رواية وهل سيأتي جبر قلبي الفصل الحادي والعشرون 21 بقلم دينا النجاشي
رواية وهل سيأتي جبر قلبي الجزء الحادي والعشرون
رواية وهل سيأتي جبر قلبي البارت الحادي والعشرون
رواية وهل سيأتي جبر قلبي الحلقة الحادية والعشرون
في غرفة مريهان كانت تجلس وهي تسمع اغنيه وتدندن معها فجائها اتصال وعندما رأت الاسم علي الشاشه ابتسمت واجابت برقه مكنتش اعرف اني هوحشك كده؛؛؛
اتاها صوت يضحك من الجانب الاخر انتي فعلا وحشتيني محدش يعرف ماريهان الجارحي إلا أما تبقي دي حالته
ماريهان بابتسامه ترضي غرورها كـ أنثي هوا واحد بس اللي عوزاه واحد بس اللي محتاجاه يقولي الكلمتين دول
المجهول بسخريه الواحد دا عملك مفاجأة جامده!!!!!
مريهان بستغراب تقصد اي ؟
المجهول بنصف ابتسامه تعالي الشركه وانتي هتشوفي المفاجأة بعنيكي !!!!!
ماريهان بقلق من حديثه انا مش فاهمه حاجه ؟!!
المجهول بلامبالاه تعالي وانتي هتفهمي سلام ياروحي واغلق الخط
نظرت ماريهان للهاتف وهيا تفكر في قصده وذهبت مسرعه لتغيير ملابسها وخرجت
____
__في الشركه_
____ تحدث زين مع ياسين ليستعد للذهاب معه وصعدو الاثنين السياره وانطلقو لوجهتهم
ياسين بهدوء هتخلص كل حاجه النهارده
زين بجمود ملوش لازمه التأخير اكتر من كده كل حاجه بقيت في ايدي وجاهزه
ياسين بابتسامه طول عمرك مش سهل يابن الدسوقي
زين بنبره كفحيح الافعي هيا اللي لعبت خليها بقا تتفرج
وصل زين وياسين لوجهتهم
اهلا اهلا زين وياسين نورتوو الشركه
نظر له ياسين بهدوء ووأم له دون كلمه
زين بجديه اهلا خالد التهامي
خالد بابتسامه اتفضلو تشربو اي؟
ياسين بعمليه الورق جاهز؟
خالد بهدوء كله جاهز ونظر لزين ؛ وكمان اللي قلت عليه حصل واكيد هيا في الطريق وبعدها امسك بعض الاوراق ووضعها امامهم اخذ ياسين وزين كل واحد منهم ورقه والقوا نظره عليه وقام كل منهم بالامضاء عليها واعطي ياسين لخالد بعض الاورق وقام بالامضاء عليها.
زين بجديه كده الشغل هيمشي زي ما كان متحدد
وأم له خالد بالموافقه وظلو يتحدثون في امور العمل ويتفقون علي بعض الامور إلى أن قطع حديثهم دخول ماريهان وهيا تنظر لهم بصدمه!!!!
