رواية وليا معاه حكاية الفصل الخامس عشر 15 بقلم أميرة صلاح
رواية وليا معاه حكاية الجزء الخامس عشر
رواية وليا معاه حكاية البارت الخامس عشر
رواية وليا معاه حكاية الحلقة الخامسة عشر
حسام كان قاعد هيموت م الغيظ ازاي الزفته دي تروح لوالده وتشتكي منه ازاي جتلها جرئه تعمل كدا
بس قرر ميطلعش ادامهم غلطان برضو
حبيبه بقه كانت بتجهز نفسها في اوضتها
جه حسام بعد ساعه بالظبط فضل يزمر جامد بعربيته
حبيبه : خليك كدا ملطوع واالله ولا معبراك زمر برحتك برضو مش نزله الا لما افرسك..
رن تليفوا وظهر اسمه كنسلت عليه
كان حسام شايط م الغيظ : واالله الغظيم امشي
وابقي شوفي مين هيعبرك..
نزلت حبيبه ع السلم كان حسام باصص الجهه التانيه
حس بحاجه بتشده يبص لجهة حبيبه كانت لابسه فستان اسود وع وسطه شريطه حمرا معقوده من ورا ع شكل فيونكا
لابسه حجاب ناعم لونه احمر وحطا عليه تاج صغير اسود وماسكة في اديها شنطة صغيرة مخصصه للحفلات لوا احمر لامع كانت
ماسكه الشنطه بأيد
والايد التانيه ماسكه بيها الفستان كانت بتعشق الاسود
وافضل رواياا
الاسود يليق بك
نزلت وركبت العربيه وحسام لسه مركز معاها وسارح فيها
مسكت باب العربيه وشدته جامد وقفلته انتبه حسام بعد كدا
حسام: اي يا هانم براحه ع الباب..
فتحت الباب وقفلته مرة تانيه..
حبيبه: سوري كان مقفول ع الفستان..
دا انتي مستفزة بجد..
ع نادي المهندسين..
انتي ركبه تكسي هو اي اللي ع نادي المهندسين..
االله بعرفك المكان
امال هتمشي كدا زي الاهبل..
احترمي نفسك بدل مالطشك قلم اطيرك..
خاف يا عيد يامي يامي يامي
بسرعه يبني عشان كدا هتاخر..
الست هانم مش عايزة طريق معين نروح منه..
لا لا مبشغلش نفسي بالحجات دي
المهم أوصل..
يارب ما تلحقي توصلي ويبقي قداء وقدر..
بعد الشر عني ان شاالله اللي يكرهوني يارب
وشورت عليه مشي حسام ف طريقه وفضلو ساكتين لحد ما وصلو
حبيبه : خليك قاعد مرزوع
قصدي مستني هنا لحد ما اخلص وابقي اجيلك..
هو اي اللي خليك؟
هفضل قاعد هنا ومدخلش؟
لي ان شاء االله..
اصلها خطوبه بناتي..
هو ف حاحه اسمها خطوبه بناتي ؟
امال الشباب اللي دخله مع البنات دي اي..
لا تلاقيهم بيوصلوهم بس..
طب انجزي عشان انا بتخنق بسرعه..
لا متقلقش علطووول ..
نزلت حبييه وهي بتضحك وكملت كلام : خليك مرزوع كدا وابقي شوف مين اللي هيجيلك يا عبيط..
دخلت القاعه كانت العروسة لسه مجتش شورولها صحاا فجريت عليهم
وفضلو يبوسو بعض
وقعدو يستنو العروسه سمعو صوت العربيات بوصول العروسه فقامو يستقبلوها وجريت حبيبه وقعدت مكان العريس
اسماء : اي دا انتي هتقعدي مكاني ولا اي..
حبيبه: لا يختي انا قلتلك هقعد مكان احمد..
اة لو كان كدا ماشي..
فقال احمد : انا لو مضايقكو يا جماعه ممكن امشي..
حبيبه: لا لا انا هسبكو النهارده سماح انما ف الفرح تعملو حساب كرسي تالت وسطيكو
اة انا بقولكو اهه..
