رواية يمنى والياس الفصل الثالث عشر 13 بقلم زهرة الربيع

رواية يمنى والياس الجزء الثالث عشر

رواية يمنى والياس البارت الثالث عشر

رواية يمنى والياس الحلقة الثالثة عشر

يمنى قالت بحزم…تؤ لا…. وقتك معايا خلص وهنطلق بكره يا الياس
الياس بلع ريقه وقال بتوتر …بتهزري صح
يمنى بعدت بنظرها عنو وقالت بقوه مزيفه…لا بتكلم بجد خلاص كفايه كده بكره هجيب المؤذون في الشركه وزي ما تجوزنا في السر هنطلق في السر ونخلص
الياس مسكها من دراعها بقوه وقال يعني ايه الكلام ده هو بمزاجك نتجوز وبمزاجك نطلق انا مش موافق على الكلام ده على جثتي
يمنى قالت بعصبيه..اه بمزاجي يا الياس ومش باخد رأيك وهنطلق يعني هنطلق وادينا عندنا مبرر نقوله لجدي انت عرفت اني كدبت عليك وخبيت عنك موضوع حبسي واتخانقننا واطلقنا وتشوف حياتك وبنسبالي انا عمري ما هكون مطلقه ومجروحه ويروحو يجوزوني اكيد هيستنو لما ابقى كويسه ويرجعو يضغطو عليا ساعتها ابقى اتصرف
الياس قال وهو بيبصلها بتركيذ وغيره…ساعتها تتجوزي واحد تاني مش كده
يمنى بلعت ريقها بتوتر من نظراتو وقالت… مش شرط انا هتصرف مش هغلب يعني
وكانت ماشيه ناحية السرير بس وقفت لما قال…بس انا مش موافق وزي ما قولتلك مش هطلق وريني بقى هتعملي ايه
يمنى بصتلو بحده ولسه هتتكلم الياس قاطعها وقال بهدوء وهو بيقعد على السرير …انا هقولك هتعملي ايه هتهدديني زي المره الي فاتت بس المرادي مش هتظبط معاكي لاني هنزل لجدو حامد وهقولو على كل حاجه
يمنى برقت بزهول وقالت بخوف..تقولو..تقولو على ايه
الياس بصلها بانتصار بعد ما شاف ملامح الخوف على وشها وقال …هقولو كل حاجه ازاي اتجوزتيني وازاي هددتيني بس بتعديل بسيط.. هقولو ايه بقى.. هقولو رغم كل ده حبتها قوي يا جدو ومش عايز اطلقها بس هيه مصره على الطلاق وهوصفلو قد ايه بموت فيكي انا متأكد انو هيبقى مبسوط لما يعرف
يمنى وقفت قدامو بغضب وقالت….الياس متعصبنيش جدو تعبان انت اكيد مش هتعمل كده
الياس رد بسرعه وقال…لا هعمل واكتر من كده يا يمنى مش هسيبك تبعدي عني.. وعلى فكره جدو بيصدقني وبيموت فيا اكيد خدتي بالك وبعدين عارف عقدك وهيقف معايا وساعتها وريني ازاي هيتم الطلاق
وكان هينام يمنى قالت بغيظ..هو بالعافيه يعني
الياس قال ببسمه جميله….لا طبعا مش بالعافيه…انا لو حاسس انك مش عيزاني كنت بعدت لوحدي لاكن عمري ما هسيبك لمجرد انك خايفه من مشاعرك يا يمنى
يمنى بصت الناحيه التانيه وقالت…انا مش خايفه من حاجه ومعنديش مشاعر ليك يا الياس قولتلك قبل كده
الياس قال…ايوه قولتيلي…بس انا مش شايف كده
يمنى بصتلو بغيظ وقالت بتحدي..تبقى مبتشوفش وعلى العموم براحتك انت الي هتندم وهتيجي تترجاني اننا نطلق وبكره تشوف… لعبت مع الشخص الغلط يا الياس
