رواية وليا معاه حكاية الفصل السادس عشر 16 بقلم أميرة صلاح
رواية وليا معاه حكاية الجزء السادس عشر
رواية وليا معاه حكاية البارت السادس عشر
رواية وليا معاه حكاية الحلقة السادسة عشر
محمد: اخبارك اي يا حبيبتي..
الحمد الله يا بابا كويسه..
واخبار صحتك..
الحمد الله بومب..
اكيد ملانه م الاجازة..
اة واالله يا بابا بجد ممله اووي..
طب مفي حجات تعمليها ممكن تخليكي متحسيش بملل..
يااريت يابابا دا انا قربت اطق..
اخرجي مع صحباتك مثلا
روحي النادي
اتجوزي هههههههه..
ها ؟؟ ..
م الاخر يعني يا حبيبه انا حددت انا وحج مجدي معاد جوازكو انتي وحسام..
معاد اي ؟..
معاد جوازكو يا حبيبتي..
جواز مين..
انتي وحسام يا حبيبه..
دا ازاي يعني يا بابا..
يعني اي ازاي حددناه كمان شهر..
انتفضت حبيبه ووقفت ع سريرها : شهر ازاااي..
اي شهر قليل عليكي ؟
متخفيش كل حاجه جهزة متشليش هم..
يابابا ازاي هو احنا لحقنا..
طب انزلي بدل مانتي عامله زي القرود كدا..
نزلت حبيبه وقعدت مرة تانيه
..
دلوقتي يابنتي احنا عايزين نفرح بيكو ونشيل عيالكو واحنا كبرنا فقلنا بقه خير البر عاجله ونفرحكو انتو كمان ولو ع التوضيبات
متشليش هم
كل حاجه جاهزة والكتالوجات بتاعت الموبيليا هتبقي عندك بكرة تختاري منها بدل اللف
والشقه جاهزة وكمان اسبوع تبقي مفروشه وفساتين الفرح هتبقي عندك تختاري منها اللي يعجبك وكل دا عمك مجدي عايز
يعملهولك ومش عايزك لا تلفي ولا تخرجي ولا تتعبي نفسك..
طيب يا بابا انا..
انتي مالك.. ?
انا حسا اني مش جاهزة كدا..
ازاي يعني..
اني لسه صغيرة ع تحمل المسؤليه
دي كلها ولسه كمان ادامي الكليه..
ولا تشيلي هم الكليه مدبرة والبيت مش هتشتغلي فيه اد كدا..
بابا انا مش عايزة حسام..
اتغيرت ملامحة وقال :نعم.. ?
مش عايزة حسام وانا فكرت قبل كدا اقولك
وقلت يمكن الموضوع يجي من عند ربنا ويتفشكل بس شكله كدا لا
ومكنتش متصورة اا هتوصل للجواز..
امال كنتي متصوراها هتوصل لفين يا حبيبه..?
يابابا انا مش عايزاك تزعل انا اللي صبرني الفترة اللي فاتت اني مش عايزة ازعلك..
وانتي دلوقتي بتفرحيني..
ضغط ع نفسي كتير بس واالله ما قدرت..
وجايا قبل الفرح بشهر تقولي كدا.. !
ما حضرتك اللي استعجلت وكنت مفكراك هتشورني قبلها
مكنتش اعرف ان الموضوع هيمشي بسرعه كدا..
وانتي عايزاني دلوقتي اروح للراجل واقوله معلش يا حج بنتي غيرت رايها اصلها ضغطت ع نفسها ومعرفتش
انا كنت مفكرك اكبر من كدا يا حبيبه..
يابابا انا بس..
انتي اي عايزة تكسفيني ادام الناس قبل الفرح بشهر وعايزة تحرجينا ادامهم ونطلع مبنعرفش حاجه ف الاصول
لو حولتي تفرحيني مكنتيش قلتي اللي بتقوليه ده انما الظاهر
انا دلعتك والدلع جه ع دماغي..
يابابا..
بلا بابا بلا بتاع واعملي اللي انتي عايزاة انتي حرة..
خرج محمد من اوضتها وقعدت حبيبه تعيط ..
****
قعدو هما الاتنين يفكرو في الموضوع هل يضحو بنفسهم وعمرهم ولا يرفضو الواقع دا فقرر كل واحد فيهم قرارة …
خبط حسام ع الباب فرد مجدي : اتفضل..
دخل حسام وهو موطي راسه وزعلان..
بابا انا كنت عايز اقول لحضرتك اللي انت عايزة انا موافق عليه
انا عارف اني غلطت قبل كدا وعمري ماهقدر اكفر عن غلطتي بس لو جوازي من حبيبه ممكن يكفر حتي عن جزء انا موافق..