ضحكو كلهم وقامت حبيبه
وقعدت اسماء
وفضلت وقفه جنبها
كانت اسماء مش عايزة تسيب اديها ولا حبيبه كمان بدأت الحفله
قعدو يرقصو ويهيصو
حسام كان قاعد ف عربيته وبيشوف اللي داخل
لقي كل الناس بتدخل
وكان خلاص صبرة نفذ فقرر يطلع..
حبيبه واقفه بترقص مع اسماء وصحبتها وفجاة لقت ايد بتشدها جامد..
حسام: حضرتك سيباني ملطوع تحت وقعدة تتمسخريلي هنا..
حبيبه وهي بتبص حواليها: ف اي ييني سيب ايدي..
مش سايب حاجه ويلا ادامي..
بصولها صحاا فكملت : حسام سيب ايدي الناس بتتفرج علينا
واي يعني خايفه ع شكلك ادمهم تحبي اخليكي نجمة الحفله النهارده..
لاحظت اسماء اللي بيحصل بنهم فقررت دي الوضع
اسماء : اي دا نورت يا حسام
انت مش عارف جيتكو دي بالنسبالي اي عقبال فرحك انت وحبيبه
اي هتفضلو وقفين كدا
يلا احنا عايزين نفرح..
شدت حبيبه من اديها وبعدا عنه
وخلت احمد يرقص مع حسام فضل حسام واقف دقايق وبعدين ساب احمد وراح يقعد..
اسماء: هو اي اللي جابه مش انتي قلتيلي مش هتجبيه..
غصبا عني يبنتي بابا جاله شغل
ومكنش ينفع مجيش
فكان هو الحاجه الوحيده اللي ادامي شوفتي قله ادبه وقلة زوقة..
خلاص خلاص حصل خير
انا عايزاكي دلوقتي تروحيلو.. بس اتكلمو براحه ومتتشكلوش
ولو عايزك تمشي اسمعي كلامه
انا كفايا اني شفتك
المهم ميعملكيش مشاكل..
امشي اي يا اسماء بس!
واالله دا لو مات هنا
منا معبراة..
طيب خلاص روحيلو وكلميه عشان خطري..
حاضر..
سابت حبيبه اسماء ومشيت ف اتجاه حسام
حبيبه: تعرف تقولي اي مشكلتك..
مش انتي بتقولي بناتي
امال فين دا ان شاء االله..
يا سيدي بناتي ولادي
انت مالك
انا وحده مش عايزاك تيجي معايا ولا تحضر معايا انا حرة..
لا حرة دي لما مكنش معاكي او لو مكنش ملطوع مستنيكي تحت..
خلاص لو مضيقك اتفضل وانا هتصل ببابا يجي يخدني..
يعني انا قاعد عشان خاطر عيونك انا قاعد عشان ببايا وبباكي طلبو مني اني اتزفت اوديكي واجيبك وانا مبحبش اطلع مش اد كلمتي
..
اشمعنه معايا بتطلع كدا..
انتي مين اصلا عشان اطلع معاكي كدا ولا مش كدا انتي صدقتي انك بني ادمه ولا اي..
عارف اي اللي بيخليني عادي لما اسمع كلامك دا
اني عارفه انك اصلا قليل الزوق فاي حاجه هتتقال منك عادي ..
طب قصري عشان موركيش قلة الزوق ادام صحابك ويلا عشان انا مش هقعد اكتر من كدا..
هو اي اللي يلا دي خطوبة صحبتي الوحيده يبقي امشي والحفله لسه مبداتش !
انا هقوم اقف معاها وابقي ارجعلك لما اخلص..
مش انتي عايزة تقعدي ؟..
اة..
يبقي مفيش قيام واقعدي زي منا قاعد كدا..
ازاي يعني..
يعني تفضلي قعده كدا زيك زي الكرسي..
هو اي دا
لا طبعا انتي بتحنسني يعني ولا اي..
شوفيها زي ما تشوفيها بس قوم مفيش ولو عايزة فضايح انا معنديش مانع..
