رواية يمنى والياس الفصل الثامن عشر 18 بقلم زهرة الربيع
رواية يمنى والياس الجزء الثامن عشر
رواية يمنى والياس البارت الثامن عشر
رواية يمنى والياس الحلقة الثامنة عشر
الياس قال بحزم …طاعه …قضية طاعه اتفضلي هتروحي معايا دلوقتي
يمنى برقت بزهول مش مصدقه الي سمعتو فضلت ساكته وجدها قال للمحضر ممكن اشوف الورقه الي مع حضرتك
المحضر اداه الورقه قراها وقال تمام وبص ليمنى وقال روحي مع جوزك يا يمنى
يمنى بصتلو بزهول وقالت..اروح فين انت بتقول ايه يا جدي انا مش رايحه مكان ويلا امشي من هنا يا الياس احسن والله اناديلك الامن و
بس قطعت كلامها بصدمه لما شدها بسرعه وشالها وطلع بيها ومش مهتم باي حد
يمنى بقت تضربو وتحاول تنزل وتصرخ وتنادي على الامن بس حامد بص للامن بمعنى ميدخلوش
بمنى لما لقتو هيطلع بيها من البوابه مسكت في الباب بقوه وقالت …جدي يا جدي الحقني اعمل حاجه
حامد كان حابب يضحك بس بين الحزن وقال..وانا هعمل ايه يا بنتي ده جوزك
منير ومعتز كانو واقفين منير فضل مكانو وكان مبسوط بالي بيحضل وموقفو زي حامد بالظبط
اما معتز بقى هيتجنن جري ورا الياس وقال بغضب..استنا عندك انت واخدها على فين انت فاكر انها هتعيش في الزباله الي انت عايش فيها
الياس بصلو بغضب ولسه هيتكلم يمنى قالت وهو لسه شايلها ..وانت مالك بكده يا بارد يا نطع انت دلوقتي فالح تعمل راجل…. وضربت الياس في ضهره وقالت..وانت كمان نزلني وكفاياك جنان بقى
الياس كان هيضحك من عصبيتها ومشي من غير ما يرد عليها ولا على معتز وكان موقف تاكسي حطها فيه بالعافيه لانها كانت بتقاوم ومتنرفزه جدا ..قال بتعب وزعيق…اهمدي بقى هديتي حيلي وقطعتي نفسي
يمنى قالت بزعيق اكتر ..والله يا الياس لتندم نزلني احسنلك واله هطلع عينيك يا الياس بقولك نزلنييييي
الياس مكانش بيرد عليها وركب التاكس وقال..اطلع يا اسطى بسرعه
يمنى قالت بغضب..لا يا سطى متطلعش ده خاطفني وهحبسكم انتو التنين
السواق بصلها بشفقه وقال لاحول ولا قوة الا بالله حاضر يا بنتي شويه كده وهنزلك لا الاه الا الله لسه صغيره
يمنى استغربت الي قالو بصت لالياس الي كان هادي جدا ولا كانو سمع حاجه قالت..بيقول كده ليه انت قولتلو ايه
الياس قال ببرود..قولتلو الحقيقه
يمنى قالت حقيقه…حقيقه ايه
الياس قرب عليها وقلل بهمس …قولتلو انك مجنونه
يمنى برقت جامد وبصتلو والياس اومأ براسو بمعني ايوه وقال..زي ما سمعتي قولتلو انك مراتي المجنونه وبتيجي كل يوم هنا وفاكره الناس دول اهلك مع انك بنت بياع الفجل الي في شارعنا
يمنى بصتلو بصدمه وقالت..فجل..ماشي يا الياس وبصت للسواق وقالت..يا اسطى الجدع ده بيخرف متتصدقوش ده مختل صدقني
بس السواق قال ..ليه كده بس يا بنتي ده دكتور الياس زينة شباب منطقتنا
يمنى فقدت الامل لما عرفت ان السواق عارف الياس يعني عمره ما هيصدقها قالت..منطقتكم…امم لا انا اسكت احسن
الياس ابتسم ويمنى بصت بعيد عنه لحد ما وصلو الشارع الي فيه شقه الياس
الياس نزل وحاسب السواق وفتح لها الباب وقال..يلا انزلي
يمنى ودت وشها بعيد وقالت..مش نازله.
