رواية وهم الحب الفصل الخامس والثلاثون 35 بقلم زهرة الربيع
رواية وهم الحب الجزء الخامس والثلاثون
رواية وهم الحب البارت الخامس والثلاثون
رواية وهم الحب الحلقة الخامسة والثلاثون
بسم الله الرحمن الرحيم
سبحان الله وبحمده سبحان الله العظيم
عدد خلقه ورضا نفسه وزنة عرشه ومداد كلماته
الخاتمة الجزء الاول
معجزة الحب
اني لا أرى ….سواكِ
لمحتُ فِي عينيك وطني الضائع وأشيائي المفقُوده
وأمنياتي المُعلقة وكأنَ الحُب خُلق لكِ
من يشبهك يا أنتِ؟
لا دنيا تقارن بكِ
ولا وطن يغني عنكِ
أحببتك واكتفيت..♡
ذهب ريان ونغم للشاطئ
نظرت نغم إحنا رايحين فين مش قولت هنروح المزرعة
لا ياقلبي هنبات هنا في اليخت ونروح المزرعة الصبح
ضيقت عيناها وأردفت مستفهمة هنبات ازاي!! ياحبيبي الجو بدأ يبرد وبعدين لسة بدري احنا الضهر ايه اللي خلينا نستنا لبليل
أمسك يديها وجذبها لأحضانه: ايه أحسن مكان يفصلك عن العالم
استغربت كلماته للحظات ثم ضحكت عليه: اوعى تقولي البحر ياريان
حملها وصار لليخت بالضبط والمرادي مش هتنازل ابدا ابدا خلي بالك
انزلها ودخل بها ثم نظر إليها: قدامك خمس دقايق تلبسي المايو دا وتيجي يااما نظرت بهدوء
_ياإما ايه ياحضرة الدكتور عايزني ألبس مايو
: لا ياقلبي فهمتيني غلط مش المايوه اللي في بالك اشار لها بعينيه على مايوه بالحقيبه
أخرجته نغم ونظرت إليه: إيه دا ياريان أنت عايزني ألبس دا بجد.. دا لولبست ترنج أرحم
ضحك عليها بقوة: حبيبي اللي رده جاهز على طول بس عايز أقولك هو دا اللي هتنزلي بيه
مش الشاطئ دا خاص طيب ليه ألبس دا نفسي ألبس حاجة تكون قطعة واحدة من اللي جبتهم
: هتلبسيه حبيبي بس عندنا في البيسين بس هنا لا
دا بحر يانغم يعني معرضة لأي حاجة في أي وقت
عشان كدا مينفعش تلبسي مايوه تاني فهمتيني وكمان عندك بونيه إلبسيه احتياطي
وضعت رأسها على صدره: تعرف أنا كل يوم بحبك أكتر وأكتر ثم رفعت رأسها إليه لا أنا بموت فيك مش بحبك وبموت بغيرتك دي..
: بس دا حفاظ عليكي ياحبي أكتر ماهو غيرة
ثم اقترب منها أما عن الغيرة فأنا مجنون مش بغير بس ياله أجهزي عشان لازم اعلمك العوم ودلوقتي أنا جوزك قولا وفعلا إوعي تفكري أنا مفهمتش المرة اللي فاتت لا أنا عديتها بمزاجي بس بصراحة كبرتي في عيني اوي يامراتي ياحلوة
وضعت يديها حول عنقه ثم اقتربت منه حتى لم يفصل بينهما غير انفاسهما:
كبرت اد ايه عايزة اعرف
هتقدري تواجهي لو عرفتي… اقتربت أكتر وأكتر حتى تلامست الشفاة.. اه عايزة أعرف بالتفصيل استاذي العظيم
حملها ريان… دا درس ياحبي ولازم تتعلميه كويس نبدأ بالنقط وبعد كدا ننتقل للحروف
ضيقت عيناها كانت تعتقد أنه سيأخذها للبحر ولكنه دخل بها إلى اليخت ليعطي لها درسا في كيف يكون عشق الريان
في منزل احمد الاسيوطي
يوسف: طنط نبيلة وافقت على جوازك يابابا ولا لا
نظر إلى ابنه حزينا: رافضة خالص يايوسف معرفش منشفة راسها خالص حاولت بكل الطرق
اتت شادية بعدما سمعت حديثهما:
انت هتتجوز عليا يااحمد ومين نبيلة
: انتي شكلك نسيتي اني طلقتك ياشادية وبالتلاتة
يعني انتِ هنا ضيفة لحد مابنتك تتجوز غير كدا لا
أما عن جوازي فاأنا هتجوز اه ومالكيش دعوة
أتت أمل وسمعت حديث والدها: بابا أنت بتقول ايه
انت وماما اطلقتوا طيب ليه أنا كنت حاسة فيه مشكلة بينكم بس توصل للطلاق وكمان عايز تتجوز
وقف أحمد واتجه إليها : حبيبتي انتي معنتيش صغيرة ايوة أنا ووالدتك كان المفروض نتطلق من سنين مش عايز أقولك من بعد ماخلفناكي بس أنا بلاش عشانكم واستحملت وكنت متجوز ومش متجوز بس لحد كدا وكفاية اللي عملته آخر مرة يكفيني أرميها برة البيت دا…. عندك اسأليها عملت ايه ثم تركها وخرج متجها الى عمله
قبل قليل
استيقظت مرام نظرت حولها لم تجد عمر
وقفت وإتجهت الى الحمام أدت فرضها ثم نزلت للاسفل تبحث عنه وجدته في غرفة الرياضة
: عمر أنت مجنون ازاي تعمل تمارين وانت جرحك لسة مالمش
: اتجه إليها وقبلها قبلة طويلة بطريقة غير المعتمد عليها.. ظل يقبلها فترة ليس بقليل
