رواية وهل سيأتي جبر قلبي الفصل الثاني 2 بقلم دينا النجاشي
رواية وهل سيأتي جبر قلبي الجزء الثاني
رواية وهل سيأتي جبر قلبي البارت الثاني
رواية وهل سيأتي جبر قلبي الحلقة الثانية
في المستشفي استيقظت بتعب ونظرت حولها وصدمت عندما وقع نظرها علي الفتاتان اللاتان استمعت لحديثهم وقبل ان تسال كيف جاءت لهنا استمعت لصوت والدتها بجانبها وعيونها تملائها الدموع…..
حور حببتي انتي كويسه ؟! انادي الدكتور ؟
نظرت حور لولدتها وبهدوء انا …..بخير ياحببتي ونظرت للجميع بستغراب هوا اي اللي حصل؟
والدها وهو يجلس بجانبها ويضمها الي صدره……… وقعتي قلوبنا ياحور ونظر بتجاه الفتيات وتنهد لوهلة ستر ربنا لما اغم عليكي البنات جابوكي المستشفي واتصلو علينا من موبايلك وقلولنا عن اللي حصل
اردفت تقي بهدوء وهيا تبتسم لحنان والدي حور حمدالله على السلامة ياحوريه
حور بابتسامه……… تسلمي ياتقي شكرا ليكم واسفه اني تعبتكم.
استغربت تقي معرفت حور بـ اسمها لكنها لم تبالي وابتسمت بحب ولا تعب ولا حاجه المهم انك بخير ، ابتسمت حور بهدوء وتفهمت ان سبب الأغماء كثرة بكائها ، قطع تفكيرها دخول شخص يظهر علي وجهه الخوف…. حور حبيبتي انتي كويسه ؟ نظرت تقي ورحيل لبعض بصدمه
اما عند حور جلس ذلك الشخص بجانبها وامسك بيدها اي ياحببتي انتي كويسه؟ حور بهدوء كويسه وميت فل كمان
الف سلامه عليك ياحببتي الحمد لله انك بخير
حور …….. اشكر القمرات دول هما اللي جابوني علي هنا نظر بجانبه وقبل ان يشكرهم تحدثت رحيل باستغراب ……دكتور زين !!!!!
زين بهدوء…… اهلا رحيل …..اهلا تقي ….شكرا ليكم علي اللي عملتوه النهارده مش هنسالكم دا ابدا واتمني لو احتجتو اي حاجه مني متترددوش تقولولي
تقي بهدوء………… احم احنا عملنا اللي علينا مفيش شكر علي واجب هنستأذن احنا الف سلامه عليكي ياحور
حور بسرعه:…… تقي استني انتي ورحيل زين يوصلكم
تقي بهدوء……. مفيش داعي وقبل ان تكمل كلامها تحدث زين…….. اتفضلو هوصلكم مينفعش ترجعو لوحديكم..
كادت رحيل ان ترفض لكنه قاطعها بنظراته ………انا قلت اني هوصلكم يلاا بينا
صعد كل منهم السياره وانطلق زين في طريقه كانت تقي شارده وهيا تفكر في حنان والدي حور التي اشعرها بالحزن عندما تذكرت معاملة والدها وهذا الزين التي لاتعرف اي صله تجمعه هوا وحور فهي لم تلاحظ اي اختلاط بينه وبينها ابدا ، فاقت من شرودها وابعدت تلك الافكار عن راسها وتمتمت بهدوء الحمد لله ،،،،،،،،،
قام زين بتوصيل كل منهنا وبعدها غادر الي البيت لان حور كانت قد خرجت من المستشفى
############
عند تقي دخلت بيتها وهيا ترتعش من شدة الخوف تدعو الله الا تراها زوجة ابيها كانت تتسحب حتي لا تسمعها وقبل ان تدخل لغرفتها
استني عندك راحه فين؟
تقي وقد تجمدت مكانها ونظرت بتجاه الصوت…. انا انا انا ؟!؟!