__
__في المنزل____
___ تجلس تقي وهي تفكر في كلمات مريهان وتحاول منع دموعها فاستمعت الي طرقات علي باب الغرفه فتنهدت بحزن ادخل
دخلت حور وهيا متوتره
تقي بستغراب مالك يا حور في اي؟
حور بتوتر تعالي معايا تحت
تقي بهدوء انتي متوتره ليه ؟
نظرت لها حور بتوتر وحزن اصل في حد لازم تشوفيه
تقي بستغراب حد مين؟
حور بتنهيده والدك تحت
تقي بصدمه اي؟
حور بهدوء تعالي هوا عاوز يشوفك
“””نظرت تقي بدموع لحور وبعدها نزلت للاسفل وقف والدها بحب واشتياق عند رؤيتها اما تقي نظرت اليه ودموعها تنزل بصمت””””
والدها بحب تعالي ياتقي
اقتربت تقي منه ونظر لها بحب ومسح دموعها اهدي ياحببتي دموعك غاليه عندي وقام بضمها وتقي ظلت تبكي بحرقه ابعدها والدها ومسح دموعها واجلسها بجانبه وأمسك يدها بحب أما حور فكانت تبكي علي صديقتها ووالدة زين حزينه لروؤية دموعها فهي تحبها كأبنتها
“”في ذلك الوقت كانت تقي تنظر لوالدها بحزن وبداخلها الكثير تريد قوله”””
والدها بحزن عارف انك زعلانه مني حقك عليا وحياتك عندي ما اعرف ان دا كله هيحصل انا مكنتش ناوي اسيبك اصلا وقررت افضل معاكي واحول شغلي هنا بس جالي اتصال ان في مشاكل ولازم ارجع حتي قبل انتهاء اجازتي ولما رفضت قالو اني بكده لازم ادفع الشرط الجزائي وتنهد بحزن والمبلغ كبير جدا ومكنش عندي حل غير اني ارجع بس مكنتش هعرف اسيبك لوحدك وامتحاناتك علي الابواب ومفيش حد ليكي في الدنيا غيري قلت اجيب واحده تعيش معاكي وتبقا كويسه استأمنها عليكي وناس رجحولي الست دي يوم ما جبتها وشوفت نظرت عنيكي ليا مقدرتش انطق ولا ااقول كلمه كنت عاوز اهرب انا غلط اني مفهمتكيش الظروف بس مكنتش عاوز اشيلك الهم ولما كلمتني وقالتلي انك متقدملك حد كويس وانك موافقه عليه وصديق في الجامعه استغربت لاني عرفك بتحبي دراستك قد اي قلتلها تحاول تقنعك متسيبيش الكليه ، ونظر لفتاته التي تبكي تاره وتنصدم تاره ….
فتنهد بحزن واكمل قالتلي انك مصره وانها حاولت تكلمك وللاسف انتي بتحبيه مقتنعتش بكلامها وحاولت اكلمك وادمعت عيناه بس انتي وجعتي قلبي ياتقي بعدم ردك عليا عارف يابنتي اني وجعتك بالي عملتيه بس مكنتش عارف اعمل اي ولا اسيبك لمين ومقدرتش افضل هناك بعد ما كلمتني تاني يوم عملت ورق السفر وكان هيخلص علي اسبوع حاولت اكلمكم تاني واعرفكم اني نازل مكنش في رد…
“””بكت تقي بحزن وقام والدها بضمها بحزن ودموعه نزلت علي ما حصل لجوهرته الوحيده “””
سمحيني يا نور عيني انا ظلمتك. لما جيت سألت وعرفت انها في السجن روحت وقابلت الضابط المسؤؤل عن القبض عنها وهوا فهمني كل حاجه حقك عليا مكنتش اعرف انها بني ادمه رخيصه وزباله كنت شايل هم سفري وقعدتك لوحدك
تقي بدموع وصوت مختنق انا قلبي وجعني اوي يابابا ياريتك قلتلي اي حاجه ولا انك تسيبني كده
والدها بحزن حقك علي قلبي يابنتي
__
__في الشركه _
___دخلت ماريهان المكتب وانصدمت عندما رأت زين وياسين
خالد ببتسامه واسعه ماريهان !!!! وأشار لزين وياسين وبعدها نظر لماريهان وبنصف ابتسامه ونظره ساخره اي رايك في المفاجأة ؟
ماريهان بصدمه ززين؟
زين وهوا ينظر لها بسخريه مفاجأة مش كده!
ماريهان وهيا تفتح عيونها بصدمه وتنظر لخالد تـ تقصد اي؟
بهدوء جلس ووضع قدم علي الاخري كده يبقا كش ملك
ماريهان وقلبها ينقبض خوفا وصوت عالي نسبيا ما تفهموني؟
زين بجمود ونظره قاتله= هفهمك انا!!