وضع جبينه على جبينها: صباح العسل على حبيبة قلبي اللي طول الليل بطاردني احلامي
وضعت يديها على وجهه ثم تحدثت: عشان كدا قومت تعمل رياضة بدري ينفع كدا تأذي نفسك
ضمها بقوة إليه: انا هضر نفسي ولو فضلت معاكي لوحدنا بعد كدا… مرام أحنا حددنا فرحنا الجمعة اللي جاية ومش عايز اعتراض لو سمحتي
ضمته بحب أنا ميهمنيش فرح ولا غيره _اهم حاجه اكون معاك وبس
ثم رفعت وجهها اليه _حبيبي انت بقيت كويس الألم لسة بيجيلك وبتحس بيه
: انا تمام قوي وعشان تتأكدي ممكن نعمل تجربة
_الحمدلله على كل حال
توردت خدودها بحمرة الخجل _والله هسيبك وامشي لو فضلت تتكلم كدا
ملس على وجهها بحنان: صديقيني معنتش قادر استغنى ولا دقيقة عنك بحبك وبموت فيك يامجنونة اقترب مرة أخرىوكاد أن يقبلها ولكن قاطعه هاتفه عندما اتصل به ريان
جذبها بقوة وامسكها عندما وجدها فاقت من سحر اللحظة وبدأت تلوم نفسها
اعاد ريان الاتصال به مرة آخرى
اجابه عمر ومازالت مرام في احضانه:
ايوة يافصيل… ضحك ريان عليه:
_والله كنت حاسس فقولت اقطع عليك اللحظة خف ياعمر فرحك بعد اسبوع ياحبيبي… المهم يالا انا اخدت نغم وروحنا الشط بتاعنا يبقى هات مرام وتعالى بعد الضهر مش دلوقتي علشان عايز اعلمها العوم وكمان هنروح المزرعة شوف كدا ورد عليا
: خلصت اوامرك ريان باشا لو خلصت اقلب وشك ياحبيبي ثم اغلق الهاتف في وجهه
_يخربيتك دا قفل في وشي ماشي
بعد دقائق خرجت نغم وهي ترتدي مايو إسلامي مثلما طلب منها
نزل المياه ببطئ وانزلها: حبيبي عايزك تسيبي نفسك للمياه وماتخافيش أنا ماسكك… السباحة حلوة يانغم وعرفت انها حلوة للحامل كمان ورغم ما قاله إلا إنها تعقلت بعنقه وبدأت تصرخ والله هغرق ياريان لا مش عايزة
حملها على ظهره وبدأ يعوم بها لفترة قليلة ثم فجأة انزلها ببطى وحضنهامن الخلف: سيبي نفسك ماتخافيش ثم نظر إلى عيونها
انتِ مش بتثقي فيا…. امأت براسها بنعم
خلاص سيبي نفسك ياحبي تركت نفسها وهو خلفها يرفعها مرة ويتركها إلا اخيرا تعودت على الحركة بنفسها… ضمها وتحرك بها كثيرا ولكنها شعرت بالتعب فاخرجها فورا
مساءا وصل المزرعة.. نظرت حولها وتذكرت أجمل يوم في حياتها عندما أتت هنا معه بعد كتب كتابهما
ضمها من خصرها ودخل بها إلى الداخل
: المرة اللي فاتت ملحقتش أفرجك كويس على المزرعة هندخل نجهز أكل وبعد كدا هنخرج نلف شوية بالحصان ايه رأيك
_مينفعش للأسف حبيبي أركب الحصان دلوقتي.. بس ممكن نتمشى شوية
أخذ الاغراض الذي احضرها إلى المطبخ
شعرت بألم بمعدتها فجلست مرهقة على الكرسي
خرج إليها وحملها ودخل بها إلى المطبخ واجلسها على الرخامة:
: خمس دقايق وهتدوقي احلى مكرونة وكوفته
: ريان انت بتعرف تعمل اكل
أشار الى نفسه بفخر _أحسن واحد تاكلي من تحت ايديه اه مش خمس دقايق ممكن نمشيها نص ساعة
وقف وبخفة بدأ ينتقل في المطبخ كأنه يعرف كل شيء به ظلت تتابعه بعينها بعشق وتحمد ربها عليه
ولكن ألم معدتها يشتد عليها هي تحاول ان تكتم الآمها حتى لا يشعر بها ويحزن
نزلت بهدوء وحاولت أن تكون طبيعية:
أنا هروح أغير هدومي ياريان ثم خرجت سريعا عندما وجدت نفسها لم تستطع على الوقوف.. وصلت إلى الغرفة ودخلت الى الحمام وقامت بالتقيأ شعرت بالدوران جلست على الأرضية مرهقة لم تقو على الوقوف
دخل خلفها ريان يبحث عنها هو شعر أن بها شيئا لأنها لم تحاول مساعدته حتى لو بالكلام.. وجدها يكاد يغشى عليها… اسرع إليها وحملها
كنت عارف كدا يانغم تهربي مني وضعت رأسها على كتفه:
أنا كويسة حبيبي بس يمكن تعبت من العوم
بعد فترة تسطحت بمساعدته على الفراش بعد أن ساعدها بتغيير ملابسها
قبلها على رأسها: عاملة ايه دلوقتي
الحمدلله كويسة حبيبي… متقلقش روح كمل أكلك ليحترق.. مش مهم الأكل
ملست على وجهه بحنان: أنا كويسة والله
خرج ورجع بعد خمس دقايق _عمر ومرام وصلوا برة خليكي مرتاحة وهخلص الأكل وبعدها هجيلك
لم ترد عليه لأنه وجدها ذهبت في سبات عميق
ظل يملس على شعرها وجد الارهاق ظهر على ملامحها
خرج وبعد فترة أحضر طعامها وحاول ايقاظها ولكنها مستغرقة بثبات عميق