زوجت ابيها بصوت عالي قد اخافه….. انتي اي؟ كنتي فين لغاية دلوقتي ؟! الساعه داخله علي خمسه المغرب :::::
تقي وها تحاول الثبات…… كنت في الكليه
لتقترب منها بغضب ترفعت يدها وتنزل بقوه علي وجه تقي ومن شدة الضربه وقعت تقي علي الارض بقوه وشعرت بطعم الدماء في فمها
وتحدثة زوجة ابيها بصوت علي كلية اي اللي لغاية دلوقتي !!؟ اي مفكراني نيمه علي وداني وقامت بسحبها من علي الارض وبصوت كفحيح….. الافعي لو عليا مكنتش مخلياكي معتبه باب الشقه بس ابوكي الحنين قالي اسيبك تروحيها بس يا انا يانتي رؤية انت خليتك تعتبيها تاني هشغلك خدامه او هجوزك وارتاح منك.
تقي ببكاء…… هوا انا عملت اي لكل ده ؟! انا مغلطش في حضرتك با اي حاجه.
زوجة ابيها بشر……… لان دا كله هيبقا بتاعي وبس البيت والفلوس كل حاجه هتبقا ليا.
تكورت تقي بخوف من مظهر تلك السيده فهي كانت تتحدث بطريقه توحي انها مريضه
#############
عند زين….دلف الي البيت وصعد لغرفت حور وقام بطرق الباب
حور بصوت خفيف…. ادخل
زين ببتسامه….. حوريه اخبارها اي ؟!
ابتسمت حور بحزن وأردفت ب ……..انا كويسه الحمد لله.
جلس زين بجانبها وقام بإمساك يدها مالك ياقلب اخوكي ؟ واي الحزن اللي في عيونك ده؟
حور محاوله مسك دموعها التي نزلت بغزاره مما ارعب زين عليها واقترب منها اكثر وقام بضمها اتكلمي ياحببتي قوليلي مالك؟!
تحدثت حور والدموع تخنقها .!!!!!!عارف يازين احساس ان يكون في ايدك نعم كتير بس انت مش شايفها وبعدها يجيلك احساس ان النعم دي اللي تعتبر الحياه بانسبالك خسرتها ووجعتك اوي واللي وجعك انها كانت في ايدك بس انت اناني ومحمدتش ربنا عليها احساس صعب اوي
استغرب زين حديث شقيقته لكنه لما يقاطعها وتركها تتحدث.
حور وهيا تنظر اليه والدموع تملأ عيونها …….النهارده عرفت قد اي ربنا بيحبني وقد اي انعم عليا بنعم كتير انا مكنتش شايفاها وقامت بضم شقيقها اكثر انا كنت وحشه اوي يازين وبزعلك بطريقتي وبالامبالاه بتاعتي ونفس الكلام مع ماما وبابا
زين وهوا يقوم بمسح دموعها ……انا مش عارف اي السبب ورا الكلام ده بس عاوز ااقولك اني عمري ما كنت زعلان منك ولا هزعل لانك بنتي واختي وان مدلعتيش عليا هتدلعي علي مين اما ماما وبابا مش هيشوفوكي ابدا بطريقه دي عشان انتي بنتهم واغلي واثمن كنز بنسبالهم مهما غلطتي.