يبني انا مقدرش اخليك تعمل حاجه انت مش عايزها انت راجل ومالي مركزك كل اللي عايزة منك انك تعقل
وتفكر وتكبر مش اكتر بس..
خلاص يابابا حاضر..
ربنا يهديك لينا يا حسام ..
****
اعمل اي يا اسماء؟..
واالله منا عارفه اقولك اي يا حبيبه مش عارفه تفضلي ع موقفك وتزعلي بباكي ولا تحولي وخلاص..
أحاول ف اي يا اسماء دا جواز وحياه هو انا راحه العب..
خلاص بدل الفرصه جت ادامك خليكي ماسكه فيها..
يعني اقف ادمهم..
مش تففي انتي بس قولي رايك مش اكتر اصل احنا خلاص خلصنا زمن الابيض والاسود
والغصب ع الجواز دا
دي بقت موضه قديمه..
خلاص انا هخليني ع راي انا مصدقت اني قدرت اصارح بابا..
طب افرضي عمو زعل منك بزيادة. .
واالله منا عارفه اعمل اي بقه..
حولي تشدي وترخي
يعني فهميهم من غير زعل ولو لقيتي الموضوع كبير وفقيهم ع كلامهم وخلاص..
يعني اتجوز واحد مش بطيقه.. ?
انتي قولتي قبل كدا انك ممكن تضحي عشان بباكي بأنك تعملي اي حاجه يا حبييه وربنا قال عسا ان تكرهو شيئا وهو خيرا لكم االله
اعلم بكرة مخبيلك اي يمكن تحبيه..
ابداا لو اخر يوم في عمري واخر واحد ع الدنيا..
سبيها ع االله بس اوعي تشدي مع بباكي وممتك..
حاضر متقلقيش ان شاء االله..
ماشي يا حبيبتي سلام ..
سلام..
****
خبطت ممتها عليها ودخلت الاوضه..
ازيك يا حبيبه..
الحمد الله يا ماما اتفضلي..
مزعله بابا لي..
يا ماما واالله انا مقدر ع زعلكو بس بجد انا مش قدرة استحمل الموضوع دا..
ولي مصرحتنيش م الاول يبنتي ..
منا خفت لتزعلو وقلت يمكن اغير رائي بس مقدرتش. .
وجايا تقولي كدا قبل الفرح بشهر يا حبيبه..
يا ماما منتو مقلتوليش انكو حدتو الفرح ولا قلتولي اي حاجه بخصوصه هعرف ازاي بقه..
لا يا حبيبه احنا حتي لو كنا قلنالك برضو كان هيبقي رد فعلك هو دا
انتي بنتي الوحيده وانا عارفاكي..
انا عارفه اني غلطانه اني مقلتلكوش من الاول بس واالله يا ماما كل الفترة دي كانت محاولات مني ..
طب وبابا والناس وعمو مجدي كل دول مفكرتيش فيهم انا كنت مفكراكي بتحبي بابا عن كدا..
يعني انتي يا ماما ترضي اتجوز غصبا عني..
ومين جاب سيرة الغصب يينتي حسام انسان كويس
ابن ناس كويسين محترم وبيعملك كويس وبباه ناقص يشيلك فوق راسه هو ومراته عايزة اي تاتي بقه..
يا ماما حسا اني مش مرتحالو..
دا مش سبب يخليكي تسبيه ويخليكي تزعلي بباكي وتكسفيه ادام الناس كدا
يا حبييه.. فكري يينتي قبل ما تزعلي بابا وقبل متظلمي نفسك انا هسيبك دلوقتي ومتقوليليش ردك وفكري كويس..
خرجت امال وسابتها حيرانه
ياربي اعمل اي بس اوافق وادمر حياتي كلها ولا اقول لا وازعلهم هما عمرهم ما غصبوني ع حاجه ولا زعلوني
بس برضو مقدرش اضحي بحياتي كلها واعيش مع واحد زي دا يارب قويني ودلني ع الخير يارب..
****
جة الليل وكان امال ومحمد في اوضتهم خبطت حبيبه علي الباب ودخلت:
بابا ماما انا عارفه انكو عمركو ما غصبتوني ع حاجه وعمركو ما زعلتوني وانا واالله طول حياتي بحاول اسعدكو
وعلي قد مقدر بعمل اللي يفرحكو بس معلش انا مقدرش أكمل مع حسام انا اسفه..
بصتلها امال بدهشه كبيرة ولسه جايا تتكلم منعها محمد وخرجت حبيبه وقفلت الباب وراها..
مسك والدها موبايله
امال : انت بتعمل اي يا محمد
بتصل بالحج مجدي..
لي…
هو ايه اللي ليه
انتي مشفتيش بنتك قالت اي عايزاني اعلق الراجل اكتر من كدا ولا اي..
انا مقلتش كدا بس ع الاقل تصبر يمكن تغير رايها..