تسطح بجوارها وأخذها بأحضانه… فتحت عيونها للحظات ثم وضعت رأسها في عنقه وبدأت تهمهم بكلمات _بحبك اوي ياحبيبي
ضمها بقوة وقبل رأسها _وأنا بحبك اكتر من روحي ياعيون حبيبك.. ظل فترة وهو يضمها وينام بجوارها وهو مستيقظ.. ينظر إليها بعشق ويتذكر لحظاتهم… بعد ساعتين استيقظت نغم فتحت عيونها وجدت نفسها بأحضانه
رفعت رأسها عن عنقه ونظرت إليه وجدته نائما
ظلت تقبله بحب وعشق مرة وتملس على وجه وتشتم رائحته كأنها تتذوقه مرة وهي تبتسم بحب
: معرفش عملت فيا ايه يابن المنشاوي عشان اتنفس عشقك.. أخرجت تنهيدة عميقة من أعماق قلبها
بتعلق بيك اكتر واكتر بقيت الهوا اللي لو انقطع عني اموت معرفش دا حب وعشق ولا جنون عشق
ثم نامت على صدره وبدأت تلمسه بحنان: بغير عليك بجنون بقيت مجنونة الريان… ثم وضعت دقنها على صدره بس عجبني العشق دا أوي لو قبل أربع سنين بس حد سألني ممكن ريان يحبك ويتجوزك:
_هو مستحيل لأنك كنت ليا أضغاث أحلام معرفش ان ربنا شايلي الأجمل والأحسن اقتربت حتى تقبله من شفتيه ولكن فجأة وجدت نفسها وهو يرفعها بين يديه ويأخذها لجولة من عشقه
بعد فترة من الوقت كانت تغرق بالنوم في احضانه
ظل يملس على شعرها بحنان وشعور بالراحة يجتازه حمدالله كثيرا على نعمه وماتوصل إليه
تذكر قبل يومين عندما رجع من عمله باكرا وجدها تجلس مع فريدة وتبكي
فلاش باك
فريدة: شكلك متغير خالص يانغم أنا اعرف إن الحمل متعب بس مش بالطريقة دي ودبلتي خالص حبيبتي
ضحكت نغم بنعومة _هو متعب ومقرف بس أجمل شعور في الدنيا لما تكون جواكي حاجة من حبيبك بكرة لما تتجوزي وتحملي هتحسي بالشعور دا
_عارفة حبيبتي ربنا يكملك على خير ويجي الشقي حبيب خالتو دا… هي مامتك وهمس مابيجوش عندك ولا إيه
: ماما على طول عندي ريان لازم يجبها كل يوم قبل مايروح الشغل وهمس ساعات بتيجي انتي ناسية إنها بتحضّر لفرحها
طيب كويس حبيبتي إن مامتك على طول معاكي عشان تاخد بالها منك
رجعت برأسها على الكرسي… ودمعة سقطت من عينيها اقتربت فريدة وجلست بجوارها وأمسكت يديها بحنان:
ليه بتعيطي طيب تعبانة أعملك حاجة
: نظرت لفريدة _انا حالتي بقت وحشة اوي يافريدة معرفش أعمل ايه عشان أخرج من اللي أنا فيه.، مع إن المفروض أكون أسعد واحدة بالكون بس على طول زعلانة ومهمومة معرفش ليه
مسحت فريدة دموعها بحنان: حبيبتي دا طبيعي من الحمل اوعي تسيبي نفسك عشان متدخليش في إكتئاب.. اخرجي انتِ وريان روحوا مكان بتحبيه
أخرجت تنهيدة عميقة من أعماق روحها: أهو ريان دا بالنسبالي بقى أكبر مشكلة
ضيقت فريد عيناها غير مستوعبة كلاماتها:
مش فاهمة قصدك، يعني أنتي وريان زعلانين من بعض
بكت بقوة ولم تستطع كبت دموعها:
ثم تحدثت بصوت باكي بالعكس هو لو طايل يجبلي نجمة من السما مش هيتأخر
: طيب حبيبتي فين المشكلة
نظرت إلى فريدة وتشجعت وأخرجت مافي مكنونها:
من يوم حادثة عمر وهو انضغط في الشغل أوي ورغم كدا بيحاول مايقصرش معايا بس أنا بقيت عايزاه جنبي على طول مش عايزة أخرج من حضنه الموضوع دا تعبني أوي بحاول مابينلوش
بس وقت مابيمشي مابقدرش يافريدة بقعد أعيط وبس وماما كل ماتسألني أقولها تعبانة بس
أنا عذراه جدا والله بس غصب عني
ضحكت عليها فريدة بصخب _والله أنتي مجنونة دا جوزك ياهبلة عادي لما تتكلمي معه وبعدين أنا اعرف فيه ستات كتير في فترة الحمل بتكون كدا وفيه كمان العكس
أرجعت راسها للخلف ووضعتها على الأريكة _الموضوع صعب فوق ماتتخيلي يافريدة الكلام حاجة والفعل حاجة تانية أنا ساعات بحس انى اتجننت وخاصة لما متعرفيش تتكلمي مع حد كدا
نظرت لفريدة وهي مازالت على حالتها _هتصدقيني لو قولتلك أتمنى بس يدخلي دلوقتى وأنام في حضنه وبس مش عايزة حاجة غير كدا
: لدرجادي يانغم… أمات بعينيها ثم تحدثت مهمومة:
مش بقولك أنا اتجننت
وقفت فريدة فجأة تعالي نعمل كيك الشيكولاتة زي زمان انتي بتحبيه وكمان نشوف فيلم سلام ياصاحبي فاكرة يابت الفيلم دا كل مانسمعه نعمل ايه
: ههه انتي لسة فاكرة أيام وراحت لحالها.