الياس قال بضيق ..يا يمنى انزلي ومتخلنيش اتعصب عليكي
بس يمنى صرخت وقالت يا جماعه الحقونييي الحيوان ده خاطفني
الكل جريو عليهم بس قالو مين يا هانم الي خاطفك يمنى شاورت على الياس وقالت..ده ..ده خاطفني ارجوكم ساعدوني وانبي
الكل بص لالياس الي كان واقف بيبصلها بنظرات مهلكه
واحد من المجودين قال..بقى دكتور الياس خاطفك يا بنتي قولي كلام غير ده… هو فيه ايه يا الياس يا ابني
الياس قال..مفيش يا عم ابرهيم وبص ليمنى بغضب وقال..دي يمنى مراتي بس هيه اعصابها تعبانه حبتين
الناس بقت تقول لا حول ولا قوة الا بالله
يمنى نفخت بغيظ والياس شدها طلعها من العربيه وقال ..يلا بقى طلعتي روحي
الياس بقى يشدها وراه والمكان زحمه وناس بتبيع وناس بتشتري لان شقتهم جمب السوق يمنى كانت بتمشي معاه بالعافيه وبتقاومه والياس كان هيتجنن منها
يمنى لقت واحده بتبيع هدوم حاريمي بنت اققل من التلاتين ولابسه عبايه ضيقه ومفتوحه على الرجلين قالت يا انسه انسه الحقيني والله يا جماعه خاطفني انتو ليه مش مصدقين
البنت قالت بمياعه..مصدقاكي…مصدقاكي يا روحي وبصت لالياس بتوهان وقالت ده خاطف كل بنات الحاره وخاطفني انا كمان… واحده جمبها قالت.. وخاطفني انا وانبي …وبقو يضحكو
يمنى حست بالغيره كانت هتولع بصت لالباس وقالت مين دول وعاملي فيها ابو شاش اخضر
الياس بصلها بدهشه وقال ..ابو شاش اخضر انتي جبتي الكلمه دي منين
بس البنت قالت بمياعه..ماتيجي يا الياس تكشف عليا قلبي انكسر انهارده ولا اقولك تعالي خدلك حاجه حريمي للاموره
الياس بصلها بحده وقال…بس يا شوق..روحي شوفي اكل عيشك
شوق قالت بمياعه اكتر….. ما كل يوم بناكل عيش مينفعش ناكل حاجه تانيه ..ملبن..تفاح..عنب يا عنب
الياس مكانش مستغرب بس يمنى شهقت بزهول وقالت..دي بتعاكسك
الياس كان هيضحك قال وهو بيشدها ملكيش دعوه بيها امشي
يمنى قالت مليش دعوه ازاي هروح امسح بكرامت الي خلفوها الارض اوعى
الياس مسكها بقوه وقال بزعيق..بس بقى بس..طلعتي روحي امشي معايا المكان زحمه كفياكي مناهده مرمطتيني وفضحتيني
بس يمنى بقت تضربو وتقول بعصبيه ومين قلك عايزه اجي معاك اصلا ابعد عني سبني سبني
يمنى كانت بتزعق والناس كلها بقت تبص عليهم الياس اتنرفز مسكها من خدودها وثبت راسها بقوه واتنهد وقال بهدوء..بس اسبتي كده يا يمنى هقولك حاجه
يمنى وقفت قصادو وهديت وقالت باستغراب… فيه ايه.. بس مكملتهاش والياس كان اداها بالدماغ واتنهد وقال..بالشفى يا روحي
يمنى برقت بشده وفجأه وقعت والياس سندها وشالها وطلع بيها بسرعه على شقتو
الياس بقى يخبط بباه فتح واتفاجأ لما لقاه شايل يمنى قال..فيه ايه مالها يابني
الياس نزلها وقعد على الكرسي بتعب وحاسس كتفو واجعو جدا لان الجرح ملمش كويس اتنهد وقال..مفيش يا بابا انا ضربتها شويه وهتفوق
محمد بصلو بزهول وقال بزعيق يا انهار ابوك اسود ضربتها ضربتها ازاي هو انت خضفت بنت الناس ولا عملت ايه
الياس قال بغضب..بابا يمنى مراتي اكيد مش هخطف مراتي انا رفعت عليها قضية طاعه وجبتها على ايد محضر
محمد بصلو بصدمه وقال..انت عملت ايه ليه تدخل نفسك في المشاكل دي احنا مش قفلنا الموضوع ده يا ابني البنت مش عيزاك و
الياس قاطعو قال بغضب.. بس انا عايزها يا بابا ..انا عايزها..وحاول يهدى وقال انت مش مصدقني ومعاك حق انا مش معايا اي دليل بس يمنى مخبيه عني حاجه..انا فعلا مسمعتش متها كلمه واحد تدل انها بتحبني بس انا متأكد ان فيه حاجه حصلت قلبتها كده ومش هسبها غير لما اعرفها