مش هتغيرة انا عارف..
طب استهدي باالله بس
وبلاش تتصل بيه علطول كدا..
مستهدي واالله بس مينفعش اسيب الراجل كدا
دا مبيعديش يوم الا وهو مجهز حاجه للفرح قومي هاتي دهبهم من بنتك ومتنسيش الدبله..
اتصل والدها بوالد حسام : ايوا يا حج كنت عايز اشوفك كمان ربع ساعه كدا
اة معلش ضروري
ماشي يا حج ف انتظارك في رعاية االله..
****
راحت امال وخدت علبة الدهب من اوضة حبيبه وقالت لحبيبه تقلع الدبله من اديها بصت حبيبه للخاتم شويا وبعدين قلعتها وجت
عشان تديه لممتها بس حست بشعور غريب كدا..
حست بشكة في قلبها بعد ما قلعته حست بقلق وحزن كأن الخاتم دا ساحب دقات قلبها معاه بس ايه الشعور دا هي مش قدرة تفسرة
خرجت والدا وفضلت حبيبه ف اوضتها عدي الوقت وجه مجدي واستقبله محمد
محمد: اتفضل يا حج..
مجدي: خير ف اي قلقتني..
خير ان شاء االله انا عايزك بس ف موضوع ومكنش ينفع اكلمك فيه ف التليفون..
وحط العلبه ادامه..
مجدي: اي دا يا حج محمد..
دي شبكت حسام..
منا عارف بس جيبهالي لي..
بصراحه كدا يا حج مجدي حبيبه غيرت رايها انا مش عارف بقولك كدا ازاي
ولا اي اللي انا بعمله بس انا بقالي شويا بحاول معاها وهي ركبه دمغها انت اخويا وانا ميرضنيش اعلقك واعلق حسام اكتر من كدا
دا كفايا التكاليف اللي انت بتتكلفها كل يوم انا قلت اعرفك قبل ما الفرح يقرب اكتر من كدا..
طب لي اي حصل حسام زعلها ف حاجه انا قصرت ف حاجه..
انت تقصر دا انت زين الناس يا حج..
امال ف اي..
سألتها بتقول مش مرتاحه
وبقلها فترة بتحاول بس معرفتش..
لا اله الا االله سيدنا محمد رسول االله ..
انا واالله ماعارف اقولك اي..
طب هي حبيبه فين..
ف اوضتها فوق بس انا حالف باالله لساني ما يخاطب لساا ابداا..
لا مينفعش هي مغلطتش ف حاجه دي كلها حاجات بتاعت ربنا
ودا نصيب بس انا كنت عايز اقعد معاها شويا..
من عنيا حاضر
امال اندهي لحبيبه..
لا قولها بس وانا هطلعلها اوضتها..
خبط مجدي علي حبيبه : اتفضل يا عمو..
كانت حبيبه واقفه ولابسه الازدال..
مجدي: ازيك يا حبيبه..
الحمد الله ازي حضرتك..
وحشتيني قلت اجي اشوفك اخبار الاجازة معاكي اي..
الحمد الله يا عمو تمام ..
طب اقعدي انتي وقفه لي..
حاضر ..
اي الاوضه الحلوة دي..
متشكرة دا من زوق حضرتك..
كل دي كتب انتي بتحبي القراءة ولا اي..
اة بقرأ ع ادي كدا..
وقراتي كل دول..
اة الحمد الله..
ودا يبقي ع ادك برضو
احلي حاجه فيكي يا حبيبه انك كل يوم بتفجأيني بحاجه جديده فيكي.
هند بنتي كانت كدا زيك
كانت جميله فيها منك كتير عشان كدا من اول يوم وانا حسك هي
عارفه يبنتي انا من اول ما اخترتك لحسام كتت حاسس اني بختار ليا
حاسس كدا اني هحتجلك اكتر من حسام كنت متاكد انك هتعوضيني عن هند انا عارف انك ممكن متفهمنيش او متحسيش باللي
جوايا بس انا طول حياتي بحاول اعوض نفسي ند تانيه وعمري ما حسيت ند تانيه غير فيكي ..
ربنا يخليك يا عمو دا شرف ليا
بس انا عمري ما سالت حضرتك ع هند ولا اعرف اي حصلها..