: بس انتي كنتي بتعشقيه ياقلبي وخصوصا لما كنا بنسمعه مع بعض
تسطحت على الاريكة: لا ماليش نفس والكيك كمان بقيت اكرهه حتى لو شفتها هرجع مش عايزة
أنا بس هنام شوية عايزة تتدخلي تعملي اي حاجة لما يجي يوسف ادخلي بس بجد مش قادرة ولا ليا نفس
يعني هتسبيني كدا ياعيني عليكي يانغم لما كنتي بترقصي وتغني وتتنطي شوفي حالك دلوقتى
لم ترد نغم عليها وظلت كما هي
اخرجت فريدة نفس بغضب: ماهو أنا مش هسيبك كدا تيجي نرقص يابت والله وحشني رقصك
: انتي هبله يافريدة ناسية إني حامل
: اه تصدقي وبعدين في الحمل دا نعمل فيه ايه
طيب قومي يانغم طريقتك دي هتجبلك اكتئاب تيجي نخرح نروح الشط
_سيبيني يافريدة لو سمحتي
: ايه دا ريان جه .. اتعدلت سريعا: ونظرت حولها هو فين
ضحكت فريدة عليها: لا كدا انا اقدر اكدلك دلوقتي بقيت مجنونة ريان رسمي
ألقت عليها الوسادة بغضب: حضرتك بتتريقي على حالتي يافريدة طيب يارب تكوني زي وفجأة بكت
اسرعت فريدة إليها: والله أنا بهزر معاكي عايزة أخرجك من حالتك دي حبيبتي خايفة عليكي
إلى هنا لم يتحمل ريان أكثر من ذلك ودخل عليهم الغرفة
نظرت إليه فريدة غير مستوعبة وجوده في هذا الوقت.. كانت نغم في أحضانها ومازالت تبكي
: نغم ريان جه حبيبتي أنا همشي
ضربتها نغم بقوة على أكتافها: قومي يارخمة أنا هنام مش عايزاكي
وفجأة وجدت من يحملها: فريدة يوسف مستنيكي برة أنا قولتله يدخل بس هو بيقول اإنكم خارجين مشوار
: طيب أنا ماشية سلام يانغوم ونامي واشبعي نوم ياختي أردفت بها بتحفز لا تعلم أن ريان استمع إلى حديثهما
حملها ودخل بها إلى غرفتهما… تعلقت بعنقه ونامت على صدره ولم تتحدث… وضعها على الفراش ثم نظر إلى عيونها الجميلة: انا جعان نوم هدخل أغير واجيلك عايز أنام لحد الفجر بس لو جعانة اعملك حاجة تاكليها
رفضت برأسها: لا عايزة أنام بس
توجه إلى غرفة الدريسنج وقام بتغير ملابسه وتوجه إليها وأخذها بأحضانه حتى ذهبت في النوم.. بدأ يؤنب حاله لأنه لم يشعر بما تمر،، هو يقرأ كثيرا عن فترة الحمل والولادة حتى يعرف اشياء تساعده
عند مرام وعمر
هو ريان دخل قال هيصحي نغم ودخل ماخرجش ليه.. نظرت إليه مرام بقولك ياعمر:
خف ياحبيبي على ريان أنت عارف مراته حامل فبلاش عينك عليه
ضحك بقوة عليها حتى دمعت عيناه:
شوفي البت اللي خايفة على اخوها وخايفة من عيني لا احسده
: رفعت حاجبها وأردفت:
انت ناسي يوم الفرح ياحبيبي لما فضلت تنق عليه وفي الاخر الليلة انقلبت عليه
_كدا يامرمر وأنا اللي بقول انتي غير الكل
ضربته بخفة.. انت عارف إنك حب عمري كله بس بلاش اخويا
ضمها بقوة لأحضانه: بقولك ماتيجي نلعب عروسة وعريس زي ريان ونغم
ضحكت بخفة عليه: بس انا مابحبش اللعب ياحبيبي
اقترب اكتر حتى لم يبق غير انفاسهم فهمتك طبعا ياحبي… انتي مابتحبيش اللعب بس بتحبي الجد وماله تعالي وأنا كمان بحب الجد جدا
وضعت يديها على شفتيها عندما اقترب ليقبلها
: عيب ياعمر على فكرة انت مش محترم كل شوية مش وراك غير كدا مفيش حاجه تانية
وقف فجأة ثم جذبها بقوة إلى أحضانه: انتي بتقولي ايه يعني زهقتي مني قبل مانتجوز ثم فكر قليلا لا انا كنت فاهم غلط انتي عايزة حاجة تانية ثم رفع ذقنها مش دا قصدك
بدأت تتوتر: لا ياعمر مش دا قصدي احنا فرحنا بعد كام يوم يعني سيبني عشان استعد لكدا ماتضغطش عليا كل مابتقربلي بتوتر أكتر وأكتر
نظر إليها بغموض للحظات ثم استدار وخرج مردفا: مكنتش أعرف قربي بيوترك كدا
اوف اوف يامرام ايه اللي هببتيه دا وبعدين في حالتي دي أنا بقيت متوترة اوي كدا ليه من ساعة ماعرفت ميعاد الفرح
دخلت غرفتها وأغلقت الباب تحاول ان تهدأ من روعها… اما بالخارج ظل جالسا
بعد فترة
خرج ريان لشرفته وجده يجلس بهذا الشكل
نظر إلى نغم التي كانت تنام بعمق… دخل حمامه وقام بالاغتسال وتوضأ وصلى صلاة العشا وخرج بهدوء عندما وجدها تستغرق بالنوم
جلس بجواره: قاعد كدا ليه
نظر اليه ساخرا: ريان باشا حمدالله على سلامتك ياراجل دا كنت بدات انسى انكم هنا
دفعه بقوة حتى سقط على جنبه: ماتحترم نفسك يالا مركز معايا ليه، شوف نفسك ياحبيبي دا أنت عريس بعد كام يوم
تسطح على العشب ونظر إلى السماء
والله في دي ياريو ماعتقدش طول مااختك الهبلة مكسوفة مني
تسطح بجواره: أختي الهبلة ومكسوفة منك ليه أنت عملت ايه دا أنا لسة قفشكم قال مكسوفة امال لو مش مكسوفة كنت هتعمل بس عملت ايه صحيح
: ولا حاجه بقولها تعالي نلعب عروسة وعريس زي ريان
جلس ريان سريعا وبدأ يضربه: انت يالا مش هتحترم نفسك خالص عمر شويه وهبعتك فلسطين اه والله اهو تقعد مع المجاهدين تحرورونا القدس ياحبيبي، بدل ماانت مش وراك غير اللعب، ابعد عينك عني اصلي احقق رغبتك والله
ضحك عليه عمر: طيب والله لألعب عروسة وعريس ومع اختك
ظلا يضرب كلا منهما الاخر مع بعد مزاحتهم
استيقظت نغم وسمعت أصوات ضحكاتهم وقفت بهدوء واتجهت إلى الشرفة ونظرت إليهما
سعدت عندما وجدت سعادتهما تصل عنان السماء
دخلت اغتسلت وأدت فرضها ثم توجهت إلي المطبخ وجدت الطعام الذي احضره عمر وهو عبارة عن سي فوود.. قامت بتحضيره ووضعت بعض الأطعمة الاخري التي جلبها ريان.. ثم اتجهت إلى غرفة مرام وجدتها تجلس وتقوم بالرسم
دخلت إلى مكانها: مرمر بتعملي ايه
نظرت إلى الصورة كانت صورة طفل رضيع تحمله نغم وبجوارها ريان يضمها من خصرها
حضنتها نغم بحب وأردفت سعيدة: حبيبتي تسلميلي أنا بحبك اوي..