محمد اتنهد وقال..طب هي مالها ضربتها ليه
الياس قال..انهارده السوق زحمه والتاكس مدخلش لحد العماره نزلنا اول الناصيه طلعت روحي على ما جبتها لهنا بنت المجانين مرتاحتش الا اما ادتها روسيه عجب
محمد قال ..روسيه..اديت مراتك بالروسيه..ربنا يشفيك انت واختك هتشلوني وترتاحو هروح اجب لها حاجه نفوقها بيها
الياس قال بسرعه..لاالا لا سبها سبها نايمه احسن..كتفي هيتخلع خليني ارتاح شويه علشان اققدر افوقلها
محمد بصلها وقال..ليه يعني هيه..ممكن تعمل ايه
الياس قال بضحك..مش عارف..بس اكيد مش خير
في القصر الكل متجمعين ومعتز عمال يزعق بغضب ويقول..انت ازاي يا جدي تسمحلو ياخدها ازاي موقفتوش عند حدو الحيوان ده
حامد قال..اهدى يا معتز ..الياس جوزها شئت ام ابيت انا اصلا مش ناقص اول مره يمنى تبعد عني مش عارف هقضي الايام دي ازاي
سميه ابتسمت وقالت..معاك حق بس المهم عندنا مصلحتها
بس معتز قال بغضب..مصلحتها …مصلحتها انها تبقى مع الشحات ده لا انا هطلع اوضتي انتو هتجننوني على الاخر
معتز طلع وحامد قال ..انا اتصلت على المحامي وقال ان مفيش قضيه اترفعت اصلا
سميه….. ايه ازاي ده امال المحضر والورقه الي انت قريتها
حامد قال بضحك..كلو فبركه الواد ده كل يوم بيعجبني اكتر واحد غيره مكانش سأل فيها بعد كل الي عملتو لاكن هو لسه متمسك بيها وكمان متأكد اني هسأل وهعرف ومع ذالك مهتمش
سميه…. طب انت هتعمل ايه
حامد….ولا حاجه انا فهمت المحامي بتاعنا لو اتصلت عليه يقولها انو فعلا رفع القضيه ولو طلبت منو يرفع دعوه يقلها حاضر وميعملش حاجه يمكن ربنا يكرمنا ويتصالحو في المده الي هيقضوها مع بعض
سميه قالت…ان شاء الله يا رب بس المهم متقولش حاجه قدام معتز
حامد قال..لا طبعا مستحيل اقول حاجه قدامو
عند تسنيم طلعت من الجامعه لقت منير مستنيها ركبت معاه وقالت بمرح…ايه ده انا ممكن اتعود على الدلع ده
منير ضحك وقال..بس انتي اتعودي اتعودي براحتك خالص على قد ما تقدري
تسنيم ضحكت وقالت… يا سلام كل الرجاله قبل الجواز بيبقو اخر رومانسيه بس لما بيتجوزو بقى..
منير ضحك وقال..بيبقو رومانسيه ملهاش اخر بكره تشوفي
تسنيم قالت..لا والله ده بجد هصدقك على العموم
منير ابتسم وقال… عندي ليكي خبرين احلى من بعض
تسنيم قالت..ايوه كده انا عايزه اخبار حلوه قولي بقى هما ايه
منير قال..اولا ماما وبابا جاين بكره وهنيجي نتقدملك رسمي ونحدد الفرح
تسنيم قالت بلهفه… بجد ….بس خدت لكلمتها واتكسفت وقاات..قصدي يعني يوصلو بالسلامه
منير ضحك وقال ..مبسوطه يا تسنيم
تسنيم ابتسمت بكسوف وقالت..اه مبسوطه
منير مسك ايدها وباسها وقال هخليكي ديما مبسوطه
تسنيم اتكسفت جدا حاولت تغير الموضوع قالت…احم طب والخبر التاني ايه
منير قال الخبر التاني قمبله خدي عندك يا ستي اخوكي جيه البيت وخد يمنى بالعافيه على شقتكم
تسنيم اتسعت عنيها بشده وقالت بزهول..ايه
عند يمنى فتحت عنيها وكانت في اوضة الياس بقت تبص يمين وشمال وحاسه بوجع في دماغها وافتكرت الي الياس عملو قالت بنرفزه ماشي يا الياس ان ما وريتك
الياس جيه داخل الاوضه وهو بينشف شعره ولابس البنطلون وبس اول ما شافها فاقت قال..نورتي بيتك يا بنت الصياد
يمنى وقفت قصادو وقالت بغضب..انت عملت ايه ..ازاي تضربني كده انت بتستهبل
الياس ابتسم وقال …انا لسه مستهبلتش ومعملتش حاجه بس هعمل وهستهبل كمان وقرب منها جامد
نيو الياس يا بناااااات😂
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يمنى والياس)