بصتله بغيظ وهي مش عارفه تعمل اي لاا عارفه انه يقدر يعمل اي حاجه وهي مش عايزة تظهر ادام صحبتها بمظهر وحش
قعدت جانبه طوال الحفلة واصحاا بيشاورولها من بعيد ويضحكولها
لحد ما جت رقصة السلو الاخيرة ركزت معاهم وبصتلهم بحب
وهي بتتمايل مع الموسيقي وحسا بيها ومتخيله نفسها ف المكان دا
بس مع مين مش عارفه
بصلها حسام وهي سرحانه ف ملكوا نظرا دافيه كدا
لحد ما جة الشخص اللي كان معجب بحبيبه ومعاها في الكليه ووقف ادمها
..حبيبه ازيك..
بصتلة باستغراب وبصت لحسام : نعم ؟..
بقولك ازيك..
الحمد الله كويسه..
انا كنت عايز اكلمك ف موضوع كدا ممكن اكلمك دلوقتي لوحدنا؟
او لو تحبي نرقص مع بعض..
فتحت بوقها وهي مش مصدقه وقالت بصوت عالي : انت بتستهبل.. ?
وبعدين بصت لحسام وافتكرت اا ناويه تخليه يشيط م الغيظ
حسام مكنش عارف مين دا
ولا سامع بيقول اي من صوت الموسيقي
وبص لحبيبه وسالها: مين دا وعايز منك اي..
دا زميلي ف الكليه وعايز يرقص معايا..
يأي يا روح طنط؟.. !
يرقص معايا سلو..
بصت حبيبه لزميلها وقالتله : يلا انا موافقه..
كان جواها شوية حجات بتتشاكل لاا مش هتعمل كدا ومش عايزة ترقص معاه وفي نفس الوقت
عايزاة يتغاظ اول ما قامت وقفت
قام حسام ومسك اديها وقعدها مرة تانيه وضرب زميلها بالبوكس وقعه علي الارض
حسام: شايفها قاعده مع سوسن يا روح امك..
بص الناس اللي كانو جانبهم عليهم ولحسن حظ حبيبه
كان بقيه المعازيم مشغولين مع اسماء قام حسام وشدها من اديها وساب الحفلة
زقها جوا العربيه واتحرك..
حبيبه: انتي باي حق تعمل اللي انت عملته دا انت انسان همجي وانا لا شفت ولا هشوف زيك عجبك منظري ادام صحابي دلوقتي
ولا ادام الناس
ولا اسماء اللي مشيت من غير معبرها حتي..
كان حسام ماشي بعربيته بسرعه جدا
قعدت حبيبه تبصله وتبص للطريق ومسكت في ايد الباب : لو سمحت براحه شويا احنا كدا هنعمل حادثه..
كان حسام مغيب ولا كأنه سامع حاجه وحبببه خايفه فضلت تتكلم ومش لاقيه اي رد فعلا
فقالت : وقف العربيه يا حيوااان..
سمع حسام الكلمه دي ضغط ع الفرامل مرة وحدة
كانت حبيبه هتتخبط بس مسكت في العربيه علي اخر لحظه..
قالها حسام وهو بيبص إدامة : انزلي..
حبيبه : هو اي اللي انزلي..
انزلي وبقلهالك وانا ماسك نفسي بالعافيه انزززلي..
بصت حواليها كان المكان ضالمه مفهوش اي بني ادم او حته مبني
مش شايفه غير الأشجار في كل مكان وشكلها يخوف..
فتح حسام بابه ونزل
راح ناحيه حبيبه وفتح الباب وشدها وخرجها برة العربيه..
انت بتعمل اي..
قالتها وهي بتبصله مردش عليها وركب عربيته ومشي
مكنتش مصدقه اللي حصل
ازاي يسبها في مكان زي دا
بكل سهوله يرملها شنطتها ويمشي!
خدت شنطتها من علي الارض وهي بتعيط واتصلت بباها بس ملقتش شبكة في المكان قعدت تعيط اكتر وهي بتبص حواليها..
كان حسام بيبص في المرايه علي حبيبه وفضل يبعد لحد ما اختفت خالص
ضرب الدريكسيون بكل قوته
وقرر يرجع لما قرب لقي حبيبه قاعده علي الارض وماسكة شنطتها ولسه بتعيط وقف العربيه ادمها
حسام : اركبي ..
