى وتتكلم كويس يا حبيبي انا لابخاف ولابتهدد انا كنت بسكتلك علشان مصلحتي ومصلحتي خلاص انقضت وجيم اوفر يعني ملكش لزمه معايا
معتز بلع رقه بخوف وقال .مكالماتنا..انت كنت بتسجلي يا مروان دي الصحبه الي ما بنا
مروان قال..دي صحبه وسخه احنا عمرنا ما كنا صحاب يا معتز احنا كل الي بنا يمنى انا كنت عايزها وانت كمان بس انا مش بحب انصص مع حد انا خلاص على المينا والفجر هاخد يمنى واسافر احسن لك انك تفضل مكانك لحد بكره ومتتكلمش مع حد والا مكلماتك الحلوه هتبقى عند جدك فخليك عاقل كده لانك لوحدك في وش المدفع يا حلو سلام يا زيزو
معتز قال بسرعه مروان استنا اسمع….بس قفل الخط في وشو ومعتز اتعصب و كسر التليفون بتوتر وغضب وبقى خايف جدا
قعد على الكرسي بيحاول يفكر هيعمل ايه بس سمع خبط شديد على الباب راح فتح الباب واتفاجأ بالياس ومنير في وشو
الياس وشو كان ميبشرش بالخير ابدا وكان بيبص لمعتز بغضب وغل معتز خاف من نظراتو وقال بارتباك شديد..هو..هو فيه ايه ..انا..انا..انتو جاين ليه
الياس دخل وقفل الباب وراه بغضب وهو بيتقدم على معتز وعنيه بتطق شرار وفجأه خنقو بقوه عند الحيط وقال…كلمه واحده او هطلع بروحك يمنى …فين
معتز بيحاول يفك ايد الياس بس مش قادر ومخنوف جدا قال..انت..انت مجنون..انا ..ايه عرفني
الياس اتنرفز وبقى يضغط اكتر بأيده ومعتز بقى خلاص على اخره بقى يبص لمنير ومنير كان بيحاول يهدي الياس ويبعده عنه لاكن الياس كان زي المجنون ومش سامع لحد ومعتز خلاص كان بيطلع في الروح قال بخنقه..هه..هت هتكلم…هتكلم
الياس سابو بعنف وهو وقع على الارض وبقى يتنفس بصعوبه والياس قومو بغل وزقو على كرسي وقعد قصادو وقال…انطق…ومن غير كدب..لاني اقسم بالله مستبيع وممكن ادفنك مكانك
معتز حس ان كده خلاص خربت معاه مروان خد يمنى وهيسافر بيها وهو هيلبس كل اليله قال بخوف…انا هقولك بس وحيات اغلى ما عندك بلاش جدي يعرف انا هقولكم كل حاجه بس توعدوني جدي ميعرفش
الياس هجم عليه عايز يضربو بس منير مسكو وكان في قمة غضبو وبيقول بعصبيه ده وقت جدك انطق بقولك
معتز قال برعب ..لا ما انا مش هقول الا لو وعدتني جدي هيقتلني لو عرف الي انا عملتو
منير اول ما قال كده اتاكد ان كلام الياس حقيقي وان معتز ليه ايد في الي بيحصل وقف قدام الياس وقال بغضب اهدى يا الياس خلينا نفهم منو علشان نتصرف وبص لمعتز وقال…قول يا معتز انا اضمنلك الياس مش هنجيب سيره لجدك لو قدرنا نحل الموضوع
معتز كان ساكت وحاسس برعب شديد بس منير قال..قول يا معتز علشان نلحق بنت عمك الموضوع هيتلم لو لحقناها اما لو مقدرناش ننقذها جدك لازم هيعرف
معتز بصلو وقال…مراوان.مروان خطفها
منير قال ..تمام دي تقريبا عرفناها.. تعرف خباها فين
معتز قال بخوف .. هو قلي انو خياخدها ويسافر هيسافر بيها من غير الاوراق بتاعتها عن طريق المينا له هناك رجاله بيطلعولو اي حاجه على الباخره وبتاخد طريق اليونان
الياس قال…طب امتى هياخدها متعرفش يعني
معتز قال …..هما حاليا على المينا وهيسافرو في الفجر دا كل الي اعرفو مرضيش يقول حاجه تانيه وقفل تليفونو بس انا والله ما كنت عايز كده انا..