مش كنت عايزة تشوفيها إلا لما تخلص
_طيب سيبي كل حاجة أنا نفسي مفتوحة اوي على الأكل مبقدرش اقاوم السي فوود اللي انتوا جايبنه وخصوصا الجمبري يووه لسه هحكي تعالي عشان ناكل
فركت يديها: لا مش عايزة ماليش نفس بالهنا
رفعت رأسها بمعنى مالك؟؟
: اتخنقت مع عمر نغم انا خايفة ومتوترة من الفرح
_جلست نغم وربطت على ظهرها: الكلام دا تقوله واحدة مخطوبة لأي حد مش حبيبها اللي بتحبه وبعدين انتي خايفة من ايه ياعبيطة من عمر
انتي ناسية انه الحب كله
_يعني انتي مكنتيش خايفة يانغم كان الموضوع عادي
اخرجت تنهيدة عميقة: أنا يمكن توترت شوية في البداية من ساعة ماقرب الفرح بس للأسف كان هناك اللي يهدني بلاش افتكر أنا مافرحتش زي أي عروسة يوم دخلتها للأسف… بس مش معنى كدا اني كنت خايفة من ريان بالعكس كنت بعد الدقايق اللي هيتقفل علينا باب واحد بس انتي عارفه اللي حصل
فكري بفرحتك بحبيبك وبس يامرام هو أنا اللي هقولك
قبل قليل صعد ريان إلى غرفته ولكنه لم يجدها توجه إلى غرفة مرام واستمع إلى حديثما.. وصل عمر لعنده واستمع هو كذلك
نظر إلى ريان ولم يعلق
ثم توجه للخارج
ذهب وجلس صامتا… عوضها ياريان البنت مهما عاشت لحظات سعادة بس عندها ليلة دخلتها بتكون غير
نظر بهدوء اليه: لتاني مرة الاسبوع اتصدم اني مقدرش احس بوجعها ياعمر
ربت على ظهره بحنان: نغم طيبة وبتحبك بجنون اي حاجة منك لو بسيطة بتنسيها حزنها عشان كدا حاول تمحي الليلة دي من مخيلتها
خرجت الفتيات إليهم.. نظرت مرام إلى عمر بهدوء علها تجد إذا كان غاضبا منها.. ولكنه ابتسم بوجهها ابتسامته التي تعشقها.. توجهت اليه وجلست باحضانه
بينما نغم توجهت إلي المطبخ كي تعد الطعام على المائدة… وصل ريان إليها وحضنها من الخلف
صحيتي امتى حبيبي
اتجهت اليه وضمته بكل شوق ولهفة
: صحيت من شوية جهزت الأكل جعانة اوي وقولت اكيد انت كمان جعان وكمان أنا مقصرة معاك حبيبي الايام دي، شوف عمر ومرام جايبين سي فوود وانا بعشقه وبدأت تتلذذ بشفتيها أمامه عشان كدا لازم ناكل دلوقتي حالا وكمان انت هتاكل كل الأكل دا كله
رفع ذقنها ونظر إلى عيونها:
لا انا عايز اكلك انتي ثم التقط كريزيته الخاصة ليتذوق عسلها المصفى
ظل لدقائق وهي تستمتع بقربه وعشقه اللامتناهي واخيرا وضعت جبينها على جبينه واردفت: وعشان كدا حبيبي لازم تتغذى كويس من الأكل دا
مش انتي حبتي الأكل دا يبقى انا كمان بعشقه ولازم اخلصه معاكي ثم غمز بعينيه بس مش مسؤل على اللي هيحصل بعده..
