رواية يمنى والياس الفصل التاسع 9 بقلم زهرة الربيع
رواية يمنى والياس الجزء التاسع
رواية يمنى والياس البارت التاسع
رواية يمنى والياس الحلقة التاسعة
منير قال بدون مقدمات …عايز اتجوز تسنيم يا الياس قولت ايه
الياس ويمنى كانو متفاجأين جدا بطلبو والياس بصلو بغضب وقال…نعم انت بتهزر
منير قال باصرار..ده مش هزار انا بتكلم بجد عايز اتجوز اختك قولت ايه
الياس قال بزعيق..قولت ايه في ايه..دي لسه صغيره جواز ايه انت مجنون
منير قال…عارف انها صغيره وانا هخليها تكمل جمعتها واحنا متجوزين اهم حاجه تجوزهالي بسرعه
الياس استغرب وقال…ايه يعني ده فكره كده هبت في دماغك انامش فاهم جواز ايه وانت تعرفها من يومين اتنين
منير ارتبك ومعرفش يرد عليه مش عايز يقولو ان اخوه بيلعب عليها قال…ودي فيها ايه يا الياس يعني معجب بيها وعايز اتجوزها هو انا مش عاجبك ولا ايه
الياس قال…مش فكرة انك مش عاجبني وانا مالي اصلا المهم تعجبها هيه ..كلمتها يعني..حاسس انها بتبادلك شعورك مثلا ولا يعني هجوزهالك غصب
منير قعد واتنهد بخوف هو مش عارف لو سألوها هيكون ردها ايه قال…ماانت يا الياس لو موافق هتقنعها و
هنا الياس رد بسرعه وقال..لااا..انا مش هجبرها على حاجه انا بالكتير هسألها اهم حاجه تكون موافقه عليك ساعتها نعمل خطوبه وربنا يسهل
منير قعد جمب الياس وقال برجاء ياالياس. يا الياس انا والله معجب بتسنيم من اول ما شوفتها والله انا محاولتش ادايقها ابدا انا بس معجب بيها بس هيه مش معبراني خالص وازا انت وافقت واقنعت والدك وحاولت تكلمهااكون ممنون بجد
الياس ضحك على اصرارو وقال…هو انت امتى وقعت كده..وبص ليمنى وقال طب ناخد رأي يمنى هانم اكيد هتفدنا
يمنى قالت بلامبالاه مصتنعه..وانا مالي اختي ولا اختك انا الي اقدر اقولو ان منير مفيش منو
الياس بصلها بغيره كده وقال..لا والله منير مفيش منو …مفيش خالص يعني دورتي كويس
منير قال ..يالياس مش وقت هزارك وانبي ها قولت ايه
الياس اتنهد وقال قولت انك تتكلم معاها ولو وافقت انا وبابا اعتبر ان معندناش مانع اما هيه بقى انت وشطارتك انا مش هغصبها ولا هضغط عليها
منير اتنهد وقال تمام انا هكلمها عن اذنك دوشتك
الياس ابتسم وقال…تمام يا منير وربنا يقدم كل خير
منير ابتسم و قال تمام ..انا هكلمها واقولك الي هيحصل وان شاء الله
منير خرج ويمنى لقت الياس قاعد سرحان ومحتار جدا قالت بهدوء…وافق..لو عايز مصلحتها وافق
الياس بصلها وقال…مش عارف لسه صغيره خايف اظلمها وانا معنديش غيرها
يمنى قعدت جمبو وقالت…اختك محظوظه بيك يا الياس محظوظه جدا ياريت كان عندي اخ يخاف عليا من اققل حاجه كده
الياس بصلها وابتسم وقال…طب ما انتي عندك اولاد عمك متربيين سوا يعني اخواتك كمان واكيد بيخافو عليكي وعند الجد هتلاقيهم
يمنى وقفت لما قال كده وسرحت وجيه في بالها لحظات اليمه
فلاش باك