بصتله وهي قاعده :هو انت هتترلني بمزاجك وتركبني بمزاجك
مش راكبه وانا هتصل ببابا يجي يخدني وهما يبقو ليهم تصرف تاني معاك
نزل
حسام ورزع الباب : انتي هتتنيلي تركبي ولا امد ايدي عليكي..
انت كمان بتهددني لا دا انت مش زودا بس
دا انت عديت الحدود بمراااحل..
مسكها من دراعها وقومها من علي الارض وزقها جوا العربية
قعد يدور في العربيه مش عايزة تدور حاول مرة واتنين ومفيش فايده نزل عشان يشوف مالها ورجع
حبيبه: اي ؟.. !
حسام: هو ايه اللي اي مش حضرتك نورتي العربيه هيبقي ف اي يعني..
ولي متقولش ذنبي
وربنا بيخلصه فيك عشان تبطل عمايلك دي…
عمايلي انا ولا قله ادبك انتي
بصي انا مش عايز اسمع صوتك دلوقتي خالص عايزك متحسسنيش انك هنا ولو سمعته انتي حرة..
انا مبتهددش ع فكرة..
وانا مبهددش انا بفعل..
سكتو شويا وبعدين خرج حسام تليفونه عشان يتصل بحد يجي يساعده : مفيش زفت شبكه هنيل اي دلوقتي؟..
انت بتسالني انا..
امال اسال مين
مش شورتك وصحبتك اللي جبونا هنا انا كنت عارف
بدل اليوم فيه سيرتك يبقي اكيد مش هيعدي ع خير..
عربيتك هي الخربانه مدبسهاش فيا انا..
هي خربت اة
بس لما انتي ركبتيها طلعي تليفونك واتنيلي جربي اتصلي بحد يجي يشوف مصيبتنا دي..
جربت من شويا ومفيش شبكه..
جربي تاني مش هتخسي حاجه..
حبيبه بعد ما جربت: قلتلك مفيش شبكه برضو ..
ولا في زفت عربيات معديه..
منت اللي جبتنا م الطريق دا
ماكان في الطريق اللي احنا جين منو..
وهو حد يبقي معاكي
ويبقي داري باللي بيعمله برضو
واالله انتي اللي ورا المصايب اللي بنشوفها دي كلها..
افضل برر اعمالك كلها بالكلمتين دول..
اعمال اي واللي انتي عملتيه هناك دا كان اي..
انا اللي عملت
مش انت اللي ضربت الولد ووقعته ادام الناس..
من اي بقه كملي مش عشان جاي يرقص معاكي وانا قاعد..
وانت مالك يرقص معايا ميرقص دا يخصك ف اي
انت هتصدق انك خطيبي بحق وحقيقي ولا اي..
لا يا ماما انا مالي دي وانا مش قاعد معاكي انما يجي يخدك وانا قاعد
واالله لو كنتي سلعوة قعده جمبي
انتي مش قعده مع سوسن
وانتي قبله تحترميني وانا معاكي وانا مش معاكي لاما وربي وما اعبد هوريكي ايام لا شوفتيها ولا هتشوفيها..
اتنيل ع خبتك هو انت عارف تتصرف ف وقفتنا دي حتي..
من اي مش كل دا من تحت راسك اسكتي بقه بدل ما اديكي ع وشك..
النبي خفت..
بت انا مش عايز اسمع صوتك لحد ما نشوف اخرا..
خرج حسام وفضل يدور هنا وهنا
مستني اي عربية تعدي بس مفيش ولا عربيه عدت استسلم ودخل قعد في العربيه ورجع راسه لورا وغمض عينه..
حبيبه: اي داا انت هتنام؟
انتي شايفه اي..
هتنام ازاي
اتصرف اعمل اي حاجه..
اعمل اي يعني موبايلات ومبتتصلش عربيات ومبتعديش
ومفيش سريخ ابن يومين وجربت مع العربيه مليون مرة مفيش فايده تحبي اشتال العربيه ع دماغي واجري يعني..
خلاص نترل نمشيها..
نمشي اي يا متخلفه
هو كتر كلامك محسسكيش بالمسافه ولا اي وبعدين طريق زي دا ميتمشيش..