طيب ياله ناديلهم وبعد كدا نتكلم في اللي هتعمله
ضحكت عليه بسعادة من حديثه الوقح كما فسرته
بعد اسبوع يقف أمامها ويضع اماماه علبة كبيرة
ويقف بجوارها عمر ومرام ويضحكون عليه هتلبسي الفستان دا ومتخرجيش الا لما اجيلك
ماهو عمر ميكونش عريس وأنا لا، وكمان هنسافر معهم شهر عسلهم ما أشوف أنا ولا هو
_بس بقى ياريان متبقاش غلس
رفع حاجبه بغيظ_ والله أنا اللي غلس وهو اللي ملاك
ضحك عمر بصخب عليه: بتغيري يابيضة على العموم أنا معنديش مانع أنا ديمقراطي حتى الاقي حد اغلس عليه هناك
نظر اليه وضحك وماله ياحبيبي أهو هعرف وقتها انك ضبع
وضعت نغم راسها بحضنه خجلا من حديثهما.. وانسحبت مرام إلى غرفتها تنظر الى فستانها الذي احضره خصيصا من فرنسا على رغم أن الفرح بسيط
لم يوجد به غير الأقارب المقربة اليهم
وقفت أمام المرآة وبدأت تحدث حالها: اهدي يامرام دا عمر حبيبك ياله عشان تجهزي
بعد ساعتين
وقفت تنظر إلى مرام باعجاب بعد مااعطى الفستان والميك اب جاذبية لها . ماشاء الله حبيبتي طالعة زي القمر الله واكبر خايفة انك تتحسدي عايزة احطلك خرزة زرقة
ضمتها مرام إلى أحضانها _أنا بحبك أوي يانغم وبحمد ربنا إنك مرات اخويا يارب يسعدك حبيبتي دايما
قبلتها بحب على خديها _ويهنيك ياحبيبتي انتي كمان بلاش كلمات الحب دي سبيها لعمورك اللي قاعد تحت كل شوية يبص في الساعة
طيب روحي اجهزي قبل ماريان يرجع ويلاقكي مالبستيش.. اتجهت نغم للمغادرة ولكن اوقفتها مرام
: نغم البسي الفستان اللي جابه ريان عشان مايزعلش ومتفكريش في حد غير سعادتكم وبس عشان خاطري إلبسيه ومتخافيش محدش هيقول عليكي العروسة
اعطتها ابتسامة ثم خرجت متجهة إلى غرفتها
وقفت وبدأت تلمس فستانها وتتنهد بحب على هذا الرجل الذي أعطاها اكثر مما تتمنى
وقفت أمام المرآة تنظر إلى نفسها وعلامات الارهاق تبدو عليها خسرت كثيرا من وزنها.. وضعت يديها على بطنها تبتسم بحب وتتحدث كأنها تحدثه:
مش مصدقة تيجي وألمسك وأحضنك بعيوني أكيد هتكون نسخة مصغرة من بابا… هتعوضني عنه وهو مش موجود.. ثم دخلت و تجهزت
اصبحت كأميرة بعد لمساتها الخفيفة التي أعطتها كم هائل من الجاذبية..
بعد ساعة خرجت الى غرفة مرام تنتظر زوجها حبيبها.. دخلت وجدت مرام انتهت
نظرت مرام إليها: واو كدا أنا أغير يانغومة ينفع تخطفي مني الأنظار أمسكت بيديها واستدارت بها إلى ريان الذي كان يقف على باب الغرفة ينظر لها نظرة تخصها وحدها
اتجه اليها بهدوء ظلا ينظر لبعضهما البعض نسيا كل ماحولهما ضمها بقوة لأحضانه _ناوية تعملي فيا ايه تاني قلبي وخطفيها وعقلي وامتلكتيه وحياتي وغيرتيها… رفع ذقنها ونظر بحب لعيونها ثم اقترب واختطف قبلة سريعة ونسي ان مرام بالغرفة
اخيرا أفاق عندما دفعته نغم _ريان أنت بتعمل إيه مرام وراك
نظر لمرام الذي نسي أنه اتى لكي ينزل بها للأسفل حيث عريسها الذي ينتظرها على نار الشوق
ترك نغم واتجه إليها ثم ضمها: اسف حبيبتي والله اعذريني نغم نستني اسمي حتى ثم قبلها على رأسها: ايه الجمال والحلاوة دي خسارة في الولا عمر
وضعت رأسها على صدره: ربنا يخليك ليا ياحبيبي أنا مش زعلانة منك بالعكس أنا سعيدة أوي عشان سعادتك دي ثم رفعت رأسها ونظرت إليه دايما افرح واخطف سعادتك احنا بنعيش اليوم ومنعرفش هنعيش زيه تاني ولا لا
رفع ذقنها: دي أحسن اخت ولا إيه، ربنا يسعدك واشوف ولادك ملين عليا الدنيا ياقلبي الولا عمر غلبان براحة عليه يامرمر وأوعي تزعليه انتي اختي وهو اخويا مش توصلوني اني اختار بينكم اصلي هختار نغم بس ثم ضحكا معا
اتجهت نغم اليهما ثم سحبت مرام من أحضانه:
انا بقول كفاية أحضان لحد كدا وانزلي لجوزك ياعروسة
رفعت مرام حاجبها بغيظ: والله انتي غيرانة مني دا اخويا على فكرة
دخلت نغم إلي احضانه: اه بس هو جوزي وحبيبي ياختي… ضمها بقوة اليه عله يطفي لهيب شوقه إليها بعد ما رأها بهذه الطلة تذكر يوم فرحهما
نظرت إليه بحب: نزل مرام الكل مستني تحت
أخذ مرام واتجه بها إلى الأسفل وهي خلفهما ترفع فستانها الابيض الجميل الذي جعلها كاميرة
وصلت مرام والديها الذي ضمها بحب
مبروك يااجمل عروسة.. مبروك بنتي الغالية حبيبة قلبي ربنا يسعدك واشوف ولادك صغيرتي الغاليه توجهت والدتها اليها ثم احضنتها ببكاء: اه ياحبيبة قلبي امتى كبرتي بسرعة كدا وبقتي أجمل عروسة ابتسمت مرام لوالديها وعيونها تحجرت بالدموع قب ل محمود رأسها ثم نظر إلى عمر دي اغلى ماعندي ياعمر بديلك روحي وانا عارف إنك هتحافظ عليها .