يمنى..الله يخرب بيتك يا معتز الساعه٢جدو هيموتني علشان كل شويه اققولك يلا يلا ادينا اتأخرنا
معتز..ما خلاص يا يمنى انتي كلها كام يوم وتتجوزي قولت تسهريلك شويه غلطت يعني
يمنى كانت هترد بس مشيت قصادهم عربيه فيها شباب وبقو يعاكسوها
يمنى اتضايقت جدا ومعتز ذود السرعه بس العربيه سبقتهم ووقفت قدام معتز
نزل شاب طويل ووسيم وقال…سيب البنت الي معاك
معتز بخوف..اسيب..مين دي بنت عمي وسع خلينا نمشي
الشاب…بقولك سبها وانت عايش بدال ما تسبها وانت ميت وطلع سلاح ووجهو على معتز
معتز قال بسرعه وخوف..خلاص..خلاص خدها ..خدها بس سبني امشي
بقلمي.زهرة الربيع
الشاب قال يلا امشي ومعتز ركب العربيه وشغلها ويمنى مزهوله بقت تصرخ وكانت هتجري الشاب مسكها من ايدها وبقت تصرخ وتبكي وتقول…لا يا معتز ..معتز..وانبي يامعتز..متسبنيش..معتز وانبي…يا معتز متسبنيش معاهم..لا لااااااااااا
بس سكتت ووقعت على الارض بانهيار لما مشي فعلا وسابها
فاقت على ايد بتهزها وكان الياس بيقول…يمنى..يمنى روحتي فين
يمنى بصتلو بخضه وبقت تاخد نفسها بالعافيه وقالت..ها كنت بتقول ايه
الياس بصلها باستغراب وقال…انتي كويسه يا يمني افتكرتي حاجه دايقتك
يمنى قالت بضيق..لا ابدا انا بس عايزه انام تصبح على خير
يمنى راحت تنام والياس فضل باصص لطيفها بحزن وبيحاول يفهم ايه الي ممكن يكون دايقها
وتستمر الاحداث على ما هيه عليه اسبوعين… يمنى والياس زي ما هما كل ما يحاول يقرب تصدو واهلها اتعلقو جدا بالياس وشرين بتحاول كل فتره تلفت انتباه الياس ليها
الياس بقى اجر شقه صغيره وبيجهزها وكل كام يوم يجيب حاجه من مستلزماتها ولان الفلوس الي معاه مش كفايه قدم على قرض مع انو متأكد انو هيترفض لان الضمنات مش كفايه لاكن بيعمل الي عليه
منير بقى بيروح كل يوم لتسنيم وكلمها وطلبها للجواز بعد ما الياس قلو لو وافقت هيجوزهالو بس هيه رفضت وللاسف بتقرب من معتز وبتخرج معاه من ورا اهلها رغم ان منير حذرها منو لاكن بقت متعلقه جدا بيه وبتكلمو كل يوم
ومعتز اقنعها ان منير بينفذ كل طلبات يمنى وبيحبها وبيقف معاه ضد الياس فهيه كرهت منير جدا ولما الياس اتكلم معاها وحاول يشوف رايها في منير رفضت بشده وكل تفكيرها في معتز
لحد ما جيه يوم والياس خف تماما ورجع مع يمنى الشغل
يمنى كانت قاعده مع الياس في المكتب بيديها اوراق تمضيهم وخبط عليهم علي وقال …يوسف الكومي بره يا هانم زي ما اتوقعتي ادخلو
الياس اتفاجأ جدا واتدايق بس مش لانو بعت رجالتو تضربو لا لانو عرف انو كان خطيب يمنى
يمنى قالت بمنتهى الهدوء…خليه يدخل
دخل يوسف ومضايق جدا وقال…هو انتي حد مسلطك عليا
يمنى قالت ببرود…اقعد يا يوسف واهدي علشان نتفاهم
يوسف قال بغضب…اهدى اهدي ازاي وانا شغل السنين الي فاتت كلو بيتبخر قدامي انتي فاكره نفسك مين علشان تجبري السوق كلو يوقف تعاملو معانا انتي كده بتدمريني بتنهيني يا يمنى