كده تقولي علي نفسك يا رحمان يارحيم عشان تبقي تلعبي مع زين الدسوقي مره تانيه واقترب منها والشر يتطاير من عينه مفكره اني معرفش انك اللي ورا انسحاب الشركه وبشرررر يظهر في نبرته لما قلتي تدخلي معانا في شراكه مكنتش مرتاحلك واحتجت خالد في خدمه وفهمته الدنيا وطبعا طلعتي زباله زي ما كنت حاسس وفهمني اللي طلبتيه وانا قلتله يعلن انسحاب الشركه بتاعتي لاني حبيت العب معاكي كويس وبغضب مكتوم كنت عارف من الاول انك هتلعبي لعبه وس*خه زيك وعملت حسابي لدا كله بس الصدمه كانت اكبر من دا كله طلعتي سبقانا كلنا بخطوه تستهلي عليها تسقيفه بس كانت حركاتك للاسف ملحوقه وطبعا اللي ركب كاميرات في مكتب خالد هوا اللي ركب كاميرات في مكتبي و كنتي ناويه تعملي نفس اللي عملتيه مع خالد وبكده تكوني ضربتي عصفورين بحجر واقترب منها بسخريه ونظره مشمئزه لان محدش يرفض عرض ماريهان المغري واللي بيه عملت شركتها وباستحقار عملتها بقزرتها بس للأسف خيبت ظنك لاني مش بشوفك غير جسم رخيص وبعدها اكتشفت حوار الكاميرات لاني متابع حركاتك كويس
وبسخريه الكامرتين اللي اتحطو كانو بيجيبو الغرفتين مع بعض وطبعا انا وصلتها بجهاز الاب وسجلت الفديو القذر اللي سيدتك عملتيه والكلام اللي بتقنعي بيه خالد انه ميمضيش مع شركتنا وتضمنيها لشركتك وبعدها تستخدمي الفديو دا لمصلحتك في تشويه سمعة خالد او ابتزازه بس من بعيد لبعيد ميعرفش مين ورا الكلام ده المهم انه هيوافق علي طلباتك ويعمل كل المطلوب قصاد سمعته اللي هتدمر وشركاته، بس للاسف خطتك كلها فشلت وبعد ما سجلت دا كله قدرت افصل الكاميرات وتبان انها عطل وكده خسرتي الكرت الربحان بتاعك وحاولتي بعدها تتقربي من خالد عشان صفقه كبيره زي دي هتنقلك ،
بس مكنش يعرف بحوار الفديو اللي اتعمله وزي الغبيه دخلتي بفلوس شركتك كلها عشان طمعك لغي عقلك ساعتها كنت فهمت خالد كل حاجه ووريته لعبتك الوس*خه وبكده كل حاجه راحت عليكي
ونظر لها وهوا يحرك يده بين خصلاته بهدوء امممم اي رايك ؟؟
اطلعها بكره للاسف اخرة الوس*اخه وحشه وبنبره خفيفه وحشة اووي
ماريهان بجنون يعني اي كل حاجه راحت مني؟ طيب والورق واتفاقنا ازاي؟ انتو بتهزرو صح؟
خالد بستحقار ااقل حاجه نعملها في اشكالك انا ايوه ساعدت زين علي كشفك بإني ااقول اني مش همضي مع شركته بس اكتشفت اني بساعد نفسي قبل ما ااقع بسبب واحده رخيصه زيك
مريهان بجنون وصوت عالي لاااا مستحيل انتو بتقولو اي؟ وهجمت علي زين وظلت تلكمه في صدره بكل طاقتها وزين لم يتحرك من مكانه بل ينظر لها بكره وبرود
طلب خالد الأمن وقام بسحب ماريهان وهيا تصرخ بجنون ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وهل سيأتي جبر قلبي)