. نظر عمر إليها وانبهر بجمالها
دي في قلبي وعنيا دي أغلى من روحي ياعمو ثم
نظر إلى عيونها وتحدث: الجمال دا كله ملكي لوحدي
ثم قبل رأسها بحب ثم رفعها واستدار بها مع تصفيق البعض
اخذها واتجه حيث مكانهما وبدأ بأخذ التهاني
بعد قليل وقف واتجه للرقصة العروسين
ضمها بقوة إليه: اخير هتباتي في حضني الليلة يامرمر وهشبع منك
توردت خدودها بحمرة الخجل: بس ياعمر انا مش مستحملة لو سمحت
رفع ذقنها ونظر لداخل عيونها: مرام انتي خايفة مني حبيبتي… اوعي تفكري مجرد تفكير في كدا انتي طفلتي وغاليتي
وضعت رأسها على صدره دون أي كلمات
بعد فترة انتهى الفرح وذهب كلا منهما لقضاء شهراالعسل في جزر المالديف
وصلا كلا من عمر ومرام وريان ونغم إلى وجهتم حيث كان كلا منهما يحجز منزل عائما في البحر
عند عمر ومرام
دخل عمر وهو حاملا لزوجته الحبيبة.. انزلها اخيرا ثم اتجه إليها وقبلها على شفتيها قبلة اودعت كم يعشقها ومالعشق إلا لها
رفعت وجهها إليه ورغم كلمات نغم إليها إلى إنها توترت من قربه هي تعشقه ولكن لا تعلم ماذا حدث لها عندما اغلق باب عليهما
_مرام بصيلي… رفعت عيناها وليتها لم تفعلها
أخفض رأسه والتقط كرزيتها لتفصله عن العالم اخيرا استطاع ان ينفصل بقبلته عنها:
تعالي حبيبي عشان نصلي جماعة عشان ربنا يباركلنا في حياتنا حملها وأخذها إلى الغرفة وهي تكاد تموت خجلا لم تكن تعلم أن مرام الجريئة التي اعترفت بحبها وواجهته ستكون هذه ليلتها الاولى معه بهذا التوتر والخوف
انزلها بهدوء ثم ساعدها على فك حجابها وقام بفتح سحاب الفستان وهي ترتعش داخليا.. فتحه لمنتصفه وخرج سريعا: أنا هغير برة وانتي ادخلي غيري فستانك
دخلت إلى حمامها اخذت شاور ولبست قميصها الابيض المخصص لهذه الليلة ونبضات قلبها سريعة
نظرت لنفسها في المرآة:
مش معقول يانغم اخرج كدا انتي اكيد اتجننتي دا انا مكسوفة من نفسي بيه… ولكنها تذكرت كلمات نغم لها عندما وصلت
مرام حبيبتي افتكري حاجة واحدة بس ان عمر داحبيبك واخوكي وابوكي وكل حاجة افتكري انك نصه التاني وهو كمان نصك التاني يعني متخافيش وحاولي تستمتعي بليلتك دي ليلة واحدة في العمر ياحبيبتي عيشها بكل سعادة الدنيا ثم قبلتها على خديها وخرجت
اخيرا لبست اسدالها وخرجت بعد اكثر من نص ساعة توجهت اليه وجدته يجلس وينتظرها
خطت ببطئ اليه _ياله ياعمر
أغمض عينيه متذوقا نغمة صوتها وهي تناديه بنعومة
قام وصلى بها وبعد فترة اتجه إليها ونظر اليها وحضنها بعيونه والقى دعاء الزواج
أمسك يديها متجها بها إلى فراشهما وقام بخلع اسدالها عليها بهدوء عندما وجدها ترتعش بين يديه
همس لها باذانها: حبيبتي متخافيش بدالك مش مستعدة خلاص عمري مااقدر ااذيكي أنتي روحى يامرام وعشقي انتي كل ماليا… نظرت إليه أنا بحبك اوي ياعمر بس معرفش متوترة ليه اعذرني حبيبي وهحاول أخرج من التوتر دا انا مش خايفة والله
قطع كلاماتها بفمه عندما قام بتقبيلها بهدوء مع كلمات الغزل إلى ان أخيرا استسلمت بقلبها وكيانها لمالك فؤادها واخيرا أصبحت زوحته قولا وفعلا
بمنزل ريان ونغم
وصل المنزل وقف وقام بفتح الباب ثم فجأة قام بحملها مع ضحكاتها الرنانة التي زادته هياما وعشقا
انزلها بهدوء نظرت حولها ووجدت أنه كعادته قام بوضع لمسات رومانسية لليلتهم
تعلقت بعنقه: هو أنا قولت لك قبل كدا اني بحبك وبموت فيك
لمس بانفه على وجهها بحنان ثم قال: ولا مرة ياحبيبي…. نظرت إليه ثم أمسكت يديه ووضعتها على بطنها: طيب دا جه ازاي بدل ماقولتهاش
: لا دا جه من دروسي ياحبيبي مش كلماتك
ضمها من خصرها ودخل بها إلى غرفتهما:
اعتبري النهاردة دخلتنا تمام هندخل نصلي وبعد كدا هعلمك درس جديد في عشق ريان لنغم
أمأت بعينيها بنعم ثم استدارت إليه كي يفتح لها سحاب فستانها… بهدوء قام بفتحه مع لمسات يديه إلى ظهرها مماجعلها تنصهر تحت يديه كأنه أول مرة يلمسها بهذا الشكل
: كفاية كدا انا هكمل انت قولت هنصلي
ثم اتجهت للحمام سريعا دون كلمات اخرى
بعد قليل انتهى بصلاته بها ثم جلس بها على الأرض واخذها داخل أحضانه وهو جالس _عارف ان ليلة دخلتنا كانت كلها وجع لينا بس عايز تنسيها تمام امسحيها أنا عارف أنه صعب بس حاولي عشان خاطري… مش أنتي ممكن عشان خاطري تعملي أي حاجة اردف بها بصوت مبحوح بالمشاعر ونظرة عشقه الخاصة بها