بصلها بزعل وبدأ يتكلم : هند كانت اصغر من حسام بسنه مكنوش بيسيبو بعض لحظه حسام من يومه كان راجل مكنش بيعتبرها
أخته كان بيعتبرها بنته مكنش ف اي ولد يجرأ يدايقها ولا اي حد يكلمها كان ف كذا ولد بيحاولو يدايقوهم
بس حسام مكنش بيديهم فرصه كانو بيحبو يلعبو دايما فوق السطح وكان هو واصحابه بينفسو بعض ام يقفو علي السور ويمشو
عليه ضربناه كتير اوي عشان ميعملش كدا
وعشان هند متقلدوش في يوم كان هو وهند فوق السطح هند حولت تقف علي السور طلعت انا بالصدفه وشدا وزعقتله قالي اا
قعدت تتحايل عليه عشان تطلع
فضلت معاقبهم شهر ميطلعوش
اول ما خلاص نسينا طلعو هما وصحام هند كانت عنديه اوي وكانت مصممه تعمل كدا تاني خلصو لعب وصحام مشو وبعدين..
سكت شويا
فسالت حبيبه: وبعدين ..?
قال وهو بيحاول يداري حزنه بابتسامة : وقعت..
طب ازاي يا عمو ولا اي اللي حصل..
منعرفش حسام فضل شهر عنده صدمه ومبيتكلمش ونسي خالص اللي حصل يومها..
طب واصحابه؟..
كلهم بيقولو ام سبوه هو وهند بعد ما خلصو لعب ..
يعني حسام معرفش ان اخته ماتت..
لا عارف وفاكر ولسه بيعاني م الموضوع دا لحد دلوقتي بس مش فاكر التفاصيل..
حست حبيبه ان في جزء مش مفهوم في القصه دي
او والد حسام بيحاول يخبيها
بس مرضتش تسالة ولا تتقل عليه وتخلية يحكي حاجه مش عايزها ..
مجدي: ماتت وهي عندها اتتاشر سنه كانت صغيرة ف السن اة
بس كبييرة اوي ف تفكيرها وعقلها
سابت فراغ كبير اوي عند ممتها وعند حسام وعندي
كل واحد فينا افتقدها بأسلوبه كانت كل حاجه عند حسام ومن بعدها وهو اتغير عارف انه ممكن حسام ميكونش كويس معاكي او
مفرحك زي بقيت الخطاب بس مفيش احن ولا اطيب من قلبه اساليني انا
اة بضغط عليه وبقسي عليه بس لمصلحته لانه مش هيبقي راجل غير كدا
اللي عايز اقولهولك ان حسام محدش يعرفه ادي وانا لو كنت اشك ولو لحظه انه ممكن يظلمك واالله يبنتي مكنت اتقدمت لبباكي ولا
فكرت حتي اني اجوزة.. لان بنات الناس مش لعبه
انما حسام قلبه طيب
هو اة اتغير بس نفسي تحطي ايدك ف ايدي ونرجعه حسام بتاع زمان انتي عارفه انا متمسك بيكي لي يا حبيبه..
لي .. ?
عشان انا حاطط فيكي امل ومسؤليه وعارف انك هتبقي ادها ..
يا عمو دي حاجه تفرحني بس مش انا لوحدي اللي مش عايزة
حسام نفسه مش عايزني..
عارف..
يعني حضرتك عارف وبرضو لسه عايز الموضوغ يمشي
دا انا مش عايزاة
ولا هو عايزني يبقي هنتجوز لي وبعدين حضرتك عارف ازاي هو قالك حاجه..
اة حسام كان راكب دماغه زيك وانا ضغط عليه بموضوع هند..
زي ما حضرتك بتضغط عليا بيه برضو ؟..
كدا برضو تقولي كدا يبنتي انا لو بضغط عليه بالموضوع دا وبفكرة بيه بيبقي عشان مصلحته عشان عارف انك انتي اللي هترجعي
حسام لطبيعته وعارف انه لو لف الدنيا كلهااا مش هيلاقي زيك ومش عايزة يخسرك
انما انتي بحكيلك دا وبقولك اسرارة عشان انا واثق فيكي وعارف برضو ان حسام هيرجعلك الثقه اللي انتي افتقتديها ف الرجاله
واالله يبنتي ما هتلاقي حد يسعدك اده مش بقول كدا عشان هو ابني لا عشان دا اللي انا شايفه بجد..
يا عمو بس احنا بنكرة بعض دا احنا عملين زي القط والفار..
وهو ف احلي م الحب اللي بيجي كدا متعرفيش المثل اللي بيقول مامحبه الا بعد عداوة..
سكتت حبييه شويا فحط مجدي العلبه ادامها..
بصي انا مش عايزك تتسرعي ولا تفكري اني بضغط عليكي
انا عايزك تاخدي وقتك وتفكري ف كلامي وتصلي
وتدعي ربنا يبينلك الخير ماشي يبنتي ؟..
هزت راسها وقالت: حاضر يا عمو. .
يلا تصبحي ع خير ومستنيكي تكلميني مع السلامه..
ابتسمت وقامت تسلم عليه وقفل الباب وراة
قعدت هي علي السرير
تدور الكلام في مخها وقررت تصلي ركعتين عشان ربنا ييسرلها الحال……
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وليا معاه حكاية)