يعني هتنام وتسبهم قلقانين علينا ف البيت..
لو لقيتي حل تاني ابقي صحيني اتخمدي بقه. .
اتخمد فين ?
انا مش هنام انا هعرف اتصرف كويس..
فتحت الباب ونزلت
قعدت تدور علي اي حاجه
شافها حسام وهي بتلف وقفل باب العربيه
بعدها سمعت حبيبه اصوات غريبه خافت وقررت ترجع
حاولت تفتح الباب مش راضي كان حسام مرجع راسه ومغمض عنيه
قعدت تخبط علي الباب وتبص وراها وحواليها
حساام افتح يا حسام..
مش بتقولي هتتصرفي فرجيني..
افتح باالله عليك..
هتبطلي كلام وهتحترمي نفسك ولا لا..
هسكت حاضر بس افتح بقه..
وبالنسبه للادب ؟..
عايزني اعمل اي طيب..
اتأسفي..
نعم ؟..
اعتذري صعبه دي..
انا معملتش حاجه اعتذر عليها..
خلاص خليكي برة..
دا انت بني ادم مستغل..
هنغلط تاني ؟
خلاص خليكي برة..
لا خلاص خلاص هعتذر انا
انا..
ها هتيجي اهه..
انا
انا اسفه..
مممم مش حسسها كدا حسك بتقوليها من غير نفس..
نعم يا خوياا ؟..
هههههه ادخلي ادخلي..
دخلت وهي بتبصله بغيظ وبتستحلفله..
حبيبه: انت عارف انك كل يوم بتثبتلي اني رائي فيك صح..
هااا احنا لسه فيها
وممكن اطلعك تاني..
خلاص سكت اهه..
غمض حسام عينيه مرة تانيه وحبيبه مركزة حواليها
حسام: ممكن تطلعي ورا لو هتنامي..
لا انا كدا مرتاحه..
خلاص خليكي مرزوعه انا الحق عليه..
****
كان والد حبيبه وحسام ماسكين تليفونام وقلفانين
مجدي : اي يامحمد مفيش فايده برضو..
محمد: لا برضو مغلق انا مش عارف هما فين..
ان شاء االله خير..
ربنا يجيب العواقب سليمه..
لو اتاخرو عن كدا هتصرف بإذن االله متقلقش..
****
حبيبه قعده في العربيه بتحاول تنام لاكن قلقها مانعها
فضلت تدفي جسمها بأديها وكانت حسه
بالبرد من كتر الخوف
حسام كان نايم بس حركاا الكتير قيمته : متتخمدي يبنتي..
بردانه اعمل اي بس..
بردانه ازاي يعني
هو فين البرد دا
احنا في الصيف علي فكرة..
هو انت بتحس اصلا عشان تحس بالبرد..
طيب نامي بقه مش عارف انام منك..
يابني بقولك بردانه..
اعملك اي يعني اولعلك ف العربيه عشان تدفي..
مش بقولك متعرفش ف الزوق متعمل زي الشباب وتجبلي الجاكيت بتاعك
يا اخي..
وانا افضل من غير جاكيت لي ان شاء االله وعشان مين
عشانك.. !
ياباااي عليك
اتخمد مش عايزة حاجه..
قلع حسام الجاكيت ورماه في وشها ..خدي..
اة براحه هو ف حد يدي لحد حاجه كدا..
االله مش انتي اللي عايزاة..
قلتلك هاته مش ارميه ف وشي..
انتي هتتامري متلبسي وانتي ساكته..
هو احنا هنفضل هنا كتير..
لحد ما ربنا يسهلها ونلاقي حد يقطرنا..
ودا امته ..
دا لما ربنا يفرجها ..
تصدق انت معندكش دم..
انت هتبدأي تلبخي تاني..
انا كل ماشوفك لازم يحصلي مصيبه..
المفروض مين فينا اللي يقول الكلام
دا ان شاء االله دا كل اللي انا فيه دا من تحت راسك انتي
حتي مش عارفه تخلصينا م الورطه اللي حطتينا فيها..
ومتخلصناش انت لي..
انا قلتهالك قبل كدا مش انا اللي هفشكل الموضوع..