الياس ابتسم وراح ينام على السريرمن غير ما يرد عليها..يمنى اتغاظت انو مردش حتى وقالت بضبق…نايم عندك ليه اتفضل نام على كنبتك
الياس قال قاصد يدايقها اكتر…عايز انام هنا وبعدين دلوقتي او بعدين مسيري هنام جمبك فتعودي
يمنى قربت منو وشدت الغطا وقالت بعصبيه بسيطه…ده في احلامك يلا روح نام مكانك وعدي ليلتك يا الياس
الياس قام وهو بيضحك على انفعالها وقال طب متزعليش كده ده انا بس كنت عايز اعودك
يمنى قالت بغيظ ملكش دعوه بيا …وبقت تتمتم بضيق وتقول…قال ينام جمبي قال…انا لوحدي وبشوف السرير ضيق عليا
الياس قال بزهول…ضيق …كل ده ضيق .واتنهد وقرب منها وهمس في ودنها معلش بكره هتشوفي اي سرير واسع علينا ومش هتعرفي تنامي غير في حضني …اوعدك وسابها واقفه بتوتر وراح ينام وهو مبسوط جدا
يمنى كمان نامت وكانت كل ما تفتكر كلامو تبتسم لااراديا وبقم يفكرو في بعض لحد ما نامو هما لاتنين
في صباح يوم جديد
الياس صحي من النوم وبص على يمنى بحب وبص في الساعه وقام بسرعه خايف يتأخر لانو بيروح الشركه قبل يمنى خد شاور ولبس ونزل
الياس نزل واول حاجه سلم على حامد وسميه الي بقم زي اهلو بالظبط واول حاجه بيعملها قبل ما يمشي انو يطمن عليهم
حامد قال..يا بني اقعد افطر كل يوم تمشي من غير فطار
الياس قال ..معلش يا جدو مستعجل وانا والله مش بحب افطر عن اذنكم عن اذنك يا سمسم يا قمر
سميه ضحكت وقالت…اذنك معاك ربنا ينور طريقك يا الياس
الياس خرج و منير كان مستنيه في الجنينه واول ما طلع قال..الياس استني عايزك
الياس قال…ضروري يعني اخلص بنت عمك بتخصملي اكتر واحد في الشركه
منير ضحك وقال…مش هعطلك يلا بينا اوصلك واحكيلك في الطريق
الياس قال ..لا يا هم انا بعطلك و
بس منير قاطعو وقال..والله ما بتعطلني ابدا يلا بقى انا عايزك و….. وهو وبيقول كده جات شرين وقالت بسرعه…الياس
الياس ومنير بصولها وهيه جريت عليهم وقالت…اذيك يا الياس اخيرا قابلتك
الياس ابتسم وقال…اهلا يا شرين عامله ايه
شرين قالت بدلع..مش كويسه علشان مبقتش اشوفك خالص اول ما انزل يقولولي مشي واول ما تيجي بتطلع فوق هو فوق عاجبك قوي كده
منير اتنرفز من طريقتها وكلامها ولسه هيزعق لها الياس قال بابتسامه…معلش يا شرين ظروف شغل بس هفضي نفسي ونخرج شرين ابتسمت قوي ولسه هتتكلم بس اختفت ابتسامتها بسرعه لما قال…اصلنا خارجين انا ويمنى فقولت تيجي معانا تغيري جو… يلا عن اذنك
الياس بص لمنير لقاه مضايق جدا من اختو قال..هطلع قدامك وانت طلع العربيه وحصلني… ومشي وسابهم واول ما بعد منير مسكها من ايدها وقال…انتي مفيش دم خالص يا بت انتي كام مره قولتلك ملكيش دعوه بيه بتبقي مبسوطه لما بيكسفك كل مره كده ويفهمك بكل الطرق انو بيحب مراتو افهمي بقى
شرين قالت… يا منير دراعي بقى.. انا عملت ايه لكل ده وبعدين معتز قال انها اتجوزتو علشان مش عايزه تتجوز معتز يعني مبتحبوش ولا بيحبها و