الياس بصلو بغضب وقال..انت حيوان..حتى الحيوانات انضف منك و بص لمنير وقال بسرعه ..يلا يا منير
معتز قال بخوف..طب ..طب اجي معاكم
الياس بصلو بحده ومسكو من قميصه بشراسه وقال بغضب… طبعا هتيجي معانا هيه تحلى الا بيك امشي قدامي وطلعو كلهم بسرعه
في مستودع قديم جمب المينا كانت يمنى مربوطه على الكرسي وخايفه جدا وبتحاول تفك نفسها بس مش عارفه
فجأه دخل مروان وقال..ايه ده القمر اخيرا صحي انا مش مصدق انك بقيتي معايا ياااه حلم يا يمنى
يمنى بصتلو بغضب شديد وقالت…انا فين
مروان قرب منها وقال..انتي في قلبي يا قلبي مالك خايفه كده ليه انا معاكي
يمنى بصتلو بغضب وقالت بعصبيه..فكني..وسبنس امشي احسنلك لاني والله المرادي لو ما اتأكدت انك قطعت النفس خالص ما هسيبك
مروان ضحك وقال..دي تبقى اجمل موته يا حياتي تصدقي يا يمنى انا حبيتك وعشقتك من اول يوم شوفتك فيه
يمنى قالت بغضب..اه عارفه حبتني اول ما شوفتني من عربيتك علشان كده خطفتني وكنت هتغت.صبني مش كده
مروان ضحك وقال..لا يا عمري دي مكانتش اول مره اشوفك ..اول مره شوفتك كنتي مكملتيش ١٧ سنه بس انتي مش فاكراني مع اني عمري ما نسيتك
يمنى كانت بتبصلو بغضب وكره وهو كمل وقال…كنت جاي اشوف معتز ولقيتك في الجنينه على المرجيحه فاكر شكلك وصوتك لحد دلوقتي كانو امبارح
يمنى سرحت شويه وافتكرت مره كانت قاعده في الجنينه وبتتمرجح وجيه شخص من وراها وزقها بخفه ضحكت وقالت…زقة جامده وانبي يا منير
بس اتفاجات بصوت غريب بيقول بوقاحه…لا غلط يا حلوه الفستان يطير
يمنى قامت بخضه وقالت..انت مين يا ظريف انت ايه البلاوي دي
مروان ضحك وقال..هيه بلاوي فعلا الجمال ده كلو بلوه واكبر بلوه على العموم اعرفك بنفسي انا مروان..صاحب معتز جاي ازوره
يمنى بصتلو بقرف وقالت..هو معتز حتى اصحابو اغلس منو على العموم هو متلقح جوه لو عايز تشوفو
مروان قال ..والله انا نفسي اشوفو بس بره احلى من جوه بكتير
يمنى نفخت بضيق ومشيت وهيه بتقول.. مش معقول قد ايه بارد
مروان ابتسم وقال…هو الي مش معقول حلاوتك
يمنى فاقت من شرودها على صوت مروان بيقول..اكيد افتكرتيني من يومها وانا مش بفكر غير فيكي ويوم ما جاتلي الفرصه وبقيتي تحت ايدي غدرتي بيا بس ملحوقه ادينا فيها
يمنى اترعبت بس حاولت تبين العكس قالت بقوه مزيفه..دا في احلامك يا شاطر فكني وخليني امشي لو باقي على حياتك وانت عارفني كويس
مروان ضحك وقال..طبعا عارفك بس يا يمنتي انتي الي متعرفنيش انا لما بعوز حاجه بخودها متعود على كده و انا المرادي عايزك برضاكي يا قمر طاوعيني واخليكي ملكه ومحدش في الكون زيك
يمنى ضحكت وقالت…نجوم السما اققربلك مني يوم ما تلمسها مش هتقدر تلمسني ولو على الغصب ممكن تحاول مع انها محاوله فاشله بس برضايا بقى ده لما تشوف قفاك يا ابن الدالي
مروان اتنرفز جدا واتعصب وفكها بعصبيه ومسكها من درعاتها وقال بتحبي الهلفوت الي اتجوزتيه مش كده فيه ايه ذياده عني انطقي
يمنى زقتو بقوه وجريت بس مروان شدها من شعرها بقوه وعنف ووقعها على الارض وهجم عليها وووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يمنى والياس)