_قبلته قبلة ناعمة على شفتيه ثم وضعت رأسها في عنقه ملاذها في ايامها الاخيرة: لو طلبت روحي مش هتأخر
سحبها من يديها واوقفها ثم حملها واتجه بها إلى فراشهم _مبروك عليا أنتي ياروح ريان ودلوقتي لازم ريان يهدي روحه لحبيبة روحه ثم غاص معا بجنتهما الخاصة
صباحا عند عمر ومرام
استيقظ عمر وهو يشعر بكم السعادة الذي استحوذت كيانه نظر بحب إليها وهي نائمة.. تذكر كم كانت هادئة خجولة.. عاشقة لابعد الحدود في بعض الاوقات… قام برفع شعرها الحريري عن وجهها ونزل يلمس وجهها بشفتيه حتى ايقاظها لقد غلبه الشوق لمد سويعات فقط
فتحت عونها ونظرت إلى قربه الحميمي بخجل فكان لا يسترها سوى مفرش خفيف وضعت رأسها في الوسادة خجلا من نظراته وقربه لها:
صباح الخير يامرمر مبروك يااجمل عروسة بقيتي مراتي قولا وفعلا
بصوت رقيق اشعله اكثر: الله يبارك فيك حبيبي
تسطح بجوارها _ببلاش كدا انتي عارفة انا حلمت باليوم دا اد إيه… كنت متخيل انه مستحيل يجي بنام وبحلم بس إني اضمك لحضني واشم ريحتك
حتى بعد مابقيتي مراتي كنت بعد الليالي عشان توصليلي بسرعة… تعبت اوي عشان اوصل لليوم دا
وضعت يديها على وجهه بحب: أنا بحبك اوى يا عمر
لم يكن امامه غير ان يأخذها جولة جديدة ليغوصا مع بعضهما البعض في مملكة عشقهما الخاصة
بعد شهر
في منزل نبيلة
جلست مع همس: خلاص ياهمس هتسبيني كنتي مالية الدنيا فرح وشقاوة يابت عليا
ضمتها همس إليها وبدأت تبكي: أنا مش عايزة اسيبك ياماما والله خلاص مش عايزة اتجوز هتصل بمالك واقوله.
بس ياهبلة قال اتصل بمالك واقوله دا فرحك بكرة
وصلا ريان ونغم اليهما اسرعت همس وضمتها بحب اخوي: وحشتيني يانغوم دي كلها غيبة
جلست بارهاق واضح _معلش حبيبتي احنا سافرنا لندن عشان ريان يخلص شغله هناك وجيت اهو وقت ماخلص
نظرت والدتها إليهاباشتياق ثم الى ريان: تعالي في حضني ياقلبي.. هي مالها لسة تعبانة لسة بترجعي يانغم
:لا ياماما أنا كويسة الحمدلله
: انتي شايفة نفسك كويسة يانغم دي مابتكالش خالص وبعدين أنتي قولتي أول تلات شهور دخلت الرابع والحال بيسوء أعمل ايه مش عارف دبلت خالص
ربت نبيلة على يديه: هي شهور الحمل كدا ياحبيبي مقرفة معلش استحملها شوية
: استحملها دا لو طلبت روحي مش هتأخر بس أنا بتوجع علشانها
نامت على كتفه: خلاص ياريان أنا كويسه والله ياحبيبي… ضمها الى صدره بحب ولم يتحدث
جاء اليوم الموعود لكل من
فريدة ويوسف، مالك وهمس، أمل وعلي
فاليوم زفاف اجمل عرسان وعشاق
نظر يوسف بحب لفريدة: مبروك عليا انتي يااجمل فريدة في الدنيا… ثم اتجه اليها وحملها ودار بها
نظرت اليه بخجل: الله يبارك فيك يايوسف
_عايز اخطفك حالا مستعدة انك تروحي مع حبيبك امات بعينيها بنعم ثم أمسك يديها وتوجه إلى والده ووالدته: إحنا هنسافر على فرنسا دلوقتى
حضنه والده بحب: ربنا يسعدك حبيبي.. عايزك ترجع رافع راسي كدا واشوف احفادك قريب
خجلت فريدة من كلماته… جاء والدها وسلم عليها ثم استدار ليوسف مردفا بوجع: دير بالك عليها ياحبيبي وربنا يسعدكم دايما ثم قبلها على رأسها
جذبها يوسف وغادرا المكان بفرحة عارمة
عند مالك وهمس
رفع مالك ذقن همس ووجد دموع _مالك ياهموس انتي زعلانة عشان هتكوني معايا
: لا بس زعلانة عشان هسيب ماما.. مالك هو ينفع نأجل الفرح كمان سنة
رفع حاجبه بغيظ منها: نعم يااختي دا اعملك قتيل وبعدين الفرح خلص ياهبلة انتي مش عايزة تيجي مع حبيبك ياهموستي… نظرت إليه واردفت خائفة:
لا عايزة بس خايفة..
خايفة مني ياهمس فيه حد يخاف من حبيبه وعشقه خدرها بهمسه المهلك ثم اقترب منها وفجأة حملها وسار بها الى الخارج مع اعتراضها وضحك البعض عليه.
مالك هنروح فين دلوقتي وهتعمل فيا ايه
_هنروح فين يامالك هنروح فين… ثم نظر اليها بقول نروح نقضي شهر عسلنا ياروحي فين بقى دي مفاجاة وعارفة مين اللي عمل لنا المفاجأة دي
جوز اختك اه والله هو اللي حجز وقالي دي هدية مني لهمس… شوفتي ياهمستي عايزة تضيعي هدية ريان المنشاوي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وهم الحب)