اما بقا المريح في دا كله انك فهمتي ان عندك اثمن واغلي نعمه وهيا وجود عيلتك وناس بتحبك
حور بدموع وهيا تتذكر مأساة تقي وما تمر بيه
ليه يازين في ناس بتبقا محرومه من نعمه زي دي وفقدين الامان والحب ؟
زين وقد فهم ان هناك امرا قد أثر في شقيقته أوصلها لتلك الحاله ابتسم بحب ………ربنا بيبقي ليه حكمه في كل حاجه زي انه بيدي لشخص نعمه قطعها من شخص تاني بس عوضهاله في حاجه تانيه او اخر العوض دا شويه عشان كتبله الاحسن زي ما بنفضل نطلب حاجه معينه وربنا بيرزقنا الاحسن منها بعد صبر وطول انتظار لانه كان عاين لينا الاحسن في الوقت المناسب وبهدوء مسك يدها واردف ….لو علم العبد كيف يدبر الله له اموره لعلم يقينا ان الله ارحم به من امه وابيه ولذاب قلبه محبة لله يعني مهما حسينا اننا ضايعين والدنيا جايه علينا اوي مننساش ابدا رحمة ربنا يعني مهما داقت اوي هتفرج وبطريقه متوقعنهاش ودي بتبقا مكفئة صبرناشعرت حور براحه بعد حديث شقيقها …مقلتليش انت تعرف تقي ورحيل منين !؟
زين بتنهيده ……هكون عارفهم منين ياكتلة الذكاء انتي
حور وهي تضم حاجبيها لبعض اللاه مش هما اول ما شافوك استغربو ورحيل قالتلك دكتور زين وكمان لما شفتهم شكرتهم ب اسمائهم
زين وهوا يمسح بيده علي وجهه بصبر علي غباء شقيقته لما رحيل شافتني قالت اي ؟!
حور بستغراب من سؤاله:…… دكتور زين
زين……ودا معناه اي بقا يادماغ جزمه ؟
حور بغيظ….. وانا هعرف منين !!!!
زين…… وهوا يضغط علي شفتيه معلش ياحببتي نسيت ان غبائك معدي انا الدكتور بتاعكم في الكليه وعرفت اسمائهم لانهم من الطلاب المتفوقين عندي طبعا حضرتك معندكيش فكره عن المتفوقين والكلام دا لا سمح الله
حور وهيا تلعن غبائها فكيف نست ان شقيقها دكتورها في الجامعه لكنها المره الاولي التي تري فيها تقي ورحيل فبتسمت وهيا تحاول التهرب من الموقف.
شقيقها بتنهيده…… انا خارج تصبحي علي خير نامي كويس عشان هاجي اراجعلك اللي فات عليكي وتركها وغادر وهيا تفتح فمها بصدمه من كلمات شقيقها فهي لا تحب المذاكره ابدا وزين لن يتهاون معها.
## بعد مرور يومين ذهبت حور الي الجامعه وكانت عيناها تجوب المكان بحثا عن تقي وعندما كانت تنظر في كل الاتجاهات استمعت الي احد ما يضحك ورأها مالك ياحوريه بتبصي للمكان زي اللص كدا ليه ؟!
نظرت حور ورأها ووابتسمت بكسوف…… اي ده هوا انا كنت باينه اوي كده ؟!
تقي بابتسامه……. جدا جدا قوليلي بقا بتدوري علي اي؟
حور…… ببتسامه كنت بدور عليكي
تقي….. اخبار صحتك اي ؟
حور …. كويسه الحمد لله، اي رايك نروح نفطر مع بعض ؟! وبالمره زين هيشرحلي الدروس اللي فاتت مني وتستفادي انتي كمان
تقي بشك …..بس انا مش محتاجه اعيد علي الدروس.
مسكت حور يدها بسرعها …….لا عشان خاطري خليكي معايا دا ممكن يعلقني من هدومي لكن وانتي معايا هيكتم غضبه .
ضحكت تقي علي شكل حور وصدق احساسها انها تريدها حماية لها وبا بتسامه رقيقه ……ماشي ياحوريه هاجي معاكي بس المره دي بس .
حور بفرحه…….. كنت عارفه ان قلبك كبير ومش هاهون عليكي
تقي ……. مكنتش اعرف انك ودكتور زين تعرفو بعض!!!!!
حور………. زين يبقا اخويا ؛ بس محدش يعرف شكله ‘ كدا ياحبيبي متبري مني.
ابتسمت تقي لتلقائية حور وذهبو مع بعضهم
🥀🖤 امتلك عقلاً ناضجاً بما يكفي لاعتزل النّاس، لكنّي أملك أيضاً قلب طفلة تخافُ العُزلة، ممزقةٌ أنا و تائهة، بين نضوج عقلي و طفولة قلبي🥀🖤
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وهل سيأتي جبر قلبي)