خلاص متقولش بقه مصايب وغيرة لاني انا كمان مش هطلع ادمهم اللي مفشكله الموضوع..
يبقي تستحملي اللي هيحصل
بباكي وببايا نوين يعملو الفرح قريب يعني هتيجي ع دماغك لو عليا انا ولد مفيش حاجه تعبني انما انتي بنت وهيبقي اسمك مطلقه
فكري يبنت الناس عشان انا مش مضرور..
بصتله بقلق شويا وبعدين شافو ضوء عربيه فترل حسام جري
وقفت العربيه ونزل منها والده ووالد حبيبه
وقال مجدي : حسام ؟!! اي اللي حصل .؟..
حسام: بابا ؟؟؟؟!!
العربيه عطلت وجربنا نتصل بيكو كتير بس مفيش شبكه..
مجدي: احنا مسبناش حته مدورناش عليكو فيها ودورنا ف كل الطرق اللي بتوصل للبيت والقاعه..
محمد: بركه انكو بخير يبني
متعرفش كنا قلقانين عليكو ازاي
انتي كويسه يا حبيبه..
اة يا بابا الحمد الله..
مجدي: طب يلا
واقفل العربيه يا حسام وبكرة الصبح نبقي نجيب حد يقطرها..
ركبو كلهم العربيه وقعدت حبيبه وحسام في الكرسي اللي ورا
كل واحد كان بيبص في الشباك اللي جانبه حبيبه بتفكر في الكلام اللي حسام قاله وازاي هتكون هي الوحيدة المضرورة بالموضوع دا
كانت لسه لابسه الجاكيت بتاعه
ومش فاكرة اا لبساه وصلو بيتهم واستقبلتها امال
وسلم مجدي وحسام علي محمد ومشيو دخلت اوضتها وقعدت علي سريرها تكمل تفكير وافتكرت جاكيت حسام فضلت مسكاة
شويا وبعدين حطته بعيد
وصل حسام البيت وطلع اوضته وبدأ يغير هدومه وافتكر الجاكيت بتاعه
بعدها غلب عليهم النوم واستسلمو ونامو..
……
كان مجدي قاعد علي الكرسي في الريسبشن سمع صوت باب البيت فبص :
حسام ؟
تعالي يا حبيبي عايز اتكلم معاك شويا..
خير يابابا اتفضل..
عايزين نطمن بقه هتفرحونا امته..
ازاي يعني..
يعني نحدد الفرح ع يوم كام..
ولي مستعجلين كدا انا وحبيبه لسه مخدناش ع بعض اوي..
يبني انت عارف تطويلت الخطوبه بتجيب مشاكل
وانا نفسي افرح بيك بقه واشوف ولادك..
طيب مقلناش حاجه بس دلوقتي بدري اوي دا انا حتي مش هلحق اجهز نفسي. .
تجهز نفسك ف اي شقه وخلصانه موبيليه واسبوع تكون مفروشه والشغل انا هعرف اخدلك اجازة منه ف اي تاني..
بصراحه كدا يابابا انا مش حاسس ان حبيبه ممكن تبقي مراتي
او اللي تكمل معايا حياتي..
انت بتقول اي يبني..
واالله انا حولت وحولت كتير
بس مش حاسس نفسي معاها..
وانت هتحس نفسك امته ان شاء االله لما تكبر ويعدي عليك العمر ولا لما احنا نموت انا فكرتك عقلت يا حسام الفترة اللي فاتت بس
شكلك لا عقلت ولا زفت..
يا بابا دي حياتي وانا اللي هعشها يعني هعمل اي لو فضلت مش متقبلها تبقي مراتي..
وانت كنت دمرت حياتنا قبل كدا لي.. !
قالها والده فبصله حسام بزعل ومعرفش يقول ايه : انا انا. .
انت اي يا حسام انا كل ماقول انت عقلت وننسي الموضوع
تفكرني وتثبتلي انك انت كمان مش عايز تنسيني حرام عليك يا حسام انت زعلتنا مرة متكررهاش تاني لاني مش هسمحلك..
طلع مجدي السلم وهو زعلان وفضل حسام مكانه..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وليا معاه حكاية)