منير قال بزعيق…..معتز ده ملكيش دعوه بيه خالص فاهمه والله يا شرين لو ما اتعدلتي لاكلم بابا وماما واخليهم يرجعو من السفر ويغور اي شغل بقى انا مبقتش عارف الاقيها منك ولامن اخوكي بقت عيشه تقرف …وسابها وخرج ورا الياس بغضب وشرين نفخت بغيظ ودخلت القصر تاني
الياس ومنير ركبو العربيه واتوجهو ناحيه الشركه ومنير قال بحرج…احم بص انا اسف على تصرفات شرين انت طبعا عارف انها صغيره و
الياس قاطعو بابتسامه وقال…عارف طبعا وبعدين انت متشلش هم ابدا شرين زي تسنيم بالظبط ومتقلقش عليها بكره تكبر وتفهم كل حاجه …ها بقى ايه الموضوع المهم الي عايزني فيه
منير ابتسم وقال ..تسنيم وافقت عليا
الياس قال باستغراب..ايه وافقت ..وافقت امتى يعني ايه الي غير لها رأيها فجاه
منير حاول ميتوترش وقال..عادي يا الياس هو انا مش عاجبك يعني
الياس قال… يابني مش الفكره بس اصلي الصراحه كنت بكلمها كتير عليك ومكنتش احب احكيلك علشان متزعلش مكانتش بترحب بالفكره خالص وبترفض رفض تام ايه الي خلاها تغير رأيها
منير زعل جدا مكانش يعرف انها كانت بتكرهو كده ومش موافقه عليه.. فضل سارح شويه في افكارو بس فاق على صوت الياس بيقول..ايه يا ابني رحت فين مش هتقولي اقنعتها ازاي
منير حاول يبتسم وقال..مش مهم بقى المهم انها وافقت وانت وعدتني انها لو وافقت هتجوزهاني وانا مستعجل على فكره ومش هعمل خطوبه وكده يعني خلال اسبوع هنتجوز
الياس ضحك وقال هو ايه سلق البيض ده..نزلني وصلت
منير وقف ونزلو وقال… ها بقى طمني بكلمه قبل ما تمشي
الياس قال ..انا الصراحه حاسس ان فيه حاجه انت وتسنيم مخبينها عليا وتقريبا تخص معتز بس لا انت ولا هيه عايزين تتكلمو ومع ذالك لو كلمتها ولقتها موافقه هكلم بابا وهعملك الي عايزه اصلا مش هأمن عليها غير معاك فأعتبر مبروك بقى
منير ابتسم بفرحه وقال..والله يا الياس اوعدك مش هتندم ابدا شكرا قوي
الياس ابتسم على فرحتو وقال..تمام انا هعدي عليهم انهارده واشوف حكايه الجواز المستعجل دي تمشي معاهم ولا ايه يلا عن اذنك يمنى زمانها على وصول
الياس مشي شويه ورجع تاني وقال…منير انا عارف ان معتز اخوك واكيد بتخاف عليه بس.. انت لو تقلي يمكن تريحني لاني الي بيدور في دماغي مفيش اسؤ منو صدقني قلي بتحميه من ايه بالظبط
منير ارتبك وقال…انا قولتلك كل ده وهم يا الياس صدقني
الياس اتنهد وقال… تمام يلا روح شوف شغلك واللى عايزه ربنا هيكون
الياس مشي ومعتز فضل باصص على طيفه بحزن شديد وقال…اقولك ايه يا الياس …اققولك كل الي بتفكر فيه صح دانت قدام عيني بتبعد اختي وبتحميها حتى من نفسها.. اقولك اخويا كان هيدبح اختك باديه والله انا بحميك انت يا صاحبي مش بحميه هو..سامحني
منير طلب معتز وقال بغضب..انت فين عايز اققابلك ضروري
معتز…انا في الشقه تعالى انا كمان عايزك