يمنى بصتلو ببرود وقالت…انا شايفه نفسي يمني الصياد وانا مأجبرتش حد انا قولتلهم يا انا…يا انت واختروني حظك كده بقى
يوسف قال بغضب..لا انتي كده بتستعبطي
الياس مقدرش يستحمل اكتر قال بعصبيه…ااتلم واتكلم بادبك بدال والله المك بطريقتي
يوسف بصلو بغضب وقال بعصبيه..لا الظاهر ان طريقتي انا منفعتش معاك وعايزني اققتلك خالص المرادي
الياس اتعصب وهجم عليه عايز يضربو لاكن يمنى وقفت ما بينهم وقالت بس..انت وهو… وبصت ليوسف وقالت لازم تعرف انك لو عايز شغلك يرجعلك تتكلم بادب وتعرف ان ليا طلبات ولازم تنفذها
يوسف حاول يهدى وقال..ها ايه والمطلوب ايه الي ممكن اعملو علشان الشغل يرجع اطلبي اامري يا يمنى هانم
يمنى قالت بهدوء شديد مستفز…اعتزر لالياس
الياس كان ساكت ومتضايق جدا بس برق بزهول من كلامها ويوسف بص لالياس باستحقار وقال بغضب…نعم
يمنى قالت بنفس الهدوء …ينعم عليك ربنا اظن اسمعتني اعتزر لالياس وبوس ايده كمان
………….
عند تسنيم كانت خارجه من البيت ورنلها معتز قالت…الو يا معتز
معتز ….حبيبه قلب معتز ..وحشتيني
تسنيم قالت بكسوف…وانت كمان يا معتز
معتز ..طب انا عايز اشوفك لاني وفيت بوعدي وجبتلك اوراق تودي يمنى في داهيه وعايزك تيجي تاخديها علشان نخلص اخوكي من المستغله دي
تسنيم قالت بفرحه…بجد يا معتز
معتز..عيب انا وعدتك يا قلبي…بس المشكله مش هينفع انا ابلغ لان جدي لو عرف اني بلغت عن يمنى هيقتلني انا بقول تاخدي انتي الورق وتبلغي قولتي ايه
تسنيم قالت تمام اخدو وابلغ…يلا هستناك في الكافيه الي بنقعد فيه هات الورق وتعالي
معتز بخبث..لا مهو مش هينفع يا قلبي…انا الصراحه مكنتش عايز اققولك بس مضطر اصلي وقعت على رجلي ومش قادر امشي عليا بستعمل عكاز حتى والله مش قادر اوصل القصر قاعد في شقه كده كنت فيها مع صحابي وخبطت رجلي
تسنيم بحزن…سلامتك يا معتز معلش بقى ابقى اخدهم منك لنا تبقى كويس
معتز ..لا مش هينفع..اصل يمنى لو خدت بالها انهم اختفو هتعمل احتياطاتها انا رأي تيجي انتي تاخديهم هبعتلك العنوان
تسنيم قالت..اجي انا لا طبعا مينفعش
معتز قال بحزن مصتنع…اه…فهمت..انتي مش واثقه فيا يعنني علشان هتيجي شقتي وكده فهمت خلاص انا هتصرف
تسنيم قالت بسرعه…لا ..استني وسكتت شويه بتفكر وقالت خلاص هاجي بس تحضرهم هاخدهم من على الباب عندي محاضرات
معتز بفرحه..تنوري يا قلبي هبعتلك العنوان
بعد نص ساعه وصلت تسنيم على العنوان وفتح لها معتز وهو رابط رجلو وماسك عكاز في ايده قالت بحزن..الف سلامه يا معتز
معتز الله يسلمك يا حببتي ادخلي اشربي حاجه
تسنيم..لا انا ماشيه هات الورق
معتز قال حاضر وفجأه شدها عليه بقوه وقعها على الارض وقفل الباب وقال بمكر…مش تاخدي واجبك الاول يا حلوه وووووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية يمنى والياس)
