رواية وماذا بعد ذلك الفصل الأول 1 بقلم جنى هاني
رواية وماذا بعد ذلك الجزء الأول
رواية وماذا بعد ذلك البارت الأول
رواية وماذا بعد ذلك الحلقة الأولى
ماما ردي عليا ارجوكي ياماما
-اهدي يا ليله عشان خاطري هي ارتاحت من كل تعبها
-مش هقدر اكمل من غيرها ياخالتو مش هقدر أنا كل حاجه راحت مني مبقاش ليا اي حد كل حياتي باظت أنا بقيت ولا حاجه
– ياحببتي مرضها كان صعب هي ارتاحت صدقيني امك ارتاحت ياليله
انهارت من العياط وافتكرت اليوم اللي عرفت ان امي فيه عندها كانسر لحد تعبها اللي كانت مش قادره تستحمله والكيماوي وشكلها وكل مرضها لحد اللحظه دي اللي انا قاعده فيها دي والدكاتره بيقولو ان خلاص امي راحت مني ومش متخيله ان هبقي لوحدي
فوني صوت خالتو وهي بتقولي
– عرفتي ابوكي
انهارت من العياط اكتر
-ارجوكي اسكتي ياخالتو ارجوكي مش قادره اسمع سيرته مش قادره صدقيني ياخالتو لو لو عرف منك انا مش هقدر اعرفك تاني صدقيني
خالتو خدتني في حضنها وانا منهاره…غسلنا امي روحنا المقابر وخلصنا دفن وروحنا علي بيت خالتو وانا حاسه اني في حلم وخلاص هصحي اكيد خلاص قربت اصحي اكيد
-ليله في حد عايزك برا بيقول أنه زميلك في الجامعه
-هو كل الناس مشيت خلاص ياخالتو
-اه ياحببتي..
طلعت من الاوضه لقيت عمر ولقيت ياسين ابن خالتو واقف معاه
-ليله أنا كنت عايز اجي الدفنه بس انا لسه عامل دلوقت البقاء لله
-شكرا ياعمر اتفضل تعالي
حط أيده علي كتفي
-انا جيت اطمن عليكي وهمشي علاطول عشان اسيبك ترتاحي
-ماشي ياعمر شكرا
لقيت جوز خالتو جاي علينا بنظرات غريبه
-مين ده يا ياسين
رديت أنا عليه
-ده عمر زميلي في الجامعه
-اه اهلا بيك
-اهلا ازي حضترك أنا كنت جاي اطمن علي ليله وهمشي علاطول عايزه حاجه ياليله أنا هجيلك تاني بكره ومعاكي لو احتاجتي اي حاجه
-ماشي ياعمر شكرا
عمر مشي وجوز خالتو بيبصلي بشكل غريب
-مين الولد ده
-زميلي..ياسين ممكن توصل سيليا عشان خلاص الوقت اتاخر وهي لازم تروح
سيليا ردت عليا
-لا أنا هقعد معاكي انهارده أنا مش هقدر امشي واسيبك بالشكل ده سندتني ودخلتني الأوضه وخدتني في حضنها بدأت انهار من العياط وانا مش مصدقه كل حاجه حواليا
بعد مرور شهرين من وفاة ماما
______________________________
نزلت الجامعه وببص لكل حاجه كل حاجه ملهاش طعم من غير ماما كان بقالي شهرين منزلتش من البيت
– سيليا أنا مش قادره عايزه اروح
-تروحي اي ياليله الامتحانات قربت كفايه كده انتي لو طنط كانت موجودة مكنتش هتحب تشوفك كده خالص
سيليا سندتني ودخلنا المدرج لقيت عمر
-ليله أنا كنت عايزه اجي اخدك بس ياسين قالي أن هو هيجيبك
-اه ياعمر هو جابني انهارده ..شكرا ياعمر علي وقفتك جنبي
-شكرا علي اي انتي متعرفيش غلاوتك عندي
سيليا قاعده بصالنا
-طب خلاص بقي الدكتور دخل انت وهي في اي انا بغير علي صحبتي ياسي عمر
بصيتلها بتوتر
-في اي ده اخويا يعني
خلصنا اليوم وياسين جيه خدني من الجامعه وروحنا علي بيت خالتو
دخلت البيت ولقيت خالتو وجوز خالتو قاعدين مستنينا علي الغدا
-حبايبي يلا عشان تتغدو
-لا ياخالتو مش هقدر ممكن معلش تيجي ثواني عايزاكي في الأوضه
خالتو جت ورايا علي الاوضه
– في اي ياحببتي
-خالتو أنا خلاص قررت هرجع اقعد في شقتنا أنا مش هينفع اقعد هنا اكتر من كده
-مفيش مشي انتي عبيطه هتقعدي لوحدك وبعدين ياليله أنا مليش غيرك انتي اللي بقيالي من اختي وبعدين هو ياحببتي في حد بيدايقك هنا ده ياسين اللي متربي معاكو من وانتو صغيرين وجوزي اللي بيعتبرك بنته اللي مخلفهاش
بصيت لخالتو وانا عيني بتدمع
-مش عايزه اتقل عليكي ياخالتو
-تتقلي علينا اي ده انتي بنتي يابت انتي عبيطه
خدتني في حضنها
-طب يلا بقي فقرة العياط خلصت اوعي تقولي الكلام ده تاني سامعه
اليوم خلص ودخلت عشان انام بدور علي مفتاح اوضتي مش لقياه
-خالتو فين مفتاح الاوضه
-ماهو في الاوضه عندك
-لا أنا مش لقياه
-هدورلك عليه بكره خلاص نامي من غير ماتقفلي الاوضه بالمفتاح اي المشكله حساكي مش مطمنه يابنتي ده انتي ياسين اخوكي في الرضاعه وجوز خالتك ده ابوكي
بصتلها بتوتر
– ل ل لا ياخالتو مقصدش أنا بس اتعودت اقفل قبل ماانام
خالتو خرجت ونمت علاطول صحيت مخضوضه علي ايد بتلمسني
– ا ا انت بتعمل اي في اوضتي في الوقت ده بتعمل اي هنا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وماذا بعد ذلك)