منير قفل وساق بسرعه وهو مخنوق منو جدا
في الشركه كان الياس بيشتغل زي كل يوم وجالو علي وقال..دي اوراق صفقة مدام لميس..اول ما تيجي مدام يمنى تدخل لها الاوراق وتشوف بقى ايه الي هيتم
الياس اخد منو الورق ..وعلى لسه هيمشي الياس مسك ايده وقال..شكرا يا عم علي
علي قال..على ايه يا ابني ده شغلي
الياس ابتسم وقال..لا مش بتكلم على الشغل بتكلم على صاحبة الشغل
علي ضحك شويه وقال …معلش يا الياس والله يا بني ما كنت اعرف انها هتعمل معاك كده والا مكنتش شغلتك في الشركه ولا اخترتك مع الشباب
الياس قال…انا بشكرك يا عم على معنى كده اني مش مضايق بالعكس انت عملتلي خدمه
على ابتسم وقال …للدرجادي اه .انتو واضح عليكو كده انكم اتفقتو وبقيتو تمام سوا
الياس ضحك وقال..وعسى ان تكرهو شيأ وهو خير لكم ..يا راجل ياطيب
وهما بيتكلمو جات يمنى وقالت زي العاده …هات الاوراق يا الياس
الياس دخل وراها واداها الورق وبقت يمنى تراجع الورق وهو فضل باصص لها وسرحان فيها
يمنى خدت بالها من نظراتو وقالت…عنيك
الياي قال باستغراب..عنيا…مالها عنيا
يمنى قالت …بتطلع قلوب يا حنين هتفضحنا لو حد معانا
الياس ضحك من قلبو وقال..تفضحك علشان بتطلع قلوب امال لو شفتيها وهيه بتكتب شعر في عنيكي
يمنى بصت في الورق بكسوف وضحكت وقالت.. والله مجنون
على خبط وقال..مدام لميس بره يا يمنى هانم ادخلها
يمنى قالت بسرعه..ايوه طبعا دخلها
دخلت ست في التلاتينات جميله جدا زي عارضات الازياء في الطول والجسم ولابسه لبس شيك جدا بس مفتوح من كل الزوايا
يمنى وقفت وسلمت عليها بابتسامه وقالت..اهلا لميس هانم نورتي
لميس ابتسمت وقالت..ده نورك يا يمنى هانم..بس كانت مسبته نظراتها على الياس بطريقه غريبه جدا
يمنى ادايقت جدا من نظراتها وقالت اتفضلي اقعدي
لميس قعدت وهيه لسه بتبص لالياس وقالت..مين ده يا يمنى هانم
يمنى ردت بضيق وقالت…دا الياس مدير اعمالي ودراعي اليمين
الياس كان واخد بالو من الي بيحصل كلو بس مبسوط جدا لانها مدايقه واكيد مدام مدايقه كده تبقى غيرانه قرب عليها كانو بيديها الورق وقال بهمس…هي دي متجوزه صاروخ اوي الصراحه
يمني كانت حارفيا بتشيييط همستلو بغضب وهيه بتطغط على اسنانها …اتلم..دي اكبر منك على فكره
الياس كان كاتم ضحكتو بالعافيه همسلها وقال…بس بطل..منيكان ..بس انتي مضايقه ليه احنا مش هنطلق
يمنى ضمت ايدها بغضب وغيره وقالت بهمس…مدايقه من رمرمتك كلكم صنف واطي
الياس ضحك بخفه مقدرش يمنع نفسو اكتر وغمزاتو الحلوين بانو وكان قمر جدا وهنا لميس بصتلو باعجاب واضح وقالت…يمني انا عايزه الشاب الي معاكي ده وهديكي النسبه الي كنتي طلباها واكتر منها كمان قولتي ايه
الياس برق بدهشه شديده ويمنى وقفت وضربت على المكتب بغضب وقالت بطريقه اشبه بالردح….نعممممممم ووووو